❤#حوش_العيلة❤
#الحلقة_10
~~~~~~
عند دنيا وريهام
دنيا خشت للدار لقت ريهام سرحانه ودموعها ينزلو
دنيا:هيما
هيما(استاقضت مسحت دموعها):نعم😥
دنيا: من زعل تؤامي العسل😍
ريهام: دنيا معنديش جو للبصاره😥
دنيا: اووو هدا موضوع يبي تقعميزه(ساوت تقعميزتها)اي احكيلي شن صار خيره امبكري
ريهام:امبكري لما نحطو في الوسايد انا وسيف....وحكتلها
دنيا: اتبصري بجديات ضربتيه كف😳
ريهام:اي
دنيا:باهي علاش اوفرتي في الموضوع
ريهام:شن علاش اوفرت انا منبيش يصير شي بيني وبين سيف انتي عارفه شن صارلي بعد علاء انا منبيش نحب من بعده علاش كان احلى حاجه في حياتي بس هو غدر بيا ومشي خطب بنت عمه
دنيا:باهي من قالك انتي حبي سيف
ريهام: اكتر من مره لما يصيرولنا مواقف زي هادي نحس في قلبي قريب يوقف والنفس يهرب انا خايفه نطلع انحبه
دنيا: شوفي ريهام لو قدرك انك تحبيه مستحيل تقدري تغيري الشي هدا او تمنعي روحك من انك تحبيه وبالنسبه لعلاء خلاص مرحله وفوتاها القصه هادي صارت من 3سنين معقوله لتوا منسيتيش خلااص انسيه لازم تجربي من جديد لو بتقعدي عايشه ع خياله معادش يصير منك ره انا ليا هلبا ساكته لان مانبيش نجرحك لكن خلاص ره ..كل ما تدكريه ادكرى قداش بكيتي و نقهرتى
ريهام : "حضنتها" انشاء الله
دنيا :هيا نطلعوو ومعادش نبي نشوف وخيتى لعسل تبكى😍
ريهام :هههه حاضر هيا😂
"طلعو دنيا و ريهام و لقوهم باديين يشوو"
مؤيد: وين كنتو ياتؤام الشر
دنيا: كنا وين ماكنا ريح روحك
مؤيد: عليك طولة لسان😒
ياسمين: مزال مطابش هيا جعانه
عمران:انتي امتى مش جعانه نبي نفهم
ياسمين:ناكل من رزقك امالا
سالم:اوووو اهو طاب
شهد:جيب جيب اخخخ صنته تهبل😍
عبدالله:حتى هو الكابتن سالم
كريم:اي والله الشواء بعده حرام
دنيا في خاطرها(ويعرف يشوى ياحليلي 😍شن نخرط انا مفضاني😫)
سالم: تنفخو فيا راه
سلمى:ولا يهمك جايبه معاي خلال
سالم:منوره
عمران:ياسمين خيره صاحبتك لسانها واكله الفار ولاشني
ياسمين: اي حق فلوكه خيرك ساكته
فلك(بهدوء☺️):لاشي نسمع فيكم
عمران:يناعليا😍
مؤيد:تحشم مرض ههه😂
عمران:ديما صاحبتك هكي هاديه
ياسمين:ههههه سخفتني قداشك مخدوع فاها😫
فلك:خليه مخدوع بلاش فضايح هههه
ياسمين: هادي كان توريك الوجه التاني اتغير رايك
عمران:لهدرجه هه
ياسمين: واكتر تعرف مره واحد عاكسها في الطريق دارت العار لمت علي الشارع مسكين الولد هرب يجري😂
كلهم : هههههه😂
فلك: منوره عالفضايح😂
عمران :ههه علاش فضايح انا نحب البنت لقويه 😍
فلك :من طلب رأيك فينى😰
سالم :بالديرو زي ريهام وسيف مش رأي ره
سلمى:هههه مازيهم حد هدو
"سيف ريهام شافو لبعض"
دنيا :"توشوش ل ريهام " شن بنديرو في الخطه بيهبلنى هدا ره
ريهام :ههه طحتى تعالى نقولك شن الديري "قعدت تشرحلها"😂😂
'تعشو مع بعض ويهدرزو '
سالم :انا لتالى بندخن
سيف: "ناض و هوا ساكت "
ياسمين :الحقيه
ريهام :حقا
سلمى:ايه برى
دنيا :هيا هيما شن قلنا امبكرى
ريهام:"ناضت وراه"
ياسمين :لولاد وين
شهد:مؤيد و عمران وعبد الله رقدو و سالم لتالى و كريم ماندري
ياسمين :كريم خليه شوري هههه " وناضت
سمر:هبلت البنت ههه 😂
فلك :الحمد الله االلي قدرت تنسى احمد
دنيا :ايه باهى االلي ماقعدتش زي ريهام
فلك :خيرها ريهام 😳
"قعدو يحكولها لبنات"
