#حوش_العيلة
#الحلقه_9
~~~~~~~~
سالم :ماقلتوليش امتى تبو تمشو😎
كلهم :ياااتاافه😳
سحر:قالك باهى
سالم :ايه وقالى في الاول نمشو كلنا قتله لا نبو نمشو بروحنا
دنيا:منووور ياعسل
لبنات ( يرقصو ) بنمشو لجبل بنمشو لجبلل💃
سيف:طيح سعدكم ههههه
عمران :غير هيا انت وياها قدامى خير ما يطلع جدكم و يغير رأيه
(طلعو برا )
كريم :امتى بتمشو
ياسمين :شن رايكم نطلعو لعشيه بكرا
مؤيد :رأي حتى هدا
ريهام :باهى ياسمين و سالم و كريم امتى بتاخدو اجازه
ياسمين :انا تو نمشي الصبح
دنيا :بتعطلى
ياسمين :لالا
شهد سمر ريهام :نمشو معاك
دنيا :اي بالله عليك
بشرى:حتى
ياسمين :لااا
سالم :ليش ماشيين هيا بتاخد اجازه وانتم
دنيا:ندهورو ونمشو للمول ناخدو حاجات
مؤيد:باهى شن رايكم تمشو للمول وماتمشوش للجبل
سيف:اي فكره برو انتم للمول واحنا للجبل
ريهام :مصح وجهكم
بشرى:نمشو ل الزوز عاتى
عمران :باهى باهى
فات الوقت وطلعو لولاد ولبنات قعدو يهدرزو
ياسمين :بكرا بنمشو للمستشفى متعى بعدها للمول طول
دنيا :نخطمو ع حوشنا بنقول ل ماما و ناخدو حوايجنا
ريهام :اي صح ما قلتناش لماما
بشرى:عميمه حنينه ماتقولش لا
شهد :انشاء الله ملاك ما تروحش لعشيه بش نفتكو منها
دنيا :اي مرض اختك البارده هدى
سلمى :حي شوفو احمد شن منزل
ياسمين :وقته هوا
سلمى :مه ما درتلاش حدف من الفيس
دنيا :باهى شن منزل
سلمى :تمت الخطوبه بنجاح
ياسمين :ربي يهنيه ..
ريهام :اي غيرينا هالسيره ترا
سمر :من يبي نسكافى
لبنات ( اناااااااا)
سمر:يالطيف باهى باهى ..نوضى شهد معاي
شهد :هيا هي
( ناضو دارو النسكافى و قعمزو يهدرزو وفالليل روحو لبنات كلهم عند حوش عمهم اكرم بش يطلعو مع ياسمين )
بشرى:بنات رقدتو
سلمى :لا
دنيا :انا جعانه
ياسمين :حتى انا
ريهام :ره تقولولى نوضي
بشرى :لا استريحي ياحنه انا تو النوض
( ناضت بشرى وخشت للمطبخ قعدت الدير في سندويتشات) مؤيد :بست
بشرى :وووه خلعتنى
مؤيد :اسف
بشرى:نديرلك
مؤيد :مش جعان لكن حاجه من تحت ايديك ما يقولولهاش لا
بشرى :باهى حاضر
مؤيد : ( واقف ع التلاجه و يشوفلها ويبتسم )
بشرى :هههه خيرك
مؤيد :لالا شي
بشرى :تفضل هي
مؤيد :يسلمو ياقلبي (وقرب باسها وطلع )
بشرى : خيره هدا ( وحطت ايدها ع خدها ) اخخخ
مؤيد : ( خش لداره يضحك ) هههه والله لما نهبلك يا بيشتى
بشرى :هيا انتى وياها نوضو اتسممو والماعين مانعرفكمش فيهم
سلمى :غير قولى بسم الله وانتى من لما طالعه من الكوجينه وانتى تعيطى
دنيا :منوره حبي
( قعدو ياكلو و يهدرزو لين رن تليفون ياسمين )
ياسمين:حيي كريم
شهد :ههههه ردى ع خوي ردي
ياسمين : ( بعدت عليهم ) ايوا
كريم :ياحليلي من الايوا
ياسمين : هه باهى كيف حالك
كريم :لما سمعت صوتك وليت تمام
ياسمين :دووم يارب
كريم :شن الدير اميرتى
ياسمين :نهدرز انا و لبنات
كريم :مسيبه حبيبك وتهدرزي على لبنات
ياسمين :لهيت معاهم ياقلبي اسفه
كريم : شن قلتى
ياسمين :قتلك اسفه
كريم :لا اللي قبلها
ياسمين :ياقلبي
كريم :اخخ ياقلب كريم انت
ريهام :وين وين قلبي وروحى هاتو حتى كيسه ليم مش راجل
كريم :منى هدي
ياسمين :ريهام هههههه
