#حوش_العيلة
#الحلقة_15
~~~~
خشت بشرى تجري للدار وارتمت عالسرير وقعدت تبكي
-----
البنات كانو في الكوجينه وخشلهم سيف
سيف:يابنات
البنات:ها
سيف: خيرها بشرى
شهد:خيرها بشرى
سيف:مندري توا خشت للدار وكانت تبكي
سلمى:بجديات تتكلم
سيف:وقت بصاره هو
دنيا:نوضو نشبحاها
شهد:اي هيا والتشيز كيك كملته نحطه في الفريز بس
وناضو البنات وجي وراهم سيف
ريهام:هيي انت وين خاش
سيف:ت بنشبح خيرها تبكي
ريهام:خلينا نحكو معاها احنا قبل
سيف:اووف باهي
وطلع برا لقي الاولاد مقعمزين عالطاوله
عمران(صفرله):خيرك
سيف:مافي شي
عبدالله:وين مؤيد
ليث:اي حق وينه
سالم:كان برا يدخن
عمران:تو نمشي نشوفه (وناض ولف عالحوش بس ملقاشي وولا للشباب)
كريم:شني لقيته
عمران:لالا مهناش
سالم:وين مشي امبكري كان واقف يدخن
عمران:اصبرو تو نكلمه(ورن عليه)الو
مؤيد:نعم
عمران:وينك ياراجل ندورو فيك
مؤيد:انا روحت لطرابلس
عمران:شنوو
مؤيد:اللي سمعته(وصكر)
عبدالله:شن قالك
عمران:قال روح
سالم:ت كيف هدا يروح من غير مايقول تو شن يقولي جدي بعتك معاهم زعميتك كبير طلعت مش قد المسؤوليه
كريم:هدي روحك ياراجل وبعدين مؤيد راجل وقد حاله
سالم:عارفاته راجل لكن مفروض جي وقال انا مروح
عمران:باين عليه متكنطي
سيف:انشاءالله خير
----عند البنات
ياسمين:بيشا خيرك
سمر(حولت منها الغطا):نوضي فهمينا خيرك تبكي
بشرى: حولو سيبوني في حالي(وقعمزت)
سلمى :احكيلنا شن صار مش طلعتي تهدرزي انتي ومؤيد شن صار
بشرى(عيونها تعبو دموع وحضنتها):كل شي انتهي معاش فيه مؤيد وبشرى (وتبكي)
البنات شبحو لبعضهم بصدمه
ريهام:بيشو حبيبتي اهدي شويه وفميني كيف كل شي انتهي
دنيا(مشت جابت طاسه اميه وعطتهالها):هاكي اشربي وخودي نفس
بشرى(خدتها وشربت)
فلك:وليتي كويسه
بشرى (هزت راسها)
شهد:هي توا احكيلنا
بشرى:انا لما مشيت لمؤيد....وحكتلهم
البنات كلهم انصدمو
سمر:مني هدا اللي كلمك
بشرى:وانا هدا اللي مهبلني من هو هدا
ياسمين:هدا اكيده في حد يبي يفرقكم
ريهام:بيشو يعني مفيش حد كان يضايق فيك قبل
بشرى:ابدا ت اول مره نشوفه الرقم
دنيا:الموضوع غريب
سلمى:لكن من مصلحته يدير هكي
فلك:اكيد في حد باعته
بشرى: المشكله مؤيد محاولش حتى ان يسمعني
شهد:رده فعل مؤيد طبيعيه لو اي حد تاني كان دار هكي
بشرى: هه المشكله ان الموضوع كدب لو حق كنت مش حنضايق لهدرجه(ونهارت من البكي)
سلمى:خلاص حبيبتي اسسس(وحضنتها)
وقعدو البنات يشوفو لبعضهم وواجعهم حال بشرى
بعد شويه
دنيا:رقدت
سلمى(بصوت واطي):اي(وغطتها)
ناضو البنات وطلعو
فلك:ياحرام تسخف
ريهام:اي ياناري علاها
سمر:تعالو تعالو نطلعو
وطلعو للاولاد
