ﺑﺎﺭﺕ ﺍﻟﺜﺎﻣﻦ ﻋﺸﺮ
ﺭﻭﺍﻳﺔ ... ﻧﺼﻒ ﻋﺬﺭﺍﺀ ﺑﻴﻦ ﺃﻧﻴﺎﺏ ﻗﺎﺗﻠﻲ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔
ﻛﻨﺖ ﻣﺴﺘﻌﺪﺓ ﺍﻥ ﺃﺧﻮﻅ ﻛﻞ ﺍﻧﻮﺍﻉ ﺍﻟﺤﺮﻭﺏ ﻣﻦ ﺃﺟﻠﻚ .. ﻛﻨﺖ ﺃﻧﺘﻈﺮ ﻳﻮﻡ ﺗﺘﻨﺎﺯﻝ ﻋﻦ ﻛﺒﺮﻳﺎﺋﻚ ﻭ ﺧﺼﺎﻣﻚ ﻟﻲ .. ﻭﻟﻜﻦ ﻟﻢ ﺃﻛﻦ ﻣﺴﺘﻌﺪﺓ ﻟﺨﺬﻻﻥ ﻭﺧﻴﺒﻪ ﻣﻨﻚ .. ﺑﺮﻭﺩﻙ ﻭﻓﻌﻠﺘﻚ ﺍﻟﺸﻨﻴﻌﻪ ﺑﺤﻘﻲ .. ﻧﻈﺮﺍﺗﻚ ﻭﺗﻮﺍﺟﺪﻙ ﺑﺜﻴﺎﺏ ﺯﻓﺎﻓﻚ ﺍﻣﺎﻣﻲ ﺗﻌﻨﻲ ﺑﺄﻧﻲ ﻟﺴﺖ ﺃﻋﻨﻴﻚ ﺑﺸﻲﺀ .. ﻛﺄﻧﻚ ﺗﻘﻮﻝ ﻟﻲ ﻣﻦ ﺧﻼﻟﻬﺎ ﺳﺤﻘﺎً ﻟﻤﺸﺎﻋﺮﻙ .. ﻫﺎ ﺍﻧﺎ ﺃﺗﻤﺰﻕ ﻣﻦ ﻓﺮﻁ ﺑﺮﻭﺩﻙ .. ﻫﺎﺍ ﺍﻧﺎ ﻣﻠﻜﻪ ﺩﻭﻥ ﺗﺎﺝ ﻭﺩﻭﻥ ﻋﺮﺷﻲ .. ﻓﻤﺎ ﻳﻌﻨﻲ ﺍﻟﻘﺐ ﺍﻥ ﻟﻢ ﺗﺠﺮﻱ ﻣﺮﺍﺳﻢ ﺗﺘﻮﻳﺠﻲ .. ﻟﻘﺪ ﺗﻮﺝ ﺑﻚ ﻏﻴﺮﻱ .. ﻭﺳﻠﻢ ﻋﺮﺷﻚ ﻟﻬﺎ .. ﻫﻜﺬﺍ ﺣﺎﻟﻲ .. ﻗﺎﺗﻠﻲ ﻟﻄﻔﺎً ﺑﻲ ..
.
.........................
ﻣﻴﺲ ...
ﺟﻨﺖ ﻛﺎﻋﺪﻩ ﻳﻢ ﻣﺎﻣﺎ ﻭﺍﻧﻲ ﺩﺍ ﺍﺣﻈﺮ ﺑﺎﻏﺮﺍﺿﻬﺎ ﺩﺗﺮﻭﺡ ﻫﻲ ﻭﺑﻴﺒﻲ ﻟﻠﻨﺠﻒ
ﺩﻛﻮﻝ ﺣﺎﻟﻤﻪ ﺑﻬﺒﻪ ﻭﺣﻠﻤﻬﺎ ﻣﺎ ﻣﻄﻤﻨﻬﺎ ﻭﺣﺒﺖ ﺗﺰﻭﺭﻫﺎ ﻣﺎﻣﺎ ﻣﻦ ﺍﻟﻨﻮﻉ ﺍﻟﻲ ﺗﺨﺎﻑ ﻭﺣﺪﻫﺎ ﻟﺬﻟﻚ ﺑﻴﺒﻲ ﺩﺍﺋﻤﺎ ﺗﺮﻭﺡ ﻭﻳﺎﻫﺎ
ﺳﻮﻳﺖ ﺍﻟﻬﺎ ﺑﺘﻴﺘﻪ ﻭﻟﺤﻢ ﻭﺧﻠﻴﺘﻪ ﺑﺤﺎﻓﻈﻪ ﻭﺧﺒﺰ ﻭﻓﻮﺍﻛﻬﻪ ﻭﺧﻴﺎﺭ ﻭﻃﻤﺎﻃﻪ ﻭﻃﺮﺷﻲ ﺧﻠﻴﺖ ﺍﻟﻬﺎ ﺳﻔﺮﻩ ﺻﻐﻴﺮﻩ ﻭﻫﻤﺎﺗﻴﻦ ﻣﻮﺍﻋﻴﻦ ﺑﻼﺳﺘﻚ ﻭﺳﺠﻴﻦ .. ﻭﺳﻮﻳﺖ ﺟﺎﻱ ﺧﻠﻴﺘﻪ ﺑﺘﺮﻣﺰ ﺣﺮﺍﺭﻱ ...
ﻃﻠﻌﻦ ﻭﺍﻧﻲ ﻭﺭﺍﻫﻦ ﻛﻠﺘﻠﻬﺎ ... ﻣﺎﻣﺎ ﺑﻮﺳﻴﻠﻲ ﻛﺒﺮ ﻫﺒﻪ ﻭﻛﻠﻴﻠﻬﺎ ﺍﺧﻮﺍﺗﺞ ﻳﺴﻠﻤﻦ ﻋﻠﻴﺞ
ﻣﺎﻣﺎ ﺭﺟﻌﺖ ﻋﻠﻴﻪ ﻭﺑﺎﻭﻋﺘﻠﻲ ﻭﺩﻣﻌﻪ ﺑﻌﻴﻨﻬﺎ ﺍﺑﺘﺴﻤﺖ ﻭﺑﺎﺳﺘﻨﻲ ﻛﺎﻟﺖ ... ﻳﻮﺻﻞ ﻳﻤﻪ ﺩﻳﺮﻱ ﺑﺎﻟﺞ ﻋﻠﺊ ﺗﻮﺟﻪ ﻭﺭﺍﻗﺒﻴﻬﺎ ﺍﻣﺎﻧﺘﺞ ﺍﺧﺘﺞ ﺧﻮﻭﺵ ﻳﻤﻪ؟
ﺟﺮﻳﺖ ﻧﻔﺲ ﻭﺑﺴﺘﻬﺎ ... ﺑﻌﻴﻨﻲ ﻣﺎﻣﺎ ﻻ ﺗﺨﺎﻓﻴﻦ
ﻫﻨﻪ ﻃﻠﻌﻦ ﻭﺍﻧﻲ ﺿﻠﻴﺖ ﻟﻮﺣﺪﻱ ﺑﺎﻟﺒﻴﺖ ﻓﺎﺭﻍ ﺑﺲ ﻫﺸﺎﻡ ﺑﻐﺮﻓﺘﻪ ﻣﺴﻜﻴﻦ ﻳﺎﺧﺬ ﻋﻼﺟﻪ ﻭﻳﻨﺎﻡ ﻣﻦ ﻭﻛﺖ ...
ﻭﻋﻤﻮ ﺍﻟﺘﺤﻖ ﻭﺑﺎﺑﺎ ﻫﻤﺎﺗﻴﻦ ﻋﻨﺪﻩ ﺣﻤﻮﻟﻪ ﻭﺭﺍﺡ ﻫﻮ ﻭﺻﺪﻳﻘﻪ
ﻭﺗﺎﺝ ﻓﻮﻙ ﻻ ﺣﺲ ﻭﻻ ﺧﺒﺮ ... ﻛﻠﺖ ﺧﻠﻲ ﺍﺻﻌﺪ ﺍﺷﻮﻓﻬﺎ ﻫﻲ ﻣﺘﺨﺒﻠﻪ ﻣﻦ ﺧﻄﺐ ﺍﺑﺎ ﺫﺭ ﻟﺤﺪ ﺍﻻﻥ ...
ﺻﻌﺪﺕ ﺩﺧﻠﺖ ﺍﻟﻐﺮﻓﻪ ﻭﺍﺷﻮﻭﻑ ﺯﻧﻮﺑﻪ ﻛﺎﻋﺪﻩ ﻳﻢ ﺍﺧﺘﻬﺎ ﻭﻓﺎﺗﺤﻪ ﺍﻟﻘﺒﻖ ﻣﺎﻟﺖ ﺍﻟﻤﻤﻪ ﻭﺗﺸﺮﺏ ﺑﻴﻬﺎ ﻭﺗﺨﻠﻲ ﺑﺴﻜﺖ ﺑﺤﻠﻜﻬﺎ ...
ﺭﻛﻀﺖ ﻋﻠﻴﻬﺎ ﺑﺴﺮﻋﻪ ﻭﺧﺮﺗﻬﺎ ﻭﺍﺷﻮﻑ ﺍﻟﺒﻨﻴﻪ ﺯﺭﺭﺭﺭﺭﺭﺭﻛﻪ ﻭﻋﻴﻮﻧﻬﺎ ﻣﻔﺘﻮﺣﻪ ﻭﺧﺸﻤﻬﺎ ﻭﺣﻠﻜﻬﺎ ﺗﺼﺐ ﺣﻠﻴﺐ
ﺻﺮﺧﺖ ﺑﺼﻮﺕ ﻋﺎﻟﻲ ﻭﺍﻧﻲ ﺍﻛﻮﻭﻭﻝ .... ﻳﻤﻤﻤﻤﻪ ﻭﻟﺞ ﺗﺎﺍﺍﺍﺝ
ﻃﻠﻌﺖ ﺍﺭﻛﺾ ﺑﺨﻮﻭﻑ ﻭﻣﺎ ﺍﺷﻮﻑ ﺍﻟﻪ ﺯﻳﻨﺐ ﻣﺼﻄﻜﻪ ﻭﻻﺯﻛﻪ ﺑﺎﻟﺤﺎﻳﻂ ﻭﺗﺒﺠﻲ
ﻭﻣﻴﺲ ﺷﺎﻳﻠﻪ ﺯﻫﺮﺍﺀ ﻭﺗﺪﻙ ﻋﻠﺊ ﺿﻬﺮﻫﺎ ...
ﺻﺮﺭﺧﺖ ﺑﺼﻮﻭﺕ ﻋﺎﻟﻲ ... ﺯﻫﺮﺭﺭﺭﺍﺀ
ﺍﺧﺬﺗﻬﺎ ﻣﻦ ﺍﻳﺪ ﻣﻴﺲ ﻭﺍﻧﻲ ﺍﺭﺟﻒ ﻭﻣﻤﺘﻤﺎﺳﻜﻪ ﻣﺴﺤﺖ ﺷﻔﺎﻳﻔﻬﺎ ﺍﻟﺤﻠﻴﺐ ﻳﻄﻠﻊ ﻣﻦ ﺧﺸﻤﻬﺎ ﻭﻋﻴﻮﻧﻬﺎ ﻣﻔﺘﻮﺣﻪ ﻭﺯﺭﻛﻪ
ﺻﺤﺖ ﺑﺼﻮﺕ ﻋﺎﻟﻲ ... ﻣﺎﻣﺎﺍﺍﺍﺍﺍ ﻣﺎﺍﺍﺍﻣﺎ ﻳﻤﻤﻪ ﺯﻫﺮﺍﺀ ﺯﻫﻮﻭﻭﺭﻩ ﺣﺒﻴﺒﺘﻲ ﺷﺒﻴﻬﺎ
ﺭﻛﻀﺖ ﻣﻴﺲ ﺑﺴﺮﻋﻪ ﻧﺰﻟﺖ ﺟﻮﻩ ﻭﺍﺟﺖ ﺻﻌﺪﺕ ﻛﺎﻟﺖ ... ﻟﺞ ﻣﻴﺲ ﻣﺎﻣﺎ ﻭﺑﻴﺒﻲ ﻣﻮ ﻫﻨﺎ ﺭﺍﺣﻦ ﻟﻠﻨﺠﻒ ﻧﺴﻴﺖ ﻭﺍﻟﻠﻪ ...ﺭﺍﺣﺖ ﺗﺮﻛﺾ ﻏﺴﻠﺖ ﻭﺟﻬﻬﺎ ﺑﺴﺮﻋﻪ ﻭﺗﺒﺠﻲ
ﻛﺎﻟﺖ ﺑﻨﺤﻴﺐ ... ﺑﺴﺮﻋﻪ ﺣﻀﺮﻱ ﻧﻔﺴﺞ ﻧﺮﻭﺡ ﻟﻠﻤﺴﺘﺴﻔﺊ
ﺍﻧﻲ ﺑﺪﻭﻥ ﻋﻠﻤﻬﺎ ﺑﺴﺮﻋﻪ ﺧﺎﺑﺮﺕ ﻋﻠﺊ ﺑﻴﺖ ﻋﻤﻲ ﻭﺍﺩﻳﻪ ﺗﺮﺟﻒ ﻣﺎ ﺍﻋﺮﻑ ﻣﻨﻮ ﻃﻠﻌﻠﻲ ﻻﻥ ﻣﻦ ﺧﻮﻓﻲ ﻭﺑﻜﺎﺋﻲ ﻣﺎ ﻣﻴﺰﺕ ﺍﻟﺼﻮﺕ ﺣﺠﻴﺖ ﺑﺴﺮﻋﻪ ﻭﻗﻔﻠﺘﻪ
ﻫﻲ ﻟﺒﺴﺖ ﺻﺎﻳﺘﻬﺎ ﻭﻟﻔﺖ ﺷﺎﻟﻬﺎ ﺑﺈﻫﻤﺎﻝ ﻭﺷﺎﻟﺖ ﺯﻫﺮﺍﺀ ﻭﻧﺰﻟﺖ ﺗﺮﻛﺾ ﻭﺍﻧﻲ ﻭﺭﺍﻫﺎ ﻭﺯﻧﻮﺑﻪ ﺗﺒﺠﻲ ﻣﺘﻌﺮﻑ ﺷﻨﻮ ﺍﻟﺴﺎﻟﻔﻪ
ﺟﺎﻧﺖ ﺗﺎﺝ ﺣﺎﺿﻨﻪ ﺯﻫﺮﺍﺀ ﻭﺗﺒﺠﻲ ﺣﻴﻴﻞ ﻭﺗﺒﻮﺱ ﺑﻴﻬﺎ ﻭﺍﻧﻲ ﻻﺯﻣﻪ ﺯﻳﻨﺐ ﻭﺍﺑﺠﻲ ...
ﻭﻛﻔﻨﻪ ﻋﻠﺊ ﺍﻟﺸﺎﺭﻉ ﺍﻟﻌﺎﻡ ﺩﻧﺎﺧﺬ ﺳﻴﺎﺭﻩ ﻣﺎﻛﻮ ﺟﺎﻥ ﺩﻧﻴﺎ ﻟﻴﻞ
ﺻﺎﺣﺖ ﺗﺎﺝ ﺑﻌﺼﺒﻴﺔ .. ﻟﺞ ﻣﻴﺲ ﺷﻮﻓﻲ ﺳﻴﺎﺭﻩ ﺑﺴﺮﻋﻪ
ﺭﻛﻀﺖ ﺑﻨﺺ ﺍﻟﺸﺎﺭﻉ ﺍﺩﻭﺭ ﺳﻴﺎﺭﻩ ﻣﺎﻛﻮﻭ ﻳﺠﻦ ﻛﻠﻬﻦ ﺑﻴﻬﻦ ﻧﺎﺱ ﺍﻭ ﻣﺎﻛﻮﻭﻭ
ﻓﺎﺗﺖ ﺳﻴﺎﺭﻩ ﺍﺷﺮﺕ ﺍﻟﻬﺎ ﺑﺴﺮﻋﻪ ﺑﺲ ﺧﻔﺖ ﺣﻴﻞ ﺍﺣﻨﻪ ﺑﻨﺎﺕ ﺻﻐﺎﺭ ﻧﺨﺎﻑ ﻧﺮﻛﺐ ﻭﺣﺪﻧﻪ ...
ﻣﺎ ﺍﺷﻮﻑ ﺍﻟﻪ ﻭﺍﺣﺪ ﻧﺰﻝ ﺟﺎﻥ ﺍﻟﺠﻮ ﻣﻀﻞ ﺑﺲ ﺿﻮﺀ ﺍﻟﻘﻤﺮ ﻋﺎﻛﺲ ...
ﺭﺟﻌﺖ ﻟﻴﻮﺭﻩ ﺧﺎﻳﻔﻪ ﻫﻮ ﺑﺎﻭﻋﻠﻲ ﺑﻌﺼﺒﻴﻪ ﻛﺎﻝ ... ﺷﺒﻴﻬﺎ ﺯﻫﺮﺍﺀ
ﺭﺟﻊ ﺑﺎﻭﻉ ﻋﻠﺊ ﺗﺎﺝ ﻭﺭﻛﺾ ﻋﻠﻴﻬﺎ ... ﻫﻲ ﻣﻦ ﺷﺎﻓﺘﻪ ﺭﺟﻌﺖ ﺧﻄﻮﺍﺕ ...
ﺍﺧﺬ ﺯﻫﺮﺍﺀ ﻣﻦ ﺍﺩﻳﻬﺎ ﻭﻫﻮ ﻳﺒﻮﺱ ﺑﻴﻬﺎ ...
ﺭﻛﺒﻨﻪ ﺑﺎﻟﺴﻴﺎﺭﻩ ﻭﺍﺧﺬﻧﻪ ﺯﻫﺮﺍﺀ ﻣﻨﻪ ﻭﻫﻮ ﺳﺎﻕ ﺑﺴﺮﻋﻪ ﺟﻨﻮﻧﻴﻪ ﺑﺤﻴﺚ ﺣﺘﺊ ﺍﻟﻄﺴﻪ ﻣﺎ ﺧﻔﻒ ﻋﻠﻴﻬﺎ ... ﺣﺴﻴﺖ ﺣﻴﺼﻴﺮ ﺣﺎﺩﺙ
ﻭﺻﻠﻨﻪ ﻟﻠﻤﺴﺘﺸﻔﺊ ﻭﺃﺧﺬﻭﻫﺎ ﺑﺎﻟﻄﻮﺍﺭﺉ ...
ﺟﺎﻧﺖ ﺗﺎﺝ ﻣﻠﻬﻮﻓﻪ ﻋﻠﻴﻬﺎ ﻭﺗﺒﺠﻲ ﻭﺗﻔﺮﻙ ﺑﺎﺩﻳﻬﺎ ﻭﺗﻔﺘﺮ ﻣﺘﻮﺗﺮﻩ ..
