سووبرااايز حلقه اضافيه 😍❤😂
~~~~~~~
💗#حوش_العيلة💗
#الحلقة_7
مؤيد: (شد ايدها)
عمران :صباح الخير
بشرى: (شحت ايدها بسرعه)
مؤيد:صباح النور
عمران:شن الديرو اهنى توا
مؤيد:انا كنت راقد اهنى و بشرى كيف طلعت
عمران:امم خوشي بندخنو
بشرى:باهى
(خشت بشرى داخل )
مؤيد:خيرك وين تشوفنى انا و بشرى تتغير
عمران: (ينفخ في الدخان) فيه شي بينكم
مؤيد:ههه بعقلك انت
عمران:حركاتك شنى...وطلعتكم امس و قعدتكم توا ..انا سكتت ونبي نفهم منك لان انت خوي
مؤيد:باهى مدامك انت هكى لازم نصارحك
عمران:اها يعنى فيه شي ولا
مؤيد:تسكت ولا النوض
عمران:ادوى باهى
مؤيد:امس لما مشينا للكافى متع الملاهي لقيت نهى ووو( حكاله)
عمران:يعنى ...
مؤيد:ايه تفكيييرك حقيير هلبااا ومنور انا حتى كان لقيتك مقعمز بالساعه مع خواتى مستحيل نفكره تفكيرك الخبيت هدا 😡
عمران :من حقيي ...
مؤيد:مش مت حقك اي شي هدى اختى ولو نبيها نجيها من الباب اللي مانرضاه ل خواتى ما نرضاه في الناس و بدات بنت عمى 😠...انا بنرقد
عمران: ( حيواااان انااا حيوااااان معقوووله نفكرر هكى فيه اوووف مؤيد هدااا ياريته حد تااانى😫 )
............................ بشري:خشت قعدت تفكر في مؤيد وتصرفاته و خايفه تكون توهم في روحها )
الساعه 10
كريمه :يابنات نوضو يابنااات هيا لفطور واتى لبنات:صباح الخير
كريمه :هي صباح النور نوضو
(في الجنان مقعمزين العمات و العمام والجد و الجده)
سلمى:صباحو
الكل :صباح الخير
فوزيه :وين لبنات
شهد:صباحو ..اهو تو يطلعو
سمر:صباح الخير..وبن لولاد
الكل :صباح النور
بسمه :راقدين فوق
دنيا؛ياسمين :صباح الخير
الكل :صباح النور
سلمى:تعالو نركبو للولاح
ريهام سمر:استنووو
الجد:تعالو قولو صباح الهير عليك ربايه
ريهام سمر:ثباحو ( وهما يجرو )
الجده:ههههه ربي يحفظهم
صالح :والله قداش نفرح لما نلقاهم مع بعض
ركبو فوق (لبنات بصوت وااحد) وووووووووووه😹
عمران:وووه من مات
سيف:جدي ماااات
سالم: ( قعمز و يحك في عيونه )
مؤيد : ياعن $/$#& خير فيتكم النم
بشرى:هههههه حي على شكلكم
عبد الله :اللي مزال يبات معاكم ( ونزل )
سالم :عليك بصاره سامطه خزي ( نزل )
مؤيد :الواحد راقد الصبح اطلعى انتى وياها
عمران :برااااا انتى وياها
لبنات:مه🙊
عمران:براااا
كريم :نسمع صوتك انتى وياها بالنوض نعلقكم انزلو
سلمى:اطلعي النهار الاسود
( طلعو مع بعض )
دنيا :هههههه حي حي😂
ريهام:والله ما مفوتينها
ياسمين :وتو رواحكم ياماما انتى وياها
شهد:ع اساس غير احنا مه حتى انتى
سمر:انا ضد الصدمات انتم اجرو ب رواحكم
الجد:قعمزو افطرو
سالم ..عبدالله :صباح الخير
الكل :صباح النور
اكرم :خيركم عاقدينها
سالم :مه صبح يهبلل😒
عبد الله :الناس تصبح بالورد واحنا نتصبحو بالووه والنديب😤
كريمه:ههه شن درتولهم
بشرى:نوضناهم بس
سلمى:اي غير هما حساسين
( فات الوقت نوضو باقى لولاد ل الجمعه كل واحد قعد يلبس بش يطلعو مع بعض)
ياسمين:طالعين تهبلو بالعربي😻
دنيا:اي طالعين طروف الكلاب🙈
سيف:طبعا انا احلى واحد😎
ريهام: والعكس صحيح 😂
كلهم :هههه
سيف:انتي شكلك تبيني نريشك
ريهام : لالالا اصلا اصلا انت احلى واحد صح
عمران:ماتمشيش الا بالعين الحمرا
سالم:هيا انت وياه بلا تفتفيت
شهد:استنوووو
الاولاد. :خيرك
شهد:اكيده مش حتمشو قبل مانصورو سيلفي
مؤيد: لا سلفي لا حماتي بري العبي
البنات:ههه
دنيا: هيا بالله عليكم صوره واحده بس
الاولاد :باهي
