😍#حوش_العيلة😍
#الحلقه_13
~~~~~~
ياسمين : هيا باهى
" ناضو يجهزو في رواحهم و طلعو الكوره و طلعو "
كريم : فريق بنات و فريق ولاد ره
ريهاااام : لااااااا بتفوزونا هكي نقسمو الفريقين مختلطين
ياسمين: اي لو غير هكي ما نقبلش
سيف : انا نبي مع الكبتن راه ما نعرفكمش
سالم : فريق 1 ( سيف و كريم وليث و ياسمين و ريهام و سمر )
الفريق 2 ( سلمى و شهد وعبدو و دنيا و عمران و فلك وانا )
سيف :لااااا فريقكم اكتر😡
سالم : تي روح زيادة بنت هيا
ليث : اسكت انت ..خلاااص خلاص هيا نبدو
" عند بشرى و مؤيد "
مؤيد : ما تعانديش ره بعد نروح حيكون العرس بعده ب شهر مادخلنيش😤
بشرى : خيرك مستعجل انت
مؤيد:هكي مانبيش تطول العلاقه و تصير مشاكل و يشكو فينا لالا دوه فاضيه نخطبك و نتجوزو طول
بشرى: انشاء الله خير والقرارات هدي مش في ايدنا اصلا في ايد العيله😞
مؤيد:انتى مادخلك في شي اهم شي توافقى بس😘
بشرى : هوا انا نقدر نرفض❤️
مؤيد : اخخ ياحليلي منك
.............)
............عند الشباب
ريهام : يااااحماااار شوط اهنا
سلمى : والله تجي الكوره في وجهى لما نبدا قتلتكم 😡
سالم : تي حولي ..قووووووووووول
دنيا : " تمد في لسانها ربحناكم😜
فلك : هييي خدينا قوول
ريهام : صكرى فمك خير ما نجي نريشك انتى وياها
عبدو : والله نطلعك انتى وياها العبو واقفين تتفرجو
ليث : سمر " حدفلها الكوره و هيا دخلت قول "
سمر ياسمين ريهام : قوووووووول
سمر : كفك " ضربت كفها هيا و ليث "
سلمى : ماتفرحيش يا ماما تعادل ره
شهد : اي ما ربحتوش
عمران : ووه مكتر دوشتكم
سيف : ريهااام " حدفلها الكوره "
سالم : " خداها منها "
ريهام : اهي ياحيوان " ضرباته "
سيف : تفو حتى كوره ما تعرف تلعبها
" قعدو يلعبو "
ريهام : " جي قدامها سيف حطت رجلها وطيحاته " هههههههههه😂
سيف : ااااااه رجلى
ريهام : تستاهل هههه
سيف : النم والله لما نوريك غير نكملو
"قعدو يلعبو و يتسلو و على جيت مؤيد و بشرى "
مؤيد : خيانه ره كوره من غيري
سالم : ماقالك حد تطلع
مؤيد : به حولو بنلعب
سيف : كملنا هدا اخر شوط فالليل العب معانا
فلك : هيييييييييي
سلمى : ربحنا ربحنا
" قعدو سلمى و فلك و دنيا و شهد يرقصو "
ريهام : اصلا صار فيها خيانه
سمر : اي بكل خينين تفى
بشرى :الحمد الله مالعبتش معاكم
ليث : مصغر عقلكم الهم هههههه
"خشو داخل قعدت فلك و دنيا يوتو في الغداء "
فلك : اسمعى انا بندير بيتزا خاطرى فيها وشن بالديري تانى
دنيا : ندير مكرونه بشاميل
فلك : باهى
" قعدت كل وحده الدير في حاجه "
عمران : شن يديرو هدو
سمر : العالم الله اهو نستنو زيك
سيف : ع اساس لما يجيبوله يشوف هوا ياكل و خلاص هههه
عبدو : ههههه خزي تافهه عمران : وسخ بنمشي نشوفهم ...شن تمزر طو
فلك : تو لما يوتى نشوفو شن الدير
عمران : شن هدا " جي جنب فلك "
فلك : بيتزا حول خلينى نكمل
عمران : مشفشفه شن هدا
دنيا : مكرونه بشاميل
عمران : " يشحلها في شعرها " اععع نحبهاش علاش درتاها😤
دنيا :ااااه نسيت حول تو نديرلك حاجه تانيه
عمران : " يشحلها في شعرها " شن بالديري
