تفاعلكم مزال حلقة الاخيره بس
#حوش_العيلة❤#الحلقة_49❤
دنيا: نبي نولي للجامعه
سالم: لاااا
عبدو: مزال ارتاحي
ريهام: اصلا وقفت القيد ليا وليك
دنيا:ليش ماكملتيش
ريهام: مانقدرش نمشي شهرين بلاك
دنيا:هههه حبيبتي ❤
عبدو: احم حقا نبي نحكي معاكم في موضوع
كريمه: خير انشاء الله
عبدو: مش انتم للاسف هههه شن رايكم نمشو للمربوعه 😂
كريمه: سيورنا بنعرفو اصلا
عبدو: المهم مش توا
جدي: هي نوضو
"طلعو للمربوعه "
مختار: خير انشاء الله
عبدو: الصراحه الموضوع يخصك انت ياعمي صالح
صالح: خير
عبدو :في واحد نعرفه الحق مش صاحبي هلبا لكن راجل باه
صالح: اي
عبدو: كلمني علي ملاك
الجد: من عيلة من هدا
عبدو: من عيلة ال####
صالح: والله شن بنقولك اسالو عليه كان لقيتوه باه يتفضل ولا شن رايك يابوي
الجد:زينة الكلام
سالم: نسمع بيهم العيله هادي
عبدو: انا نعرف الولد باه وتو نزيدو نسالو
كريم: شن يخدم هوا
عبدو :يخدم في ####
سيف:اه زي اللي زبطه الولد
عبدو: تو نعرفكم عليه بعد مانقصقصو عليهم
سيف:اي باه
عمران: انا نستآدن بنروح
اكرم: خيرك نهدرزو
عمران: لا والله ياعمي عندي مشوار مهم كان لحقت تو نمر عليكم بعدين
اكرم: مربوحه
عمران: هي السلام عليكم ❤
.
.
.
فلك: نحس في روحي هكي مش عارف
سمر :اهو وحده جايبه والتاني في الشهر التالت
ياسمين: نحس فيك حامل علي حسب الاعراض
بشري: حتي انا
فلك: قالي عمران تو نرفعك تحللي لكن اشبح امتي
ملاك: ربي مايكسرلك خاطر وتطلعي حامل
فلك: يااارب
ياسمين: اشيه علي وليدي العسل تو بيحصل عرايس 😂
بشري: من قالك بنت انا 😒
فلك: ومن قالك حامل انا 😂
ياسمين: ههههه انتي نحس فيك حامل لكن اشبح ب شني لكن انتي يابشري بنية وقولي قالتها
بشري:نمشي نشري لحوايج من توا 😂
ريهام: ههههههه تتكلم بثقه الباين 😂
دنيا:بنات
الكل: هااا
دنيا:نبي نتجوز توا
حنان: هههه توا توا 😂
دنيا:قصدي مانبيش نستني لين نتخرج شوفو مزالي سيمستو والمشروع مش حيآثر
بشري:السبب
دنيا:شن ضمننا نعشو لغضوه 💔
سمر:صح
سلمي:ندير انا وياك عرسنا مع بعض
دنيا: ههههه فكره
شهد:ههههه تقول فاتحين محل مدعوم بالاتنين يطلعو 😂😂😂😂
ياسمين: هههه راه تاخدينا ب عين بس
فلك: عمران يتصل والتليفون سايلنت 😳
عمران: خيرك ماترديش
فلك: سايلنت كان
عمران: باه هي اطلعي
فلك: بنروحو
عمران: نرفعك الديري تحليل
فلك: اه باه دقايق بس
عمران: ماتعطليش
فلك: حاضر
بشري:بتروحي
فلك: اي نمشي ندير تحليل
بشري:باه كلمينا اول مايطلع
فلك: باه باااي
البنات: بااي
بشري: حيييي 😍
ملاك: خيرك
بشري:خاطري في جيلاطي
ملاك: الجو بدي يسقع جيلاطي شني 😂
بشري:مادخلكش نكلم راجلي يجيبلي
سلمي:حتي راااجلي 😂
ياسمين: يدلع فيا ❤😂
سمر:غير قولي ل راجلك يحسبنا بس
دنيا:ممكن تنقصو الصوت بنرقد
ريهام :قريب مغرب نوم شن اللي توا
دنيا: عادي نعسانه
حنان: نوضو نطلعو ل الجنان
ياسمين: نخلي الياس راقد بحداك عادي❤
دنيا: اي حطي اهني جنبي
ياسمين :كان ناض ناديلي
دنيا:باه باه
.