كريم :قلها اسكتى خيرك يا طويله اللسان
( قعدو يهدرزو وباقى لبنات رقدو )
الصبح
الساعه8:00
سميه :بابنات نوضو يابنات
دنيا :صباح الخير خويله
سميه :صباح النور بنتى نوضى الباقى و تعالو افطرو
دنيا :حاضر ....بنات يا ياسمين ياااااهو نوضو عطيك موت
لبنات :اه نضنا
ياسمين :ووه فلك من امبكرى تتصل
شهد :ساهره ل للفجر ياكلبه من فلك اللي بتنوضيلها ( ناضو لبنات بدلو و طلعو لصاله )
لبنات :صبااااحو
سميه واكرم ومؤيد:صباح النور
اكرم:شن بنياتي وتيتو روحكم
ياسمين:اي تو بنمشو للمستشفى بناخد اجازه وبنمشو لمول نشرو حاجات ناقصينا ونروحو
اكرم:باهي عندكم فلوس ولا نعطيكم
البنات:لالا صحيت عندنا
سمر:شن الكدب هدا انا معنديش
دنيا:مرض جعانه فلوس ههه
اكرم: ههه قداش تبي
سمر:انت كريم وانا نستاهل
اكرم طلع ربطه فلوس وعطاها لياسمين
اكرم :هاكي اللي يبي حاجه اشريهاله كلكم زي بنياتي
كلهم:ربي يخليك لينا
ياسمين:هيا نوضو معاش في وقت
البنات هي
ركبو البنات في السياره
بشرى:غبااره سوده عالضيق
دنيا:انا وجهي مطبوع في الروشن هه
شهد: والنبي اسكتوا انا هي اللي مقعمزه علي الصندوق
ريهام:سمر زيدي غادي شويه
سمر:وين بنزيد بالله
واستمر العراك لن وصلو للمستشفى ونزلت ياسمين خدت اذن وولت ركبت ورن علاها كريم
وقعدو يهدرزون
ياسمين :باهى حبيبي لما نوصل نكلمك ..باي
سمر :تحشمي بابنت احنا سناقل
ياسمين :شن بنديرلكم
شهد :اقهرينا بس
ريهام :مره تانيه درسي ايمين وانزلي تكلمى عادي مانقولوش وووه الشمس انا نبي نولى بنقلا
ياسمين :ههههه ع سيره البنقلا شوفو هدوكا اللي غادي يمشو معاكم
سلمى:دجكتري علينا
( نزلو ل مطعم بعدها امشو لعمتهم )
دنيا:مامي
بسمه :نعم انا هنا ..غريبه روحتو
سلمى :ماتفرحيش بناخدوهم
ريهام :بنمشو ل الجبل ياماما
بسمه :كلمتو بوك
دنيا :كلمته امس و قالى عادي
بسمه :منا امشو هيا قعمزو نجيبلكم غداء
شهد :لا عميمه تغدينا
ياسمين :هبا انتى وياها امشو جيبو حوايجكم
(خشو لبنات كلهم لدار ريهام ودنيا يوتو معاهم و يدردشو )
عبد الله :اوو البنات اهنى غريبه
شهد :ماغريب الا الشيطان
عبد الله نقصي منه مش في صالحك
ياسمين :باهى كلموك لولاد ع الجبل
عبد الله :اي تو لعشيه نجي غادي و نطلعو مع بعض
سلمى:سومه شن رايك تكلمى فلك تجي معانا
ياسمين :اي حق والله ماخطر ع بالي
بشرى:يخلاها بوها
ياسمين :اي عادي مه تجي تبات معانا ديما
(اتصلت ب فلك و قتلها ع الطلعه وقالت عادي اخطمو عليا )
دنيا :قالت ايه
ياسمين :ايه
سمر:والخدمه
ياسمين :عادي جيبين فريق طبي تدريب مش حيحتاجو ليها تو تكلمهم الصبح وخلاص
سمر :ااه باهى كان هكى
ريهام دنيا :كملناااا
ياسمين :هيا اطلعو
( وصلو لحوش جدهم هالكيين)
ياسمين : ( تلوحت ع الفراش) اخخ ياراسي
سمر:تبطحى ايه راه تنوضي تحوسي ع روحك
ياسمين :صكرى فمك انتى
سلمى :انا بنمشي ل حوشنا
الجده:طيب فيكم يا فنصات وين كنتم
ياسمين :مشينا ل السوق
بشرى:سوسو استنى ناخد دوش سريع و نمشي معاك انا واتيه حاجتى انا ولولاد
سلمى:الحقينى حتى انا بندوش
بشرى:باهى
لولاد :سلاااام عليكم
لبنات :عليكم السلام
سيف:خيركم متلوحين تقول كنتو في حرب