ﺍﺑﻮ ﺫﺭ ﺣﺎﻟﻪ ﺍﺗﻌﺲ،ﻣﻦ ﺣﺎﻟﻬﺎ ﻛﺎﻝ ... ﻣﻴﺲ ﺷﻨﻮ ﺍﻟﺼﺎﺭ
ﺭﺩﻳﺖ ﻋﻠﻴﻪ ﺑﺪﻣﻮﻉ ... ﺗﺎﺝ ﺩﺧﻠﺖ ﻟﻠﺤﻤﺎﻡ ﺗﺴﺒﺢ ﻭﺍﻧﻲ ﺟﻮﻩ ﻭﺯﻳﻨﺐ ﻓﺎﺗﺤﻪ ﺍﻟﺤﻠﻴﺐ ﻣﺴﻮﻳﻪ ﻣﻤﻴﻪ ﻻﺣﺘﻬﺎ ﻣﺎﺳﺎﺩﻩ ﺍﻟﻘﺒﻖ ﻭﺍﻟﺤﻠﻴﺐ ﻭﺍﻛﻊ ﻋﻠﺊ ﺧﺎﺷﻤﻬﺎ ﻭﺣﻠﻜﻬﺎ .. ﺍﻧﻮﺏ ﻣﻮﻛﻠﺘﻬﺎ ﺑﺴﻜﺖ
ﺣﻂ ﺍﺩﻳﻪ ﻋﻠﺊ ﺭﺍﺳﻪ ﻛﺎﻝ ... ﻻ ﺍﻟﻪ ﺍﻻ ﺍﻟﻠﻪ ... ﻏﻴﺮ ﺗﻨﺘﺒﻬﻮﻥ ﻋﻠﻴﻬﻦ
ﺳﻜﺘﺖ ﻣﺮﺩﻳﺖ ﻋﻠﻴﻪ ﻭﺍﻟﻠﻪ ﺯﻳﻦ ﻫﻤﻪ ﻓﺮﺣﺎﻧﻴﻦ ﻭﻣﻌﺮﺳﻴﻦ ﻭﺍﺣﻨﻪ ﻣﺒﺘﻠﻴﻦ ﻭﻟﻮ ﻫﻨﻪ ﺑﻨﺎﺕ ﺍﺧﺘﻲ ﺑﺲ ﻭﺍﺣﺪ ﻳﻨﻘﻬﺮ ﻣﻦ ﺷﺨﺺ ﻳﺤﺎﺳﺒﻪ ...
ﺑﺲ ﺟﺎﻥ ﻳﻠﻘﻲ ﺍﻟﻨﻈﺮﺍﺕ ﺍﻟﺘﺎﺝ ﻭﻣﺎ ﺗﻘﺮﺏ ﻣﻨﻬﺎ ﺍﺑﺒﺪ ﻣﺘﺄﻛﺪﻩ ﺍﺫﺍ ﺣﺠﻪ ﻭﻳﺎﻫﺎ ﻛﻠﻤﻪ ﻳﻤﻜﻦ ﺗﺬﺑﺤﻪ
ﺿﻠﻴﻨﻪ ﺑﺎﻻﻧﺘﻈﺎﺭ ﻭﺗﺎﺝ ﺗﺪﻋﻲ ﻭﺗﺒﺠﻲ ﻋﻠﻴﻬﺎ ﻭﺣﺎﺿﻨﻪ ﺯﻳﻨﺐ
ﻭﻫﻮ ﻳﺮﻭﺡ ﻭﻳﺠﻲ ﻣﺘﻮﺗﺮ ﻭﻛﻞ ﻣﺎ ﻳﻔﻮﺕ ﺩﻛﺘﻮﺭ ﻳﻮﺻﻲ ﻭﻳﺴﺄﻝ ﻋﻠﻴﻬﺎ ..
ﺗﺎﺝ ..
ﻛﻌﺪﺕ ﻋﻠﺊ ﺍﻟﻜﺮﺳﻲ ﻭﺣﻀﻨﺖ ﺯﻳﻨﺐ ﻣﻦ ﺍﺧﺘﻬﺎ ﻫﻴﺞ ﺻﺎﺭ ﺑﻴﻬﺎ ﺿﻠﺖ ﺗﺒﺠﻲ ﻫﻲ ﻃﻔﻠﻪ ﻣﺘﻌﺮﻑ ﺍﻛﻴﺪ ﻣﻮ ﻗﺼﺪﻫﺎ ﺗﺎﺫﻳﻬﺎ ﻭﻣﻦ ﺿﻠﺖ ﺗﺒﺠﻲ ﺍﻧﻲ ﺣﻀﻨﺘﻬﺎ ﺧﻔﺖ ﻋﻠﻴﻬﺎ ﺗﺮﻭﺡ ﻣﻦ ﺍﺩﻳﻪ ..
ﺍﺟﻴﻨﻪ ﺑﺴﻴﺎﺭﻩ ﺍﻧﻲ ﻃﺒﻌﺎ ﺷﻔﺘﻪ ﺑﺲ ﺣﻨﻴﺘﻲ ﻋﻠﺊ ﺑﻨﺖ ﺍﺧﺘﻲ ﺍﻗﻮﺉ ﻣﻦ ﻣﺸﺎﻋﺮﻱ ﻭﺣﻨﻴﺘﻲ ﻋﻠﺊ ﻧﻔﺴﻲ ﺑﺤﻴﺚ ﻣﺎ ﺷﻔﺘﻪ ﻭﻻ ﺍﻧﺘﺒﻬﺖ ﻋﻠﻴﻪ ...
ﺑﺎﻭﻋﺖ ﻋﻠﻴﻪ ﺷﻔﺘﻪ ﻻﺑﺲ ﻗﺎﻁ ﺍﻟﻌﺮﺱ ﺑﺲ ﺍﻟﺮﺑﺎﻁ ﻧﺎﺯﻋﻪ ﻗﺎﻁ ﺍﺳﻮﺩ ﻭﻗﻤﻴﺺ ﺍﺑﻴﺾ ﻭﻣﺤﺪﺩ ﻟﺤﻴﺘﻪ ﻭﻣﺨﻔﻔﻬﺎ ﺷﻮﻳﻪ ﻭﻣﺮﺗﺐ ﺷﻌﺮﻩ ...
ﺣﺴﻴﺖ ﺑﻌﺼﺮﻩ ﺑﺮﻭﺣﻲ ﻫﻪ ﻛﺎﺷﺦ ﻭﻋﺎﻳﺶ ﺍﻟﺪﻭﺭ ﺑﻠﻠﺖ ﺷﻔﺎﻳﻔﻲ ﺑﻘﻬﺮ ﺻﺎﺭﺕ ﻋﻨﺪﻩ ﻣﺮﻩ ﺛﺎﻧﻴﻪ ﻻ ﻣﻌﺘﺮﻑ ﺑﻴﺞ ﻭﻻ ﺑﺒﻨﺎﺕ ﺍﺧﺘﺞ ... ﻫﺬﺍ ﻣﺼﻴﺮﺝ ﺗﺎﺝ ﻣﻜﺴﻮﺭﺓ ﻭﺗﻀﻠﻴﻦ ﻣﻜﺴﻮﺭﻩ
ﻟﻌﺒﺖ ﻧﻔﺴﻲ ﺣﻴﻴﻞ ﻭﺣﺴﻴﺖ ﺑﺪﻭﻭﻭﺧﻪ ﺻﺒﺮﺕ ﻧﻔﺴﻲ ﻛﻮﻭﻩ ﻣﺎﺍﻋﺮﻑ ﺷﺼﺎﺭ ﺑﻴﻪ ﻟﻮﻳﺎﺕ ﺑﺒﻄﻨﻲ ﺣﺴﻴﺘﻬﺎ ﺗﺘﻜﻄﻊ ﺿﻠﻴﺖ ﺍﻟﻮﻭﺏ ﻣﻦ ﺍﻟﻮﺟﻊ ﻭﺑﺎﻟﻲ،ﻳﻢ ﺯﻫﺮﺍﺀ ...
ﻟﻠﺤﻀﺎﺕ ﺗﺸﺎﻫﺪﺕ ﻋﻠﺊ ﺭﻭﺣﻲ ﺑﺲ ﺧﻮﻓﻲ ﻣﻦ ﺍﻟﻤﻮﺕ ﻣﻨﻌﻨﻲ ﺍﺗﺸﺎﻫﺪ ﻫﻤﺴﺖ ... ﺍﺳﻢ ﺍﻟﻠﻪ ﺍﺳﻢ ﺍﻟﻠﻪ
ﻭﺧﺮﺕ ﺯﻳﻨﺐ ﻣﻦ ﺣﻀﻨﻲ ﻭ ﻭﻛﻔﺖ ﻣﺸﻴﺖ ﺧﻄﻮﺗﻴﻦ ﺑﺲ ﺭﻭﺣﻲ ﺍﺣﺴﻬﺎ ﻃﻠﻌﺖ ﻭﺍﺭﻳﺪ ﺍﺗﻘﻴﺊ ...
ﺿﻠﻴﺖ ﺍﻓﺘﺮ ﺑﻤﻜﺎﻧﻲ ﺿﻠﻤﺖ ﺍﻟﺪﻧﻴﺎ ﺑﻌﻴﻨﻲ ﻭﻭﻛﻌﺖ ﺑﻌﺪ ﻣﺎ ﺣﺴﻴﺖ ﺑﺎﻟﺪﻧﻴﺎ ...
ﻣﻴﺲ ..
ﺟﻨﺖ ﻭﺍﻛﻔﻪ ﻣﻨﺘﻈﺮﻳﻦ ﺍﻟﺪﻛﺘﻮﺭ ﻭﺍﺑﺎﺫﺭ ﻭﺍﻛﻒ ﻧﺰﻉ ﺳﺘﺮﺗﻪ ﺧﻼﻫﺎ ﻋﻠﺊ ﺍﻟﻜﺮﺳﻲ
ﺗﺎﺝ ﻭﻛﻔﺖ ﻭﺿﻠﺖ ﺗﻔﺘﺮ ﺑﺘﻮﺗﺮ ﻭﺟﻬﻬﺎ ﺻﺎﺭ ﺍﺻﻔﺮ ﻭﺭﻭﺣﻬﺎ ﺗﻠﻮﺏ .. ﺍﻧﻲ ﻋﺮﻓﺘﻬﺎ ﻣﻮ ﺑﺨﻴﺮ
ﻣﺎﻛﻮﻭ ﺛﻮﺍﻧﻲ ﻭ ﻭﻛﻌﺖ ﻣﻦ ﻃﻮﻟﻬﺎ ﺻﺮﺧﺖ ﺑﺨﻮﻑ ﻭﺭﻛﻀﺖ ﻭﺍﺑﺎﺫﺭ ﻛﺎﻥ ﺍﺳﺮﻉ ﻣﻨﻲ ﻭﺭﻛﺾ ﻋﻠﻴﻬﺎ
ﺷﺎﻟﻬﺎ ﺑﻴﻦ ﺍﺩﻳﻪ ﻭﺣﻀﻨﻬﺎ ﺭﻓﻌﻬﺎ ﺍﻟﺼﺪﺭﻩ ﻭﻫﻮ ﻳﺼﻴﺢ ﺑﺼﻮﺕ ﻋﺎﻟﻲ ﻭﻳﻀﺮﺏ ﺧﺪﻫﺎ ﺧﻔﻴﻒ ... ﺗﺎﺍﺍﺝ ﺗﺎﺍﺍﺍﺍﺝ
ﻭﺍﻧﻲ ﺍﺑﺠﻲ ﻭﺍﺻﺮﺥ ﺍﻟﺘﻤﻮ ﺍﻟﺪﻛﺎﺗﺮﻩ ﻭﺍﻟﻤﻤﺮﺿﺎﺕ ﻭﺟﺎﺑﻮ ﺍﻟﺴﺪﻳﻪ ﻫﻮ ﺷﺎﻟﻬﺎ ﺣﻄﻬﺎ ﻋﻠﺊ ﺍﻟﺴﺪﻳﻪ ﻭﺍﺧﺬﻭﻫﺎ ﻭﻫﻮ ﺭﺍﺡ ﻭﻳﺎﻫﻢ ....
ﺭﺣﺖ ﻭﺍﻧﻲ ﺍﺑﺠﻲ ﻭﺍﺗﻮﺳﻞ ﺑﺎﻟﻤﻤﺮﺿﻪ ﺩﻛﻮﻟﻲ ﺷﺒﻴﻬﺎ ﻛﺎﻟﺖ ... ﺣﺒﻴﺒﺘﻲ ﻫﺴﻪ ﻧﻔﺤﺼﻬﺎ ﻻ ﺗﺨﺎﻓﻴﻴﻦ
ﺧﻠﻮﻫﺎ ﻋﻠﺊ ﺍﻟﺴﺮﻳﺮ ﻭﻗﺎﺳﻮ ﺿﻐﻄﻬﺎ ﻭﺍﻟﺴﻜﺮ ...
ﻭﺍﺑﺎﺫﺭ ﺟﺎﻥ ﻻﺯﻡ ﺍﻳﺪﻫﺎ ﻛﺎﻝ ﺑﺨﻮﻑ .. ﻛﺘﻮﺭﻩ ﺷﺒﻴﻬﺎ
ﺟﺮﺕ ﻧﻔﺲ ﻛﺎﻟﺖ ... ﻫﺎﺑﻂ ﺍﻟﻀﻐﻂ ﺍﻟﻌﺎﻟﻲ ﻭﺍﻟﻮﺍﻃﻲ ﻭﺳﻜﺮﻫﺎ ﻣﺮﺗﻔﻊ ..300 ﻭﺻﺎﻳﺮ ﻋﻨﺪﻫﺎ ﺍﻧﻬﻴﺎﺭ ﻋﺼﺒﻲ
ﻫﻮ ﺗﺨﺒﻞ ﻛﻠﻬﺎ ... ﺷﻨﻮﻭ ﻋﻨﺪﻫﺎ ﺳﻜﺮ ﺩﻛﺘﻮﺭﻩ ﻛﻮﻟﻲ ﻳﺎﻟﻠﻪ ﻣﻨﻴﻠﻬﺎ ﺳﻜﺮ
ﺑﺲ ﺷﻨﻮ ﻫﻮ ﺗﺨﺒﻞ ﻭﺿﻞ ﻻﺯﻡ ﺍﻳﺪﻫﺎ ﺍﻟﺨﻮﻑ ﺍﺳﺘﻮﻃﻦ ﻭﺟﻬﻪ
ﻛﺎﻟﺖ ... ﻻ ﻫﺴﻪ ﻧﺴﻮﻳﻠﻬﺎ ﺗﺮﺍﻛﻤﻲ ﻭﻧﺸﻮﻑ ﺍﺫﺍ ﻋﻨﺪﻫﺎ ﻣﻦ ﺯﻣﺎﻥ ﺳﻜﺮ ﺍﻭ ﺑﺴﺒﺐ ﻫﺒﻄﻪ ﻭﻳﺮﻭﺡ ...
ﺍﺧﺬﻭ ﻣﻨﻬﺎ ﺩﻡ ﻟﻠﺘﺤﻠﻴﻞ ...
ﻭﺍﻟﺪﻛﺘﻮﺭﻩ ﺍﺧﺬﺕ ﻣﻐﺬﻱ ﻣﺎﻟﺢ ﻭﺍﺑﺮ ﻣﻘﻮﻳﻪ
ﺭﺍ ﺕ ﺗﺸﺪ ﺍﻟﻬﺎ ﺍﻟﻜﺎﻧﻮﻟﻪ ﺑﺲ ﺗﺎﺝ ﻭﺭﻳﺪﻫﺎ ﺿﻌﻴﻒ ﺍﺣﺘﺎﺭﺕ ﺑﻴﻬﺎ
ﺍﺑﺎ ﺫﺭ ﻛﻠﻬﺎ .. ﺩﻛﺘﻮﺭﻩ ﻋﻠﺊ ﻛﻴﻔﺞ ﻭﻳﺎﻫﺎ ﺧﻄﻴﻪ
ﻛﺎﻟﺖ .. ﻭﺭﻳﺪﻫﺎ ﺿﻌﻴﻒ ﻋﺒﺎﻟﻚ ﻭﺭﻳﺪ ﻃﻔﻞ ﻣﻮ ﺑﺎﺭﺯ ﻣﺠﺎﻱ ﺍﻛﺪﺭ ﺍﺳﻴﻄﺮ ﻋﻠﻴﻬﺎ ...
ﺍﻟﻤﻬﻢ ﺷﻜﻠﺖ ﺍﻟﻜﺎﻧﻮﻟﻪ ﻭﺷﺪﺕ ﺍﻟﻬﺎ ﻣﻐﺬﻱ ﻭﻫﻮ ﺿﻞ ﻛﺎﻋﺪ ﻳﻤﻬﺎ
ﺍﻧﻲ ﻃﻠﻌﺖ ﺍﺷﻮﻑ ﺯﻫﺮﺍﺀ ﺣﺠﻴﺖ ﻭﻳﻪ ﺍﻟﺪﻛﺘﻮﺭﻩ ﺍﻟﺨﻔﺮ ﻛﺎﻟﺖ .. ﻟﺒﻨﻴﻪ ﻣﺨﻨﻮﻛﻪ ﺳﺤﺒﻨﻪ ﺍﻟﺤﻠﻴﺐ ﻭﻧﻀﻔﻨﻪ ﺻﺪﺭﻫﺎ ﺷﺪﻳﻨﻪ ﺍﻟﻬﺎ ﺍﻭﻛﺴﺠﻴﻦ ﻭﺍﻥ ﺷﺎﺀ ﻟﻠﻪ ﺗﺼﻴﺮ ﺯﻳﻨﻪ
ﺑﺲ ﺍﻓﻀﻞ ﺗﻨﻘﻠﻮﻫﺎ ﻟﻠﺠﻤﻠﺔ ﺍﻟﻌﺼﺒﻴﺔ ﻻﻥ ﺣﺎﻟﺘﻬﺎ ﺗﻌﺒﺎﻧﻪ ﻭﺍﻥ ﺷﺎﺀ ﻟﻠﻪ ﻳﺤﺪﺩﻭﻥ ﺍﻟﻬﺎ ﻋﻤﻠﻴﻪ ﻭﺗﺼﻴﺮ ﺯﻳﻨﻪ ﺍﻫﻮﺍﻳﻪ ﺍﻛﻮ ﺣﺎﻻﺕ ﻣﺜﻠﻬﺎ ...
ﻛﻠﺘﻠﻬﺎ .. ﺷﻜﺮﺍ .. ﺭﺣﺖ ﺷﻔﺖ ﺯﻫﺮﺍﺀ ﺧﻄﻴﻪ ﺣﺎﻃﻴﻠﻬﺎ ﺍﻭﻛﺴﺠﻴﻦ ﻭﺑﺪﻭﻥ ﻣﻼﺑﺲ ﺑﺲ ﺑﺎﻟﺤﻔﺎﻇﻪ ..