.
.
سمر:ايوا حبي
ليث:حليله منك حبك
سمر: هههه كيف حالك
ليث:عسل ب سماع صوتك
سمر: دوم
ليث:شن الديري
سمر: كيف طلعت وانا لبنات برا انت اتصلت
ليث:اه كيف حال دنيا
سمر :الحمد الله بدت تتحسن
ليث:الحمد الله شن بتجي غضوه الجامعه
سمر: اي عندي محضرات ل 12
ليث:اه باه كويس
سمر: شن بتجيني
ليث:لالا غضوه مش فاضي حبيبي
سمر: اممم باه مره تانيه
ليث:باه حبي نكلمك بعدين
سمر: باه نحبك ❤
ليث:حتي انا
سمر: باه باي
ليث:باي
.........
الجد: شن صار في خدمت ياسالم
سالم: غضوه بنمشي نشوفهم
الجد: غلط اللي درته مفروض خديت اجازه لما ماتبيش تمشي
سالم: راح عن بالي
صالح: لكن مايستغنوش عنك شوفهم غضوه وانشاء الله خير
اكرم: بعدين عندك شركه العيلة
سالم: لا والله مانقدر ههههه
سيف:سالم حياته طياره 😂
كريم: توا بدت دنيا 😂
الجد: انتم معادش تتحشمو
عبدو: علاش تجمع ياجدي كريم هدا اللي زعميته كبير بولده
كريم: حي حي علي اليباري انا هربت 😒🙌
سيف:جايين وراك 😂 بيبدا التهزيب
كريم: كلمه وطلعت الله غالب 😂
ملاك: خيركم تضحكو
سيف:هههه نهدرزو قلتلهم سالم حياة طياره ناض المستهتر هدا قالهم وبدت دنيا 😂😂😂💔
حنان: حشم حالك ههههه
ياسمين: ياااحيف هدا غير بولدك 😂
كريم: ههههههههه وينه هوا
ياسمين: راقد داخل مع دنيا
سالم: من قال دنيا
ياسمين:انا ✋😂
عبدو: بلا اوفر ياسالم هههههه
سمر: تعالو قعمزو
سالم: مه انتم ماحسيتوش باللي حسيته
كريم: شني 😂
سالم :زيد اضحك
سيف:لا والله حق شن هوا
سالم: ان تفقد اللي تحب
ريهام: صح حتي انا حسيت بيه
بشري:الحمد الله على كل حال
سالم :"ناض "
عبدو: وين
سالم: تو نجي "خش ل الدار اللي راقده فيها دنيا " دنيا
دنيا: 😴💙
سالم: "صورها"حتكوني آحلى ام❤ "طلع "
.
.
.
عمران: تو مافهمتش علاش التعطيل هدا
فلك: شويه وتطلع خيرك
عمران: شن قالت الدكتوره
فلك: قتلي نشوفو التحليل قبل
الممرضه :تحليلكم طلع تفضلو
عمران: طيب فيك 😒
فلك: عمران ههه
"خشو"
الدكتوره: تفضلو
فلك: شني التحليل يادكتوره
الدكتوره: مبروك حامل
عمران: 😍😍 الله
الدكتوره: ههه والله مبروك عليكم
فلك: يبارك فيك دكتوره في اي شهر
الدكتوره: التاني ..توا لازم نشوفيلك دكتوره
فلك: خلاص نكمل عندك حتي حماتي التابع عندك
الدكتوره: بشري عرفتكم من اللقب
فلك: اي
الدكتوره: توا ركزي ع السوائل وحافظي وربي يسهلك
.
..
..
..
