كانت ورد تبي اتقص الشارع وف نفس الوقت السيارة جايه تجري من من بعيد بسرعتها😨 وفجأة الولد اللي ف السيارة شاف ورد وشد فرينو قوي ،ورد سمعت الصوت ووقفت مصدومه ..خبطتها السيارة وطاحت ، طلع الولد يجري من السيارة
الولد: انتي بخير؟
ورد : ناضت مستعجله" اي ما فيا شي" مادققتش ف وجه الولد زين لأن لابس نظارة
الولد : اسف، لو تبي اي شي اهو رقمي واتصلت بيا😓
ورد كانت مستعجله" لاصحيت" ومشيت تجري
الولد: الحمد لله ماصارلها شي كنهادا بوي قتلني😂، بس والله البنت طرف😍 ، ادكر 😧حي وقت ع الامتحان
ورد خشت للجامعه بسرعه وصلت لقاعتها ألقت الطلبه باديين يحلو
الاستاد: وين ي طالبه تأخير
ورد : اسفه ي أستاذ تعرف زحمه السيارات
الاستاد: قعمزي وأخرلك مرة
عطاها ورقتها وبدت اتجاوب بشوي عليها ..خش إستاد الماده ناداته ورد تسأل ع سؤال
الاستاد : نعم ي ورد
ورد :السؤال هدا مافهمتاش
الاستاد: خديناه ي ورد ف المحاضرة ركزي وجاوبي
قعد يشرحلها فهمت عليه وبدت اتحل .. كما الوقت سلمت ورقتها وطلعت لاقت صاحباتها ...
لين: حنطيه ، عيونها سود، متوسطة ف الطول وسمحه، تقرى مع ورد نفس التخصص
رتاج: بيضه عيونها قهويات ، متوسطه ف الطول حتى هي وهي و ورد ولين نفس التخصص وكانو صاحبات زين
لين : ها ورد جاوبتي؟
ورد : اي الحمد لله
رتاج : ي بنات انقوللكم حاجه؟😂
ورد ولين: قولي
رتاج : اليوم آخر امتحان وبدت اتعيط "آخر امتحان"
قعود ينقزو جميع وحضنو بعض
لين : ي بنات هيا انديروا زردتنا وانهيجو😂
ورد كانت فرحانه ف خاطرها لأن أمها اعطتها فلوس بيش تدهور وتشري لي خاطرها فيه
مشو بسيارة لين لأن لين كانت حالتهم اكويسه نوعا ما وأهلها شرولها سيارة بعد نجحت من الثانوي
مشو لكافي خدو كريب وعصير فراوله طبيعي وامصقع😍، مشو ع البحر قعدو يصورو ف الايكال والبحر وهدرزو وهيجو ودارو جوهم ، بعدين مشو لمركز كانت لين حاجزة فيه موعد لتنظيف البشرة والجو هدا😂
دارو جوهم وروحو بس ورد كلمت لين..
ورد : لين نزليني هنا بنشوف بنت جارتنا
لين : ليش؟
ورد : امواعدتها بحاجه بنعطيهلها😂
ودعتهم ورد بعد ماوعدوها يزوروها ف العطله ، مشو ف الطريق ، دقت ع حوش جيرانهم، طلعتها البنوته الصغيرونه
ورد: (حضنتها) نور حبيبتي كيف حالك؟
نور: باهيه😂
طلعت أم نور سلمت ع ورد وقالت لها اتفضل ع الغدي بس ورد رفضت
ورد : لا ي خالتي اني جايه بنعطي نور الشكلاطه وبنمشي😊
جارتهم : صحيتي ي بنتي وربي يفرحك زي مااتفرحي ف البنت😊
طلعت ورد من حوش جيرانهم وهي فرحانه بدعوة جارتهم .. (حلوة الدعوات لي اتجي من القلب الصافي)
مشت ورد لحوشهم بس قبل ماتوصل سمعت...
.....يتبع.....
ان شاء الله اتكون عجبتكم☺❤
ي
أنت تقرأ
ورد الخادمه
Romanceورد بنت حلوة من عيله فقيرة اشويه تسعى لأنها اتساعد عيله غنيه بعد ما عرفت أن في مكيده لهالعيله ....احدات حلوة وقويه راح اتكون ف انتظارها بقلم الكاتبه sam0x