ياسمين:خيركم قالبين وجوهكم حتى انتو
كريم:مؤيد روح
البنات:كييف
عبدالله:هدا اللي صار
سيف:وين بشرى
دنيا:رقدت قالت راسي يوجع فيا
عمران:اي شهوده مش درتيلنا تشيز كيك وينه
شهد:في الفريز تو نشربو معاه قهوه بعدين
دنيا(جت قعمزت جنب سالم وكلماته بصوت واطي):خيره طايرتلك
سالم(شافلها وابتسم):لالاعادي
دنيا(ابتسمت وسكتت)
خشو البنات للكوجينه باش يديرو قهوه كلهم ماعدا ياسمين وفلك لانهم خشو يشوفو في بشرى باش تنزل معاهم
سمر:يابنات
ريهام:ها
سمر:تدكرو لما حكيتلكم علي هداكا الولد اللي تعارك مع مراد علي خاطري
دنيا:اي خيره
سمر:هو نفسه ليث خو فلك
البنات:شنووو
سلمى:حي علي ام الصدفه
ريهام: ههه جو
سمر:المشكله مش اهني
شهد:علاش شن فيه
سمر:قالي نحبك
دنيا:اتبصري
شهد:كنت عارفه والله كنت شاكه فيه(وقعدت تنقز)
سلمى:ههه بالشويه ياهبله
سمر:توا دورولي حل لمشكلتي
ريهام:باهي انتي تحبيه
سمر:مش عارفه
دنيا:باهي معجبه بيه
سمر:مش عارفه
شهد:باهي تكرهيه
سمر:مش عارفه
سلمى:ت شن هو اللي كل حاجه مش عارفه مش عارفه انا اللي نعرف يعني
ريهام:اعصابك يااختاه ههه
سمر:ت وين نندري قالولك كل يوم نحب في واحده
دنيا:باهي شن قالك قبل ماينطق الجوهره
سمر:قالي......
شهد:وانتي شن قولتي
سمر:شي مشيت وسيبته
سلمى:لالا بنقتلها رسمي هادي شوفو الولد شن قالها وهي(تعجب فاها) مشيت وسيبته
ريهام:باهي لو تكرهيه حق علاش مقلتيلاش في وجهه
سمر:مقدرتش ت مقدرتش حتى نحط عيني في عينه
دنيا:والله بالنسبه ليا ماعندي مانقولك ولو بجديات عندك مشاعر تجاهه متتجاهليهاش
سمر: ت فوتوه احسن حاجه معاش نتلاقى معاه وخلاص
شهد:ديري اللي تبيه
سلمى:هي القهوه والنسكافيه واتيين طلعي التشيز كيك
سمر:انا بنمشي انادي علي فلك وياسمين وبشرى
ريهام:باهي
مشت سمر للدار ولقت فلك. وياسمين يقنعو في بشرى
ياسمين: هيا بيشا علي خاطري نوضي معانا
بشرى:مانبيش ننزل وبعدين كيف تبيني نحط عيني في عينه
سمر:بشرى ااا
بشرى:مؤيد صارتله حاجه
سمر:لالالا بس هو روح لطرابلس
بشرى(عيونها تعبو دموع):هه معاش يبي يشوف وجهي هدا علاش روح
فلك:بشوره خلاص حبيبتي معاش تقولي هكي هو لما يعرف ان غلط معاك حيجي ويتاسف منك
بشرى:بعد شنو بعد لشك فيا واعتبرني خاينه بعد لحبيته وهو مطلعش واتق فيا ولا شويه
اصلا انا هكي حظي عمري ماحنفرح كل مانفرح يجي حد وياخد مني الفرحه هادي
كنت السنين هادي كلها نحبه وعايشه علي اطلالته ولما حس بيا وحبني اتفرقنا ومعاش يبي يشوف وجهي
البنات تأترو وقعدو يبكو وساكتين
سمر(مسحت دموعها): هي خلاص ياسر بكي توا نوضي خشي للحمام واغسلي وجهك وبعدين انزلي لوطا الاولاد يسألو عليك واحنا معاش نقدرو نكدبو اكتر
