روايه💗 #حوش_العيلة💗
ابطال روايتنا❤️:-
عيلة الجد
جداهم👵 :فوزيه
جدهم👴:علي
عندهم تلاته اولاد وبنت
صالح :مواليد52 مهندس متمسك في العيله هلبا ومايحب شي في خوته و خواته ويسكن فوق حوش بوه
مرته كريمه:مواليد 55 ربت بيت مرأة طيبه هلبا تحب صغارها و مدلعتهم
صغارهم :
سالم الكبير مواليد 87 نقشه ع الاسمر عنده لحيه غيور هلبا وماعنداش اختلاط ببنات العيله يخدم طيار
كريم :مواليد 90 جوه حلو يشبه ل سالم في الشكل بس قصير شوه يخدم شركه اعلان
شهد : مواليد 99 تقرا مع سمر صحبات هلبا ..بشرتها حنطيه قصيره وشعرها طويله
ملاك :خبيته شويه غيوره بنات العيله ديما متجنبينها بيضاء وطويله مواليد92 تقرا محاماه
اكرم : مواليد 54ماسك رئيس قسم في شركه
سميه :مواليد 62مرا صاعبه لكن في نفس الوقت حنينه وماترضى حد يغلط في صغارها تخدم مدرسه رياضيات
صغارهم:
مؤيد:واحد مش هامه شي وواخد الحياه ايزي ومعروف بدمه الخفيف وجوه المليح ومواصفاته عيونه سود ورموشه طوال ويشبه لياسمين مواليد 91يقرا طب بشرى
ياسمين:نقشها ع الابيض عيونها وسعات وشعرها طويل مواليد 93متخرجه من علم امراض (تحاليل )و تخدم في مستشفى وتسوق (وطبعا هي تخدم لان التحاليل مش طويله هدا علاش تخرجت قبل مؤيد)
سلمى :بنت تحب تهتم بروحها هلبا وجيج لولاد مطلعاته من راسها .. مواصفاتها عيونها عسليات وبشرتها سمرا شويه وشعرها بني غامق مواليد 95تقرا سنه تانيه هندسه
سمر:بنت قويه تقدروا تقولو (مسترجله) ميهمهاش اللبس والميك اب عكس سلمى واهم شي عندها خواتها واللي يقرب منهم يلقاها قدامه مواصفاتها عيونها عسليات وشعرها قصير لعند رقبتها وبشرتها بيضه مواليد 99 تقرا تالته تانوي علمي
مختار :مواليد 55يحب بناته هلبا و مدلعهم يخدم رئيس قسم في شركه
مراته سعاد : مواليد حنينه واعره ع الحق
صغارهم
عمران:بشرته حنطيه شخصيته حلو جوه حلو لما رايق و كتوم مواليد 91يقرا طب بشرى مع مؤيد
سيف :اسمر جوه حلو بصار و بس مواليد93 يقرا هندسه
بشرى :بنت حلوا عيونها بنيات شعرها قصير و طولها متوسط مواليد 95 نفس سلمى تقرا صيدله
بسمه:اختهم مواليد 59
صغارها
عبد الله :مواليد 94 جوه حلو ابيض قصير يقرا اداره اعمال
ريهام دنيا :مواليد 96توام جوهم حلو يحبو حوش جدهم هلبا ..يقرو اسنان يشبهو بعض بس ريهام سمراء دنيا بيضه
{انشاءالله رح انزلكم الحلقه الاولى من الروايه كونو مستعدين}
الكاتبين #دنو_وهيما
~~~~~~~~~~~~~
#الحلقة_1
نبدو قصتنا:-
سميه:نوووضي انت وياها وقت عليكم ف(وفتحت الستار عليهم)
سلمى :باه شويه بس
سميه:شويه شن الساعه7:30
ياسمين:هيا اهو نضنا ياماما باهي
سمر:هالقرايه السوده امتى بنتم ونستريح
ناضو خشو للحمام(حشاكم) وحده وراء التانيه
سميه :ياسمر بري نوضي مؤيد حتى هو عنده محاضره
سمر :حاضر
خشت لداره ولقت طاسه اميه حداه خدتها وبزعتها كلها علي وجهه
مؤيد:يااااا كلبه والله لما انوريك يافرخه
سمر :ههه هيا نوض وقت علي محاضرتك
