💗#حوش_العيلة💗
#الحلقه_3
وفجأة يجيهم مراد
مراد :بس بس .ياسمحه ...نجى نستنى معاكم 😘
سمر :هييي هي وين تحساب روحك تعاكس و الدير ماتبي وماحد يقدر يوقفك عند حدك 😠
مراد :(وقف قدامها و شد يدها) معادش تعلى صوتك ياحلوا😉
شهد :دفاته ...احترم نفسك احنا في حاله شن جابك لينا 😡
(وهيا قاعده تدوى يجى ليت )
ليث:(عطى بونى ل مراد ) احترم نفسك هدو مش شورك يا حيوان 😡
مراد :(ناض ودف ليث ) حسابك بعدين تحساب روحك بتفوتها مديرلى روحك راجل 😠
ليث :ابعد يارا ..خليك في حالك خير ماتشوف شي ما يعجبك 😤
مراد (امشي )🚶
سمر: شن دخلك انت جاي الدافع علينا احنا نعرفو نحمو نفسنا 😠
ليث :(طارتله) بدل ماتشكريني طايحه تهزبي😾
سمر:ماقالك حد اعرض خدماتك
ليث:الحق فيا (مشي وسيبها) 😤
شهد :لا مفروض ضربتيه ره حرام هكى تفى الولد يدافع وانتى تهزبي😠
سمر :بطلى دوه و اطلعى قدامى مؤيد يتصل(ليث هدا يقرا مع سمر في المدرسه وشايف روحه )
-------------------
عند البنات ...
ياسمين :سلمى اطلعى انتى و دنيا فرشو الشباب على جيا بش نطلعو الغداء
دنيا :بااااهى😒
سلمى :ملاك وين😏
ريهام :غابيه فيها يا راقده ياقاعده ع النت مش جديد 😒
كريم:راه تبطلو قرمه😂
ياسمين:جيت 😅
كريم :لا والله قاعد في الطريق 😀
ريهام:سامط😒
كريم:الشباب وين
ياسمين:سالم عنده رحله والباقى جيين في الطريق😁
كريم:باهى(وطلع في الجنان)
الجده:جيت وليدى
كريم:اي تونى كيف وصلت
الجد:تعالى قعمز
دنيا:نحطلكم اهنا ولا تحت الشجرات🎄
كريمه:لا خلينا اهنا الجو حلو😃
كريم :سلمى طاسه اميه بالله
سلمى:حاضر
صالح-اكرم-مختار:سلام عليكم✋
الكل :وعليكم السلام
--------------------
عند سمر وشهد
طلعو وركبو في السياره سمر :باهى اللي جيتو 😾
عمران :خيرك منفصله😹
شهد:لان شمس بس 😸
سيف :مه انجلينا جولى قاعده تحت الشمس😹
سمر:سيف تبكش عنديش ليك جو ره 😠
مؤيد:يانعليا من الاعصاب😂
عمران عبدالله:ههههههه
شهد:(برغم ان راقيلها ما قدرتش تمسك ضحكتها😂)
سمر:تو جايك كف كان ماتسكتى انتى التانيه
(قعدو ساكتين عند ما وصلو)
مؤيد:انزلو
نزلو كلهم......ووصلو لقوهم يستنو فيهم عالغدي قهمزوا وتغدو وخشو رقدو😴
#في_العشويه
ناضو خشو البنات للكوجينه وشهد دارت تشيز كيك 🍰وكانت اول مره اديره ونادو عالشباب وقعمزو في الجنان ويشربو في قهوتهم☕️
مؤيد :من داره التشيز كيك
سمر:شهوده
شهد:هي ذوقوه وقولولي رايكم🙋
عبدالله:انا اول واحد بيذوق😸(خدي طرف وكلاه) اععع مدلي اميه مد😖😷
(مدله عمران اميه)
عبدالله :معاش تخشي للكوجينه بكل درهلي كبدي😷
شهد (تكنطت):ماقالك حد كوله😡(وناضت وسيبتهم)
دنيا:خزي عليك😥
ريهام:من بكري وهي اتزين فيه😓
