#ﺍﻟﺒﺎﺭﺕ__ﺍﻟﺜﺎﻣﻦ
ﺭﻭﺍﻳﺔ ... ﻧﺼﻒ ﻋﺬﺭﺍﺀ ﺑﻴﻦ ﺃﻧﻴﺎﺏ ﻗﺎﺗﻠﻲ
ﺑﻘﻠﻤﻲ .. ﻧﻮﺭ ﺳﻤﻮ ﺍﻟﻌﺮﺍﻕ @ Smoo-1997
💔💔💔💔💔💔💔💔
ﺕ
ﺣﻦ ﻭﺍﻟﻠﻴﻞ 😔
ﻳﺘﻐﻨﻪ ﺑﺤﺰﻥ # ﻭﻧﻚ
ﻭﺗﻔﺰ ﻣﺮﻋﻮﺏ ﻭﺩﻣﻮﻋﻚ ﻳﻐﺮﮔﻨﻚ
ﺍﻟﻤﺼﻴﺒﻪ ﺍﻟﺤﺴﺒﻪ ﻣﺎﺗﻨﮕﻈﻲ ﺑﺠﺮﺓ # ﺍﺥ
ﻭﺍﻟﺒﮕﻠﺒﻚ ﺑﻘﻦ ﺑﺲ # ﺍﻟﻴﻐﺜﻨﻚ 💔
...............................
.
ﻣﻴﺲ ..
ﻣﻦ ﺭﺍﺣﺖ ﺧﺎﻟﺘﻲ،ﻭﺟﻬﻬﺎ ﻣﺨﻄﻮﻑ ﺣﺴﻴﺖ ﺻﺎﺭ ﻓﺪ ﺷﺊ ﺧﻔﺖ ﺣﻴﻴﻞ ..
ﺷﻔﺖ ﻋﻤﻮ ﻃﻠﻊ ﻣﻦ ﻏﺮﻓﺘﻪ ﻣﻦ ﺷﻔﺘﻪ ﻛﻤﺰﺕ ﻫﻮ ﺑﺎﻭﻋﻠﻲ ﻣﺴﺘﻐﺮﺏ ﻛﺎﻝ ... ﻣﻴﺲ ﺗﻌﺎﻱ،ﺍﺭﻳﺪﺝ ﺑﺸﻐﻠﻪ ...
ﺭﺣﺖ ﻭﺭﺍﻩ ﻭﺍﻧﻲ ﻣﺮﺗﺒﻜﻪ ﻋﺒﺎﻟﻚ ﻣﺴﻮﻳﻪ ﻣﻜﺴﻮﺭﻩ ﺩﺧﻠﺖ ﻟﻐﺮﻓﺘﻪ ﻭﻫﻮ ﺑﺴﺮﻋﻪ ﺭﻛﺰ ﺑﻨﻈﺮﻩ ﻋﻠﻴﻪ ﺑﺎﻭﻋﻠﻲ ﺑﻐﻤﻮﺽ ﻭﻛﺎﻝ .. ﻣﻴﺲ ﻗﺒﻞ ﻻ ﺗﻨﺘﺤﺮ ﻫﺒﻪ ﻭﻣﻦ ﺩﺍﻭﻣﺔ ﻭﻳﺎﺝ ﺗﺎﺝ ﻓﺘﺮﻩ ﻭﺑﻌﺪﻫﺎ ﺭﺟﻌﺖ ﺍﻟﻤﺪﺭﺳﺘﻬﺎ ﻳﻢ ﺑﻴﺖ ﺟﺪﺝ ﺍﺑﻮ ﺍﻣﺞ ﺷﻠﻮﻥ ﺟﺎﻧﺖ ﺗﺼﺮﻓﺎﺗﻬﺎ ...
ﺍﺳﺘﻐﺮﺑﺖ ﺭﻣﺸﺖ ﺑﻌﻴﻮﻧﻲ ... ﺷﻠﻮﻥ ﻳﻌﻨﻲ؟
ﻛﺎﻝ ... ﺍﺧﺘﺞ ﺟﺎﻧﺖ ﻣﻮ ﻣﺤﺠﺒﻪ ﻭﻣﻮﺑﺎﻳﻠﻬﺎ ﻭﻫﻲ ﻭﺍﺳﺘﻬﺘﺎﺭ ﻭﺍﺿﺢ ﻋﻠﻴﻬﺎ ﺟﻨﺖ ﺩﺍﺋﻤﺎ ﺍﻛﻠﻬﺎ ﺗﺤﺠﺒﻲ ﻭﻣﺎ ﺍﺿﻐﻂ ﻋﻠﻴﻬﺎ ﻟﺤﺪ ﻣﺎ ﺻﺒﺎﺡ ﻃﻴﺢ ﺣﻀﻬﺎ ﻣﻮﺑﺎﻳﻠﻬﺎ ﻣﺠﺎﻥ ﻳﺴﻜﺖ ﻭﻻ ﺩﻗﻴﻘﻪ ... ﺍﺧﺘﺞ ﺟﺎﻧﺖ ﻋﻨﺪﻫﺎ ﻋﻼﻗﺎﺕ ﺟﺎﻭﺑﻴﻨﻲ ﺑﺼﺮﺍﺣﻪ ...
ﺍﻧﺼﺪﻣﺖ ﺣﻴﻞ ﺑﻜﻼﻡ ﻋﻤﻮ ... ﺣﺘﺊ،ﻟﻮ ﺗﺎﺝ ﻋﻨﺪﻫﺎ ﻋﻼﻗﺎﺕ ﺷﻨﻮ ﻗﺎﺑﻞ ﺍﻓﻀﺢ ﺍﺧﺘﻲ ﻭﺍﺷﻮﻩ ﺳﻤﻌﺘﻬﺎ ﻭﻫﻲ،ﺍﻋﺮﻓﻬﺎ ﻣﺎ ﻋﻨﺪﻫﺎ ﻋﻼﻗﺎﺕ ﺑﺲ،ﺩﺍﺋﻤﺎ ﻳﺸﻜﻮﻥ ﺑﻴﻬﺎ ﺑﺴﺒﺐ ﺗﺼﺮﻓﺎﺗﻬﺎ ... ﻭﺣﺮﻳﺘﻬﺎ ﺍﻟﺰﺍﻳﺪﻩ
ﺑﻠﻌﺖ ﺭﻳﮕﻲ ﻭﺟﺎﻭﺑﺘﻪ ﺑﺼﺮﺍﺣﻪ ﻣﺼﺤﻮﺏ ﺑﻘﻬﺮ ... ﻻ ﻋﻤﻮ ﻣﺎ ﻋﺪﻫﺎ ﻫﻴﺞ ﺷﺊ ﺍﺧﺘﻲ ﺻﺢ ﺍﻟﺴﺎﻥ ﻭ ﻭﻛﺤﻪ ﺑﺲ ﻣﺘﺴﻮﻱ ﻫﻴﺞ ﺍﺷﻴﺎﺀ ..
ﻣﺴﺢ ﻭﺟﻬﻪ ﺑﺘﻮﺗﺮ ... ﻟﺞ ﺍﺧﺘﺞ ﻋﺠﺒﺘﻨﻲ ﺧﺒﻠﺘﻨﻲ ﺗﺼﺮﻓﺎﺗﻬﺎ ﻣﺘﻨﺎﻗﻀﻪ ﻣﺘﻌﺮﻑ ﺷﺘﺮﻳﺪ ﻭﺍﻟﻠﻪ ﺍﺫﺍ ﻟﻌﺒﺖ ﻋﻠﺊ ﺍﺑﺎﺫﺭ ﻭﺍﻟﻠﻪ ﺍﻃﻴﺢ ﺣﻀﻬﺎ ﻗﺒﻞ ﻳﻮﻡ ﺗﺒﺠﻲ ﻭﺗﺮﻳﺪ ﺗﻔﺴﺦ ﺍﻟﺨﻄﺒﻪ ﻭﻫﺴﻪ ﺩﺯﻟﻬﺎ ﻓﻠﻮﺱ ﺍﻟﻨﻴﺸﺎﻥ ﺍﺧﺘﺞ ﺷﺘﺮﻳﺪ ﻣﺜﻼ ... ﺟﺎﻱ ﺍﺣﺴﻬﺎ ﺗﺮﻳﺪ ﺗﻨﻬﺰﻡ ﺍﻧﻲ ﺳﻤﻌﺘﻬﺎ ﺍﻛﺜﺮ ﻣﻦ ﻣﺮﻩ ﺑﺲ ﻏﻠﺴﺖ ...
ﻣﻴﺲ ... ﻋﻤﻮ ﺷﻨﻮ ﺍﻟﺴﺎﻟﻔﻪ ﻋﻠﺊ ﻛﻴﻔﻚ ﻻ ﻣﺘﻨﻬﺰﻡ ﻭﻻ ﻋﻨﺪﻫﺎ ﻋﻼﻗﻪ ﻭﻳﻪ ﺷﺨﺺ ﺑﻌﺪﻳﻦ ﺷﻠﻮﻥ ﻫﻴﺞ ﺗﺸﻚ ﺑﻴﻬﺎ ﻭﻫﻲ،ﻋﻠﺊ،ﺫﻣﺔ ﺍﺑﻦ ﻋﻤﻲ ﻻ ﻋﻤﻮ ﻻ ﺗﺮﺍﻭﺩﻙ ﻫﻴﺞ ﺍﺷﻴﺎﺀ ﺧﻄﻴﻪ ﺗﺎﺝ ﻣﻮ ﻟﻬﻠﺪﺭﺟﻪ ﻣﻨﺤﻄﻪ ...
ﺟﺮ ﻧﻔﺲ ﻋﻤﻴﻖ ﻭﻛﺎﻝ ... ﺭﻭﺣﻲ ﻋﻤﻲ ﺍﻃﻠﻌﻲ ﺍﺧﺘﺞ ﺣﻴﺮﺗﻨﺎ ... ﻫﻤﻬﺎ ﻟﻠﻤﻤﺎﺕ ﻟﺞ ﺍﺧﺎﻑ ﺗﺘﻬﻮﺭ ﻭﺗﺎﻟﻴﻬﺎ ﻣﺜﻞ ﻫﺒﻪ .. ﻭﺗﺴﻮﻱ،ﻟﺒﺮﺍﺳﻬﺎ ...
ﻣﻴﺲ ﺑﺨﻮﻑ .. ﺍﺳﻢ ﺍﻟﻠﻪ ﻋﻤﻮ ﻻ ﺗﺨﻮﻓﻲ ...
ﻣﻌﺘﺼﻢ .. ﺭﻭﺣﻲ،ﻋﻤﻮ ﻻ ﺗﺨﻠﻴﻨﻬﺎ ﺍﻟﻮﺣﺪﻫﺎ ﺍﺣﺠﻲ،ﻭﻳﺎﻫﺎ ﻭﻓﻬﻤﻴﻬﺎ ...
ﻫﺰﻳﺖ ﺭﺍﺳﻲ ﺑﺎﻟﻤﻮﺍﻓﻘﻪ ﻭﺭﺣﺖ ﻟﺘﺎﺝ ﺷﻔﺘﻬﺎ ﻛﺎﻋﺪﻩ ﻭﺗﺎﻛﻞ ﺑﺎﺿﺎﻓﺮﻫﺎ ﻋﺮﻓﺘﻬﺎ ﻣﺴﻮﻳﻪ ﻣﻜﺴﻮﺭﻩ ﻭﺧﺎﻳﻔﻪ ...
ﺣﻀﻨﺘﻬﺎ ﺑﺤﻨﺎﻥ ﺗﻔﺎﺟﺌﺖ ﻣﻨﻲ ﺍﺑﺘﻌﺪﺕ ﻋﻨﻲ ﻭﺑﺎﻭﻋﺘﻠﻲ ﻣﺴﺘﻐﺮﺑﻪ ﻫﻤﺴﺖ ﺑﺨﻮﻑ ... ﺷﺒﻴﺞ ﻟﻴﺶ ﺣﻀﻨﺘﻴﻨﻲ
ﻣﻴﺲ ... ﻳﺎﻟﻠﻪ ﻳﺎ ﺗﺎﺝ ﺷﻨﻮ ﺷﺒﻴﻪ ﻏﻴﺮ ﺍﻧﺘﻲ ﺍﺧﺘﻲ ﻭﺍﺣﺒﺞ ﻭﺍﺣﻀﻨﺞ ﻟﻴﺶ ﻣﺴﺘﻐﺮﺑﻪ ...
ﺗﺎﺝ ﺑﺘﻮﺗﺮ ... ﻫﻪ ﺍﻧﺘﻢ ﻣﺘﺤﺒﻮﻧﻲ ﻣﻨﻴﻦ ﻧﺰﻟﺖ ﺍﻟﺤﻨﻴﻪ ﻣﺎﻝ ﺗﺎﻟﻲ ﻭﻛﺖ ..بيج قصص عراقيه حقيقيه من واقعنا.روعه الطائي
ﺍﻧﺼﺪﻣﺖ ﻣﻦ ﻛﻼﻣﻬﺎ ... ﻳﺎﺍﺍ ﺷﻨﻮ ﻣﻨﺤﺒﺞ ﺍﻧﺘﻲ ﺷﺒﻴﺞ ﺧﺒﻠﻪ ﻣﺴﻮﺩﻧﻪ ﻟﺞ ﺑﺎﺑﺎ ﻧﺤﺒﺞ ﻭﻧﻤﻮﺕ ﻋﻠﻴﺞ ﻟﻴﺶ ﻫﻴﺞ ﺗﺘﺼﺮﻓﻴﻦ
ﺗﺎﺝ ... ﺍﻱ ﻭﺍﺿﺢ
ﺟﺮﻳﺖ ﻧﻔﺲ ﻛﻠﺘﻠﻬﺎ ... ﻋﻤﻮ ﻣﻌﺘﺼﻢ ﻳﺤﺠﻲ ﻋﻠﻴﺞ ﻳﻜﻮﻝ ﺗﺎﺝ ﻣﻌﺎﺟﺒﺘﻨﻲ ﺗﺼﺮﻓﺎﺗﻬﺎ ...
ﺟﺎﻭﺑﺘﻨﻲ ﺑﺘﺬﻣﺮ ... ﻭﺷﺴﻮﻳﻠﻪ ﻳﻌﻨﻲ ﻋﺠﺒﻪ ﻭﺍﺫﺍ ﻣﻌﺠﺒﻪ ﻻ ﻳﻘﺪﻡ ﻭﻻ ﻳﺎﺧﺮ ﻣﺤﺪ ﻳﻬﻤﻨﻲ ﺻﺮﺍﺣﻪ ...
ﺗﻔﺎﺟﺌﺖ ﻣﻦ ﺭﺩﻭﺩﻫﺎ ... ﺻﺪﻙ ﺻﺎﻳﺮﻩ ﺧﺒﻠﻪ ﺷﺒﻴﺞ ﺗﺎﺝ ﺷﺼﺎﺭﺝ ...
ﺿﻠﺖ ﺳﺎﻛﺘﻪ ﻭﻋﺎﻛﺪﻩ ﺣﻮﺍﺟﺒﻬﺎ ﺧﻠﻴﺖ ﻭﻋﻔﺘﻬﺎ ﻭﻃﻠﻌﺖ ﻣﺎ ﺗﻘﺘﻨﻊ ﻭ ﺭﺍﺳﻬﺎ ﻳﺎﺑﺲ ﻣﺘﻌﺮﻑ ﺷﻨﻮ ﺍﻟﻲ ﺗﺮﻳﺪﻩ ...
ﺗﺎﺝ ...
ﻃﻠﻌﺖ ﻣﻴﺲ ﻣﻦ ﺍﻟﻐﺮﻓﻪ ﺑﻄﺮﺍﻧﻪ ﺗﻬﺪﺩﻧﻲ ﻋﺒﺎﻟﻬﺎ ﺍﺧﺎﻑ ﺧﺎﺏ ﻃﻴﺮﻱ ﺍﻧﺘﻲ ﻭﻋﻤﺞ ...
ﺿﻠﻴﺖ ﺍﻓﻜﺮ ﺑﺎﻟﻬﺮﻭﺏ ﺧﻔﺖ ﺣﻴﻴﻞ ﺍﺭﻳﺪ ﺍﻧﻬﺰﻡ ﺑﺲ ﻣﺎ ﺍﺭﻳﺪ ﺍﺳﺘﻐﻞ ﺍﺑﻦ ﻋﻤﻲ ...
ﻗﺮﺭﺕ ﺍﺭﻭﺡ ﺍﻟﺨﺎﻟﻪ ﻭﺍﺧﺬ ﻣﻨﻬﺎ ﺍﻟﻔﻠﻮﺱ ﻭﺍﺭﺟﻌﻬﻦ ﺍﻭ ﺍﺧﻠﻴﻬﻦ ﻋﻨﺪ ﺍﻣﻲ ...