مؤيد :اهو نضت
وتوا روحهم ونزلو يفطروا مع بوهم وامهم
سلمى/وياسمين/وسحر/ومؤيد:صبااح الخير
سميه واكرم:صباح النور
مؤيد :كيف حالك يااحاج
اكرم :قولها لروحك حاج انا قاعد شاب
ياسمين :واحلى شاب وراسك
مؤيد:شو واتق بحالو وشو قلبو اوي
كلهم :هههههه
اكرم :نوض ياللي ماتتحشم نوض
مؤيد :هي اصلا وقت نشوفوكم بعدين
سلمى :استنى وصلني معاك
مؤيد:هي فيسع
ركبو السياره وكيف بيمشي
مؤيد :شن اللي علي خليقتك هدا امسحي امه
سلمى :حرام عليك خليه والله درته خفيف
مؤيد :كلمه هي
طلعت سلمى وايبس من شنطتها ومسحاته زي البنت الشاطره
مؤيد :ايوا هكي اصلا بلاه احلى بهلبا
سلمى:هيا برا وبلا كتره دوه
وصلها لجامعتها ومشي هو لجامعته
------------------
ياسمين :هيا سمر باش نوصلك لمدرستك
سمر :هيا غير نجيب شنطتي
ركبو للسياره ووصلتها لمدرستها ومشت هيا لخدمتها
-----------------
عند سلمى
وصلت للجامعه وتلاقت مع صحباتها واللي هما ملاك وحياه
سلمى :صباحوو بناات
ملاك :صباحو يالحب
حياه: صباح العسل
سلمى :شن جوكم
ملاك وحياه :تمام
حياه :هيا المحاضره قريب اتم
سلمى :استنو
حياه وملاك :شني
سلمى :متشبحوش فيا مش مدايره شي في وجهي
ملاك وكان هدا
سلمى :كيف كان هدا قصدك تبيني نخش للقاعه وانا هكي
حياه :عادي شن فاها
سلمى :هيا بلا دوه زايده نمشو للحمام ندير شويه ميك اب ونمشو للمحاضره
حياه :لكن فيسع وله
سلمى :اي فيسع
مشو للحمامات وساوت الست سلمى روحها وولت علي سنقه عشره
ملاك:حسيته اوفر هلبا
سلمى :لالا بالعكس حلو
وطلعو وهما ماشين للقاعه جوهم زوز اولاد وقعدو يعاكسو في سلمى
الولد1:ياسمح غير عدل
الولد2:******092
سلمى طارتلها وتلفتت عليهم هزبتهم وكملت طريقها
وخشو للمحاضره
-----------------
عند سمر
خشت لمدرستها وتمشي بتقه وطبعا معروفه في مدرستها بشخصيتها القويه
تلاقت مع صاحبتها الوحيده وبنت عمها شهد
سمر:شن الجو ياحماره
شهد :وينك يامسخه من امبكري وانا مقعمزه بروحي زي الهبله
سمر :ههه تستاهلي كان قعدتي في الحوش راه جيتي معاي
شهد:والدراه حنين من بكري وهي تحدف في الدوه
سمر :طلع عندها لسان هالفكرونه
شهد :هههه وووه عليا
سمر :شن قالت قوليلي
شهد :تلقح علي
سمر:وانشاءالله سكتيلها
شهد: طبعا لا سمعتها كلمتين سلختلها وجهها ومشيت وسيبتها
سمر: تو نخشوا للفصل ونرباها الكلبه
(طبعا حنين بنت تقرا مع شهد وسمر والزوز ميحبوهاشوديما عراك)
خشو لفصلهم ولقو حنين مقعمزه علي مقعدهم
سمر بصوت واطي تسمعه شهد:جت في وقتها
سمر :شني ياشهد خيرهم مابخوش مبيد حشرات في الفصل لان في هلبا حشرات.مقرفات علي مقعدنا
شهد:والله مانعرف لكن تو بعدين نقولولهم
حنين:يابنات تسمعو في صوت الذبان ولا انا بس
صحباتها :ههه اي حتى احنا نسمعو فيهم
سمر جت شدتها من رقبة سوريتها وحولتها من المقعد
سمر :مزلت نلقاك مقعمزه في مكاني رجلك نقصهالك
حنين :يدك معاش تمسيني بيها لان الحق نشمئز منك
سمر:منمسها وكانك مرا ديريلي حاجه
