#الفصل_السادس
بعد مرور عاما ....
في منزل الجد عبد الحميد ،،،
_ ها ...أيه رائيك يا جدي ....؟؟
قالها عمر و هو يفرك كلتا يداه
_ يابني أنا مش معارض بس بقول مش أحسن لما تستناها تخلص دراسه ..!!
نظر مجدي إلي والده و قال بتفهم :
_ يا والدي هي تكمل في بيت جوزها هي خلصت سنه أولي خلاص و أهو نلحق نعمل الفرح في الاجازه دي علشان العرسان يقعدوا مع بعض شويه و لو هيسافروا برضو علشان يقضوا يومين عسل ....
_ والله يا مجدي الرأي في الأول والأخر رأي مريم أنا عمري ما هقدر أجبرها علي حاجه ...
قالها الجد عبد الحميد ثم نظر لأبنته رباب وتابع :
_ نادي علي مريم يا رباب ...
بالفعل توجهت رباب للخارج ، و أتت بصحبتها مريم التي ما كانت تنظر لأي مكان سوي الارضيه من خجلها و فرحتها ..
أستند الجد علي عصاه ، و توجه ناحية مريم و ربت علي كتفها في حنو حقيقي و قال بصوت رخيم :
_ مريم يا حبيبتى .... من غير ما حد يجبرك علي حاجه قوليلي إنتي موافقه انك تتجوزي عمر ابن خالك ...!؟
ظلت نور مثبته عيناها بالارضيه من الخجل و لكن تبتسم لا أراديا حتي أن أستطاعتخرج صوتها :
_ اللي حضرتك تشوفه يا جدو ...
_ طيب يا حبيبتي عمر عايز يعمل الفرح الاسبوع الجاي ... موافقه من غير خطوبه ...!!؟
صدمت مريم من هذا القرار و لكن كان قلبها يرفرف فرحا ، و كادت أن تطير من السعاده و هزت رأسها بالموافقه و هرعت للخارج ... و لحقتها رباب ..
نظر الجد بخبث إلي حفيده و قال :
_ شكل إن الكل موافق و مظبطينها و جايين تعرفوني بس ....
ضحك مجدي و قبل يد والده :
_ ربنا يخليك لينا يا حاج ، و الاولاد مش محتاجين فرصه علشان يعرفوا بعض دول متربيين سوا ..
و قف عمر و أبتسامه واسعه ترتسم علي ثغره :
_ طيب عن آذنكم أنا علشان أبتدي تجهيز من دلوقتي ..
كان من بين الجالسين من لم يروقه هذا الكلام أبدا و لم يعجبه أي قرار ..
وقفت راويه بوجهها الممتعض و قبلت يد والدها و قالت قبل أن ترحل :
_ طيب خلاص طالما أنتوا خدتوا كل قراراتكم أمشي أنا بقي مع السلامه يا حاج ..
الجد : مع السلامه يابنتي و سلميلي علي بسمه و يوسف و مروه ولادك ...!!
_ حاضر يا حاج .... عن آذنك
قالتها روايه و هي تلوي فمها للجانب بضيق ..
...........................................
في منزل راويه ،،،
_ قومي يا منيله ... قومي يا بلوه ... شوفي الكارثه ..
قالتها راويه و هي تضرب ابنتها بسمه النائمه علي السرير بيديها ...
صرخت بسمه متألمه :
_ آآي ... آآآه ... أيه يا ماما حد يصحي حد كده ..!!
_ طبعا ما إنتي نايمه في العسل هنا ... و متعرفيش المصيبه اللي هتحصل ..
قطبت بسمه حاجبيها و تسآلت :
_ يا ساتر يارب ... مصيبة أيه دي ...!؟
_ أبن خالك عمر ياختي هيتجوز مريم ..!!
ضحكت بسمه بسخريه :
_ ههههه .. يلا ألف مبروك أمتي الفرح ...!؟
_ يا بت ... هو إنتي تلج ...!!
_ ماما حبيبتي ... عمر آصلا مش في دماغي و لو كان في دماغي و عايزاه ... هيجيلي و لو يوم فرحه حتي ...!!
لوت راويه فمها في سخريه :
_ ياختي أتنيلي ... أهي هتتجوز قبلك و إنتي لسه ... بلا نيله ...
بعد أن خرجت راويه من الغرفه ، وقفت بسمه أمام المرآه و هي تنظر إلى إنعكاس صورتها و إبتسامه عريضه تعتلي ثغرها ...
..........................................
في اليوم التالي ...
في شقة كريم ،،،
تمطعت بسمه علي الفراش ، و شدت تلك الملاءه التي تخبئ جسدها العاري ...!!
خرج كريم من المرحاض و هو يرتدي بنطال قماش و عارى الصدر ، و يضع منشفه علي عنقه و نظر إلى المرآه و هو يمشط شعره و يطلق صفيرا عاليا ثم نظر بجانب عينيه إلي بسمه المتواجده علي الفراش واضعه يدها أسفل ذقنها و تفكر ، فرفع أحد حاجبيه و ألقي بالمشط و جلس علي الفراش و مال بجسده ناحيتها و هو يعبث بخصلات شعرها :
_ الجميل ماله كده ...!!
زفرت بسمه بضيق طويلا ، و نظرت إلى كريم بجديه :
_ كريم .. أنا لازم أتكلم معاك ضروري في موضوع ..
نظر إليها كريم بنظرات متفحصه ، و أقترب منها لتضرب أنفاسه الساخنه وجهها و قال بصوت هادئ و هو ينظر لشفتيها :
_ ما أنا كمان عايز أتكلم معاكي ... و كلام كتير كمان ..أنا لسه ماشبعتش منك .... !!
أزاحته بسمه بيديها بعيدا ، و وقفت و هي تلتف بالملاءه و أتجهت نحو المرحاض و ألتفت قائله له :
_ هاخد شاور و أغير هدومي ... أستناني في الصاله بره ... أنا لازم أتكلم معاك ....!!
..............................
جلس كريم علي الاريكه و هو ينفخ دخان سيجارته ..
خرجت بسمه من المرحاض ، و جلست علي الاريكه في مواجهته ، و شبكت كلتا يديها ببعضهما .
رفع كريم بصره قليلا ناحيتها :
_ عايزهيه يا بسمه ... أرغي ...!!
_ هتتقدملي أمتي يا كريم علشان تتجوزني ..؟!
ضحك كريم بقوه و قال بسخريه :
_ ما أحنا متجوزين بقالنا خمس شهور يا حبيبتي ....!!
غضبت بسمه من طريقته المستفزه فوقفت قائله :
_ رسمي يا كريم ... مش عرفي .. هتتجوزني رسمي أمتي ...!!
أخذ كريم نفسا طويلا من سيجارته و زفره ببطء شديد و وقف وضربها بخفه علي وجهها بيديه مازحا إياها :
_ ربنا يسهل يا حبيبتي ... ربنا يسهل ..
أمتقع وجه بسمه غضبا و هي تصيح :
_ لا يا كريم ما أنت لام تتجوزني قبل فرح مريم و عمر ....
سقطت السيجاره من يد كريم و أطبق بشده علي ذراع بسمه و صاح غاضبا :
_ أنتي بتقولي أيه ..... هي مريم هتتجوز ..... !!
............................................................................................ يتبع ....
#Esraa_Abdellatif