ﺧﺎﺑﺮﺕ ﺟﺪﻭﻭ ﻛﺘﻠﻪ ﺗﻌﺎﻝ ﺍﺧﺬﻧﻲ ﺍﻟﺒﻴﺖ ﺧﺎﻟﻪ ﻭﻃﺒﻌﺎ ﺟﺪﻭ ﻣﻴﺮﻓﺾ ﺍﻟﻲ ﻃﻠﺐ ﻛﺎﻝ ... ﺟﺎﻳﺞ ﺍﻥ ﺷﺎﺀ ﻟﻠﻪ
ﺣﻀﺮﺕ ﻧﻔﺴﻲ ﺑﺴﺮﻋﻪ ﻭﺑﺪﻟﺖ ﻟﻠﺒﻨﺎﺕ ﻧﺰﻟﺘﻬﻢ ﻟﻤﺎﻣﺎ ﻫﻲ ﺑﺎﻭﻋﺘﻠﻲ ﻣﺴﺘﻐﺮﺑﻪ ﻛﺎﻟﺖ ... ﺧﻴﻴﻴﺮ ﻭﻳﻦ ﺭﺍﻳﺤﻪ
ﻛﻠﺘﻠﻬﺎ ... ﺭﺍﻳﺤﻪ ﻟﺨﺎﻟﻪ ﺍﺗﻔﻘﺖ ﻭﻳﺎﻫﺎ ﻧﺸﺘﺮﻱ ﻣﻼﺑﺲ
ﻣﺎﻣﺎ ... ﻛﻠﺘﻲ ﺍﻟﺨﻄﻴﺒﺞ ﻟﻮ ﺷﻮﺭﺝ ﻣﻦ ﺭﺍﺳﺞ
ﺟﺎﻭﺑﺘﻬﺎ ﺑﻤﻠﻞ ... ﺷﻮﺭﻱ ﻣﻦ ﺭﺍﺳﻲ ﻣﺤﺘﺎﺟﻪ ﺷﺊ ﺩﺍ ﺍﺭﻭﺡ
ﻭﻛﻔﺖ ﻣﺘﻌﺼﺒﻪ ﻋﻴﻮﻧﻬﺎ ﺑﻜﺼﺘﻬﺎ ... ﻟﺞ ﺗﺎﺝ ﺳﻜﺘﺘﻠﺞ ﻫﻮﻭﺍﻳﻪ ﺍﺳﻠﻮﺑﺞ ﻭﻋﻨﺘﻜﺘﺞ ﺍﺫﺍ ﻣﺎ ﺑﺪﻟﺘﻴﻬﺎ ﺍﺷﻮﻓﺞ ﻭﺟﻬﻲ ﺍﻟﺜﺎﻧﻲ ...
ﺭﺩﻳﺖ ﺑﺎﺳﺘﻔﺰﺍﺯ .. ﺷﺘﺮﺩﻳﻦ ﺍﻧﺘﺤﺮ ﻣﺜﻼ
ﻓﺘﺤﺖ ﻋﻴﻮﻧﻬﺎ ﻣﺼﺪﻭﻣﻪ ﻭﺗﻼﺷﻪ ﺍﻟﻜﻼﻡ ﻣﻦ ﺑﻴﻦ ﺷﻔﺎﻳﻔﻬﺎ ... ﺷﻨﻮ ﺗﻨﺘﺤﺮﻳﻦ ﻭﻟﺞ ﺍﻧﺘﻲ ﺷﻨﻮ ﻣﻦ ﻣﻠﻪ ﻣﺎ ﺩﻛﻮﻟﻴﻦ ﺍﻣﻲ ﻟﺤﺪ ﺍﻻﻥ ﺩﻣﻌﺘﻬﺎ ﻣﺎ ﻧﺸﻔﺖ ﻋﻠﺊ ﻫﺒﻪ ﺗﺮﺩﻳﻦ ﺗﻜﺴﺮﻳﻨﻲ ﻣﺮﻩ ﻟﺦ ﻣﺎ ﺍﻛﺴﺮ ﺧﺎﻃﺮﺝ ..
ﺳﻜﺘﺖ ﻣﺤﺠﻴﺖ ﺭﻏﻢ ﺍﺻﻴﺮ ﻋﻨﻴﻔﻪ ﻭﺍﺟﺮﺡ ﺍﻟﻤﻘﺎﺑﻴﻞ ﺑﺲ ﺑﺴﺮﻋﻪ ﺿﻤﻴﺮﻱ ﻳﺎﻧﺒﻨﻲ ﻭﺍﺗﺮﺩﺩ ﻭﺿﻠﺖ ﺗﻬﺪﻱ ﺑﻴﻬﺎ ﻭﺗﺒﻮﺳﻬﺎ
ﻛﻌﺪﺕ ﻣﺎﻣﺎ ﺿﻠﺖ ﺗﺒﺠﻲ ﻭﺗﻨﻮﺡ ﻋﻠﺊ ﺣﻀﻬﺎ ﻭﻣﻴﺲ ﺍﺟﺖ ﺗﺮﻛﺾ ﺣﻀﻨﺖ ﻣﺎﻣﺎ ﻭﺗﻬﺪﻱ ﺑﻴﻬﺎ ...
ﺟﺮﻳﺖ ﻧﻔﺲ ﻭﻓﺘﺤﺖ ﻣﻮﺑﺎﻳﻠﻲ ﻛﺘﺒﺖ ... ﺭﺍﺡ ﺍﺭﻭﺡ ﻟﺨﺎﻟﻪ ﻋﻨﺪﻱ ﺷﻐﻼﺕ ﺍﺭﻳﺪ ﺍﺷﺘﺮﻳﻬﻦ ﺍﺭﻭﺡ ﻟﻮ ﻻ
ﺍﻧﺘﻀﺮﺗﻪ ﺷﻮﻳﻪ ﺍﺟﺘﻨﻲ ﺭﺳﺎﻟﻪ ﻛﺎﺗﺐ ... ﺭﻭﺣﻲ ..
ﻛﻠﺖ ﺑﻜﻠﺒﻲ ﻛﺒﺮ ﻭﻻ ﻋﻨﺪﻩ ﺫﻭﻕ ﻛﻮﻝ ﻫﻠﻮ ﻛﻮﻝ ﺻﺨﺎﻡ ﻣﻜﻠﻒ ﻧﻔﺴﻪ ﺭﻭﺣﻲ ﺭﺍﺣﺖ ﺭﻭﺣﻚ ﻭﻻ ﻃﺎﺑﺖ ﺟﺮﻭﺣﻚ ..
ﺍﻧﺘﺒﺔ ﻋﻠﺊ ﻧﻔﺴﻲ ﺩﺍ ﺍﻋﺎﻗﺐ ﺍﻟﻨﺎﺱ ﻭﺍﻧﻘﺪﻫﻢ ﻭﻣﺎ ﺍﻧﻘﺪ ﻧﻔﺴﻲ ﺍﻧﻲ ﻣﻜﺘﺒﺖ ﻫﻠﻮ ﻟﻴﺶ ﺍﺭﻳﺪﻩ ﻳﺴﻠﻢ
ﺑﺎﻭﻋﺖ ﻟﻤﺎﻣﺎ ﻛﻠﺘﻠﻬﺎ ... ﻳﻜﻮﻝ ﺭﻭﺣﻲ
ﻫﻲ ﺻﺎﺣﺖ ﺑﺼﻮﺕ ﻋﺎﻟﻲ .. ﺭﻭﺣﻲ ﺭﻭﺣﻲ ﺷﻠﻲ ﺷﻐﻞ ﺑﻴﺞ ﺍﻧﺘﻲ ﻣﻌﺘﺒﺮﺗﻨﻲ ﺍﻣﺞ ﺩﻛﻮﻟﻴﻦ ﻧﺮﻭﺡ ﺍﻧﻲ ﻭﻳﺎﺝ ﻻﺯﻛﻪ ﺑﺨﺎﻟﺘﺞ ﻭﻣﺨﻠﻴﺘﻨﻲ ﻭﺭﺍﺝ ﺭﻭﺣﻲ ﺧﻠﻲ ﺗﻔﻴﺪﺝ
ﺟﺮﻳﺖ ﻧﻔﺲ ﻋﻤﻴﻖ ﻭﺧﻠﻴﺖ ﻭﻃﻠﻌﺖ ﺑﻌﺪ ﻣﺎ ﺟﺪﻭ ﺩﻙ ﻫﻮﺭﻥ ﺭﻛﺒﺖ ﻭﻳﺎﻩ ﺑﺎﻟﺴﻴﺎﺭﻩ ﻭﺿﻞ ﻳﺴﻮﻟﻒ ﻭﻳﺎﻳﻪ ﺷﻮﻳﻪ ﻭ ﻭﺻﻠﻨﻪ ﻟﺨﺎﻟﻪ ...
ﺩﻛﻴﺖ ﺍﻟﺒﺎﺏ ﺍﻧﻲ،ﻭﺟﺪﻭ ﻭﺑﻨﺘﻬﺎ ﻓﺘﺤﺖ ﺍﻟﺒﺎﺏ ﺩﺧﻠﻨﻪ ﺟﻮﻩ ﻭﺧﺎﻟﻪ ﺟﺎﻧﺖ ﺩﺗﻄﺒﺦ ﻣﻦ ﺷﺎﻓﺘﻨﻪ ﻋﺒﺎﻟﻚ ﺗﻜﻬﺮﺑﺖ
ﻛﺎﻟﺖ ... ﻣﻨﻮﻭ ﺗﺎﺝ ﺷﺠﺎﺑﺞ ﻳﻤﻌﻮﺩﻩ ..
ﺭﺣﺖ ﺣﻀﻨﺘﻬﺎ ﻭﺳﻠﻤﺖ ﻋﻠﻴﻬﺎ ﻭﺟﺪﻭ ﺳﻠﻢ ﻋﻠﻴﻬﺎ ﺑﻌﺪﻫﺎ ﺟﺪﻭ ﺭﺍﺡ ﻭﺍﻧﻲ ﺿﻠﻴﺖ ﻳﻤﻬﺎ ...
ﺿﻠﻴﻨﻪ ﻛﺎﻋﺪﻳﻦ ﻭﻫﻲ ﺻﺒﺖ ﻏﺪﻩ ﻭﺭﻩ ﻣﻜﻤﻠﻨﻪ ﻛﻠﺘﻠﻬﺎ ... ﺧﺎﻟﻪ ﺍﺭﻳﺪ ﺍﺣﺠﻲ ﻭﻳﺎﺝ ﺑﻤﻮﺿﻮﻉ
ﻛﺎﻟﺖ ﺑﺒﺘﺴﺎﻣﻪ ﻣﺘﺮﻗﺒﻪ ... ﺍﻱ ﻛﻮﻟﻲ ﺷﻨﻮﻭ ﻣﻮﺿﻮﻋﺞ
ﺟﺮﻳﺖ ﻧﻔﺲ ... ﺍﻭﻭﻑ ﺧﺎﻟﻪ ﻣﺤﺘﺎﺭﻩ ﺣﻴﻞ ﺍﻧﻲ ﻗﺮﺭﺕ ﺍﺧﺬ ﺍﻟﻔﻠﻮﺱ ﻭﺍﻧﻄﻴﺞ ﺑﺲ ﺍﻟﺬﻫﺐ ﻭﺗﺮﺉ ﺫﻫﺒﻲ ﻳﻮﺻﻞ ﺧﻤﺲ ﻣﻼﻳﻴﻦ ﺍﻧﻲ ﻣﺎﺍﺭﻳﺪ ﺍﻧﺪﻙ ﻭﻳﻪ ﺍﺑﻦ ﻋﻤﻲ ﻭﺍﺧﺬ ﻓﻠﻮﺳﻪ ﺧﻠﻲ،ﺍﺭﺟﻌﻬﻦ ﻭﺍﺳﺎﻓﺮ ﻭﺑﻌﺪﻫﺎ ﻫﻮ ﻳﻄﻠﻜﻨﻲ ﻏﻴﺎﺑﻲ ﻻﻥ ﺍﺫﺍ ﺍﺧﺬﺕ ﻓﻠﻮﺳﻪ ﺭﺍﺡ ﻳﻌﺘﺒﺮﻫﺎ ﻏﻠﺐ ﻭﺍﺳﺘﻬﺎﻧﻪ ﺍﻟﻪ
ﻛﺎﻟﺖ ﺑﻌﺼﺒﻴﺔ ... ﻳﻄﺒﻪ ﻣﺮﺽ ﻓﻮﻙ ﻣﺮﺽ ﺷﻌﺮﻩ ﻣﻦ ﺟﻠﺪ ﺧﻨﺰﻳﺮ ﺷﻜﻮ ﺧﺎﻳﻔﻪ ﻣﻨﻬﻢ ﻛﻠﻬﻢ ﻋﺎﺭﺍﺕ ﺍﺻﻼ ﺍﻧﺘﻲ ﺍﻟﻤﺒﻠﻊ ﺍﻟﻲ ﺍﺧﺬﺗﻲ ﻗﻠﻴﻞ ﺣﻴﻞ ﻭﻣﻮ ﺣﻘﺞ
ﻏﻤﻀﺖ ﻋﻴﻮﻧﻲ ﺑﺎﺳﺊ ... ﺍﻧﺘﻲ ﻣﺠﺎﻱ ﺗﻔﺘﻬﻤﻴﻨﻲ ﺍﻧﻲ ﻣﺎﺍﺭﻳﺪ ﺍﺧﺬ ﻣﻨﻪ ﺍﻱ ﺷﺊ ﻭﺍﺳﺎﻓﺮ ﻋﻠﺊ ﺣﺴﺎﺑﻪ ﺍﻧﺐ ﺍﺧﺎﻑ ﻭﺍﻟﻠﻪ ...
ﺭﺩﺕ ﺑﺤﺰﻡ ... ﻟﻴﺶ ﺗﺨﺎﻓﻴﻦ ﺍﻧﻲ ﻭﺯﻭﺟﻲ ﻭﻳﺎﺝ ﻻ ﺗﺨﺎﻓﻴﻦ ﻭﻻ ﺍﺣﻂ ﺍﻟﻨﻌﺎﻝ ﺑﺤﻠﻜﻪ ﺍﻟﻲ ﻳﺘﻌﺮﺽ ﺍﻟﺞ
ﻋﻀﻴﺖ ﺷﻔﺎﻳﻔﻲ ﺑﺠﺰﻉ ... ﻣﻴﺨﺎﻟﻒ ﺧﺎﻟﻪ ﺍﻧﻲ ﻻﺯﻡ ﺍﺭﺟﻊ ﻓﻠﻮﺳﻪ ﺍﺭﻳﺪ ﺍﺳﺎﻓﺮ ﻣﻦ ﻓﻠﻮﺳﻲ ﻫﺬﺍ ﺫﻫﺒﻲ ﻣﻴﻜﻔﻲ
ﺟﺎﻭﺑﺖ ﺑﻌﺼﺒﻴﺔ ... ﻻ ﻣﻴﻜﻔﻲ ﻭﻻ ﺭﺍﺡ ﻳﻜﻔﻲ ﻭﻟﻮ ﺗﻤﻮﺗﻴﻦ ﻣﺎ ﺍﻧﻄﻴﺞ ﻓﻠﺲ ﻭﺍﺣﺪ ﻟﺞ ﻫﺬﺍ ﻣﺴﺘﻘﺒﻠﺞ ﻭﻣﺼﻴﺮﺝ ﻻ ﺗﺪﻣﺮﻳﻨﻪ ﺑﺨﻮﻓﺞ ﺣﺒﻴﺒﺘﻲ ﻻ ﺗﺼﻴﺮﻳﻦ ﻣﺜﻞ ﻫﺒﻪ ﻭﺗﺎﻟﻲ ﺗﻨﺪﻣﻴﻦ ﻭﺫﻳﺞ ﻧﺎﻣﺖ ﺑﺎﻟﻜﺒﺮ ﻣﻨﻮ ﺑﺤﺎﻟﻬﺎ ﺍﺻﻼ ﻣﺤﺪ ﻳﺰﻭﺭﻫﺎ ...
ﻭﺍﻟﻠﻪ ﺗﺤﻠﻤﺖ ﺑﻴﻬﺎ ﺣﻠﻢ ﺷﻌﺮﻫﺎ ﺗﺒﺠﻲ ﻭﺗﺮﻳﺪ ﺗﻌﻴﺶ ﺍﻟﺤﻴﺎﺓ ﻣﻘﻬﻮﺭﺓ ﻻﻥ ﻧﺎﻣﺖ ﺑﻜﺒﺮﻫﺎ ﻫﺒﻪ ﺍﺻﻼ ﺣﺮﺍﻡ ﺯﻭﺍﺟﻬﺎ ﺍﺻﻼ ﻫﺒﻪ ﻃﻔﻠﻪ ﻣﻮ ﺣﻖ ﺯﻭﺍﺝ .. ﻫﺒﻪ ﻟﻮ ﻫﺴﻪ ﻣﺴﺎﻓﺮﻩ ﻭﻋﺎﻳﺸﻪ ﺣﻴﺎﺗﻬﺎ ﺟﺎﻥ ﻣﻮ ﻫﺬﺍ ﺣﺎﻟﻬﺎ ...
