#حوش_العيلة
#الحلقة_12
~~~~~~~~
سمر :ياكلااااب ياحيوانات والله لما نوريكم ...شوف ياسالم شن دارو فيا " لما وصلت عندهم "
سمر : " مصدومه "
سلمى:اوووي ياهبله خوشي بدلى وتعالى سسلمي على ضيفنا
سمر: " خشت تجرى "
ليث : " قعد يضحك "
شهد : " خشت تجرى " هههههههههه طلع ليث خوها
سمر : " تلود في الدار " كيييف هدا شن جابه انا كيف بنقعد سبوع معاه والله نقتله ره عادي
شهد :مرات يكون اسبوع حلووووو
سمر:شهد اقلبي وجهك احسن مانقتلك
شهد :ههه باهى بري بدلى و اطلعي افطري
......في الصاله
سيف:طلعنا منها
ياسمين :ماتفرحش هدي سمر ره تردها تردها
سالم :ترا سيف شهد و سلمى و كريم تعالو شويه
عبدو :وانا
سالم :قعمز مكانك
سلمى :هااا خيرك
سيف:شن صار جدي مات
سالم :تفى وانت شادها وراء جدي
شهد :تي شن باهى
سالم :نسيتو شنى اليوم
كريم :اليوم تلاتاء
سالم :هاها ياخفيف اليوم عيد ميلاد دنيا و ريهام
سلمى :حييييي باهى اللي دكرتنا
شهد :شن نديرو به
سالم :انا وكريم نطلعو نجيبو حاجات وانتم بتساعدونا وبرو ل فلك و سمر يلهو التؤام
سلمى :باهى تم
سالم :شباب من يطلع معاي بنمشي نجيب حاجات
ليث :انا نبي نستريح
عبدو :انا جاب معاك
سالم :خلاص هيا
" طلع سالم وكريم وسيف وعبدو "
عبدو :شن بتجيب
كريم :اليوم عيد ميلاد خواتك ياسطل
عبدو :حي حي
سيف:خيرك تندب زي لوليه
" خطمو اخدو تورته و حلويات و عصاير "
ريهام :نبي نطلع ناخد شكلاطه
سمر:للالا
ريهام :خيرك
سمر :انا بنمشي نجيب عصير تو نجيبلك تبو حاجه
دنيا :عصير معاك
شهد : " طلعت من الدار وتدوى بروحها "
ليث :خيرك مهبوله
سمر :اسمع انت فكنى من شرك ره مش نقصاتك
ليث :خيرك متعصبه فيه حاجه
سمر :وجودك اهنى يوتر فيا
ليث :معقوله مهم لدرجه هدي انا
سمر :مستفز " دفاته و خشت للمطبخ "
ياسمين :وين ريهام ودنيا
سمر :في الدار وين الشكلاطه
سلمى :في الفريز
سمر :شن الديرو انتم
شهد :حاجات حاره للعشي
ياسمين :ره تخلوها تطلع
بشرى :هاتولى حاجه نديرها وانا مقعمزه شهد :خودي ديري البطاطه
"مشت سمر ل الدار
" روحو لولاد و بدو يزينو في الجنان ورد و نبايل "
سمر :انا شويه ونجي
ريهام :مليت نبي نطلع
دنيا :حتى انا
فلك :لااااا نبي نقولكم ع موضوع " بدت تاخد و تفترش ع اساس ان تحب عمران و مش عارف كيف بتعترفله ووو "
سمر :نساعدكم
ليث :اللي بيدير الخير مايشاورش
سالم :كملو لبنات داخل
شهد :اي خلاص يوتو في الصوانى بس
سمر :هاااات انا بنعلقه
سيف :رووحى ماتقدريش
سمر :لااا انا " فكاته منه و ركبت فوق الكرسي و 'كان االي بتركبه خيط فيه عيد ميلاد سعيد '
سالم :خلاص احنا كملنا خوشو كان بتبدلو و الدوشو
سيف :اي حتى انا والله تاعب بناخد دوش
