ورد الخادمه

البارت 8

في حوش أهل ورد.....

فاطمه:😱😱 كيف خدامه ؛هادي آخرتها ي ورد.

ورد:😔استني ي ماما انفهمك؛ وحكتلها ع العيله وعمي خالد كيف ساعد بوها؛ والمكالمات امتاع الراجل ف الشارع؛ وقالت لها اتأكد من نيرمين ع العيله.

فاطمه كلمت نيرمين وخبرتها ان العيله اكويسه وأنهم شكروا ورد وخدمتها .

ورد جت لامها: ي ماما والله ماقصدي اندس عليك لكن عارفاتك من الأول مش حاتوافقي؛ ومش حنخدم فترة طويله ما بين ماكملت العطله ووعد ننساها الخدمه هدي؛ ي ماما انتي تعرفي ظروفنا وكان خدمت ف القصر بنحصل مبلغ اكويس بيش نصرفوا بيه ، والله مايهون عليا انتي تتعبي وتخدمي واحني امقعمزات😦.

فاطمه: دام ان هكي والله ماانوقف ف طريقك ربي يحميك ويبتعد اولاد الحرام من طريقك ويرضى عليك ويوفقك👐💓.

ورد فرحت ومشيت حضنت امها: 😁عرفتك ي غاليه ماتزعلي مني وراصك ماانخيب أملك فيا مادام اني عايشه.

فاطمه: يلا سلم بنتي عدي إرقدي بيش اتنوضي غدوة ناشطه😊.

ورد: حاضر.

خشيت ورد لدارها ألقت جوري راقده ف سابع حلمه😴 غيرت ملابسها وضبطت المنبه ورقدت😴.

تاني يوم الصبح .......

ورد فاقت بكري وهذا للحمام (حشاكم) توضت وطلعت صلت و بدلت ملابس الشغل و كلمت عمي فتحي السواق جاها؛ وصلت الحوش وكان هدووووء؛خشت المطبخ ويطلع ف وجهها أوس .

ورد رعشت: 😨😨 بسم الله الرحمن الرحيم امنين طلعت انت؟.

أوس :😥 ع فكرة انتي اللي رعشتيني ديري صوت حركه وانتي ع الساكت.

ورد: تبي شي استاذ أوس.

أوس : اول حاجه معاش اتقولي أستاذ ناداني أوس بما أن ف نفس الحوش قاعدين ؛تاني حاجه نبي فطور وخداماتنا العزيزات مش فاضيات شكلهم كل وحده لاهيه ف حاجه😧.

ورد: حاضر استاذ قصدي أوس قوللي بس شن تبي ؟☺.

أوس: نبي قهوة وبريوش ساخن بالعسل😁.

ورد :حاضر دقايق بس.😊

جهزت ورد فطور أوس ومدتهله بس هو أصر أنها اتقعمز وتشرب قهوة معاه.

أوس: ورد انتي تقري؟.

ورد: اي نقرى سنه تالته لغه انجليزيه.

أوس : ماشاء الله ؛ربي يوفقك.

ورد: تسلم. اني توا بنعدي انكمل شغلي ف المطبخ😊.

أوس:😞خودي راحتك.

بعد ساعتين ناضت العائله كلهم ألقوا الفطور جاهز فطروا واللي هدا مشي ف حاله.

ورد عدت اصاله الضيافه لأن جايينهم ضيوف ف الليل وقعدت اتضم واتلمع وكملتها 😥ونزلت.

مريم : ورد تعالي.

ورد:نعم مدام.

مريم : أمشي لدار أمير ضميها.

ورد:حاضر.

ركبت للدور التاني وما وصلت لداره إلا بعد جهد😂😂؛ بس قبل مااتخش لداره سمعاته يحكي بالتلفون.

أمير: اي اي خلاص زي ماقلتلك هو قريب عيد ميلادها وانتي كلمي أهلك ؛اي باه؛سلام ي حياتي.

ورد خشت فتحت الباب القوي قصدا نين أمير رعش😨.

أمير:خيرك خلعتيني بشويه.

ورد تضحك ف خاطرها: اسفه مانحسابكش هنا.

أمير: عارفك سمعتي المكالمه بس خليها بيني وبينك ( وهي ما سمعت إلا الجزء الأخير😂😂).

ورد: حاضر.

أمير : انتي اصلا احسن بنت بعد حبيبتي طبعا😋😂.

ضمت ورد الدار بعد ماطلع أمير فرحان بعد المكالمة ..وهكي فات اليوم لليل وقت ورد بتروح.

ورد كانت بتطلع لعمي فتحي السواق بس هي ماطلعتش من الباب الرئيسي طلعت من ورا المطبخ ..لما طلعت شافت سونيا تحفر ف الوطى وميري اتراقب في المكان.

ورد: زعما شن يديرن هدينا وع شن يحفرن 😞😞.

طلعت روحت وتاني يوم الصبح بكري جت؛ خشت المطبخ تجري وطلعت من الباب الخلفي للمكان اللي حفرن فيه سونيا وميري قعدت تحفر نين طلعت حاجه زي الورقه المعقوده خدتها معاها ودستها ف شنطتها.

طبعا اليوم كله كانت اتراقب فيهن وماسيبتهنش.

العشيه .....

كان العم خالد ومريم طالعين والباقي قاعدين ف الحوش ؛ دارت ورد شاهي خفيف ومعاه نوعين موالح وحطتهم ع الطاوله وكانوا الشباب يهدرزوا وفجأة دق الباب؛ فتحت ميراج الباب واسمعوا في صوت وحده (باباأوس قاعد؟) ميراج: اي ماما اتفضل.

خشت البنت للقصر...

طبعا البنت هي روان خطيبه أوس خلونا نتعرفوا عليها:هي بنت حلوة وطويلة بيضه وتخدم مهندسه ع 23 بوها (محمد)عنده شركات زي العم خالد وتعاقدوا جميع وهدا هو سبب خطبت أوس من روان.

روان :مساء الخير😁؛ وجت تجري لأوس حضناته وسلمت عليه بالخد .

أوس :مساء النور☺.

أمير يوشوش وورد واقفه بحداه: بالله وينه الخير من يوم شفنا وجهك الخير هرب😧.

روان سلمت عليهم كلهم وقعدت تشبح ف ورد: مني هادي؟ شافت ملابسها؛ أهاااا خدامه😏.

أمل : هادي ورد .

ورد مشت لأن معجبتهاش حركه روان.

أمل: روان خيرك مع البنت عادي تخدم ؛الخدمه عيب؟😧.

روان: ما قلت شي. أوس نبيك ف حاجه ضروريه😄.

أوس تعالي باهي ؛ ركبوا لدار أوس.

أصيل: والله روان ديما السانها سليط😩 .

أمير: ي ناس اني ماهضمتهاش حصلت ف رقبتي؛ والله ماهي لخوي ؛خوي اكويس ومايستاهل الأشكال هدي😬.

أمل: عارفين الشئ هدا بس من يقدر يعارض بابا😣.

.....يتبع.....

ان شاء الله اتكون عجبتكم الحلقه😀لايك وتعليق منكم يسعدني🌸🌸💓