ﻻ ﺗﺼﻴﺮﻳﻦ ﻣﺜﻞ ﻫﺒﻪ ﺍﻧﺘﺤﺮﺕ ﺣﺘﺊ ﺗﺮﺿﻴﻬﻢ ﺍﺭﺿﻲ ﻧﻔﺴﺞ ﻭﻋﻮﻓﻲ ﺭﺿﺎﻫﻢ ﺍﺿﺮﺑﻴﻬﻢ ﺑﻨﻌﺎﻝ ﻣﺤﺪ ﻳﺴﺘﺎﻫﻞ
ﻣﺴﺤﺖ ﺩﻣﻮﻋﻲ ﺑﺎﺳﺊ ... ﺷﻀﺮﺏ ﺧﺎﻟﻪ ﺫﻭﻟﻪ ﺯﻟﻢ ﻣﺸﻮﺭﺑﻪ ﻏﻴﺮ ﺍﺫﺍ ﺍﻧﻬﺰﻣﺖ ﻭﻟﺰﻣﻮﻧﻲ ﻣﺤﺪ ﻳﺮﺣﻢ ﺑﺤﺎﻟﻲ ﺣﺘﺊ ﺍﺫﺍ ﺍﻧﺘﺤﺮﺕ ﻣﺎ ﺍﺧﻠﺺ ﻣﻨﻬﻢ
ﻟﺰﻣﺘﻨﻲ ﻣﻦ ﺍﻛﺘﺎﻓﻲ ﺣﻴﻞ ﻭﻫﺰﺗﻨﻲ ... ﻟﺞ ﻻ ﺗﺨﺎﻓﻴﻴﻦ ﻻ ﺗﺨﺎﻓﻴﻦ ﺍﻛﻮ ﺩﻭﻟﻪ ﻭﻗﺎﻧﻮﻥ .. ﺑﺲ ﻧﻔﺘﺢ ﺳﺎﻟﻔﺔ ﻫﺒﻪ ﻟﻠﻘﺎﻧﻮﻥ ﻧﻄﻴﺢ ﺣﻀﻬﻢ ﻭﺑﻌﺪﻳﻦ ﺷﻜﻮ ﻣﺘﺸﺎﺋﻤﻪ ﺍﺣﻨﻪ ﺭﺍﺡ ﻧﻨﻬﺰﻡ ﻭﻣﺤﺪ ﺣﻴﻌﺮﻑ ...
ﺟﺎﻭﺑﺘﻬﺎ ﺑﺎﺻﺮﺍﺭ ... ﺑﺲ ﺧﺎﻟﻪ ﺍﻧﻲ ﻣﻘﺘﻨﻌﻪ ﻻﺯﻡ ﺍﺧﺬ ﻓﻠﻮﺳﻪ ﻭﺍﺭﺟﻌﻬﻦ ﺍﻟﻪ ﻭﺍﺫﺍ ﺗﺮﺩﻳﻦ ﺍﺧﻠﻲ ﺭﺍﺿﻲ ﻳﻤﻮﻝ ﺍﻟﻴﻪ ﻓﻠﻮﺱ ﻣﻦ ﺍﻟﻔﺼﻞ ﻫﻮ ﻳﻜﺮﻩ ﺍﺑﺎﺫﺭ ﺍﻛﻴﺪ ﺣﻴﻨﻄﻴﻨﻲ ﻓﻠﻮﺱ ﺣﺘﺊ ﻳﻜﺴﺮ ﻋﻴﻨﻪ
ﺍﺑﺘﺴﻤﺖ ﺑﻤﻜﺮ ... ﺍﺫﺍ ﻫﻴﺞ ﺣﻠﻮﻭﻭ ﺍﺻﻼ ﺍﻧﺘﻲ ﻻﺯﻡ ﺗﺎﺧﺬﻳﻦ ﻣﻦ ﻓﺼﻞ ﺻﺒﺎﺡ ﻻﻥ ﺍﻧﺘﻲ ﺍﻛﺜﺮ ﻭﺣﺪﻩ ﺗﻌﺬﺑﺘﻲ
ﺭﺩﻳﺖ ﺑﺜﻘﻪ .. ﻫﻮ ﻣﻦ ﺣﻨﺴﺎﻓﺮ ﻫﻨﺎﻙ ﺣﺮﺍﺳﻠﻪ ﻭﺍﻛﻴﺪ ﻳﺮﺳﻠﻲ ﺍﻧﻲ ﺿﺎﻣﻨﺘﻪ .. ﺟﺎﻥ ﺭﺍﺳﻠﺘﻪ ﻫﺴﻪ ﺑﺲ ﺍﺧﺎﻑ ﺍﻧﻠﺰﻡ ﻭﺍﺭﻭﺡ ﺑﻴﻬﺎ
ﻫﻲ ﻭﻛﻔﺖ ﻭﺭﺍﺣﺖ ﺟﺎﺑﺖ ﺍﻟﻔﻠﻮﺱ ﺑﺲ ﺍﻟﺬﻫﺐ ﺍﺧﺬﺗﻪ ﻣﺎ ﻧﻄﺘﻨﻴﺎﻩ
ﺿﻠﻴﺖ ﺷﻮﻳﻪ ﻳﻤﻬﺎ ﺍﺟﻪ ﺯﻭﺟﻬﺎ ﺳﻠﻤﺖ ﻋﻠﻴﻪ ﻭﺑﻌﺪﻳﻦ ﺭﺟﻌﺖ ﻟﻠﺒﻴﺖ ﻭﺻﻠﺘﻨﻲ ﻫﻲ ﻭ ﺯﻭﺟﻬﺎ ...
ﺑﺲ ﻗﺮﺭﻧﻪ ﻳﻮﻡ ﺍﻟﺠﻤﻌﻪ ﺍﻟﺼﺒﺢ ﺍﻧﻬﺰﻡ ﻫﻲ ﺗﺎﺧﺬﻧﻲ ﻭﺗﻄﻠﻌﻨﻲ ﺍﻟﻔﺠﺮ ... ﺣﺘﺊ ﺗﺒﻴﻦ ﺍﻟﻬﻢ ﺍﻧﻲ ﺍﻧﻬﺰﻣﺖ ﻭﺑﻌﺪﻫﺎ ﻣﻦ ﻧﺘﻄﻤﻦ ﻧﻄﻠﻊ ﻟﻠﺨﺎﺭﺝ ...
ﺭﺟﻌﺖ ﻟﻠﺒﻴﺖ ﻗﻔﻠﺖ ﻣﻮﺑﺎﻳﻠﻲ ﻭﻧﻤﺖ ﺑﻌﺪ ﻣﺎ ﺷﻔﺖ ﺑﻨﺎﺕ ﺍﺧﺘﻲ ﻳﻌﺰ ﻋﻠﻴﻪ ﻓﺮﺍﻛﻬﻦ ﺑﺲ ﺍﺳﺤﺒﻬﻦ ﺍﻥ ﺷﺎﺀ ﻟﻠﻪ ﻣﺎ ﺍﺧﻠﻴﻬﻦ
@ Smoo-1997 .....................
ﺍﻟﺨﻤﻴﺲ ... ﺍﻟﺴﺎﻋﻪ ﺑﺎﻟﻌﺸﺮﻩ ﺍﻟﺼﺒﺢ
ﺟﻨﺖ ﺑﺎﻟﻤﺪﺭﺳﻪ ﻋﺪﻧﻪ ﻓﺮﺻﻪ ﻛﺎﻋﺪﻩ ﺍﻧﻲ ﻭﺻﺪﻳﻘﺎﺗﻲ ﻧﺎﻛﻞ ﺟﺒﺲ ﻟﻴﺰ ...
ﻭﺣﺪﻩ ﻣﻦ ﺍﻟﺒﻨﺎﺕ ﻛﺎﻟﺖ ... ﻣﻴﺲ ﺻﺪﻭﻙ ﺍﺧﺘﺞ ﺍﻧﺘﺤﺮﺕ ﺣﺮﻛﺖ ﺭﻭﺣﻬﺎ ...
ﺑﻠﻌﺖ ﺭﻳﻜﻲ ﺑﺎﻧﺰﻋﺎﺝ ﺍﻛﺮﻩ ﺍﻻﺳﺌﻠﻪ ﺍﻟﻤﺘﻜﺮﺭﻩ ﻭﺍﻛﺮﻩ ﻫﺬﺍ ﺍﻟﻤﻮﺿﻮﻉ ﺟﺎﻭﺑﺘﻬﺎ ... ﻣﺎﺍﻋﺮﻑ
ﻟﻮﺕ ﺷﻔﺎﻳﻔﻬﺎ ﻛﺎﻟﺖ ... ﺷﻨﻮ ﻣﺘﻌﺮﻓﻴﻦ ﻭﺍﻟﻠﻪ ﻳﺎﻟﻠﻪ ﺍﻟﻨﺎﺱ ﻛﻠﻬﺎ ﺗﻌﺮﻑ ﻫﻲ ﺣﺮﻛﺖ ﺭﻭﺣﻬﺎ ﺍﺻﻼ ﺍﻧﺘﻲ ﻭﺍﻣﺞ ﻃﻠﻌﺘﻦ ﺗﺮﻛﻀﻦ ﺑﺸﺎﺭﻉ ﻭﺗﺼﺮﺧﻦ ﻭﺍﺟﺖ ﺍﻟﻌﺎﻟﻢ ﻟﻜﺖ ﺍﺧﺘﺞ ﺑﺎﻟﺤﻤﺎﻡ ﻫﻲ ﻣﻄﻔﻴﻪ ﻧﻔﺴﻬﺎ ...
ﻋﻀﻴﺖ ﺷﻔﺘﻲ ﺑﻘﻬﺮ ﻭﻛﺘﻤﺖ ﻋﺒﺮﺗﻲ ﻋﻠﺊ ﺍﺧﺘﻲ ﻛﻠﺘﻠﻬﺎ ... ﺍﻱ ﻃﻚ ﻋﻠﻴﻬﺎ ﺍﻟﻄﺒﺎﺥ ...
ﻛﺎﻟﺖ ... ﻻ ﺷﻨﻮ ﻫﺪﻭﻣﻬﺎ ﻛﻠﻬﺎ ﻧﻔﻂ ﻳﻜﻮﻟﻮﻥ ﺍﺻﻼ ﻣﻄﺒﻮﺧﻪ ﻃﺒﺦ ... ﺍﺳﺘﻐﻔﺮ ﺍﻟﻠﻪ ﺍﻟﺮﻭﺡ ﻋﺰﻳﺰﻩ ﻣﺪﺭﻱ ﺷﻠﻮﻥ ﻳﺤﺮﮔﻦ ﺍﺭﻭﺍﺣﻬﻦ ...
ﺭﺩﺕ ﻭﺣﺪﻩ ﺛﺎﻧﻴﻪ ﻛﺎﻟﺖ ... ﺑﺲ ﺍﻟﻌﺮﻡ ﻭﺍﻟﻮﻛﺤﺎﺕ ﻫﻴﺞ ﻳﺴﻮﻥ ﺑﺼﺮﺍﺣﻪ ﻛﻠﻬﺎ ﺗﺤﺠﻲ ﻋﻠﻴﻜﻢ ﻳﻜﻮﻟﻮﻥ ﻟﻮ ﻣﻮ ﻭﻛﺤﻪ ﻣﺎ ﺗﺤﺮﻙ ﺭﻭﺣﻬﺎ ... ﺍﺻﻼ ﻫﺴﻪ ﻫﻲ ﺑﺎﻟﻨﺎﺭ ﻣﻮ ﺑﺎﻟﺠﻨﻪ
ﺣﺴﻴﺖ ﺑﺎﻧﻬﻴﺎﺭ ﻭﺗﻠﻒ ﺑﺎﻋﺼﺎﺑﻲ ﻭﻛﻔﺖ ﻣﺘﻌﺼﺒﻪ ﺻﺮﺧﺖ ﺑﻮﺟﻬﻬﻢ ... ﻛﺎﺍﻓﻲ ﻛﺎﺍﺍﻓﻲ ﺍﻧﺘﻦ ﻣﺘﺴﺘﺤﻦ ﻋﻴﺐ ﻋﻠﻴﺠﻦ ﺍﺧﺘﻲ ﻣﺎﺗﺖ ﻭﺍﻧﺘﻘﻠﺖ ﺍﻟﺮﺣﻤﺔ ﺭﺑﻬﺎ ﻭﺍﻧﺘﻦ ﺟﺎﻱ ﺗﺤﺎﺳﺒﻨﻬﺎ ... ﻣﺴﻮﻳﺎﺕ ﺭﻭﺣﺠﻦ ﺍﻣﺮﺍﺕ ﺑﺎﻟﻤﻌﺮﻭﻑ ﺍﺧﺘﻲ ﻣﺎﺗﺖ ﻣﻮ ﺍﻧﺘﺤﺮﺕ ...
ﻭﺣﺪﻩ ﻫﺰﺕ ﺍﻳﺪﻫﺎ ... ﺍﻱ ﺟﺬﺑﻲ ﺍﻧﺘﻲ ﻭﺍﻣﺞ ﺣﺘﺊ ﻣﺎﻣﺎ ﺩﻛﻮﻝ ﺍﻡ ﻫﺸﺎﻡ ﺯﻭﺟﺖ ﺑﻨﺘﻬﺎ ﺍﻟﻌﺎﻳﺸﻪ ﻋﻨﺪ ﺑﻴﺖ ﺟﺪﻫﺎ ﻟﺰﻭﺝ ﺍﻻﻧﺘﺤﺮﺕ ﺑﺲ ﺣﺘﺊ ﺗﺴﺪ ﺳﺎﻟﻔﺔ ﻫﺒﻪ
ﻗﻬﺮﺗﻨﻲ ﺣﻴﻴﻴﻞ ﻫﺠﻤﺖ ﻋﻠﻴﻬﺎ ﺑﻐﻀﺐ ﻭﻟﺰﻣﺘﻬﺎ ﻣﻦ ﺣﺠﺎﺑﻬﺎ ﻭﻫﻲ ﺻﺮﺧﺖ ﻭﻟﺰﻣﺘﻨﻲ ﻣﻦ ﺣﺠﺎﺑﻲ ﺻﺎﺭﺕ ﺑﻴﻨﻪ ﻋﺮﻛﻪ ﻛﺒﻴﺮﻩ ﻭﺍﻟﺒﻨﺎﺕ ﺿﻠﻦ ﻳﺼﻴﺤﻦ
ﺷﻮﻭﻳﻪ ﻭﺍﺟﺖ ﺍﻟﻤﺪﻳﺮﻩ ﺟﻨﻬﺎ ﻗﻤﺠﻲ ﻋﺰﺭﺍﺋﻴﻞ
ﻟﺰﻣﺘﻨﻪ ﺛﻨﻴﻨﻪ ﻭﺣﺎﺟﺰﺗﻨﻪ ﻭﺑﻌﺪﻫﺎ ﺍﺧﺬﺗﻨﻪ ﻟﻼﺩﺍﺭﻩ ﺣﺠﻴﻨﻪ ﺍﻟﻬﺎ ﺍﻟﺼﺎﺭ ﺭﺯﻟﺘﻨﻪ ﺭﺯﺍﻟﻪ ﻧﺎﺷﻔﻪ ﻭﻓﺼﻠﺘﻨﻪ 3 ﺍﻳﺎﻡ ﻭﻃﻠﺒﺖ ﻭﻟﻲ ﺍﻣﺮﻧﻪ ...
ﻃﻠﻌﻨﻪ ﻣﻦ ﺍﻟﻤﺪﺭﺳﻪ ﻭﺍﻧﻲ ﺍﺧﺬﺕ ﺍﻟﻄﺮﻳﻖ ﻛﻠﻪ ﺍﺑﺠﻲ ﻭﺍﻧﺤﺐ ﻋﻠﺊ ﺣﺎﻟﻲ ﻭﺣﺎﻝ ﺍﺧﻮﺍﺗﻲ ﻭﺍﻟﻌﺎﻟﻢ ﺗﺒﺎﻭﻉ ﻋﻠﻴﻪ ﺑﺤﻴﺮﻩ ...
ﻭﺻﻠﺖ ﻟﻠﺒﻴﺖ ﻓﺘﺤﺖ ﺍﻟﺒﺎﺏ ﺩﺧﻠﺖ ﻟﻠﻤﻄﺒﺦ ﻭﺍﻧﻲ ﺍﺑﺠﻲ ﺷﻔﺖ ﻣﺎﻣﺎ ﺩﺗﻄﺒﺦ ﺑﺎﻭﻋﺖ ﻋﻠﻴﻪ ﻭﺍﻧﻲ ﻃﻜﻴﺘﻬﺎ ﺑﺠﻴﻪ ﺑﻮﺟﻬﻬﺎ ...
