#حوش_العيلة
#الحلقة_8
العيله قعدو يهدرزو وجوهم تمام و جي الليل
( كلهم روحو الا سمر وشهد ودنيا و ريهام لان عطله )
سمر: ( راقده و تشوف لسقف و تاكل في شكلاطه) هيما خيرك انتى و سيف
ريهام :(شافتلها) خيرنى
سمر:( قعمزت ) تتعاركو ياخوفى تصير قصه حب بعد العراك هدا هه😂
ريهام :قصه جفاف مش حب نوضي تحركى من مكانك
شهد :ههه والله يقتلو بعض😂
ريهام :مبرد وجهكم
دنيا:باهى ليش لا سيف كويس
سمر:اي صح جربي
ريهام :تتكلمو و كأنكم مش عارفين شن صار معاي انا و علاء😪
سمر:هدا مش سبب مقنع
شهد:صح القصه فاتت
دنيا :معقوله توقفى حياتك على خاطر شخص ما يستاهلش😒
ريهام :بالله فكونى وارقدو تصبحو على خير
لبنات :وانتى من اهلو
............................
عند كريم
كريم( ياريت الاسبوع كلمه خميس و جمعه بش نشوفها وقطع تفكيره 😍)
رساله
ياسمين (على فكره بنبدا ديما نضحك ره)
كريم (هدا المطلوب ديما نبي نشوف ضحكتك )
ياسمين ( ههه باهى شن مسهرك يا بارد)
كريم ( نفكر فيك )
ياسمين( علاش )
كريم ( مه بديت نحبك😘😍 )
ياسمين :معادش ردت ( حي حي هدا شن يقول هيي يحبنى قال حي عليك يا ياسمين لالا يكدب اكيده نهار الاسود كريم حي كريم يحبنى😱 ) سلمى نوض ياسلمى
سلمى:خير فيتك الهم عندى جامعه الصبح انخمدي
ياسمين :تي نوضي حي حي نوضي
سلمى: ( ناضت مقعمزه) من مات
ياسمين : (عطتها كف ) تي اصحى عطيك موت
سلمى:هااا خيرك هي
ياسمين :شوفى شن بعتلى كريم😨
سلمى:حي حي الولد طاح فيك ..بعدين من امتى الهدرزه في التليفون انتى وياه
ياسمين: (حكتلها كل شي)
سلمى:هه ياعليك كريم مداير فيها سبيدرمان 😂
ياسمين :مبردك اوف
سلمى:ههه باهى خلاص يحبك يحبك وحتى انتى شكلك تحبيه ارقدي توا
ياسمين :منوضاتك بش نحكيلك ياحماره
سلمى:ارقدى انا ما نفهمش فيهم الحاجات هدى بكرا قولى ل ريهام
الساعه 7
ياسمين :سلمى انا طالعه نسخن السياره
سلمى:باهى شويه و نلحقك
ياسمين ( تسخن في السياره )
سيف:صباحو الحلو
ياسمين :صباح الورد يابارد
سيف:وين خدمه
ياسمين :ايه و بنوصل سلمى
سيف:باهى ردي بالك من الطريق نتلاقو (امشي )
ياسمين:طيب فيك ياحنه
سلمى :اسكتى مرض ..حي شوفى من جاي
ياسمين :تو بيقولى علاش ما رديتيش
كريم..عمران :صباح الورد😚
سلمى..ياسمين : صباح النور
عمران :مؤيد راقد
سلمى:ايه
عمران :انزلى نوضيه
سلمى:احلم تو يقعد يكشخ خش نوضه انت بابا و ماما نايضين ره
عمران :باهى مرض ( وخش )
كريم :ياسمين ...يااااسمين
ياسمين :ها نعم
كريم :ردي ع تليفونك
ياسمين :باهى تخرت ع شغلى سلام 😫( ومشت )
كريم ( صبح خيرها هدى ركب في سيارته و امشي )
عمران :مؤيييد ياحيوان نوووض ..تي النم نوض😠
مؤيد :خيرك الزح ماتخليش الواحد يرقد
عمران :بنمشو للجامعه نوض
مؤيد :باهى اطلع تو نبدل و نجي
عمران :ماتعطلش خيره ما نمشي ره
مؤيد :فهمنا النم
ناض بدل وطلعو
بشرى جتهم تجري وداهشه: اووو. عمران باهي اللي لحقت عليك وصلني للجامعه فيسع😩