دنيا : سااااااللم ياااااسالم 😭
سالم : " جي " هاا خيرك
دنيا : طلعه هدا يشحلى في شعرى
سالم : هههه اطلع يا بهيم
عمران : هههه باهى شن بالديريلي بدل المكرونه هدي
دنيا : اللي يبيه عميرينه
سالم : بالله انتم فتحينها دلاله علاش تنادي فيا منا
عمران : خزي غاير منى ...دنوشه ديريلي رز و بطاطه و نبي معاه سلاطه مايونيز و مشويه
دنيا : لا انت فاتحها دلاله حق هيا رز وبطاطه غيرهم احلم
فلك : خود هي وانا تو نديرلك سلاطه
عمران : الحاجه لكبيره اللي بديراها انتى وياها
سالم : "يضرب فيه ع راسه"اطلع ياكلب عربي مافيه خير باهى اللي بيديرولك هما " طلعو لولاد برا "
كريم : هههه خزي مهزب😂
عمران : هيا صكرنا فمك
كريم : بالردس يطلعو فيك معقوله هكي😂
سيف : ههههه خير ما يحرج
ريهام : زي لوليه
ليث : هههههه فكونا عاد تو تزعلو من بعض
سالم : لالالا هدو بهزبو و يضربو بعض لكن ما يزعلوش
شهد : اوووف التلفزيون مافي شي النم
عبدو : ايه ههههه افتحى توم وجيري
شهد : هاهاهاها يازريف
ريهام:مزاااااال العشي
فلك:اهو جينا
عمران:وانا وين عشاي
دنيا:هاك اطفح
عمران:مرض😒
فلك:هادي السلاطه اتفضل
عمران:يسلمو يدياتك😍
دنيا:اشيه اشيه ههه😂
عمران:ضمي فمك انتي
كريم:ياسر اسكتو
شهد:حاله
ياسمين:يسلمو يدياتكم العشي جي يهبل
سالم:شني ياعبدالله وسيف عجبكم الغدي ولا تبو تغسلو الماعين حتى اليوم
عبدالله وسيف:لالالا جي يهبل😱😰
كلهم:هههه
كملو ماكله
دنيا:سيوفه
سيف:ها
دنيا:نوض نبيك
سيف(باستغراب):شن في من مات
دنيا:ت نوض يابراده
سيف:هي
وناضو طلعو للجنان وسالم يشبحلهم
دنيا:قعمز
سيف:اهو قعمزت خيرك
دنيا:بنسالك
سيف:شن
دنيا:انت تحب في ريهام
سيف(بارتباك):ااا لالا من قالك😅
دنيا:سيف بلا كدب
سيف:ايه انحبها لكن شن الفايده هي متحبنيش ومعتبرتني ولد خالها بس
دنيا: باهي حاول تصارحها
سيف:عارف جوابها فمنبيش نحرج روحي
دنيا: خودها مني نصيحه صارحها بمشاعرك ولو انت تحبها بجديات هي بروحها حتحبك
سيف:هكي قولتك
دنيا:اي اي وانت فكر في الموضوع ولو تبي مساعده قولي
سيف:منوره
دنيا:هي انا بنخش
وناضت قابلها سالم
سالم:شن كنتو تقولو
دنيا:خصوصيات
سالم:وشن هما الخصوصيات اللي بينك وبين سيف
دنيا:هاك قلتها بروحك بيني وبينه (ومشت وسيباته وهي فرحانه)
سالم(تعفلق ومشي لسيف):شن قالتلك
سيف:قالتلي حاجه
سالم:حاجه شني
سيف:هههه والله وجت من طيحاتك ياكابتن سالم
سالم:ااا شن تفترش
سيف:بلا كدب باين عليك
سالم(سكت وبعدين قاله):باهي شن كنتو تقولو
سيف:هههه
سالم:بلا استفزاز خير مانعفجك
سيف: ت استهدى بالله ياراجل قالتلي حاجه بخصوصي انا وريهام وهي مليهاش دخل في الموضوع
سالم:باهي
وخشو للداخل
سلمى:شن رايكم غدوه انديروا حفله
كريم:حفله شني يامتلقلقه
ريهام:اي صح فكره انديرو عشي وحاجات حاره ونبدلو وانتكمو روحنا ونهيجو
مؤيد:اي عادي فكره مليحه
سالم:انا ماعنديش مشكله
ياسمين:تمام
دنيا:وفي الليل نفتحو فيلم ونتفرجو عليه
فلك:اي اي ونبوه رعب
دنيا:قهرتك منتفرجش عليه الرعب
عبدالله:اي زي ماقالت فلك رعب واسكتي صكري فمك
دنيا:😒