ﻫﻲ ﺗﺨﺒﻠﺖ ﺭﻛﻀﺖ ﻋﻠﻴﻪ ﻣﻠﻬﻮﻓﻪ ﻟﺰﻣﺘﻨﻲ ﻣﻦ ﺍﻛﺘﺎﻓﻲ ﻛﺎﻟﺖ ... ﻳﻤﻤﻪ ﻣﻴﺲ ﺳﻮﺩﻩ ﻋﻠﻴﻪ ﺷﺒﻴﺞ؟
ﻛﻌﺪﺕ ﻋﻠﺊ ﺍﻟﻜﺮﺳﻲ ﻭﺍﻧﻲ ﺍﺑﺠﻲ ﺳﻮﻟﻔﺘﻠﻬﺎ ﺍﻟﺼﺎﺭ ﻭﻣﺎﻣﺎ ﺍﻧﺠﻨﺖ ﻛﺎﻟﺖ ... ﺍﻋﺮﻓﻬﺎ ﻫﺎﻱ ﺑﺖ ﺍﻡ ﺣﺴﻴﻦ ﻣﺴﻤﻮﻣﻪ ﻭﺍﻟﻠﻪ ﺍﺧﻠﻲ ﺍﺑﻮﺝ ﻳﺮﻭﺡ ﻳﻜﻮﻝ ﻻﺑﻮﻫﺎ ﻋﻠﻴﻬﺎ ﻭﻳﻄﻴﺢ ﺣﻀﻬﺎ ﺍﺩﺏ ﺳﺰ ﻛﺎﻓﻲ ﺣﺒﻴﺒﺘﻲ ﻻ ﺗﺒﺠﻴﻦ ﻃﺎﺡ ﺣﻀﻬﺎ ﻭﺣﻆ ﺗﺮﺑﻴﺘﻬﺎ ...
ﻣﺴﺤﺖ ﺩﻣﻮﻋﻲ ﻫﻤﺴﺖ ... ﺿﻮﺟﺘﻨﻲ ﻣﺎﻣﺎ ﺣﻴﻞ ﻛﺴﺮﺗﻨﻲ ﺩﻛﻮﻝ ﻫﺒﻪ ﺑﺠﻬﻨﻢ ﻭﺍﻟﻤﺪﻳﺮﻩ ﻓﺼﻠﺘﻨﻲ
ﻣﺎﻣﺎ ﻛﺘﻤﺖ ﻋﺒﺮﺗﻬﺎ ﻭﻟﻤﻌﺖ ﻋﻴﻮﻧﻬﺎ ﺑﺎﻟﺪﻣﻮﻉ ﻛﺎﻟﺖ ... ﺍﻥ ﺷﺎﺀ ﻟﻠﻪ ﻫﻲ ﻭﻋﺎﺋﻠﺘﻬﺎ ﺑﺠﻬﻨﻢ ﻛﻮﻣﻲ ﺣﺒﻴﺒﺘﻲ ﺭﻭﺣﻲ ﺑﺪﻟﻲ ﻭﺍﺭﺗﺎﺣﻲ ﻫﺴﻪ ﺍﺻﺒﻠﺞ ﻏﺪﻩ ﺭﻭﺣﻲ ﺍﻛﻌﺪﻱ ﻳﻢ ﺑﻴﺒﻴﺘﺞ ....بيج قصص عراقيه حقيقيه من واقعنا.روعه الطائي
ﻛﻠﺘﻠﻬﺎ ﻭﺍﻧﻲ ﺍﻧﺎﺷﻎ ﻭﺍﻣﺴﺢ ﺑﺪﻣﻮﻋﻲ ... ﻟﻌﺪ ﻭﻳﻦ ﺗﺎﺝ ﻣﺘﺠﻲ ﺗﺴﺎﻋﺪﺝ
ﻛﺎﻟﺖ ... ﻧﺎﻳﻤﻪ ﺍﻟﻤﺴﻌﺪﻩ
ﺟﺮﻳﺖ ﻧﻔﺲ ﻣﻘﻬﻮﺭ ﻭﻃﻠﻌﺖ ﻣﻦ ﺑﺎﺏ ﺍﻟﻤﻄﺒﺦ ﺷﻔﺖ ﺗﺎﺝ ﻧﺰﻟﺖ ﻣﻦ ﺍﻟﺪﺭﺝ ﺍﻟﻨﻌﺎﺱ ﺑﻌﺪﻩ ﺑﻌﻴﻮﻧﻬﺎ ﻭﻻﺑﺴﻪ ﺗﺸﺮﻳﺖ ﻋﺮﻳﺾ ﻟﻮﻧﻪ ﺭﺻﺎﺻﻲ ﻭﺑﺠﺎﻣﻪ ﺳﻮﺩﻩ ﻭﺷﻌﺮﻫﺎ ﻣﺨﺮﺑﻂ ...
ﻳﺎﺭﺑﻲ ﺷﻜﺪ ﻣﺴﺘﻔﺰﻩ ﺍﻧﻲ ﺍﺧﺎﻑ ﺍﺿﻞ ﻧﺎﻳﻤﻪ ﻝ 12 ﻣﺎﻣﺎ ﺗﻀﻞ ﺗﺤﺠﻲ ﻭﻫﻲ ﺗﻜﻌﺪ ﺑﺎﻟﻮﺣﺪﻩ ﻭﻟﻮ ﻣﺎﻣﺎ ﺗﺤﺠﻲ ﻣﻨﺎ ﻟﺒﺎﺟﺮ ﻣﺘﻬﺘﻢ ... ﻭﻣﺎﻣﺎ ﺿﻠﺖ ﻣﺘﺤﺎﺟﻴﻬﺎ ﻣﺜﻞ ﻟﻜﺮﻫﺘﻬﺎ ...
ﺭﺣﺖ ﻟﻜﻴﺖ ﺑﻴﺒﻲ ﺩﺗﺼﻠﻲ ﻭﺑﺎﺑﺎ ﻣﻤﻮﺟﻮﺩ ﻭﻋﻤﻮ ﺑﺪﻭﺍﻣﻪ ﻭﻫﺸﺎﻡ ﺧﻄﻴﻪ ﻛﺎﻋﺪ ﻋﻠﺊ ﺻﻔﺤﻪ ﺑﻜﺮﺳﻲ ﺍﻟﻤﻘﻌﺪﻳﻦ
ﺭﺣﺖ ﺑﺪﻟﺖ ﻭﻏﺴﻠﺖ ﻭﺟﻬﻲ ﻭﺍﺟﻴﺖ ﺳﺎﻋﺪﺕ ﻣﺎﻣﺎ ﺻﺒﻴﻨﻪ ﺍﻧﻲ ﻭﻳﺎﻫﺎ ﻏﺪﻩ ...
ﺍﺟﺖ ﺗﺎﺝ ﻛﻌﺪﺕ ﻭﺧﻠﺖ ﺯﻧﻮﺑﻪ ﺑﺤﻀﻨﻬﺎ ﻭﺻﺎﺭﺕ ﺗﻮﻛﻞ ﺑﻴﻬﺎ ﻭﻣﻤﻬﺘﻤﻪ ﻷﻱ ﻧﻔﺮ ﺑﻴﻨﻪ
ﺑﻌﺪﻫﺎ ﺗﻌﺎﺭﻛﻦ ﻫﻲ ﻭﺯﻳﻨﺐ ﻭﺯﻳﻨﺐ ﻣﻘﺼﺮﺕ ﺭﻛﻌﺘﻬﺎ ﺑﺎﻟﺨﺎﺷﻮﻛﻪ ﻭﻫﻲ ﻛﻠﻬﺎ ﻣﺮﻛﻪ ﺿﻠﻴﻨﻪ ﻧﻀﺤﻚ ﻋﻠﻴﻬﺎ
ﻭﻫﻲ ﺧﻠﺖ ﻭﺭﺍﺣﺖ ﺯﻋﻼﻧﻪ ﻋﺸﺘﻮ ... ﺩﻃﻴﺮﻱ ...
...
ﺗﺎﺝ ﺑﻌﺪ ﻣﺎ ﻭﻛﻠﺖ ﺯﻧﻮﺑﻪ ﻭﺗﻐﺪﻳﻨﻪ ﻫﻲ ﺗﻌﺼﺒﺖ ﻭﺿﺮﺑﺘﻨﻲ ﺑﺎﻟﺨﺎﺷﻮﻛﻪ ﺗﺮﺑﻴﺔ ﺻﺒﻴﺢ ﺻﻌﺪﺕ ﻏﺴﻠﺖ ﻟﺰﻫﺮﺍﺀ ﻭﺍﻧﻄﻴﺘﻬﺎ ﻣﻤﻪ ... ﺍﻧﻄﻴﻬﺎ ﺍﻟﺼﺒﺢ ﻭﺍﻟﻀﻬﺮ ﺷﺮﺑﺘﻬﺎ ﻋﻼﺟﻬﺎ ...
ﺿﻠﻴﺖ ﻣﺮﻛﺰﻩ ﺑﻤﻼﻣﺤﻬﺎ ﻭﻣﺒﺘﺴﻤﻪ ﻛﻮﻟﺶ ﻳﻌﺰ ﻋﻠﻴﻪ ﺍﻓﺎﺭﻛﻬﺎ ﻛﻮﻭﻭﻟﺶ ﺍﺣﺒﻬﺎ ﺑﺴﺘﻬﺎ ﺣﻴﻴﻞ ﻭﻧﻤﺖ ﺑﺼﻔﻬﺎ ..
ﺑﺎﺟﺮ ﻻﺯﻡ ﺍﻃﻠﻊ ﺣﻀﺮﺕ ﻣﻼﺑﺴﻲ ﺧﻠﻴﺘﻬﻢ ﺑﺠﻨﻂ ﺍﺧﺬﺕ ﺷﺊ ﻗﻠﻴﻞ ﻭﺍﺧﺬﺕ ﺟﻨﺴﻴﺘﻲ ﻭﺷﻬﺎﺩﺓ ﺍﻟﺤﻨﺴﻴﻪ ﻭﺑﻌﺪ ﺍﻏﺮﺍﺽ ...
ﺟﺮﻳﺖ ﻧﻔﺲ، ﺍﺑﺎﺫﺭ ﺻﺎﺭ ﻫﻮﻭﺍﻳﻪ ﻣﻤﺮﺍﺳﻠﻨﻲ ﺣﺴﻴﺖ ﺑﺎﺷﺘﻴﺎﻕ ﺍﻟﻪ ﺑﺲ ﺧﻠﻲ ﻳﻮﻟﻲ ﻟﻌﺪ ﻣﻴﺮﺍﺳﻞ ﻭﺍﺻﻼ ﺍﻧﻲ ﺗﺎﺭﻛﺘﻪ ﻻﻥ ﻫﻮ ﻣﺜﻞ ﺍﺧﻮﻭ ﻣﺎﻋﻨﺪﻩ ﺭﻭﻣﺎﻧﺴﻴﻪ ﺑﺲ ﻳﺎﺧﺬ ﺍﻟﻲ ﻳﺮﻳﺪﻩ ﻭﻳﺸﻤﺮﻧﻲ ﻣﺜﻞ ﺍﻟﻜﻠﺒﻪ ﺧﻠﻴﻨﻲ ﻫﻴﺞ ﻧﺼﻒ ﻋﺬﺭﺍﺀ ﺍﺣﺴﻦ ....
ﺑﺲ ﻟﻮ ﻫﻮ ﺷﻮﻳﻪ ﻣﻬﺘﻢ ﺑﻴﻪ ﻳﻤﻜﻦ ﺍﻏﻴﺮ ﻣﻦ ﻗﺮﺍﺭﻱ ﺑﺲ ﻫﻮ ﻣﺘﻜﺒﺮ ﻭﺍﻧﺎﻧﻲ ﺑﺲ ﻣﻦ ﻳﺠﻲ ﻳﺤﻀﻨﻲ ﺟﺬﺍﺏ ﻣﺜﻞ ﻣﻜﺎﻟﺖ ﺧﺎﻟﻪ ﻳﺮﻳﺪ ﻳﺎﺧﺬ ﻣﻨﻲ ﺍﻟﻲ ﻳﺮﻳﺪﻩ ﻭﺑﻌﺪﻫﺎ ﻳﺸﻤﺮﻧﻲ ﺍﻭ ﻳﻌﺬﺑﻨﻲ ...
ﺿﻠﻴﺖ ﺍﻛﻞ ﺑﺮﻭﺣﻲ ﻭﺧﺎﻳﻔﻪ ﻛﻞ ﺷﻮﻳﻪ ﺗﺼﻴﺒﻨﻲ ﺭﺟﻔﻪ ﺻﺎﺭ ﺩﻧﻴﺎ ﺍﻟﻌﺼﺮ ﻣﻨﺰﻟﺖ ﺍﻟﻬﻢ ﻭﺑﻌﺪﻫﺎ ﺻﺎﺭ ﺩﻧﻴﺎ
ﺍﺟﺖ ﻣﻴﺲ ﻛﺎﻟﺖ ... ﺗﻌﺎﻟﻲ ﺗﻌﺸﻲ ﻛﻠﺘﻠﻬﺎ ﻣﺎﺍﺭﻳﺪ ﺧﻠﺖ ﻭﺭﺍﺣﺖ ...
ﺿﻠﻴﺖ ﺍﻓﺘﺮ ﺑﺘﻮﺗﺮ ﺭﺣﺖ ﻓﺘﺤﺖ ﺍﻟﻜﻨﺘﻮﺭ ﻃﻠﻌﺖ ﺍﻟﻔﻠﻮﺱ ﻭ ﺭﺣﺖ ﻟﻤﺎﻣﺎ ...
ﺩﻛﻴﺖ ﺍﻟﺒﺎﺏ ﻭﺩﺧﻠﺖ ﻟﻐﺮﻓﺘﻬﺎ ﻟﻜﻴﺘﻬﺎ ﺩﺗﺼﻠﻲ ﻛﻌﺪﺕ ﻣﻘﺎﺑﻴﻠﻬﺎ ﻫﻲ ﻣﻦ ﺷﺎﻓﺘﻨﻲ ﺧﻠﺼﺖ ﺻﻼﺗﻬﺎ
ﻛﺎﻟﺖ ﺑﻤﺮﺡ ... ﻫﺎﺍ ﺗﻮﺟﻪ ﻳﻤﻪ ﺍﻟﻴﻮﻡ ﺟﺎﻳﺘﻨﻲ ..
ﺍﺑﺘﺴﻤﺖ ﻭﺗﻘﺮﺑﺖ ﻣﻨﻬﺎ ﻭﺍﻧﻲ ﻻﺯﻣﻪ ﺍﻟﻔﻠﻮﺱ ... ﺟﺒﺘﻠﺞ ﻓﻠﻮﺱ ﺍﻟﻨﻴﺸﺎﻥ ﺧﻠﻲ ﻋﻨﺪﺝ
ﺑﺎﻭﻋﺘﻠﻲ ﺑﺬﻫﻮﻝ ﻛﺎﻟﺖ ... ﺷﻨﻮ ﺣﺒﻴﺒﺘﻲ ﻟﻴﺶ ﻣﻮ ﻛﻠﺘﻲ ﺍﻧﺘﻲ ﻭﺧﺎﻟﺘﺞ ﺣﺘﺸﺘﺮﻳﻦ
ﺗﻨﻬﺪﺕ ﺑﺼﻮﺕ ﻣﺴﻤﻮﻉ ... ﻻ ﺧﻠﻴﻬﻦ ﻳﻤﺞ ﺍﺣﺴﻦ
ﻫﻲ ﻓﺘﺤﺖ ﺍﺩﻳﻬﺎ ﻭﺿﻤﺘﻨﻲ ﺍﻟﺼﺪﺭﻫﺎ ﺟﻨﺖ ﺣﻴﻞ ﻣﺮﺗﺒﻜﻪ ﻭﻣﺎ ﺑﺎﺩﻟﺘﻬﺎ ﺍﻟﺤﻀﻦ ﻛﺎﻟﺖ ... ﺍﻱ ﻭﺍﻟﻠﻪ ﻳﻤﻪ ﺗﺎﺝ ﺫﺍﻙ ﺍﻟﻴﻮﻡ ﺍﻧﻘﻬﺮﺕ ﻻﻥ ﻛﻠﺘﻲ ﺭﺍﺡ ﺗﺠﻬﺰﻳﻦ ﺍﻧﺘﻲ ﻭﺧﺎﻟﺘﺞ ﻛﻠﺖ ﻟﻴﺶ ﻫﻴﺞ ﺗﺴﻮﻱ ﻭﻳﺎﻱ ...
