#حوش_العيلة❤️
#الحلقة_11
~~~~
عند ياسمين وكريم
كريم:واخيرا قعدنا بروحنا😍
ياسمين: اي مخديناش راحتنا
كريم:لكن من وين خطرت علي بالك فكره كل اتنين يمشو مع بعض
ياسمين:قاعد متعرفش ياسمين لما تخطط😎
كريم: حتى نا نبي نعرفها
ياسمين(شدت يده): هيا هيا امشي
---------------
عند بشرى ومؤيد
مؤيد وبشرى
بشرى:حيي عصفور😄
مؤيد :امم تحبي العصافير
بشرى:ايه ههه
مؤيد :اول مره نعرف انك تحبيهم
بشرى:اي لان انا ولا مره خديت عصافير
مؤيد امم بيشا
بشرى:نعم
مؤيد :انا نبي نجيب امى بعد ما نروحو😍
بشرى:شنى 😳
مؤيد :انا نبيك و بنجيب امى موافقه او لا
بشرى:كيف انت تبيني انا 😳
مؤيد :اي انا نبيك نبي نتجوزك موافقه او لا
بشرى: مه
مؤيد: "قطع علاها " سؤالي زايد عارفه موافقه انتى
بشرى:هههه شن التقه هدي
مؤيد :" وقف قدامها " اي لان عارفه انك تحبيني
بشرى:انا من قالك 😥
مؤيد :حراكات و نظراتك وكل شي يقولو انك تحبيني وحتى انا نحبك وبنعوضك على كل شي فات وسامحينى على كل دمعه نزلت منك 😞
بشرى:اي صح انا نحبك بس انت مش مجبور مدامك ماتحبنيش ماتوهمش روحك وتقنع روحك انك تحبنى😪
مؤيد : "حضنها" بشرى انا ماقلتش لكلام هدا الا ما انا مقتنع ان نحبك و حسيت بيك بديت لما نشوفك نفرح و ننسى كل همى
بشرى : "تبكى😭"
مؤيد :"يمسحلها في دموعها" معادش نبي نشوفك زعلانه و تبكى
بشرى: "حضناته " حااضر
مؤيد :مافيش اسرع من دموعك انتى ههههه😂
بشرى:ههههه مه كله منك
مؤيد :باهى توا شن درتلك انا
بشرى:مه قتلى نحبك
مؤيد :خلاص معادش نقولها معناها
بشرى :ههه لالا خلاص
"قعدو يتمشو بشرى و مؤيد "
بشرى:ااااه "طاحت "
مؤيد :بيشااااا حبيبتى صارتلك حاجه😨
بشرى :اااه رجلى " تبكى 😭"
مؤيد :يارووحى " حوللها السبيدرو و قعد يحركلها فيها"
بشرى:لاااا توجع
مؤيد :معليشي حبي " حول الشال متعه و داره ع رجلها" هي خلاااص
بشرى:خساره نبي نلود في الغابه
مؤيد : " قامها " وشن المانع اهو نلودو😘
بشرى:رزينه عليك
مؤيد :انتى بتموتى و تقولي رزينه
بشرى:خلاص منا هههه
------/---
عند دنيا وسالم
سالم: دنيا
دنيا:نعم
سالم:من اللي كنتي تكلمي فيه امس
دنيا: مفهمتش علاش هامك الموضوع
سالم:طبعا يهمني لان (وسكت)
دنيا:لان شنو
سالم: ولا شي
دنيا:باهي هيا واضحك بلا نكد خير مانولي للحوش😂
سالم:ههه هيا
وهما ماشيين سمعو صوت كلب
دنيا(خافت): صوت كلب وله😳
سالم: اي خيرك خفتي
دنيا: هه لا اكيده مخفتش😅
سالم:ههه باهي
وشويه وجاهم كلب يجري
دنيا:ااااا(ولبدت ورا سالم)
والكلب زاد قرب منهم
دنيا ركبت علي ضهره😂
دنيا: وووووه عليا بعده بعيد
سالم: هههه بالشويه وبعدين كيف تبيني انبعده وانتي راكبه علي ظهري
دنيا:والله مانازله لن يقلب وجهه
سالم: هههه باهي باهي (وخدي لوحه وحذفها والكلب جري وراها)
سالم: هي انزلي ولا عجبك الجو
دنيا: (نزلت)
سالم: هههههه هدا غير مخفتيش منه امالا كان خفتي كيف اديري😂
دنيا:زيد تسهوك شن تبيني اندير نخاف منهم الكلاب😪
سالم:هههه لكن منظرك من لاخير
دنيا:باهي خلاص ههه
------------
عند ريهام وسيف
سيف ريهام
ريهام :ياريت طلعنا كلنا😒
سيف:وخرنى مش عجبك انا ولا كيف
ريهام :الحق الحق اي انت براده😂
سيف:تو نوريك انا "قعد يجري وراها "
ريهام :هههههههه مبردك ههه خلاص يادراه دهشت "وقفت "
سيف: شديتك ههه "وقامها😍"
ريهام : هههه يابارد بطل
سيف: "سرح في عيونها " هيما
ريهام :نعم
سيف:شن درتيلي
ريهام :كيف
سيف:بديت معادش نقدر نكمل يومى من غير مانشوفك و الناشبك😍
ريهام :سيف نزلنى خلاص😥
سيف: هاه "نزلها "
"قعدو يتمشو وساكتين وكل واحد فيهم يفكر في شي "
سيف "خيرها اكيد ماتبينيش واضح اصلا امس زعلت واليوم زعلت من كلامى اصلا انا حمار علاش قتلها هكى😩"
ريهام "خيره هدا يعنى حق كلام لبنات يحبنى لكن انا مانبيش نحب تانى اوووف "
------------------
سمر وسلمى
سلمى :ههههههه تي والله مسكين تخزرط يحسابه خوي
سمر :ههه مبردك لكن هدى عمله
سلمى:يستاهل بش مايعودهاش
سمر:تعرفى خايفه من الموضوع هداكه😓
سلمى:ماتخافيش ليث قد حاله يعنى انا مانعرفاش لكن انتم تحكو عليه باين ان راجل ويقدر ع مراد
سمر:انشاء الله لان مراد هدا طير شر 👿
سلمى:به فوتى توا تعالى نستمتعو
سمر:ههه شوفى كلب
سلمى:ووووووووه ياماما يمااا حيي عليا😱 "وتجري"
سمر:"شاده الكلب و تشوف ل سلمى" ههههههههه تي تعالى حشمتينا ههه😂
سلمى:كلب يعع اطلقيه ينتش اطلقى
سمر:حيي كلب وراك
سلمى: "كبشت في شجره " لاااااااااااا ياماما😭
سمر:ههههههههههه تي نبصر انزلى انزلى
سلمى:لاا اهوا حوليه لزيه اللي في ايدك
سمر: "لقت الكلب هرب" انزلى حشمتينا قدام الكلب😂
سلمى:والله ماعاد طالعه معاك يامجرمه ياكلبه تفوووو