ﺑﺴﺘﻬﺎ ﺑﺨﺪﻫﺎ ﻫﻤﺴﺖ ... ﺍﺩﻋﻴﻠﻬﺎ ﻫﺒﻪ ﺑﻨﺘﺢ ﻣﺮﻳﻀﻪ
ﺍﺧﺬﺕ ﺯﻧﻮﺑﻪ ﺧﻄﻴﻪ ﻣﻔﺮﻓﺤﻪ ﻣﻦ ﺍﻟﺒﺠﻲ ﺿﺎﻟﻪ ﻳﻢ ﺍﻟﻤﻤﺮﺿﻪ ﻭﺗﺒﺠﻲ ﻭﺗﺮﻳﺪ ﺗﺎﺝ ﻫﻲ ﻣﺘﺴﻠﻚ ﻋﻨﺪﻱ ﺗﺮﻳﺪ ﺗﺎﺝ ﻣﺘﻌﻠﻤﻪ ﻋﻠﻴﻬﺎ
ﺍﺧﺬﺗﻬﺎ ﻭﺭﺣﺖ ﻟﺘﺎﺝ ﻓﺘﺤﺖ ﺍﻟﺒﺎﺏ ﺑﺪﻭﻥ ﻣﺎ ﺍﺩﻛﻪ ﺷﻔﺖ ﺍﺑﺎﺫﺭ ﻣﻨﺰﻝ ﺭﺍﺳﻪ ﺍﻟﺨﺪﻫﺎ ﻭﺑﺎﺳﻬﺎ
ﻣﻦ ﺷﺎﻓﻨﻲ ﺍﺑﺘﻌﺪ ﺑﺴﺮﻋﻪ ﻭ ﻭﻛﻒ ﺷﺎﻝ ﺯﻳﻨﺐ ﻭﺷﺎﻟﻬﺎ
ﻫﻤﺴﺖ ... ﺷﻠﻮﻥ ﺻﺎﺭﺕ
ﺑﺎﻭﻉ ﻋﻠﻴﻬﺎ ﻭﺟﺮ ﻧﻔﺲ ﻛﺎﻝ ... ﺑﻌﺪﻫﺎ ﻣﺎ ﺻﺤﺖ ﺯﻫﻮﺭﻩ ﺷﻠﻮﻧﻬﺎ
ﺟﺎﻭﺑﺘﻪ .. ﺍﻟﺤﻤﺪ ﻟﻠﻪ ﺯﻳﻨﻪ
ﻋﺎﻓﻨﻲ ﻭﻃﻠﻊ ﺍﻟﻬﺎ ...
ﻭﺍﻧﻲ ﻛﻌﺪﺕ ﻳﻢ ﺗﺎﺝ ﺍﺑﺎﻭﻉ ﻋﻠﻴﻬﺎ ﺍﻟﺪﻣﻮﻉ ﻻﺯﻛﻪ ﺑﺮﻣﻮﺷﻬﺎ ..
ﺑﺴﺘﻬﺎ ﺑﺨﺪﻫﺎ ﻭﺯﻧﻮﺑﻪ ﺗﺒﻮﺱ ﺑﻴﻬﺎ ...
ﺿﻠﻴﻨﻪ ﻛﺎﻋﺪﻳﻦ ﻳﻤﻬﺎ ﺷﻮﻳﻪ ﻭﺻﺤﺖ ﺑﺎﻭﻋﺘﻠﻲ ﻛﺎﻟﺖ .. ﺯﻫﺮﺍﺀ
ﺟﺎﻭﺑﺘﻪ .. ﺍﻟﺤﻤﺪ ﻟﻠﻪ ﺯﻳﻨﻪ ﻻ ﺗﺨﺎﻓﻴﻦ ﻋﻤﻬﺎ ﻳﻤﻬﺎ
ﺍﺟﺖ ﺍﻟﻤﻤﺮﺿﻪ ﺑﻌﺪ ﻣﺎ ﺧﻠﺺ ﺍﻟﻤﻐﺬﻱ ﺷﺎﻟﺘﻪ ﻣﻨﻬﺎ ﻭﺭﺣﻨﻪ ﺍﻟﺰﻫﺮﺍﺀ ...
ﺷﺎﻓﺘﻪ ﻭﺍﻛﻒ ﻳﺒﺎﻭﻉ ﻋﻠﻴﻬﺎ ﺗﻘﺮﺏ ﻣﻨﻬﺎ ﻛﻠﻬﺎ ... ﺍﻟﺤﻤﺪ ﻟﻠﻪ ﻋﻠﺊ ﺳﻼﻣﺘﺞ ﺷﻠﻮﻭﻥ ﺻﺮﺗﻲ ...
ﻫﻤﺴﺖ ﺑﺰﻋﻞ ... ﺯﻳﻴﻨﻪ
ﺭﺍﺣﺖ ﺍﻟﺰﻳﻨﺐ ﺑﺎﺳﺘﻬﺎ ﻭﺣﻀﻨﺘﻬﺎ ﻭﺟﺮﺕ ﻧﻔﺲ ...
ﺷﻮﻭﻳﻪ ﻭﺩﺧﻞ ﻣﺤﻤﺪ ﻭﻋﻤﺘﻲ .. ﻭﺍﻡ ﺭﺍﺿﻲ ...
ﻋﻤﺘﻲ ﺗﺨﺒﻠﺖ ﻋﻠﻴﻬﺎ ﺑﺎﺳﺘﻬﺎ ﻭﺣﻀﻨﺘﻬﺎ ﻭﻣﺤﻤﺪ ﻛﺬﻟﻚ ..
ﻫﻮ ﻣﻦ ﺷﺎﻑ ﺍﻡ ﺭﺍﺿﻲ ﺧﻠﻪ ﻭﻃﻠﻊ ﻭﺗﺎﺝ ﺗﺨﺒﻠﺖ ﺗﻜﺮﺓ ﺍﻡ ﺭﺍﺿﻲ ﺣﻴﻴﻞ ...
ﻛﺎﻟﺖ ﻋﻤﺘﻲ .. ﺳﻮﺩﻩ ﻋﻠﻴﻪ ﻣﻦ ﺧﺎﺑﺮﺕ ﻣﻴﺲ ﺗﺨﺒﻞ ﻋﺎﻑ ﺍﻟﻌﺮﻭﺱ ﻭﺍﺟﻪ ﻳﺮﻛﺾ ﻋﻠﻴﺠﻦ ..
ﺗﺎﺝ ﻛﺎﻟﺖ ... ﻣﺴﻮﻱ ﻓﻀﻞ
ﺍﻡ ﺭﺍﺿﻲ .. ﺷﻨﻲ ﺳﺎﻟﻔﺘﺠﻦ ﻣﻮ ﻛﺪ ﺍﻟﻤﺴﺆﺅﻟﻴﻪ ﺍﺫﺍ ﻣﺎ ﺗﻜﺪﺭﻥ ﻋﻠﺊ ﻃﻔﻠﻪ ﻫﻠﻜﺪﻭﺗﻬﺎ ﺍﻧﻄﻴﻬﻦ ﺍﻟﻌﻤﻬﻦ ﻫﻮ ﺗﺰﻭﺝ ﻭﺍﻟﻤﺮﻩ ﺗﺤﻄﻬﻦ ﺑﻌﻴﻨﻬﺎ ...
ﺗﺎﺝ ﺗﺴﻮﺩﻧﺖ ﺟﺎﻭﺑﺘﻬﺎ ﺑﻌﺼﺒﻴﺔ ... ﻟﻮ ﺍﻟﻌﺸﺎﻳﺮ ﻛﻠﻬﺎ ﺗﻮﻛﻒ ﺑﻮﺟﻬﻲ ﺑﻨﺎﺕ ﻫﺒﻪ ﻣﺎ ﺍﻧﻄﻴﻬﻦ ﻟﻮ ﻳﻀﻞ ﻳﻮﻡ ﺑﻌﻤﺮﻱ ...
ﺍﻡ ﺍﺑﺎﺫﺭ ... ﺳﻮﺩﻩ ﻋﻠﻴﻪ ﺑﻴﺒﻲ ﺯﻫﻮﺭﻩ ... ﻋﻤﻪ ﻻ ﺗﺨﺎﻓﻴﻦ ﻟﺒﻨﺎﺗﺞ ﺍﻟﺞ ﻣﺎ ﻳﺼﻴﺮﻥ ﻟﻐﻴﺮﺝ
ﻫﻲ ﻟﺰﻣﺖ ﺍﻳﺪ ﺍﻡ ﺍﺑﺎﺫﺭ ﻛﺎﻟﺖ ﺑﺒﻜﺎﺀ .. ﻭﺍﻟﻠﻪ ﺭﺍﺣﺖ ﺭﻭﺣﻲ ﻭﻳﻪ ﺯﻫﻮﺭﻩ ﻭﺍﻟﻠﻪ .. ﺍﺑﺒﺪ ﻣﺎ ﻗﺼﺮﺕ ﺑﺲ ﺩﺧﻠﺖ ﻟﻠﺤﻤﺎﻡ ﻭﺯﻳﻨﺐ ﻋﻮﺩ ﺗﻠﻌﺐ ﻭﻳﺎﻫﺎ ﻭﻣﻮﻛﻠﺘﻬﺎ .. ﺑﺎﻟﻘﺮﺍﻥ ﺍﺣﺲ ﺭﻭﺣﻲ ﻃﻠﻌﺖ ﻋﻠﻴﻬﺎ
ﺍﻡ ﺭﺍﺿﻲ ﻛﺎﻟﺖ .. ﺍﻱ ﺟﺎﻳﺒﻪ ﻋﻴﺎﺭﺓ ﺑﻴﺖ ﻧﺼﻴﻒ ﻭﺟﺎﻳﻪ
ﺗﺎﺝ ﺻﺮﺧﺖ ﺑﺼﻮﺕ ﻋﺎﻟﻲ ... ﻋﻤﻤﻤﻤﻪ ﺳﻜﺘﻴﻴﻴﻬﺎ ﻭﺧﻠﻴﻬﺎ ﺗﻜﻒ ﻣﻨﻨﻨﻨﻲ
ﻋﻤﺘﻲ ﻛﺎﻟﺖ ﺑﻌﺼﺒﻴﺔ ... ﺍﻡ ﺭﺍﺿﻲ ﺭﺣﻤﻪ ﻻﻫﻠﺞ ﺍﺳﻜﺘﻲ ﻣﺎ ﺗﺸﻮﻓﻴﻬﺎ ﺷﻠﻮﻥ ﺣﺎﻟﺘﻬﺎ
ﻣﺤﻤﺪ ... ﻋﻤﻪ ﺍﺫﺍ ﺟﺎﻳﻪ ﺗﺨﻠﻘﻴﻦ ﻣﺸﺎﻛﻞ ﺍﺣﺴﻦ ﺗﺮﺟﻌﻴﻦ ﻟﻠﺒﻴﺖ ﻫﺴﻪ ﺍﺣﻨﻪ ﺑﻴﺎ ﺣﺎﻝ ﻭﺗﺤﺠﻴﻦ ﻋﻠﻴﻬﺎ ...
ﻛﺎﻟﺖ ... ﻳﻤﻪ ﻣﻨﻜﻢ ﺍﻛﻠﺘﻮﻧﻲ ﺑﻜﺸﻮﺭﻱ ﻏﻴﺮ ﺍﺧﺎﻑ ﻋﻠﺊ ﺑﺖ ﺻﺒﺎﺡ ﻋﺰﻳﺰﺓ ﻋﻨﺪﻱ ﺟﺎﺍ ﺷﻨﻲ ﻧﺨﻠﻴﻬﺎ ﺗﻤﻮﺕ ... ﻏﻴﺮ ﺗﻨﺘﺒﻪ ﻋﻠﻴﻬﻦ ...
ﺩﺧﻞ ﺍﺑﺎﺫﺭ ﻛﺎﻝ ... ﻣﺤﻤﺪ ﺍﺧﺬ ﺍﻡ ﺭﺍﺿﻲ ﻭﺭﻭﺡ ﺍﻧﻲ ﺍﺑﺎﺕ ﻫﻨﺎ
ﺍﻡ ﺭﺍﺿﻲ ﺑﺨﺒﺚ ... ﻻ ﻳﺎﺍﺍ ﺻﺪﻙ ﺟﺬﺏ ﺍﻧﺖ ﻋﺮﻳﺲ ﺭﻭﺡ ﺍﺭﺟﻊ ﻭﺍﺧﻠﻲ ﻣﺤﻤﺪ ﻭﺭﺍﺿﻲ ﻳﺒﺎﺗﻮﻥ
ﻫﻮ ﺍﺷﺮ ﻟﻤﺤﻤﺪ ﻳﺮﺣﻮﻥ .. ﻭﻣﺎ ﺣﺠﻪ ﻭﻳﺎﻫﺎ
ﻛﺎﻟﻬﺎ .. ﻳﺎﻟﻠﻪ ﺍﻡ ﺭﺍﺿﻲ
ﻃﻨﻜﺮﺕ ... ﻭﺍﻟﻠﻪ ﻭﻻ ﺍﺭﻭﺡ ﺍﻧﻲ ﻫﺴﻪ ﺍﺟﻴﺖ ﺍﺭﻳﺪ ﺍﺷﻮﻑ ﺑﺖ ﺻﺒﺎﺡ ﺍﻧﻲ ﺻﺒﺎﺡ ﻋﺰﻳﺰ ﻋﻨﺪﻱ ... ﻭﺑﻌﺪﻳﻦ ﺍﻧﺖ ﺷﻠﻮﻥ ﺗﺨﻠﻲ ﻋﺮﻭﺳﺘﻚ ﻟﻮﺣﺪﻫﺎ
ﻫﻮ ﻋﺎﻁ ﺑﻤﺤﻤﺪ ﻛﻠﻪ ... ﺭﻭﻭﻭﻭﺡ ﻣﺤﻤﺪ
ﻣﺤﻤﺪ ﺷﻠﻌﻬﺎ ﺷﻠﻊ ﻭﺍﺧﺬﻫﺎ ...
ﺿﻠﻴﻨﻪ ﺑﺲ ﺍﻧﻲ ﻭﺗﺎﺝ ﻭﻋﻤﺘﻲ ﻭﺯﻳﻨﺐ ﻻﺯﻛﻪ ﺑﺘﺎﺝ ...
ﺭﺟﻊ ﺧﺎﺑﺮ ﻣﺤﻤﺪ ﻛﻠﻪ ... ﻭﺻﻞ ﻫﻞ ﺯﻓﺖ ﻭﺗﻌﺎﻝ ﺍﺧﺬ ﺍﻟﺒﻨﺎﺕ ﻭﺻﻠﻬﻦ ﻟﻠﺒﻴﺖ ﺍﻧﻲ ﻭﺍﻣﻲ ﺭﺍﺡ ﻧﻀﻞ ﻭﻳﻪ ﺯﻫﺮﺍﺀ ..
ﺗﺎﺝ ﻧﻄﺖ ﻣﻦ ﻣﻜﺎﻧﻬﺎ ... ﺷﻨﻮﻭ ﺷﻨﻮﻭ ﺗﺮﻳﺪﻧﻲ ﺍﺭﻭﺡ ﻭﺍﺧﻠﻲ ﺯﻫﻮﺭﻩ ﻭﺍﻟﻠﻪ ﻟﻮ ﺗﺴﺤﻠﻨﻲ ﺑﻨﺺ ﺍﻟﺪﻛﺎﺗﺮﻩ ﻣﺎ ﺍﺭﻭﺡ
ﻛﻠﻬﺎ .. ﺍﻧﻲ ﻋﻠﺊ ﻣﻮﺩﺝ ﺍﻧﺘﻲ ﻣﺮﻳﻀﻪ
ﺭﺩﺕ ﺑﻌﻨﺎﺩ ... ﻟﻮﻭﻭ ﺍﻣﻮﻭﻭﺕ ﻣﺎ ﺍﺭﻭﺡ
ﻋﻤﺘﻲ ... ﺧﻠﻴﻬﺎ ﻳﻤﻪ ﻭﺍﻧﻲ ﺍﺧﺬ ﺯﻳﻨﺐ ﻭﻣﻴﺲ ﻭﻧﺮﻭﺡ ﻟﻠﺒﻴﺖ
ﻫﻮ ﺳﻜﺖ ... ﻫﻬﻪ ﻣﻜﻴﻒ ﻣﺘﺰﻭﺝ ﺍﻟﻄﻄﻮﻩ ﺍﻧﺘﺤﺎﺭ ﻣﺪﺭﻱ ﺍﻧﺘﺼﺎﺭ ﺧﻮﺵ ﻟﻴﻠﺔ ﻋﺮﺱ ﻣﺼﺨﻤﻪ ﻭﻣﻠﻄﻤﻪ ﻣﻮ ﺑﺎﻃﻞ ﺍﻟﻠﻪ ﻣﺎ ﺭﺿﺎ ﻋﻠﻴﻪ ...
ﺍﺟﻪ ﻣﺤﻤﺪ ﺍﺧﺬ ﻣﻴﺲ ﻭﻋﻤﺘﻲ ﻭﺯﻳﻨﺐ ﻧﺎﻣﺖ ﺷﺎﻟﻬﺎ ﻭﺍﺧﺬﻫﺎ ﻛﺘﻠﻪ ﻻ ﺗﺨﻠﻴﻬﺎ ﺗﺮﻭﺡ ﺍﻟﻜﻢ ﺧﻠﻴﻬﺎ ﻳﻢ ﻣﻴﻮﺳﻪ ...
ﻫﻢ ﺭﺍﺣﻮﻭ ﻭﺍﻧﻲ ﺿﻠﻴﺖ ﻭﻳﺎﻩ ... ﺑﺲ ﺍﺗﻤﻨﺊ ﺍﻟﺰﻡ ﺟﻬﺎﺯ ﺍﻟﻀﻐﻂ ﻭﺍﺿﺮﺑﻪ ﻭﺍﻓﻠﺶ ﺭﺍﺳﻪ ...
ﻛﺴﺮﻧﻲ ﻛﺴﺮ ﻣﺎ ﻳﻨﺠﺒﺮ ... ﺟﺮﻳﺖ ﻧﻔﺲ ﺟﺮﺣﻲ ﺻﺎﺭ ﺳﻨﻴﻦ ﻳﻨﺰﻑ ﻣﺤﺪ ﺩﺍﻭﺍﻩ ﻭﻻ ﺟﻨﻲ ﺍﻧﺴﺎﻧﻪ ﻭﻛﻞ ﺟﺮﻣﻲ ﻣﺎ ﺭﺩﺕ ﺍﻋﻴﺶ ﺣﻴﺎﺗﻬﻢ ...