عمران :هيا ليث
ليث :انا نكمل دخان و نلحقكم
"خشو الشباب داخل وقعدو سمر و ليث"
سمر :كملت "وهيا كيف لفت تجي طايحه يتلقاها ليث "
سمر..ليث : 😳
سمر :حول
ليث : " نزلها وقعد يضحك ع هبالها"
سمر :" خشت تجري "
شهد :خيرك
سمر :شي شي تعالى نديرو موضوع ل هدو و نبدلو
شهد : حي حي حي حي
ريهام : " ناضت ترقص " ماشي جاي على الساليطه
فلك : حي حي حي حي
سمر:عجبتنى فتحت سوريتها
دنيا :روروروري ماشي جاي على المربوعه
شهد :مش قادر يفتح موضوعه
سمر :كساد
شهد :شن رايكم نبدلو و ونديرو شعرنا و نديرو مكياج نتسلو في بعض
ريهام :اي فكره
دنيا :عاد انتى مش معاك الروح فيها الحاجات هدي
" بدو لبنات اللي تمكيج و اللي الدير في شعرها و جو حتى بشرى و سلمى و ياسمين ..و لبسو سراويل و جاكات و بلايز لان معاهم ليث "
ياسمين :واتى كل شي
سلمى :اي حتى لولاد برا تعالى نطلعو و نخلو بشرى و سمر بس
ياسمين :"عطتهم غمزه طلعو كلهم "
عبدو: وينهم
شهد :تو يطلعو اسكت انت
سيف :كان انا ره توا اللي هادا شاد مربطه وماتقولوش الولد عنده عيد ميلاد
سالم :اسس صدقت هيما لما سماتك وليه
..سمر :هيا نطلعو
ريهام :من عقولنا
سمر :ل الجنان كساد
دنيا :خلى نبدلو
بشرى :لالا عادي هيا
" طلعو "
الكل :هابي بيرتي تو يو ...هابي بيرتي تو يو ..هابي بيرتو تو دنو..هابي بيرتي تو هيما " قعدو "يغنولهم وهما مصدومات "
ريهام :حييي انتم مدكرين مؤيد :ههههه ايه ايه تعالو قسو التورتة
" قدمو قعدو يقسو في التورته و يعايدو فيهم "
سلمى :كل سنه وانتم بخير يا احلى توأم
ريهام دنيا :وانتى بخير
فلك :كل سنه وانتم بخير ياحلوات ههه واللي قلته امبكرى كدب ره بش نلهيكم
ريهام :حيي كدابه خزي
دنيا :والله لما تشوفى
فلك :لكن حلوات نصائحك هيما ههههه
سالم :كل عام وانتم بخير
" قعدو يعايدو وسهرو و ضحكو و لعبو"
دنيا :انا بنطلع ل الجنان كساد
سلمى :اطلعى من مكتفك
" طلعت شافت سالم من بعيد دارت التليفون في ودنها وزعميته تتكلمئ بعده صكراته و مشتله "
سالم:في من كنتى تكلمى
دنيا :صاحبتى ليش تسأل
سالم :هكى وعلى علمى ماعندكش صحبات غير اللي رقدات داخل
دنيا :خير مدقق عليا انت شن فيه
سالم :هكى
دنيا :لكن انت ما دخلكش تتكلم معاي في حاجه زي هادي
سالم : " تلفت علاها " انا ليا الدخل في كل شي
دنيا :بصفتك من
سالم :كل شي
دنيا :زي شن كل شي
سالم :تو تعرفى مع الوقت ..المهم عجباتك المفاجأة امبكرى
دنيا :اي حلوا فكره منى
سالم :انا
دنيا :شكرا فرحنا هلبا
سالم :اهم شي عندي فرحتك
دنيا:ايي شن ادير واقف برا
سالم:الحق كنت نستنى فيك
دنيا:فيا انا
سالم:ماهو اااا
دنيا:هيا قول