ﻭﺑﻌﺪﻫﺎ ﻛﻤﻠﺖ ... ﺍﻧﻲ ﻭﺍﻟﻠﻪ ﻳﺎﻳﻤﻪ ﻣﺤﺪ ﻳﺤﺲ ﺑﻴﻪ ﻭﺍﻟﻠﻪ ﺍﺣﺒﺠﻦ ﻭﻻ ﺍﻓﺮﻕ ﺍﻱ ﻭﺣﺪﻩ ﻣﻨﺠﻦ ﻭﺟﻤﺮﺓ ﻫﺒﻪ ﻟﺤﺪ ﺍﻻﻥ ﺷﺎﻋﻠﻪ ﺑﺼﺪﺭﻱ ﺍﻧﻲ ﻣﻦ ﺍﺻﻴﺢ ﻋﻠﻴﺞ ﻭﺍﺗﻌﺼﺐ ﻭﺍﻟﻠﻪ ﻣﻦ ﻗﻬﺮﻱ ﻭﻷﻥ ﺍﻧﺘﻲ ﻣﺘﺤﺘﺮﻣﻴﻨﻲ ﻳﻤﻪ ﺍﻧﻲ ﺍﻣﺞ ﺻﺢ ﻏﻠﻄﺖ ﻭﻳﺎﺝ ﺑﺲ ﻭﺍﻟﻠﻪ ﻣﺤﺪ ﻳﺤﺒﺞ ﺍﻛﺜﺮ ﻣﻨﻲ
ﺳﺤﺒﺖ ﻧﻔﺴﻲ ﻣﻦ ﺣﻀﻨﻬﺎ ﻭﺍﺑﺘﺴﻤﺖ ﻣﺠﺎﻣﻠﻪ ... ﺍﻟﻠﻪ ﻛﺮﻳﻢ ﻣﺎﻣﺎ ﻭﺍﻧﻲ ﺍﻋﺘﺬﺭ ﺍﺫﺍ ﻓﺪ ﻳﻮﻡ ﺍﺫﻳﺘﺞ ﺑﺲ ﻭﺍﻟﻠﻪ ﺗﻌﺰ ﻋﻠﻴﻪ ﻧﻔﺴﻲ ﻭﻳﻨﻜﺴﺮ ﺧﺎﻃﺮﻱ ﻋﻠﺊ ﺭﻭﺣﻲ ﻟﻬﺬﺍ ﺍﻟﺴﺒﺐ ﺍﺗﻤﺮﺩ ﺩﺍﺧﻠﻲ ﻧﻀﻴﻒ ﻣﺎﻣﺎ ﺑﺲ ﻭﺍﻗﻌﻲ ﺍﺳﻮﺩ ﻭﻣﺮ ...
ﺣﻀﻨﺖ ﻭﺟﻬﻲ ﺑﺎﺩﻳﻬﺎ ﻭﻫﻤﺴﺖ ... ﺍﻥ ﺷﺎﺀ ﻟﻠﻪ ﻣﺎ ﺗﺸﻮﻓﻴﻦ ﻳﻮﻡ ﺍﺳﻮﺩ ﺑﺤﻖ ﻣﺤﻤﺪ ﺣﺒﻴﺐ ﺍﻟﻠﻪ ﺭﻭﺣﻲ ﻧﺎﻣﻲ ﻳﻤﻪ ﻭﺍﻥ ﺷﺎﺀ ﻟﻠﻪ ﺭﺑﺞ ﻣﺎ ﻳﻨﺴﺎﺝ ...
ﻭﻛﻔﺖ ﻭﺗﺮﺩﺩ ﻫﻮﺍﻳﺔ ﺍﺑﻮﺱ ﺍﻣﻲ ﺿﻠﻴﺖ ﺑﻴﻦ ﺍﻟﺮﻓﺾ ﻭﺍﻟﻘﺒﻮﻝ ﻭﺗﺎﻟﻲ ﺭﻓﻀﺖ ﻭﻣﺎ ﺑﺴﺘﻬﺎ ...
ﺭﺣﺖ ﺍﺭﻛﺾ ﺍﻟﻐﺮﻓﺘﻲ ﺑﺠﻴﺖ ﻫﻮﻭﻭﺍﻳﻪ ﺑﻴﻮﻣﻬﺎ ﻭﺍﻧﻲ ﺍﻭﺩﻉ ﺍﺭﺟﺎﺀ ﺍﻟﻐﺮﻓﻪ ﻭﺍﻫﻠﻲ ﻭﺑﻴﺘﻨﻪ ...
ﻧﻤﺖ ﻭﺩﻣﻮﻋﻲ ﺗﻨﺰﻝ ﺑﺼﻤﺖ ﺍﺟﺖ ﺯﻳﻨﺐ ﺷﻤﺮﺓ ﺭﻭﺣﻬﺎ ﻋﻠﻴﻪ ﺑﻘﻮﻩ ﻭﺑﺎﺳﺘﻨﻲ ﻛﺎﻟﺖ ﺑﻄﻔﻮﻟﻪ ... ﺗﻮﺗﻪ ﻟﻴﺶ ﺍﺑﺘﻴﻦ ﻻﻥ ﻃﺮﺑﺘﺞ .. ﻭﻥ ﺍﻧﻨﻴﻦ ﺍﻧﻲ ﺍﻋﺒﺞ ...
ﺍﺑﺘﺴﻤﺖ ﺑﺒﻜﺎﺀ ﻭﺣﻀﻨﺘﻬﺎ ﺣﻴﻞ ﺩﻛﻮﻟﻲ ... ﻟﻴﺶ ﺗﺒﺠﻴﻦ ﻻﻥ ﺿﺮﺑﺘﺞ ﻭﺍﻡ ﺍﻟﺒﻨﻴﻦ ﺍﻧﻲ ﺍﺣﺒﺞ ..
ﺣﻀﻨﺘﻬﺎ ﺣﻴﻞ ﻭﺿﻠﻴﺖ ﺍﺑﺠﻲ ﻭﻫﻲ ﺗﻤﺴﺢ ﺑﺪﻣﻮﻋﻲ ﺿﻠﻴﺖ ﺑﺤﻴﺮﻩ ﺑﻴﻦ ﺍﻻﻧﻬﺰﺍﻡ ﻭﺍﻟﺒﻘﺎﺀ ...
ﻭﺑﻌﺪﻫﺎ ﻏﻔﻴﺖ ... ﻭﺻﺤﻴﺖ ﻋﻠﺊ ﺻﻮﺕ ﺍﻟﻤﻨﺒﻪ ﺍﻟﺴﺎﻋﻪ ﺑﺎﻷﺭﺑﻌﺔ ﺍﻟﻔﺠﺮ
ﻓﺘﺤﺖ ﺍﻟﻤﻮﺑﺎﻳﻞ ﺷﻔﺘﻬﺎ ﺧﻤﺲ ﻣﻜﺎﻟﻤﺎﺕ ﻣﻦ ﺧﺎﻟﻪ ﺑﺴﺮﻋﻪ ﺍﺗﺼﻠﺖ ﻋﻠﻴﻬﺎ
ﻓﺘﺤﺖ ﺧﻂ ﺑﺴﺮﻋﺔ ﻛﺎﻟﺖ .. ﻭﻳﻨﺞ ﺗﺎﺝ ﺻﺎﺭ ﺳﺎﻋﻪ ﺍﺗﺼﻞ ﺍﻃﻠﻌﻲ ﺑﺴﺮﻋﻪ ...
ﺿﻠﻴﺖ ﺻﺎﻓﻨﻪ ﻭﻣﺠﺎﻭﺑﺘﻬﺎ ﻛﺎﻟﺖ ... ﻳﺎﻟﻠﻪ ﺗﺎﺝ ﺑﺴﺮﻋﻪ ﺣﺒﺎﺑﻪ ...
ﻭﻛﻔﺖ ﺑﺴﺮﻋﻪ ﻏﺴﻠﺖ ﻭﺑﺴﺖ ﺍﻟﺒﻨﺎﺕ ﻟﺒﺴﺖ ﺻﺎﻳﺘﻲ ﻭﺍﺧﺬﺕ ﻣﻼﺑﺴﻲ ﻭﻃﻠﻌﺖ ﺧﺎﺍﺍﺍﺍﻳﻔﻪ ﺟﺎﻥ ﺍﻟﺒﻴﺖ ﻫﺪﻭﻭﺀ ﺍﻟﻄﻴﺮ ﻣﺎﺑﻲ ﺗﺸﻤﺮﻳﻦ ﺍﻻﺑﺮﻩ ﺗﺴﻤﻌﻴﻬﺎ ...
ﻧﺰﻟﺖ ﺑﺘﻮﺗﺮ ﻭﺧﻮﻑ ﻭﻫﺒﻄﻪ ﺣﺴﻴﺖ ﺍﻟﺒﻴﺖ ﻛﺒﺮ ﻭﺍﻟﻄﺮﻳﻖ ﻃﻮﻭﻭﻭﻭﻭﻳﻞ ﻭﺻﻠﺖ ﻟﻠﺒﺎﺏ ﺍﻟﺮﺋﻴﺴﻲ ﻓﺘﺤﺖ ﺍﻟﺒﺎﺏ ﺣﺴﻴﺖ ﺗﺤﺮﺭﺕ ... ﻳﺎﻟﻠﻪ
ﺷﻔﺖ ﺧﺎﻟﺘﻲ ﻛﺎﻋﺪﻩ ﺑﺼﺪﺭ ﻭﺯﻭﺟﻬﺎ ﻳﺴﻮﻕ ﺑﺴﺮﻋﻪ ﻓﺘﺤﺖ ﺍﻟﺒﺎﺏ ﺍﻟﺨﻠﻔﻲ ﻭﺭﻛﺒﺖ ﻭﺑﺪﻭﻥ ﻣﺎ ﺍﺳﻠﻢ ﻋﻠﻴﻬﻢ ﺣﻄﻴﺖ ﺍﺩﻳﻪ ﻋﻠﺊ ﻭﺟﻬﻲ ﻭﺑﺠﻴﺖ ﺑﺼﻮﻭﻭﺕ ﻋﺎﻟﻲ ...
ﺧﺎﻟﻪ ﻧﺰﻟﺖ ﻭﺍﺟﺖ ﻛﻌﺪﺕ ﻳﻤﻲ ﺣﻀﻨﺘﻨﻲ ﻭﺿﻠﺖ ﺗﺤﺠﻲ ﻭﻳﺎﻳﻪ ﻭﺗﻘﻨﻌﻨﻲ ﺑﻜﻼﻣﻬﺎ ﺣﺴﻴﺖ ﺑﺮﺍﺣﻪ ﺷﻮﻳﻪ ﻭﺑﻌﺪﻫﺎ ﺍﻧﻄﻠﻘﻨﻪ ....
........................
ﻣﻴﺲ
ﺻﺎﺩﻑ ﻳﻮﻡ ﺟﻤﻌﻪ
ﻭﻛﻞ ﻋﺎﺩﺓ ﺗﺎﺝ ﺧﺎﻧﻮﻭﻡ ﻧﺎﻳﻤﻪ ﻟﻠﻀﻬﺎﺭﻱ ﻣﺴﻌﺪﺓ ﻋﻠﺊ ﻛﻮﻟﺔ ﻣﺎﻣﺎ ...
ﺳﻤﻌﺖ ﺯﻧﻮﺑﻪ ﺗﺒﺠﻲ ﻫﻲ ﺑﺎﻟﻌﺎﺩﻩ ﺗﺴﻜﺘﻬﻦ ﻣﻴﺒﺠﻦ ﺿﻠﺖ ﺗﺒﺠﻲ ﺻﻌﺪﺕ ﻓﻮﻙ ﻣﻠﻜﻴﺘﻬﺎ ﺑﺲ ﺍﻟﺒﻨﺎﺕ ﻳﺒﺠﻮﻥ ...
ﻭﺑﺎﺏ ﺍﻟﻜﻨﺎﺗﻴﺮ ﻣﻔﺘﻮﺡ ﺍﺭﺗﻌﺒﺖ ﻣﻦ ﺍﻟﺨﻮﻭﻭﻑ ...
ﻟﺰﻣﺖ ﺯﻳﻨﺐ ﻛﻠﺘﻠﻬﺎ ... ﻭﻳﻦ ﺗﺎﺝ
ﻛﺎﻟﺖ ﺑﺒﻜﺎﺀ ﻭﻃﻔﻮﻟﻪ ... ﻣﺎﺗﻮﻭﻭ .. « ﻣﺎﻛﻮ » ﻣﺎﺗﺖ ﻣﺜﻞ ﻫﺒﻪ
ﺿﻠﻴﺖ ﺍﺩﻭﺭ ﻋﻠﻴﻬﺎ ﺑﺎﺭﺟﺎﺀ ﺍﻟﻐﺮﻑ ﻭﺍﻟﺤﻤﺎﻣﺎﺕ ﻣﺎﻛﻮﻭ ﻓﺺ ﻣﻠﺢ ﻭﺫﺍﺑﺖ ...
ﻓﺘﺤﺖ ﻣﻮﺑﺎﻳﻞ ﻣﺎﻣﺎ ﺍﺗﺼﻠﺖ ﻋﻠﻴﻬﺎ ﻣﺎﻛﻮﻭ ﻣﺘﺮﺩ ﻣﻐﻠﻖ ﺗﺨﺒﻠﺖ ﺭﺣﺖ ﻛﻠﺖ ﻟﻤﺎﻣﺎ ﻣﺎﻣﺎ ﺗﺨﺒﻠﺖ ﺿﻠﺖ ﺗﻠﻄﻢ ﻭﺗﺪﻭﺭ ﺑﺎﻟﺤﺪﻳﻘﻪ ...
ﺍﻧﺘﺒﻬﺖ ﻟﻠﻤﻮﺑﺎﻳﻞ ﺟﺎﻳﻪ ﺑﻲ ﺭﺳﺎﻟﻪ ﻓﺘﺤﺘﻬﺎ ﻃﻠﻌﺖ ﻣﻨﻬﺎ ﻛﺎﺗﺒﻪ ... ﻣﺎﻣﺎ ﻻ ﺗﺪﻭﺭﻭﻥ ﻋﻠﻴﻪ ﺍﻧﻲ ﺑﻌﺪ ﻣﺎ ﺍﺭﺟﻊ ﺍﻧﺴﻮﻧﻲ
ﺻﺮﺧﺖ ﺑﺼﻮﺕ ﻋﺎﻟﻲ ﻭﻟﻄﻤﺖ ﻋﻠﺊ ﻭﺟﻬﻲ ﻭﻣﺎﻣﺎ ﺍﺟﺖ ﺗﺮﻛﺾ ﻫﺰﺗﻨﻲ ﺑﺨﻮﻑ ﻛﺎﻟﺖ ... ﺷﻜﻮﻭ ﺍﺣﺠﻲ ...
ﺭﺟﻔﺖ ﻭﺟﺎﻭﺑﺘﻬﺎ ﺑﺮﻫﺒﻪ ﻭﺧﺬﻻﻥ ... ﺗﺎﺝ ﺍﻧﻬﺰﻣﺖ ..
ﻣﺎﻣﺎ ﺿﻠﺖ ﺗﺪﻙ ﻋﻠﺊ ﻭﺟﻬﻬﺎ ﻭﺑﻴﺒﻲ ﺍﺟﺖ ﺗﻤﺸﻲ ﺑﻌﻜﺎﺯﺗﻬﺎ ﻭﻋﺮﻓﺖ ﺍﻟﻤﻮﺿﻮﻉ ﺿﻠﺖ ﺗﻐﻠﻂ ﻋﻠﻴﻬﺎ ... ﺍﻟﻠﻪ ﻳﻨﺘﻘﻢ ﻣﻨﺞ ﻳﺎ ﻋﺎﺭ ﻳﺎ ﺍﺩﺏ ﺳﺰ ﺷﻨﻜﻮﻝ ﻟﻠﻨﺎﺱ ﺷﻨﻜﻮﻝ ﻟﻠﻌﺎﻟﻢ ﺑﻴﺖ ﻋﻤﺞ ﺷﻨﻜﻠﻬﻢ ﻭﻳﻦ ﻭﻟﻴﺘﻲ ﻭﺍﻟﻠﻪ ﻭﺭﻭﺡ ﻭﻟﺪﻱ ﺗﺎﺝ ﺩﻣﻬﺎ ﻣﺴﻔﻮﻭﻙ ﺍﺫﺍ ﻟﺰﻣﺘﻮﻫﺎ ﺗﻜﺘﻠﻮﻫﺎ ﻭﺗﺪﻓﻨﻮﻫﺎ ...
ﻣﺎﻣﺎ ﻟﺒﺴﺖ ﻋﺒﺎﻳﺘﻬﺎ ﻭﻃﺎﺭﺕ ﺗﺮﻛﺾ ﻭﺍﻧﻲ ﺧﺎﺑﺮﺕ ﺟﺪﻭ ﺗﺨﺒﻞ ﻛﺎﻝ ﻫﺴﻪ ﺍﺟﻴﻜﻢ ...
