ف القصر....
العيله كلهم ف ملتمين يهدرزوا ع الحفله؛ وفجأة سمعوا صوت طيحه من ع الدروج وناضو يجروا لقو ورد طايحه وغارقه ف دمها.
أوس:ورددددددد
مشالها يجري وقامها بين يديه ويحاول يخليها اتفوق .
أوس: ورد ردي عليا ؛ وهي كانت غايبه ع الوعي.
الكل لاحظ خوف أوس ع ورد بس مادوروش لأنها كانت لحظات حرجه .
أوس: أمل بسرعه خودي تلفونها واتصلي بأهلها.
العم خالد: يلا بسرعه قيمها للسيارة نرفعوها للمستشفى؛ وقامها أوس يجري حطها ف سيارته وركبت معاه أمل ومريم وطلع يجري بسرعته..
وصلوا بيها للمستشفى وأوس قعد يصرخ ع الممرضات نين جابن سرير وحطنها ف قسم الطوارئ.
وصل العم خالد ومعاه أصيل وأمير والكل خايف ع ورد
أمل امصبيه اتهدي في أوس وهو كان ف قمه التوتر والخوف ع ورد
أمل: أوس خلاص أهدى وأن شاء الله مااتكون إلا بخير😔💔
أوس:تي كيف تبيني نهدى والبنت طاحت ف قصرنا وهي مسؤوليتنا ؛ والله كان اتصيرلها حاجه اشبح شن يصير فيا💔
أمل حطت يدها ع كتف خوها: مااتخافش اشويه والدكتور يطلع يطمنا😖.
وصلت أم ورد وبنتها جوري وخشوا يجروا للقسم لي فيه ورد وتلقتهم أمل.
أم ورد: ياناري ع بنتي كيف صار هكي؛وبدت تبكي وأمل وجوري يهدوا فيها وكانوا يبكوا😢.
أمل: خلاص بالله اهدوا وما اتكون إلا بخير .ادعولها بس
جوري :أمل شن صار لها ورد😢
أمل: طاحت من الدروج💔
جوري:😢😢💔
وقعدوا طبعا وقت امقعمزين ع الكراسي .
أصيل امقعمز جنب أمير
أصيل: شوف أوس كيف امعصب ومتوتر😓
أمير: عاد أوس يموت ع ورد وأنت تعرف؛ وبعدين اصلا ورد ف قصرنا وهي مسؤوليتنا وكان صارت لها حاجه مش اكويسه احني بنتحاسبو عليها.
أصيل: اني مش فاهم لتوا كيف طاحت؛ وأن شاء الله اتفيق ونعرفوا ش القصه.
بعد اشويه طلع الدكتور كلهم مشوا يجروا وأولهم أوس.
اوس: دكتور طمنا
الدكتور: والله شن بنقولك البنت طاحت طيحه قويه وقاعده غايبه ع الوعي ومانقدرش انقوللكم بالزبط شني نين اتفيق لأن مرات احتمال يطلع عندها فقدان داكرة .
الكل انصدموا😱😱فاطمه وجوري قعدن يبكن ع ورد
جوري: ربي يقومك بالسلامه يااوخيتي😭😭💔.
أنت تقرأ
ورد الخادمه
Romanceورد بنت حلوة من عيله فقيرة اشويه تسعى لأنها اتساعد عيله غنيه بعد ما عرفت أن في مكيده لهالعيله ....احدات حلوة وقويه راح اتكون ف انتظارها بقلم الكاتبه sam0x