سالم(طلع من دجاكته باكو احمر): باش نعطيك هادي وكل عام وانتي بخير
دنيا:حيي هادي ليا(وفتحاته ولقاته سنسله وعلاها فراشه)
سالم:انشاءالله تكون عجباتك
دنيا:تهبل شكرا بجديات (وباساته بطريقه عفويه)
سالم😳
دنيا:😱(وخشت تجري)
سالم حط يده علي خده وقعد يضحك
دنيا خشت للكوجينه
دنيا:ارزيك في عمرك يادنيا الناس تكبر وانتي عقلك يخف حي عليا انا شن درت بسته بجديات كيف بنحط وجهي في وجهه احسن شي معاش نشوفه
.....عند لبنات
الباب " طق طق طق "
بشرى :منى
كريم :ياسمين نايضه
ياسمين:اي اهو طالعه
'طلعت ياسمين'
كريم:حبيبي استحشتك
ياسمين:انا اكتر
كريم:اي شن جوك
ياسمين:تمام وانت
كريم:الحمد(وشرين تليفونه طلعه شاف الاسم ورده في جيبه)
ياسمين:رد خيرك
كريم:ااا لالا مكالمه مش مهمه
ياسمين:من اللي يرن عليك في الوقت هدا
كريم:ااا هدا صاحبي في الشغل
ياسمين:والله ترا طلعه نشوفه
كريم:حبيبتي قتلك صاحبي
ياسمين(طلعاته من جيبه وقرت الاسم):صاحبك اسمه هالة
كريم: حبيبتي اسمعينيي
ياسمين:ولا كلمه شد تليفونك ورد عالانسه هالة تو تنشغل عليك(وحدفت التليفون وكريم شده)
خشت للبنات وهي راقيتلها
كريم:غبي وخبط راسه في الحيط
خشت دنيا عند لبنات
ريهام :خيرك وليتي بسرعه
بشرى :شن اللي في ايدك
دنيا :اوووف يعنى مانقدرش مانحكيلكمش توا " وحكت اللي صار من لما طاحت و تكسر تليفون لعند البوسه "
شهد :ياحليلي نساوين خوتى صحباتى ووحده بنت عمى ووحده من عمتى
ياسمين : لاااا انا لا مرأة خوك لا شي تم الموضوع
لبنات : كيييييييف
ياسمين :ايه تم " وحكت قصتها مع سيد كريم "
فلك : انتى تهورتي هلبا مفروض سمعتيله
ياسمين :لاااااا مافي شي نسمعه شفت ب عيونى انا وكدب عليا لو نيته شريفه كان رد قدامى
ريهام :لكن برضو لازم تسمعيه
التليفون "أخيرا قالها قال أحبك قالها "
ياسمين :هااا هدا هوا
شهد :ردي
ياسمين :لاا نبيش
بشرى :تي ردي ياحماره واسمعيه
سمر :لو ما قتعتيش ديري اللي تبيه
سلمى :تي هيا يابهيمه
ياسمين :باهى ..ايوا
كريم :ليش اتعبي فيا هكى
ياسمين :علاش شن درت
كريم :اطلعى تلقيني فالجنان لتالى " سكر "
سمر :شن قال
ياسمين :قالى اطلعي و سكر
فلك :شن قاعده تمدي في وجهك
ياسمين :اووف كله منكم ياريته ما رديت
ريهام :عادي ره نحدفك من الروشن لو ماتطلعيش
ياسمين : باهى " طلعت مشت ل الجنان لقت كريم مقعمز قعمزت جنبه "
ياسمين :هيا تكلم
كريم :خيرك تعاملي فيا هكي
ياسمين :امم عبيطه مه واللي درته امبكري
كريم :ياسمين قبل حتى ما نعترفلك ب حبي قتلك ان كلمت هلبا بنات لكن ما حبيتش
ياسمين :اي لكن بعد ما انا وليت حبيبتك عيب عليك انك تكلم اي بنت
كريم :والله ما كلمت واحد هما يتصلو ما نردش
