نصف عذراء بين انيابك قاتلي

بارت29

رواية...#نصف_عذراء_بين_أنياب_قاتلي

#بقلمي ...نور سمو العراق

#بارت 29

💔💔💔💔💔💔💔💔💔

أمات الحب عشاقاً، وحبك أنت أحياني، ولو خيرت في وطن، لقلت هواك أوطاني

.................................

تاج...

كعدنه الصبح صار 3 ايام حياتنه حلوة وعايشين سوه وهو ابد مقصر ويايه ولهفته كل يوم تكبر اكثر من الي،قبله..

مع العلم جنت حييل خجلانه مو منه لا من عمتي،وكل شويه اكوله ما اريد عمتي تعرف اني وياك تزوجنه من صدك

وهو يضحك عليه يكول ادري اني خاطفج ناهبج مرتي وحلالي واخذتج علئ سنة الله ورسوله واصلا امي تفرح اكثر مني،بهاي الخطوة الي خطيناها. .

وبعدين اني وانتي نايمين بغرفة وحده يعني مثلا شنسوي نحوگ بساطات اكيد ننحرف ونتجرء ونتكاثر

وامي ترئ،لوتيه ومتعبر عليها هاي السوالف اكيد تعرف الي صار  بيني،وبينج ..

همست.. كله من وراك يعني غير لازم نمهد الموضوع الهم يالله يصير هيج انت دومك مستعجل

سحبني،من خصري وتكلم بذوبان...اي والله مستعجل اكثر من اللازم خاصه هسه..

ابتسمت واني اخفي توتري من قربه تقرب ديبوسني،وتصل موبايله عاد هو ما اهتم باسني،وبعدها رد علئ موبايله

وطلع بسرعه لزمته كتله...شنو شكو شبيك صاير شئ

بس هو تركني بدون اجابه وطلع خفت حييل  

وعمتي ضلت تحوم بخووف محمد حمايه مو هنا بس هو علئ الاكثر اتصل بمحمد...

ضلينه منتظرين شويه واجه محمد بسرعه وهو ملهوف وجهه مخطوف...

عمتي لزمته بخوف كلتله..شكوو احجي لا تخليني مهبوطه

هو رد بخوف وعصبية ...هذا الحقير لكتل صباح ومهدي اليوم اجاني للمحل ويكول البيت الي،تعارك بيه ويه صباح يريده واني تعاركت وياه فوك شينة كواة عينه ...

خابرت علئ اباذر من أجه اباذر هو بسرعه طلع اسلاحه اخو مو الكتل صباح لا الثاني...

عاد اني عندي سجينه ام الياي قبل لا يطلع مسدسه يضرب اباذر حطيتها ببطنه.  ...

عمتي لطمت خدها بخوف ...صخام الصخمني عزا العزاني بس لا مات الولد ونروح نبتلي بلوه...

محمد ...ما ادري ما ادري بس أني كتلته قبل لا يكتل اخوي

اني حسيت الموت دخل برجليه حتصير مشاكل ومراطن واباذر ما ادري عنه شئ..

تقربت من محمد بدموع لامعه.. فدوه محمد اباذر وين