بخت مريم

البارت السابع

٢٠٠٤/١١/٢٦

اليوم راح اغلق ذكريات الطفولة وافوت لعالم جديد
عالم مااعرف عنه شي ولااعرف شراح اسوي ....عالم لازم اتنفس بيها بامر شخص...ويجوز هالشخص زين ويجوز لا....

اني مريم البنت الصغيره لعبدالله ....البنت الي مشافت حنان امها ...اتربت في كنف اخوانها وبالذات اخوها الجبير....واخواتها وبالذات سهام الي جانو يعتبروها الكل بنتهم مو اختهم ...بس جنت ويه عمار مناكر ..بس مع ذالك اثنينا نموت على بعض ....
دراستي هي اهم شي عندي بعد عائلتي ...طبعا من خلال البارتات السابقه عبالكم اني تصرفاتي تصرفات طفله ...بس احب اكول لاااا اني جنت هيج لان ادلع على اخواني ةخواتي اني عقلي كولش جبير ...وفاهمه الدنيا عدل ...واعرف امي شبيها بس ضليت محتفظه هالشي بداخلي واعرف ليش امي هيج قاسيه لان بيوم الكل جانو بدوامهم وسلوى جانت بالحمام ....جتي مرت خالي تطلب ايد سلوى لابنها محمد ....امي طردتها وخرطت الاول والتالي ....بس مع ذالك محبيت اكشف سرها ومابينتلها اني اعرف...لذالك دائما اعذرها لان كلش شي صعب ....ومن فترة شفت اكو شاب يلحكني بس مهمني لان هاي مو اول مره....بس من اجا طلبني اتخيلت اخواني راح يرفضون ولو متاكده ميكدرون يغيرون قرار امي اذا اخذت قرار بشي بس جان املي باحمد لان هو مره وكف كدامها وعزل عنا رغم رفض امي ..بس اتخلى عني ومراح اسامحهم ابد البارحه رحنا نشتري ذهب وشفته هو شكله حلو وانيق بس اني اريد اكمل دراستي بدون هم زوج وهم العيال ...

_شلونج مريومتي..

رفعت حاجبي ومجاوبت..

_شبيج انتي مو راضيه بهالزواج

كلت بكلبي بلكي احجيله واخليه هو يرفض وهيج ارتاح...

_هاا ..اتشجعت وكملت...بصراحه مموافقه....

انصدم ماهر وكمل كلامه..

_ليش اكو واحد ثاني...

عصبت مريم بس حجت بهدوء لاامها تسمعها..

_ليش ششايفني يوميه مصاحبه هو كلي عمري ١٦يمته لحكت احب ...

ابتسم. ..
_اسف مو قصدي بس عبالي...اتنهد وكمل زين اكدر اعرف ليش رافضه...

_اولا بعدني صغيره وثانيا اريد اكمل دراستي...

_امم عالعمر صح بيناتنا فرق ٩سنين بس وداعتج مراح اخليج تحسين بالفرق وصح عمرج صغير لان اريد بنيتي اكبرها على ايدي ..والدراسه اني ويه دراسة البنت وصدكيني راح اشجعج..

ارتاحت مريم نوعا ما من سمعت كلامه وتفهمه ...

_الله كريم..

_يعني موافقه هسه...

هزيت راسي بخجل...

_عيني ميصير تحجون هالكد وانتو بعده ماكو بيناتكم شي رسمي....

ضاجت جواهر من اسلوب ام ماهر.

_وليش عيني هياتهم كدامنا يعني شراح يحجون اكيد يتعرفون.