ﺑﻌﺪﻫﺎ ﺧﺎﺑﺮﺕ ﺧﺎﻟﻪ ... ﻛﺎﻟﺖ ﻣﻮ ﻋﻨﺪﻱ ﺣﻠﻔﺘﻬﺎ ﺣﻠﻔﺖ ﺑﺎﻟﻘﺮﺍﻥ ﻣﻮ ﻋﻨﺪﻫﺎ ... ﻭﻛﺎﻟﺖ ﻻ ﺗﻮﺭﻃﻴﻨﻲ ﺍﺧﺘﺞ ﻣﻮ ﻋﻨﺪﻱ
ﺿﻠﻴﺖ ﺍﺑﺠﻲ ﻭﻫﺸﺎﻡ ﻋﻴﻮﻧﻪ ﻃﻠﻌﺖ ﺍﻧﻘﻬﺮ ﺣﻴﻴﻞ ﺑﺲ ﺳﺎﻛﺖ ﻣﺴﻜﻴﻦ ﺷﻴﺴﻮﻱ ...
ﺍﺟﺖ ﻣﺎﻣﺎ ﺗﻠﻄﻢ ﻭﺗﺪﻙ ﻋﻠﺊ ﻭﺟﻬﻬﺎ ﺯﻭﺭﻛﺘﻪ ﺗﺰﻭﺭﻙ ﻭﺻﺎﺭ ﺩﻧﻴﺎ ﻟﻴﻞ ﻭﻫﻲ ﻣﺎﻛﻮﻭﻭ .
ﺻﺎﺣﺖ ﺑﺼﻮﺕ ﻋﺎﻟﻲ ﺧﻠﺘﻨﻲ ﺟﻔﻠﺖ ﻣﻦ ﻣﻜﺎﻧﻲ ... ﺧﺎﺑﺮﻱ ﺍﺑﻮﻭﻭﺝ ﻭﻋﻤﺞ ﻫﺎﻱ ﺍﻟﺴﺎﻕ ... ﺍﻟﻜﺢ ... ﺍﻟﻴﻮﻡ ﻻﺯﻡ ﻳﺠﻴﺒﻮﻫﺎ ﻭﻳﺬﺑﺤﻮﻫﺎ ... ﻗﺸﻤﺮﺗﻨﻲ ﺍﻧﻄﺘﻨﻲ ﺍﻟﻔﻠﻮﺱ ﻭﺗﺎﻟﻲ ﺍﻧﻬﺰﻣﺖ ﺷﻠﻮﻥ ﺻﺪﻛﺘﻬﺎ ﺍﻟﻠﻪ ﻳﻬﻠﻜﺞ ﻳﺎ ﺗﺎﺝ ﻃﻴﻨﺘﻲ ﺭﺍﺳﻨﻪ ﻳﺎ ﺍﺩﺏ ﺳﺰ ...
ﺧﺎﺑﺮﺕ ﻋﻤﻮ ﻛﺘﻠﻪ ﺗﻌﺎﻝ ﺿﺮﻭﺭﻱ ﻛﺎﻝ ﺷﻜﻮ ﻛﺘﻠﻪ ﺗﺎﺝ ﺍﺧﺘﻔﺖ ﻫﻮ ﺍﻧﺼﺪﻡ ﻭﺟﺬﺑﻨﻲ ﺣﻠﻔﺖ ﻫﻲ ﺍﻧﻬﺰﻣﺖ ...
ﻛﺎﻝ ﺑﻌﺼﺒﻴﺔ ... ﺍﻧﻌﻞ ﺍﺑﻮﺟﻦ ﻳﺎ ﺍﺑﻮ ﺍﻟﻌﺮﻓﻨﻲ ﺑﻴﺠﻦ ﺑﻨﺎﺕ ﺍﻟﻨﻌﺎﻝ ﻳﻮﻣﻴﻪ ﻣﺸﻜﻠﻪ ﻭﺍﻟﻠﻪ ﺍﻟﻌﻀﻴﻢ ﻭﺭﻭﺡ ﺍﺑﻮﻭﻭﻱ ﺍﺫﺍ ﻣﺎ ﺩﻓﻨﺘﻬﺎ ﻭﻫﻲ ﻋﺎﻳﺸﻪ ﻣﺎ ﺍﻃﻠﻊ ﻣﻌﺘﺼﻢ ...
ﺭﺟﻌﺖ ﺧﺎﺑﺮﺕ ﺑﺎﺑﺎ ﺧﻔﺖ ﺍﻛﻠﻪ ﺑﻌﺪﻫﺎ ﻛﺘﻠﻪ ﻫﺸﺎﻡ ﺗﺨﺮﺑﻂ ﻭﻫﻮ ﺍﻧﺮﻋﺐ ﻛﺎﻝ ... ﺍﻧﻲ ﺑﻄﺮﻳﻖ ﺟﺎﻱ ...
ﺿﻠﻴﻨﻪ ﻧﻬﺎﺭ ﻛﺎﻣﻞ ﻻ ﺍﻛﻞ ﻭﻻ ﺷﺮﺏ ﻟﺤﺪ ﻣﺎ ﺍﺟﻮ ﺑﺎﻟﻴﻞ ﺗﻘﺮﻳﺒﺎ ﺑﺎﻟﻮﺣﺪﻩ ...
ﺍﺟﻪ ﻋﻤﻮ ﻭﺻﻞ ﻗﺒﻠﻬﻢ ﻫﺠﻢ ﺍﻟﺒﻴﺖ ﻋﻠﻴﻨﻪ ﻓﻠﺸﻪ ﺗﻔﻠﺶ ﺣﺘﺊ ﺍﻟﺒﻼﺯﻣﺎ ﻓﻠﺸﻬﺎ ﻭﻣﺤﺘﺎﺭ ﻭﻳﻦ ﻳﺪﻭﺭ ...
ﻭﺭﺍﻩ ﺑﻨﺺ ﺳﺎﻋﻪ ﺍﺟﻪ ﺑﺎﺑﺎ ... ﺗﻔﺎﺟﺊ ﻣﻦ ﺍﻟﺒﻴﺖ ﻭﺍﻟﺒﻜﺎﺀ ﻋﺒﺎﻟﻪ ﻫﺸﺎﻡ ﻣﺎﺕ ...
ﺑﻌﺪﻫﺎ ﻋﻤﻮ ﻛﻠﻪ ... ﺑﻨﺖ ﺍﻟﻌﺎﺭ ﺍﻧﻬﺰﻣﺖ ...
ﺑﺎﺑﺎ ﻣﻦ ﻗﻮﺓ ﺍﻟﺼﺪﻣﻪ ﺿﻞ ﻣﺘﺤﻨﻂ ﻭﺑﻌﺪﻫﺎ ﻭﻛﻊ ﻣﻦ ﻃﻮﻭﻟﻪ ﺭﻛﻀﻨﻪ ﻋﻠﻴﻪ ﻭﻧﺼﺮﺥ ...
ﻭﻋﻤﻮ ﻭﻣﺎﻣﺎ ﻭﺍﻧﻲ ﻛﺪﺭﻧﻪ ﻧﺴﺤﺒﻪ ﻭﺻﻠﻨﺎﻩ ﻟﻠﺴﻴﺎﺭﻩ ﻭﺑﻴﺒﻲ ﺗﺼﺮﺥ ﻭﺗﺴﺐ ﺑﺘﺎﺝ
ﺍﻧﻲ ﺿﻠﻴﺖ ﺑﺎﻟﺒﻴﺖ ﻛﺎﻋﺪﻩ ﻟﻠﻔﺠﺮ ﻭﺑﺲ ﺍﺑﺠﻲ ﺧﺎﺑﺮﺕ ﻣﺎﻣﺎ ﻛﺎﻟﺖ .. ﺑﺎﺑﺎ ﺻﺎﺭﺕ ﻋﻨﺪﻩ ﺟﻠﻄﻪ ﻣﻦ ﻭﺭﻩ ﺗﺎﺝ ...بيج قصص عراقيه حقيقيه من واقعنا.روعه الطائي
ﺿﻠﻴﺖ ﺍﻗﺮﻩ ﻗﺮﺍﻥ ﻭﺍﺩﻋﻲ ﺗﺮﺟﻊ ﻭﺍﺗﺼﻞ ﺑﻴﻬﺎ ﻣﺘﺠﺎﻭﺏ ﺍﺗﺼﻠﺖ ﺑﺨﺎﻟﻪ ﻛﻠﺘﻠﻬﺎ ﺑﺎﺑﺎ ﺍﻧﺠﻠﻂ ﻣﻦ ﺩﺭﻩ ﻛﺎﻟﺖ .. ﻳﺎﺍﺍ ﺩﻫﺮ ﺻﺎﺑﺞ ﺗﺎﺝ ﻭﻳﻦ ﻭﻟﺖ ﻭﺍﻟﻠﻪ ﻓﻠﻚ ﻫﺴﻪ ﺍﺭﻭﺡ ﺍﻧﻲ ﻭﺯﻭﺟﻲ ﻟﻠﻤﺴﺘﺸﻔﺊ ...
ﻳﺎﺭﺑﻲ ﺗﺨﺒﻠﺖ ... ﻟﺴﻪ ﺑﻴﺖ ﻋﻤﻮ ﻣﻴﺪﺭﻭﻥ ﻭﻻ ﺍﺑﺎﺫﺭ ... ﻳﻤﻪ ﻟﻮ ﻳﺪﺭﻱ ﻭﺍﻟﻠﻪ ﻣﻴﺮﺣﻢ ﺑﺤﺎﻟﻬﺎ ....
ﺗﻘﺮﻳﺒﺎ ﺻﺎﺭﺕ ﺑﺎﻟﻌﺸﺮﻩ ﺍﻟﺼﺒﺢ ﺍﺟﻪ ﻋﻤﻪ ﻋﻴﻮﻧﻬﺎ ﺣﻤﺮ ﻭ ﻭﺿﻌﻪ ﻣﻴﻄﻤﻦ ﺑﺎﻭﻉ ﻋﻠﻴﻪ ﺑﺨﺰﺭﻩ ﻛﺎﻝ ... ﻭﻳﻦ ﻭﻟﺖ ﺍﺧﺘﺞ
ﺟﺎﻭﺑﺘﻪ ﺑﺨﻮﻑ ... ﻭﺍﻟﻠﻪ ﻋﻤﻮ ﻣﺎﺍﻋﺮﻑ
ﺻﺮﺥ ﺑﻮﺟﻬﻲ ... ﺍﻧﻌﻞ ﺍﺑﻮﺝ ﻻﺑﻮ ﺣﺘﺊ ﻋﻤﺞ ﺑﻨﺎﺕ ﺍﻟﻜﻠﺐ ﺍﺩﺏ ﺳﺰﻳﺎﺕ ﻭﺍﻟﻠﻪ ﻻ ﻣﺎ ﺍﻃﻴﺢ ﺣﻀﺠﻦ ﻭﺣﻆ ﺍﻟﺨﻠﻔﺠﻦ ﻭﻓﻼ ﺍﻃﻠﻊ ﻣﻌﺘﺼﻢ ...
ﺿﻠﻴﺖ ﺍﺑﺠﻲ ﻭﺍﺭﺟﻒ ﻣﻦ ﺍﻟﺨﻮﻑ ﻭﻫﻮ ﻳﺠﺮﻱ ﺍﺗﺼﺎﻻﺕ ﻭﻣﺎﻛﻮ ﺍﻱ ﻧﺘﻴﺠﻪ ....
ﺯﻣﺠﺮ ﺑﻐﻀﺐ ... ﺍﻟﻜﻠﺒﻪ ﻛﻨﺴﺖ ﺑﻐﺪﺍﺩ ﻛﻨﺲ ﻋﻠﻴﻬﺎ ﻭﻣﺎﻛﻮ ﻭﻳﻦ ﺍﻧﻬﺰﻣﺖ ﻭﻟﻴﻴﻴﻴﻴﻴﻴﻴﻴﺶ ﻣﺘﺮﻳﺪﻩ ﺟﺎﻥ ﻛﺎﻟﺖ ﻭﺍﻟﻠﻪ ﺍﻟﻪ ﺍﻃﻤﻬﺎ ﺑﺘﺮﺍﺏ ﻭﻻ ﻳﺮﻓﻠﻲ ﺟﻔﻦ ﺑﺲ ﻛﻮﻥ ﺍﻟﺰﻣﻬﺎ ﺍﻟﻪ ﺍﺷﺮﺏ ﻣﻦ ﺩﻣﻬﺎ ...
ﺿﻞ ﻳﺨﺎﺑﺮ ﻭﻫﻤﻪ ﻳﻜﻠﻮﻟﻪ ﻣﺎﻛﻮﻭ ...
ﺑﻌﺪﻫﺎ ﺭﻛﺐ ﺳﻴﺎﺭﺗﻪ ﻭﻃﻠﻊ ... ﻭﺍﻧﻲ ﺍﺩﻋﻲ ﺑﺲ ﻛﻮﻥ ﺗﺮﺟﻊ ﻣﺼﻴﺒﻪ ﻭﻃﺎﺣﺖ ﻋﻠﺊ ﺭﺍﺳﻨﺎ ﻭﻳﻦ ﺭﺣﺘﻲ ﺍﻟﻠﻪ ﻳﻨﺘﻘﻢ ﻣﻨﺞ ....
ﺟﺎﻥ ﻳﺴﻮﻕ ﺑﺴﻴﺎﺭﺗﻪ ﺑﺴﺮﻋﻪ ﺟﻨﻮﻧﻴﻪ ﻭﺍﻟﺪﺧﺎﻥ ﻣﺎ ﻓﺎﺭﻙ ﺷﻔﺎﻳﻔﻪ ...
ﺍﻟﻲ ﻳﺸﻮﻓﻪ ﻳﻜﻮﻝ ﺍﻛﺒﺮ ﻣﻠﻮﺙ ﻟﻠﺒﻴﺌﻪ
ﺍﻟﺠﻜﺎﺭﻩ ﺗﺴﻌﺮ ﻭﺗﻠﻬﺐ ﺑﺴﺮﻋﻪ ﻣﻦ ﺃﻧﻔﺎﺳﻪ ﺍﻟﺤﺎﺭﻩ ...
ﻟﻜﻦ ﺭﻭﺣﻪ ﺍﻟﻤﺠﺮﻭﺣﻪ ﺍﻗﻮﺉ ﻭﺍﺑﺸﻊ ﻣﻦ ﻧﺎﺭ ﺟﻬﻨﻢ ...
ﺍﻟﻴﻮﻡ ﺑﺎﻟﺬﺍﺕ ﺣﺲ ﻧﻔﺴﻪ ﺧﻠﻖ ﻣﻦ ﻧﺎﺭ ﺍﻟﺤﻘﺪ
ﺍﻱ ﺣﺎﺍﻗﺪ ﻭﻣﺤﺪ ﻳﻮﺻﻞ ﺍﻟﺤﻘﺪﻩ
ﻫﻤﺲ ﺑﺪﺍﺧﻞ ﻧﻔﺴﻪ ... ﺗﺎﺍﺍﺍﺝ ﺍﺗﻤﻨﻲ ﺍﻟﻤﻮﻭﺕ ﻭﺍﻟﻠﻪ ﻭﺍﻟﻠﻪ ﺍﻟﻤﻮﻭﺕ ﻣﺎ ﻳﺨﻠﺼﺞ ﻣﻨﻲ
ﻭﺍﻟﻠﻪ ﻟﻌﺬﺑﺞ ﺍﻛﺜﺮ ﻣﻦ ﻋﺬﺍﺏ ﺍﻟﺒﺮﺯﺥ ﻳﺎ ﻋﺎﺍﺍﺍﺭ
ﻣﻨﻮ ﺍﻟﻲ ﻳﻮﻛﻌﺞ ﺑﻴﺪﻱ ﻭﻳﻦ ﺻﺮﺗﻲ ﺑﻴﺎ ﺍﺭﺽ ﻣﻮﺟﻮﺩﻩ ...
ﺭﺟﻊ ﺑﻤﺨﻴﻠﺘﻪ ﻟﻘﺒﻞ ﺍﻟﺤﺎﺩﺙ ﺑﺴﻨﻪ ...
ﻣﻦ ﺷﺎﻓﻬﺎ ﻃﻠﻌﺖ ﻣﻦ ﻏﺮﻓﺘﻬﺎ ﻭﻫﻲ ﻻﺑﺴﻪ ﺻﺪﺭﻳﻪ ﻗﺼﻴﺮﻩ ﻭﺷﻌﺮﻫﺎ ﺍﻟﻘﺼﻴﺮ . ﺯﺍﻳﺪﻫﺎ ﺟﺎﺫﺑﻴﻪ ...
