بخت مريم

البارت السابع عشر

 مريم الصبح راحت عليها نومه .....كعدت وهي مفزوعه من دمت الباب القويه وفاتت نوريه مثل الاعصار ....كعدي خاتون ...كعدي يسحاره ..
_خير عمه...
_عمه العماج كولي امين ...فزي عاونينا عالشغل احنا موخدم يم حضرتج ...
_ماشي عمه ..رادت تكمل فاتت جدتهم ...
_خير نوريه ...شنو حضرتج شرطة اداب وهيج اقتحمتي الغرفه ..
_كوه مريم كتمت ضحكها على حجي جدتهم ..
_ها عمه لامو تاخرت جيت اكعدها...كامت تمتمت...
_صباح الخير بنتي مو عوايدج...يلا كعدي وساعدي خياتج..
_صباح النور ....تدللين بيبي ...
_مايددلل عليج حاقد ..كملت جملتها وهي تباوع على عمتي ...نوريه لحكيني..وطلعت
_باوعت بحقد على مريم وطلعت...هزت مريم ايدها وراحت للحمام اتحممت وبدلت وهي لابسه دشداشه قديفه اخضر حشيشي مطعمه باسود وحجاب وكاب ...ونزلت صبحت عليهم...جانن مرت عمامهم كاعدات جاوبوها وهن راح للمطبخ لان يتساعدون بيناتهم ..بس ميحبون صحبه مرت حماهم سعد وحماهم. ..
بس ال٣نسوان الحما يكعدون يتسامرون ويضحكون بيناتهم..ويسوون كل شي سووا ...فاتت مريم لصالون شافت
ناء تنضف وهي صافنه وبالها مو يم الشغل ..لخذت منها المكنسه الكهربائيه ...وكملت عنها وهي لزمت وصله تمسح الطبلات والتلفزيون..ورا ماكملو كل الشغل ولمياء راحت تغسل هدوم اهلها....مريم سحبت هناء اما بنات عمهم البقيه فصفار بعدهم مدارس ابتدائيه لو متوسطه لذالك مبتعدات ومسويها احزاب نسوان الحما سوا والاطفال سوا والكبار سوا هناء الوحيده مجانت تقترب لاحد بس ورا مارجعت لعقلها لاكامت تتقرب من الكل حتى الصغار مرات تلعب وياهم بيت بيوت حتى لايحسون بوه وتساعد الي بالمدرسه بدراستهم حست حياتها هسه حلوة من حبت بنات عمومها وتساعدهم..وصلو لغرفتة مريم ..سحبتها مريم وكعدو عالجربايه ...
_يلااحجيلي وضعج مو عاجبني يولي..
وكانو هناء جانت منتضره احد يكللها شبيج ...طكت نمن البجي وخلال بجيها وهي تحجي طاهر شكللها يوم مشكلة نوريه ومريم....

_ياوانتي شعليج...
اتنهدت بحزن..
_طاهر عباله بعدني اريد ماهر..
_انتي تحبين طاهر..
_اكتشفت انو حبي جان لطاهر مو ماهر ..والاماجان كبل نسيته وحبيته هو...
_معناها خليها عليه ...
_شتسويين ...
_انتي معليج الج الصافي ..تقربت مريم وحضنتها وهي اطمنها راح يصير كل شي تمام...
نزلو جوا وحضرو الغدا قربت وكت رجعت الزلم وحضرو السفرة بالهول وكلما نوريه تمر من يم مريم ...اتهينها بالحجي ...وهي مادايره بال الها ..مثل مايكول اتجاهل عدوك تربح معركتك. .....
وصلو الزلم ...اول واحد ماهر كبل فات للمطبخ..شاف مريم وحدها دتحضر الجاي ...كبل حضنها من ورا..وهي خافت ...وارتبكت...
_عفيه ماهر وخر رح يجي احد..
_معليه اريد بوسه ..
_ماهر فدوة مو هنا ووعد بغرفتنا اسوي الي تريده ..
_لا يعني لا ..
كاطعهم صوت جدهم...
_يولي عيب مو كلتلك بغرفتكم ...
خجلت مريم ووجهها صار احمر ونزلت راسها وهي تتوعد لماهر لان حطها بهيج موقف..وماهر حك مؤخرة راسه لان خجل من جده ..وجدهم هزر راسه وابتسم وفات للهول...
ضربته مريم على صدره وهي تحجي بزعل .
_حلو الموقف الي حطيتني بيه هسه شلون اكدر اباوع بوجه جدو ...حطت الجاي عالنار ونصت النار وعافته..وهو مبتسم على خجلها...فات وراها والجد يباوع عليهم بمكر ويضحك ...وهم خجلانين منه...كملو الغدا والزلم كعدو بالصالون ينتضرون يشربون الجاي حتى يرجعون لشغلهم...
_مريومه عالعشا معزومين ببيت اخوج احمد..
_كيفت مريم ماشي حبيبي...
ابتسم على كلمة حبيبي وفات للصالون...
حجت نوريه..
،_صدك بنات اخر زمن وميستحون ...كدامنا تحجي كلام المفروض ينحجي بيناتهم...
-ليش يانوريه ...سبت لو شنو وشنو الي حجتها خلا برائتج تروح ..ابتسمو كلهم على كلام عمتهم ...ضاجت نوريه وراحت لغرفتها...
_درب الصد مايرد...
العصر اتجهزت مريم ولبست بنطلون شوي عريض وعليها شي طويل للركبه ...وحطت مكياج خفيف لان هي حلوة مجرد كحل وحمره ومسكارا تكفي يبرز وطهها الحلو ولو هي حتى بدون ذني بارز وجهها..بس من فات ماهر ...معجبه الي لابسته مريم ..لان هو ميحب البنطلونات وغلطته مبلغها بهالشي وكت الي تجهزت ..بس سكت ميريد يزعلها وهي فرحانه. ..
طلعو وودعوهم. ..حجت نوريه..
_على اخر الزمن ياماهر بعد ماجنت تمنع عن خواتك البنطلونات شو ماتحجي الي بصفك لابسته...
_نووووووريه ...حجه سعد بعصبيه.  ..هو ومرته انتي شكو..كامت نوريه بعصبيه وفاتت جوا...
وطلع ماهر هو ومريم...بس هو ضاج ومريم ولايمهما لان هي مجانت تدري والمفروض هو يكللها لان هي دائما هيج ستايلها...صعدو السيارة ...ولاتحاجو ومريم خلته على راحته..استقبلهم احمد وسولاف  احلى استقبال اخذت سولاف مريم للمطبخ وعافت الزلم ....راحت تكمل تحهيز العشا...
**********&&&&&&&********
بمكان ثاني ياسر الي كعد ويه امه حجتله كل شي من الي سمعه من خاله...وهي ويه كل حجي تبجي ...وتمسح دموعها ينزلون دموعها بدون اذنها....حجه ياسر وهو خايف من ردت فعل امه...
_يوم هسه عرفتي مرت خالو وجهالها مالهم ذنب..
__من زمان ادري يوم بس حقدي جان مالي كلبي ...وتدلل الي بخاطرك وكلبك راح تصير الك...

