ورد الخادمه

البارت 5

في حوش أهل ورد....

فاطمه(الام): ورد،جوري هيا تعالو بيش تفطرو.

ورد وجوري: صباح الخير ماما

فاطمه :صباح النور😊

قعمزوا ع صفرة الفطور يهدرزوا.

جوري :ماما الجبنه كملت؟😳

فاطمه: اي كملت .😓 والله يابنياتي الحال وتعرفنه معاد كيف قبل لكن الحمد لله ربي ساترها وأني الحق جمعت اشويه افلوس بنشري بيهم ماكينه خياطه واشويه قماشات،وأن شاء الله ربي يسرها علينا.

ورد :ماما بما أن اني كملت امتحانات بندور خدمه.

فاطمه: اي دوري بس المهم الخدمه اتكون باهيه .وربي يباعد عليك اولاد الحرام💔.

ورد: ان شاء الله ي ماما😊.تو انحصل خدمه وربي معاي ويفتحها عليا.

فاطمه : راكن تنسن العشيه جايات الجارات.

جوري: خلاص يا ماما تو اندير كيكه بيش انحطوها مع القهوة😄.

ورد: وأني تو اندير بيتزا ناكلوها مع الشاهي.

فاطمه: قاعد عندنا كل شي زعما؟😟

ورد: مااتخافيش ي ماما الحمد لله عندنا المكونات كلهم مازال الزيتون والتن بس .

فاطمه: عدي خودي الفلوس تلقيهم ف الدرج واشري زيتون وتن☺.

ورد: حاضر💖

روايه الكاتبهsam0x

مشت ورد خدت الفلوس وعدت للدكان خدت الناقص وروحت ..

ضموا الحوش ورتبوه والبنات كل وحده ف المطبخ أدير ف حاجتها نين جت العشيه ، جهزن ارواحهن وجن الجارات يهدرزن...
فاطمه: ورد، جوري تعالوا ابنياتي سلموا ع الجارات..طلعت سلمن وقعدن يهدرزن..

طبعا جاراتهم،خالتي عايشه،خالتي زكيه،نيرمين السوريه (خدامه عيت عبد الباقي).

قعدوا يهدرزوا وضيفوهم هدرزوا ع الحال والأحوال.

فاطمه :نيرمين كيف حال الخدمه!

نيرمين: الحمد لله امنيحه كتير..طبعا انا بصراحه متل المشرفه بشرف ع الخدم وشغلن،تعرفو صاحب الشغل الاستاز خالد طيب كتير بس هو شديد اشوي بيحب كل شي بمكانه وبيحب النظافه والرتابه أمس حكالي اطرد الخدامة لأنها مابتشتغل كتير وجيب بداله وحده شاطرة.

طبعا ورد تسمع واتقول ف خاطرها: والله إلا فكرة وحصلتها بيش انخش لقصرهم منها انخبرهم شن يدبروا عليهم ومنها انحصل حتى اشوي فلوس انساعد بينهن ماما.

ومرت ساعتين جاراتهم روحن الا نيرمين لأن فاطمه قالت لها اقعدي نبيك.

فاطمه: نيرمين اني بنشري ماكينه خياطه وقماش ونبي انفصل للنساوين نبيك تساعديني.

نيرمين: حاضر، بس انتي أول شي اشتريها واعملي فصطان وبعدين انا حفرجيه للجارات وأن شاء الله مااتكوني غير مبسوطة.

فاطمه: صحيتي ديما انتعب فيك معاي

نيرمين: ولو عزابك راحه😊.

طلعت نيرمين بتروح ووصلتها ورد للباب.

ورد:خالتي نيرمين نبي انكلمك،مش قلتي ف القصر تبو خدامه اني اندور في عمل كان ادبريلي كيف.

نيرمين:متأكده!

ورد:اي انتي تعرفي حالتنا وأني توا عطله ونبي انساعد ماما ف المصروف.

نيرمين:خلاص. انا رح خبر الاستاز خالد وانتي جهزي نفسك بكرى.اوكي حبيبتي😊.

ورد: شكرا خالتي والله معروفك ماننساه😍.

روحت نيرمين لحوشها واتصلت بالعم خالد وخبراته أنها ألقت وحده بالشروط لي يبيها وقال لها اتجيبها ف اليوم لي بعده، واتصلت بورد وخبرتها، طبع ورد فرحت لأن بتنفرج عليها وبتساعدهم ف نفس الوقت.

اليوم التاني.....

جهزت ورد نفسها وفكرت وخبرت أمها أنها ألقت عمل بس ماقالتلهاش شن هو، كلمت نيرمين وادهمت عليها وف الطريق كانت تحكيلها ع عيله خالد عبد الباقي.
وصلوا القصر وانبهرت ورد بجماله .

ورد ف خاطرها :الله مااحلاه ياريت عندنا حوش زيه 😅

خشن للقصر ..

.....يتبع.....