ورد الخادمه

البارت 4

توا خلونا انتعرفوا ع عيله عبد الباقي

خالد: (الاب) عمره 50سنه ،عنده 3أولاد وبنت وحده، مالك لاكبر شركات تجاريه ومعارض سيارات، راجل طيب بس جدي اشويه.

مريم: (الام) عمرها 40 سنه بس لي يشوفها يقول ف العشرين😂 اتحب اللبس والطلعات والعزايم  والتفخفيخ طبعا😂.

أوس : الولد الكبير، عمره 28 سنه ،بشرته حنطيه،  طويل، وعيونه عسليات،  وعنده عضلات 💪، مهندس ويخدم ف شركه بوه، وعنده خطيبه .

أصيل : الولد المتوسط، عمره 25 سنه ، بشرته حنطيه حتى هو ،طويل لكن أطول من أوس، وعيونه قهويات غامقات، متخرج من كليه الحقوق .

أمل : البنت التالته، عمرها 21 ، حلوه بشرتها بيضه ،متوسطة ف الطول ، عيونها عسليات ،بنوته طيوبه، تقرى ف كليه اللغات بس مش مع ورد.

أمير : الأخير دلوع العيله، ع 19 ،بشرته حنطيه، عيونه عسليات طويل وشخصيه، يقرى سنه اولى اقتصاد بس مايدورش ف القرايه .

في يوم من الأيام.....

خالد: نيرمين.... يانيرمين تعالي

نيرمين (رئيسه الخدم ): اتفضل استاز

خالد : بالله الخدامة لي جبتيها الاخيره اطرديها ودوري غيرها .

نيرمين: ليش استاز!

خالد: هي اصلا دابها داب روحها،  دوري وحده أحسن منها ومانبيهاش كبيرة ،خوديها صغيرة بيش تخدم زين.

نيرمين : حاضر استاز رح شوف (سوريه جنسيتها).

طبعا خالد عبدالباقي عنده فيلا كبيره وواسعه وحلوة هلبه  ومن كبر الفيلا عنده خمس خدامات وتلاته خدم اللي ع البوابه واللي ع الضيافه واللي ع التنظيف واللي ع التطييب مقسمين.

تاني يوم الصبح....

أوس وأصيل  نزلو للفطور القوا العيله متلمين ع طاوله الفطور
أوس واصيل : صباح الخير كلكم

الباقي : صباح النور

خالد: أوس شن صار ف المعاملات لي أمس

أوس :اطمن يابوي كله زي ماتبي

مريم : خالد بنكلمك. .اني خاطري بندير عزومه كبيرة لجاراتي وصاحباتي..

خالد: استني اشوي ي مريم خليها بعد أيام.

أمير: (يوشوش لأمل) أمك هدي مااغلى عليها الفخفخه ديما وهي عازمتلي النساوين هنا.

أمل: اسكت والا انخبرها😌😏

مريم : خيركم يا أمل وأمير.

أمل : أمير كان يشكر فيا.

أمير: 😧أني مش عارفه لمن طالعه أكيده غالطه فيها ي امي😂😂.

أصيل : أمير اسكت خلاص تو أختك تزعل.

أمل : عادي 😌 أصلا أني احلى منه.

أمير:😂😂أحلى من عينك أصلا أني بنات الكليه كلهم بيموتوا عليا .

أوس: 😧 تحشم قدام بوك

خالد: خلاص ياأولاد ياسركم وانتم ديما اتعاركو

كملوا كلهم...وبدن الخدامات يحولن ف الصواني
وكل واحد مشي ف حاله.....

.....يتبع.....