بالليل 2⏰
سلمي: خيرك هكي وليت
عمر: خيرني
سلمي: مش ملاحظ روحك
عمر: سلمي بلا نكد
سلمي: هوا انا كل مانكلمك تقولي بلا نكد وتسكت فيا
عمر: اياااه علينا خيرك
سلمي:انت اللي خيرك اسلوبك متغير ومش متحمل مني شي
عمر ;انا عادي زي قبل
سلمي :والله زي قبل
عمر: اي ومش عاجبك ياسلمي سكري وخليني نرقد انا مش ناقص وجع راس 😡
سلمي: تمام تصبح علي خير "سكرت"
سلمي: "حولت الوساده من وجهها "يابنااات"
حنان: خيرك
سلمي: عمر تي انتي وياها سكرو التليفونات 😡
دنيا: خيرك يابلوه خيره عمر
سلمي:معادش يدور فيا بدي بارد معاي
سمر:ههههه بارد من اول ماشفته شن الجديد 😂
سلمي :بلا تسهويك والله النوض نروح
ملاك: فووتاها حيوانه هادي
سلمي: بدي معادش يهتم بيا
دنيا:مرات شغل وهكي
سلمي: يكشخ عليا ديما
حنان: مرات عنده مشاكل
سلمي: اي حاجه نقولها يقولي لا ويقولي تنكدي عليا 😭
سمر: لااا قلة ادب هادي
دنيا: سكري فمك انتي ...باه هدرزتي عليه والله الضغط هكي يدير راه
سلمي: اي يقولي كان بتنكدي عليا سكري 💔
سمر: تي هدا سيبيه حيوان شن يحساب روحه
ملاك: والله لو ماتسكريش فمك لما تاكلي طريحه في هالليل 😡✋
سلمي: شن نديرله باه يابنات
حنان: معادش الدوريه سايريه وخفي من الاتصالات والاهتمام
ملاك: يتعود علي قلتها هكي
دنيا:خير ما الذل روحها معاه
سمر: اي صح
سلمي: باه خلاص انا بنمشي لحوشنا
سمر: علاش خليك
سلمي: لالا
سمر: باه نمشي معاك
سلمي: لا سمر خليك اهني بعدين بابا وماما في الحوش خيرك
سمر: باه خلاص
.
.
.
.
شهد&عبدو"في الجنان"💚
عبدو: اي حلوا لكن الغربه مش حلوا
شهد:اي عندك حق
بنسالك
عبدو: شني
شهد:"نزلت راسها"من هيا سندس
عبدو: مش قتلك علاها لما كلمتك بنت مديري ونخدمو مع بعض
شهد:اه
عبدو: والتليفون اللي درت عليه مافي شي نخدمو وغفيت ردت هيا عليك
شهد:عادي مايهمش
عبدو: يعني مش هامك
شهد:اي
عبدو: اممم باه
شهد:بتولي
عبدو: اي اكيد خدمتي ما تمتش لكن عندي حاجات بنديرها قبل
شهد:امتي بتمشي
عبدو: قريب مش معطل
شهد:امتي بتستقر اهني باه
عبدو: مرات معادش نستقر
شهد:امم تصبح علي خير انا بنرقد
عبدو: وانتي بخير 😍
.
.
.
ريهام: غضوه بتطلع الصبح
سيف:اي بنطلع
ريهام: باه الساعه قداش بش النوض نديرلك فطورك
سيف:ارتاحي حبيبي بنوض بكري
ريهام: باه نبي نصبح عليك هههه
سيف:كان ببوسه عادي
ريهام: ههههه اي باه
سيف:اخخ قداش نموت فيك
ريهام: نعرف 😜
حنان: ريهام ريهام رييييهااام
ريهام: ها خيرك نتكلم يابلوه
حنان: سيف قوليله بالله عليك نبي نمشي ل الجامعه غضوه شويه خمسه دقايق ويستناني
ريهام: سمعتها بيبي
سيف:اي قلها وتي روحك 8 بنطلع
ريهام: قالي باه وتي روحك ع التمانيه
حنان: منووور
ريهام: باه اقلبي وجهك هي
حنان: باه 😒
.
.
.
الصبح 🙈✨7:30
دنيا:"مقعمزه في الجنان بروحها"
سالم: حبيبتي صباح الخير خيرك نايضه بكري
دنيا: مارقدتش مش جايني نوم
سالم: خيرك فيه حاجه حبي تحسي في روحك مريضه 💔✋
دنيا: لالا مافيا شي غير رقدت هلبا امس
سالم: باه خشي ارتاحي
دنيا:بتمشي للخدمه
سالم: اي
دنيا:كله بسببي فصلوك
سالم: "شد ايديها ووقفها مقابلته" فداك كل شي بعدين مافي شي بسببك انا كنت نبي هكي ❤😍
دنيا:حاسه روحي انا السبب
سالم: "حضنها"ياروحي انتي انا مرتاح حتي لو ماردونيش انا معاك اسعد انسان ❤
دنيا:ربي يخليك ليا آنت آحلي نعمة من ربي 😘
سالم: اخخخ منك انتي ❤ بنتأخر ياروحي ردي بالك علي روحك خشي افطري وارقدي توا
دنيا:باه حتي انت رد بالك من الطريق 💘
سالم: باي 😘"طلع"
سيف:طلع الحيواان
دنيا:اي خيرك
سيف:مانقدرش نتأخر بكل وحنان تبيني نرفعها ترد كتاب ل الجامعه ولا شني
دنيا:لو علي كتاب مش مهم ترده في وقت تاني
سيف:انا طالع قوليلها باه بااي "طلع يجري"
حنان: حييي عليا امشي ياااااسيف
دنيا: شن العيلة المهبوله علي الصبح 😂 تعالي جاي قال مستعجل مانقدرش نرفعها
حنان :تي كييف هكي الولد يبي لكتاااب ضروري الهم
دنيا:شوف عمران ولا كريم
حنان: تي هوا الحيوان انز امس قالي باه 😭
دنيا: هههه خشي كملي نومك خير 😂 انا بنرقد
حنان: يااربي علاش هكي
ريهام: نونه سيف طلع
حنان: اي طلع الهم
ريهام: خساره درتله نسكافي😐 انتي علاش قاعده
حنان: هرب عليا
ريهام: هههههه خزي عليه نتصل بيه "اتصلت "
سيف:ايوا حبي
ريهام: خيرك هربت علي حنان
سيف:ماعنديش وقت حبيبتي قلها غضوه نرفعك
ريهام: قالت ضروري اليوم
سيف:باه تو نشوفلها واحد من لولاد يجيها
ريهام: باه المهم دبرلها
سيف:باه خلاص
.