ﺍﻛﺜﺮ ﺷﺊ ﻗﻬﺮﻧﻲ ﻫﻮ ﻛﺸﺨﺘﻪ ﻓﺮﺣﺎﻥ ﻳﻌﻨﻲ ...
ﺿﻠﻴﻨﻪ ﺍﻧﻲ ﻭﻳﺎﻩ ﻟﻠﺼﺒﺢ ﻛﺎﻋﺪﻳﻦ ﻭﻳﻪ ﺯﻫﺮﺍﺀ ﺑﺲ ﺍﺑﺪ ﻣﺎ ﺍﺣﺘﻜﻴﺖ ﺑﻲ ﻭﻻ ﻫﻮ ﺍﺣﺘﻚ ﺑﻴﻪ ...
ﺍﻟﺪﻛﺘﻮﺭ ﺍﻟﺼﺒﺢ ﻛﺎﻝ .. ﻃﻠﻌﻮﻫﺎ ﻭﺑﺲ ﺗﺼﻴﺮ ﺯﻳﻨﻪ ﺭﺍﺟﻌﻮ ﺑﻴﻬﺎ ﻟﻠﺠﻤﻠﻪ ﺍﻟﻌﺼﺒﻴﺔ ...
ﺷﻮﻭﻳﻪ ﻭﺍﺟﺖ ﺑﻴﺒﻲ ﻭﻣﺎﻣﺎ ﻭﺑﺎﺑﺎ ﻭﻋﻤﺘﻲ ﻭﻣﺤﻤﺪ ﻭﺣﺘﺊ ﻣﺴﻠﻢ ﻭﺍﻣﻪ ﻛﻠﻬﺎ ﺍﺟﺖ ... ﻭﻣﻴﺲ ﻭﺯﻧﻮﺑﻪ .
ﺍﺑﺎﺫﺭ ﻭﻛﻒ ﺑﺼﻔﻲ ﻭﻫﻤﺲ .. ﺗﺎﺝ ﺗﻌﺎﻱ ﻟﻠﺤﺪﻳﻘﻪ ﺍﺣﺠﻲ ﻭﻳﺎﺝ
ﺑﺎﻭﻋﺘﻠﻪ ﺑﺤﺪﻩ ﻭﺧﺰﺭﺗﻪ ﻛﺎﻝ ... ﻳﺎﻟﻠﻪ
ﻫﻮ ﺟﺎﻥ ﻏﻴﺮ ﻣﺮﺣﺐ ﺑﻲ ﻣﻦ ﺍﻟﻜﻞ ﺍﺻﻼ ﻣﺤﺪ ﺳﻠﻢ ﻋﻠﻴﻪ ﻭﻋﻤﻮ ﻣﺎ ﺑﺎﻭﻉ ﺑﻮﺟﻬﻪ ﺣﺘﺊ .. ﻭﺑﺎﺑﺎ ﻫﻤﺎﺗﻴﻦ
ﻫﻮ ﻋﺮﻑ ﺯﻋﻼﻧﻴﻦ ﻣﻨﻪ ﺑﺴﺒﺐ ﺯﻭﺍﺟﻪ ﺍﻟﻤﻔﺎﺟﺊ ...
ﻃﻠﻌﺖ ﻛﺘﻠﻪ ... ﻧﻌﻢ ﺗﻔﻀﻞ ... ﺍﻭﻭﻩ ﻧﺴﻴﺖ ﺍﻛﻮﻟﻚ ﻣﺒﺮﻭﻙ ﻋﻠﺊ ﺍﻟﻌﻤﻮﻡ ﻣﺒﺮﻭﻙ ﺟﺒﺘﻠﻚ ﻫﺪﻳﻪ ﻧﺰﻟﻪ ﺳﻮﺩﻩ
ﺍﺑﺘﺴﻢ ﺑﻬﺪﻭﺀ ﻛﺎﻝ ... ﺗﺴﻠﻤﻴﻦ ﻣﺘﻘﺼﺮﻳﻦ
ﺗﺎﺝ ... ﺍﺣﺠﻲ ﻣﺤﺘﺎﺝ ﺷﺊ
ﺟﺮ ﻧﻔﺲ ﻛﺎﻝ ... ﻣﺎ ﺍﻋﺮﻑ ﺷﻨﻮ ﺍﺣﺠﻲ ﺑﺲ ﺗﻌﺮﻓﻴﻦ ﺍﻧﻲ ﺗﺰﻭﺟﺖ .. ﻭﻫﺬﺍ ﺍﺗﻔﺎﻗﻨﻪ ﻣﻦ ﺍﻟﺒﺪﺍﻳﻪ ﻣﻮ ﺣﻠﻮﻩ ﺑﺤﻘﺞ ﺗﻀﻠﻴﻦ ﻋﻨﺪ ﺍﻫﻠﺞ ﻣﻮ ﺻﺢ؟
ﺷﻠﻮﻥ ﻛﺴﺮﻧﻲ ﻛﺴﺮﻩ ﺍﻋﺮﻑ ﻗﺼﺪﻩ ﻳﻌﻨﻲ ﺍﺫﺍ ﺿﻠﻴﺖ ﻋﻨﺪ ﺍﻫﻠﻲ ﻣﻌﻨﺎﻩ ﺍﻧﻲ ﺭﺍﻳﺪﺗﻪ ﻭﻣﻘﻬﻮﺭﻩ ﻋﻠﺊ ﺯﻭﺍﺟﻪ ﻭﻫﻮ ﻣﻔﻬﻢ ﺍﻟﻜﻞ ﺍﻧﻲ ﺍﻟﻲ ﺭﺍﻓﻀﻪ ﻗﺮﺑﻪ
ﺟﺎﻭﺑﺘﻪ ... ﺍﻧﻲ ﺭﺍﺟﻌﻪ ﺍﺻﻼ ﻻﻥ ﺍﻧﺖ ﻻ ﺗﻬﻤﻨﻲ ﻭﻻ ﺯﻭﺍﺟﻚ ﻳﻬﻤﻨﻲ ﺍﻟﻤﻬﻢ ﻋﻨﺪ ﺯﻧﻮﺑﻪ ﺑﺰﻫﺮﺍﺀ ﺍﺑﻴﻌﻚ ﻭﺍﺷﺘﺮﻳﻬﻦ
ﺭﺩ ﺑﺎﺳﺘﻔﺰﺍﺯ .. ﻋﺎﺩﻱ ﺍﺣﻨﻪ ﻭﺍﺣﺪ ﺑﺎﻉ ﺍﻟﺜﺎﻧﻲ ﺗﻌﺎﺩﻟﻨﻪ ﻣﻮ ﺻﺢ
ﺑﻠﻌﺖ ﺭﻳﻜﻲ ﺭﺩﻳﺖ ﺑﺤﻘﺪ ﻭﺗﻬﺠﻢ ... ﻻ ﻣﻮ ﺻﺢ ﺍﻧﻲ ﻟﺴﻪ ﻣﺎ ﺍﺷﺘﺮﻳﺖ ﻏﻴﺮﻙ ﺑﺲ ﺻﺪﻛﻨﻲ ﺭﺍﺡ ﺍﺷﺘﺮﻱ ﺍﻟﻲ ﻳﺴﺘﺎﻫﻠﻨﻲ ﻭﻳﻠﻮﻙ ﺑﻤﻘﺎﻣﻲ ﻣﻮ ﻣﺜﻠﻚ ﺟﺒﺖ ﺍﻧﺘﺤﺎﺭ ﺍﻟﻠﺒﮕﻪ
ﺿﻞ ﻣﺮﻛﺰ ﺑﻨﻈﺮﺍﺗﻪ ﻋﻠﻴﻪ ﻭﻣﺎ ﻧﻄﻖ ﺑﻜﻠﻤﻪ ﻭﺍﻧﻲ ﺍﺑﺎﻭﻋﻠﻪ ﺑﺤﺪﻩ ﻛﺎﻝ ... ﺻﺪﻛﻴﻨﻲ ﻣﺎ ﺍﺧﻠﻴﺞ ﺗﺸﺘﺮﻳﻦ ﺍﻱ ﺷﺨﺺ ﻭﺑﻌﺪﻳﻦ ﻣﺤﺪ ﻳﺸﺘﺮﻳﺞ ﻏﻴﺮﻱ
ﺿﺤﻜﺖ ... ﻫﻬﻬﻪ ﺍﻱ ﺻﺢ ﻣﻮ ﺍﻧﻲ ﺑﻀﺎﻋﻪ ﻣﺴﺘﻬﻠﻜﻪ .. ﻧﺼﻒ ﻋﺬﺭﺍﺀ ﻟﺤﺪ ﺍﻻﻥ ﺑﺲ ﺑﺎﻻﺳﻢ ﻣﺘﺰﻭﺟﻪ
ﺭﻓﻊ ﺣﺎﺟﺐ ... ﺍﻧﺨﻠﻴﻬﺎ ﺑﺎﻟﻔﻌﻞ ﺍﺫﺍ ﺗﺮﺩﻳﻴﻴﻦ
ﺭﺩﻳﺖ ﺑﺤﺪﻩ ... ﺍﻧﺎﻡ ﻭﻳﻪ ﺍﺑﻠﻴﺲ ﻣﺎ ﺍﺳﻤﺢ ﺍﻟﻚ ﺗﻠﻤﺴﻨﻲ ﻓﺎﺍﺍﻫﻢ
ﺿﺤﻚ ﻭﻛﺎﻝ .. ﺍﻟﻠﻪ ﻛﺮﻳﻢ
ﻋﻔﺘﻪ ﻭﺭﺣﺖ ﻭﺍﻧﻲ ﺍﻓﻮﻭﻭﺭ ﻳﺎﺭﺑﻲ ﻳﻘﻬﺮﻧﻲ ﺣﻴﻴﻴﻴﻞ ﺣﻴﻴﻴﻞ ﻣﺴﺘﻔﺰ ﻳﺎ ﺭﺑﻲ
ﺩﺧﻠﺖ ﻭﺍﻟﺪﻛﺘﻮﺭ ﻛﺘﺐ ﺧﺮﻭﺝ ﺍﻟﺰﻫﺮﺍﺀ ...
ﻃﻠﻌﻨﻪ ﻟﻠﺒﻴﺖ ﻭﺍﻧﻲ ﻛﺘﻠﻬﻢ ﺭﺍﺟﻌﻪ ﻟﺒﻴﺘﻲ ﻣﺎﻣﺎ ﻭﺑﺎﺑﺎ ﻭﻋﻤﻮ ﻣﻘﺒﻠﻮ ﺑﺲ ﺍﻧﻲ ﺍﺻﺮﻳﺖ ...
ﻣﺎﻣﺎ ﻛﺎﻟﺖ ﻟﻤﻴﺲ ﺭﻭﺣﻲ ﻭﻳﻪ ﺍﺧﺘﺞ ﻭﺍﻟﻌﺼﺮ ﺍﺟﻴﺞ ...
ﺻﻌﺪﻧﻪ ﺑﺎﻟﺴﻴﺎﺭﺓ ﻭﺍﻧﻲ ﺍﺭﺟﻒ ﻭﻣﺎ ﻣﺎﻛﻠﻪ ﺷﺊ ﺭﻏﻢ ﺷﻜﺪ ﺍﺗﻮﺳﻞ ﺑﻴﻪ ﺍﻛﻞ ﻟﺒﺎﺭﺣﻪ ﻣﻘﺒﻠﺖ ...
ﺷﻠﻮﻥ ﺍﻭﺍﺟﺔ ﺯﻭﺟﺘﻪ ﺷﻠﻮﻥ ﺍﺑﺪﻱ ﺣﺮﺏ ﺛﺎﻧﻴﻪ ﻭﺍﻧﻲ ﻭﺣﻴﺪﻩ ﻭﻫﻤﻪ ﺛﻨﻴﻦ ﻳﺎﺭﺑﻲ ﺍﻟﻬﻤﻨﻲ ﺍﻟﺼﺒﺮ ﻭﺍﺳﻨﺪﻧﻲ ﻭﺳﺎﻋﺪﻧﻲ ...
ﻭﺻﻠﻨﻪ ﻟﻠﺒﻴﺖ ﻭﻧﺰﻟﻨﻪ ﺩﺧﻞ ﻫﻮ ﺷﺎﻳﻞ ﺯﻫﺮﺍﺀ ﻭﺍﻧﻲ ﺍﻣﺸﻲ ﻭﺭﺍﻩ ﻻﺯﻣﻪ ﺯﻳﻨﺐ ﺟﻨﻲ ﻭﺣﺪﻩ ﻣﻄﻠﻘﻪ ﻫﺴﻪ ﺭﺟﻌﺖ ...
ﻭﻣﻴﻮﺳﻪ ﺧﻄﻴﻪ ﻭﻳﺎﻳﻪ ﻭﻋﻤﺘﻲ ...
ﻃﻠﻌﺖ ﻫﻲ ﻣﻦ ﺍﻻﺳﺘﻘﺒﺎﻝ ﻛﺎﻟﺖ ... ﻫﺎﺍﺍ ﺣﺒﻴﺒﻲ ﺍﺟﻴﺘﻮ ﺍﻟﺤﻤﺪ ﻟﻠﻪ ﻋﻠﻰ ﺳﻼﻣﺔ ﺍﻟﺒﻨﻮﺗﻪ
ﻫﻮ ﻛﻠﻬﺎ ﺍﻟﻠﻪ ﻳﺴﻠﻤﺞ
ﺑﺎﺳﺖ ﺯﻫﺮﺍﺀ ﻭﺍﻧﻲ ﺍﻓﻮﻭﻭﺭ ﻭﺍﻟﺪﻡ ﺻﻌﺪ ﺑﺮﺍﺳﻲ ...
ﺑﺎﻭﻋﺖ ﻋﻠﻴﻪ ﻛﺎﻟﺖ ﺑﺒﺘﺴﺎﻣﻪ ... ﻫﻼﻭﻭ
ﺟﺎﻭﺑﺘﻬﺎ .. ﻫﻼﻭ
ﺳﻠﻤﺖ ﻋﻠﺊ ﻣﻴﺲ ﻭﻋﻤﺘﻲ ..
ﻛﻠﺘﻠﻪ ﺑﺪﻟﻊ .. ﺣﺒﻴﺒﻲ ﺍﺳﻮﻳﻠﻚ ﺍﻛﻞ ﺩﺍ ﺍﺷﻮﻑ ﻭﺟﻬﻚ ﺗﻌﺒﺎﻥ ﺍﺣﻀﺮ ﺍﻟﻚ ﺍﻟﺤﻤﺎﻡ ..
ﺍﻧﻲ ﺍﺧﺬﺕ ﺯﻫﺮﺍﺀ ﻣﻦ ﺍﻳﺪﻩ ﻭﺭﺣﺖ ﺍﻟﻐﺮﻓﺘﻲ ﻣﺎ ﺍﻟﻲ ﺧﻠﻚ ﻧﺎﺱ ﺗﺎﻓﻬﻪ ... ﺣﺒﻴﺒﻬﺎ ﺷﻮﻛﺖ ﺣﺒﻴﺘﻲ ﺣﺒﺘﻜﻢ ﺣﻴﻪ ﺍﻥ ﺷﺎﺀ ﻟﻠﻪ
ﺧﻠﻴﺖ ﺯﻫﻮﺭﻩ ﺑﻜﺎﺭﻭﻛﻬﺎ ﺣﺴﻴﺖ ﻧﺎﺭ ﺗﺴﻌﺮ ﺑﺼﺪﺭﻱ ﺣﺴﻴﺖ ﺩﺧﻠﺖ ﻧﺎﺭ ﺟﻬﻨﻢ ﻭﻃﻠﻌﺖ ...
ﺷﻤﺮﺕ ﺣﺠﺎﺑﻲ ﺑﻤﻠﻞ ...
ﻣﻴﺲ ...
ﺩﺧﻠﻨﻪ ﻭﺍﻻﺧﺖ ﺗﺘﻤﺎﻭﻉ ﻭﺗﺘﻠﺰﻙ ﺑﻲ ﺣﺒﻴﺒﻲ ﻣﺎ ﺣﺒﻴﺒﻲ ..
ﻋﺎﺩ ﺩﺧﻠﻨﻪ ﻟﻠﻐﺮﻓﻪ ﻭﺗﺎﺝ ﺗﺨﺒﻠﺖ ﺷﻤﺮﺓ ﺣﺠﺎﺑﻬﺎ ﻭﺿﻠﺖ ﺗﻔﺘﺮ
ﺑﻌﺪﻫﺎ ﺷﻜﻠﺖ ﺛﻮﺑﻬﺎ ﺻﺎﺭ ﻟﻨﺺ ﺳﺎﻗﻬﺎ ﻭﺟﺮﺕ ﺍﻟﺪﻭﺷﻚ ﺍﻟﻲ ﻋﻠﺊ ﺍﻟﺴﺮﻳﺮ ﺷﻤﺮﺗﻪ ﻋﻠﺊ ﺍﻻﺭﺽ ﻛﺎﻟﺖ ... ﺯﻣﺎﻝ ﺣﺎﻃﻠﻲ ﺩﻭﺷﻚ ﺭﺍﻳﺤﻪ ﺭﻭﺣﻪ
ﻓﺘﺤﺖ ﺍﻟﺒﺎﺏ ﻭﺷﻤﺮﺗﻪ ﺑﺮﻩ ﻭﻃﻠﻌﺖ ﺍﻟﺰﻭﻟﻴﻪ ﻭﺍﻟﻔﺮﺷﺎﺕ ﺷﻤﺮﺗﻬﺖ ﺑﺮﻩ
ﻛﺘﻠﻬﺎ .. ﻳﺎﺍﺍ ﺗﺎﺝ ﺷﺴﻮﻳﻦ
ﺟﺎﻭﺑﺖ .. ﺍﻧﺘﻲ ﺍﻟﺰﻣﻲ ﺍﻟﺒﻨﺎﺕ ﻭﻣﺎﻟﺞ ﺷﻐﻞ
ﺟﺮﺕ ﺍﻟﺠﺮﺑﺎﻳﻪ ﻟﻮﺣﺪﻫﺎ ﻫﻲ ﺷﻜﺪ ﻓﺎﻫﻴﻪ ﻭﻋﺠﻮﺯﻳﻪ ﺑﺲ ﻣﺪﺭﻱ ﻣﻨﻴﻦ ﺍﺟﺘﻬﺎ ﺍﻟﻘﻮﻩ ﻓﺴﺨﺖ ﺍﻟﺠﺮﺑﺎﻳﻪ ﻭﻃﻠﻌﺘﻬﺎ ﺑﺮﻩ ...
