~~~~~~~~~~
💗#حوش_العيلة💗
#الحلقه_2
#عند_دنيا_وريهام
بعد تغدو...لبنات قاعدين في دارهم
دنيا :الساعه 2:30
تعالى نكلمو عبدو 😜
ريهام : روح راقيله فكنا تو يفصل علينا 😣
دنيا :تي تعالى تو نخشو نحطوله من الكيكه و نديروله طاسه نسكافى يروق😉 😂
ريهام : ههههه والله حق اصلا ما همه كان بطنه هدا هي نوضي 😂
دارو نسكافى خشو لدار خوهم
ريهام : (دخلت راسها من الباب) عبودى 😍
عبدو: شن تبي 😒
(دخلو و سكرو الباب )
دنيا :جينا نهدرزو ع خونا حبيبنا و درنالك نسكافى☕️
عبدو : شن تبو 😒
ريهام : الواحد حرام يدير فيك خير الهم (بصوت عالى )😠
عبدو : فنص فيها 😡
دنيا :تضحك ع الصامت😂
ريهام :انا قصدى لينا زمان ماهدرزناش و شفناك مضايق قلنا نجو نشوفوك☺️
دنيا : اي ع الغدى كان راقيلك بكل شن فيه😙
عبدو : (ابتسمت ع اهتمام خواته ) ماتشغلوش بالكن مافي شي 😘😍
دنيا : باهى نبو نمشو لحوش جدى 😀
عبدو : اصلا من الاول عرفت جيين ع حاجه و طايحين تمتلو عليا تفى😂
ريهام : ههههه حبيبي انت والله كساد😂
دنيا: هيا وراس وخي و بساته 💋
عبدو : ههههه عليك كلبات نرقد شويه و نوضونى ع العصر 😹
ريهام : ترفعنا 😻
عبدو : نغير رأيي ره 👿
دنيا :لالالا 🙀...(تشح في ريهام) اطلعى ياقرده خلى خوك يرتاح 😾
(طلعو)
عبدو :هههه عليك هبلات😹
............................
#عند_سالم
في المطار مع صاحبه
سالم :امتى الطياره بكرا
محمد: الساعه 7 الصبح
سالم : انت معاي في الرحله
محمد: لا بيمشى معاك معتصم
سالم :تمام انت مروح
محمد: استنى بنقولك
سالم :خير 😕
محمد: ناديه ااا 😁(قاعد ما كملش قطع سالم عليه)
سالم:الموضوع هدا تحكيش فيه معاي ماقتلهاش حبينى انا بعدين عارفنى جو تمسكين البنات و الدحنسه مانحباش اخطى و جهى بس 😠
محمد:ربي يهديك جرب بس البنت حلوا ووو 😋(قطع تانى عليه)
سالم :انا صاحبك ليا عمر في حياتك شفتنى نحكى مع بنت ؟؟؟
محمد:لالا
سالم :منا ريحنى من الدوه الزايده ترا😏 (وطلع )
(ناديه هدى تشتغل مع محمد و سالم تحب سالم ليها هلبا و يما تدحنس عليه و هوا مش عاطيها وجهه)
...........................
بشرى:(الطق ع شهد و ملاك )
كريم (فتح الباب) اووو بيشا شن جو 😮
بشرى :تمام وانت ياطيري 😸
كريم :الحمد الله خوشي لبنات داخل 😺
بشرى : لا مره اخرا ناديلي ع البنات بش ينزلن معايا بنسيق الجنان مرات يجى ل حنينه حد😊
كريم :تم تو نقلهم 😜
...........................
كريم عند البنات
كريم :ملااااااك شهددد
ملاك: ييي عليك نفخ 😷
شهد:نعم كريم 😒😊
كريم :جت بشرى قتلى قول للبنات ينرلو نسيقو الجنان
شهد:تمام تو ننزل 😗
كريم :شهوده الله يربح قهوه قبل ل تنزلى😍
شهد:حاضر من عيونى😘
ملاك:خيره😏
شهد:انزلى نسيقو مع بيشا😐
ملاك :لا انا اول امس سيقته 👿
شهد:(تبيش تبيس الدير عركه ) باهى 😕
دارت ل كريم قهوه
شهد:كيمو
كريم :نعم
شهد:قهوتك في المطبخ انا بننزل ل بيشا
كريم :بااهى
............................
سلمى :سومه تليفونك يرن
ياسمين :من
سلمى :ريهام
ياسمين :هاتى
دنيا :سومه شنج حبي 😉
ياسمين :مستحشاتك ياقرده 😚
ريهام :مستحشه كان دنيا تو نوريك انا 😂
ياسمين :هدى هيما تعيط😂
دنيا :ايه ههههه😂
ياسمين :عليك قرده 😄
دنيا :به بنقولك ره بعدين بنجى انا و هيما و بتجو بتباتو انتى و سوسو و سموره 😍
ياسمين :انا خميس عرفتيتي ماعنديش خدمه اكيد بنجى و الفرخات التانيات تو نشوفهم 😉
دنيا :تم تشاو 😘
سلمى :خيرها دنو😕
ياسمين :بتجى هيا و ريهام و تبينا نجو نباتو 😋
سلمى :عادى نقدر ما نمشيش انا 😃
ياسمين :خلاص تو مزال سمر بس
سمر :خيرها سمر 😐
سلمى :تمشي تباتى معانا في حوش حنينه
سمر:حتى لو بنشى انا و شهد حننزلو بكرى😇
سلمى :المهم برى
............................