بشرى(هزب براسها):باه
وطلعو البنات من جنبها ومشو للجنان
عبدو:اهو شرفو
سمر:قلت حاجه عبدالله
عبدو:قلت اهي جت اميرتنا
سمر:اها
عمران:هههه خواف
عبدو:ت مشفتش ظوافرها ياراجل كان تنقز عليا تانقلي جمالي
دنيا:لا انت الحق مش ناقص ههه
عبدو :اسكتي انتي خيرلك
ريهام:ياناري علينا بالله يهزبو فينا ونقعدو ساكتين
سالم: تحشم يافرخ معاش تهزب
سيف:اي حي عليك حي راه من سالم
سالم:سيف تعرف تسكت
سيف:مانعرفش ياحبي
سالم:حتى نا نستاهل مالقيت لمنو نقول
عمران:فهمونا ياهوو قعدت زي الاطرش في الزفه
سيف:حاجات مش للصغار
عمران(حدفه بالمخده):تفو ياحمار
خشت بشرى وكانو عيونها منفوخين من البكي
سيف:بيشا انتي كويسه
بشرى(مه ابتسامه خفيفه وصوت مبحوح):اي
سالم:وتيتو حوايجكم
فلك:امتى بنروحو احني
كريم:غدوه الصبح
سلمى:خلاص منا تو انوتوهم في الليل
دنيا:والحوش يبي ضمان
ياسمين:ييي علينا
سيف:ياناااري هههه
ريهام:اكيده مش حنضمو بروحنا وانتو بتقعمزو زي المزهريات
عمران:لا بالك تبينا نضمو معاكم
سالم:اي وعلاش لا
عبدالله:لا وراس امك فكنا من قراراتك اللي تدره الكبد
سالم:وراسك انت وياه تو بنكملو القهوه وبنوضو انضمو كلنا
شهد:هدا الكلام الصح
كريم:انا بنقعد مع ليث عيب ضيف بيقعد بروحه
ليث:لالا حتى نا تو انضم معاكم
كريم:تفو قبل بنديرك سبله
سمر:كان هدا قسمو روحكم زوز زوز باش انتمو فيسع
سلمى:اي صح سالم قسمنا بنت وولد وياسمين تعطي كل زوز مكان اضموه
سالم: باهي ديروها نفس التقسيمه لما طلعنا للغابه
فلك:لكن مؤيد مهناش
سلمى:خلاص معناها انا وبشوره مع بعض
بشرى(كانت سرحانه ولما سمعت اسمها استاقضت):نعم
عمران:هادي مش معانا بكل
سلمى:بنضمو الحوش
بشرى:باهي تمام
سمر:غير دقيقه كان سلمى مشت مع بشرى انا من. بيقعد معاي
كلهم(بصوت واحد):ليث
سمر(انصدمت):لا مستحيل
ياسمين:دنيا وسالم اطلعو ل الجنان
فلك وعمران للمطبخ
سلمى وبشرى دارنا
سمر وليث دار لخزين ههه اصعب مهما بس حنينه حتقتلنا لو تجي وتلقاها قاعده كيف ما هيا
ريهام وسيف دار لولا
عبدو وشهد الصاله ودار المعيشه
انا وكريم
دنيا:حتطلعو ل الجنان معانا لان كبير انتم لتالي واحنا قدام او العكس
ياسمين:اووكي
"كل واحد امشي لجهة"
كريم:تو مش كان خليتينا في دار لخزينه ولا مكان تاني احسن
ياسمين:اسس سخيف " ترش عليه في الميه"
كريم:حيواانه خلاص ههه
ياسمين:هيا انا نبخ عليك وانت سيق
كريم:"جي وراه وحاصرها ب ايدين"لازم يعني
ياسمين:"ضرباته ع ايده اي بطل قلة ادب يالله
سمر وليث💓
سمر:اووف منين بنبدا يعني
ليث:تعالي انزلو الحاجات قبل"قعدو ينزلو في الحاجات اللي في للدواليب"