فلك:ههه يامهزبه
دنيا:اسكتي انتي
عمران:هي تصبحو علي خير ياشباب بتنوضو ولا مزلتو
الاولاد: هي هي
وناضو رقدو
عند البنات
شهد:شن بتلبسو غدوه
سمر:انا البدلة الصغيره
بشرى:وانا البدله الكبيره
شهد:هيهيهي مخف دمكم النم
ريهام:عادي نلبسو زي لبسنا في عيد ميلادي انا ودنيا
بشرى:اي ونمكيجو (ورن تليفونها)
دنيا:نوضي ردي علي غزالك نوضي
بشرى:هههه(وطلعت للبلكونه)
بشرى:الو
مؤيد: ايوا حبي
بشرى:شن ادير
مؤيد:ولاشي نكلم في حبيبتي
بشرى:اممم
مؤيد:اسمعي
بشرى:نعم
مؤيد:غدوه منبيش زواق هلبا😡
بشرى:زواق؟؟😕
مؤيد:قصدي مكياج وبعدين مديريش بكل
بشرى:لا حبيبي شني يقعد وجهي مافيشي شي
مؤيد:كلمه هي وانتي بلاه احلى بهلبا
بشرى:باهي باهي
مؤيد:ايح عاد علينا زعلتي
بشرى:مزعلتش
مؤيد:حبيبتي افهميني انا نغااار كان نلقا نحطك في فازو محد يشوفك ولا يكلمك😢
بشرى:ههه
وقعدو يهدرزو
الصبح
ريهام:نوضو يابنات هيا عندي خطه
ناضو يحكو في عيونهم :شن هي
ريهام:ياحنه....وحكتلهم خطتها
فلك:ههه مايحرجوش مننا😂
دنيا:لالا هي نوضو
وخشو للحمام خدو معجون الحلاقه وخشو للاولاد
جت ياسمين لكريم ورسمتله شنابات : ههه وووه
سمر:ههه اس ياحماره ينوضو
وقعدو البنات يرسمو علي وجوهم
شهد:يابنات انديرو لسالم
دنيا:هاتي تو انديرله انا
ومشت رسمت علي وجه سالم
دنيا :ههه
وكملو وهربو
ناضو الولاد
ليث:وووه هدا شنو
عبدالله:حي حي خيره وجوهكم😧
سيف:زعميته انت وجهك لا
عمران:هادو اكيده الكلبات اللي للداخل
كريم:وراسميلي شنابات الحيوانات😆
مؤيد:حي حتى سالم
سالم: خير عمك انت وياه
عمران:برا شوف وجهك تو تعرف
سالم:خيره وجهي
وناض شاف المرايا تعفلق وطلع
سالم: وينهم شششهد ياسميين سلمىىى وينكم😡
البنات كانو في الكوجينه وقفو وهما خايفين
سالم(خشلهم):من اللي دار هكي
سلمى:اااا مش احنا
سالم:تستعبطي انتي منو امالا
دنيا(بخوف):انا اللي درته
سالم(يعيط):غبيييه انتيي عارفتييني مانحبش البصاره هادي وله 😡
دنيا(دمعتها بتنزل ومش قادره تتكلم😢)
ريهام(حضنت اختها):خلاص معاش تكشخ علاها احنا كلنا درنا هكي وانا صاحبه الفكره كان بتهزب هزبني انا😠
سالم(خش للحمام وهو متعفلق)
دنيا(تبكي)
ياسمين:خلاص دنوشه معاش تبكي
بشرى:والله مايتحشم
سمر:خلاص دنو والله غير يطلع لما نهزبه
خشو الشباب
عبدالله:دنيا خيرك تبكي
فلك:كشخ علاها سالم لانه لبزتله وجهه
عمران:خلاص فوتيه
كريم:حتى انتي ربي يهديك عارفتيه ميحبش البصاره
دنيا(خشت للدار وسيبتهم)
سالم(طلع من الحمام وفات من جنب دار البنات وسمع دنيا تبكي): اووف مغبااك ياسالم تو علاش هزبتها هكي😣
خش للكوجينه
سيف:تو عاجبك اللي درته
سالم:سيف فوتني ترا
سمر:شن يفوتك تو البنت علاش هزبتها هكي
سالم:عارف روحي غالط
مؤيد:طيب فيك اللي عرفت
سالم:حتى نا فاضي نهدرز فيكم(وطلع للجنان وقعد يدخن)
عمران:عليك صبح
بشرى:حاااله
عند سالم
اووف توا شن بندير احسن شي نمشي نتاسف منها (وخش للحوش ومشي لدار البنات )
سالم:طقطق
دنيا:ريهام خليني بروحي
سالم:انا مش ريهام
دنيا:انت شن ادير اهني😠
سالم::دنيا اسمعيني