عمران:انا منمشي مع مؤيد في نفس السياره
مؤيد: خلاص تو نوصلاها
بشرى(ولو عيونها قلوب):باهي هي😍
وركبو للسياره وبشرى مره مره.تشبح لمؤيد من المرايا
مؤيد(لاحظ ان بشرى تشبحله لكن مباش يبين قدام عمران😉)
وصلاها ونزلت ولقت صاحبتها رغد
بشرى:صباح الورد والياسمين والفل وكل حاجه حلوه
رغد: بالله عليك😂
بشرى:ههه تفو الحق فيا
رغد:ايي شن سر هالانبساط
بشرى:ترا قولي مني جابني
رغد:اكيده ياعمران ياسيف
بشرى:غلط
رغد:امالا منو
بشرى(وهي عيونها قلوب): مؤيد اخخ
رغد:طيح سعدك😂
بشرى:اخخ يارغوده كان تشوفيه يهبلل😍
رغد:لانشوفه لايشوفني نوضي وقت عالمحاضره
بشرى:غبر فيا نسيت
وخشو لمحاضرتهم
------
عند ياسمين
فلك:صباحوو
ياسمين:صباح النور
فلك:شن الجو
ياسمين:دراه
فلك:خيرك عالصبح
ياسمين:امس في الليل هدرزت مع كريم مسجات...وحكتله
فلك: تتسهوكي
ياسمين:والله
فلك:ياناعليا من اللي مطيحتهم.ههه😋
ياسمين:مش وقت هضامتك
فلك:ت باهي خيره راقيلك اهو الولد يحبك
ياسمين: حتى احمد كان باين عليه ان يحبني
فلك:بعقلك انتي تقارني التافه هاداكا بكريم
ياسمين:كلهم زي بعض تو يومين تانيين وينقلب
فلك: ت مهما يكون هدا ولد عمك ومش حيلعب عليك وصوابع يدك مش زي بعضها😌
ياسمين:خايفه نطيح في نفس الحفره
فلك: صدقيني باين عليه يحبك
ياسمين:تو نزيد انفكر
فلك :هيا نوضي تو يجينا المدير يقربعها فوق روسنا
ومشت كل وحده لشغلها وياسمين يرن علاها كريم ومتردش
------عند كريم
كريم:اووف النم خيرها متردش(وطق الباب وكان عمر صاحبه):ادخل
عمر(مد وجهه):بس بس
كريم:اخطاني انت الاخر
عمر:مال الزين مكشر😂
كريم:😒
عمر: اووو الموضوع فيه شبحات النص كم معناها في مشكله
كريم: متبيش ترد علي مكالماتي😞
عمر: علاش صارت حاجه
كريم:امس قلتلها بديت نحبك
عمر:هههه مسكينه انصدمت😂
كريم:حتى نا فاضي نهدرز فيك نوض اقلب خليقتك
عمر:خلاص خلاص سكتت😶
كريم:باهي نبي نفهم علاش متردش توا😤
عمر:بلكي مش عاجبها😃
كريم:انا مش قتلك اقلب خليقتك😠
عمر:تو مش تسال فيا
كريم:نهدرز مع روحي
عمر:لا انت رسمي مكبد
كريم:اطلع خليني نكمل خدمتي
عمر:تمام تشاو(وطلع)
وكريم قعد يفكر خيره ياسمين تغيرت
---------
بشرى كملت محاضراتها ورنت علي عمران وجي هو ومؤيد وروحو
ركبت بشرى غيرت حوايجها ونزلت لجداها قعدت تهدرز معاها
---
عند ياسمينكملت خدمتها وخطمت علي سلمى من الجامعه وهووب روحو لحوشهم بدلو ومشو لحوش جدهم🏡
لقو بشرى وجداهم في الصاله
ياسمين وسلمى:السلام عليكم
بشرى وفوزيه:وعليكم السلام
وسلمو عليهم
سلمى:شن الجو
بشرى:تمام وانتي
سلمى:تمام
ياسمين: كيف حالك ياجداي
الجده:الحمدولله يابنيتي
ياسمين:وين باقي حديقه الحيوانات
بشرى: ههه ماندري
الجده:متمرقدين هالبايرات
سلمى:نوضو خلينا انوضوهم
بشرى وياسمين:هي
وخشو للدار اللي فاها البنات
ياسمين ادربك عالباب وسلمى تصفق 👏وبشرى ركبت فوق السرير وترقص💃
سلمى:حي حي حي حي💃
بشرى:ماشي جاي علي رجليه💃