سمر:حسبي الله فيك يا ياسمين
ليث:هههههههه
سمر:خيرك تضحك
ليث:علاش حرام متلا
سمر:لالا
ليث:سمر
سمر:ليث نفس الموضوع لا
ليث:احنا اليوم مروحين وبعدها عندنا امتحانات ويمكن نطلع نكمل برا
سمر:علاش
ليث:معادش عندي شي اهني وممكن نقعد فتره الصيف وممكن لا
سمر:به علاش تشرحلي
ليث:حبيت نقولك وخاطري مره وحده نسمع منك كلمة نحبك
سمر:انا اصلا مش عارفه شن نبي
ليث:"نزل من السلوم ووقف مقابلها"كيف
سمر:ايه لاقادره نحبك ولا نكرهك
ليث:يعني ممكن تحبيني
سمر:صعب مافيش حاجه خلتني نحبك يعني انا طول عمري نعتبر فيك زميل عادي
ليث:"شدها من خصرها بحركه عفويه"
سمر:ليث حوووول شن الدير"الدف فيه"
ليث:"شدلها يدها بأيده واليد التانيه محاصره خصرها"سمر لو فيه حاجه في قبلك لازم تطلع
سمر:ليث"غمضت عيونها"بعد عليا لو سمحت
ليث:"باسها من شفافها بوسه استمرت تواني"
سمر:مش طبيعي انت كيف الدير هكي بعد" ودفاته"
دنياوسالم
دنيا:ييي شوف في شتلات يبو الغرس
سالم:اي اكيده جايبهم البواب
دنيا:شن رايك نغرسوهم
سالم:ههه علاش تعرفي تغرسي
دنيا:انت قاعد متعرفنيش ت جنان حوشنا كله انا غارساته😌
سالم:باهي باهي هي جيبوهم وتعلي نغرسوهم هني في الشمس
دنيا:هي (ومشت جابتهم)
وقعدو يغرسو فيهم
دنيا(مسحت جبهتها وولت كلها تراب):اوو واخيرا تمينا
سالم:ههه لبزتي وجهك
دنيا:وين(ومسخت خدها وتلبز حتى هو)
سالم:ههه ت لا مش اهني
دنيا(مسحت خدها التاني):باهي هكي
سالم:ههههه خلاص معاش تمسي (ووقفها وقعد يمسحلها في وجهها)
دنيا(تشوفله وعيونها قلوب وسرحانه فيه)
سالم:ههه ها كملت
دنيا:اااا ههه طلعت ملبزه وجهي كله
سالم:ماك هبله ههه
سيف وريهام😘
ريهام : ههه ياتافهه خلاص
سيف : لا هههه
ريهام : تي غير حول بنقولك بس
سيف : هاا شن
ريهام : يوم قتلي اسكتي مش بروحنا ولا سالت علاش انت بس كلمتني قتلي تو نقولك بعدين
سيف : باهي تو نقولك بعدين هههه
ريهام : " تضرب فيه بالوساده " يابارد تكلم توا
سيف : لالا تو مره تانيه نقولك مش توا
ريهام : علاااش باهي مبردك
سيف : به نسالك انا وكان جوبتي نتصل بيك فاليل و نقولك
ريهام : امم شني
سيف : انتي حبيتي قبل
ريهام: ايه
سيف : صريحه مشاء الله
ريهام : اي تبيني نكدب
سيف : " وقف قدامها" ومن هوا
ريهام : واحد وخلاص
سيف : يعني انتي توا تكلمي
ريهام : لا دوه قديمه
سيف : باهي علاش ما كدبتيش عليا انا ولد خالك وممكن نعصب
ريهام : هكي حبيت نقولك بعدين مادرتش غلط اي شخص يمر بيها المرحله هدي
سيف :باهي تمام
ريهام : اي
سيف :عادي تحبي تاني
ريهام : لا مره تعلمت منها وساد
