#حوش_العيلة
#الحلقة_16
~~~~
"وصلو للحوش وخشو"
الكل:السلام عليكم
الجد الجده العمه : عليكم السلام
الجده :ستاحشناكم اخيه عليه الحوش بلاكم
سيف : بش تعرفو قيمتنا "قعدو يسلمو "
دنيا : بابا علاش سافر ماما
بسمه : خدمه ومش معروف امتى يروح قال في مشروع ما مشروع وماسكه انا
ريهام : ربي يكون معاه
ياسمين : هيا نروحو يابنات
سلمى سمر: هيا مع السلامه تو لعشيه نجو
بشرى :سلمى استني
سلمى : حاضر تو نشوفه ونطمنك عليه
بشرى : شكرا هيا باي
شهد : سموووره جيبي معاك كتابي الرياضيات بعدين بش نبدو نقرو
سمر : به درهتيلي كبدي
..................
سمر:مااااااامي ستاحشتك
سميه :حتى انا ستاحشتك كيف حالكم
سلمى:الحمد الله امووواه
ياسمين :وين بابا
سميه :طلع هوا وعمامك
سمر:الحوش اخيه من غيرنا ولا
سميه :ايه ايه غير قوليلي توا خيره خوكم روح قبلكم
سلمى:مه
ياسمين :مه يا ماما هوا كلمه صاحبه وقاله انا مسافر وبيعطيه حاجات ولا اشبح شن وقاله لازم تجيني توا امشي طلع ومباش يستني لعند الصبح
سميه:وعلاش لما قال بنروح ما روحتوش كلكم
سلمى:مه مانظفناش الحوش
سميه :باهي خشو بدلو واستريحو تو انوضكم ع الغدي
..........................
مؤيد:روحتو
عمران :ايه ماليناش هلبا واصلين
شهد:ملاك وين
ملاك:انا اهني يااختي ياحنينه
شهد:شن جو
ملاك :سالتي عليا قبل ما تمشي وماتقوليش
شهد :بالله عليك فكينا من النشاف توا كيف مروحه والمشيه فجاه جت وانتي عند خالي
ملاك :اصلا انتي في حياتك ما حسبتيني اختك ديما وانتي تعتبري في الفاسدات بنات عمك وعمتك زي"وفجاه يجاها كف "
سالم :مزلتي تجيبي سيرة بنات عمك او عمتك بالطريقه هدي ندبحك هدو زي خواتك وفي حياتنا ماشفنا منهم غلط تحترمي نفسك احسنلك ليا هلبا نسمع في كلامك وساكت
ملاك :تقول مش اختكم "وخشت تجري ل الدار تبكي "
كريمه :احسن ما درتلها بش تحترم نفسها قليله الادب هدي
كريم :"طلع من الدوش " خيركم
سالم :اختك تقلل في ادب زي عادتها وضربتها
كريم :ربي يهداها مافهمتش لمن طالعه مافيش حد في العيله زيها
.............
دنيا و ريهام قاعدين جنب امهم كل وحده متكيه علي امها من جهة
دنيا:ماما
بسمة:نعم
دنيا:نبو نمشو للحوش ناخدو حاجات
ريهام :اي وحتى الشيتات متعنا بنقرو
بسمه :به تو يجي خوكم يرفعكم
دنيا :به بنرقد
ريهام :حتى انا
...................
