تفااااعلكم
#حوش_العيلة🔥#الحلقة_48🔥
"وصلو آهل عمر"
شهد:اهلا كيف حالكم
زهره: اهلين بنيتي كيف حالك انتي
شهد:الحمد الله تفضلو
آميمه: شهوده شن جو
شهد:تمام وانتي
الجده: يامرحبتين تفضلو تفضلو
.
.
.
ياسمين: خلي شويه واطلعي ضيفيهم العصير
سلمي: باه اكيد مش طالعه برا
بشري: تعالي نسلمو تعالي
ياسمين: اي تعالي هي بااي 😂
سلمي: تفوو ياوسخه
حنان: "خشت تجري"عزوزتك شكلها وااعره حي حي
سلمي:بلا كدب شيفتها في عرس لبنات
حنان: والله كان تشوفها السم من عيوونها
ريهام: خيركم راه تخوفو في البنت
سلمي: حيوانات والله لما نوريكم غير يروحو الناس
حنان: ردي بالك لما بتمدي العصير الطيحي عليهم راه
سلمي: اطلعي اقلبي وجهك خيرلك
حنان: طلعت هاه هههه
"طلعت سلمي سلمت عليهم وهدرزت بعدين كلمهت كريم "
سلمي:نعم
كريم: يبي يشوفك الولد البسي بدله صلاه وتعالي
سلمي: بدله صلاة
كريم:منا بتطلعي هكي 😡
سلمي: لالالا تو نلبس باه"خشت تسب "
دنيا:خيرك
سلمي: قالي البسي بدله صلاه
دنيا:مصح وجهك حق منا بتطلعيله هكي
سلمي:بالله فكيني منك ترا
دنيا :شن دخلي تو ياحيوانه تكشخي عليا
ياسمين: سلمي سلميي
دنيا: تعالي احنا في الدار
ياسمين: قالك كريم هيا
سلمي: قالي بدله صلاه بالله كيف منظري بيها
ياسمين: تو هوا شايفك قبل علاش التسهويك اطلعي وخلاص
سلمي: بري كلميه
ياسمين: هههه ياحماره بنت عمه انتي كيف يرضالك تطلعي لراجل هكي
سلمي:نزل عليكم الاحترام فيا انا تفوو كلاب كلكم 😡
دنيا: هههه ربي يهدي
.
.
.
اميمه: تو انتي اكبر منهم كيف تقري معاهم
حنان:باه انا خديت التانويه وقعمزت لين جيت ل جدي اهني وهوا اقنع بابا ان نقرا مع البنات
اميمه: ااه خساره لكن ضاعت عليك سنه
حنان: عادي اهو لقيت من معاي
شهد:حلوا الهندسه ننصحم بيها
اميمه: ربي يحلها غير نبدا في تالته تانوي ونكملها
شهد:صغيره لكن هدرزت تبان كبيره
حنان: اي حق هههه
اميمه: ديما يقولو هكي
سمر:نستأدن شويه.ايوا
ليث:خيرك بعد كم مكالمه بش تردي
سمر:مش فاضيه
ليث:علاش شن الديري
سمر:جايين ناس ل سلمي
ليث:ربي يتمم علي خير
سمر:انشاء الله
ليث:احنا امتي
سمر:يروحو الناس ونكلمك
ليث:تمام "سكر"
سمر:يااربي كل مانكلمه نفس السيره شن هداا
"وصلتها رساله "
ليث(لو صارتلي حاجه حيقعد اليوم اللي نلبسلك فيه الدبله في خاطري..ماتحرميناش من الفرحه هادي ماتعرفيش آمتي ربي ياخد آمانته 💔🙌)
سمر:يااارب "سكرت التليفون وولت جنب البنات "
.
.
.
عمر:هههههههه
سلمي: خيرك تضحك
عمر: نضحك علي شكلك بالملايه
سلمي:كله من كريم انت اسكت خير مانخش توا
عمر:عادي حلوا حبيبتي بكل حالاتها 😍
سلمي:😊
عمر:هيا شن شروطك ياحلوا
سلمي: قرايتي اخر سنه طبعا وحيكون تخرجي قبل العرس وسواقه بس
عمر: باه لكن السواقه عند الضروره جو طالعه تلودي ديما بيها لا انا عندي شغل عندك حاجه ضروريه اطلعب غيرها لا 😌
سلمي: نعرف 😒وحقا جو انا خطيبك فكنا منه حتي مخطوبه بنطلع وندهور راه زي قبل زي توا
عمر:كان نبي نمنعك نقدر من لما علاقه 😒
سلمي:في احلامك
عمر:قصدك بنتعاركو توا
سلمي: حسيت 😂😂
عمر:يخليلي الضحكه 😍
كريم: "خش"شن معطلين
عمر:لا خلاص كملنا
سلمي:انا طالعه سلام
كريم: شني
عمر:شن شني
كريم:عجباتك😂
عمر:تو تستعبط عليا ياراجل كان مش شايفها وعاجبتني بنحي نخطب 😂😂
كريم: لا عندك الحق
عمران: السلام عليكم
عمر كريم: عليكم السلام
عمران. :شن جو
عمر:مليح
كريم: وين كنت تنسرف
عمران: تغديت برا وزحمه الطريق
عمر:زحمه ولا قلت ماعندي ماندير بيهم خلي نتأخر 😂
عمران: في حياتي ماشفت واخد جاي يخطب ولسانه طويل 😂💔
عمر:تعيش وتشوف 😂
..
..
..
..
..
..
"روحو اهل عمر وقعمزو العيله مع بعض فالليل "
كريمه:ناس تبارك الرحمان الحق
اكرم: معروف عمر كويس وديما مع الولاد
صالح: لكن امتي بيجي التريس ياكريم
كريم: والله هوا عمامه الزوز واحد في الجبل وواخد مسافر قالي لين نكلمهم
سالم: عمامه مبردهم ياوخي
سيف:اي حاله مره لما مشيناله جايين الزوز هدرزتهم كلها تفشيك
الجد:مالنا ومالهم يجو يتمو ويتوكلو احنا الولد اللي عاطيينه
سلمي:تعرفي ياملاك كان النوضلهم الزوز لما نعفجهم هما يباري بس
ملاك:اي يحرقولك في دمك بلعاني 😂😂
فلك: بشري عند اما دكتوره تابعي في حملك
بشري:دكتوره ياسمين فتحية ال###
فلك:كويسه اي
ياسمين: اي حتي دكتور متع اطفال بعتتني ليه نعرف في اوس ليه كويس
فلك: علاش فيه حاجه ولا هكي
ياسمين: لالا هكي نرفع فيه كشف ويشوفله في وزنه مه جي ناقص
فلك: اي صح ضعيف اوس
ريهام: شن تقولو
بشري:نحكو في حاجات نساوين
سلمي:باه بنولي مرآه زيكم قولولي
فلك: لما تولي نقولولك
سلمي:مبردكم انتم وتفهاتكم
ياسمين: حرجت هههه سمووره خشي شوفي اوس
سمر: ولدي ولا ولدك هوا
الجده:نقصي صوتك عفريت عمامك يسمعو فيك ياساقطه
سمر: باه 😒😒
حنان: نوضو نمشو لتالي نهدرزو
ملاك:اي هيا خير من بحداهم
"ناضو قعمزو بعيد علي العيله "