سيف : يعني نفهم انك قاعده تحبيه
ريهام :لالا بس مالقيتش اللي يحبني ويعوضني عليه لو لقيت ممكن نحب
سيف :باهي كويس جيبيليي البطاطين نحطهم في الدولاب
ريهام : هااه
سلمو وبشرى😪
سلمى: بشرى حبيبتي خلاص لوسمحتي قطعتي روحك
بشرى: كيف تبيني مانبكيش مانعرفش عليه حتى حاجه و رجع لطرابلس وهوا معصب ومصدق اللي صار كيف هكي" وقعمزت ع الارض"
سلمي : " حضنتها " كل شي حيبان مع الوقت
بشرى : قالي لما نولو ل طرابلس بنقول ل عمي ان نبيك و نتجوزو بسرعه
سلمى : مش حيتغير شي بكرا نروحو و تتفاهمو و يرجع كل شي كيف ماكان انتم قاعدين فالبدايه وطبيعي اي حاجه تاتر عليكم
بشرى : اوكي " مسحت دموعها " خلينا نكملو
سلمي : هيا
شهد وعبدو🙊
شهد:شد الريشه وامسح الغبره
عبدو :باهي
عبدو وهو يمسح يطيح فازا ويكسرها
شهد(شهقت):هييييي
عبدو:ااا مكانش قصدي
شهد:اسكت ترا(ونزلت وقعد اتلم فيها)
عبدو(نزل معاها)
شهد جرحت صبعها:ايي
عبدو(شدهولها):اسس خلاص جرح خفيف
شهد:حي دم
عبدو:خلاص تعالي معاي (ودخلها للحمام وحطلها يدها تحت الميه)
شهد:اااي(وغمضت عيونها)
عبدو :ها تمينا تعالي انعقمهولك
ولو للصالون وقعمزها
عبدالله:توا بنعقمه وكان وجعك شدي يدي(مدلها يده)
شهد:به
عبدالله(كيف حط القطنه شهد شدت في يده):اهدي قاعد مادرت شي
شهد:باهي هيا فيسع (وغمضت عيونها)
عبدو عقملها الجرح وحطلها اللصقه:كملت
شهد(فتحت عيونها):مسرع ايدك خفيفه
عبدو :تتسهوكي
شهد:والله جديات
عبدو:ههه باهي
شهد:هيا خلينا بنكملو ضمان(وقفت)
عبدو:لالالا انا تو نكمل وانتي قعمزي(شدها من كتافها وقعمزها)
شهد:ت كله جرح صغير
عبدو:اللي هو تو نكمل بدلك
شهد:باهي لكن رد بالك راك اطيح حاجه تانيه ههه
عبدو:لاتوصي حريص ههه
فلك وعمران
فلك:ايي توا انت اغسل الماعين وانا بنضم الدواليب
عمران:باه(ورن تليفون) ايوا اسمعي بعدين انكلمك قلتت بعدين انا وصكر
فلك(بنرفزه):عادي تقدر تكمل مكالماتك الغراميه تو انا نضم بروحي
عمران(باستفزاز): لالا بعدين تو نرد علاها
فلك(شبحتله): اها يعني تعترف ان هي حبيبتك
عمران:اي (وقرب منها)علاش متعصبه انتي
فلك(دفاته بصبعها):اني هه لا طبعا
عمران:اي واضح عليك اصلا مش متعصبه(وماسك ضحكته)
فلك:شن قصدك اه (وادف فيه)
عمران(شدلها يداها وباسها من خدها)
فلك:انت شن درت (وقعدت تضرب فيه)
عمران(شدلها يداها ولفهم وراها):يعني انتي مش غايره عليا
فلك(مرتبكه):اي مش غايره وبعدين من تحساب روحك انت تكلم حبيبتك ولا صاحبتك انا دخلي وحتى كان كلمت قدامي مش حنتاتر(وناضت تفترش)
عمران:شن تفترشي
فلك:ما نقول في شي واطلقني
عمران:مش طالقك لن تقولي انا معجبه بيك
فلك:مستحيل
