_ماهر حبيبي يلا اكعد راح تتاخر على شغلك...
كعد ماهر مثل كل يوم على صوت حبيبته...سحبها لحضنه..
_صباح الخير قمري...
_صباح الورد حبي ...يلا راح تتاخر وكعدو الجهال ولازم اودي أنيا لماما حتى اروح للدوام وانت تاخذ الياس للمدرسه.يلا كلبي ....كملت مريم حجيها ووكفت تسحب بايد ماهر ....
_ماشي يكلبي...بس انتي لاتنسين نفسج حامل يكلبي وبعدج بالبدايه لتعبين روحج...
مدت مريم شفتها دليل على زعلها ..
_اوف لتذكرني غدرتني وخليتني احمل ...
حضنها من ضهرها....
_ولج اكو احلى من الجهال ...
_ابتسمت وهي تجاوبه...
_اني مااكره الاطفال حبيبي ...بس ردت آنيا تكبر وتفوت للروضه يلا ...بس مااكول غير الحمد لله..
_يستاهل الحمد حبيبي ....باوع على الساعه يبووو اتاخرنا..
_مو كتلك...
راحت مريم اتجهز الريوك والجهال وتجهز جنطه صغيره لبنتها آنيا الي عمرها ٣سنوات والياس عمره ٨سنوات لان جانو ناجلين الخلفه ببدايه زواجهم لحد ماكملت مريم السادس وسنتين المعهد الطبي هي هسه دوام بالصحه...وماهر الي دوم جان ساندها وحاليا صارلهم سنه عزلو واخير خلصت مريم من عمتها الي زادت بمشاكلها ورا وفاة زوجها ابوماهر وجدهم بحادث سيارة كبل ٣سنوات...ولحد ما ماهر دبر اموره وامور اهله قرر يعزل عنهم وورا مشاكل من امه على انو انت تمشي بحجي زوجتك بس ماهر جان يعرف بسوالف امه من هناء والي ابد مريم مشكتله وهالشي خله ماهر يزداد بحبه واحترامه الها وقرر يريحها من الهم ...بس مدرى بهالخطوه فتح على نفسه باب الجحيم الي راح يدمره ويدمر عائلته .......
**********&&&&&&********
_صباح الخير يمه...
صباح الورد بنيتي ....ليش كعدتي من وكت اتمددي على ضهرج لاتخسرين هالطفل هم لاسمح الله حجت جواهر هيج ويه زوجة ابنها رياض الي صارله ٦سنين متزوج من بنت جيرانهم بنت ابو عيسى بنيه محترمه ومؤدبه هو مجان يفكر بالحب وهالشغلات مجرد قرر يتزوج وجواهر عرضت عليه هالابنيه ورا ماشافها ماينكر عجبها شكله لان هي حنطاويه وملامح مقبولة هو بس جان يريد بنيه من عائله محترمه والحمدلله فعلا محترمه وبنت اصول وكايمه بواجب البيت وحتى من يجون خواتهم واخوانها تحطهم على راسها بس مشكلتهم الخلفه الاطفال مايثبتون ببطنها وحاليا رياض ميحجي وياها لان الدكتور حذرهم اكو خطر على حياتها بس لان تريد تفرح كلب حبيبها الي حبته بعد معاشرته ورا كل طفل جان تخسره تطلب منه يتزوج بس هو جان يحبها ويحترمها فيرفض ويعصب عليها وهذا رابع طفل مهدد بالاسقاط ومهدد حياتها هم ...كلما يكبر ببطنها نسبة بقائها بالحياة تقل وبنفس الوقت رياض يفقد الامل ويه كل يوم جديد ....
_صباح الخير حبيبي ...
مجاوبها رياض وهي دمعت وحزنت لان رادت زوجهايداريها حتى لوتموت راح تعوف قطعه منها ذكرى اله واهلها وبالذات امها وابوها يوميه يجون ويتوسلون بيها تتراجع وطبعا بطلب من رياض يجون ويترجوها صح خايفين على خسارةبنتهم بس يعرفوها عنيده بس لخاطر رياض يوميه يجون... ويحاجوها حتى اخوانها ونسوانهم لان جانت ريماس
ورده وابد ماجانت صاحب مشاكل وهي جانت اخر العنكود بعائلتها الكل يحبها...
أنت تقرأ
بخت مريم
Randomللمرأة قيمتها العظيمة في مجتمعنا، حيث إنّ صلاح المجتمع كله يبدأ من قوة المرأة لأنّ لها فضل كبير في تربية الجيل القادم، فالمرأة هي القوامة في كل بيت، فهي التي توازن بين تقديم الحكمة وأن تكون صارمة بقرارتها، وبين أن تقدم عاطفتها وحنانها، وهي من تعطي ب...