دنيا : "ناضت من جنب لبنات و طلعت لتالى " ايوا حبي😍.. ههه ..اي في الجبل.. امم ياريت..هههه حتى😍 انا
"سالم كان يسمع فيها و مستغرب و هيا مدايره روحها ما تشوفش فيه لان ظلام "
سالم :"وقف قدامها" سكرررري الخرا 😠
دنيا:تمام نحكو بعدين اوكي بااي ...خيرك تعيط
سالم :فييي من تكلميي😠
دنيا :حاجه مش شورك☺
سالم : "شدها من ايدها" تكلمى خيييرك 😠
دنيا :بكونك من تسال فيا
سالم :ولد خااااالك
دنيا :لا ولد خالى ماليش دخل فيا
سالم :ماتنرفزينيش ..في من تكلمى .حبي وحتى انا اكيد حبيبك
دنيا :علاش شاغل بالك انت "فكت روحها منه و هربت "
.......عند سيف وريهام
ريهام :استنى
سيف: نعم
ريهام :اسفه 😪
سيف:مافيس داعى
ريهام :انا غلطت ونفعلت اسفه والله
سيف:لاا لا عادي 😉
"قعدو يتمشوو يدردشو
#عند_سالم
معقوله يطلع عندها حبيب ت نقتله هو وياها وبعدين انا علاش متنرفز تمشي تكلم ولا تنحرق لالا مستحيل نخلاها هي ليا انا
(وقعد متنرفز لن كمل باكو دخان)
#عند_دنيا
خشت فرحانه لان صار اللي تبيه😂😂
سمر: خيره 32 سن يبانو😒
دنيا: في موضوع لو صار منه تو نحكيلكم
بشرى:انشاءالله خير
دنيا: خير خير انا منمشي نرقد نحس في روحي بنطيح
شهد:خوديني معاك
سلمى وسمر:واحني
عند ياسمين وكريم
كريم كان يدخن وعاطي بظهره
ياسمين:بخخ🙈
كريم: حبيبتي
ياسمين(فكت منه الدخان ولوحاته):منحبش صنته
كريم(لفلها يدها وحطها وراها وقربها منه):معاش اتفكيه من يدي😍
ياسمين:اا باهي غير حول تو يطلع حد من الاولاد ويشوفونا
كريم: ويشوفونا عادي
ياسمين: كريم حبيبي انت حول باللهي عليك
كريم(عطاها خده):بوسه بس ونفكك😘
ياسمين: اكيده لا😳
كريم:خلاص معناها خليك هكي وتو يجي مؤيد يشوفنا
ياسمين: يااربي ها(وبساته)
كريم(فكها): اخخخ نحبك 😍
ياسمين:حتى نا نحبك😻
كريم:شن هيا
ياسمين:خيرك
كريم: لاحضتي ان هادي اول مره تقوليلي نحبك😍
ياسمين: ههه حقا ماهو طالعه من القلب😂😍
كريم : اخخ ياقلبي معاش نبي من الحياه شي حتى كان متت توا عادي😘
ياسمين(ضرباته علي يده):معاش تقول هكي
كريم: خفتي عليا😍
ياسمين(بدلع):يعني كان مخفتش عليك انت علي مني منخاف😍
كريم(عض شاربه):ياسمين بري خشي لان مش حيصير كويس😂😂
ياسمين: ههه باهي تصبح علي خير😍
كريم: وانتي من اهلي😍
خشت ياسمين لقت البنات بيرقدو
ريهام: شني ماتراعوش ان فيه واحدين يمصو في الليم😂
دنيا: ياناري علينا بالله
شهد: خوي طلع رومنسي وانا مندريش😂
ياسمين:كملتو
البنات :اي ههه
ياسمين:باهي اسكتو(وعيونها ولو قلوب)😍
بشرى:حي البنت دايبه😂
سلمى: انه الحب ياساده😂
فلك:مسرع الهم ههه
ياسمين:يهبل في يومين خلاني نحبه😍
سمر: ياحليلي😍
ياسمين: ههه حولو بنتمرقد
دنيا: ارقدي من شادك
ورقدو البنات كلهم الا فلك
فلك: اوف مش قادره نرقد نطلع برا الجو حلو
وطلعت للجنان ورقدت عالعشب وتتفرج عالنجوم
في نفس الوقت عمران كان مش جايه نوم وطلع بيدخن ولقي فلك راقده عالعشب جي حداها ورقد
فلك:ووه عليا خلعتني😳😱
عمران: ههه متخافيش طالعه بروحك😂
فلك:شن بيجيني يعني
عمران:جيت حداك قلت بالك يجاها كلب ولا حاجه😂
فلك(قعمزت):قصدك في كلاب😳
عمران: اي جيرانه عندهم كلب ومرات في الليل يطلقو فيه
فلك(خافت) : ااا (وسمعت كلب ينبح شدت في يد عمران)😥
عمران(شاف ليدها): كان خايفه تقدري تقعدي شاده يدي😍