(عبدالله حس انه غلط😪)
سيف:نوض صالحها
ناض عبدالله ومشي لشهد لقاها تبكي
عبدالله:شهوده😊
شهد :شن جاي تبي😡
عبدالله :اسف كنت نبصر والله زي العسل😋
شهد (مسحت دموعها ):حقا😧
عبدالله:اي حقا😃
شهد(ضرباته علي يده) :خزي ياتافهه نسحابه حق😢
عبدالله:يعني سامحتيني😚
شهد:نسامحك بس بشرط😌
عبدالله:شن هو😳
شهد :جيبلي كندر😌
عبدالله (ضحك):حاضر😅
(شهد سرحت في ضحكته)
عبدالله:اوييي وين وصلتي😂
شهد(استاقضت):لا قاعده😰
عبدالله :باهي هي نولو مع الشباب والصبايا😚
شهد :هي
عبدالله:ومعاش تبكي تولي شينه😘
شهد :ههه😄
مشو للشباب والصبايا
مؤيد:ضحك عليك يامضحكه😂
شهد :عادي انا راضيه😊
عبدالله:اوووو قصفاتك😂
مؤيد:اين جبهتي انا لا اراها😂
كلهم:هههه
مؤيد جاه تليفون. ناض من حداهم
(وطبعا في عيون كانت مركزه معاه وهي عيون بشرى)
مؤيد:الوو حبيبتي😍
نهى:ايوا مؤيد😔
مؤيد:شن جوك
نهى :تمام وانت
مؤيد :حلو بسماع صوتك
نهى:مؤيد احنا لازم نتكلمو😪
مؤيد :انشاءالله خير😕
نهى :احنا لازم نسيبو😔
مؤيد :شنووو😨
نهى: زي ماسمعت😞
مؤيد: بس فهميني علاش😩
نهى انا تقدملي عريس واماليا وافقو وانا وافقت 😐
مؤيد (بدي يعيط):ت كيف وافقتي فهميني مش كنا متفقين ان بعد ماناخد شهادتي انجي نخطبك😡
نهى :انا معاش نقدر نستنى وياريت تشوف نصيبك مع واحده غيري😏
مؤيد :باهي يانهى ربي يسعدك مع عريسك الجديد😤
نهى :شوف مؤيد انا ماكنتش نبي هدا يصير😢
مؤيدسكر في وجهها ولوح التليفون علي طول يده😠
ركب في سيارته وطلع فاها
(نهى هادي حبيبة مؤيد هيا وياه علي علاقه من 3 سنين ومؤيد يموت عالارض اللي تمشي علاها 😍لكن هيا كانت مخلياته عالاحتياط😒)
عمران:خيره مؤيد طلع من غير مايقوللنا😧
سيف:شكله تعارك هو والكبيده😅
ريهام:قصدكم مؤيد يحب😨
سيف: اي لكن راك تقوليله بعدين يقتلني😳
بشرى :انا نستاذن😰
كلهم:اذنك معاك
خشت لدار جداها وقعدت تبكي😭
بعد شويه انطق الباب🚪
بشرى( مسحت دموعها )وبصوت باكي: منو😢
سلمى (دخلت راسها من الباب):نخش😬
بشرى:خشي😔
سلمى(جت قعمزت حداها عالسرير):لحد امتى بتقعدي هكي😩
بشرى(انصدمت):علاش خيرني😨
سلمى:متحاوليش ادرقي عليا نعرف انك تحبي مؤيد😬
بشرى:قصدك باين عليا😖
سلمى :مش باين لكن انا شكيت في الموضوع وتوا لما قالو ان يحب نضتي وتوا لقيتك تبكي تاكدت 😢
بشرى:حاولت ياسلمى ننساه وانحيه من راسي لكن قلبي مقدرش كل مانقول معاش نبي نفكر فيه انزيد نتعلق بيه اكتر(وناضت تبكي)😭
سلمى ياروووحي خلاص حبيبتي معاش تبكي بالله عليك (وحضنتها)😢
سلمى:والله لما انوريه هالمؤيد معقوله يبكيلي بشورتي من يحساب روحه😂
(بشرى ضحكت علي هبال سلمى😄 )
سلمى:واخيرا ضحكت اميرتي😉
بشرى:نحبك ياقردتي😍