حنين: ولاني مرا مش حنكلم مسترجله زيك
سمر :انا تو نوريك كيف شكلها المسترجله
وشدتها مش وشاحها وعفجتها طريحه لن جي مدير المدرسه ودخلهم للاداره
المدير:وين تسحابي روحك انتي وياها
حنين:والله يااستاذ مادرتلها حاجه هي جت هجمت عليا شوف كيف خبشتلي وجهي
سمر:قداشك واحده لفعه
المدير:خلاص ياحنين بري لفصلك وانتي ياسمر خليك
سمر :نعم
المدير:هدا الوضع معاش ينسكت عليه يوم الاحد لازم يجي بوك ونتفاهم معاه هادي مش اول مره
سمر :تمام تو غدوه يجي
المدير :خلاص اطلعي
وولت لفصلها وقعمزت حدا شهد
شهد :شن صار
سمر:بعدين
وخشت الابله وقعدت تشرح في الدرس
-----------
عند ياسمين
وصلت للمستشفى خشت للمعمل وبدت تخدم
لعند ماجتها صاحبتها اسمها فلك تخدم معاها في نفس المستشفى
فلك:صباحو
ياسمين:صباح الفل
فلك:شن كملتي
ياسمين:اي شويه بس
فلك :انا في الكافيتيريا لوطا بعد ما تكملي انزليلي
ياسمين :تمام
كملت باسمين شغلها وقالت خلي نتصل بأحمد امس كان جوه معكر
(احمد هدا حبيبها مواليد90 تعرفت عليه من سنتين في الجامعه وحباته وخشو في علاقه)
ياسمين :صباح الخير ياقلبي
احمد:شن تبي
ياسمين :مانبي شي بس قلت نصبح علي حبيبي
احمد :صباح النور
ياسمين :انت وين
احمد :وين بنكون يعني في الشغل هيا باي توا مش فاضي
وسكر في وجهها
انصدمت ياسمين من حركته ووجعتها وقعدت تفكر شن اللي غيره قبل كان يقولي نسيب شغلي باش نكلمك وتوا هاملني وميلمش فيا الا كان انا كلمته معقوله معاش يبيني باهي انا فاش قصرت معاه نزلت دمعتها فيسع مسحتها وغسلت وجهها ونزلت لفلك للكفيتيريا
فلك :خيره عيونك حمر
ياسمين:احمد
فلك :شن دار الحيوان
ياسمين :تغير عليا معاش بدي يطيق يسمعني امس كلمته مباش يرد من الاول بعدين رد قعد يهزب واليوم قلت خليني نرن عليه ولما كلمته قالي شن تبي معقوله في حد يقول لحبيبته شن تبي وبعدين .....سكر في وجهي وجعتني منه معقوله هدا كله لاني حبيته
فلك:فوتيه حبيبتي هدا واحد حقير ميستاهلكش وانا من الاول مش مستريحتله وواضح ان كان يلعب عليك
ياسمين:لالا مستحيل احمد يدير هكي هو يحبني وميفكرش يجرحني يمكن عنده ضغط شغل او مشاكل في الحوش وتو يولي زي ماكان
فلك :انتي اليوم اتصلي بيه وقوليله انك معاش تقدري تستحملي الوضع هدا وشوفي شن يكون رده
ياسمين :انشاءالله
فلك:هيا امسحي دموعك فضحتي بينا كلهم يشبحو
ياسمين:هههه
----------------
كملت ياسمين شغلها خطمت ع شهد و سمر بتروح بيهم
ياسمين :كيف لقرايا معاكم
شهد:اليوم سموره دارت ااا
سمر :درت مجسم في الرياضيات
ياسمين :باهى كويس شدو حيلكم بس لان شهاده
شهد:انشاء الله
وصلو عند الحوش نزلت سمر وياسمين ل حوشهم و شهد ل حوشهم
سمر :ماما
سميه : انا هنا
ياسمين:ماروحتش سلمى و مؤيد
سميه:مؤيد في داره وسلمى عندها لعند 2
ياسمين : به
خشت ل دارها هيا و اختها
ياسمين :شن لغدي
سمر :كسكسي
ياسمين :بنموت ب الشر
سمر :مرض ديما خلعاتك بطنك هههه