ﻭﻛﻔﺖ ﻣﻘﺎﺑﻴﻞ ﺍﻟﻄﺎﻭﻟﻪ ﻭﺍﺧﺬﺕ ﻛﻮﺏ ﺍﻟﺤﻠﻴﺐ ﺷﺮﺑﺖ ﺷﻮﻳﻪ ﻭﺭﺟﻌﺘﻪ
ﺑﺎﻭﻋﺖ ﻋﻠﻴﻪ ﻭﺑﺒﺘﺴﺎﻣﻪ ﺣﻠﻮﻩ ﻫﻤﺴﺖ ... ﺻﺒﺎﺡ ﺍﻟﺨﻴﺮ
ﻫﻮ ﺣﻂ ﺍﻳﺪﻩ ﻋﻠﺊ ﺷﻌﺮﻫﺎ ﺍﻟﻘﺼﻴﺮ ﻭﺑﻌﺜﺮﻩ ﺑﺨﺒﺚ ﻭﺭﺩ ﻋﻠﻴﻬﺎ ﺻﺒﺎﺡ ﺍﻟﻨﻮﺭ ...
ﺑﻌﺪﺕ ﺍﻳﺪﻩ ﺑﺎﺍﻧﺰﻋﺎﺝ ﻭﺩﻟﻊ ﻭﺗﻜﻠﻤﺖ ﺑﻀﻴﻖ ... ﻋﻤﻮﻭﻭ ﻛﻢ ﻣﺮﻩ ﻛﺘﻠﻚ ﻻ ﺗﺨﺮﺏ ﺷﻌﺮﻱ
ﺿﺤﻚ ﺑﻬﺪﻭﺀ ﻭﺭﺩ ﻋﻠﻴﻬﺎ ... ﺷﻮﻛﺖ ﺗﺘﺤﺠﺒﻴﻦ ﺍﺧﺘﺞ ﺍﻻﺻﻐﺮ ﻣﻨﺞ ﺗﺤﺠﺒﺖ ﻭﺍﻧﺘﻲ ﻣﺎﻛﻮﻭ ﺍﺣﻨﻪ ﻣﻨﺮﻳﺪ ﻧﻀﻐﻂ ﻋﻠﻴﺞ ﻭﻻ ﺍﻧﺠﺒﺮﺝ ﺑﺲ ﺍﻧﺮﻳﺪﺝ ﻣﻦ ﺫﺍﺗﺞ ﺣﺘﺊ ﺗﺤﺒﻴﻦ ﺍﻟﺤﺠﺎﺏ
ﺭﺩﺕ ﺑﺜﻘﻪ ... ﻧﻮ ﻧﻮ ﻣﺎﺍﺣﺒﻪ ﻳﺨﻨﻜﻨﻲ
ﺍﺗﺼﻞ ﻣﻮﺑﺎﻳﻠﻲ ﺑﺎﻭﻋﺖ ﻟﻠﺨﻂ ﻭﺍﺑﺘﺴﻤﺖ ﺭﺍﺣﺖ ﺑﺎﺳﺖ ﺍﺑﻮﻫﺎ ﻭﺍﺧﺬﺕ ﺟﻨﻄﺘﻬﺎ ﻭﻃﻠﻌﺖ ﻫﻲ ﻭﺍﺧﺘﻬﺎ ....
ﺭﺟﻊ ﺍﻟﺬﺍﻛﺮﺗﻪ ﻭﺿﺮﺏ ﺍﻟﺴﺘﻴﺮﻥ ﺑﻘﻮﻭﻭﻩ ﻭﻫﻤﺲ ... ﻳﺎﺍﺍﺍﻋﺎﺍﺭ ﻗﺸﻤﺮﺝ ﻣﻨﻮ ﻟﻌﺐ ﺑﻌﻘﻠﺞ ﻭﻳﻦ ﺻﺮﺗﻲ ﻭﻳﻴﻴﻴﻴﻦ
ﺍﺑﻮﺝ ﺍﻧﺠﻠﻂ ﻣﻦ ﻭﺭﺍﺝ ﻭﺍﻧﻲ ﻣﺒﺘﻠﻲ ﻻﺯﻡ ﺍﻃﻢ ﻋﺎﺭﺝ ﻳﺎ ﺣﺸﺮﻩ
ﻭﺻﻞ ﻟﻤﻨﻄﻘﻪ ﺑﺎﻟﺤﻮﺍﺳﻢ ﺗﻌﺒﺎﻧﻪ ﺣﻴﻴﻴﻞ ﻭﻧﺎﺳﻬﺎ ﺗﻌﺒﺎﻧﻴﻦ ...
ﻧﺰﻝ ﻣﻦ ﺳﻴﺎﺭﺗﻪ ﻟﺤﺪﻳﺜﻪ ﻭﻭﻛﻒ ﻣﻘﺎﺑﻴﻞ ﺑﻴﺖ ﺗﻌﺒﺎﻥ ﺣﻴﻴﻞ
ﺩﻙ ﺍﻟﺒﺎﺏ ﻭﻫﻮ ﻣﺘﻘﺮﻑ ﻣﻦ ﺍﻟﻮﺿﻊ
ﻟﻜﻦ ﺍﺣﺘﻤﺎﻝ ﺗﻜﻮﻥ ﻣﻮﺟﻮﺩﻩ ﺑﺎﻟﻤﻨﻄﻘﻪ ﻻﻥ ﻭﻳﻦ ﺍﻟﺪﺍﻳﺢ ﺑﻴﻬﺎ
ﺭﺟﻊ ﺩﻙ ﺍﻟﺒﺎﺏ ﻭﺍﺟﻪ ﺻﻮﺕ ﻣﺴﻠﻢ ﺍﺑﻮ ﻃﺒﺮﻩ
ﻣﺴﻠﻢ ... ﻭﻣﺮﺽ ﻣﻨﻮﻭ ﻣﻨﻮﻭ ﻭﺍﺣﺪ ﻣﺎ ﻳﻨﺎﻡ ﺷﻮﻭﻳﻪ ﻛﻠﻬﺎ ﺗﻀﻞ ﺗﺪﻙ ﻫﻢ ﺗﻤﻮﺯ ﻭﻫﻢ ﻣﺎﺗﻜﻌﺪﻭﻥ ﺑﺒﻴﻮﺗﻜﻢ ...
ﻋﻘﺪ ﺣﻮﺍﺟﺒﻪ ﺑﻀﻴﻖ ﻟﻮ ﻳﻮﻛﻊ ﻣﺴﻠﻢ ﺑﻴﺪﻩ ﻳﻤﻜﻦ ﻳﺨﻨﻜﻪ
ﻓﺘﺢ ﺍﻟﺒﺎﺏ ﻭﺗﻔﺎﺟﺊ ﻣﻨﻪ ﻓﺘﺢ ﻋﻴﻮﻧﻪ ﺑﺼﺪﻣﻪ ﻭﺧﺠﻞ
ﺍﺧﺬ ﺍﻟﺘﺤﻴﻪ ﺑﻤﺮﺍﻭﻏﻪ ﻭﺭﺣﺐ ﺑﻄﺮﻳﻘﻪ ﺑﺲ ﻫﻮ ﺍﻟﻤﺨﺘﺺ ﺑﻴﻬﺎ ... ﻫﻼ ﺑﺴﻴﺪﻱ ﻫﻼ ﺑﻤﻌﺘﺼﻢ
ﻫﻼ ﺑﺮﺍﺋﺪ ﻗﻠﺒﻲ ...
ﺑﺎﻭﻉ ﻋﻠﻴﻪ ﺑﺎﺍﺳﺘﻬﺰﺍﺀ ﻭﻫﻮ ﻳﻘﻴﻤﻪ ... ﻻﺑﺲ ﻓﺎﻧﻴﻼ ﺗﻌﻼﻛﻪ ﺑﻴﻀﻪ ﻣﺰﺭﻭﻓﻪ ﻣﻦ ﺻﺪﺭﻫﺎ ﻭﺷﻌﺮﻩ ﻭﺍﻛﻊ ﻋﻠﺊ ﻋﻴﻨﻪ ﻭﺳﻨﻪ ﻃﺎﻳﺢ ﻣﻦ ﺍﻻﻣﺎﻡ .. ﻭﺣﺎﺟﺒﻪ ﻣﻄﺒﻮﺭ
ﻟﺰﻣﻪ ﻣﻦ ﻓﺎﻧﻴﻠﺘﻪ ﻭﺑﺤﺪﻩ ﻣﺼﺤﻮﺑﻪ ﺑﻐﺮﻭﺭ ... ﻣﺮﻩ ﺛﺎﻧﻴﻪ ﻣﻦ ﺗﺮﻳﺪ ﺗﻔﺘﺢ ﺍﻟﺒﺎﺏ ﺍﻟﺰﻡ ﺍﻟﺴﺎﻧﻚ
ﻣﺴﻠﻢ ﻃﻚ ﺭﻛﺒﺘﻪ ... ﺗﺪﻟﻞ ﺳﻴﺪﻱ ﺍﻟﺰﻣﻪ ﻭﺩﺍﻋﺖ ﺍﺑﻮﻭﻱ ﺫﺍﻙ ﺍﻟﻤﺎ ﻭﺭﺛﺖ ﻣﻨﻪ ﺑﺲ ﺍﻟﺴﻜﺮ ...
ﺭﺟﻊ ﻛﻤﻞ ... ﺍﻟﻨﺎﺱ ﺗﻮﺭﺙ ﻋﻤﺎﻳﺮ ﺑﻴﻮﺕ ﻗﺼﻮﺭ ... ﻭﺍﻧﻲ ﺍﻭﺭﺙ ﺍﻟﺼﻠﻊ ﺍﻟﺴﻜﺮ ﺍﻟﻀﻐﻂ ..
ﺧﺮﺭﺏ ﺣﻀﻲ ﻟﻮ ﺧﺎﻟﻘﻨﻲ ﺣﺎﻭﻳﻪ ﻣﺎﻝ ﺯﺑﺎﻟﻪ ﻭﻻ ﻫﻞ ﻋﻴﺸﻪ
ﻣﻌﺘﺼﻢ ... ﺑﻼ ﻟﻐﻮﻩ ﺍﺭﻳﺪﻙ ﺗﺤﺪﺩﻟﻲ ﻣﻨﻮ ﻃﺎﻳﺢ ﺣﻀﻪ ﺑﻬﺎﻱ ﺍﻟﻤﻨﻄﻘﻪ ﻭﻣﻨﻮ ﻋﻨﺪﻩ ﺳﻮﺍﺑﻖ ﺍﻭ ﻳﺠﻴﺒﻮﻥ ﺑﻨﺎﺕ
ﻣﺴﻠﻢ .. ﺳﻴﺪﻱ ﻛﻠﻨﻪ ﺳﺎﻗﻄﻴﻦ ﻭﻃﺎﻳﺢ ﺣﻀﻨﻪ ﻣﻦ ﺑﻴﺘﻨﻪ ﻭﻃﺎﻟﻊ ..
ﻣﻌﺘﺼﻢ ﺑﻘﻠﺔ ﺻﺒﺮ ... ﺣﺪﺩﻟﻲ ﻭﻟﻚ
ﻣﺴﻠﻢ .. ﺳﻴﺪﻱ ﺍﻧﻲ ﻭﺫﻭﻝ ﺟﻴﺮﺍﻧﻪ ﺑﺎﻟﺒﺼﻔﻨﻪ ﻫﻢ ﺳﺎﻗﻄﻴﻦ ﺯﻟﻢ ﺳﺎﻗﻄﻪ ﻭﻧﺴﻮﺍﻥ ﺩﺍﻳﺤﻪ ...
ﻭﺑﻌﺪ ﺍﻡ ﻋﺒﺪﺍﻟﻠﻪ ... ﺍﻭﻭﻑ ﻣﻨﻬﺎ .. ﺣﻔﺎﻓﻪ ﺑﺲ ﺷﻨﻮ ﺗﺨﺒﻞ ﺳﻤﻴﻨﻪ ﻭﺩﺍﻛﻪ ﺍﻟﺘﺎﺗﻮﻭ
ﺻﺢ ﻋﺪﻫﺎ ﻛﺮﺵ ﺑﺲ ﻳﻨﻄﻠﻊ ﺑﻲ ...
ﺑﺎﻭﻉ ﻋﻠﺊ ﺍﻟﺒﻴﺖ ﻟﺒﺼﻔﻬﻢ ﻭﺍﺷﺮ ﻋﻠﻴﻪ ﻣﻌﺘﺼﻢ ﺑﺠﻤﻮﺩ .. ﻫﺬﻭﻝ ﺷﻨﻮ ﻗﻀﻴﺘﻬﻢ
ﻣﺴﻠﻢ .. ﺷﻨﻮ ﻗﻀﻴﺘﻬﻢ ﺑﻌﺪ ﺳﺎﻗﻄﻴﻦ ﺯﻟﻢ ﻭﻧﺴﻮﺍﻥ
ﻋﺪﻫﻢ ﺑﺲ ﻭﺣﺪﻩ ﻋﺾ ﺷﻔﺘﻪ ﻭﺻﻮﻓﺮ ... ﺑﻮﻳﻴﻴﻴﻴﺎﻱ ﺗﻜﺘﻞ ﺍﻧﺠﻠﻴﻨﺎ ﺟﻮﻟﻲ ﺑﺸﺒﺎﺑﻬﺎ
ﻣﻦ ﺍﺷﻮﻓﻬﺎ ﺍﺳﻴﺢ ﻭﺍﻣﻮﻭﻭﻭﻉ
ﺑﺲ ﺍﻟﻘﻬﺮ ﻣﻨﻄﻴﻨﻬﺎ ﺍﻟﺸﺎﻳﺐ ﻣﻜﻄﻮﻣﻪ ﺭﺟﻠﻪ ... ﺑﺎﻋﻮﻫﺎ ﻋﻠﻤﻮﺩ ﺍﻟﻔﻠﻮﻭﺱ ...بيج قصص عراقيه حقيقيه من واقعنا.روعه الطائي
ﺭﺟﻊ ﺑﺎﻭﻉ ﺑﺤﺪﻩ ﻋﻠﺊ ﺍﻟﺒﻴﺖ ...
ﻭﻣﺎﻳﺴﻤﻊ ﺑﺲ ﺻﻮﻭﺕ ﺍﻟﺼﺮﺭﻳﺦ ﻭﺍﻟﻌﻴﺎﻁ ﺑﻄﺮﻳﻘﻪ ﺟﻨﻮﻧﻴﻪ ..
ﻣﺴﻠﻢ ﺭﻛﺾ ﺣﺎﻓﻲ .. ﺍﻟﻠﻪ ﺍﻣﻮﻭﺕ ﻋﻠﺊ ﻋﺮﻛﺎﺗﻬﻢ
ﻓﺘﺢ ﺍﻟﺒﺎﺏ ﻭﺩﺧﻞ ﺑﻴﻨﻬﻢ ﻭﻫﻮ ﻳﻔﺮﻏﻬﺎ ﻣﻨﻬﻢ
ﻣﻌﺘﺼﻢ ﺭﺍﺡ ﻭﺭﺍﻩ ﻭﻫﻮ ﻣﺴﺘﻐﺮﺏ ﻭﻳﻦ ﺣﺮﻣﺔ ﺍﻟﺒﻴﺖ ﻫﺬﺍ ﺷﻠﻮﻥ ﻳﺪﺧﻞ ﻫﻴﻴﻴﺞ
ﻭﻛﻒ ﺑﺒﺎﺏ ﺍﻟﺒﻴﺖ ﻭﺑﺎﻭﻉ ﻟﻠﺪﺍﺧﻞ ﺟﺎﻥ ﻋﺒﺎﺭﻩ ﻋﻦ ﺣﻮﻭﺵ ﻛﺒﻴﺮ ﺗﺘﻮﺳﻄﻪ ﺷﺠﺮﻩ ﻛﺒﻴﺮﻩ
ﻭﺍﺛﻨﻴﻦ ﺯﻟﻢ ﻛﺒﺎﺭ ﺧﺸﻨﻪ ﺑﻨﺼﻬﻢ ﺍﻧﺜﺊ ﺿﻌﻴﻔﻪ ﻻ ﺣﻮﻝ ﻭﻻ ﻗﻮﻭﻩ ...