سلمى: انا اكتر ياحمارتي هي نوضي اغسلي وجهك بش ميبانش عليك كنتي تبكي😘
بشرى هزت براسها (وابتسمت ابتسامه وراها وجع😞):بري انتي توا شويه ونلحقك
سلمى: تمام
---------
عند عمران
قعد يتصل بمؤيد لكن يلقا فيه مقفل📲
قال في خاطره خليني نمشي ندور عليه
استاذن من الشباب وقالهم انه طالع🚶
وهو ماشي لسيارته لقي تليفون مؤيد ملوح وشاشته متكسره📱
خاف يكون صايرتله حاجه ومشي يجري لسيارته وحركها
عند الشباب والبنات
كانو مقعمزين يهدرز لن جاهم سالم
سالم:السلام عليكم✋
كلهم:وعليكم السلام
سيف:شن جو رحلتك😺
سالم قعمز حداهم:تمام التمام😀
كريم:باهي ربي يعاون
دنيا:تبي نسكافيه😁
سالم :ياريت والله😉
دنيا صبتله فنجان ومدتهوله
سالم :وين الفريق ناقص
ريهام: مؤيد جاه تليفون وطلع وبعدين لحقه عمران😛
سمر :وبشرى وسلمى خشو وتو يجو
سلمى :انا جيت
شهد:تدوي عالحمار يبانو ودانه🐴
سلمى:خزي يامسخه
ياسمين:سمر وسلمى هيا ماما قالتلنا تعالو للحوش
سمر:علااش🙀
سلمى :علي اساس بنباتو حتى اليوم😿
ياسمين :ت باهي وانتو نطيتوا فيا قالت تعالو ضموا معاي الحوش وبعدين في الليل ولو😹
سمر:اه باهي خلعتيني😐
سلمى:قصدي انا مافيش مني فايده علاش رافعيني😋
ريهام:الاعتراف بالحق فضيله ههه😚
ياسمين :تعالي ونسينا😘
عبدالله:ت باهي نوضو نفختوهم😒
دنيا :والله صدق فيكم ههه😂
ناضو البنات وروحو لحوشهم والشباب طلعو والبنات نهضو السفره وخشو للكوجينه
دنيا:شهوده😍
شهد:ماعنديش فلوس😒
دنيا :هههه عارفاتك فقريه😂
شهد:امالا شن تبي😅
دنيا :نوضي اغسلي الماعين😁
شهد :مصح خليقتك امس انا غسلتهم 😤
دنيا :عادي شن فاها😐
شهد :والله ماغاسلتهم وكان توقفي علي صبعك😏
دنيا:باهي اسمعي
شهد:ها
دنيا:تف💦
شهد:علي وجهك ياحيوانه😹
تلفتت لريهام
ريهام:ماتشبحيليش نحس في ظهري متكسر😷
دنيا :وهو امتى مش متكسر😒
ريهام (باستها من خدها ):هي ربي يعاون 😘
(دنيا ضربتها كالشو لن ريهام طاحت)
ريهام :اااااه ياظهري يانهارك الاسود ياريهام 😭
دنيا ترقص في حواجبها: تستاهلي😜
ومشت وقفت عالحوض وقعدت تغسل
جت بشرى لقت ريهام طايحه
بشرى :هههههههه😂
ريهام :تضحكي بدل ماتجي تنوضيني ااه ياظهري ياحليلي😭😠
جت بشرى نوضتها وماسكه ضحكتها وقعمزتها عالصالون
ريهام تعيط:والله لما انوريك ياكلبه ياللي اسمك دنيا😤😭
--------
عند عمران
طلع ايدور علي مؤيد مخلاش مكان ومدوراش فيه واخر شي كان حوشه🏠( مؤيد كان باني حوش لكن مش مكمله وكان قريب من حوش اماليه)
نزل من السياره وخش للحوش لقاه مقعمز
عمران:واخيرا لقيتك😣
مؤيد مطبس راسه وميردش😞
عمران تقدر تقولي خيرك طالع من الحوش ومكسر تليفونك شن صار😦
مؤيد :ماردش😶