وجابت شهد عصاه السيلفي وصورو صوره جماعيه📷
ياسمين:طلعت تهبل
كريم:في عقله(كان معاش تتكلمي بس اخخ😍)
بشرى:اي حلوه
عبدالله:هيا تو جدكم يديرلنا العار
سيف:حي حي علينا
ونزلو يجروا
الجد:طيب فيك انت وياه سنه باش تبدلو
سالم:عادي ياجدي مزال الوقت
الجده:حويته علي صغاري مشاءالله عليهم انشاءالله ربي يحفظكم
(وجابت سميه بخور وبتبخرهم)
سيف:لالالالا بعدي عليا صنته اعع
سلمى:اسكت اسكت صنته تهبل اخخ
مؤيد:(شاد خشمه ويعجب فيها) صنته تهبل
عمران:صوتك خيال وانت مصكر خشمك
الجده:ت كيف تمشو من غير ماتتبخرو تو يطقوكم بعين
ملاك :هالغزله اللي بياخدوهم بالعين هه😏
عبدالله:منوره عالمشاركه😒
الجد :هيا معاش مزال هلبا عالصلاه
صالح :هي اعطيني يدك(ونوضه)
وطلعو كلهم للصلاه وخشو البنات الكناين يوتو في الغدي والبنات يساعدو فيهم
بسمه: شني ياسمر وشهد قداش مزال علي امتحاناتكم
سمر:علاش النكد ياعمتي😞
بسمه: ههه الله غالب
شهد :مزال اسبوعين
بسمه:باهي انشاءالله بالنجاح
شهد وسمر:انشاءالله
دنيا:حتى احنا مزال اسبوعين عالامتحانات
كريمه:باهي انشاءالله ربي يوفقكم وانشوفوكم احسن دكتورات اسنان
دنياوريهام وبسمه :انشاءالله
سلمى: شن بنديرو في العطله هادي زعما
بشرى:تو يجو الشباب ونتفقو علي مكان
وخشو عليهم الرجاله:السلام عليكم
كلهم:وعليكم السلام وتقبل الله
خش الجد واولاده للمربوعه والشباب قعدو واقفين في الكوجينه
كريم:شن الغدي جعان بنموت😣
ريهام:ديما خلعاتك بطنك زي ياسمين
كريم:عادي انا وياسمين واحد(وشبح لياسمين واعطاها غمزه)
ياسمين ارتبكت:ااا الغدي بازين
سالم:قداش لينا عليه
عبدالله:اي احنا امي مديرلناش فيه
بسمه:هييي مصح وجهك مش الاسبوع اللي فات درتهولكم😱
دنياوريهام(شبحو لبعض ):امتى هدا😟
سيف:فضحوك ياعمتي ههه
بسمه: تو تشوفو ماعاد دايقينه😡
عبدالله(جي حدا امه وباس راسها): لالا عاد الا زعلك ياتاج راسي
مؤيد(حضن سيف):اهئ اهئ
كلهم :هههه
سميه:اتعلم منه وانت فالح غير في التسهويك
مؤيد: منوره يانبع الحنان
الجده(تكشخ):ت خشو الداخل معاش عرفت شن ندير قعدت انلود في نفس المكان
كريم: ياناعليا من العصبي😘
الجده (حدفاته بالشبشب وهو طلع يجري):اطلع ياقرد
وخشو باقي الشباب للمربوعه
والبنات وتوا الغدي وقعمزوا تغدو وغسلو اماعينهم وخشو يقيلو
دنيا:اوف شن الكساد هدا
ريهام:اي حاله والنوم مش خاطر عليه يجينا
دنيا:نوضي ننزلو للجنان
ريهام:بشويه البنات راقدين
دنيا:باهي هيا
ونزلو للمطبخ دارو قهوه وقعمزو في الدرجيحه
ريهام:دنو
دنيا:نعم
ريهام:معاش صار شي بينك وبين سالم
دنيا:لا اصلا معاش تكلمنا
ريهام: باهي انتي يعني تحسي فيه معجب بيك
دنيا:مش عارف😕
ريهام:ت شن اللي مش عارف تو نبزع علي خليقتك القهوه
دنيا:ههه والله بجديات مش عارف مرات نحسه معجب بيا ومرات نحسه عادي منهماش
ريهام:باهي وانتي
دنيا:هكي لما نشوفه في احساس مش عارف كيف
ريهام:اي تحسي في احساس اشبح كيف
دنيا:هههه شن طايحين نخرطو😂
ريهام:ههه مندري😂
قوليلي توا انتي تبي يطلع يبيك ولالا
دنيا:لالا منبيش نعرف
ريهام:خسارها قبل عندي خطه نعرفو فاها يبيك ولالا
دنيا(ساوت تقعميزتها):خطه شن😍
ريهام(رفعت حاجبها):هدا غير ماتبيش تعرفي
دنيا:قولي خير مانريشك
ريهام:هههههه خلاص خلاص هادي ياحنه ....وحكتلها
دنيا:زعما يصير منها😕
ريهام:عيب عليك انا ريهام
دنيا:حقا نسحابك معتوقه😯
ريهام:ههههه تفو
(لعشيه ناضو كلهم و قعمزو في الجنان )