سيف :بيشا يابيشا
فوزيه:خيرك
سيف :بشرى وين
فوزيه :تسيق تحت
سيف :باهى و نزل يجرى ..بيشا
شهد :خيرك تقول ضاربك جن 😂
سيف:اسكتى يا شينه انتى و خربلها شعرها 😒
بشرى :شن تبي به 😏
سيف :نبي سوريتى الزرقاء اكويها ليا 😍
بشرى :لاااا تدكر امبكرى نترجى فيك عشان كرت تبيش تجيبلى 😑
سيف :تو نجيبلك وانا مروح هيا لولاد ع خشه😆
بشرى :والله مانى كويتها لك و الكرت معادش نبيه عمران بيجيبلى😛
سيف :حيوانه وبخ علاها اميه 😤
شهد :هههههه كملتو انتم 😹
سيف :اضحكى انتى يدل ما ترقى تكويلي😠
شهد :نكويلك لكن بشرط 😌
سيف :عيله مافيها كان الطماع وخوه تفى 💦
شهد :تبي نكويلك ولا غيرت رأيك😏
سيف :شن تبي النم 😕
شهد :شكلاطه 😋
سيف :به غير اركبي لولاد ع جيه 😖
شهد :ركبت تجرى🏃
............................
طق الباب ✊
بشرى :فتحت
مؤيد :حطى خرا ع راسك و لا قولى من 😠
بشرى :خيرك انت اليوم طياح هزايب فيا شن درتلك و بدت تبكى 😭
مؤيد:امسحى دموعك وانتى وين نقولك كلمه ينزلو زى لمطر 😩
بشرى :ركبت و ما ردتش
مؤيد :(يحكى مع روحه) خيرنى انا نهزب فيها البنت شن دارت😪 ...قطع تفكيره سيف
سيف :خيرك واقف هنا 😕
مؤيد :اه لا توا كيف جيت نبي نعطى ل جدى دواه 💊
سيف :اه به انا طالع مع لولاد نتلاقو
مؤيد :اوكى 👍
............................
دنيا :يافرخه هيا خلى النوض خوك😑
ريهام :تبينى نقتلك برى نوضيه قبل ل نكمل 😒
دنيا :ره والله ماشيين لحوش جدى😃
ريهام :كان هدا نمشي زى الفلبنيه 😷
دنيا :اهو انا كملت بكرى😎
ريهام :مه انتى حتى البنقلا متع الخضراء اللى في راس الشارع احلى منك اما تطلعى لحوش جدى😂
دنيا :ياحيوانه تفى عليك و كرتها من شعرها 😂💦
ريهام :اااه لما نوريك شعري ليا ساعه نساوى فيه 😤
دنيا :هههههههه عن جد التسريحه اللى درتهالك خطيره بكل😹
ريهام :تو ينوض عبدو لما نخليه يعفجك يا يهيمه😾
دنيا :ههه انا بنمشي انوضه و الباين لو قعدتي هكى حتكلاها انتى العفجه😹
دنيا :عبد الله عبدو عبودى نوض وخى العصر ادن ☺️
ريهام :حولى يامسكينه هكى 😹..وركبت ع السرير و قعدت ترقص💃
عبد الله :يابنت ال ...انزلى ياعن شكل فيتك تحسابى روحك في عرس 😡
ريهام :نزلت تجرى ..وهوا يجرى و راها 🏃
عبد الله :شدها من شعرها ...مزلتى تعوداها يا حيوانه 😾
ريهام :ههههههههههه لالا 😹
عبد الله:قاعده تضحكى نقولك في نكته 😑
ريهام :هههه اي شعرى خلاص اخر مره 😂
عبد الله :امشي للحمام وهوا يسب😤
دنيا :ترقص في حواجبها ...كليتاها ولا لا الطريحه توا ههههه😹
ريهام :ههههه هدى تسمى فيها طريحه حشم حالك كان ما تبدا زى طريحه يوم صبينا ع فراشه لميه ما تتسمى طريحه ههههه😂
دنيا :ههههه هديكه لعند نموت ما ننساها😂
عبد الله :مطولين انتى وياها 😠
دنيا :لا اهو بنطلعو 😬
............................