عمران :شن اللي مداايره في روحك انت
مؤيد :اووووف تي خيرك الهم مش قلنا ماتجيش
عمران :شن صار
مؤيد :شي
عمران :مانعرفكش انا حالتك توا و مرواحتك امس شن هدا كله شي
مؤيد :شن دخلك انت خليني في حالي مانبي نكلم حد اطللللع
عمران :تمام تمام اهو طالع
--------
نمشو لحوش تاني وهدي اول مره نخشوله اللي هو حوش فلك وليث
فلك:احنااا جيينا
نعيمه(امها):حمدلله علي سلامتكم(وجت حضنتهم)
فلك وليث: الله يسلمك
ليث:وين بوي
نعيمه:الداخل في الدار كيف حالكم انتو
فلك:الحمدلله كويسين
نعيمه:كيف كانت عطلتكم
ليث:بنقعدو قدام الباب هكي خشو كملو هدرزتكم الداخل
فلك:ههه صدق فينا
وخشو لبوهم
فلك:باابا (وجت حضناته)
محمد(بوها):اهلين بنيتي كيف حالك
فلك:الحمدلله مستاحشاتك
ليث:وانا ولد البطه السوده
محمد:تعال سلم بدل طولة لسانك هادي
ليث:هههه(وحضنه)
نعيمه:هي خشو بدلو با ش تتغدو وتستريحو
فلك وليث:حاضر
-----------
العشيه ساعه 5
سلمى :تي هيا يادرااه هدا كله الدوري ع كتاب
سمر :اهو جيت اوووف
سميه :وين على خير
سمر:لحوش جدو ياماما
سميه :باهي
اتصلت بشهد باش تنزللها
شهد :بااااهي اهو جيت
ونزلتلها
سمر:ساعه باش تنزلي
شهد :جبتيلي الكتاب
سمر:اي
شهد:امتى بتقري انتي
سمر:تو بنمشي نقرا اصلا ساهل
شهد:ساهل فقرك ريااضياات فخامة الاسم تكفي
سمر:ههه مادخلكش حي حقا
شهد:شني
سمر: تعالي نحكيلك امس شن صار
شهد:تعالي اركبي معاش لحوشنا احكيلي ومنها نقرو شويه
سمر:باه
ركبو لحوش شهد
كريم:ت مش كنتو مع بعض مسرع استاحشتو بعضكم
سمر:دخلكش
شهد:ركبنا بنقرو
كريم:باه ربي يعاون
وخشو للدار
سمر:وين اختك
شهد:في دار المعيشه
سمر:بالك تخش علينا
شهد:لالا تو نصكر الباب بالمفتاح(وصكراته)اي هي احكي
سمر: امس مش طلعنا انا وليث مع بعضنا باش نضمو دار الخزين ووووو وحكتلها
شهد: كدبه
سمر:وقت كدب هو
شهد:هههه حي عالجو
سمر:باهي قوليلي تو شن اندير في همي
شهد:شن بديري يعني خلاص معاش فاها سؤال طحتي علي وجهك يانصي
سمر: هكي قولتك
شهد:يس وهو يهبل قداشه جنتل
سمر(رفعت حاجبها): وحبيه انتي وخلاص
شهد:ههههه وووه عليه سخفني طاح في واحده غيوره زيك
سمر(طرمت شواربها):ت توا انا شن بندير قالي بنسافر كان مرديتيش عليا
شهد:انتي تبيه يسافر
سمر(هزت براسها بمعنى لا)
شهد:خلاص في المدرسه بعد الامتحان كلميه
سمر:انشاءالله خير
شهد:حتى نا نبي نحكيلك حاجه
سمر(باستغراب ):حاجه شنو
شهد:انا شكلني بديت نحب
سمر:اووووو صار مش انا بس ههه ومن تعيس الحظ
شهد:عبدو
سمر:عبدو من
شهد:ت شن عبدو مني
سمر:عبدو ولد عمتي بسمه
شهد:اي
سمر:خو دنيا وريهام
شهد:قلنا اي ياهم
سمر:حي حي ومن امتى الكلام هدا
شهد:من رحلة الجبل
سمر:باهي هو قالك انحبك
شهد:لا بس تصرفاته معاي مرات نحس فاها مش عاديه
سمر:كيف بعني
