ورد الخادمه

البارت3

ورد كانت تمشي..مرت من جنب سيارة تسمع في صاحبها يتكلم بصوت مسموع ..واضح كان الموضوع خطير..😨 ورد دارت روحها اتواسي في كاويشها نزلت تسمع ف الراجل

الراجل: اسمع مااتخافش احني ماشيين صح .. في ناس توا في قصر آل عبد الباقي ..وخلاص فترة قصيره راح ناخدو كل المستندات وانخلوهم ف الشارع

ورد:😱😱شقهت بصوت واطي وادكرت شي

السيارة طبعا مشت.......

فلاش باك

من فترة 8شهور أبو ورد (عبد الرحمن) كان مريض بكل وهو محتاج لمبلغ مالي يدير بيه عمليه دعامات للقلب والمبلغ كان كبير.. المهم كان عندهم جارهم (عمي علي) يصلي بالناس ف الجامع ..يوم من الايام ف صلاه المغرب صلى بالناس ولما كمل تلفتلهم.. يا خوتي ياأهل الاحسان نبي انقوللكم ان في شخص محتاج لعمليه والعمليه تبي مبلغ مالي كبير فاللي عنده وحاب يدفع في ميزان حسناته ...و بالصدفه كان معاهم العم (خالد آل عبد الباقي) سمع الكلام وتأتر ..طلعو الرجاله من الجامع وهو كلم( عمي علي) قاله أني نبي انساعد الراجل المريض .. عمي علي دله ع الحوش وقاله ع المبلغ المهم مشي لقدام الحوش حط المبلغ ودق الباب ومشي ... ورد كانت جايه من الدكان لأن واخده حاجات بيش يتعشو بيهم ..شافت الراجل من بعيد.. هو مشي ولما وصلت الحوش ألقت أمها فرحانه وتدعي للراجل وعرفت أن حط فلوس... هي ماارتاحتش مشت لعمي علي وقال لها شن اسمه...المهم يومين داروله العمليه ونجحت بس لما روحو بيه صارت له مضاعفات و توفى😢💔

نهايه الفلاش باك

نزلت دموع ورد 😢وأدكرت بوها (الله يرحمه)  بس هي وعدت نفسها أن اتساعد الراجل لي ساعد بوها ..وروحها للحوش

استقبلتها امها: ها بنتي شن صار معاك جاوبتي

ورد: الحمد لله

امها: باهي بنيتي عدي بدلي وتعالي الغدي واتي

ورد: خاضر ماما

مشت ورد للدار بدلت ملابسها  ومشيت قعمزت اتغدى كانت امها و جوري يهدرزو ومنسجمين بس هي كان مشغول بالها واتفكر كيف بدير

جوري :😌 ورد وين سارحه😂

ورد: اااه .. لاشي😅 معاكم

جوري : الله يسعده اللي واخد عقلك

ورد ضربتها: عيب شن اتقولي قدام ماما تحشمي

امها: محلك تتعودي ع أختك السانها سليط

جوري: ماما شن قلت اني

قعدو كلهم يضحكو  وناضت جوري :الحمد لله شبعت بالرغم من أن الغدي بسيط بس مع اللمه الحلوة والهدرزة يحلى.☺...

مشت ورد لدارها رقدت... ناضت العشيه دارو قهوه  وهدرزو ..

أمهم : غدوة راهو جايات الجارات العشيه يهدرزن

ورد: باهي يتفضلن

وجي الليل تعشو  واللي فتحت نت واللي تتفرج ع التلفزيون نين جت الساعه12  ورقدو إلا ورد

ورد: أني كيف بندير يااارب دلني ع حل انساعد بيه العم خالد زي ماساعدنا...

.....يتبع.....

أن شاء الله يكون عجبكم البارت .. تعليقكم يسعدني☺❤