.
حنان: والله شكله يكدب عليك
ريهام: لا مايكدبش عليا سيف
حنان: ليا ساعه نستني الولد يبعت في رسايل الهم
ريهام: ووووه النقان متعك
حنان: تفو علي حظي انا 😭
ريهام: اس اهو يتصل
سيف:قلها تطلع
ربهام: باه.. قالك اطلعي ها شكله هوا ولالك
حنان: الحمد الله ربي ماحشمنيش مع الولد 😍
ريهام: ههه هي توكلي
حنان: باه باي "وصلت الباب فتحاته وولت سكراته بالقوه "
ريهام: خيرك "جت وقفت بحداها"
حنان: لا مستحيل
ريهام: شني
حنان: معااد
ريهام: حولي من قدامي "فتحت الباب "اه معاد صباح الخير
معاد:صباح النور وينها اللي بتمشي ل الجامعه
ريهام: حنان تو تجي هي
حنان: لالالا مستحيل مانمشيش مع هدا متخلف هدا
ريهام: والله نقتلك خيرك انتي مش من شويه تبكي تبي تمشي
حنان: مش مع هدا
ريهام: مادخليش فيك باااي نولي لنومي خير 😒
حنان: اوووف علي الحظ اللي عندي "طلعت"
معاد:صباح الخير
حنان: صباح النور
معاد:مش تقري انتي وسمر وشهد وينهم
حنان: انا بس بنمشي واخده كتاب ولازم نرده
معاد:نستناك ولا نوليلك
حنان: لا استناني عشره دقايق
معاد:اي مش مشكله .فطرتي
حنان: لا ماخاطريش
معاد: ننزل ناخد نسكافي انا
حنان: خرد راحتك
معاد:"نزل جاب نسكافي ليه ولاها وركب" تفضلي
حنان: شكرا علاش نتعب روحك
معاد: لا عادي... اول مره نشوفك هاديه تكلمي ب اسلوب 😂
حنان: واول مره نشوفك محترم ودوق
معاد:يعني انا مش محترم ولا دوق في العادة
حنان: اي انا هكي نشوف
معاد:اي مشش مهم اصلا
حنان: باه تقدر تكمل باقي الطريق وانت ساكت
معاد:لا والله 😂 بلكي سواقك سيارتي نبي نتكلم علي راحتي انا
حنان: باه ذليتني لو ماكنتش مجبوره راه ماركبتش معاك
معاد:ريتي كيف الزمان يجبرك علي حاجات ماتبيهاش
حنان: اوووف الحمد الله وصلنا
معاد:نستني فيك
حنان: باه"نزلت قعدت الدوور في الولد وين"
....:حنان
حنان: كنت ندور عليك توا
.....:صباح الخير
حنان: صباح النور اسفه تأخرت عليك
.....:لا عادي مش مشكله
حنان: تفضل هدا الكتاب نتأسف تاني خليتك تستني
......:مش بينا حنونه عادي
حنان: شكرا
.....:لو ماكنتش نبيه ضروري ماكنتش جبتك في يوم مافيشي محاضرات
حنان: لالا عادي مش مشكله ☺
معاد:لا والله قعمزتو شربتو حاجه
حنان: احم انا نستأدن منك هيا معاد
معاد:وين هيا معاد مني هدا واقفه تهدرزي عليه انشاء الله
حنان: معاد هيا قلتلك
....:احترم نفسك بعدين شن دخلك فيها انت
حنان: لو سمحت خلاص هدا قريبي
معاد:حولي انتي من قدامي حولي "شده من رقبته" من هوا اللي شن دخله ياحيوان 😡
حنان: لاااا😱
"قعدو يضابرو جو حزوهم "
معاد:اطلعي قدامي
حنان: "طلعت ركبت في السياره "انت من تحساب روووحك تتصرف هكي زي العيل هدا زميلي وجيت بنردله لكتاب شن التخلف هدااا
معاد:سكري فمك
حنان: مصح وجهك تكشخ علياااا راه مش اختك لا نقربلك انا اصلا غالطه ركبت مع حد غريب الله يسامحك ياسيف💔