شهد::تو متلا امس (وحكتلها لما جرحت صبعها)
سمر:لالا شهوده حسيتها حاجه عاديه (بلعاني😜)
شهد(بزعل):قصدك تصرفه طبيعي
سمر:اي
شهد:اها خلاص عادي مش مشكله(وطرمت شواربها)
سمر(انفجرت بالضحك ):هههههه صدقتي ياهبله
شهد(قعدت تضرب فاها):تفو ياحيوانه يامسخه
سمر:خلاص خلاص ههه
شهد:هيا نوضي ورانا قرايه
وقعدو يقرو
---------
عند دنيا وريهام
دنيا:عبدو
عبدو:ها
ريهام:ارفعنا لحوشنا نبو شويه حاجات
عبدو :باهي اصلا حتى نا بناخد حوايج هي وتو روحكم
لبسو عبايات وطلعو
وهما نازلين تلاقو مع ياسمين وسلمى
ياسمين:وين تنسرفي انتي وياها
ريهام:بنمشو لحوشنا بناخدو شيتات وحوايج
سلمى:اها باه
دنيا:هي باي
وركبو في السياره ومشو
وياسمين وسلمى خشو لحوش جدهم
:السلام عليكم
الجده :وعليكم السلام
سلمى:وين سمر
الجده:مريتهاش
ياسمين:اكيده عند شهد يقرو
سلمى:اها باهي اسمعي انا بنركب لبشرى بتجي معاي
ياسمين: لالا انا راكبه بنشوف سمر
سلمى:سمر صار(وغمزتلها)
ياسمين:تحشمي ههه
وركبت لحوش شهد
الباب:طق طق
شهد:هيا (وفتحاته)
ياسمين:سلام
شهد:تلقيه في الصاله
ياسمين:احلى مافيك انك تفهمي عالطاير
شهد:ههه باش تعرفي بس
وخشت لدارها
خشت ياسمين للحوش وتشبح يمين ويسار لن وصلت للصاله ولقت كريم عاطي بظهره ويتفرج علي التلفزيون جت من وراها وغمضتله عيونه
كريم:مبرد عمك ياشهد حولي
ياسمين:هههه
كريم(ضحك):سومتي
ياسمين(نحت ايدها وجت قدامه):كيف عرفتني
كريم:معقوله منزبطش صوت حبيبتي(وشدها من ايدها وجبدها جت مقعزه علي حجره)
------
عند ملاك
كانت مقعمزه في دار المعيشه وفاتحه النت بعدين ناضت بتخش للمطبخ وهي ماشيه
سمعت صوت كريم وبنت ولما شافتهم لقتها ياسمين وقعدت تتسمع عليهم
------
ياسمين:كريم احنا مش بروحنا حول يخش علينا حد
كريم:عادي حبيبتي وكم يوم وتولي مرتي وحلالي
ياسمين:ههه هيا حبيبي حول بالحق
كريم(طلقها):ها هي بري هي😔
ياسمين:يعني حرجت توا
كريم:لا
ياسمين:باهي نعرف كيف نراضيك(وقرب وباساته من لحيته)
كريم:ياناعليا منك 😍
ياسمين:ههه هي باي توا بنخش للبنات
-----
سلمى/طقطق
سيف:ت باهي الباب قاعدين نبوه(وفتحه) هادي انتي
سلمى:لا غولتك وسع بنخش لبشرى
سيف:معندناش واحده اسمها بشرى
سلمى:ت حول مبسلك(ودفاته وخشت)
وخشت لدار بشرى وكانت تتكلم مع رغد
رغد:قصدي.معقوله يشك فيك ويطلعك خاينه
بشرى:انا مستحيل اندير هكي حتى من سابع المستحيلات انفكر انخونه
رغد:اي حبيبتي نعرف ومتاكده مديريش هكي مع ان انا صاحبتك وهو حبيبك مصدقكش
بشرى:معاك حق
رغد:اي وكان جي وتاسف منك ردي بالك تسامحيه واضح ان ميوتقش فيك
بشرى:اي صح مش مسامحاته
رغد:وحتى لو تقابلتو خليك واثقه من روحك ومتجيش تبرريله وفوتي من جنبه ولا كأنه واقف
بشرى:بس انا منقدرش اندير هكي
