بخت مريم

البارت الرابع

_جوهرتي شلون صرتي...

سئلها عبدالله وهو يباوع بقلق ...

باوعت عليه بتعب وعتب ...

-بخير..
فاتو اولادها وهم بحالة قلق على امهم....

من شافتهم جواهر كيفت بس تبدلت نضراتها من سعاده لغضب بدخلة ابنها الجبير حتى يطمن عنها...

دارت وجهها وحجت بعصبيه ويه زوجها...

_،كله خلي يطلع برا مااريد اشوفه..

اشرله عبدالله لاحمد حتى يطلع ..احمد ضاج وطلع بعصبيه ...ورا ساعه من استعدل وضعها كتبولها خروج ....

رجعو للبيت ...

استقبلوها سلوى ومريم بحضن لهفه وقلق ودفء بس جواعر استقبلت هالحضن ببرود وعدم مبالاة وتخطتهم وفاتت لغرفتها بمساعدة ياسر وزوجها ...

وهناك قررت جواهر تحارب جهالها في سبيل ترد هيبتها كدامهم حتى لو اضطرت تتبرا من بكرها هم ...
***********************
بمكان ثاني

همام كاعد ويفكر بالابنيه الي لمحها بس نظره وحده وهي سلوى كل هالفتره وهو مراقب بيت عم رسول

وقرر يفاتح صديق عمره رسول توجه لصديقه للمحل...

_هلا بالغالي ....

رفع راسه رسول بعد ماسمع صوت رفيق دربه ..

_هلا بالروح ....

_ههههههه عبالي تبدل موقعنا ورا الزواج...

جاوبه همام بضحك...

كام رسول وحضن صديقه ...

_ولك صدك تحجي انت اخوي صدك عبالك انا هيج ...

بادله همام الحضنه ...

_لايالغالي اتقشمر وياك ...

كعدو وطلب رسول جاي الهم بعد ماشاف ارتباك رفيقه وسكوته عرفو اكو موضوع مهم وراه...

_كول يالروح شتريد وركبتي الك سداده...

اتنهد همام ومسد بايده على كتف رسول..
_كفو يالغالي احم انا جايتك بطلب وياريت تساعدني بيه...
_كول خويه وانا عد عيناك ...

_انا رايد اتقدم لبنت عمك انت شتكول...

انصدم رسول من وين همام يعرف بنت عمه واي وحده يقصد....

_وانت من وين شايف بنت عمي ...واي وحده تقصد.

ارتبك همام خاف يفهمه غلط...

_شوف من الاخير وحتي متفهمني غلط امي شافتها بعرسك وحجتلي عنها ...وانا بالصدفع مره شفتها راجعه من دوامها وعجبتني ....

هز رسول راسه وكمل استفساره...

_مفهمت اي وحده منهن

_سلوى ....