معاد:لامتي بتقعدي تدوي سكري فمك قتلك😡
حنان: نسكت لما تحترم نفسك شن تحسابني خايفه منك تكشخ علي كيفك 😡
معاد:"شد فرين قوي وتلفتلها"
حنان: "خافت "
معاد:يجيب ربي نلقاك مره تانيه واقفه علي ولد والله ياحنان نهايتك علي ايدي
حنان: روح بيا💔
معاد:"عدل تقعميزته ومشي بالسياره"
حوش العيلة العشية 💙
فلك :قريب طار عمران
بشري:شعور حلوو اكيد بيفرح
ملاك: ربي يكملكم علي خير يارب
بشري:ياارب
سمر: خيرها حنان من امبكري راقده
ريهام: ههههه ضارلها التوحد كل ما النوضها تكشخ عليا
ياسمين :هههههه شكله توحد علي كبر
حنان :"حولت البطانيه من وجهها" مش توحد هدا كله من سيف
ريهام: خيره سيف
حنان: بعتلي معاد
شهد: اي باه
حنان: كان تشوفوه شن دار يااابنات انا نتحشم نمشي للجامعه تاني بنبطل ونولي للجبل 😭
ملاك: ههههههههه ووووه
شهد: هبلت خلاص
دنيا :اسكتو خلوها تكمل
حنان: خليته في السياره ومشبت بنعطي للولد الكتاب كان تشوفوه شن دار😭
فلك: اياااه علينا ادوي وانتي كل دقيقه كان تشوفوه كان تشوفوه ماشفناشي الله غالب 😡💔
حنان: سكري فمك مش نقصاتك
دنيا: كملي درهتيلي كبدي
حنان: لحقني وضرب الولد 😭😭
سمر: هههههههههه ووووووه
بشري: حي حي هههههههه شن صار باه 😂
حنان: كلميهم معادش يضحكو
ياسمين: معادش تضحكو 😂 كملي
حنان: قعدو يضاربو بعدبن حزوهم من بعض وكشخ عليا 😭
شهد:ههههههه فيلم رومنسي 😂 مابكيتيش وحضنك 😂💔
حنان: الحق فيا نحكيلكم الولد وجهها مشي في جرتي وانتم تضحكو 💔
فلك :براده هادي علاش دار هكي
ملاك: يحبها 😂
دنيا: هههههه احتمال اي
ريهام: قلة ادب هادي انشاء سكتيله
سمر: اي انشاء الله سكتيله
حنان: لالا مستحيل نسكتله 😌 قعدت نعيط عليه وتعاركنا بعدين ...كشخ عليا سكتت 😭
ياسمين: هههههههههههه دايره فيها بات مان
بشري: عادي خيرك مكبره الموضوع غضوه بري اعتذري منه وعادي
حنان: كان تشوفو شن قالي 💔
فلك: لا اله إلا الله
لبنات: شن قالك
حنان: قالي كان مزال نشوفك واقفه علي ولد نهايتك علي ايدي
سمر: حي حي 😳 قليل الادب هدا
ملاك: شن قلتيله
حنان: قتله روح بيا 😂
ياسمين: ههههههه ووه عليا 😂
بشري: واكله حاجه هادي علي الصبح 😂
حنان :اي هوا خدالي نسكافي
ريهام: قصدك بعد هدا كله خدالك نسكافي😂
حنان: لا قبل واحنا ماشيين
شهد: تو انتي خايفه قصدك معادش بتوقفي علي ولاد
حنان: ياقليلة الادب من امتي نوقف عليهم انا لولاد 😡
شهد: هههههههه قصدي زي هدا متع لكتاب
حنان: لا مش انت اللي نخاف منه 😒
فلك: لا ياراجل وريتاها شجاهتك هادي لما يكشخ عليك 😂💔
حنان: شكله يخوف مرض
عبدو :"طق طق طق"
ياسمين :تفضل
عبدو: اربعه وعشرين ساعه قرمه😂
سمر: هههه شن دخلك انتي
عبدو: لا مادخليش 😂 ملوكه ترا شويه نبيك في الجنان
ملاك: باه "ناضت معاه "
بشري:عبدو يبي ملاك اشبح شن فيه
ريهام: اي ...انا بنمشي ل سلمي نجيبها البنت خشت في اكتئاب
حنان: استني جايه معاك
............