الشباب و صبايا
ريهام :عندنا عطله اسبوعين ههه
سمر :ايه بنزغرط
مؤيد:طيح سعدكم بدل ما تقرو فيها
دنيا :تى روح حتى اسبوع ساد
سيف:الحمد الله تميت امتحانات انا
سالم :عمران مؤيد امتى امتحاناتكم
عمران :مانعرفش
كريم :هما يخشو للمحاضرات بش يعرفو امتى الامتحانات
بشرى :هههههه والله فيحياتى ما ريت كيف قرايتكم
سلمى :ههههه اي كله فري عندهم
سالم :جياتك تحريشه لعمامى انت وياه
ياسمين :يبوها لان معادش يتحشمو
سيف:ههههه عليك هرايب عاجبكم الجو
عمران :كملتو
ريهام :ههههه مزال شويه
عمران :تو بالله حياتنا ولا حياتكم خلونا في حالنا النجاح والله لما ننجحو
مؤيد :منور بروو
سالم :لا هوا هدا برا اصرف فلوسك انت وياه بش يصفولكم وخلاص تي هدا مستقبلك اصحو ره بالضيعو
مؤيد : ( وقف) هي ماتبو شي
عمران :خدنى معاك
دنيا :استنو
مؤيد عمران :شنى
دنيا :شكلاطه و تشبس
بشرى :بشار
سلمى :جيلاطى اله يربحكم
عمران :اي اوامر امتى وياها
ريهام :لالا هدا هوا شكرا عمران:نخدم عليكم
سالم :ع اساس تخدم على روحك بش تخدم عليهم
مؤيد :ههه تستاهل ..حاضر تو نجيبلكم ..سلام
سالم :مافهمتش لمن طالعين هدو
سيف:ههه اي والله ياريت طلعو زينى
ريهام :الحمد الله ما طلعوش زيك
كريم :هههههه خيرك مدايره راسك و راسه
سيف:تبي طريحه مه
ريهام :منك بناخدها منا
سيف:اي مش عاجبك
ريهام :ايه هدا ماناقص
سالم :باهى خلاص هيي دنيا :كساااد
سلمى :شن رايكم نديرو كيكه
ياسمين :باهى هي
ريهام :هيا حتى انتم معانا
سيف :هيا كيكه بتنوضو عليها عيله كامله
ياسمين :تي هيا و راسكم هي
كريم :حلفت ب راسنا هههه
سيف:هي نوضو
سالم :امشو انتم
دنيا :خلوه المعقد هدا
سالم (شافلها وابتسم )
( خشو كلهم للمطبخ الا سالم )
سيف :شن بنديرو هي
ريهام :انت تفرج بس مافي منك فايده
دنيا :هههه ره تبطلو وانت زي الفار و القطوس سيف:هيا ديما تناشب
سلمى :والله معاه حق ..طلعي الكاكاو
كريم :نحطه توا هدا
سمر:حط ايه تو نجيب الدقيق
سيف:نولعه
شهد:لااا سكره قبل
ياسمين :ههه ادكرتو مره سالم في رمضان لما خلط العصير و الخلاط مفتوح ههههههههه
بشرى:ههه قريب سبيت هداك اليوم بعد نظفنا المطبخ لعب فيه كراتي
سيف:ههههههه لكن خدى من دعى لين عيي انا توقعته تصيرله حاجه من دعاكم
ياسمين :هههههههههه
ريهام :وانت بالدير زيه يااغبي
كريم : ( جي وراء ياسمين بياخد كاشيك ) معادش تضحك تقتلى فيا ره ياسمين:علاش
كريم :مه ضحكتك تسحر😍
ياسمين : ( ارتبكت و كملت غسل مواعين)
(كملو الكيكه و هما عراك و ضحك و هدرزه و دارو معاها كابتشينو و طلعو )
كريمه :سلمهم ياحنه
سالم :ههه هدى مشاركين فيها حتى بنياتكم سيف و كريم
كريم :بالله عليك
بسمه :ههه سلم يدياتهم
الجده :هتيلي من هوا شينو ولا شن سماه
ريهام :تفضلى ياحنينه درته ع خاطرك😚
سيف:كدابه زعميته دراته هيا
ريهام :انت قعدت بحداه بس
كريم :وووه قداش تنفخو الراس
سمر:والله حق ههه
سلمى:وين عبدالله
دنيا:طلع مع صحابه
خشو مؤيد وعمران:السلام عليكم
كلهم :وعليكم السلام
مؤيد: هي تفضلو
سمر: ت منور يابرو
سيف:ناقص غير تقوليله هات طرف سبسي
سمر: عادي معندكش مشكله هه😂
مؤيد شدلها وذنها :شن هيا
سمر:ااااي وذني ت انبصر خيرك ياراجل
مؤيد طلقها
سمر بصوت واطي:عطك كسره😤
مؤيد:قلتي حاجه
سمر:سلامتك😬
(انشاءالله يكون عجبكم البارت وهيا نبي نشوف تفاعل لان الحلقه الجايه طويله) ❤
كاتبة💜
DA NO Remo Rm