عمران:ت نكلم فيك يارا😠 (ورفعله راسه ولقاه يبكي😖)
عمران:تبكي😨
مؤيد:عمران فوتني تربح😓
عمران:ت شوف حالتك كيف تبيني نسيبك شن صار احكيلي😰
مؤيد : نهى غدرت بيا سيبتني في نص الطريق من غير اي سبب مقنع (وكان يتكلم بطريق من مفهومه)
عمران :غير بالشويه وفهمني😥
مؤيد :قتلي جاني عريس وانا وافقت قولي كيف وافقت وانا كنت باني معاها مستقبلي كنت نستنى في تخرجي باش نمشي نخطبها وتولي مرتي😪
عمران : خلاص يارا معاش تبكي وحده حقيره زي هادي متبكيش علاها بالعكس احمد ربك ان ربك فكك منها😩
مؤيد:قلبي يوجع فيا ياعمران حاره والله حاره😖
عمران :حاسس بيك ياصاحبي😞 (وحضنه)
مؤيد :يمسح في دموعه
عمران :خلاص معاش تبكي راك راجل نوض في اميه في سيارتي نوض اغسل باها وجهك
مؤيد :باهي
وغسل وجهه وركبو في سياره عمران لان مؤيد مايقدرش يسوق
-------------
في حوش الجد
#في_الليل
روحو عبدالله وسيف وسالم وقعمزو هما والبنات في الصاله ويلعبو في بلستيشن(مصارعه💪)
دنيا :هيا شهد قريب يموت هيا اضربيه كالشو وبوني هيا شويه بس (وواقفه وتنقز🙆🙅💁🙋)
عبدالله وسيف ميتين بالضحك😂
ريهام:اهدي فضحتينا هههه😂
بشرى :تقول هيا اللي تتعارك ههه😂
(سالم كان سرحان فاها كيف تنقز وشعرها يتحرك معاها ومبتسم 😊لن خلعه صوت شهد😳)
شهد:هييييي ربحت 😛(وناضت هي وريهام وبشرى ينقزو مع دنيا ويرقصو👯👯)
ريهام:خوووووشيي ربحناااكم✊
سيف : غير كنت نضحك علي دنيا كيف تنقز كان هدا راه وريتكم😒
دنيا:عليك سبله😂
بشرى :اي😜
لن شرين تليفون سالم وكانت اللي تتصل ناديه لما قري الاسم تكنطى وناض بعد من حداهم شويه
ناديه:الو
سالم :شن تبي😠
ناديه : شي بس ماشفتكش اليوم في العمل قلت نشوف شن جوه😊
سالم: جوي كان يهبل قبل ماترني ونسمع صوتك😠
ناديه :سالم حس بيا انا نحبك والله ماحتلقى حد يحبك اكتر مني 😥
سالم:انتي ماتبيش تفهمي انا مرتبط ونحب حبيبتي فوتيني واطلعي من حياتي شن هال علقه😤
ناديه :صدقني هتندم وحتجيني وتقولي نحبك وارجعيلي😠
سالم:هه شكلك تحلمي هلبا هي هويني 😆
وسكر علاها ورجع مع الشباب
دنيا(لاحظت سالم لما رن تليفون واقري الاسم طارتله ولما ناض يتكلم كان باين عليه يكلم في بنت لكن معطيتش للموضوع اهميه)
شويه وجوهم سمر وسلمى وياسمين:سلاام✋
كلهم :سلامات👋
شهد (جت تجري لسمر):سمورتي اجري ربحت سيف😜
سمر:اووووو طاح القدر😂
سيف حدفها بالمخده جت علي وجهها😒
سمر:اااه خشمي😥
خش عمران:اهلييين👋
كلهم :اهلين بيك
ريهام:وين مؤيد 😐
عمران: روح للحوش قال بياخد دوش وبيبات غادي😬
عبدالله:انا ماشي للمحل انجيب حاجات وانجي😌
شهد:راك تنسى الكندر😁
عبدالله:باهي😀
دنيا وريهام: وخيرنا احنا مايجيش علينا ناكلو كندر😒