ملاك _عبدو
ملاك: خير شن فيه
عبدو: فيه موضوع مهم بنقولك عليه
ملاك: تفضل
عبدو: في واحد يبي يخطبك
ملاك: انا
عبدو: اي انتي
ملاك: باه انت تعرف
عبدو: اي نعرفه كويس الولد وشايفك وانا قبل بنقوله يجيب اماليه وخلاص لكن جداي ونساوين خوالي قالولي اسالها قبل لانها مسكره راسها
ملاك: اي صح
عبدو: باه توا
ملاك :مانبيش نتسرع نفكر قبل
عبدو: خلاص خودي وقتك ولو وافقتي يجي تشوفيه وتتعرفي علي اهله
ملاك :باه تمام
عبدو: انا طالع تبي حاجه
ملاك: لا سلامتك
.
.
.
سلمي_ ريهام_حنان
ريهام: هياااا نوضي
سلمي: خطوووني الله يربحكم
حنان: لا مش طبيعيه من توا هكي منا كان سيبك شني
سلمي: اطلعو برا مانبيش نمشي معاكم
ريهام: لا مش بكيفك نوضي توا لبنات كلهم غادي
حنان: هيا بالله عليك
سلمي: باه خلي ندوش ونلبس توته محترمه
ريهام: اي اصلا ريحتك افف 😂
سلمي :افف في عينك يابقره تفووو
حنان: هههههه ومشفسفه فوقها بري تو نستنوك
سلمي: باه
حنان: جعانه نمشي ندور حاجه ناكلها
ريهام: ديما انتي جعانه هههههه
.
.
.
سالم: اركبي انا فوق
دنيا: لا مش راكبه خيرك
سالم: غير اركبي نبيك شويه
دنيا: لااااا انزل انت
سالم: عليك عناد
دنيا: باه...شهد تركبي معاي لحوشكم
شهد: علاش
دنيا :سالم اشبح شن يبي
شهد: انا بنت سنقل ماتجرحوش مشاعري بليز
فلك: ههههههه سنقل 😂
دنيا: هيا هيا
شهد: اووف باه
"ركبو فوق "
شهد:هي بري
دنيا: قصدك نخش ل الدار لا ناديه اهني سااالم
سالم: تعالي انا في الدار
دنيا: لا تعالي انت
سالم :قتلك تعااالي
دنيا: لااااا بننزل
شهد :ايااااااه علينا تعالي تعالى هيا انني وياه بننزل
دنيا :باه انتي متع عار مرض"خشت ل الدار" اهلا
سالم: اهلين حبي
دنيا: خيرك شن فيه
سالم: وليت للخدمه 💘
دنيا: الله مبروك 😍
سالم : يبارك فيك
دنيا :باه علاش نتصل بيك ماتردش
سالم: خدمه لفوق راسي شوفي من الصبح للعشيه وانا نخدم
دنيا:تعبان اكيده نخليك ترقد
سالم: اي والله تعبان
دنيا:باه انا بننزل منا ❤
سالم: دنوشتي
دنيا:نعم
سالم: مافيش بوسه
دنيا:لا باااي "نزلت هيا وشهد"
سالم: عليك جفاف هالبنت 😂 امتي بنتجوز بس
.