ﻭﺣﺎﻁ ﺛﻼﺟﻪ ﺻﻐﻴﺮﻩ ﻓﺮﺍﻏﻪ ﺟﺎﻧﺖ ﺳﺤﺒﺘﻬﺎ ﻭﻃﻠﻌﺘﻬﺎ ﺑﺮﻩ
ﺣﺘﺊ ﻛﺎﺭﻭﻙ ﺯﻫﺮﺍﺀ ﺷﻤﺮﺗﻪ ﺑﺮﻩ ﻣﺎ ﺧﻠﺖ ﺑﺲ ﺍﻟﻜﻨﺘﻮﺭ ﻟﻮ ﺑﻴﺪﻫﺎ ﻫﻢ ﺗﺸﻤﺮﻩ ﺑﺲ ﻣﻜﺪﺭﺕ ...
ﺷﺎﻟﺖ ﻟﺒﻼﺯﻣﺎ ﻃﻠﻌﺘﻬﺎ ...
ﻃﻠﻌﺖ ﺟﺎﺑﺖ ﺳﻄﻞ ﺑﻲ ﺯﺍﻫﻲ ﻭﻣﻲ ﻭ ﻣﺎﺳﺤﻪ ﻭ ﻭﺻﻠﻪ ﻭﻛﻌﺪﺕ ﺗﻨﻀﻒ .. ﺑﺲ ﺑﺤﺮﻛﻪ ﻛﻠﺐ ﻣﺎ ﺧﻠﺖ ﺷﺊ ...
ﻃﻠﻌﺖ ﺑﺮﻩ ﻫﻮ ﻭﺍﻧﻲ ﻃﻠﻌﺖ ﻭﻳﺎﻫﺎ .. ﻫﻮ ﻃﻠﻊ ﻣﻦ ﻏﺮﻓﺘﻪ ﻭﻛﻌﺪ ﻋﻠﺊ ﺍﻟﺪﺭﺡ ﻭﻳﺒﺎﻭﻉ ﻋﻠﻴﻬﺎ ...
ﻭﻫﻲ ﺗﻔﺘﺮ ﺑﺜﻮﺑﻬﺎ ﻃﺎﻳﺮ ﻟﺮﻛﺒﺘﻬﺎ ﻭﺷﻌﺮﻫﺎ ﻛﺼﻴﺮ ﺷﺎﻳﻠﺘﻪ ﺑﻘﺮﺍﺻﻪ ﻭﻟﺒﺴﺖ ﻃﻮﻙ ﺯﻳﻨﺐ ﻭﻣﺘﻌﺼﺒﻪ ﻭﺟﻬﻬﺎ ﺻﺎﺭ ﺍﺣﻤﻤﻤﺮ ..
ﻭﺗﺪﺭﺩﻡ ... ﺍﻣﺪﺍﻧﻲ ﺍﻣﺪﻩ ﺣﻀﻲ ﻣﺴﺎﻭﻳﺖ ﺍﻟﻨﺴﻮﺍﻥ ﺟﺎﻳﺒﻠﻲ ﺳﻜﺮﺍﺏ ﻣﻦ ﺍﻟﺤﺮﺏ ﺍﻟﻌﺎﻟﻤﻴﻪ ﺍﻟﺜﺎﻟﺜﻪ ﻭﺍﻟﻠﻪ ﺍﺣﺮﻛﻬﻦ ﻭﻻ ﺍﺧﻠﻴﻬﺖ ﺑﻐﺮﻓﺘﻲ
ﻫﻮ ﻳﺪﺧﻦ ﻭﻳﺒﺎﻭﻉ ﻋﻠﻴﻬﺎ ﻋﺾ ﺷﻔﺘﻬﺎ ﻛﻠﻬﺎ ... ﺷﻨﻮ ﺍﻟﻴﻮﻡ ﻣﺴﻮﻳﻪ ﻋﻤﻞ ﺷﻌﺒﻲ
ﺑﺎﻭﻋﺘﻠﻪ ... ﻻ ﺩﺍ ﺍﺷﻴﻞ ﺍﻟﺴﻜﺮﺍﺏ ﺍﻟﻲ ﻣﺨﻠﻲ ﺑﻐﺮﻓﺘﻲ ﺗﺮﻳﺪﻩ ؟ ﺍﺧﺎﻑ ﻋﺠﺒﻚ ﺍﺧﺬﻩ ﺑﺎﻟﻌﺎﻓﻴﻪ
ﺍﺗﺼﻞ ﻣﻮﺑﺎﻳﻠﻪ ﻭﻣﺎ ﺭﺩ ﻋﻠﻴﻬﺎ ﺿﻞ ﻳﺤﺠﻲ ﺑﺎﻻﻧﻜﻠﻴﺰﻱ ﻣﺎ ﻓﻬﻤﺖ ﺑﺲ ﻛﻠﻤﺔ My wife is nervous .. ﻭﻳﻀﺤﻚ
ﻭﺗﺎﺝ ﺑﻌﺪﻫﺎ ﺗﺮﻃﻦ ﻭﻛﻞ ﺷﻮﻳﻪ ﻛﺎﻟﺖ ... ﺍﻧﻮﺏ ﻋﻠﻴﻪ ﻣﺎﻳﻜﻞ ﺿﺮﻩ ﺛﺎﻟﺜﻪ ﻋﻠﺊ ﻛﻠﺒﻲ ..
ﺧﻄﻴﻪ ﺍﺟﻪ ﻣﺤﻤﺪ ﻫﻲ ﻟﺒﺴﺖ ﺣﺠﺎﺑﻬﺎ ﻭﻃﻠﺒﺖ ﻣﻦ ﻣﺤﻤﺪ ﻳﺼﻌﺪ ﺍﻻﻏﺮﺍﺽ ﻓﻮﻙ ﻭﻫﻮ ﻣﻘﺼﺮ ﺑﺲ ﺍﻟﺒﻼﺯﻣﺎ ﻭﺍﻟﺜﻼﺟﻪ ﺍﻟﺼﻐﻴﺮﻩ ﺭﺟﻌﻬﺎ ...
ﻭﻓﺮﺷﺖ ﺍﻓﺮﺍﺵ ﻭﻛﻌﺪﺕ ﻭﺯﻫﺮﺍﺀ ﺑﺤﻀﻨﻬﺎ ﺿﻠﺖ ﺗﺒﺠﻲ ﺷﻮﻭﻭﻳﻪ ﻭﺍﻧﻲ ﻛﺎﻋﺪﻩ ﻳﻤﻬﺎ ﻭﺳﺎﻛﺘﻪ ...
ﺑﻌﺪﻫﺎ ﺍﺟﻪ ﻣﺤﻤﺪ ﻛﺎﻝ ... ﻋﻤﻮ ﺑﺎﻟﺒﺎﺏ ﻳﺮﻳﺪﺝ
ﺑﺪﻟﺖ ﻭﺳﻠﻤﺖ ﻋﻠﻴﻪ ﻭﻃﻠﻌﺖ ﻃﺒﻌﺎ ﻋﻤﻮ ﻣﻴﻘﺒﻞ ﻳﺪﺧﻞ ﻋﻠﻴﻬﻢ ﻣﻴﺤﺠﻲ ﻭﻳﻪ ﺍﺑﺎﺫﺭ ..
ﺭﺣﻨﻪ ﻟﻠﺒﻴﺖ ﻛﺎﻝ .. ﺍﻟﻴﻮﻡ ﺧﻄﻴﺒﺞ ﻳﺠﻲ
ﺳﻜﺘﺖ ﻭﻫﻤﺴﺖ ﺑﻜﻠﺒﻲ ... ﻻ ﻫﻼ ﻭﻻ ﻣﺮﺣﺒﺎ
ﻭﺻﻠﻨﻪ ﻟﻠﺒﻴﺖ ﻭﺷﻮﻳﻪ ﻭﺍﺟﻪ ﻣﺴﻠﻢ ﺭﺣﺖ ﺳﻮﻳﺖ ﺟﺎﻱ ﻭﻛﻔﺖ ﺍﺗﺴﻤﻊ ﻋﻠﻴﻬﻢ ....
ﺳﻤﻌﺖ ﻋﻤﻮ .. ﻳﻜﻮﻟﻪ ﻫﺎﻱ ﻋﺸﺮ ﻣﻼﻳﻴﻦ ﺟﻴﺐ ﻏﺮﻓﻪ ﻭﺷﻨﻮ ﺗﺤﺘﺎﺝ ﺳﻮﻱ ﺑﻴﻬﻦ ﺍﻭﻙ ...
ﺍﻧﻲ ﺗﺨﺒﻠﺖ
ﺟﺎﻥ ﻣﺴﻠﻢ ﻛﺎﻝ ... ﻭﺍﻟﻠﻪ ﺭﺑﻊ ﻣﺎ ﺍﺧﺬ ﺳﻴﺪﻱ ﺍﻧﺖ ﻣﻮ ﺍﻧﻄﻴﺘﻨﻲ ﺑﻨﺖ ﺍﺧﻮﻙ ﻭﺣﻤﻠﺘﻨﻲ ﺩﻳﻦ ﺑﻌﺪ ﺧﻤﺲ ﻣﻼﻳﻴﻦ ﺍﻟﺬﻫﺐ ﻟﻮ ﺍﺑﻴﻊ ﺳﺘﻮﺗﻲ ﻣﺎ ﺍﻭﻓﻴﻬﻦ
ﺟﺎﻭﺑﻪ ... ﻳﻤﻌﻮﺩ ﺳﺪﺩ ﻋﻠﺊ ﻛﻴﻔﻚ ﺍﻧﻲ ﻣﺸﺘﺮﻳﻚ
ﻣﺴﻠﻢ ... ﻻ ﺳﻴﺪﻱ ﻭﺭﻭﺡ ﺍﺑﻮﻭﻱ ﻣﺎ ﺍﺧﺬ ﺩﺭﻫﻢ ﻭﺍﻟﺤﻤﺪ ﻟﻠﻪ ﺍﻧﻲ ﺧﻠﺼﺖ ﻛﻞ ﺷﻐﻼﺗﻲ ﺑﻌﺪ ﺑﺲ ﺍﺗﺰﻭﺝ ... ﻭﺧﻮﺍﻟﻲ ﻣﻘﺼﺮﻭ ﺍﻟﺤﻤﺪ ﻟﻠﻪ
ﻋﻤﻮ .. ﺷﻮﻛﺖ ﻧﺎﻭﻱ ﺗﺘﺰﻭﺝ
ﻣﺴﻠﻢ .. ﺍﻻﺳﺒﻮﻉ ﺍﻟﺠﺎﻱ
ﺍﻧﻲ ﻣﻦ ﻛﺎﻝ ﺍﻻﺳﺒﻮﻉ ﺍﻟﺠﺎﻱ ﺣﺴﻴﺖ ﺑﻐﺼﻪ ﻭﺭﻋﺐ ﺭﻛﻀﺖ ﺍﻟﻐﺮﻓﺘﻲ ﺍﺑﺠﻲ ﻣﺎ ﺍﺭﻳﺪ ﺍﺗﺰﻭﺟﻪ ﻣﺎ ﺍﺭﻳﺪﻩ .. ﺍﻧﻮﺏ ﺯﻭﺍﺝ ﻭﻛﻠﻪ ﺩﻳﻴﻦ ... ﺿﻠﻴﺖ ﺍﺑﺠﻲ ﺑﺼﻤﺖ ﻭﺍﻧﺤﺐ ﺑﺲ ﻋﻤﻮ ﻣﺼﺮ ﺍﺗﺰﻭﺟﻪ
ﺍﻧﻮﺏ ﻫﻮ ﻳﺪﻓﻊ ﺍﻟﻪ ﻓﻠﻮﺱ ﺷﻨﻮ ﻏﺎﻳﺘﻪ؟ﺍﺗﺬﻛﺮﺕ ﺭﺣﺖ ﻛﻮﻳﺖ ﻣﻼﺑﺲ ﻋﻤﻮ ﻭﻣﻼﺑﺲ ﻫﺸﺎﻡ ﻻﻥ ﺑﺎﺟﺮ ﻳﺮﻭﺡ ﻳﻌﻘﺪ ﻣﺤﻜﻤﻪ
................
ﻛﻌﺪﺕ ﺍﻟﺼﺒﺢ ﻋﻠﻰ ﻭﻗﺖ ﺍﻟﻴﻮﻡ ﺭﺍﺡ ﻳﺠﻲ ﻣﻌﺘﺼﻢ ﻭﻫﺸﺎﻡ ﻋﻤﻮﺩ ﻧﺮﻭﺡ ﻧﻌﻘﺪ ﺑﺎﻟﻤﺤﻜﻤﺔ ، ﺗﻤﻄﻄﺖ ﻭﺗﺜﺎﺋﺐ ﺍﺭﻳﺪ ﺍﺻﺤﺼﺢ ﻣﺎﻧﻤﺖ ﺍﻟﺒﺎﺭﺣﺔ ﻣﻦ ﺍﻟﺘﻔﻜﻴﺮ ﺑﻬﺬﺍ ﺍﻟﻴﻮﻡ ..
ﻛﻤﺖ ﻣﻦ ﺳﺮﻳﺮﻱ ﻭﺗﻮﺟﻬﺖ ﻟﺴﺮﻳﺮ ﺗﻮﻟﻴﻦ ﺍﺻﺤﻴﻬﺎ
ﻛﻮﻣﻲ ﺗﻮﻟﻴﻦ ﻛﻮﻣﻲ .. ﻭﺧﺮﺕ ﺍﻟﻐﻄﺎﺀ ﻭﺭﻓﻌﺖ ﺍﻳﺪﻫﺎ ﺗﺘﻤﻄﻂ ﻓﺎﺗﺤﺔ ﻋﻴﻦ ﻭﻣﻘﻠﺼﺘﻬﺎ ﻭﻣﻐﻤﻀﺔ ﺍﻟﻌﻴﻦ ﺍﻟﺜﺎﻧﻴﺔ
ﻛﺎﻟﺖ ﻫﺎ ﻗﺪﺭ ﺷﻜﻮ ﻣﻦ ﺍﻟﺼﺒﺢ .
ﻛﻮﻣﻲ ﻳﻠﻪ ﻧﺮﻭﺡ ﻟﻠﻤﺤﻜﻤﺔ ﻧﻌﻘﺪ
ﺭﺟﻌﺖ ﺍﻟﻐﻄﻰ ﻋﻠﻰ ﺭﺍﺳﻬﺎ ﻭﺣﻜﺖ ﻣﻦ ﺟﻮﺓ ﺍﻟﺒﻄﺎﻧﻴﺔ : ﻗﺎﺑﻞ ﺍﻧﻲ ﺭﺍﺡ ﺍﺗﺰﻭﺝ ﻭﻳﺎﻛﻲ ﺭﻭﺣﻲ ﻭﺣﺪﻙ ﻣﺴﻮﻳﺘﻨﻲ ﻣﺜﻞ ﺟﻨﻄﺔ ﻭﻳﻦ ﻣﺎ ﺍﺭﻭﺡ ﻭﻳﺎﻙ ﺧﻠﻴﻨﻲ ﻧﺎﻳﻤﺔ .
_ ﻭﻟﺠﻜﻤﺎ ﺍﻣﻦ ﻋﻠﻴﻜﻲ ﻭﺣﺪﻙ ﻛﻮﻣﻲ ﻳﻠﻠﻪ ﺗﻮﻟﻴﻦ ﻻ ﺗﺸﻠﻌﻴﻨﺎ ﻟﻘﻠﺒﻲ . ﻭﺧﺮﺕ ﺍﻟﻐﻄﻰ ﻣﻦ ﻋﻠﻴﻬﺎ ﻭﺷﻤﺮﺗﻪ ﻋﻠﻰ ﺍﻟﺴﺮﻳﺮ ﻟﻤﺖ ﻧﻔﺴﻬﺎ ﻭﺑﺎﻭﻋﺘﻠﻲ ﻣﻘﻠﺼﺔ ﻋﻴﻮﻧﻬﺎ ﻭﻣﻨﻌﺴﻪ ..
_ ﺷﻜﻮ ﻋﻠﻴﺎ ﻗﺪﺭ ﺭﻭﺣﻲ ﻟﻮﺣﺪﻙ ﺭﻭﺣﻲ ..
_ ﻛﺘﻠﻚ ﻫﺴﻪ ﺗﻜﻮﻣﻴﻦ ﻳﻠﻠﻪ ﻛﺪﺍﻣﻲ
ﻣﺪﻳﺖ ﺍﻳﺪﻱ ﻭﻟﺰﻣﺘﻬﺎ ﻣﻦ ﻋﻜﺴﻬﺎ ﻧﺰﻟﺘﻬﺎ ﻣﻦ ﻋﻠﻰ ﺍﻟﺴﺮﻳﺮ ﻭﺻﺮﺕ ﺍﺳﺤﻞ ﺑﻴﻬﺎ ﻟﺤﺪ ﺍﻟﺤﻤﺎﻡ ﻏﺴﻠﺖ ﻭﺟﻬﻪ ﺻﺤﺼﺤﺖ ﻭﺭﺍﺣﺖ ﻭﺍﻧﻲ ﻏﺴﻠﺖ ﻭﺳﻮﻳﺖ ﺭﻳﻮﻙ ﺍﻛﻠﻨﺎ ﻭﺭﺣﺖ ﺑﺪﻟﺖ
ﻃﻠﻌﺘﻠﻲ ﻓﺴﺘﺎﻥ ﻭﺭﺩﻱ ﻭﺷﺎﻝ ﺍﺑﻴﺾ ﻭﺣﺬﺍﺀ ﺍﺑﻴﺾ
ﺧﻠﻴﺖ ﻣﻜﻴﺎﺝ ﺧﻔﻴﻒ ﻭﺗﻮﻟﻴﻦ ﺑﺪﻟﺖ ﻭﻇﻠﻴﻨﻪ ﻧﻨﺘﻈﺮ ﻳﺠﻲ ﻣﻌﺘﺼﻢ ﻭﻳﺎﺧﺬﻧﺎ ..