روح اكرم وتغدو مع بعض
مؤيد:انا طالع لعمران
سميه:باهي زينه
.....في حوش للعمه
ريهام :دنو شن رايك نمشو لحوش جدى بعدين نباتو خميس و جمعه و السبت نروحو
دنيا :اي والله مستاحشه حوش جدو
بسمه :ل شنى تخططو
دنيا :مامتى حبيبتي انتى
بسمه:شن تبي هي
ريهام :نمشو لحوش جدو بعدين
بسمه :غضوه خميس تو نمشو
دنيا :لا ماما بالله عليك
ريهام:حبيبتى ماما عندناش محاضرات
بسمه:اسألو بوكم وكلمو عبد الله يرفعكم
دنيا ريهام :خوووشي
------
شهد :انا جيت
ملاك:وكان هدا
شهد:هاهاها
ملاك :من جابك
شهد:ياسمين جابنتنا انا وسمر
ملاك :مرض هالخلايق
شهد :ملاااك تحشمي
ملاك:تعيطي عليا علي خاطر كمشه كلاب
شهد :الكلاب هادو خير منك مش عارف شن دارولك باش كارهتيهم هكي
ملاك :انا حره
شهد :الدوه معاك خساره
خشت لدارها وقربعت الباب
طلعت امهم من الكوجينه
كريمه :خيركم شن فيه
ملاك :مافي شي تعاركنا علي نفس الموضوع
كريمه :انشاءالله ربي يهديك يابنيتي هدو زي وخياتك
ملاك:خلاص.ياماما صكري عالموضوع
كريمه :الغدي واتي بري نادي علي خوتك
ملاك :باهي
مشت لدار شهد
ملاك :قتلك ماما تعالي تغدي
شهد :مخاطريش
ملاك :علي راحتك
وسكرت الباب
ومشت نادت علي سالم وكريم
واستنو بوهم لن جي وتغدو كلهم مع بعض
--------
بشرى :ايوا ماما
سعاد :بشوره بنتى قالك عمران مزلتى ولا نجيك
بشرى :لا خلاص ماما قوليله يجى كملت
سعاد :باهى
..................
سعاد :عمران وليدي اختك قتلك كملت
عمران :ابعتيلها سيف يما
سعاد :خوك قاعد ما روحش
مؤيد :انا ماشي مروح ب سلمى تو نمر علاها
عمران :الدير فيا خير بنرقد
مؤيد :السته عندنا كوره ما تنساش
عمران : تم
مؤيد : هي سلام
سعاد : قعد تغدى مؤيد
مؤيد : لا والله قبل نا نجى كيف تغديت
سعاد : صحيحه
مؤيد طلع
.............
سلمى : ايوا مؤيد
مؤيد :خيرك
سلمى :نبيك تجى تروح بيا
مؤيد : به نخطم ع بيشا و ونجيك
سلمى : تم
مؤيد وصل عند كليه بشرى و نزل قعد يدور
لقاها مقعمزه في الكفيتيريا يشوفلها من بعيد
الولد : نجي نفطر معاك ياسمحه
بشرى : خطانى ياقليل الادب
الولد : لما شفتك وليت قليل ادب ياعسل
مؤيد :خير
الولد : شورك السمحه هدى
مؤيد : تعالى جاي يا ولد ال$#$@//ويضربه بكس
بشرى : مؤيد خلاص وراس مؤيد
جو لولاد يحزو وسلكو الولد منه
مؤيد :شد بشرى من مرفقها و طلع بيها ..اركبي
بشرى : ركبت لتالى
مؤيد : سواق بوك اركبي من قدام (بتكشيخ)
بشرى : خافت ركبت قدام
مؤيد : مره تانيه التمو محضراتك تقعدى لداخل ..عاجبك لولاد يحدفو في الدوه و يعاكسو
بشرى: تبكى والله ماقصدى
مؤيد :امسحى دموعك سادك
وصلو عند سلمى
مؤيد :الو اطلعى
سلمى : باهى
مؤيد : شدى اكتبي رقمك بش مره تانيه نتصل بيك تطلعى
بشرى : فرحت خدت التليفون و كتبت الرقم
سلمى : هاي
مؤيد :شافلها من المرأيه ..الخرا اللى ع وجهك شن قتلك عليه انا
سلمى :مكياج بسيط انت اللي راقيلك
مؤيد : من غير قطاف
ساد الصمت لعند وصلو للحوش
يتبع
كاتبة 💜
DA NO Remo Rm
