في قصر آل عبد الباقي....
قبل يومين من عيد ميلاد أمل؛ الكل ف القصر يجهز ؛مريم تعزم ف صاحبات أمل والعيله ؛الخادمات يجهزن في القصر والحفله طبعا بيديروها في وحده من صالات الضيافه الكبار...ومر اليوم وحي وقت مرواح ورد.
ورد: عمي فتحي هيا بنروح 😊.
العم فتحي : باهي يابنتي انولع السيارة بس.
مشت ورد تاخد في حاجاتها ولاقاها أوس.
أوس: ورد بتروحي😳؟
ورد: اي خلاص تأخرت ع الحوش تو أمي تنشغل عليا .
أوس : باهي تعالي نبي انوريك حاجه وانتي أعطيني رايك😁
ورد:باهي😊
مشت ورد مع أوس لداره فتح الدولاب امتاعه وطلع صندوقين لونهم ع الأسود؛ وفتحهن وكانت عباره عن تاكمين الماس خفيفات وسمحات😍: ها شن رايك أما أحلى؟☺
ورد : 😍😍مااحلاهم ؛ والله مانقدر انقولك هن الاتنين يهبلن ماشاء الله .
أوس: 😂😂اني جبتك بيش تعطيني راي؛لأن نبي ناخد واحد لأمل لعيد ميلادها وقلت ناخد حاجه بسيطه وراقيه.
ورد: والله هما كل تاكم بتشكيله بس يهبلن الاتنين ؛ 😞اهديها لي ع اليسار 😊
أوس: خلاص لي ع اليسار لأمل حيكون😂
ورد:بجد سمحات😊؛هيا اني تستأذن مالا
أوس: اوكي تصبحي وردتي😍
ورد: 😊وطلعت متحشمه.
أوس قعد يشبح للتاكم التاني: والله مايبدى إلا ليك ي ورد ومايحطه ع رقبتك كان اني❤
طلعت ورد وف الطريق كانت أتفكر ف أوس :قالي وردتي زعما شن قصده؟😳 لالا اكيده بالجو ؛ ورد ياسرك تفكير فيه الولد خاطب ومش من مستواك ولاحيرضى بيك بكل😥؛ ووصلت للحوش.
وفات الليل وجي الصبح ومشيت ورد القصر وفطروا العيله الخادمات امقسمات كل وحده ف مكان أدير ف حاجه .
طبعا عمتك مريم خبرت أمل أنها عزمت صاحباتها ع حفله عيد ميلادها لدلك أمل مشت مع وحده من صاحبتها للمزين اتواسي ف شعرها .
روايه ورد الخادمه للكاتبه:❤Sam0x❤
في المطبخ.....
مريم خشت ع ورد ونيرمين ورقيه
مريم: اسمعن الحار راهو بيديرنه انتن ماوصيناش عليه من برا لأن تعرفن خالد مايحبش الماكله الخارجيه ؛نبيكن اديرن 6 أنواع حار وكترن اشويه لأن المعازيم واجد.؛ وطلعت.
بدت ورد هي ورقيه ف الحار واتفقن بيديرن بيتزا وامبطن وبوريك ونوعين طاجين وشيش طاووق ؛وبدن يشتغلن.
جي وقت الغدي والعيله قعمزوا تغدوا بس ورد ماكنتش حاضرة.
أمير:مالا وين ورد ماشفتهاش
أنت تقرأ
ورد الخادمه
Romanceورد بنت حلوة من عيله فقيرة اشويه تسعى لأنها اتساعد عيله غنيه بعد ما عرفت أن في مكيده لهالعيله ....احدات حلوة وقويه راح اتكون ف انتظارها بقلم الكاتبه sam0x