ﺗﻮﻟﻴﻦ ﻇﻠﺖ ﺗﻬﺰ ﺑﺮﺟﻠﻴﻬﺎ : ﺷﻮﻛﺖ ﻳﺠﻮﻥ ﺍﺷﻮ ﺗﺄﺧﺮﻭ ﻟﻮ ﺍﻧﺘﻲ ﻣﻜﻌﺪﺗﻨﺎ ﻋﻠﻰ ﻭﻗﺖ
ﺳﻤﻌﻨﺎ ﺻﻮﺕ ﻫﻮﺭﻥ ﺳﻴﺎﺭﺓ ﺭﺍﺣﺖ ﺗﺮﻛﺾ ﻗﺒﻠﻲ ﺩﻗﻴﻘﺔ ﻭﺭﺟﻌﺖ ﺗﻠﺘﻘﻂ ﺍﻧﻔﺎﺳﻬﺎ ﺑﺼﻌﻮﺑﺔ
ﻛﺎﻟﺖ : ﺍﺟﻮ ﺍﺟﻮ ﻃﻠﻴﺖ ﻣﻦ ﺯﺭﻑ ﺍﻟﺒﺎﺏ ﺷﻔﺖ ﺍﻟﻀﺎﺑﻂ ﺍﻟﺤﻠﻮﻭ ﻣﻌﺘﺼﻢ ﻳﺒﻮﻭﻭﻭﻩ ﻛﻮﻥ ﻳﺨﻄﺒﻨﻲ ﻋﺒﺎﻟﻚ ﻫﻮ ﺍﻟﻌﺮﻳﺲ
ﺍﺵ ﺍﺵ ﻻﻳﺴﻤﻌﻚ ﻋﻴﺐ ﺩﻳﺪﻙ ﺍﻟﺒﺎﺏ ﺣﺠﻴﺖ ﻭﺍﻳﺪﻱ ﻋﻠﻰ ﺣﻠﻜﻲ ﺑﺎﻭﻋﺖ ﻟﻠﻤﺮﺍﻳﺔ ﺍﺧﺮ ﻣﺮﺓ ﻭﻃﻠﻌﺖ ﻟﻠﺒﺎﺏ ﻭﺗﻮﻟﻴﻦ ﻭﺭﺍﻳﺎ
ﻣﺪﻳﺖ ﺍﻳﺪﻱ ﻟﻠﺒﺎﺏ ﺧﺠﻠﺖ ﺍﻓﺘﺤﻬﺎ ﺑﻘﻴﺖ ﺍﻳﺪﻱ ﻣﻌﻠﻜﺔ
ﻭﺍﻧﺪﻛﺖ ﺍﻟﺒﺎﺏ ﻭﺟﻔﻠﺖ ﺑﺨﻮﻭﻑ ﺗﻮﻟﻴﻦ ﺗﻘﺪﻣﺖ ﻗﺒﻠﻲ ﻭﻓﺘﺤﺘﻬﺎ ﻭﺻﺎﺭ ﺑﻮﺟﻬﻨﺎ ﻣﻌﺘﺼﻢ .
ﻻﺑﺲ ﻗﻤﻴﺺ ﺍﺳﻮﺩ ﻭﺑﻨﻄﺮﻭﻥ ﺟﻴﻨﺰ ﺑﺎﻭﻋﻠﻲ ﺛﻮﺍﻧﻲ ﻭﺩﺍﺭ ﻭﺟﻬﻮ ﻛﺎﻝ ﺻﺒﺎﺡ ﺍﻟﺨﻴﺮ ﻳﻠﻪ ﺧﻠﺼﺘﻮ ﻭﻭﻳﺎﻫﻪ ﺣﺴﺮﺓ ﺑﺬﻝ ﺟﻬﺪ ﺑﻜﺘﻤﻬﺎ ..
ﺑﻨﺒﺮﺓ ﺧﺎﻓﺘﺔ : ﺻﺒﺎﺡ ﺍﻟﻨﻮﺭ ﺍﻱ ﻧﻌﻢ ﺧﻠﺼﻨﺎ
ﺍﺷﺮﻟﻲ ﺑﺎﺗﺠﺎﻩ ﺍﻟﺴﻴﺎﺭﺓ ﻭﺣﻜﺊ ﻳﻠﻠﻪ ﺗﻔﻀﻠﻮ
ﺗﺒﻌﻨﺎ ﺍﻧﻲ ﻭﺗﻮﻟﻴﻦ ﺷﻔﺖ ﻫﺸﺎﻡ ﻛﺎﻋﺪ ﺑﺎﻟﻮﺭﺓ
ﻫﻮ ﻓﺘﺢ ﺑﺎﺏ ﺍﻟﺼﺪﺭ ﻭﺍﺷﺮ ﻟﺘﻮﻟﻴﻦ ﺗﻜﻌﺪ ﻛﺪﺍﻡ
ﻭﺍﻧﻲ ﺗﻮﺟﻬﺖ ﻟﺒﺎﺏ ﺍﻟﻮﺭﺓ ﻓﺘﺤﺘﻬﺎ ﻭﺍﻳﺪﻱ ﺗﺮﺟﻒ
ﺻﺎﺭ ﻛﺪﺍﻣﻲ ﻫﺸﺎﻡ ﻛﺎﻋﺪ ﺑﺎﻟﺠﻬﺔ ﺍﻟﺜﺎﻧﻴﺔ ﻻﺑﺲ ﺳﺘﺮﺓ ﺭﺻﺎﺻﻴﺔ ﺍﺟﺖ ﻋﻴﻨﻲ ﺑﻌﻴﻨﻮ ﺑﺸﻔﺎﻳﻒ ﻣﺮﺗﺠﻔﺔ
_ ﺻﺒﺎﺡ ﺍﻟﺨﻴﺮ
ﺟﺎﻭﺏ ﺑﻨﺒﺮﺓ ﺑﺎﺭﺩﺓ ﺻﺒﺎﺡ ﺍﻟﻨﻮﺭ
ﺻﻌﺪﺕ ﻭﻛﻌﺪﺕ ﺑﺼﻔﻮ ﻭﻓﺎﺕ ﻣﻌﺘﺼﻢ ﺑﺎﻭﻉ ﺛﻮﺍﻧﻲ ﺑﺎﻟﻤﺮﺍﻳﺔ ﻋﻠﻴﻨﺎ ﻭﻧﺰﻝ ﺭﺍﺳﻮ ﻭﺍﻧﻄﻠﻖ ﺑﻴﻨﺎ ﻟﻠﻤﺤﻜﻤﺔ ، ﻃﻮﻝ ﺍﻟﻄﺮﻳﻖ ﺍﺣﻨﺎ ﺳﺎﻛﺘﻴﻦ ..
ﻭﺻﻠﻨﺎ ﻟﻠﻤﺤﻜﻤﺔ ﻧﺰﻝ ﻣﻌﺘﺼﻢ ﻓﺘﺢ ﺻﻨﺪﻭﻙ ﺍﻟﺴﻴﺎﺭﺓ ﻭﻃﻠﻊ ﺍﻟﻜﺮﺳﻲ ﺍﻟﻤﺘﺤﺮﻙ ﻭﺧﻼ ﺑﺼﻒ ﺑﺎﺏ ﺍﻟﺴﻴﺎﺭﺓ ، ﻧﺰﻝ ﻫﺸﺎﻡ ﻭﺧﻼﻩ ﻋﻠﻴﻪ ..
ﻛﺎﻝ ﺍﻟﺰﻣﻲ ﺍﻟﻜﺮﺳﻲ ﺗﻘﺮﺑﺖ ﻭﻟﺰﻣﺘﻮ ﻭﻫﻮ ﻗﻔﻞ ﺍﻟﺴﻴﺎﺭﺓ ﻭﺍﺟﻪ ﺍﺧﺬ ﻣﻨﻲ ﺍﻟﻜﺮﺳﻲ ﻭﻃﺨﺖ ﺍﻳﺪﻱ ﺑﻴﺪﻳﻪ ...
ﺑﻌﺪﺗﻬﺎ ﺑﺴﺮﻋﻪ ﻭﻫﻮ ﻣﺸﺊ ﺑﻲ ﻟﻠﻤﺤﻜﻤﻪ ﻭﺍﻧﺎ ﻭﺗﻮﻟﻴﻦ ﻭﺭﺍﻩ
ﺩﺧﻠﻮﻧﻪ ﺑﺴﺮﻋﻪ ﻋﻘﺪﻧﻪ ﻣﺎ ﺗﺎﺧﺮﻧﻪ ﻛﺜﻴﻴﺮ ﻭﻛﻞ ﻭﺍﺣﺪ ﺍﻧﻄﺊ ﻣﻮﺍﻓﻘﺘﻪ ...
ﻭﺑﻌﺪﻫﺎ ﺭﺟﻌﻨﻪ ﻟﻠﺴﻴﺎﺭﻩ ...
ﻣﻌﺘﺼﻢ ﺷﺎﻝ ﻫﺸﺎﻡ ﻭﺣﻄﻮ ﺑﺴﻴﺎﺭﺗﻮ .. ﻭﺭﺍﺡ ﻳﺴﻮﻕ ﻛﻀﺐ ﺿﻬﺮﻭ ﺑﻮﺟﻊ ﺣﻜﺊ ... ﺍﺍﺍﻩ ﺿﻬﺮﻱ
ﺍﻱ ﻓﻌﻼ ﻣﺎ ﺍﻋﺮﻑ ﺷﻠﻮﻥ ﺷﺎﻝ ﻫﺸﺎﻡ ﻫﻮ ﻭﻟﺪ ﺷﺎﺏ ﻭﻋﻀﻤﻮ ﺧﺸﻦ ..
ﻭﺳﺎﻕ ﺑﺴﺮﻋﻪ ﻭﺗﻮﻟﻴﻦ ﺻﺎﻓﻨﻪ ﻋﻠﻴﻪ ﻭﺻﻠﻨﻪ ﻟﻠﺒﻴﺖ ﻭﻧﺰﻟﻨﻪ ...
ﺳﻠﻤﺖ ﻋﻠﺊ ﻫﺸﺎﻡ ﻭﺍﻧﺎ ﺍﺑﺘﺴﻢ ﺑﻬﺪﻭﺀ ﻭﻫﻮ ﻛﺬﻟﻚ ﺍﺑﺘﺴﻢ ﺍﻟﻲ ﻭﺩﺧﻠﺖ ﺟﻮﻭﻩ ...
ﺍﻟﺤﻤﺪ ﻟﻠﻪ ﻫﺸﺎﻡ ﺷﺎﺏ ﻭﺍﻥ ﺷﺎﺀ ﻟﻠﻪ ﺍﻛﻮ ﺍﻣﻞ ﻳﺘﺤﺴﻦ ﻳﺎﺭﺏ ...
...................
ﺑﻌﺪ ﻣﺮﻭﺭ ﺍﺳﺒﻮﻭﻭﻉ
ﺍﻟﻴﻮﻡ ﺣﻨﻪ ﻣﻴﺲ ...
ﺭﺩﺕ ﺍﺭﻭﺡ ﻻﻫﻠﻲ ...
ﻃﺒﻌﺎ ﺍﻧﻲ ﻭﺍﻧﺘﺼﺎﺭ ﺍﺑﺒﺪ ﻣﺎ ﻋﺪﻧﻪ ﻋﻼﻗﻪ ﺍﻧﻲ ﺩﺍﺋﻤﺎ ﻣﻠﺘﻬﻴﻪ ﺑﺒﻨﺎﺕ ﻫﺒﻪ ... ﻭﻫﻲ ﻣﻠﺘﻬﻴﻪ ﺑﺰﻭﺟﻬﺎ ﺍﺑﻮ ﺍﻟﺘﻌﺪﺩ ﻋﺸﺘﻮﻭ ...
ﻣﺎﺧﺬﺗﻪ ﺣﺎﺻﻞ ﻓﺎﺻﻞ .. ﻭﻳﻦ ﻣﺎ ﺍﺭﻭﺡ ﺍﻟﻜﺎﻫﺎ ﺗﺒﻮﺱ ﺑﻲ ﻋﺒﺎﻟﻚ ﻣﺸﺎﻳﻔﻪ ﺑﻮﻭﻭﺱ ﻭﻳﻴﻊ ...
ﻭﺍﻟﻠﻪ ﻭﺍﻟﻠﻪ ﺍﺭﻳﺪ ﺍﻋﺎﺭﻛﻪ ﺍﻛﻠﻪ ﺫﻳﺞ ﻏﺮﻓﻪ ﻭﺍﺷﺒﻊ ﺑﻮﻭﺱ ﻣﻮ ﻛﺪﺍﻡ ﺍﻟﻤﻠﺊ ...
ﻭﻫﺎﻳﻪ ﺯﻧﻮﺑﻪ ﺗﻨﺘﺒﻪ ﺩﻛﻮﻟﻲ ... ﺗﻮﺗﻪ ﻫﺎﻱ ﻃﻄﺎﺭ « ﺍﻧﺘﺼﺎﺭ » ﻣﺎ ﺍﺗﺤﻲ ﺑﻮﺕ .. ﻋﻤﻮﻭ « ﻣﺘﺴﺘﺤﻲ ﺗﺒﻮﺱ ﻋﻤﻮ
ﻃﻠﻌﻮ ﻋﻴﻮﻥ ﺯﻧﻮﺑﻪ ...
ﺍﻧﻲ ﻗﺮﺭﺕ ﺍﻛﻤﻞ ﺩﺭﺍﺳﺘﻲ ﻭﺍﻓﺎﺗﺤﻪ ﺑﺎﻟﻤﻮﺿﻮﻉ ...
ﻃﺒﻌﺎ ﺣﻔﻴﺖ ﺍﻧﻲ ﺑﻴﺪﻱ ﻭﺧﺼﻠﺖ ﺷﻌﺮﻱ ﻭﺳﻮﻳﺖ ﺷﻤﻊ ﻋﻨﺪﻱ ﻓﺴﺎﺗﻴﻦ ﺛﻨﻴﻦ ..
ﻭﺍﻟﺒﻨﺎﺕ ﻋﻤﺘﻲ ﺭﺍﺣﺖ ﺍﺷﺘﺮﺕ ﺍﻟﻬﻦ ﻫﻮ ﺍﻧﻄﺎﻫﺎ ﻓﻠﻮﺱ ﻭﺍﻧﻄﺎﻫﺎ ﺍﻟﻴﻪ ﻋﺎﺩ ﺍﻧﻲ ﺭﺟﻌﺘﻬﻦ ﻣﺎ ﺍﺭﻳﺪ ﻣﻨﻪ ...
ﺭﺣﺖ ﻟﻠﺒﻴﺖ ﺍﻫﻠﻲ ﻫﻮ ﺍﺧﺬﻧﻲ ﻭﺧﻠﺼﻬﺎ ﻳﺴﻮﻟﻒ ﻭﻳﻪ ﺯﻳﻨﺐ ﻋﺒﺎﻟﻚ ﺑﻨﻴﻪ ﻛﺒﻴﺮﻩ ...
ﻭﺻﻠﻨﻪ ﻭﻣﺎ ﺩﺧﻞ ﺩﺧﻠﺖ ﺟﻮﻩ ﻟﻜﻴﺖ ﻣﻴﺲ ﺑﺎﻟﺼﺎﻟﻮﻥ .. ﻭﺍﻟﻌﺎﻟﻢ ﻣﻠﺘﻤﻪ ...
ﺳﻠﻤﺖ ﻭﺭﺣﺖ ﺑﺪﻟﺖ ﻭﺣﻄﻴﺖ ﻣﻜﻴﺎﺝ ﻭﻟﺒﺴﺖ ﻓﺴﺘﺎﺕ ﻗﺼﻴﺮ
ﺷﻮﻳﻪ ﻭﺍﺟﺖ ﻣﻴﺲ ﻣﺎ ﺧﺬﺗﻬﺎ ﺧﺎﻟﻪ ﺩﻋﺎﺀ ﻟﻠﺼﺎﻟﻮﻥ ﻣﺎ ﺗﻮﺏ ﻣﻨﻬﺎ ...
ﻭﺩﻋﻴﻪ ﻃﺎﻟﻌﻪ ﺗﺠﻨﻦ ﻻﺑﺴﻪ ﺷﻮﺭﺕ ﻛﺎﺑﻮﻱ ﻭﺑﺪﻱ ﺻﻠﻮﺥ ﺍﺣﻤﺮ ﻭﺻﺎﺑﻐﻪ ﺷﻌﺮﻫﺎ ﻣﺎﺭﻭﻧﻲ ﻭﻣﻜﻴﺎﺝ ﻭﻋﺪﺳﺎﺕ ﻛﻠﻬﺎ ﺻﺎﻓﻨﻪ ﻋﻠﻴﻬﺎ ﻭﺗﻜﺴﺮ ﺑﺎﻟﺮﻛﺺ ﻭﺗﺪﻭﺭ ﻋﻠﺊ ﻣﻌﺘﺼﻢ ﺗﺮﻳﺪ ﺗﺸﻮﻓﻪ
ﻭﻣﻴﺲ ﻛﺎﻟﺒﻪ ﺧﻠﻘﺘﻬﺎ ﻃﺒﻌﺎ ﻣﺴﻠﻢ ﻣﺎ ﺍﺟﻪ ﺑﺎﻟﺤﻨﻪ ﻛﺎﻝ ﻋﺎﺯﻡ ﺍﺻﺪﻗﺎﺋﻪ
ﺧﻠﺼﺖ ﺍﻟﺤﻨﻪ ﻭﺩﻋﻴﻪ ﺍﺟﺖ ﺗﺮﻛﺾ ... ﻣﻌﺘﺼﻢ ﺷﺎﻓﻨﻲ ﻭﺿﻞ ﺻﺎﻓﻦ ﻭﺍﻟﻠﻪ ﻋﻴﺐ ﻳﺎﺭﺑﻲ ﺧﺠﻠﺖ
ﻣﺪﺭﻱ ﺟﺬﺍﺑﻪ ﻣﺪﺭﻱ ﺻﺪﻙ ﻫﻮ ﻣﻴﺤﺒﻬﺎ ﻫﻠﻜﺪ ...
ﺿﻠﻴﻨﻪ ﻟﻠﻌﺮﺱ ﻭﻣﻴﺲ ﻛﻌﺪﺕ ﻛﺎﻟﺒﻪ ﺍﻟﺨﻠﻘﻪ ﻭﻛﻞ ﺷﻮﻳﻪ ﺗﺘﻘﻴﺊ ﻭﺗﺒﺠﻲ ...
ﻋﻤﻮ ﺍﺧﺬﻫﺎ ﻟﻠﺼﺎﻟﻮﻥ ﻫﻲ ﻭﺩﻋﺎﺀ ...
ﺍﺟﺖ ﺧﻄﻴﺒﺔ ﻫﺸﺎﻡ ﻣﺎﻣﺎ ﻋﺎﺯﻣﺘﻬﺎ ﻫﻲ ﻭﺍﺧﺘﻬﺎ ﻭﻣﺮﺓ ﻋﻤﻬﺎ ...
ﺟﺎﻧﺖ ﻛﻮﻭﻟﺶ ﺣﻠﻮﻩ ﻭﻫﺎﺩﺋﻪ ﻭﺣﺒﺎﺑﻪ ﺣﻴﻴﻞ ﺗﺨﺠﻞ ﺑﺴﺮﻋﻪ ﻭﻟﺒﺴﻬﺎ ﻣﺤﺘﺸﻢ ﻛﻮﻭﻭﻟﺶ ﺣﺒﻴﺘﻬﺎ ...