بالليل 11
ياسمين: بنات ماحد سال عبدو
دنيا: لا خفت يكشخ عليا
فلك :كل مانكلمها تقولي مافي شي جوها اخيه عليه
ريهام: اشبح شن فيه
ياسمين: كملو كيكه متعتكم وتعالو لدار تو تهدرزنا
سمر :تبو قهوه ولا نسكافي
فلك: انا عصير لو سمحتي 😂
سمر: هههههههه حيوان
"كملو وقعمزو بحداها في الدار "
بشري:ملاك نوضي خودي كيكه نووضي
ملاك: وووه امتي بتروخو انتم
فلك: تلز فينا ريتو
شهد: نوضي احكي شن قالك عبدو
ملاك: "قعدت تشوفلهم وساكته"
سلمي: هيااااا شن فيه
ملاك: في واحد يبيني
حنان: من هوا 😳
ملاك: ماقاليش قالي لو وافقتي علي فكره الزواج نفسها يحي وديرو مقابله
ياسمين: وانتي شني
شهد: اكيد مش حتوافقي علي شخص ماتعرفيشي
ملاك: نفكر ان نوافق مبدئيا يعني مابين درت مقابله وشفت اماليه
بشري: ملاك كيف 😳ماتعرفيشي
دنيا:كيف بتتفاهمي معاه تخيلي يطلع واعر
ملاك: بنوافق لامتي بنقعد هكي
حنان: شن عمرك تلاتين متلا قاعده صغيره ت تحبي
ملاك: حب شن بالله
ياسمين: خلاص خلاص علي راحتك المهم تكوني متأكده
فلك: راحتها من ماتعرفاش الراجل
ياسمين: خلاص عاد حياتها هادي
شهد :عنحد حياتها
ملاك: شني ريهام سمر ماتبوش تشاركو
ريهام: نفس كلام الكل ماخلو شي
ملاك: خلاص سكرو علي الموضوع تو غضوه نقول ل عبدو يقلهم يجو
بشري:تصبح علي خير انا بنروح
الكل: وانتيي من اهلو
فلك: اوووف نبي نطلع يابنات
سمر: اهو شكله فيه عرس قريب 😂
فلك: حق كان بيجو العيله هادو اللي بيخطبوك نطلعو احنا نجيبو حاجات اللي ناقصه
ملاك: انشاء الله
ياسمين: غضوه بنمشي ناخد حوايج لاوس شن رايكم نطلع انا وياكم
سمر: ماعنديش مشكله انا
ريهام: ولا انا غير نشوفو عبدو انشاء الله سياره مايبيهاش بس
ياسمين: اي لان كلنا في سيارتي مانجوش
فلك: حتي انا بناخد حاجات للبيبي
شهد: غير اعرفي ولد ولا بنت
فلك: علي الابيض عادي للبنت والولد
شهد: اي يمكن صح
دنيا:سلمي شن صار في عمر
سلمي: تصدقو ماعدلش عليا بكل 😢
دنيا:حقير معليشي
سلمي: غضوه بنكلمه
حنان: شن بتقوليله
سلمي: بنقوله لو ماتبينيش تعالي سمر الموضوع مع جدي وبوي وخلاص
دنيا: خير صح
سلمي: مش ساد ان ماجابش حد لما خطبني فوقها يتشرط ويتجكتر عليا
حنان: حي حي تعااالو شوفو
فلك: خير فيتك
حنان: معاااد باعتلي طلب صداقه هاه
شهد: هههههه خيره هدا
سمر: والله مافيه عقل ئن حركات المفرخ
حنان: بنديرله حظر
ريهام: لااا خليه معلق هكي
حنان: علاش
ريهام: هكي علاش الحظر
حنان: باه
فلك: عمران يتصل اكيد بيقولي هيا تصبحو علي خير بنات
سلمي: راه تنسي شنطتك
فلك: تو ناخدها باه باااي.
.
.
.
تاني يوم الظهر
ملاك: عبدو انا فكرت وموافقه
عبدو: خير مادرتي تو نقوله غضوه يجي ويجيب اماليه
ملاك :تمام
ريهام: عبدو نبو السياره بنطلعو بعدين
عبدو: لالا نبيها ..وين بتطلعو
ريهام: نمؤو ناخدو حاجات مدام الناس بيجو وياسمين بتاخد حوايح لاوس
عبدو: مش لازم تطلعو كلهم. مع بعض
ريهام: ووووه منك
عبدو: علي راسك ياحيوانه 😡
ريهام: كل شي لا راه هلبااا انت
عبدو: معادش تعيطي خيرلك 😡
ربهام: خاشه مريحاتك من وجهي
عبدو: خير ما الديري
ملاك: هههههه حتي انا بنخش ماتفنصش 😂
عبدو: يركبو الضغط حيوانات "طلع تلاقى هوا وسيف وسالم "
سالم: هههه خير تتكلم بروحك
عبدو: هههههه علي ريهام
سيف:خيرها ريهام
عبدو: شن دخلك انت
سيف: لا دخلي خيرها
عبدو: ههههه ريته ريته اختي راه يا####
سالم: ههههههههه
سيف:حول حول نخش نربح راحتي
عبدو: بتخش تقصقص قصدك 😂
سالم: حق والله كان نخش بعده نلقاه يقصقص فيها 😂😂😂
عبدو: اي حيوان
سالم: وين طالع انت
عبدو: عندي حاجات بنتمها
سالم: بتولي تسافر
عبدو: اي لكن مزال شويه
سالم: باه ربي يسهل هيا سلام
عبدو: سلام
.