سمر:تفكرني حتى بطرف سعيد😋
عبدالله:باهي وانتو همكم في بطنكم😒(وطلع)
عمران:سيف هي ولع البلستيشن نلعبو شوط كوره⚽️
سيف : خاطرك تبي تخسر شكلك😜
عمران : تو نشوفو من اللي بيخسر😉
شهد:انا بننزل نجيب تليفونى 😗
عمران:جيبي معاك عصير و ميه متلجه😄
شهد :باهى😩
سيف:في المطبخ فيه كياس تشبس جيبيهم 😀
شهد:وووه باهى😰
ياسمين :الشحن حبي😘
شهد:الله يلعنكم لازم تطلبو حاجه وانا نازله😡 (وهي نازله تجري خبطت في عبدالله😮)
عبد الله :بالشويه😟
شهد:حي جيت😆
عبد الله :خيرك تجري🏃
شهد:يبونى نجيبيلهم حاجات و قبل ما يكملو نزلت نجرى😑
عبد الله :اها باهي تفضلي الكندر😊
شهد:نجك ليا يااحلى ولد عمه في العالم😍
عبدالله :(قعد يشوفلها😍)
شهد:اوووي عطلتني حول بننزل😱
عبد الله :اسف هه في حد قالك انك حلوا قبل هكى 😊
شهد:شكرا و نزلت تجرى😳🏃
دنيا:عبودي جبتلنا شكلاطه😉
عبدالله:جبتلكم سم الهاري😒
ريهام :منور ياعبيده😢
واحدفلهم كيسه معبيه شكلاطات
سمر : ت خوكم صقع بكل👏
بشرى وسلمى وياسمين: اعطوووونا😋
(وقعمزو علي هديكا الكيسه كملاها)
(ياسمين رن تليفونها لقاته احمد😘)
ياسمين :انا نستاذنكم بننزل للجنان
الكل:اذنك معاك
نزلت للجنان ومشت قعمزت عالدرجيحه وفتحت الخط
ياسمين:ايوا حبي 😍
احمد :اهلا كيف حالك😘
ياسمين:تمام وانت 😚
احمد :الحمد الله😙 ..حبي نطلب طلب منك ☺️
ياسمين(فرحت لان معامله احمد تغيرت😍):تأمر انت ياعيونى
احمد :نبيك تطلعى معاي بعد بكرا😉
ياسمين:كيف يعنى مانقدرش 😳
احمد :مادخلنيش مستاحشك 😊
ياسمين:وين باهى خلي نتلاقو و نهدرزو في استراحه شغلى ☺️
احمد :لا نبيك تمشي معاي ل للستراحه 😘
ياسمين:انت بعقلك تبيني نمشي معاك ولاستراحه 😨
احمد :مش حبيبتى انتى وتوتقى فيا ولا تغير كلامك😒
ياسمين :هداك شي و هدا شي و هدا معناه انك ما تحبنيش ولا تخاف عليا😢 ...شي زى هدا ما نديراش😥
احمد:سومتى حبيبتى😍 ..نسيتى صورتك 😈..معاك غدوه بس يا اما نبعت صورتك ومحاداتك كلها لخوك مؤيد😈
ياسمين:(تبكى) تااافهه حقيير وسكرت عليه😱😭
(في الوقت اللي بدت تبكى فيه ياسمين كريم كان كيف جاي ويكلم في عمران )
كريم :هيا اهو وصلت
عمران:ماتعطلش
(نزلت من السياره وكنت نمشي في الجنان نسمع في صوت حد يبكى قعدت ندور وشفت من بعيد لقيتها ياسمين )
كريم :سووومه 😨(ويجرى عندها) خيرك تبكى 😳
ياسمين :(خشت في نوبة بكاء ) يضحك علياااا انا حبيته وهوا يستغل فيا علاااش هكىى علاااش انا قاعده نحبه😭
كريم :اهدى سومه اهدى احكيلي من اللي ضحك عليك فهمينى😳😥(فهم ان تحب لكن مباش ينفعل بش يفهم من هدا)
ياسمين:....
(انشاءالله تكون عجبتكم ولو لقيت تفاعل حنزل الحلقه 😍4)
الكاتبه 💛
DA NO Remo Rm