ﺑﺪﻟﻨﻪ ﻭﺑﺪﻟﺖ ﻟﻠﺒﻨﺎﺕ ﻭﺍﺟﺖ ﻣﻴﺲ ﺷﻮﻳﻪ ﻭﺍﺟﺖ ﺍﻟﺰﻓﻪ ﻭﺍﺟﻪ ﻣﺴﻠﻢ ﻃﺎﻟﻊ ﺣﻠﻮﻭ ﻣﺰﻳﻦ ﻭﻻﺑﺲ ﻗﺎﻁ ﻧﻴﻠﻲ ﻭﻗﻤﻴﺺ ﺳﻤﺎﺋﻲ ﻭﺗﺴﺮﻳﺤﻪ ﻭﺍﻟﻄﺒﺮﻩ ﻣﻌﺪﻟﻬﺎ ﺍﺑﺘﺴﻤﺖ ﺷﺒﻲ ﻭﺍﻟﻠﻪ ﺣﻠﻮﻭ
ﻭﻳﻀﺤﻚ ﻭﺍﻣﻪ ﺗﺮﻛﺺ ﻭﺧﺎﻻﺗﻪ ﺩﺧﻞ ﺟﺪﻩ ﻭﺍﺧﺬﻫﺎ ﻫﻲ ﻭﻳﺎﻫﺎ ﻟﺒﺴﺎﻧﻬﺎ ﺍﻟﺒﺮﻧﺺ ﻭﻃﻠﻌﺖ ﺑﺲ ﺗﺒﺠﻲ ...
ﺭﺣﻨﻪ ﺑﺎﻟﺰﻓﻪ ﻭﻫﻮ ﻛﻞ ﺷﻮﻳﻪ ﻣﻄﻠﻊ ﺭﺍﺳﻪ ﻭﺻﺎﺡ ﻋﻠﺊ ﺻﺪﻳﻘﻪ ... ﺧﺎﺏ ﺍﺑﻮ ﺍﻟﺘﻨﺮ ﻃﻠﻌﺖ ﺍﻡ ﺩﻣﻴﻌﻪ ﺷﺴﻮﻱ
ﻭﺫﺍﻙ ﻳﺮﺩ ﻋﻠﻴﻪ .. ﻣﻮ ﺧﻮﺵ ﺳﺎﻟﻔﻪ ...
ﻭﺑﻌﺪﻫﺎ ﻧﺰﻟﻮ ﺟﻤﺎﻋﺘﻪ ﺍﻟﻌﻔﻄﻴﻪ ﺑﻨﺺ ﺍﻟﺸﺎﺭﻉ ﻭﺍﻟﺮﻛﺺ ﻭﺍﻟﺪﻙ ﻛﻮﻭﻟﺶ ﺗﻮﻧﺴﻨﻪ ﻋﺮﺱ ﺣﻠﻮﻭﻭ
ﻭﺻﻠﻨﻪ ﺟﺎﻥ ﺍﻟﻌﺮﺱ ﺑﺒﻴﺖ ﺍﻫﻞ ﺍﻣﻪ ﺑﻴﺖ ﺟﺪﻩ ..
ﺻﺒﻮ ﺍﻟﻌﺸﺎﺀ ﻭﺑﻌﺪﻫﺎ ﻣﺴﻠﻢ ﺍﺧﺬ ﺍﻣﻪ ﻭﻣﻴﺲ ﻭﺯﻓﻪ ﺧﺎﻟﻪ ﻟﺒﻴﺘﻬﻢ ﺑﻤﻨﻄﻘﺘﻬﻢ ﺍﻟﺘﻌﺒﺎﻧﻪ ﺑﺲ ﻣﺤﺪ ﺭﺍﺡ ﻭﻳﺎﻫﺎ ...
ﻭﺍﺣﻨﻪ ﺭﺟﻌﻨﻪ ﻟﻠﺒﻴﺖ ...
ﺧﺎﺑﺮﺗﻪ ﻫﻮ ﺍﺟﻪ ﺍﺧﺬﻧﻪ ...
ﻛﺎﻝ ﻟﺰﻳﻨﺐ .. ﺗﻮﻧﺴﺘﻮ
ﺯﻳﻨﺐ .. ﺍﻱ ﺩﻧﻦ ﻋﺮﻭﺗﻪ « ﺗﺠﻨﻦ ﺍﻟﻌﺮﻭﺳﻪ »
ﺩﺧﻠﻨﻪ ﻟﻠﺒﻴﺖ ﻭﺍﻧﺘﺼﺎﺭ ﻃﻠﻌﺖ ﻻﺑﺴﻪ ﺛﻮﺏ ﺿﻴﻚ ﻛﻠﺘﻠﻪ ... ﺣﻴﺎﺗﻲ ﺗﺎﺧﺮﺕ ﺷﻨﻮﻭ ﻭﻧﺒﻲ ﺍﺧﺎﻑ ﺍﻧﺎﻡ ﻭﺣﺪﻱ
ﻫﻤﺴﺖ ﺑﻜﻠﺒﻲ ﺍﻭﻝ ﻣﺮﻩ ﺍﺷﻮﻑ ﺳﻌﻠﻮﻩ ﺗﺨﺎﻑ ﺗﻨﺎﻡ ﻭﺣﺪﻫﺎ ...
ﺩﺧﻠﺖ ﻟﻐﺮﻓﺘﻲ ﻭﺳﺪﻳﺖ ﺍﻟﺒﺎﺏ ...
...........
ﻣﻴﺲ ...
ﻛﻨﺖ ﻛﺎﻋﺪﻩ ﻋﻠﺊ ﺍﻟﺴﺮﻳﺮ ﻭﻻﻣﻪ ﺭﺟﻠﻴﻪ ﺍﻟﺼﺪﺭﻱ ﺍﻟﺤﺰﻥ ﻣﺴﺘﻮﻃﻨﻲ ...
ﺑﻴﻦ ﻟﻴﻠﻪ ﻭﺿﺤﺎﻫﺎ ﺍﺻﻴﺮ ﺯﻭﺟﻪ ﻟﻮﺍﺣﺪ ﻫﺘﻠﻲ ﺳﺎﻗﻂ ﻭﺍﻧﻲ ﻣﻴﻮﺳﻪ ﺍﻟﻲ ﺍﻟﻜﻞ ﻳﺘﻤﻨﺎﻧﻲ ...
ﻣﺴﺘﺤﻴﻴﻞ ﻣﺴﺘﺤﻴﻞ ﻣﺴﻠﻢ ﺍﺻﻴﺮ ﺍﻟﻪ ﺯﻭﺟﻪ ﻭﺍﺣﺪ ﻋﺎﺭ ﺻﺎﺭ 3 ﺍﻳﺎﻡ ﻣﺘﺰﻭﺟﻴﻦ ﻭﻻ ﺷﻔﺘﻪ ﺭﻛﻊ ﺭﻛﻌﻪ ﻭﺣﺪﻩ ...
ﻭﺍﻻﺩﻫﺊ ﻣﻦ ﻫﻴﺞ ﻳﺤﻠﻒ ﺟﺬﺏ ﻭﻣﺪﺭﻱ ﻣﻨﻴﻦ ﻳﺠﻴﺐ ﺍﺋﻤﻪ ﻳﺤﻠﻒ ﺑﻴﻬﻢ ﺣﺘﺊ ﻣﺴﺎﻣﻌﻪ ﺍﻛﻮ ﻫﻴﺞ ﺍﺋﻤﻪ ...
ﺍﻣﺎ ﻋﻦ ﻗﺬﺍﺭﺓ ﺍﻟﺒﻴﺖ ﻻ ﻫﺬﺍ ﺑﺤﺚ ﺍﺧﺮ ... ﻣﺎﺍﻛﺪﺭ ﺍﻭﺻﻒ ﻛﻤﻴﺔ ﺍﻟﻘﺮﻑ ﺍﻟﻲ ﻫﻮ ﻭﺍﻣﻪ ﻛﺎﻋﺪﻳﻦ ﺑﻴﻬﺎ ...
ﻭﻧﺒﻲ ﺷﺊ ﻣﺤﺰﻥ ﻳﺎﺭﻳﺖ ﻟﻮ ﻳﺠﻲ ﻳﻨﻘﺬﻫﻢ ﻋﻠﻲ ﻋﺬﺍﺏ ﻭﻳﻄﻠﻌﻬﻢ ﻣﻦ ﺍﻟﺤﺎﻟﻪ ﺍﻟﻜﺴﻴﻔﻪ ﺍﻟﻲ ﻫﻤﻪ ﺑﻴﻬﺎ
ﻻ ﻭﺍﻟﻤﺸﻜﻠﻪ ﻓﺮﺣﺎﻥ ﺑﺎﻟﺨﺮﺍﺑﻪ ﺍﻟﻌﻨﺪﻩ ﻭﺩﻳﺤﺴﺴﻨﻲ ﻛﺎﻋﺪ ﺑﻔﻠﺔ ﻣﻦ ﻓﻠﻞ ﺍﻟﻤﻨﺼﻮﺭ ﺍﻟﻔﺨﻤﻪ ...
ﺑﻴﺘﻬﻢ ﻋﺒﺎﺭﻩ ﻋﻦ ﺳﺠﻦ ﻣﻮ ﺑﻴﺖ ... ﺑﺎﻟﺒﺪﺍﻳﺔ ﺣﻮﺵ ﻛﺒﻴﺮ ﻭﻣﻠﺤﻘﺎﺕ ﺗﻮﺍﻟﻴﺖ ﻭﺣﻤﺎﻡ ...
ﻭﺑﻌﺪﻫﺎ ﺍﺳﺘﻘﺒﺎﻝ ﻣﺤﻔﺮﻩ ﺗﻠﻌﺐ ﺳﺘﻴﻦ ﻧﻔﺲ ﺟﻨﻬﺎ ﻗﺒﺮ ﻗﺪﻳﻢ ﺻﺎﺭ ﺍﻟﻪ ﺍﻷﻟﻒ ﺍﻟﺴﻨﻴﻦ ... ﻭﻫﻮﻝ ﻛﺎﻋﺪﻩ ﺑﻲ ﺍﻣﻪ ...
ﻭﻏﺮﻓﺘﻲ ... ﻏﺮﻓﺘﻲ ﺍﻟﻮﺣﻴﺪﻩ ﺍﻟﻲ ﺑﻴﻬﺎ ﺣﻆ ﻛﺎﻧﺖ ﻣﺼﺒﻮﻏﻪ ﺟﺪﻳﺪ ﻭﻛﺬﺍﻟﻚ ﻏﺮﻓﺔ ﺍﻻﺧﺸﺎﺏ ﺣﻠﻮﻩ .. ﻳﻌﻨﻲ ﻣﻮ ﺣﻠﻮﻩ ﺣﻠﻮﻩ ﺑﺲ ﻳﻨﻄﻠﻊ ﺑﻴﻬﺎ ...
ﺣﺴﻴﺖ ﻋﻠﺊ ﺍﻟﺒﺎﺏ ﺍﻧﻔﺘﺢ ﺑﺎﻭﻋﺖ ﺷﻔﺘﻪ ﺩﺧﻞ ﺣﺴﻴﺖ ﺑﺒﺮﺍﻛﻴﻦ ﺗﻐﻠﻲ ﺑﺪﺍﺧﻠﻲ ﻋﺸﺘﻮﻭ ﻋﺮﻳﺲ ﺍﺑﻮ ﻃﺒﺮﻩ ...
ﺑﺎﻭﻋﻠﻲ ﺍﺑﺘﺴﻢ ﻭﺍﺟﻪ ﺷﻤﺮ ﺭﻭﺣﻪ ﻳﻤﻲ ﺍﺑﺘﻌﺪﺕ ﺷﻮﻭﻳﻪ ﻭﺍﻧﻲ ﻣﺘﻘﺮﻓﻪ ﻣﻨﻪ ...
ﺭﻏﻢ ﻫﻮ ﻣﺎﺑﻲ ﺷﺊ ﺍﻛﺜﺮ ﺷﺊ ﻳﻌﻴﺒﻪ ﺳﻨﻪ ﺍﻟﻤﻜﺴﻮﺭ ﻧﺼﻪ ﻭﺣﺎﺟﺒﻪ ﺍﻟﻤﻄﺒﻮﺭ ﻭﺍﻟﺒﺎﻗﻲ ﻻ ﺍﻋﺘﻴﺎﺩﻱ ...
ﻣﺎﺣﺴﻴﺖ ﻏﻴﺮ ﺑﻀﺮﺑﻪ ﻋﻠﺊ ﻛﺘﻔﻲ ﻭﻫﻮ ﻳﻀﺤﻚ
ﺑﺎﻭﻋﺘﻠﻪ ﺑﻌﺼﺒﻴﻪ ﻭﺻﺮﺧﺖ ﺑﻮﺟﻬﻪ .. ﺷﺒﻴﻚ ﻟﻴﺶ ﺿﺮﺑﺘﻨﻲ
ﺿﺤﻚ ﻭﻫﻮ ﻳﻬﺰ ﺑﺮﺃﺳﻪ ﺑﻌﺪﻡ ﻗﺒﻮﻝ ... ﻫﻬﻬﻬﻪ ﺍﻣﻲ ﺿﺤﻜﺘﻨﻲ ﺩﻛﻮﻝ ﻻ ﺗﻄﻠﻊ ﻻ ﺗﻨﺠﺒﺲ ﻭﺑﻌﺪ ﻣﺎ ﺗﺨﻠﻒ
ﻫﻤﺴﺖ ﺑﻜﻠﺒﻲ .. ﻋﺴﺎﻙ ﻻ ﺧﻠﻔﺖ ..
ﻭﺑﻌﺪﻫﺎ ﺟﺎﻭﺑﺘﻪ ... ﻟﻴﻜﻮﻥ ﺗﺮﻳﺪ ﺗﺨﻠﻒ ﻭﺗﻜﻌﺪﻫﻢ ﺑﻬﺬﺍ ﺍﻟﺒﻴﺖ
ﻛﺎﻝ .. ﺍﻓﺎﺍﺍ ﺍﻛﻴﻴﺪ ﻫﺬﺍ ﺍﻟﺒﻴﺖ ﺗﺮﺍﺛﻲ ﻣﺴﺘﺎﺭﺛﻪ ﻣﻦ ﺟﺪﻱ ﺍﺑﻮ ﺍﻣﻲ ﺍﻟﻠﻪ ﻳﺮﺣﻤﻪ ... ﻭﺍﻥ ﺷﺎﺀ ﻟﻠﻪ ﺍﺫﺍ ﺻﺎﺭ ﻋﺪﻧﻪ ﻃﻔﻞ ﺍﺑﻨﻲ ﻏﺮﻓﻪ ﺧﻤﺲ ﻧﺠﻮﻡ ...
ﺭﻓﻌﺖ ﺍﺻﺒﻌﻲ ﺑﺘﻬﺪﻳﺪ ... ﺍﻳﺎﻧﻲ ﻭﺍﻳﺎﻙ ﺗﺠﺒﺮﻧﻲ ﻋﻠﻰ ﻧﻔﺴﻚ ﻭﺣﻖ ﺍﻟﻠﻪ ﺍﻧﻬﺰﻡ ﺑﺎﻟﻴﻠﻪ ﺿﻠﻤﻪ .. ﻻ ﺍﺭﻳﺪﻙ ﻭﻻ ﺍﺭﻳﺪ ﺧﻠﻔﺘﻚ
ﻫﻮ ﻭﻛﻒ ﻭﻋﺪﻝ ﻗﻤﻴﺼﻪ ﻛﺎﻝ ... ﻣﺎﺍﺣﺐ ﺍﺟﺒﺮ ﺍﺣﺐ ﺍﺧﺬ ﺑﺎﻟﺮﺿﺎ ﻻﻥ ﻳﺼﻴﺮ ﺍﻟﻄﻌﻢ ﻏﻴﻴﻴﺮ ... ﻭﻏﻤﺰﻟﻲ
ﺗﻨﻬﺪﺕ ﻭﺟﺮﻳﺖ ﻧﻔﺲ ﻭﻛﻞ ﻗﻬﺮ ﺍﻟﺪﻧﻴﺎ ﻓﻮﻙ ﺭﺍﺳﻲ ... ﺧﻠﻴﺖ ﻭﻋﻔﺘﻪ ﺑﺎﻟﻐﺮﻓﻪ ﻃﻠﻌﺖ ﺑﺨﻮﻭﻑ ﻭﺍﻧﻲ ﺍﺭﺍﻗﺒﻪ ﺍﺧﺎﻑ ﻳﻬﺠﻢ ﻋﻠﻴﻪ ﻭﻳﺠﺒﺮﻧﻲ ...
ﺳﻤﻌﺖ ﺿﺤﻜﺘﻪ ﺍﻻﺳﺘﻔﺰﺍﺯﻳﻪ ﻭﺟﺎﻧﺖ ﻋﻴﻮﻧﻪ ﻣﺮﺍﻗﺒﺘﻨﻲ ...
ﺍﻟﻤﻬﻢ ﻛﺪﺭﺕ ﺍﻃﻠﻊ ﺷﻔﺖ ﺍﻣﻪ ﻛﺎﻋﺪﻩ ﺗﺎﻛﻞ ﺧﻴﺎﺭ ﻭﺧﺒﺰ ﻭﺗﺒﺎﻭﻉ ﻋﻠﻰ ﻣﺴﻠﺴﻞ ﻣﺼﺮﻱ ...
ﻃﻠﻌﺖ ﻟﻠﺤﻮﺵ ﻛﻌﺪﺕ ﻋﻠﺊ ﺍﻟﺪﺭﺝ ﺍﺣﺲ ﺑﻨﻬﺰﺍﻣﺎﺕ ﺩﺍﺧﻞ ﺟﻮﺍﺭﺣﻲ ﺭﺟﻌﺖ ﻟﻨﻮﺑﺔ ﺍﻟﺒﻜﺎﺀ ﺍﻟﺼﺎﺑﺘﻨﻲ ...
ﺷﻮﻭﻳﻪ ﻭﺍﻧﺪﻙ ﺍﻟﺒﺎﺏ ﻭﻛﻔﺖ ﺑﺴﺮﻋﻪ ﺻﺤﺖ ﻣﻨﻮﻭﻭ ...
ﻛﺎﻝ .. ﺍﻧﻲ ﺍﺑﻮ ﻋﺪﻭﻭﻳﻪ ﻣﺴﻠﻢ ﻣﻮﺟﻮﺩ
ﺟﺮﻳﺖ ﻧﻔﺲ ﻛﺘﻠﻪ ... ﺍﻱ ﻣﻮﺟﻮﺩ ﺍﺻﻴﺤﻪ ﺍﻟﻚ
ﺭﺩ ﺑﺼﻮﺕ ﻣﺎﺋﻞ ﻟﻠﻐﺮﻭﺭ .. ﺻﻴﺤﻲ ﺻﻴﺤﻲ ..
ﺭﺟﻌﺖ ﻟﻠﻐﺮﻓﻪ ﻓﺘﺤﺘﻪ ﻫﻮ ﺟﺎﻥ ﻓﺎﺗﺢ ﺍﻟﻜﻨﺘﻮﺭ ﻭﻳﺪﻭﺭ ﺑﻲ ﺧﻔﺖ ﻳﺨﻤﻂ ﺍﻟﺬﻫﺐ ﻣﺎﻟﺘﻲ ﺑﺼﺮﺍﺣﻪ ﻣﺎ ﻳﺘﺎﻣﻦ ﻣﻦ ﺷﺎﻓﻨﻲ،ﺳﺪ ﺍﻟﻜﻨﺘﻮﺭ ...