ريهام :كنا طاعين
سالم :مافيش غدي
الجده:هونا تلقاه ع الطاوله غداكم
مؤيد :انا بنمشي للحوش نتلاقو لعشيه ..سمر نوضى وتيلي حوايجي
سمر:لااا سلمى غادي تو الديرهم
مؤيد :باهى
كريم :وانا بنركب (غمزل ل ياسمين )
(كل واحد قعدي يحوش في مكان )
بشرى :ساعه بش تفتحى
سلمى:ماسمعتش جدري
بشرى :ياسمين وسمر روحو
سلمى:سومه داخل وسمر لا قاعده مع لبنات
بشرى :وتيتو حوايجكم
ياسمين :اسس بنرقد
بشرى:ترقدي الصبر
سلمى:الفرخه سمر بلكى عابيه بنوتيلها انا
بشرى :كان تعرفى شن بترفع تو نوتيلها
سلمى :لالا انتى بري في حوايج ع سرير مؤيد حطيهم في شنطه (دارت هكى بلعانى وع اساس مؤيد مش في الدار)
بشرى:باااهى
( خشت ع دار مؤيد تفاجأة ان قاعد )
مؤيد : (متكى ع سريره ولما نفتح الباب شافلها ) بيشا خيرك خشي
بشرى :لالا نحسابكش في الدار قبل بنوتيلك حوايجك
مؤيد :خوشي ديريهم عادي
بشرى :باهى(قعدت بشرى الديرله في حوايجه و متوتره وهوا يشوفلها)
مؤيد :خيرك متوتره
بشرى :لالا
مؤيد :(جبدها من ايدها جت فوقه وهوا راقد ) باهى ترا شوفيلي
بشرى :(مغمضه عيونها ) م مؤ يد حولل
مؤيد :مش قلتى مش متوتره
بشرى:اي حول
مؤيد :باهى (باسها من عيونها وطلقها )
بشرى ( طلعت تجرى) ياسلمى ياحماره تفى خايفه تقولى مؤيد اهنى
سلمى:هههههه ع اساس انتى جيتي طول تي قريب زغرطت
ياسمين : (كانت راقده ) حي شن صار
بشرى :اسكتى انتى التانيه ( وحكتلهم )
.............حوش الجد
ريهام :اسكتو بنرقدو
دنيا :باهى حاجات لفطور والحاجات التانيه بياخدوه من الطريق ولا
سمر:اي واضحه هدى
ريهام :سكرى فمك بنرقد النم
سمر:تعالى نركبو ل شهد تعالى
دنيا :هيا
( ركبو عند شهد )
كريم : ( فتح الباب ) مزعجات الزوزو خشو
سمر:جايين لحوش بوك
كريم :هههه تبي الحق والله حوش بوي
دنيا :ههه غبيه قولى جيين لحوشك
سمر:كله زي بعض المهم حول وانت زي الحيط كريم:ماتتحشمش هدي
دنيا:الله غالب هههه ...شهد ..شهوده سمر:احنا اهنى تعالى جدرى
دنيا :قاعده توتى
شهد :اي ..دنو بالله عليك ديرينا نسكافى ولا قهوه دنيا :حاضر "طلعت دنيا متجهه للمطبخ وكان الحمام والمطبخ جنب بعض" سالم :"طالع من الحمام ومن غير تيشرت خبط فيها" دنيا : "واقفه مصدومه "
سالم :اوووي
دنيا : " حطت عيونها لوطه "اسفه
سالم :المهم ماتكسر شي نقعد نصلح فيه دنيا:ههههه لالا
سالم :قرصها من خدودها وامشي
دنيا : " ياحليلي عليك جسم اخخخ هدا كان معادش يلبس تيشرت احسن" "دارت النسكافى وخشت للبنات "
'قعدو كل واحد لاهي في حاجه للعشيه تلاقو كلهم لوطه ' سالم :عبد الله وين
ريهام :ادكر لحمار يبانو ودانه
عبد الله :ندير روحى ماسمعت شي ..سلام عليكم سالم :انا و مؤيد و عبد الله نمشو بسياراتنا ولو فيه ضيق ناخدو سياره رابعه عبد الله :لالا يسدو
سالم ؛ميه ميه هي اطلعو
ياسمين :حقا بش نخطمو ع صاحبتى
عمران :باهى غير اطلعى
'طلعو كلهم و خطمو ع فلك والعراك و الهدرزه ما يخلاش من الهدرزه ) سيف:ريهام نفختيلي راسي اسكتى
ريهام :مانبيش نسكت اصلا ياريت ما ركبت اهنى مؤيد :زي المفرخ خزي
ريهام :اسكت انت
سلمى:امتى نوصلو
بشرى:امتى طلعنا
...............