_صدك يوم...باسها وحضنها ...فات عبدالله..
_السلام عليكم. 
كام ياسر واستقبله بالحضن لان جان بالنجف...بس جواهر حاقده عليه بعد الي عرفت كل شهر شيسوي بالنحف..
_ماكو حمدلله عالسلامه يحبيبه ...باوعت عليه بعصبيه بس لخاطر ابنها سكتت..
_حمدلله عالسلامه اكوم احضر العشا ..كامت وفاتت لمطبخ..
_شبيها امك ..
ياسر عباله لان اليوم اتذكرت طفولتها...
_ماكو شي يابه واتجهز يبو احمد..عن قريب حنروح ونخطب بنت خالي
انصدم عبدالله..
_وامك مو افقه ...
_اي يابه موافقه..لحكها عبدالله للمطبخ..
_جوهرتي صدك موافقه على زواج ياسر ..باوعت عليه بحقد ..
_راح اتحملك بس هالينتين لحد ماازوجهم كلهم ووراها رلح اعوفك حتى تشبع من الك.. ال تتزوجهم طول فترات سفرك بالنجف..
فتح عبدالله عيونه عالاخر وكملت جواهر..
_بالله ماخجلت صرت جد وبعدك دور ك.... تجاهلته  وراحت تكمل العشا وهو واكف مصدوم بمكانه..راد يحجي وياها بس خجل وفات لغرفته وكعد عالجربايه وهو خجلان من نفسه ومن زوجته الي ابد مقصرت وياه بشي ....وعرف خلاص خسر جواهر  لان هي كل شي ولا الخيانه والجذب ..

_ خلاص امي وافقت ...قريبا وتصيرين الي ياروح وكلب يياسرر ..اوف صدك خلي اروح لبيت احمد واشوف مريومه..

_يوم انا رايح  لبيت احمد لان مريومه وزوجها معزومين هناك..
_ماشي واعزمهم وكلهم خلي يجون بعد يومين هنا..
_تؤمرين ام احمد..
_ضحكت على ابنها واول مره تشوفه هيج مكيف وفرحان كرهت نفسها لان جانت سبب زعلى جهالها فلذات كبدها ..وقررت راح تعوضهم ..هذا انطوها الفرصه..

*********&&&&&&******

وقال أحمد شوقي:

ليس اليتيم من انتهى أبواه من ** هم الحياة وخلفاه ذليلا
فأصاب بالدنيا الحكيمة منهما ** وبحسن تربية الزمان بديلا
إن اليتيم هو الذي تلقى له ** أما تخلت أو أبا مشغولا
إن المقصر قد يحول ولن ترى ** لجهالة الطبع الغبي محيلا
ربو اطفالكم عالمحبه والاخلاق الحميده تنفعكم في دنيتكم وآخرتكم  ..في دنيتكم لان يكونون اكبر السند لكم عند الكبر...واخرتكم لان كل فعلا خيرا يفعلوه يترحم لكم الناس على تربيتكم الصالحه..
يتبع ..
موعدنا ب١٢ متابعه ممتعه