بخت مريم

بارت الخامس عشررر

كعدت الصبح باوعت على ماهر بحزن متكدر اتضل زعلانه منه بس راح تحاول حتى مره ثانيه لحد يفكر يتهمها بشي...

راحت للحمام ..فتح ماهر عيونه الي صايره احمر مثل الدم لان بعده مانايم من القهر ...ومريم هم مثله ..
توضت واجت تصلي ...وماهر صافن عليها ...من بت تصلي وهو تعود يصلون سوا وهو الامام ويصلي بيها ..بس من البارحه تصلي وحدها ...كام وفات للحمام يتوضى فات للغرفه شافها كملت ولبست دشداشه قديفه زيتوني وحجاب وكاب نفس اللون...
حتى مصبحت عليه وفتحت الباب حتى تنزل لزم ايدها...وكفت مريم بدون متباوع ..

_نعم ...
_مريم الى متى ..
_خليها على الله من احس نسيت اهانة امك

واتهامها ..وكتها حتشوفني اني الي ابادر. . نفضت

ايدها وطلعت برا وكفت يم الباب وعيونها

مدمعه...ورا شوي قوت نفسها ..ونزلت جوا ...ماهر

وكف ورا الباب وعيونه مدمعه وحاط راسه

عالباب ...وهو مقهور على هذا اليوم الي شافها مريم

نست حبه وحنانه على غلطه وجده هو ماله ذنب

بيها... راح يصلي ويدعي الله يحفظها ويهديها اله وماتدمر زواجهم ابد...

نزلت مريم وشافت هناء ولمياء كاعدات وحالة هناء نفس حالتها وهن ديحضرون الريوك...

_ صباح الخير يقمرات...

اندارو عليها وابتسمولها..

_صباح الورد/صباح النور

راحت يم هناء وهمستلها
_شبيج هنو..

جاوبتها بنفس الهمس ..

_بعدين...
كمزت لمياء بنصهم ..

_ايا خاينات..شتحجون ومطلعيني خارج الدائره. ... . 

_هههههه والله بس سئلتها شبيها..

_عوفيها الحقيره من البارحه اسئلها متقبل تكولي ...

اتنهدت مريم ..وحجت

_عوفيها على راحتها من تريد تحجي راح تحجيلنابدون مانضغط عليها...

_صباح الخير بنياتي...

_صباح النور عمو/صباح الورد بابا..
اتقرب ابو متاهر من مريم ...ولزم راسها وباسها من كصتها...
_امسحيها بوجههي عمو..

_وجهك ابيض عمو ...اني والله اعتبرك مثل بابا وابد مزعلانه منك..
ابتسم الها..

_يلا كملو الريوك ...لان اتاخرنا..

_حاضر..

بسرعه كملو الريوك. . ..فات طاهر ..ماباوع على هناء ابد..
_صباح الخير..

جاوبوه..

_اتقرب من مريم ممكن ورا مايروح ماهر نكعد نسولف شويه..واذا تستحين هناء حتكون ويانا..