فلك: ناقص غير نشد يدك😠
عمران(نهض يدها): لكن شديتاها😂
فلك(انحرجت فكتها): ااا اسفه انا بنخش تصبح علي خير😳
عمران: حتى نا بنخش وانتي من اهل الخير
خشت فلك وهي وجها الوان ورقد في فراشها وتشبح للسقف
فلك:طيح سعدي شن شاده في يد الولد اخخ لكن عيونه الزرق يهبلو انا شن نخرط نرقد خيرلي من التفتفيت
وغمضت عيونها ورقدت
الصبح8:30
شهد:سمر ياسمين ياخلايق نوضو😒
سمر: خليني نبي ننخمد😒
شهد: دنو هيما نوضو انتو😍
دنيا:اقلبي خليقتك😒
ريهام: زي ماقالتلك
شهد:تفو سوسو بيشا نوضو
بشرى: اطلعي برا
شهد: مرض هاشكالات والله ماعد منوضتكم😒
طلعت من الدار وخشت للكوجينه
شهد: جعانه بنمووت شن فيه زعما(وفتحت التلاجه وتغني) وانا حالي حالي حالي حس بحالي يالغالي
اممم في نوتيلا😍😍
وخدتها وخدت كاشيك وقعد تاكل
عبدالله خش علاها في الكوجينه
عبدالله: صباح الخير😍
شهد:صباح النور☺
عبدالله: انتي بس نايضه
شهد: اي نوضتهم مابوش ينوضو
عبدالله: شن تاكلي
شهد:نوتيلا تبي😜
عبدالله(جاب كاشيك وخدي منه)
شهد: لاااا بالشويه خليلي(وعبت الكشيك وكلاته ولبزت خدها)😠
عبدالله:فمك ملبز. ياختشه
شهد :وين
عبد الله: قرب منها ومسحلها فمها ببوسه 😍💋
شهد: خود هااا 😳
عبد الله : لا فطرت انا 😍
شهد(ارتبكت ): ااا انا منمشي انوض البنات(وطلعت)
عبدالله(يحك في لحيته): هههه شن درت انا
وطلع للجنان وهو مبتسم😍
شهد: حيوان كيف دار هكي مفروش عطيته كف 😡
شهد خشت للدار تجري
سمر: خيرك جايه تجري خلعتيني
شهد: ااا لا شي جيت بنوضك كسدت بروحي
سمر(رفعت حاجبها): شن صاير
شهد: اا لا. اا شن بيكون صاير يعني
سمر: تو اندير روحي مصدقه
شهد: هيا نوضي نبي ناكل
سمر: باهي غير نخش للحمام
شهد:وانا تو انوض باقي الفريق
سمر: باه(وخشت للحمام)
شهد:( جت فوقهم وعيطت) نوووووضووووو😡
البنات جو مقعمزين
سلمى: طرشتيني ياكلبه😠
ياسمين: تفو باهي
دنيا وريهام: خلعتينا نحسابوك بتموتي😂
شهد: قاعده علي كبدكم هيا نوضو جايين باش تتمرقدو😂
بشرى :باهي نضنا
فلك:صبااحو
شهد:صباح الورد
وناضو البنات كلهم وخشو للكوجينه وتو الفطور ونادو عااولاود وقعمزو يفطرو
مؤيد: بيشا ترا صبيلي شاهي
بشرى صبتله ومدتهوله:حاضر هاكي
مؤيد(استقصد يمس يدها) شكرا😍
بشرى(تحشمت) عفوا
سمر: بنطلعو اليوم
عبدالله:وين بتمشي
سمر: بنطلعو نلودو في الغابه شن تبينا نقعدو في الحوش😒
عمران: بلكي يقابلوكم كلاب في الطريق(وشبح لفلك)
سمر: لالا عادي مايجينا شي
شهد: اي هيا بالله عليكم
سالم:افطرو وتو نطلعو
البنات: هيييي
ياسمين: اسمعو انقولهالكم من توا كل زوز يمشو مع بعض فكونا مش المشي مع بعض تقول معسكر😂
مؤيد: اي صح
ياسمين:(وقفت ) انا اللي قلت الفكره معناها انا اللي انقسمكم☺
اول واحدين سيف وريهام😍
عمران: ههه لااا انتي تبيهم يقتلو بعض😂
ياسمين :لالا مايديرو شي😂
تاني واحدين عبدالله وشهد 😘وتالت واحدين عمران وفلك😜 ورابع واحدين سالم ودنيا 😍وخامس واحدين انا وكريم 😍وسادس واحدين مؤيد وبشرى😍 وسابع واحدين سمر وسلمى😂
سلمى: اشمعنى كلكم بنت وولد الا انا 😡
دنيا: معاك سمر وتقولي نبي ولد خزي😂
سمر: زيدي وكتري ياسلمى😒
ريهام: هيا نوضو ياسركم ماكله نوضو بدلو
كلهم :هي
خشو كلهم بدلو وطلعو وقسمو روحهم ومشي كل تنائي في جهة
...يتبع
كاتبة 💜
Remo Rm DA NO
