ورد الخادمه

البارت 10

في حوش ورد......

بدلت وجت بترقد فادكرت العقدة اللي لقت الخادمات يدسوا فيها ف الوطى😳؛خدت شنطتها طلعتها؛ ألقتها ورقه زي القديمه وامسخه مربوطة بخيط خدت فتحت الخيط وفتحت الورقه وكانت فيها كلمات غريبه مافهمت منهم شي زي الطلاسم ؛فتحت النت وقعدت تبحت نين اكتشفت أن اللي ف يدها سحر اسود😱 وقعدت تبحت كيف يفكوا فيه ؛وبالفعل بعد وقت جابت الولاعه من المطبخ وقرت عليه آيات قرآنيه وحرقت الورقه😥.

ورد ف بالها: باهي ي ميري وسونيا والله لما نفضحنكن صار تبن اتخربن ع العيله 😠.

قعدت ورد أتفكر كيف بدير واشويه ورن تلفونها شافت الساعه القتها 2 .

ورد: 😳تي مني اللي يتصل توا؟ فتحت كاشف الأرقام طلعلها أوس خالد 😥ردت عليه طول.

أوس: مساء الخير

ورد: مساء النور

أوس:كيف حالك ي ورد توا؟ان شاء الله اتكوني بخير.

ورد: الحمد لله بخير☺.بجد بجد شكرا أوس لأنك جيت ف الوقت المناسب.

أوس:خلاص عاد مادرت إلا الواجب؛المهم حبيت نطمن عليك بس 😊

ورد: لا اطمن الحمد لله بخير ومافيا شي.

أوس :باهي امالا تصبحي ع خير.

ورد: وأنت من أهله

جوري : ف من كنتي اتكلمي ي خاينه😂.

ورد:الناس اتقول احم أدير صوت حركه مش هكي عاد😥.

جوري:😌والله نضت ألقيت أختي اتكلم ف واحد شن بندير يعني.

ورد:هدا أوس ولد عمي خالد.

جوري: 😱😱مااتقوليش اتحبو بعض بس؟.

ورد:😧جوري شكلك متأتره بالمسلسلات واجد؛ اتصل يبي يطمن عليا بس.

جوري:😳ورد في حاجه صايرة واني مانعلمش.

ورد:😳اي ؛وحكتلها ع اللي صار معاها.

جوري: حي😨ع الحقير والله القتل فيه حلال؛وإلا يحسابوا ارواحهم أغنياء معناها يلعبوا ببنات الناس وشرفهن .

ورد: اي والله بس أوس وأمير ماقصروش فيه.

جوري: باهي أختي ربي حماك منه 😟.

ورد: اي الحمد لله؛ هي خليني نرقد لأن بكرى يوم متعب وبنبات غادي .

جوري:باهي به تصبحي على خير😊.

تاني يوم الصبح.....

فاقت ورد بكري وألقت أمها نايضه اموتيه الفطور.

ورد:صباح الخير ي غاليه.

فاطمه:صباح الخير😊؛هي تعالي قعمزي افطري قبل ماتمشي.

قعمزت ورد تفطر :ماما راهو اليوم خميس بنقعد غادي 😖.

فاطمه:نعرف أن هما عيله اكويسه لهدا اني مطمنه عليك معاهم😊.