في القصر.....
ورد ادور ف الحمام معاش عرفت وينه من كبر القصر تلخبطت قعدت تمشي واتوخر نين خطبت ف حاجه😨تلتفت.
ورد: اسفه مش قصدي ماشفتكش.
أصيل: عادي ولايهمك😊؛ لكن انتي مني؟.
ورد: أني أسمي ورد وجايه بنخدم هنا فترة☺.
أصيل: اها☺؛ وأنا أسمي أصيل ؛
ورد: تشرفنا☺ ؛معليشي عادي نسأل سؤال.
أصيل : قولي😂.
ورد:😳انا نبي الحمام ومعرفتش وينه!.
أصيل:😂😂😂😂عندك الحق تتلخبطي؛ اهو أمشي ع يدك اليمين وبعدين أمشي طول تلقيه😁.
ورد: شكرا😅.
طبعا ورد مشت تجري لأن خلاص😂😂.
أصيل: ماشاء الله عليها؛ معقوله وحده زيها تخدم؟ يلا الحمد لله ع كل حال.
المهم مشي الوقت و ورد ف المطبخ اتساعد ف عمتك رقيه.
ورد: عمتي رقيه اني بتمشي أنجهز طاوله الغداء☺.
رقيه: اي والله عدي ي بنتي بلكي انتي خير من الاجنبيات😧.
عدت ورد لمكان الأكل...طبعا عندهم هما مكان زي الصاله بس مفتوح وواسع وفيه طاوله كبييرة😍.المهم المكان حلو م الأخير.
جهزت ورد الطاوله حطت الكواشيك والشوكات والطواسي وألقت ورد ف الحديقه لما خشيت للقصر قطفت منه وحطت ف الباقات المهم خلت المكان يزيد حلاوة بتجهيزها😍💖.
جي وقت الغدي والخدامات كلهم يطلعو ف الماكله والسلطات والعصير والفواكه.
العيله كلهم قعمزوا عالطاوله مبهورين بجمالها 😻.
العم خالد: وين أمير امالا؟
أمل : اهو اشوي وينزل ي بابا.
طبعا ورد كانت امصبيه مع باقي الخادمات قريب ع الطاوله بيش يصبوا الغدى.
أمير نزل من فوق وجاي للطاوله😍😍.
أمير: مااحلى الجو 😍 وين وين من زمان ع الجو هدا؛ مني امدايره؟.
رقيه: هادي ورد امدايراته.
أمير: وانقول اني مش شغل أجانب😧شبح للخدمات الهنديات😒تعلمن منها.
ميري وسونيا يشبحن لورد😒😒😐 وورد ساكته.
مريم : أمير قعمز الغدى برد😒.
أمير قعمز جنب أمل: عقاب وحدات مايعرفن النظام😩.
امل:😂😂😂اسكت خلاص .
المهم بدن رقيه وورد يصبوا ف الايكال وامير يشبح لورد.
تغدوا وكملوا ولي هدا ناض. ..الشباب امقعمزين ف الصاله يهدرزوا وأمل معاهم..وخالد مشي لشغله .. ومريم اتكلم ف صاحباتها وجو فخفخه تعرفوها😂😂😂.
أنت تقرأ
ورد الخادمه
Romansورد بنت حلوة من عيله فقيرة اشويه تسعى لأنها اتساعد عيله غنيه بعد ما عرفت أن في مكيده لهالعيله ....احدات حلوة وقويه راح اتكون ف انتظارها بقلم الكاتبه sam0x