مؤيد :جدى ما تبي شي
جده :سلامتك يا وليدى
مؤيد:هيا سلام
وهوا طالع بشرى خاشه
مؤيد :بشرى استنى و شدها من مرفقها😔
بشرى :تفضل 😒
مؤيد :خيرك تحكى هكى 😓
بشرى :لا نستنى في الهزيبه بس 😒
مؤيد:بيشا اسف عارف روحى زودتها عرفتينى نحبك و مانرضى زعلك 😪
بشرى :(اهنى ابتسمت لان قالها نحبك ) باهى سامحتك 😀
مؤيد :ضحك .هبله ماتبي شي 😃
بشرى :لا سلامتك
خشت داخل
الجده :بشرى وين ملاك و شهد
بشرى :خليتهم بينزلو و حتى دنيا و ريهام كلمونى جيين في الطريق
الجده :به ستاحشتك ليهم هلبا ما جو 😘
الجد :عمتك جايه معاهم
بشرى :لا بتجي بكرا عمتى
الجد :باهى
اكرم :السلام عليكم
الكل :وعليكم السلام
الجده:وين لينات يا اكرم
اكرم :شويه وجيين
الجد :كويس
اكرم :بشرى عمى كيف حال قرايتك 😺
بشرى :الحمد الله بخير
اكرم :شدى حيلك نبوك صيدلانيه كبيره 👩
بشرى :انشاء الله ياعمو 🙈
سمر ملاك صالح :سلام عليكم
الكل :وعليكم السلام
شهد:شن نديرلكم شاهى ولا قهوه
اكرم و بوها :قهوه احنا
بشرى :لا عمى اكرم مش باهيه ليك القهوه تو النوض ندير انا وياك احلى نسكافى ☺️
اكرم :ههههه باهى سلم بنتى 😄
ياسمين سلمى :سلام عليكم 👋
الكل: و عليكم السلام
سمر:انا جيت هههه🙌
الجده :طيح سعدك الناس تقول السلام و انتى (انا جيت ) وتعجب فيها 😦
كلهم :هههههههه😂😂
سمر :نغيرلكم في العاده يانبع الحنان ههه😹
الجده :طيح سعدك امشي ديريلي كتشبينو ولا سن سماه هدا 😸
شهد :كبتشينو يا حنينه ههه😹😹
الجده :جيل احرف منين تلقو في هالكلام بس😅
الكل : هههههههه 😂
جو ريهام و دنيا و خش عبد الله و عمامهم قاعدين و جابو لبنات الحاجات
سالم :السلام عليكم
الكل :وعليكم السلام
الجد :وينك ياوليدي معادش نشوف فيك
اكرم :اي وينك مختفى
سالم :والله انتم عارفين طبيعة شغلى خدمه النهار كله و رحلات و نروح مهتك نرقد 😞
الجده :ربي يعاونك وليدي 😚
بشرى :نصبلك حاجه سالم 😊
سالم :مدى قهوه ☕️
دنيا :حقا سيف وين
شهد :طلع مع ولاد
ريهام :كلموه يجيبنا فيلم نتفرجو عليه بعدين 😜
سالم :نطلع نجيبلكم انا 😺
دنيا :سيف دوقه حلو في الافلام 😋
سالم :وخيرنى انا جربونى 😕
شهد :في الشك 😂
سالم :تو تشوفو اليوم (وطلع)
بشرى :شهد خوك هدا 😦
شهد :ماندرى ياودى 😧
دنيا :اسس ل الطقوه ب عين 😂
مختار:انا طالع تبو حاجه
اكرم :جاي معاك
الجده :سلامتكم
الجد :وصلونى للجامع
مختار :ايدك هي
وطلعو
فات الوقت تمام لينات يهدرزو و النساوين في حياشهم لان متعودين الجمعه يلتمو ولولاد كل واحد في جهة
جي الليل تعشو العيله كلها مع بعض و حتى الكناين جو
في الجنان
مؤيد :عمران بتمشى بكرا للجامعه😓
عمران :خطانى الله يربحك بنرقد ره الديرلى زى اليوم 😣
مؤيد :حتى انا مش ماشي اصلا 😜
سيف :ياعن جدها قرايه وخدينها 😣
سالم :ره تجى ع راسك انت وياه و ترسبو 😌
مؤيد :تقعدناش كيف بوي نصايح وجو😜
سالم:الحق فيا ننصح فيكم ياكلاب😂
سيف: فوتهم ..عبد الله وين
عمران : كلمته قال ع 11 نكون عندكم قريب يجي
مؤيد :شوفو كريم قاعد ع النافوره غارق😍
سيف : اكيد مع الحب😘
عمران : حلوا ولا شينه 😳
مؤيد :طويله ولا قصيره 😳
سالم : متفهمكم نمشي نتمشى خارلى من القعده معاكم😂
سيف عمران مؤيد : ههههههههه😹😹
(بيت العيله كبير من تحت حوش الجد🏡 و فوقهم صالح و مختار و جنانات كبار و من قدام و فيه نافوره و من تالى معشب و شجر و فيه درجيحه وطاوله وكراسي ومن قدام حتى هوا طاوله و كراسي)
ريهام و سمر و سلمى يوتو في الحاجات في دار كبيره فوق فيها فراشات و شاشه و ومظلمه كان مكان ل مقابلات و قعدات بنات وولاد العيله😸 )