ياسمين :احسن شي ماركب حد من المهبله معانا كريم :اي ستريحنا منهم
فلك :من لمهبله بالزبط
عمران :هدو يتفلفسو ره تو نوصلو و حتعرفى ان العيله كلها مهبله فلك :ههه يالطيف
كريم :شكرا ياعمران
..............
سمر:فرخه دنيا...دنياا
شهد :وين سارحه
دنيا :في جمالكم
عبد الله :هدو عندهم جمال
شهد:خلى ودنك عندك مرض
سالم:شن ركبكم معاي انتم
"وصلو لبيت الجبل وكان الجو يهبللل"
نزلو لبنات يجرو
ريهام : الله مافيش احلى من الطبيعه
دنيا :قداش لينا عليه
سمر:اي يهبللل
سيف:تعالى انتى وياها نزلو الحاجات خير مانوريك الطبيعه بأصلها
ريهام :بالله سكر فمك انت نزل ولا اسكت
سيف:لسانك يبي القص ره قاعد نقولك
ريهام :مادخلكش فيه
سالم :زي المفرخ ياسر دوه وتعالو نزلو
ياسمين :هدو هكى ديما تو تتعودي عليهم
فلك :هههه لكن جوكم حلو انا لولاد اول نشوفهم قبل خطف بس
عمران :تو تشوفى وتتعرفي هلبا ( عيونه قلووب)
ياسمين :عمرااان سالم ينادي عليك
عمران :نبيش نقول كلام مش باهى قدام الحلوا لكن تفو عليك
فلك :هههههههههه
سلمى:هيا انتى وياها واقفين تهقهقو
فلك :حاااضر اهو جينا يا نقاقه
" دخلو الحاجات وكانت قراب المغرب"
'خشو لبنات لبسو توت زي بعض ( عباره على سروال وكت عليه دبدوب وكل وحده لون اللي تحبه ) "وفلك لان ماتقدرس قدام لولاد لبست جيسكار و بلوزه طويله شويه "
سالم :انا جعان
دنيا :مش بتشوو
سيف:اي هيا فرشونا برا و خلي نطلعو
ريهام :انا بنفرش مادخلنيش ب حاجات التانيه
شهد :انا مش حنتبل اللحم ره
ياسمين :ولا انا
سلمى:ولا انا
دنيا :تو انا نتبله عطك مرض ليك ولاها
فلك :نجي نساعدك
دنيا :لالا استريحي حبيبتى مافيش داعى
" خشت دنيا الدير في اللحم"
"ريهام وسيف يفرشو برا "
سيف:هاتى لوسايد اهنى
ريهام :لا اهنى احلى
سيف:تي هاتى جاي اهنى قتلك
'هيا تشح وهوا يشح في الوساده ( لوسايد اللي يقعمزو عليهم اكيد تعرفوهم)
سيف: "جبد بالقوه طاحت لوساده و ريهام عليه ..كانت تفصل بينهم لوساده ووجوهم في بعض سرحو في عيون بعض "
ريهام : 'ناضت قعمزت'خيرك انت حمار هكي الطيحنى
سيف: "قعمز جنبها" ع اساس مش عاجبك الجو "وقرب منها"
ريهام :"عطاته كف" بس مره تانيه تحترم نفسك "خشت"
سيف: " مصدوم من االلي دراته ...خيرها هدي شن درتلها ..لكن لحق معاها مافي شي بينا علاش درت هكى (ابتسم )
شهد :خيرك والعه
ريهام :مادخلكش
سلمى:هيما خيرك
ريهام "خشت الدار "
لحقتها سلمى و شهد و سمر
عبد الله :يجاها جيجي مره مره هههههه
كريم :ههههه خزي بنطلع ندخن نوض معاي
ياسمين :فلك تعالى نمسو ل ريهام