رغد:لا تقدري زي ماهو قدر ان يسيبك ومدارلكش اي اعتبار
بشرى:صح انا لازم نكون قويه
رغد :ايوا هكي نبيك حبي
بشرى:انشاءالله ربي مايحرمني منك انحبك
رغد:ولا منك وانا نموت فيك
بشرى؛ هيا باي سلمى جت تستنى فيا
رغد:باي وردي بالك حبي حد يغيرلك رايك
بشرى:حاضر باي (وصكرت)
سلمى:سلااام
بشرى:سلاامات شن الجو
سلمى:تمام وانتي
بشرى:ماشي الحال
سلمى:خلاص بيشا معاش اضايقي روحك
بشرى:كيف حاله
سلمى:لما جينا حابس روحه في الدار وبعدين طلع منعرفش وين
بشرى(تنهدت)
سلمى:باهي بشرى نسالك سؤال
بشرى: اسألي
سلمى:لو جي مؤيد وتاسف منك حتسامحيه وله
بشرى:تصدقي لو سالتيني السؤال هدا قبل كنت حنقولك حنسامحه وبلا تردد لكن توا مستحيل نسامحه
سلمى:بس مرات مؤيد يعرف غلطه ويجي يتأسف منك
بشرى: بعد شنو تقدري تفهميني بعد لطلعني خاينه وبتاع ولاد وصدق واحد في التليفون وانا اللي هي حبيبته مصدقنيش ومحاولش حتى يخليني نفهمه
سلمى:بس انتي تحبيه وهو يحبك حرام اديرو في روحكم هكي
بشرى:مؤيد محبنيش لو كان يحبني راه كذب الناس كلها وصدقني انا لكن هو مدارش هكي
سلمى:لكن(وقطعتها)
بشرى:سلمى خلاص بالله عليك معاش تفتحيلي السيره هادي
سلمى:ربي يهديكم وخلاص
بشرى:وين ياسمين وسمر
سلمى:عند شهد تحت
بشرى:هي تعالي نمشولهم
سلمى:هي
ونزلو ومشو لحوش عمهم:طقطق
ملاك:مني اللي جاي توا (وفتحت)هادو انتو😏
بشرى:لا هادوكا حولي بنخشو لشهد
ملاك:مع الاسف حوشنا مش دايرينه ميعاد(وصرفقت الباب في وجوهم)
سلمى:هييي ريتاها التافهه والله لما نوراها(وقعدت تخبط عالباب)
علي جية سالم
سالم:خيركم واقفين هني
سلمى:هادي(وقاطعتها بشرى)
بشرى:اا جينا لشهد امشي مافتح حد كنا نازلين
سالم:لالا تعالو خشو اكيده مسمعوشي (وطلع مفاتيحه وفتح الباب)
وخشو البنات لشهد وسمر وياسمين
بشرى وسلمى:سلاام
البنات:سلاامات
سلمى:شني اديرو
شهد:نقرو
بشرى:نوضي صكري عليا الكتاب تو يسمولكم
سمر وشهد لوحو الكتابات علي طول يدهم
ياسمين:هههه حتى انتم خاطركم هلبا
سلمى:اي
في الليل
روح مؤيد وخش لحوش جده طول لان عارفهم ملتمين ويبي يتاسف من عمران
مؤيد:السلام عليكم
الكل :عليكم السلام
سالم :خيرك انت وين اختفيت
مؤيد:طلعتلي خدمه فجأه و روح
سالم:مش حركه لكن اقل شي قلتة
مؤيد:اللي صار صار توا باقي العيله وين
سلمى:عمامي وعماتي روحو وجدي وجداي داخل تلقاهم
مؤيد:نخش نسلم ونجي
الجد الجده:وين وين
الجد:كلهم جو الا انت
مؤيد:اي طلعت مني غادي ل صاحبي كيف حالكم .........
في الجنان
دنيا :بشرى وين (وتغمز ل سلمى )
سلمى:راقده نمشي انوضها
طق طق طق طق
فوزيه :خوشي سلمى
سلمى:بنوض بشرى .....ياااهووه نوضي ارزيتي فيك اجري
بشرى:هاها خيرك مؤيد فيه حاجه
سلمى:تي نوضي بسرعه جي لوطا
بشرى:حقا استني بننزل معاك
...........
