#الفصل_السابع
سقطت السيجاره من يد كريم بعد سماعه جملة بسمه و أطبق بشده علي ذراع بسمه و صاح غاضبا :
_ أنتي بتقولي أيه ..... هي مريم هتتجوز ..... !!
نظرت له بسمه بغضب :
_ آها ... هتتجوز الاسبوع الجاي هي و عمر و ده يخصك في آيه ...!!
أطبق كريم بيده القويه علي فك بسمه حتي كاد يهشمه بين قبضته :
_ مريم دي تخصني ... فاهمه ليا أنا وبس محدش غيري هياخدها ..!!
_ آآآه ... أبعد عني يا كريم ...آآ ..هموت ..
ألقاها كريم بعيدا حتي سقطت علي الارضيه الرخاميه ، و رفعت رأسها و نظرت له بأعين دامعه :
_ ... وآآنا ... وآنا يا كريم دا .. دا أنا أكتر .. واحده حبيتك و هفضل أحبك ...!!
نظر لها بغضب و عينان مشتعلتان غضب :
_ و أنا عمري ماحبيت واحده غير مريم ...!!
أتجه كريم ناحية الاريكه و جلس عليها و أشعل سيجارته و ظل ينفخ بها فى عنف و يحرك قدماه بغضب و عصبيه ...
و قفت بسمه و هي تلملم شتات نفسها و بأعين باكيه و أتجهت نحو كريم و وضعت يداها علي كتف كريم :
_ كريم .... مريم بتحب عمر من زمان .. و أنا ... أنا بحبك أنت عمر ما هتلاقي حد يحبك زيي ... دا أنا ... أنا مرات يا كريم مراتك
أخرج كريم ورقه من جيبه صائحا :
_ هي دي ورقة جوازنا أهي يا بسمه أهي..
مزق كريم ورقتي الزواج الخاص بهما و التي أصر أن يحتفظ بكلتاهما و ألقاهم في و جهها قائلا بصياح :
_ كده أنت مش مراتي يا بسمه و أنتي طالق ،طالق ،طالق يابسمه وبالتلاته كمان ..
نظرت إليه بسمه بدموع :
_ ليه كده يا كريم ليه حطمتني دا أنا أكتر واحده حبيتك ده جزاتي ...!!
_ نظر لها كريم بأعين كادت أن تذرف منها الدموع ، و لكنه تماسك بقوه و قال و هو يصر علي أسنانه ببطء :
_ إنتي معندكيش كرامه ، بقولك أنا مش بحبك .. مش بحبك أفهمي ، أنا بحب مريم و بس ... و من زمان كمان ... من قبل ما أرتبط بيكي و حاولت أكلمها و هى دايما بتصدني ، و ده اللى مسكني بيها أكتر و أرتباطي بيكي مكنش أكتر من وسيله .... علشان أقرب منها ......!!
نظرت بسمه بغضب لكريم و الدموع تملأ وجنتيها :
_ بس أنت يا كريم ليا أنا لوحدي .... و عمرك ما هتكون لواحده غيري ... فااهم
نظر لها كريم بغضب و وقف وأمسكها بقوه من ذراعها و هتف صائحا :
_ غوري من وشي يا و*** يا بنت ال *** مش عايز أشوف وشك تاني ..
جذبت بسمه ذراعها بقوه و جذبت حقيبتها بقوه من علي الاريكه ، و نظرت بتوعد لكريم و قالت قبل أن تخرج من الباب و تغلقه بعنف خلفها :
_ وحياتك يا كريم لتترجاني علشان أرجعلك ....!!
ألقي كريم مطفأة السجائر الزجاجيه بالباب خلف بسمه حتي خبطت بقوه في الباب و سقطت متهشمه .....!!
و ظل يضرب و يكسر كل شي متواجد بالشقه بعنف و غضب .
....................................