ﺑﺎﻭﻋﺘﻠﻪ ﺑﻐﻤﻮﺽ،ﻛﺘﻠﻪ ... ﺍﻛﻮﻟﻚ ﻫﺬﺍ ﺍﺑﻮ ﻋﺪﻭﻳﻪ ﻣﺪﺭﻱ ﺷﻨﻮ ﺍﺳﻤﻪ ﻳﺮﻳﺪﻙ ﺑﺎﻟﺒﺎﺏ ...
ﻫﻮ ﻋﺒﺎﻟﻚ ﻣﻮ ﻛﺘﻠﻪ ﺍﺑﻮ ﻋﺪﻭﻳﻪ ﻋﺒﺎﻟﻚ ﻛﺘﻠﻪ ﻣﻠﻚ ﺍﻟﻤﻮﺕ ﺗﺨﺒﻞ ﻓﺘﺤﺖ ﻋﻴﻮﻧﻪ ﻣﻔﺠﻮﻭﻉ ﻛﺎﻝ ... ﺑﺲ ﻻ ﻛﻠﺘﻴﻠﻪ ﻣﻮﺟﻮﺩ
ﻫﺰﻳﺖ ﺭﺍﺳﻲ ﺑﺄﻱ ﻭﺍﻧﻲ ﻣﻔﻬﻴﻪ ...
ﺿﺮﺏ ﺍﻟﻜﻨﺘﻮﺭ ﺑﻘﻀﺒﺔ ﺍﻳﺪﻩ ﻭﻫﻮ ﻳﺴﺐ ﻭﻳﻐﻠﻂ ﻭﻃﻠﻊ ﺑﺮﻩ ﻭﺍﻧﻲ ﻭﺭﺍﻩ ... ﺧﺮﺭﺏ ﻳﻮﻣﺞ ﻣﺎ ﺗﻀﻤﻴﻦ ﺳﺎﻟﻔﻪ ﻫﺎﻱ ﺍﻟﺒﻄﻦ ﻛﻠﺸﻲ ﺗﻀﻢ ﻭﺍﻧﺘﻲ ﻣﻨﺎﻓﻘﻪ ﺍﻟﻠﻪ ﻳﺎﺧﺬﻙ ﺍﺑﻮ ﻋﺪﻭﻳﻪ ﻧﺬﺭ ﻋﻠﻴﻪ ﺍﺫﺍ ﻣﺘﺖ ﺍﻟﻪ ﺍﺗﻔﻞ ﻋﻠﺊ ﻛﺒﺮﻙ ﻭﺍﺭﺷﻪ ﺗﻴﺰﺍﺏ ﻛﻠﺐ ﺍﺑﻦ ﺳﻄﻌﺶ ﻛﻠﺐ ...
ﺟﻤﺎﻋﺘﺔ ﺗﺤﻠﻠﻮﻭ ﻭﺻﺎﺭﻭ ﻧﻌﺎﻝ ﺍﺑﻮ ﺍﻻﺻﺒﻊ ﻭﻫﻮ ﺑﻌﺪﻩ ﻛﻞ ﺷﻮﻳﻪ ﻭﮔﺎﻃﻤﻠﻪ ﺷﺊ ﻟﻠﻨﺠﻒ ﺭﺍﺡ ﻳﺪﻓﻨﻮﻧﻪ ﺗﻔﺼﻴﺦ ﺍﺑﻮ ﻋﺪﻭﻳﻪ ﺍﻟﻠﻪ ﻳﻨﺘﻘﻢ ﻣﻨﻚ ﻣﻌﺎﺻﺮ ﺑﺪﺭ ﺷﺎﻛﺮ ﺍﻟﺴﻴﺎﺏ ..
ﺟﺎﻥ ﻳﺤﺠﻲ ﻣﺘﻌﺼﺐ ﻭﺳﺮﻳﻊ ﻭﺍﻧﻲ ﺍﺭﻛﺾ ﻭﺭﺍﻩ ﻭﻛﻔﺖ ﻭﺭﻩ ﺑﺎﺏ ﺍﻟﻤﻄﺒﺦ ﻭﻫﻮ ﺭﺍﺡ ﻓﺘﺢ ﺍﻟﺒﺎﺏ ﺍﻟﺮﺋﻴﺴﻲ ﻭﻛﺎﻝ ... ﺍﻫﻼ ﻭﺳﻬﻼ ﻫﻼ ﺑﺎﺑﻮ ﻋﺪﻭﻳﻪ ﺯﺍﺭﺗﻨﻪ ﺍﻟﺒﺮﻛﻪ ﻭﺍﻟﻠﻪ ﺍﻟﻌﻈﻴﻢ ﻭﺍﻟﺤﻤﺰﻩ ﺍﺑﻮ ﺣﺰﺍﻣﻴﻦ ﻫﺴﻪ ﺟﻨﺖ ﺑﺴﻴﺮﺗﻚ ﻛﻠﺖ ﺍﺑﻮ ﻋﺪﻭﻳﻪ ﻣﺎﻛﻮﻭ
ﺩﺧﻞ ﺭﺟﺎﻝ ﻛﺒﻴﺮ ﺑﺎﻟﻌﻤﺮ . ﻣﻜﻄﻮﻣﻪ ﺭﺟﻠﻪ ﻭﻳﻤﺸﻲ ﻋﻠﺊ ﻋﻜﺎﺯ ﻭﻣﺒﻴﻦ ﺍﻟﺠﻼﻓﻪ ﻭﺍﻟﺤﻘﺎﺭﻩ ﻋﻠﺊ ﻭﺟﻬﻪ ﺭﺩ ﺑﺠﺒﺮﻭﺕ ... ﺍﻥ ﺷﺎﺀ ﻟﻠﻪ ﺑﺎﻟﺨﻴﺮ ...
ﻣﺴﻠﻢ .. ﺍﻛﻴﻴﺪ ﺑﺎﻟﺨﻴﺮ ﺻﺎﺭ ﺳﺎﻋﻪ ﺍﺣﻤﺪ ﺑﻴﻚ ﺣﺘﺊ ﻣﺮﺗﻲ ﺗﻔﺎﺟﺌﺖ ﻛﺎﻟﺖ ﻣﻌﻘﻮﻟﻪ ﺍﺑﻮ ﻋﺪﻭﻳﻪ ﻣﻼﻙ ﻭﻧﺎﺯﻝ ﻣﻦ ﺍﻟﺴﻤﺎﺀ ﻛﻠﺘﻠﻬﺎ ﻫﻮ ﻣﻠﻚ ﺑﺲ ﻃﻠﻊ ﻣﻦ ﺷﻮﺭ ﺭﺑﻪ ﻭﺍﻧﺘﻤﻪ ﻻﺑﻮ ﺩﺍﺳﻢ .. « ﺍﺑﻠﻴﺲ » ﺍﻟﻠﻪ ﻳﺠﻴﺮﻧﺎ . .
ﻫﻮ ﺑﺎﻭﻉ ﻟﻤﺴﻠﻢ ﺑﺨﺰﺭﻩ ﻭﺟﺎﻭﺑﻪ ﺑﻬﺪﻭﺀ ﻣﺼﺤﻮﺏ ﺑﺘﻜﺒﺮ .. ﺳﺪ ﺣﻠﻜﻚ ...
ﺍﻧﻘﻬﺮﺕ ﺣﻴﻞ ﻟﻴﺶ ﻫﻴﺞ ﻳﺤﺠﻲ ﻭﻳﻪ ﻣﺴﻠﻢ ﻭﻫﻮ ﻟﻴﺶ ﻣﻴﺮﺩ ﻋﻠﻴﻪ ...
ﺭﺟﻌﺖ ﺍﺑﺎﻭﻉ ﻋﻠﻴﻬﻢ ﺷﻔﺖ ﻣﺴﻠﻢ ﻟﺰﻣﻪ ﻣﻦ ﻛﺘﻔﻪ ﻭﻛﻠﻪ .. ﺗﻔﻀﻞ ﺗﻔﻀﻞ ﺍﺑﻮ ﻋﺪﻭﻳﻪ ﺻﺢ ﺑﻴﺘﻨﻪ ﻣﻮ ﻣﻦ ﻣﻘﺎﻣﻚ ﺑﺲ،ﺍﻟﺤﻤﺪ ﻟﻠﻪ
ﺩﺧﻞ ﺃﺑﻮ ﻋﺪﻭﻳﻪ ﻭﻫﻮ ﻣﺘﻘﺮﻑ ﻣﻦ ﺍﻟﺒﻴﺖ ...
ﻭﺍﻧﻲ ﺭﻛﻀﺖ ﺍﺗﺼﻨﺖ ﻋﻠﻴﻬﻢ ﻣﻦ ﺑﺎﺏ ﺍﻻﺳﺘﻘﺒﺎﻝ ﻣﺴﻠﻢ ﻳﺮﺣﺐ ﻭﻳﻬﻠﻲ ﻭﻳﻜﻮﻟﻪ .. ﺍﻫﻼ ﻭﺳﻬﻼ ﻭﺍﻟﻠﻪ ﺍﻟﻴﻮﻡ ﺫﻛﺮﺕ ﺭﺟﻠﻚ ﺍﻟﻠﻪ ﻳﺮﺣﻤﻬﺎ ﺟﺎﻧﺖ ﺧﻮﺵ ﺭﺟﻞ ﻣﺎ ﻃﻠﻌﺖ ﻋﻦ ﺍﻟﻄﺮﻳﻖ ﻭﻛﻠﻪ ﺗﻤﺸﻲ ﺑﺎﻟﺤﻼﻝ .. ﺍﻱ ﺻﺪﻙ ﺍﺑﻮ ﻋﺪﻭﻳﻪ ﺍﻧﺖ ﺭﺟﻠﻚ ﺍﻟﻠﻪ ﻳﺮﺣﻤﻬﺎ ﻭﻳﻦ ﺩﻓﻨﺘﻬﺎ : ؟
ﺟﺎﻭﺑﻪ .. ﺑﺎﻟﻔﺘﺤﻪ ﺍﻟﺮﺍﺑﻌﻪ ﺑﺎﻟﻨﺠﻒ ..
ﻣﺴﻠﻢ .. ﻭﺍﺟﺐ ﻋﻠﻴﻨﻪ ﻧﺰﻭﺭﻫﺎ ﻭﻧﺜﻮﺏ ﺍﻟﻬﺎ ﻭﻧﻘﺪﺳﻬﺎ ﻫﺎﻱ ﺭﺟﻞ ﺍﺑﻮ ﻋﺪﻭﻳﻪ ﺍﻟﻠﻪ ﻳﻄﻮﻝ ﺑﻌﻤﺮﻩ ﻭﻋﻤﺮ ﺭﺟﻠﻪ ﺍﻟﺜﺎﻧﻴﻪ
ﺍﻛﻮﻡ ﺍﻛﻞ ﻟﻼﻫﻞ ﻳﺴﻮﻥ ﭼﺎﺍﻱ ...
ﺍﺑﻮ ﻋﺪﻭﻳﻪ ... ﺍﻛﻌﺪ ﺍﺑﻮ ﻃﺒﺮﻩ ﻣﻮﺿﻮﻋﻲ ﺍﻫﻢ ﻣﻦ ﭼﺎﻳﻚ
ﻣﺴﻠﻢ ﺑﺘﻮﺗﺮ ... ﺍﻱ ﺷﻨﻮ ﻣﻮﺿﻮﻋﻚ ..
ﺍﺑﻮ ﻋﺪﻭﻳﻪ .. ﺍﻻﻣﺎﻧﻪ ﺍﻟﻌﻨﺪﻙ ﻣﻮ ﻛﻠﺖ ﺑﺲ،ﺗﺘﺰﻭﺝ ﺗﻨﻄﻴﻨﻴﺎﻫﺎ ﺻﺎﺭ 3 ﺍﻳﺎﻡ ﻭﺍﻧﺖ ﻣﺎﻛﻮ ﻣﺎ ﺷﺒﻌﺖ ﺗﻤﻄﺮﺡ
ﻣﺴﻠﻢ ... ﻻ ﻭﺍﻟﻠﻪ ﻣﺎ ﺷﺒﻌﺖ ﺗﻤﻄﺮﺡ ﻳﺎﻟﻠﻪ ﺩﺧﻠﻴﻬﺎ ﻋﻨﺪﻱ ﻓﺪ ﺍﺳﺒﻮﻉ ﺧﻠﻴﻨﻲ ﺷﻮﻳﻪ ﺍﺗﻮﻧﺲ ﺑﻴﻬﺎ ﺑﻌﺪﻧﻲ ﻣﺎ ﺍﺧﺬﺗﻬﺎ ﺗﺮﻳﺪ ﺗﺎﺧﺬﻫﺎ ﺷﻜﺪ ﻋﻴﻨﻚ ﺿﻴﻜﻪ ...
ﺍﺑﻮ ﻋﺪﻭﻳﻪ .. ﻻ ﻻ ﺻﺪﻙ ﻣﺎ ﺗﺴﺘﺤﻲ ﻭﺗﺮﺟﻌﻬﺎ ﻭﻏﺼﺒﺎ ﻋﻨﻚ ﺍﺭﻳﺪ ﺍﻧﺎﻡ ﻋﻠﻴﻬﺎ ﻧﻜﻄﻊ ﻛﻠﺒﻲ ﺍﻧﺖ ﻭﻋﺪﺗﻨﻲ ﻭﻻﺯﻡ ﺗﺠﻴﺒﻬﺎ ﺍﻟﺒﻴﺘﻲ ...
ﻣﺴﻠﻢ ... ﺍﺟﻴﺒﻬﺎ ﺑﺎﻟﻴﻞ ﺍﻥ ﺷﺎﺀ ﻟﻠﻪ ﺍﺣﺴﻦ ﺑﺎﻟﻴﻞ ﺣﺘﺊ ﻣﺤﺪ ﻳﺸﻮﻓﻨﻪ ﺷﺪﻛﻮﻝ ﻋﻠﻴﻪ ﺍﻟﻨﺎﺱ ..
ﺍﺑﻮ ﻋﺪﻭﻳﻪ .. ﺍﻱ ﺧﻮﻭﺵ ﺟﻴﺒﻬﺎ ﺑﺎﻟﻴﻞ ﻣﻨﺘﻈﺮﻙ
ﺧﻔﺖ ﺣﻴﻞ ﻣﻦ ﻛﻼﻣﻬﻢ ﺛﻨﻴﻨﻬﻢ ﺳﺎﻗﻄﻴﻦ ﻭﺍﺩﺑﺴﺰﻳﻪ ﻣﻌﻘﻮﻟﻪ ﻣﺘﻔﻖ ﻫﻮ ﻣﺴﻠﻢ ﻳﺒﻴﻌﻨﻲ ﺍﻟﻪ ﻭﺍﻟﻠﻪ ﻭﺍﻟﻠﻪ ﻏﻴﺮ ﺍﺧﻠﻲ ﻋﻤﻮ ﻳﻌﺪﻣﻬﻢ ﺛﻨﻴﻨﻬﻢ ﺍﺫﺍ ﻟﻌﺒﻮﻭ ﺑﺸﺮﻓﻲ ...
ﺍﻧﻲ ﻻﺯﻡ ﺍﺧﺬ ﺣﺬﺭ ﻣﻦ ﺍﺑﻮ ﻃﺒﺮﻩ ﺍﺑﻮ ﺳﻦ ﻣﻜﺴﻮﺭ ﻭﺍﺣﻂ ﺍﻟﺴﺠﻴﻦ ﺑﺠﻴﺒﻲ ﺑﺲ ﻳﺤﺎﻭﻝ ﻳﺎﺧﺬﻧﻲ ﻻﺑﻮ ﻋﺪﻭﻳﻪ ﺍﺣﻄﻪ ﺍﺑﻄﻨﻪ ....
ﺷﻔﺘﻬﻢ ﻃﻠﻌﻮﻭ ﻣﻦ ﺍﻻﺳﺘﻘﺒﺎﻝ ﻭﻣﺴﻠﻢ ﻭﺭﺍﻩ ﻭﻫﻮ ﻳﺤﻤﺪ ﺑﻲ ﻭﻳﺘﺮﺣﻢ ﻋﻠﺊ ﺭﺟﻠﻪ ﻭﺍﻧﻲ ﺍﺷﻬﻚ ﻣﻦ ﺍﻟﺒﺠﻲ ﻫﺎﻱ ﺗﺎﻟﻴﺎ ﺍﺗﺰﻭﺝ ﻫﺬﺍ ﺍﻟﻤﻬﺘﻠﻒ ﻭﻳﺒﻴﻌﻨﻲ ﻋﻠﺊ ﺍﺑﻮ ﻋﺪﻭﻳﻪ ...
ﺳﻤﻌﺖ ﺍﺑﻮ ﻋﺪﻭﻳﻪ ﻳﻜﻠﻪ ... ﺍﻟﻴﻮﻡ ﻣﺎ ﺍﻧﺎﻡ ﺍﻟﻪ ﻋﻠﻴﻬﺎ ﺗﺠﻴﺒﻬﺎ ﺗﺠﻴﺒﻬﺎ ...
ﻭﻣﺴﻠﻢ ﻳﺄﺷﺮ ﻋﻠﺊ ﻋﻴﻮﻧﻪ ... ﺑﻌﻴﻮﻧﻲ ...
ﻭﺍﻧﻲ ﺗﺨﺒﻠﺖ ﺭﻭﺣﻲ ﻣﻴﺲ ﺍﻧﺘﻬﺖ ﺣﻴﺎﺗﺞ
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ .. ﺍﺣﺒﻜﻢ 😍
ﻧﻮﺭ ﺳﻤﻮ ﺍﻟﻌﺮﺍﻕ 💔..
ﻻ ﺗﻨﺴﻮﻥ ﺍﻟﺘﺼﻮﻳﺖ .. ﺍﻟﺘﺼﻮﻳﺖ ﻛﻮﻭﻟﺶ ﻗﻠﻴﻞ ﻣﻘﺎﺭﻧﻪ ﺑﺎﻟﻤﺸﺎﻫﺪﻩ ...
ﻭﺍﻟﻨﺸﺮ ﺑﻴﻦ ﻳﻮﻡ ﻭﻳﻮﻡ .. ﺍﻭﻙ ﺑﻨﻴﺎﺗﻲ ...
ﻭﺍﻧﻲ ﻧﺰﻳﻬﻪ ﻣﺎ ﺍﻏﺸﺶ ﻻ ﻃﻠﺤﻪ ﻭﻻ ﺑﻄﺤﻪ 😂