ﺻﺮﺧﺖ ﺑﻨﺼﻬﻢ ... ﻣﺎﺍﺭﻳﺪﻭ ﻣﺎﺍﺍﺍﺭﻳﺪﻭ
ﻟﺰﻣﻬﺎ ﻭﺍﺣﺪ ﻣﻨﻬﻢ ﺿﺎﻋﺖ ﺑﻴﻦ ﺍﺩﻳﻪ ﻭﻓﻊ ﺭﺍﺳﻬﺎ ﺑﻘﺴﻮﺓ ... ﺍﺭﻳﺪ ﺍﺷﻮﻭﻑ ﺷﻠﻮﻥ ﻣﺎﺗﺮﺩﻳﻨﻪ ﺑﺎﻟﻠﻪ
ﻣﺴﻠﻢ ﺑﻨﺼﻬﻢ ﻭﺑﺤﺎﻟﻤﻴﻪ .. ﻳﻤﻌﻮﻭﺩ ﻋﻠﺊ ﻛﻴﻔﻚ ﻭﻳﺎﻫﺎ ﺍﺫﺍ ﺗﺮﺩﻳﻮﻥ ﺍﻧﻲ ﺍﺗﺰﻭﺟﻬﺎ ... ﻭﻳﻮﻣﻴﻪ ﺍﺧﺬﻛﻢ ﺑﺴﺘﻮﺗﻲ ﺍﻭﻧﺴﻜﻢ
ﺻﺎﺣﺖ ﻋﻠﻴﻪ ﻭﺣﺪﻩ ﻛﺎﻋﺪﻩ ﻋﻠﺊ ﺍﻟﺪﺭﺝ ﻣﺪﺑﺪﺑﻪ ﺑﻴﻀﻪ ﺷﻜﻠﻬﺎ ﻣﻘﺮﻑ ... ﺍﻟﻔﻜﺮ ﻓﻮﻙ ﺍﻟﺠﺒﻞ ﻭﻋﻀﻪ ﺍﻟﺠﻠﺐ ﺧﺎﺏ ﻣﺎﺗﻨﺠﺐ
ﻣﻌﺘﺼﻢ ﺑﺎﻭﻉ ﻋﻠﻴﻬﻢ ﺑﺎﺍﺳﺘﻐﺮﺍﺏ ﻭﻫﻤﻪ ﺻﺎﻳﺮﻩ ﺍﻟﻬﻢ ﻃﻜﻪ ﻭﻃﻴﺢ ﺍﻟﻨﺴﻮﺍﻥ ﺗﺼﻴﺢ ﻭﺍﻟﺰﻟﻢ ﻻﺯﻣﻴﻦ ﺍﻟﺒﻨﻴﻪ ﺗﺘﺨﺒﻂ ﺑﻴﻦ ﺍﺩﻳﻬﻢ ﺑﻀﻌﻒ ...
ﺻﺎﺣﺖ ﺑﺼﻮﺕ ﻋﺎﻟﻲ ... ﻭﺍﻟﻠﻪ ﺍﻧﺘﺤﺮ ﻭﺍﻟﻠﻪ ﺍﻛﺘﻞ ﺭﻭﺣﻲ ﻭﻻ ﺍﺗﺰﻭﺟﻮ ...
ﻣﻌﺘﺼﻢ ﺗﻘﺮﺏ ﻣﻨﻬﻢ ﻭﺑﺤﺪﻩ ﺳﺤﺒﻬﺎ ﻣﻦ ﺑﻴﻦ ﺍﺩﻳﻬﻢ ﺧﻼﻫﺎ ﻭﺭﺍﻩ ﻭﺑﺤﺪﻩ ... ﺍﻧﺖ ﺯﻟﻢ ﻭﺣﻮﻭﺵ ﻛﺪﺭﺗﻜﻢ ﻋﻠﺊ ﺑﻨﻴﻪ ﻻ ﺣﻮﻝ ﻭﻻ ﻗﻮﺓ
ﺑﺎﻭﻋﻠﻪ ﻭﺍﺣﺪ ﻣﻨﻬﻢ ﺧﺸﻦ ﺍﺳﻤﺮ ﺑﺤﺪﻩ ... ﻭﺍﻧﺖ ﻣﻨﻮﻭ ﻭﺗﺪﺧﻞ ﺍﻃﻠﻊ ﺑﺮﺭﺭﻩ ﻻ ﺍﻃﻠﻌﻚ ﺑﺘﺎﺑﻮﺕ ...
ﻣﻌﺘﺼﻢ ﺑﻌﺼﺒﻴﻪ ... ﺍﻛﻞ ﻧﻌﻞ
ﻣﺎ ﺣﺲ ﻏﻴﺮ ﺍﻟﺒﻨﻴﻪ ﺍﻧﺴﺤﺒﺖ ﻣﻦ ﻭﺭﻩ ﺿﻬﺮﻩ ﻭﻭﺍﺣﺪ ﻣﻨﻬﻢ ﺿﺮﺑﻬﺎ ﺑﻮﻛﺲ ﻋﻠﺊ ﺑﻄﻨﻬﺎ ...
ﺻﺮﺧﺖ ﺑﺼﻮﺕ ﻋﺎﻟﻲ ﻭﺿﻠﺖ ﺗﺘﺸﺤﻂ ﺑﺪﻣﻬﺎ ﻭﻭﻛﻌﺖ ﻣﻦ ﻃﻮﻟﻬﺎ ﻣﻐﻤﻲ ﻋﻠﻴﻬﺎ ...
ﺑﺎﻭﻉ ﻋﻠﻴﻬﺎ ﻭﻛﻌﺖ ﻣﺜﻞ ﺍﻟﺤﻤﺎﻣﻪ ﺍﻟﻤﺠﺮﻭﺣﻪ ﺟﻤﺎﻟﻬﺎ ﺍﻷﺳﺮ ﻭﺑﺮﺍﺋﺘﻬﺎ ﻭﺑﻴﺎﺿﻬﺎ ﺍﻟﻨﺎﺻﻊ ﻛﻔﻴﻠﻪ ﺑﺠﻨﻮﻥ ﻣﻌﺘﺼﻢ ﻋﻠﺊ ﺍﻫﻠﻬﺎ
ﻣﻌﺘﺼﻢ ﻫﺠﻢ ﻋﻠﻰ ﺍﻟﻀﺨﻢ ﺑﻌﺼﺒﻴﻪ ﻭﺿﺮﺑﻪ ﺑﻮﻛﺲ ﻭﻣﺴﻠﻢ ﻫﺠﻢ ﻋﻠﺊ ﺍﻟﺜﺎﻧﻴﻪ ﺑﺎﻟﻤﺎﺳﺤﻪ ﻭﺍﻟﻨﺴﻮﺍﻥ ﺗﺼﺮﺭﺥ ...
ﻣﺴﻠﻢ ﻣﺎ ﺻﺪﻙ ﺷﻨﻮ ﺍﻟﻴﺠﻲ ﺑﻴﺪﻩ ﻳﺸﻤﺮﻩ ﻋﻠﻴﻬﻢ ..
ﻣﻌﺘﺼﻢ ﺭﻓﻊ ﺍﻟﺴﻼﺡ ﺑﻮﺟﻬﻬﻢ ﻭﺗﻜﻠﻢ ﺑﺜﻘﻪ ﻭﻋﻴﻮﻧﻪ ﺍﻟﺤﺎﺩﻩ ﺗﺨﺘﺮﻗﻬﻢ ... ﺍﻱ ﻭﺍﺣﺪ ﻳﺘﺤﺮﻙ ﺍﻧﻘﻠﻪ ﺍﻟﻌﺎﻟﻢ ﺍﻻﻣﻮﺍﺕ
ﺗﻘﺮﺏ ﻣﻦ ﺍﻟﺒﻨﻴﻪ ﻭﺷﺎﻟﻬﺎ ﺑﻴﻦ ﺍﺩﻳﻪ ﻭﻣﺴﻠﻢ ﻭﻳﺎﻫﺎ ... ﺳﻴﺪﻱ ﻓﺪﻭﻩ ﺍﺭﻭﺣﻠﻚ ﻣﺒﻴﻦ ﺗﻌﺒﺎﻥ ﺍﺫﺍ ﺗﺮﻳﺪ ﺍﻧﻲ ﺍﺷﻴﻠﻬﺎ ...
ﻣﻌﺘﺼﻢ ﺑﻌﺼﺒﻴﻪ ... ﻭﺧﺮﺭﺭﺭﺭ ﻣﻦ ﻭﺟﻬﻲ ﺭﻭﺡ ﺍﻓﺘﺢ ﺍﻟﺴﻴﺎﺭﺓ ﺑﺴﺮﻋﻪ ....
ﺭﻛﺾ ﻣﺴﻠﻢ ﺑﺴﺮﻋﻪ ﻭﻓﺘﺢ ﺍﻟﺴﻴﺎﺭﻩ ﺑﺤﺮﻛﻪ ﺩﺭﺍﻣﻴﺎ ... ﺗﻔﻀﻞ ﺳﻴﺪﻱ
ﺍﻛﻌﺪ ﺍﻧﻲ ﻭﺗﺨﻠﻲ ﻗﺪﺭ ﺑﺤﻀﻨﻲ ... ﺧﻄﻴﻪ ﻣﺮﻳﻀﻪ ...
ﻣﻌﺘﺼﻢ ... ﺍﻛﻞ ﺗﺒﻦ ﻭﺍﻛﻌﺪ ﺑﺎﻟﺼﺪﺭ
ﻃﻠﻊ ﻋﻤﻬﺎ ﻳﺼﻴﺢ ﻭﻣﺮﺓ ﻋﻤﻬﺎ ﺗﻐﻠﻂ ﻭﻻﺑﺴﻪ ﻋﺒﺎﻳﺘﻬﺎ ﺭﻛﻀﺖ ﺻﻌﺪﺕ ﻭﺭﻩ ﺣﻄﺖ ﺭﺍﺱ ﻗﺪﺭ ﺑﺤﻀﻨﻬﺎ ﻭﺍﻧﻔﻬﺎ ﻭﺣﻠﻜﻬﺎ ﻳﻨﺰﻓﻮﻥ ... ﻭﻃﺎﺭ ﺑﻴﻬﻢ ﻟﻠﻤﺴﺘﺸﻔﺊ ....
........................
ﻣﻴﺲ ﻣﺮ ﻛﻢ ﻳﻮﻡ ﻋﻠﺊ ﺍﺧﺘﻔﺎﺀ ﺗﺎﺝ ﻭﻣﺎ ﺧﻠﻴﻨﻪ ﻣﻜﺎﻥ ﻳﻌﺘﺐ ﻋﻠﻴﻨﻪ ﻣﺎﻛﻮﻭ
ﻟﺤﺪ ﺍﻻﻥ ﺑﻴﺖ ﻋﻤﻮ ﻣﺎﻋﻨﺪﻫﻢ ﻋﻠﻢ ﺑﺎﻟﻲ ﺻﺎﺭ ﻫﻲ ﻋﻼﻗﺘﻬﺎ ﻣﻮ ﻫﻠﻜﺪ ﺑﺎﺑﺎﺫﺭ ﻓﻬﻮ ﻣﻴﺘﺼﻞ ﻋﻠﻴﻬﺎ ﻭﻻ ﻫﻲ ...
ﻣﺎﻣﺎ .. ﺍﺟﺖ ﻣﻦ ﺑﺎﺑﺎ ﻣﺨﻠﻴﻨﻪ ﺑﺎﻟﻌﻨﺎﻳﻪ ﺍﻟﻤﺮﻛﺰﻩ ﻭﺍﻧﻲ ﻣﺤﺘﺎﺭﻩ ﺑﺎﻟﺒﻨﺎﺕ ﺑﺲ ﻳﺒﺠﻦ ﻭﻣﺎ ﺍﻋﺮﻑ ﺃﻟﻬﻦ ﻣﺪﺭﺳﻪ ﻣﺪﺍﻭﻣﺖ ﺍﺻﻼ ﻣﻔﺼﻮﻟﺔ 3 ﺍﻳﺎﻡ ...
ﺳﺄﻟﺖ ﻣﺎﻣﺎ ﻋﻦ ﺑﺎﺑﺎ ﻣﺠﺎﻭﺑﺘﻨﻲ ﺭﻭﺣﻬﺎ ﻃﺎﻓﺮﻩ ﻭﺑﻴﺒﻲ ﺗﻠﻮﻡ ﺑﻴﻬﺎ ﻭﺩﻛﻠﻬﺎ ﺗﺮﺑﻴﺘﺞ ﺯﻓﺮﻩ ﺷﻠﻮﻥ ﺑﻨﺎﺕ ﻭﺣﺪﻩ ﺍﻧﺘﺤﺮﺕ ﻭﺣﺪﻩ ﺍﻧﻬﺰﻣﺖ ﺑﻌﺪ ﻣﻴﺲ ﺷﺘﺴﻮﻱ ﻭﺍﻟﻠﻪ ﺑﻌﺪ ﻣﺤﺪ ﻳﺪﻙ ﺑﺎﺑﻨﻪ ﻋﻠﺊ ﺍﻟﻔﻀﺎﻳﺢ ﺍﻟﺼﺎﺭﺕ ...بيج قصص عراقيه حقيقيه من واقعنا.روعه الطائي
ﻟﻮ ﻳﻮﺻﻞ ﺍﻟﻤﻮﺿﻮﻉ ﻷﻡ ﺭﺍﺿﻲ ﻳﺒﻮﻭ ﺗﻨﺸﺮﻫﺎ ﺑﺎﻟﺠﺮﺍﻳﺪ ﻋﺎﺩ ﻣﻌﺮﻭﻓﻪ ﺍﻡ ﺭﺍﺿﻲ ﺍﻟﻨﺎﻃﻖ ﺍﻟﺮﺳﻤﻲ ...
ﻟﺤﺪ ﺍﻻﻥ ﺍﻫﻞ ﺑﺎﺑﺎ ﻣﺤﺪ ﻳﻌﺮﻑ ﻣﻨﻬﻢ ﺑﺲ ﻋﺎﺋﻠﺘﻨﻪ ﻭﺍﻫﻞ ﻣﺎﻣﺎ ....
ﺧﺎﻟﻪ ﻛﻞ ﻳﻮﻡ ﺗﺠﻴﻨﻲ ﻭﺗﻀﻞ ﺗﻐﻠﻂ ﻋﻠﺊ ﺗﺎﺝ ﻭﺍﻧﻲ ﺍﺣﻠﻔﻬﺎ ﺩﻛﻮﻝ ﻣﻮ ﻋﻨﺪﻱ ...
ﺷﻮﻳﻪ ﻭﺍﻧﺪﻙ ﺍﻟﺒﺎﺏ ﺭﺣﺖ ﻓﺘﺤﺘﻪ ﺷﻔﺘﻪ ﺍﺑﺎﺫﺭ ﺑﻠﻌﺖ ﺭﻳﻜﻲ ﺑﺨﻮﻑ ﻭﺗﻮﺗﺮ
ﺳﻠﻢ ﻋﻠﻴﻪ ﻭﺩﺧﻞ ﻛﺎﻝ ... ﻟﻌﺪ ﻭﻳﻦ ﺍﻟﻮﻟﺪ ..
ﻛﺘﻠﻬﺎ ... ﻫﺎﺍﺍ ﺍﺀﺀﺀ ﻫﺴﻪ ﺍﺻﻴﺢ ﻣﺎﻣﺎ ...
ﺍﺟﺖ ﻛﻠﺖ ﻟﻤﺎﻣﺎ ﻭﺑﻴﺒﻲ ﺍﺑﺎﺫﺭ ﺍﺟﻪ
ﻣﺎﻣﺎ ﺍﻧﺨﻄﻒ ﻟﻮﻧﻬﺎ ﻭﺑﻴﺒﻲ،ﺭﺍﺣﺖ ﺗﻤﺸﻲ ﻭﺗﻐﻠﻂ ﻣﺘﻌﺼﺒﺔ ﺣﻴﻴﻞ ...
ﺩﺧﻠﺖ ﻭﺭﺍﻫﺎ ﻫﻮ ﺳﻠﻢ ﻋﻠﺊ،ﺑﻴﺒﻲ ﻭﺑﺎﺱ ﺍﻳﺪﻫﺎ ...
ﻫﻲ ﻟﺰﻣﺘﻪ ﺑﺎﺳﻒ ﻛﻠﺘﻠﻪ ... ﻭﺍﻟﻠﻪ ﺣﺮﺍﻣﺎﺕ ﺍﻧﺖ ﺍﻟﺴﺒﻊ ﻃﺤﺖ ﺑﻬﺎﻱ ﺍﻻﺩﺏ ﺳﺰ
ﻋﻘﺪ ﺣﻮﺍﺟﺒﻪ ﺑﺎﺳﺘﻐﺮﺍﺏ .. ﺧﻴﺮﺭ ﺷﻜﻮﻭ ﺷﻨﻮ ﻫﻞ ﺣﺠﻲ
ﺟﺮﺕ ﻧﻔﺲ ﻭﺯﻓﺮﺗﻪ ﻛﻠﺘﻠﻬﺎ ... ﺗﺎﺝ ﺍﻟﺴﺎﻓﻠﻪ ﺍﻧﻬﺰﻣﺖ ﻭﻫﺎﻱ ﺭﺍﺡ ﻳﺼﻴﺮ ﺍﻟﻬﺎ ﺧﻤﺲ ﺍﻳﺎﻡ ﻭﻫﻲ ﻣﺎﻛﻮﻭ
ﻋﻮ ﻓﺘﺢ ﻋﻴﻮﻭﻭﻧﻪ ﻣﺼﺪﻭﻭﻭﻭﻡ ﻭﻗﺒﺾ ﻋﻠﺊ ﺍﻳﺪﻩ ﺑﻘﻮﻭﻭﻭﻩ ﻭﺍﻟﺸﺮﺍﺭ ﻳﺘﻄﺎﻳﺮ ﻣﻦ ﻋﻴﻮﻭﻧﻪ ...
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻜﻢ 💔
ﻧﻮﺭ ﺳﻤﻮ ﺍﻟﻌﺮﺍﻕ @😘..