_ ها أيه رأيك يا بسومتي في الفستان فكرك هيعجب عمر ....!؟
قالتها مريم و هي تلتف بفستانها الابيض المزين بفصوص الالماظ و بحمالات رفيعه و واسع جدا من أسفل ... أمام تلك المرآه الكبيره المتواجده بصلون التجميل ....
رمقتها بسمه بنظرات حاقده و غاضبه بتلك العينان التي أصبح أسفلها أسود ...
أقتربت مريم من بسمه و أملست علي شعرها بحنيه و نزلت لمستواها :
_ أنتي فيكي حاجه .... قوليلي يا حبيبتى إنتي أختي ... في مشكله بينك إنتى و كريم ...!؟
نظرت لها بسمه بكره شديد و قالت بغضب :
_ لما إنتي كنتي عارفه إنه بيحبك .... ما قولتليش ليه ...!!
أزدردت مريم لعابها في توتر وخوف جلي ثم وقفت و أعطت ظهرها لبسمه و خطت بعض الخطوات ببطء و هي تفرك يديها :
_ ... آآآ ... ماهو .. آصل ..
وقفت بسمه في مقابلها و صرخت بدموع بها :
_ ماهو أيه .. أنطقي ... ليه ده ...ده أنا بعشقه .. لا يمكن أقدر أبعد عنه ...ده حبي ليه أدمان .... !!
نظرت لها مريم بحزن و قالت بهدوء :
_ علشان كده أنا مقدرتش أقولك ... لاني لقيتك بتحبيه جدا .... أنا حاولت أحذرك إنه مش كويس .. و إنتي رفضتي .. لقيتك بتحبيه جدا و سعيده ... ما قدرتش أكسر فرحتك دي ...
جلست مريم علي المقعد و ظلت تبكى بشده و تتشنج و تقول من بين شهقاتها :
_ يا ريت كنتي ...آآآ كنتي .. كسرتي فرحتي في الاول ... آآآ كان هيبقي أهون من دلوقتي ... !!
جلست مريم علي ركبتيها و هي تمسك يدي بسمه و الدموع تتجمع بمقلتيها و بنبره باكيه :
_ قوليلي فيكي أيه يا بسمه .... كريم قالك أيه ..!!
جذبت بسمه يديها بقوه من بين يدي مريم وقالت بغضب :
_ كفايه بقي تمثيل دور البريئه ده .... أيه لازم يعني تطلعي إنتي دايما الطيبه الحنينه المظلومه دايما ... !
_ أيه اللي إنتي بتقوليه ده يا بسمه أنا مش فاهمه حاجه ...
قالتها مريم بدموع ...
أمسكتها بسمه من ذراعها بقوه حتي أنغمست أظافرها فيه و تأوهت مريمه بألم ...
_ آآآه ... دراعي يا بسمه في أيه ..
رمقتها بسمه بحقد و قالت و هي تصر علي أسنانها :
_ ماهو مش أنا لوحدي اللي هتعذب ... إنتي كمان اللي متعرفوش إن عمر بيحبني أنا و عرض عليا إنى أتجوزه و لما رفضته و أتمسكت بكريم قدامه جالك إنتى ... يعني يا حبيبتي زي ما أنا بحب كريم و هو مش بيحبني و بيحبك ... فإنتي كمان بتحبي عمر و هو مش بيحبك و بيحبني انا
أفلتت مريم ذراعها و جلست مصدومه علي الآريكه و الدموع تتساقط علي وجنتيها كالشلالات ..
في تلك الأثناء دخلت رباب و هي تزغرط .. ولكن شهقت عندما رأت هيئة كلا من مريم وبسمه ..
_ أيه اللي حصل يابت إنتي و هي ... في أيه يا مريم ...!؟
وقفت مريم بفستانها و قالت بغضب مصاحب ببكاء :
_ أنا مش هتجوز عمر يا خالتو ...... !!
............................................................................................... يتبع ....
#Esraa_Abdellatif