.
.
.
ملاك: ياهوه هوا ماقالش امتي بيجو راه قال تو نكلمه
دنيا: اكيد غضوه
ملاك: لالالا ماتاخدو شي خلي يقولنا عبدو قبل
دنيا:تو بعدين قبل مانطلعو نساله
ريهام: خزي عليه كان عطانا السياره راه طالعنا كلنا
سلمي: اصلا انا مانبيش نطلع
حنان: ولا انا عندنا امتحان
ريهام: احسن تو نمشي انا وملاك ودنيا وفلك وياسمين
ملاك: لا مانبيش انا برو انتم وبشري
ريهام: عليك نكد انتم
سمر: هيا بنات نمشو الحوش نقرو
حنان: هيا
شهد: نركبو فوق
سمر: لالا نمسو لحوشنا مافي حد هدوء
شهد: باه
"طلعو"
ملاك: ياسمين هاك ردي علاها
ريهام: هاتي وجه الفقر...ايوا
ياسمين: وتو روحكم انا جايه
ريهام: عبدو مباش يعطينا السياره
ياسمين: من بيمشي
ريهام: انا ودنيا واخطمي علي فلك
ياسمين: باه حتي بشري بتمشي
ربهام: باه تمام
ياسمين: استني ماما في حوش العيلة
ريهام: اي منا وين تباها متلا
ياسمين: نحسابها في حوشنا بنجيبلها اوس
ريهام: لا اهني هي باي "سكرت في وجهها "
ياسمين: حي الكلبه سكرت عليا 😳
كريم: تستاهلي
ياسمين: مش طالع انت
كريم: لا مرات نمشي للقهوه بس
ياسمين: اه باه مش معطله انا
كريم: باه
ياسمين: نلبس هادي
كريم: لالا قصيره
ياسمين: باه هادي
كريم: لا حمراء
ياسمين: فاضيه نسال فيك
كريم: البسي عبايه
ياسمين: لا ملايه مش عبايه
كريم: حق نتكلم راه
ياسمين: في الحلم
كريم: "جي وراها حضنها" والله حلوه عليك
ياسمين: باه تو نلبسها
كريم: شفتي كيف فيسع نضحك عليك هههه
ياسمين: قصدك تضحك عليا
كريم: هههه لالا حق البسي عبايه طالعه بروحك مانبي حد يشوفلك
ياسمين: مش بروحي
كريم: مدام انا مش معاك معناها بروحك "باسها 😘" هي باي
ياسمين :باي
..
.
.
سمر: اووغ هادي مش فهمتها انا
حنان: انتي دماغك شن فيه اليوم
سمر: لالا جعانه لازم ناكل
شهد: حتي انا تعرفي
سمر: نبي بيتزا
حنان: نوضي انتي وياها ديرو دحي ولا جبنه ريحوني
شهد: كلمي ليث يجيبنا
سمر: حي حشم حالك كان. يشوفه واحد من لولاد
شهد: ملحي تو نكلم عمران
حنان: تو يقولك مش فاضي
شهد: اس.. الو كيف حالك
عمران: مليح وانتي
شهد :زفت عندنا امتحان
عمران: ههه اللهم لا شماته
شهد: هههه باه يامتشمت
عمران: لخصي شن تبي باه
شهد: وراس عميرينه بيتزا بس اما وسمر وحنان
عمران: باه شويه ونطلع تو نجيبلهم
شهد: منور ياعسل
عمران: هههه نورك هي طيري
فلك: مني هادي
عمران: شهد
فلك: خيرها
عمران: خاطرهم في بيتزا
فلك: اه ...ياسمين اكيد انا طالعه
عمران: استني طالع معاك
فلك: وين بتمشي
عمران: نجيبلهم بيتزا و نمشي للقهوه
فلك: اه باه
عمران: سومه شن جو
ياسمين: تمام وانت
عمران: مليح .. كريم قاعد
ياسمين: اي قال بنطلع للقهوه طق عليه
عمران:باه ردو بالكم من الطريق
ياسمين: انشاء الله
فلك: هي بري
ياسمين: خلي تطلع جارتنا
فلك: بشري بتمشي
ياسمين :اي
فلك: اهي جت هههه خيركم عبايات اليوم
