ورد الخادمه

البارت 23

في القصر.....

فتحوا شنطه ورد وألقوا الملف فيها

ورد انصدمت:😱

والكل طبعا كان مصدوم من الشي لي شافه

العم خالد: 👏👏ماشاء الله؛ هديما الخدم لي واتقين فيهم، وغير ياريت الخونه اتجي الغريب لي ماتعرفاش لا اتجي من القريب اللي حان عليه😳

ورد:والله ياعمي ماخديته ولانعلم بيه

العم خالد: صكري فمك، امدايريلك قدر وقيمه ؛لكن شن بنقول حسبي الله ونعم الوكيل بس

ورد كانت تبكي:والله ياعمي ماخديته والله توا بس كيف شفته😢😢

أوس واجعاته ورد:يابوي هدي روحك، وبعدين اصلا مستحيل ورد أدير هكي

العم خالد:بعد ماالقيناه ف الشنطه وكانت مدسوسه شن مازال بتقول😠

مريم: خززي ؛ لهالدرجه الفلوس عامياتك

أمير:غير اصبروا انشوفوا الكاميرات واكيده حنعرفوا الحق.

مشوا كلهم وجاب أصيل الكاميرات ووصلهم بالشاشة وقعد يرجع ف الشريط لين وصل لليل ، وقعدوا يتفرجوا لين جت لقطه (ورد كانت ماشيه ف الممر وبعد اختفت الكاميرا طفت😨😨ومعاش سجلت شي)

العم خالد:في مازال أكثر من هكي

ورد تبكي واتفكر: والله ياميري وسونيا تو انوريكن انتن وروان غير مش معاي إثبات كنهادا فضحتكن.

العم خالد:مني لي دازك؛ ومع مني تخدمي؟ تكلمي😡😡

ورد:والله ياعمي انت فاهم الموضوع غلط؛ والله ما نعرف ع الملف هدا حاجه😢💔💔

العم خالد:الحمد لله ربي يحبني وكشفلي الحق؛ نادوا الحرس قولولهم يطلعوها برا وحده خاينه كيف هادي ماتستاهلش اتكون هنا؛ ياا حرس وجوا يجروا

العم خالد:طلعوها برا وماتسمحولها اتخش مرة تانيه😐

ورد تبكي : والله فاهم غلط ي عمي و الله مادخلي بشئ

اوس: اكيده  في سوء فهم ؛خلونا نفهموا منها

مريم:اسكت وأنت من امبكري ادافع عليها 😠

العم خالد: طلعوها؛ واحمدي ربك مااتصلت بالشرطة وخبرتهم والا كنتي بالسلامه؛ المهم ملفي قاعد بس كنهادا شفتي شي كبير😡

شدوا الحراس ورد وطلعوها وكانت تبكي لأن ماقدرت اتقول شي بلا دليل وكان واجعها خاطرها لأن هما رفضو يسمعولها؛وأوس كان مقهور عليها ومش امصدق ان ورد ادير هكي.

مشت ورد للشارع وقفت تاكسي وروحت بيها الحوش
ألقت أمها بتطلع جت حضنتها وقعدت تبكي وامها اتهدي  فيها ومشيت معاها للدار

فاطمه حاضنه بنتها:بنيتي خبريني شن فيك

ورد: طردوني يا ماما من شغلي