ياسمين:يوم فراقه اندير عزي 💃
دنيا:(وهي راقده)روروروروري💤
سلمى:يامعلق حرفي في امفاتيحه
شهد:(بدت تهز في راسها😂) حي حي حي حي
ياسمين: ياشافه بوه عطاه طريحه
سمر وريهام قعمزو وبدو يصفقو: حي حي حي حي
دنيا: ياكاتب حرفي في كتاباته
بشرى:حي حي حي حي
ريهام: يامسحوه الشومات خواته
(وقعدو يغنو ويرقصو لن فشلو)
سمر: ههههه خلاص عييت
دنيا:وووه عليا جنابي
شهد:حتى وجوهنا ماغسلناهمش ههه😂
ياسمين:عاد نوضتو ترقصو زي المهبله شوفي منظرك في المرايا
بشرى:كله كوم وشعر دنيا كوم تاني😂
دنيا :علاش خيره شعري😕
ريهام:بري شوفيه في المرايا
دنيا مشت للمرايا باش تشوف شعرها وتلقاه مشفشف وحالته حاله :ااااااااااا😱
كلهم:هههههه
دنيا: نهار اسود عالشعر
سمر: من الكاراتي اللي تلعبي فاها وانتي راقده
شهد :حاله البارح عطتني كالشو منحسابش روحي انوض بعده هههه😂
دنيا: تستاهلو هه
بشرى:هيا خشو للحمام واحني نازلين نشوفو الغدي طاب ولالا
سمر وشهد وريهام ودنيا:باهي
نزلو لقو جداهم توتي في الغدي وتو معاها ونزلو البنات
الجده: راه الاولاد مش متغديين هني ديرو صونيه ليكم انتو بس
البنات:باهي
حطو البنات السفره في الدار وقعمزو يتغدو
ياسمين:بنات
كلهم:ها
ياسمين:بنقولكم حاجه
بشرى:شن
ياسمين:وحكتلهم قصتها مع كريم
شهد: اهلا بمرت خوي
دنيا: غير يولد ويسموه ههه
ياسمين:مش وقت برادتكم
ريهام :انتي علاش متكنطيه مفهمتش
ياسمين:ت انا خايفه مش عارفه شن نرد عليه خايفه يصيرلي زي ماصارلي في احمد😔
بشرى:بلا عباطه ولد عمك اكيده مش حيلعب بيك
سمر:اي صح وكريم كويس ومحترم
شهد: وانا نقول علاش متغير الفتره هادي طلعتي انتي مغيرتيه
دنيا: خلااااااص اسس خلو فيلسوفة الحب ريهام تقوللها شن ادير
ريهام:احم احم انا رأي انك تعطيه فرصه وجربي معاه مرات تحبيه وبعدين صوابع يدك مش زي بعضها واحمد كان تجربه فاشله ومفروض انتي تتخطي هالمرحله
ياسمين:هكي قولتكم
كلهم :ايه
وكملو ماكلتهم ونهضو السفره وغسلوها وخشو تفرجو عالتلفزيون
---------
في العشويه
دار البنات قهوه ومشت شهد نادت علي خوتها وصغار عمها وعبدالله كان متغدي عند مؤيد
ونزلو وقعمزو في الجنان ماعدا كريم
ريهام:وين كريم
سالم:قالي تعبان ومخاطريش
ريهام: (شبحت لياسمين)اه
شهد: انا بنركب نغير حوايجي تجي معاي ياسمين
ياسمين(استغربت):انا
شهد(فنصت فاها):اي هيا نوضي
ياسمين:هيا
وناضو ركبو
---
ياسمين:علاش مركبتيني
شهد:ياغبو هدي فرصتك لازم تكلمي كريم
ياسمين:كيف بنكلمه وامك وملاك
شهد:ماما وملاك مشو لخالتي وانتي بريله لداره
ياسمين: زعما
شهد: اي اي هيا بري خشي
ياسمين:باي شكلي كويس
شهد:تهبلي هيا (وخشت لدارها)
ياسمين:ياااارب
ووقفت قدام الباب وطقطقت
كريم: شهد مانبيش ننزل اخطيني
ياسمين فتحت الباب وخشت
كريم كان راقد وعاطي بظهره للباب
ياسمين:باهي وكان انا اللي جيتك
كريم(انصدم وتلفت): ياسميين😨(وجي واقف)
ياسمين: ههه بالشويه😂