عمران:خلاص معناها خليك هكي
فلك:اوف باهي
عمران:هيا قولي
فلك(حطت عينها في عينه):انا معجبه بيك
عمران(عيونه بدويرقصو وطلقها):يعني طلعتي معجبه بيا
فلك(شافتله وانفجرت بالضحك):هههه ماكنتش نحسابه دمك.خفيف ههه
عمران:ت مش توا قلتي
فلك:قلتها باش تطلقني
عمران:ههه باه زيدي اكدبي خلي نشوفو لوين بتوصلي
فلك:هيا وبلا دوه فاضيه ورانا كوجينه تبي الضم
عمران:هي لكن هدرزتنا متمتش
" قعدو بضمو كلهم وكملو شغلهم وكل واحد خش ل مكانه بيرقد وكل واحد في باله شي معين ويفكر فالللي صار معاه واصعبهم بشرى "
ياسمين:بنروحو
ريهام : ايه
دنيا :احلى اسبوع
سمر : واصعب اسبوع
بشرى : فالاسبوع هدا ارتبطت و سيبت مؤيد
سمر : اخخ
فلك :حلو ومش حلو
شهد : بيشا كلميه
بشرى : مش حيرد
شهد : حاولي
بشرى: تليفوني
سلمى : يارب يكون هوا
بشرى : هدي رغد
سلمى :اممم
رغد : بيشا كيفك حبي
بشرى :كويسه وانتي
رغد : خيرك ليك يومين مافتحتيش نت
بشرى : مافيش تغطيه واصلا مروحه بكرا
رغد : خيره صوتك
بشرى:تعاركت انا و مؤيد
رغد : حييي خيركم
بشرى: "حكتلها اللي صار "
رغد : اكيد فيه حل ما تخافيش حبيبتي وانا لازم نسكر باي
بشرى :باي
"عند مؤيد الوقت كله كان ع البحر يكلم في روحه ومش فاهم شن يدير مافي حد يندري عليه ان روح "
مؤيد:انا الغبي صدقتها انا .....شن تبي هدي اووف
البنت 1:مايردش؟
البنت2:حاسه ان خربنا عليهم ع الفاضي
البنت1:المهم خربنا عليهم
البنت2:امتي مروحه
البنت1:بكرا لعشيه
"فاااات اليوم عادي و روخ مؤيد امخر للحوش وماحد ستاقض بيه "
"الصبح"
سالم:وتيتو كل شي
ياسمين : اي
سلمي :دنيا وريهام بتروحو ل حوشكم ولا وين
ريهام:لابابا سافر وحتى ماما غادي
سمر: مليح بكلل
ياسمين: فلك وليث مروحين معانا ره
ليث:لالالا انا جاي ب سيارتي ومروحين للحوش مافيهاش. كيف مره تانيه
كريم: تمام في سيارتين وين بنركبو
سالم:دنيا وعمران وبشرى وسمر و سلمى معاي تقدرو تركبو ولا
سمر:اي عادي
عبدو : وانا وكريم وسيف وريهام وياسمين وشهد
سيف:انا مش حنقعمز لتالي مع لبنات
عبدو:من غير تسهويك السياره كبيره وتسد
سيف: والله معاد طالع من الحوش الا ب سيارتي فالجديد تو تشوفو
ليث:ياهوه انا سيارتي فاضيه
سالم : لالا نديرولك في تعب
كريم : امور تمام هيا "ركبو وطبعا الكل مستريح الان السيارات وسعات وماواكلها الا سيف مسكين ههههه " ريهام :تي ايدك يادراه سيف:علاش قعمزتي بحداي ريهام : مه مستحشاتك اسكت ارحملك سيف:حولي "ودار ايده وراها"هكي تمام ريهام :"بصوت توشويش"مه بادن لما نوصلو حنقتلك سيف:اسس "وستمر لعراك في كل سياره لعند ما وصلو"
يتبع....
كاتبة 💗
DA NO Remo Rm
