نصف عذراء بين انيابك قاتلي

مشهدد

مشهد من رواية...نصف عذراء بين انيابك قاتلي

بقلمي...سمو العراق.

👇👇👇👇👇👇👇👇👇👇
جان يسوق بسيارته بسرعه جنونيه والدخان ما فارك شفايفه...

الي يشوفه يكول اكبر ملوث للبيئه

الجكاره تسعر وتلهب بسرعه من أنفاسه الحاره...

لكن روحه المجروحه اقوئ وابشع من نار جهنم...

اليوم بالذات حس نفسه خلق من نار الحقد

اي حااقد ومحد يوصل الحقده

همس بداخل نفسه...تااااج اتمني المووت والله والله المووت ما يخلصج مني

والله لعذبج اكثر من عذاب البرزخ يا عاااار

منو الي يوكعج بيدي وين صرتي بيا ارض موجوده...

رجع بمخيلته لقبل الحادث بسنه...

من شافها طلعت من غرفتها وهي لابسه صدريه قصيره وشعرها القصير. زايدها جاذبيه...

وكفت مقابيل الطاوله واخذت كوب الحليب شربت شويه ورجعته

باوعت عليه وببتسامه حلوه همست...صباح الخير

هو حط ايده علئ شعرها القصير وبعثره بخبث ورد عليها صباح النور...

بعدت ايده باانزعاج ودلع وتكلمت بضيق...عمووو كم مره كتلك لا تخرب شعري

ضحك بهدوء ورد عليها...شوكت تتحجبين اختج الاصغر منج تحجبت وانتي ماكوو احنه منريد نضغط عليج ولا انجبرج بس انريدج من ذاتج حتئ تحبين الحجاب

ردت بثقه...نو نو مااحبه يخنكني

اتصل موبايلي باوعت للخط وابتسمت راحت باست ابوها واخذت جنطتها وطلعت هي واختها....

رجع الذاكرته وضرب الستيرن بقوووه وهمس...يااااعاار قشمرج منو لعب بعقلج وين صرتي وييييين

ابوج انجلط من وراج واني مبتلي لازم اطم عارج يا حشره

وصل لمنطقه بالحواسم تعبانه حيييل وناسها تعبانين...

نزل من سيارته لحديثه ووكف مقابيل بيت تعبان حييل

دك الباب وهو متقرف من الوضع

لكن احتمال تكون موجوده بالمنطقه لان وين الدايح بيها

رجع دك الباب واجه صوت مسلم ابو طبره

مسلم...ومرض منوو منوو واحد ما ينام شوويه كلها تضل تدك هم تموز وهم ماتكعدون ببيوتكم...

عقد حواجبه بضيق لو يوكع مسلم بيده يمكن يخنكه

فتح الباب وتفاجئ منه فتح عيونه بصدمه وخجل

اخذ التحيه بمراوغه ورحب بطريقه بس هو المختص بيها...هلا بسيدي هلا بمعتصم