#الفصل_العاشر
وصلت مريم إلي شقة خالتها راويه و طرقت عدة طرقات خفيفه علي الباب ...
فتحت راويه الباب و عندما و جدتها مريم أخذتها في حضنها قائله بحب زائف :
_ أزيك يا مريم .. أزيك يا حبيبتي وحشاني و الله أدخلي يا حبيبتي ده حتي خالتك رباب جوه و مروه بنتي و عيالها ..
أبتسمت لها مريم بوهن و دلفت للصالون ..
بمجرد أن رأت رباب مريم حتي أحتضنتها بحنان و شعر بأن هناك أمرا ما ..
سلمت مريم علي خالها مجدي و زوجته و أبنائه و علي زوج خالتها راويه و ابنه يوسف و بنته مروه و اطفالها و جلست بجانب خالتها رباب ..
نظرت رباب إلي أبنتة أختها مريم و التي أعتبرتها دائما بمثابة ابنه لها فشفقت علي حالها فهي تبدو هزيله مطرقة الرأس شاحبة اللون ...
تنحنحت رباب و قالت بأسئ و نبره منخفضة و هي تميل ناحية مريم :
_ مالك يا مريم ... أتخنقتي إنتي و عمر تاني .... !؟
تنهدت مريم في حزن قائله :
_ و أحنا من أمتي ماتخنقناش مع بعض يا خالتو ..... عمر زي ما يكون واقفلي علي غلطه و كل خناقه يسيب البيت و يمشي ...
_ أخبارك ايه يا مريم أنتي و عمر ...!!
قالتها راويه و هي تجلس مقابل مريم
أبتسمت مريم محاوله أخفاء حزنها قائله :
_ الحمد لله يا خالتو ..
_ مفيش حاجه جايه في السكه و لا ايه إنتي بقالك حوالي خمس شهور مخلصه ... عايزين نفرح بيكي إنتي و عمر و نشوفكم عيالكم ...!؟
مجدي متدخلا :
_ أه صحيح يا مريم ... مش ناويين تفرحونا و تخلوني أنا و رجاء جد و جده ..!!
نظرت اليهم مريم في أسئ قائله :
_ ربنا يسهل .... أمال بسمه فين ...!؟
_ في أوضتها يا حبيبتي ... روحي ادخليلها ...!!
قالتها راويه و هي تشير ناحية غرفة بسمه ...
..................................
دخلت مريم غرفة بسمه فوجدتها تقف بحزن أمام المرآه فأقتربت منها و وضعت يديها علي كتفها قائله بحزن :
_ أيه يا بسمه .... مش ناويه نرجع زي الأول يا حبيبتي و لا أيه ....أنتي أحتي يا بسمه و ما أقدرش أستغني عنك أبدا ...
التفت بسمه إلي مريم قائله :
_ خلاص يا مريم ... اللي حصل حصل ... ننسي اللي فات بقي و نبدأ من جديد أحسن ...
فرحت مريم كثيرا و أحتضنت بسمه بقوه و سقطت دموعها رغما عنها قائله :
_ ربنا يخليكي ليا يا بسومتي ..
أحست بسمه أن هناك أمرا ما بمريم فأجلستها علي الفراش و جلست بجانبها قائله :
_ مالك يا مريم بس ... بتعيطي ليه ...!؟
نظرت مريم اليها بحزن قائله :
_ أنا و عمر علي طول خناق .... حاسه أبيحبني يا بسمه ..!!
بمجرد أن سمعت بسمه هذه الجمله حتي لمعت عيناها بمكر و أبتسمت أبتسامه وضيعه .....