ياسمين :علاش مسجل رقمها قاعد
كريم :نسيت "حول الكافره و البطاريه و الشفره و مدهالها " خودي هاا كسراها ولما نروحو تو ناخد جديده
ياسمين :لا خليها مرات تبي تهدرر عليهم
كريم : " كسرها " ياهمى انا والله مانكلم في واحد
ياسمين :باهى اسفه مفروض كنت نسمع منك
كريم : باهى ستاحشتك
ياسمين :حتى انا
كريم : " شادها من خصرها و طيحها ع العشب و جي فوقها "
ياسمين :كريم يطلع حد
كريم : لاا راقدين
ياسمين : باهى حول
كريم :لاا نبي بوسه قبل
ياسمين :مافيش حول قبل
كريم:لا نبي هكى
ياسمين : لاااااااا
كريم : " يدغدغ فيها " هيا
ياسمين :هههههه لااا خلاص
كريم:متأكده ماتبيش
ياسمين : ههه ايه " هيا قاعده تتكلم ماتندريش لين نزل علاها كريم و باسها مش شفايفها ياسمين : "ادف فيه "
كريم : " حول وحط راسه على راسها " بش مره تانيه معادش تعاندي
ياسمين : باهى حول من عليا
" ناض من عليها كريم و هيا خشت تجرى "
كريم : اخخخ بتجلطنى البنت هدي
ياسمين :" حدفت روحها ع الفراش ووجها احمر و تضحك زي الهبله "
سلمى: شن صار
سمر : يااااهوه تكلمى
ريهام:الموضوع فيه قلة ادب ره شوفو وجها
دنيا :هههههههه شميت قلة ادب حتى انا
شهد : هههه تي اسكتو
ياسمين : شن صار
فلك : احنا بنسألوك شن صار مش انتى
ياسمين : انا كنت برا
ريهام: هههه قتلكم اما
بشرى : تكلمى ياحماره
ياسمين : كان تشوفو شن دار "وقدت تحكى "
فلك: ليييم ليم
سلمى :حتى انا نبي ليم
شهد :هدا خوي
بشرى : لالا ولد عمك
شهد :هههههههه
ياسمين: اسسس ارقدو
دنيا :تبي تحلم بيه
"رقدو لبنات "
تاني يوم الصبح
بشرى " في النطبخ توتى في الفطور و هيا بس نايضه "
مؤيد : صباح الورد "جي وراها باسها ع رقبتها "
بشرى : صباح النور ..ماحد ناض
مؤيد : لالا انا وانتى بس
بشرى : نمشي النوضهم
مؤيد : لالا خليهم يرقدو وتعالى نطلعو للغابه كان كملتى
بشرى : باهى خلى نلبس حاجه
مؤيد : باهى " اخدي كتب في ورقه بأن طالع هوا و بشرى و حطها ع الطاوله "
بشرى : هيا حبيبي
مؤيد : باهى ..خودي حبي
بشرى :شكرا
" طلعو للغابه و يتمشو "
عبدو و سيف : ناضو
سيف :ههه كلهم راقدين من وتى لفطور اللطف
عبدو : الدور فيه انت قعمز
سيف : ورقه مخلاها مؤيد و بشرى طالعين للغابه
عبدو : ناشطين ههههه
دنيا سلمى : صباح الخير
عبدو سيف : صباح النور
دنيا :يعنى انتم وتيتو هدا سيف :في الحلم انشاء الله هدي بشرى
سلمى :ووين هيا
عبدو :طلعت هيا و مؤيد للغابه
سلمى : " غمزت لدنيا "
"ناضو الباقى و فطرو و غسلو اماعينهم"
فلك : كساد
كريم:نلعبو
سالم : شنى
كريم :كورة قدم
سلمى : اي فكره
ياسمين: .....
" انتهت الحلقه انشاء الله عجبتهم تفاعلو 💜
كاتبة ❤
DA NO Remo Rm