دنيا:مانيش سامعه واطلع من الدار
سالم:لا مش طالع لن تسمعيني
دنيا: خلاص امالا انا تو نطلع😤
سالم(شدلها يدها):اسف مكانش قصدي
دنيا:هع اسف وشن بندير باها اسف ترا
سالم:عارف روحي زودتها
دنيا:تعرف ان حتى بابا عمره ماعلا صوته عليا
سالم:خلاص قتلك اسف وتبي تهزبي هزبي تبي حتى تضربيني عادي
دنيا:تستاهل الضرب
سالم(مدلها خده): باهي هي اضربي
دنيا: اكيده مش هنضربك😒
سالم:باهي شن تبي انديرلك
دنيا:مانبي شي وبعدين شن يضمني ان معاش تعلي صوتك عليا مره تانيه
سالم:وعد مش حنكشخ عليك مره تانيه (ومسحلها دموعهاوباسلها راسها😘)
دنيا:باه
وطلعو للاولاد والبنات
ليث(صفر):واخيرا تراضتو
دنيا:ههه
عبدالله:عليك خلعه حصلناها عالصبح😩
ريهام:علي اساس تاترت
عبدالله:شن تبيني اندير
ريهام:مفروض كشخت عليه لان هزب اختك
عبدالله:لالا عارفه سالم قدر وبيصالحها
شهد:خلاص صكرو الموضوع
عمران:نوضو وتولنا الفطور
فلك:وااك وانت داك في بطنك😫
سمر:حاااله
ياسمين:اليوم علي ريهام وشهد
عبدالله(يشح في شعر شهد):نوضي يابخيله ديري الفطور
شهد:ااااه باهي نايضه يابهيم
ريهام:عبدو حبيبي انت نوض ساعد شهد رجلي توجع فيا😥
عبدالله:كدابه
ريهام:والله
عبدالله:باهي هي نوضيني شهوده(مدتله يدها ونوضاته)
وخشو للكوجينه
عبدو:هي شن بنديرو يامشفشفه
شهد: انا مش مشفشفه😒
عبدو :حقا(وخربلها شعرها)ها توا وليتي مشفشفه😂
شهد:لاااااا يابارد (وقعدت تضرب فيه)
عبدو:باهي باهي ياسر
شهد:طلعلي الدحي من التلاجه
عبدو: باهي(ومشي للتلاجه وجاب دحيات)
شهد:توا كسرهم
عبدو(خبط الدحيه في ايده تكسرت ونزلت الدحيه بقشورها وبزع منها في الكوجينه😂)
شهد:هيييي غباره سوده😱
عبدو: ت شدي عليا انا يادوبه خبطها تفترشت مع بعضها
شهد: تو بتخليني نسيق الكوجينه
عبدو:عادي تو نسيقاها
شهد:حول حول برا انت افتح حكه طن😤
عبدو:باهي (ومشي فتح حكه الطن ودارو الفطور كله وساووه علي الطاوله ونادو علي الشباب)
شهد : هيااا تعالو افطرو
عبد الله : تعالو مرض وقولو عبد الله ماينفعش
بشرى : زعميته درته بروحك 😂
عبد الله : مادخلكش انتى اناوشهد واحد
شهد : من قالى توحد فيا معاك من غير علم
سيف : كول هي تستاهل
شهد: كان تشوفو شن دار لبز الكوجينه بالدحي
عمران : هههه طيح سعد لمرأة اللي بتاخدك
عبد الله : بناخدها بش نطيبلها ولا بش الطيبلى😒
ليث :ياخوفي تصير الاولى
سالم : من غير شك
مؤيد : زعمه ياعبوده لالا مايديرهاش
ريهام:باهى شن العيب اللي صار لو واحد عاون مرته او هيا مريضه خش هوا دار حاجه
سيف :اي صح مافيهاش عيب
سالم : " يشرب في عصير" كح كح كحح ياعطيك مووت هههههه😂
كريم : خيرك تضحك
سيف :سالم رد باالك
سالم : لالا هههههه
كريم : في موضوع
عبد الله : تو ربي يكشفهم
دنيا : " تضحك وفاهمه اللي صار "
سالم :اي شن صار في حفله الليل
ريهام : تو احنا عايشين مع بعض علاش الحفله و جو الزايد ديرو حاجات وتو نشوو ونفتحو اغاني وخلاص😁
سيف : اي هدا اللي بيصير
دنيا : اي صح
سلمى : خلاص منا
"انتهت الحلقه انشاء الله تعجبكم تفاعلو ياحلوين انزل الحلقه 14"
كاتبة 💚
DA NO Remo Rm