عبدو:شن كان عندك مؤيد
مؤيد:ولد صاحبي صارتله مشكله يبيني نساعده روحت
كريم :باهي سكرو ع السيره سمر وشهد امتي امتحاناتكم
شهد:الاسبوع الجاي
سالم :بديتو تقرو انتم شهاده ره
سمر:اي اي قرينا اليوم الرياضيات كله
شهد ياسمين ريهام دنيا:😳
كريم :باهي كويس
سيف:والله شبحتي فيكم كدابين
سمر:انت بس الصادق نوض بالك من غير طروخ الفلتوز
مؤيد:"وقف ودار ايده ع كتف عمران"نوض نقعمزو لتالي نوض
عمران:"ناض من غير ولا كلمه"
سيف:احرف من لبنات
سلمى:خيرهم لبنات
سيف:زي الجن
سلمى:لبنات ملائكه نزلت ع الارض
سيف:يا إيلاهي لا اصدق ملايكه قتلك
سالم :ههههههه وخيرهم لبنات غير مش عارفين قيمتهم لولاد
كريم :ااه يعني انت توا بنت كيفهم هدا علاش عارف قيمتهم
عبدو:هههههه ايدك علاها
سالم:"شد الطاسه"وراس امي فوق راسك انت وياه
كريم:نبصرو يا برنس
.....مؤيد عمران
مؤيد:امبكري والله متعفلق ومش قصدي نرد عليك هكي
عمران :عارفكم واصلا سيبتك بش نبيك ترتاح بس
مؤيد:منور والله مافي زيك انت
عمران :بنرقد انا هيا تصبح
مؤيد:باهي انا شويه ومروح
ياسمين :عمران و مؤيد وين
دنيا :لتالي طلعو
بشرى:سلمى تعالي معاي نبيك
سلمى:انتي قعمزي معاه وانا نخش من باب المطبخ به
بشرى:به شكرا "مشتله بشرى"
مؤيد:بشرى خوشي داخل
بشرى:لا انا بنتكلم بتاخد بكلامي وتصدقني ولا كأن صار شي
مؤيد:باهي
بشرى:اللي اتصل والله ما نعرفه وواضح ان مبعوت وانا حتى علاقات ماعنديش قبل ولا في حياتي كلمت ولد وماتساالنيش من وراء من هدا كله انا بروحي ما نعرفش من اللي بعت الولد واحنا في بدايه علاقتنا لو من اول نشكله بالجير هكي و تبدا في قلع التقه نسيبو خير
مؤيد:باهي كملتي
بشرى:اي
مؤيد:تصبحي على خير
......
دنيا :عبدو بتبات اهني
سيف:اي بيبات معاي
عبدو:تو خديت موعد
سيف:لا يا رجل الاعمال نوض بومبه الحق فاللي يقدرك ارقد زي الكلب بروحك
كريم :هههههه خيرك انفعلت بسم الله
مؤيد:هيا بتروحو يا بنات
ياسمين :اي هيا ..خلي النادي سلمى...هيا بنروحو
سلمى:هيا
ناضو لبنات روحو مع مؤيد وكريم ركب ل حوشهم
شهد :بشرى اشبح وين مشت تعالي نشوفوها
ريهام :هيا
امشو ل مكان اللي كانت فيه بشرى و مؤيد
دنيا :مش اهني وين مشت هدي
ريهام:اكيده ركبت للحوش تعالو
طق طق طق
فوزيه:خشو بشرى في دارها
شهد :شكرا عميمه
ريهام:شن صار
بشرى:ماصار شي
دنيا:خيرك تتكلمي ب برود هكي ادوي
بشرى:اللي صار فهمته شن اللي صاير وهوا شن رد عليا
شهد:شني
بشرى:كملتي كلامك هيا تصبحي علي خير
شهد:فضيع الولد هدا
ريهام :لكن مرات معاه حق ره
دنيا :تو يفهم ويفكر بروحه معادش تضغطي عليه
بشرى:لالالا لانبي نضغط عليه ولا نبيه يفكر حتى لو جي تأسف يحلم ان نوليله
شهد:عاد مش ل الدرجه هدي
بشرى:لا ل الدرجه هدي واكتر حبيبتي توا شك فيا منا بعدين لما تنجوزو شن