فلك :لا امشي انتى انا مرات تبيش تدوى قدامى
ياسمين :باهى
سالم "ناض لدنيا "
دنيا :مالو الزين مكشر بين عليه متأتر ليكون انا زعلتو
سالم :وانا مانى مدكر..هههه نحسابش صوتك حلو
دنيا :شكرا ع المجامله هههه
سالم :والله حلو صوتك
دنيا :باهى تو نشترك في ستاراكاديمي
سالم :اي غير احلمى الحلم بلاش
دنيا :علاش مدام صوتى حلو مش بعيد
سالم:"قرب قاملها خصله طايحه ع عيونها" مه نغار عليك
دنيا:احم باهى تعالى ساعدنى حرام تقول بناكل بروحى
(قعدو يساعدو في بعض)
........عند البنات
ريهام : 'تبكى' حاركات تافهه انا مانحبش من يدير معاي هكى شن بيني و بينه بش يتصرف هكى
ياسمين :هيما الموضوع مش مستاهل ره انت مكبرتاها
بشرى:اي عادي والله حتى انا نفس اللقطه صارت معاي انا ومؤيد اليوم
ريهام :انتى تحبي مؤيد لكن انا لاا
سمر:باهى ممكن يكون يحبك
ريهام :يحبنى يجي يقولى
شهد:خيرك مش واتقه فيه فالنهايه ولد خالك
ريهام :واتقه فيه زي الكل لكن ....؟
سلمى:لكن ادكرتى علاء مافيش سبب غير هدا ..طلعيه من حياتك ياهيما والله مانافعك خليك طبيعيه ومش من اي حاجه تتأتري و تدكريه
..............عمران وفلك في الصاله
عمران:من امتى انتي وياسمين صحبات
فلك:نعرفو بعض من الصف الاول
عمران:ههههه
فلك: خيرك تضحك
عمران:نتخيل فيكم وانتو بحوايج المدرسه ودايرين قرينات ههه
فلك:هههه مبردك
عمران:قداش غريبه الدنيا السنين هدي كلها عمرنا ماتقابلنا
فلك:اي والله انت الوحيد اللي منعرفكش اغلبهم كنت نلمح فيهم لما نمشي لياسمين في الحوش
عمران:قولتك حاجه عاديه هادي
فلك:كيف يعني
عمران: يعني القدر مخلاناش نتقابلو مع انك قدام عيوني لكن خلانا نتقابلو في الرحله هادي
فلك في خاطرها (شن يخرط هدا):مفهمتش
عمران: تو يجي يوم وتفهمي(وغمزلها)
فلك(ارتبكت):هيا نطلعو برا
عمران:هي
وطلعو للجنان ولقو سيف وعبدالله ومؤيد وكريم
عبد الله :خيركانت وين سارح
سيف:قاعد ما سارح في شي ...بنمشو نتمشي انا
كريم :خيره هدا غريب
عبد الله ؛فوته شكله متعارك مع صاحبته ههههه
مؤيد :يجوز والله
........عند لبنات
ريهام :خلونى بنرقد
لبنات :باهى "وطلعو "
ياسمين :فيفي
فلك :نعم
سلمى:مشاء الله ماخلاكش عميرينه نكسدي بكل
عمران :نقوم بالواجب مش زيكم ههههه
سلمى:نجك لامك "خشت للمطبخ "دنو امشي شوفى هيما
دنيا :خيرها هيما
سلمى:مريضه "غمزتلها"
"غسلت ايداها و طلعت تجرى "
سالم :هيا ياغزاله كملى معاي هي
""انشاء الله تكون عجبتكم الحلقه ياحلوين هيا تفاعلو بكرا الحلقه 10 وحتكون فيها هلبا احدات حلوا""
كاتبة 💛
DA NO Remo Rm
