ثاني يوم في حوش أهل ورد...
فاطمه وبناتها قعمزوا يفطروا.
فاطمه: شن يا ورد اتحسي في روحك احسن؟
ورد: ايه الحمد لله؛ ليا شبه أسبوعين أكيد بنتحسن
جوري: اليوم آخر مرة بتمشي للمستشفى بتحولي الشاش والا.؟
ورد: ايه ؛ بنمشي العشيه ، نبيك تمشي معاي.
جوري: لالا فكيني من المستشفى تعرفيني نكرهها😣
فاطمه: واني بنمشي المشغل عندي طلبيه كبيرة بنفصلها؛كيف يصير ؟؟
ورد: تو انشوف😞
في قصر آل عبد الباقي...
ناضو العيله وكلهم فطروا ولي هدا مشي لمكان.
أوس كان في غرفته يراسل في وكيل اجنبي علشان الشغل؛وخشو عليه أمير وأصيل
أصيل: مشغول أوس؟؟
أوس:لا تعالوا كملت
امير: ع أساس انراجو ف شورك ي ابونا😂😂
اوس: امتى اتبطل حركات الصغار😧
أمير: إني هكي جوي فري ودمي خفيف مش زي ناس دمهم رزين وماينطاقوا😏
اوس: ربي يهدي😩
أصيل: خيركم كل واحد امداير السان، احني جايين بنهدرزوا معاك .
اوس: في شني؟؟😞
أصيل : ياخوي أنت اتحب ورد صح؟
اوس: ومن قال؟
أصيل: ياأوس احني نعرفوا كل شي، نعرفوا انكم اتحبوا بعض وهالشي واضح راهو ☺
امير: أوس راهو عرسك باقي عليه أقل من شهر معقوله تتزوج روان وأنت اتحب ورد؟
اوس: انحبها ورد أي ومستعد اندير أي شي علشانها
امير: سيبها روان ؛ أقسم بالله ماتصلح بيك😬
اصيل: روان وحده ماديه هو صح عندنا فلوس واتعيش أميره هنا بس هي تفكيرها كله سطحي وتافه؛ وأنت نعرفك ي خوي عاقل و ورد ماشاء الله عاقله وواعيه اتناسبك أكتر من روان.
أمير: ووووه شن هدا الحديت الممل😧ي خوي أحرق الدنيا ع شانها هادي حب حياتك😬
أوس: تعرفوا أمس كلمت بوي قالي كان تفسخ الخطبه لا ولدي لانعرفك.
اصيل: تعرف أنت بوك واعر لكن حاول أقنعه.
أمير: اقنعه وكان مباش دير لي ف راصك واصلا قديش بيقعد زعلان ..فترة ويرضى بالأمر الواقع.
أوس: أي مالا كان انقوله ع ورد😩
أصيل: المشكله مش حتى ف بوك .أمك تعرفها تبي الحاجه الباهيه اللي اتفاخر بيها قدام الناس.
أنت تقرأ
ورد الخادمه
Romanceورد بنت حلوة من عيله فقيرة اشويه تسعى لأنها اتساعد عيله غنيه بعد ما عرفت أن في مكيده لهالعيله ....احدات حلوة وقويه راح اتكون ف انتظارها بقلم الكاتبه sam0x