ريهام :باهي اهدي حبيبتي وارقدي بكرا تزيدو نحكو
بشرى:تمام
شهد:تصبحي علي خير
ريهام :اموواه باي
دنيا :بتمشي ل الجامعه بكرا
بشرى:ايه
دنيا :باهي باي
"نزلو لبنات وكل واحد خش ل حوشه "
ياسمين:تكلمتي مع بشرى بعد ما حكت مع مؤيد
سلمى:اي وقتلي...وحكت اللي صار
سمر:حتي مؤيد زودها ره شن هدا
سلمى:بكل
ياسمين :بنمشي ندوي معاه
سمر:فكك تو يكشخ
ياسمين :لالا غير هاه التليفون كان اتصل كيمو ردو عليه
سلمى:باهي
طق طق طق
مؤيد:تفضل
ياسمين :بنحكي معاك
مؤيد:ماخاطريش
ياسمين :لا خمسه دقايق بس
مؤيد:لخصي
ياسمين :انت تحب بشرى
مؤيد:كتت نحبها
ياسمين :اي وعلي خاطر شخص تافهه اشبح من باعته تسيبها
مؤيد:مش عيل انا يعرفها واضح
ياسمين :والله ما تعرفه بشرى تحبك وليها سنين وفي حياتها ما دارت علاقه حرام الدير هكي فيها
مؤيد:به انا راجل بنشك ونغار انا ما جيتش خديت تليفونها و فتشته ولا راقبتها هدي مكالمه وانا مقعمز صارت
ياسمين:والله لما تندم يا مؤيد وتو تشوف هيا تصبح علي خير
..........
سلمى:شن قال
سمر:اتصل كيمو وقال لما تجي قلها تكلمني
ياسمين:باهي اللي صار .
.وحكتلهم هيا طيرو بنكلم حبيب القلب
سمر:حباتك الجراده
"رقدو كلهم وليله صعبه هلبا بشرى تبكي ومؤيد يفكر في الموضوع "
الصبح الساعه 7
بشرى:صباح الخير
فوزيه:صباح النور
بشرى:سيف وين
فوزيه:راقد ماعنداش جامعه كمل الامتحانات
بشرى:ومن بيوصلني انا توا
فوزيه :عمرا بيطلع تو يوصلك
بشرى:نازله انا بلكي نلحق ع ياسمين وسلمى
كريم:صباح الورد
بشرى:صباح النور ياسمين امشت للخدمه
كريم :لالا شويه وتطلع
بشرى:باهي ونزلت تجري
طق طق طق
ياسمين:ازعاج كل صبح ياعمران مش طبيعي رقدت عندك مؤيد وفكنا"فتحت الباب"
بشرى:مرض تقول بالعه شريط هدي انا
ياسمين :اه ههه صباح الخير حسبته السطل
بشرى:لالا ره بنمشي معاك نبيك توصليني
ياسمين :عادي اي هاك ولعي السيارع نلبس وشاحي ونطلعو
بشرى:باهي
سلمى:انا كملت
ياسمين :نلبس وشاحي ونجي اطلعي بيشا في السياره
سلمى:غريبه .....صباح الوردات
بشرى:صباح الفل ياسمحه
سلمى:غريب جايه معانا
بشرى:عمران بيمشي هوا و مؤيد و سيف راقد قلت نمشي معاكم
كريم :صباح الخير وين مرتي
بشرى:غير يولد و يسموه
سلمى:ههه والله حق
كريم :مادخلكمش
ياسمين :صباح الخير
كريم :صباح الورد حبي
سلمى:شن رايكم احنا ناخدو تاكسي وانتم هدرزو
بشرى:فكره ولله
كريم :مرض هالعزايز
"طلعت ياسمين وسلمى و بشرى"
عمران :ساعه الهم
مؤيد:بالله فكني من دسكه كل يوم خليتني نمشي في سيارتي
سالم :صباح الخير
عمران مؤيد:صباح النور
سالم:وين
عمران :جامعه
سالم :قصدك صياعه
مؤيد:هيا جدو سلاام
سالم :تفي
"طلعو كل واحد ل خدمته واللي في قرايته "
يتبع....
"كل سنة وآنتم بألف خير ينعاد عليكم ياارب 💜 وانشاء الله العيد الجاي يكون آحلى عليكم "💗
كاتبة 💜
DA NO Remo Rm
