.......
ورد خشت للمطبخ طايرتلها من كلام روان واللي زاد عصبها برادة أوس....
ربع ساعه وروان وأهلها طلعو روحو؛ ورد كانت ف المطبخ أتجهز ف الضيافه لأن أصحاب العم خالد جايين الساعه9؛ اشويه ووصلوا الضيوف اللي هما تلاته أصحاب خالد ومعاهم نساوينهم وامدايرات مع مريم صحبه؛الرجاله ف صاله الضيافه والنساوين لوطه في صالون الاستقبال.
ورد:نيرمين مني الضيوف لي جايين توا 😞.
نيرمين:هدول اصحاب الأستاذ خالد ونسوانهن رفيقات الست مريم☺.
ورد:اها؛ باهي خليني مالا نرفع الضيافه ؛طلعت ورد رافعه نسكافيه وحلويات للضيفات؛ وخشت عليهن قعدن يشبحن؛ ضيفتهن وطلعت.
المرأه (خديجه): ماشاء الله😍 هادي بنتك أمل
مريم:😨العفو ؛لا ماهي بنتي هادي خدامتنا جبناها ماليهاش فترة تخدم هنا.
خديجه: والله ماشاء الله زين😍 تعرفي اندور لولدي مالك ؛والله عجبتني😍😍
المرأه التانيه (عليا): خديجه منك غادي معقوله تاخدي لولدك ولد الحسب والنسب خدامه زي هادي.
المراه (فاطمه): خيرك خديجه هبلتي اتحطي عينك ع خدامه لولدك؟😞
مريم: هي فقيرة مسكينه وحالتها اتسخف وخالد حن عليها وشغلها هنا؛ بس هي ناشطه واكويسه الحق.
خديجه:ربي أن شاء الله يبعتلها من يستاهلها😔.
المهم فات الوقت والضيوف روحوا وورد تغسل ف الماعين مع ميري وسونيا ؛وميراج كانت اترتب ف الصاله...
سونيا كانت اتوشوش مع ماري وعرفوا أن ورد سمعت المكالمة لكن ماكاننش يعملن ان هي اتراقب فيهن .
ورد ف خاطرها: ياارب ساعدني بس هدا كل لأن فقيرة الناس تتمسخر عليا ؛ اصلا الأغنياء يعتبروا ف الناس لي زينا حشرات تحت رجليهم لكن مايعلموا ان ربي بقدرته يقلب الموازين؛ قطع عليها صوت ميري: هي انتي في حط الصحن ف مكانه.
ورد: اشويه بس ؛وف خاطرها: الله أعلم شن وراكن واهو الليله بايته وانشوف اخرتها معاكن😩.
كملن المحاسه مع الساعه12 ومشت ورد لدارها لي بتبات فيها طبعا الدار كانت مش كبيرة واجد بس جديده ومحترمة فيها سرير وزيانه صغيرة فيها ادراج ؛غيرت ورد ملابسها ولبست توته بودريه للركبه ومعاها سروالها ولفت شعرها كعكه ؛ بعدين ادكرت تتصل بأمها بحكم أن أمها اتخيط وماترقدش بكري.
ورد طلعت تلفونها واتصلت بأمها: الو ماما.
فاطمه: اهلين بنيتي؛كيف حالك توا؟😊
ورد: الحمد لله ي ماما؛ كيف حالك انتي وجوري؟
فاطمه: الحمد لله اكويسين؛ جوري رقدت من امبكري وأني قريب انكمل فصالت القفطان.
أنت تقرأ
ورد الخادمه
Romanceورد بنت حلوة من عيله فقيرة اشويه تسعى لأنها اتساعد عيله غنيه بعد ما عرفت أن في مكيده لهالعيله ....احدات حلوة وقويه راح اتكون ف انتظارها بقلم الكاتبه sam0x