كريم:كيف رقيتي وخشيتي لهني
ياسمين:ركبت مع شهد وهي خشت تبدل
كريم:باهي علاش مترديش علي تليفوناتي
ياسمين :ماهو هدا علاش انا جايه نتكلم معاك في الموضوع هدا
كريم :باهي قعمزي علاش واقفه
قعمزت ياسمين عالسرير وكريم عالسرير التاني
ياسمين: كريم انا مريت بتجربه فاشله وانت عارف شن صار فمن حقي ان نخاف ان يصيرلي نفس الموضوع
كريم:يعني انتي تقارني فيا في التافه هداكا😔
ياسمين:مش قصه مقارنه ارجوك متفهمنيش غلط انا لما طلعت من علاقتي من احمد
كريم (تعصب):معاش تقولي اسمه قدامي😡
ياسمين(مسكت ضحكتها):باهي
كريم(جي قعمز حداها عالسرير وشد يدها): ياسمين نحبك ومستحيل نجرحك صدقيني انتي اول وحده خشيتي لقلبي اول مره نحس في الشعور هدا والله وانا مش حنغصبك علي شي لو انا مش عاجبك علي راحتك وربي يجمعك بولد الحلال(وسيب يدها)
ياسمين: باهي بلكي ولد الحلال هدا مقعمز قدامي توا😋
كريم(انصدم):كيف يعني😳
ياسمين:يعني ان انا موافقه
كريم(وقف): احلفي
ياسمين(وقفت): ههه والله
كريم حضنها وقعد يلود باها
ياسمين: هههه نزلني يااهبل
كريم(نزلها): ههه مش مصدق😘
ياسمين: هيا انا بنطلع
كريم: تمام بعدين كلميني
ياسمين: تمام باي(وطلعت)
كريم(حط يده علي قلبه):اخخخ😍
-------
طلعت ياسمين من الدار ولقت شهد تستنى فاها وجتها تجري
شهد:شن صار قلتيله باهي وهو شن قال
ياسمين: ههه اهدي تو ننزلو ونحكيلك مع البنات
شهد:باهي هيا
ونزلو للشباب لوطا
ياسمين وشهد:احنا جينا
عبدالله:باه وكان هدا
شهد:كخكخكخ😁
ونزل كريم:سلااام
كلهم:سلامات
سالم:خيرك نضت مش قتلي تعبان
كريم:ماهو توا صحصحت(وغمز لياسمين)
ياسمين تحشمت
عمران:اي شنو العطله هادي وين بنمشو
ريهام:شن رايكم نمشو للبحر😜
بشرى:لالا فكينا منه ديما نمشوله
مؤيد:شن رايكم نمشو لحوش الجبل😍
دنيا:حييي فكره
سيف:اي فكره حلوه لكن قولتكم جدي يقول باهي
كريم:اي صح جدي مش حيقوللنا باهي😞
دنيا:سالم يكلمه
سالم(شبحلها):انا
كلهم شبحوله
سالم:لالا طلعوني من راسكم منقدرش نسيب خدمتي😒
ياسمين:ديما وانت تخدم خود اجازه😢
سلمى: اي هيا والنبي
سالم:انفكر
سمر:ت مش وقت تفكير ياراجل نوض كلمه توا توا
سالم:وااك باهي
وناض وخش للحوش وكيف بيخش للمربوعه يتلفت يلقاهم كلهم وراه
سالم: هههه باهي خشو انتو وخلاص😂
مؤيد: لالا انت الكبير ماتجيش
شهد: ت هيا وراس سلومه خش
سالم فتح الباب وخش
سيف :شهد انتي طشه خشي من تحت الباب واسمعيلنا شن يقولو
شهد:هيهيهي يازريف
بشرى:اسس خلوني نسمع(وحطت وذنها )
دنيا:سمعتي حاجه
بشرى:لالا يتكلمو في شلاتيتهم😒
ريهام:اصبرو وخلاص
سمر: متحمسه لشن بيصير اكتر من نتيجه امتحاناتي
كريم:من الشطاره😂
وانفتح الباب وطلع سالم
كلهم: شن صار
سالم:كنت عارف حيقولي لا😞
عمران: اوف ياعليك حظ
ياسمين :خسارها
سلمى(طرمت شواربها): عليك هم
دنيا: حااله
سالم:مقلتوليش امتى تبو تمشو😌😎
كلهم:شبحوله:ياااتاافه😳
.......يتبع
كاتبة ❤
DA NO Remo Rm
