ﺍﻟﺒﺎﺭﺕ 12
ﺭﻭﺍﻳﺔ ... ﻧﺼﻒ ﻋﺬﺭﺍﺀ ﺑﻴﻦ ﺃﻧﻴﺎﺏ ﻗﺎﺗﻠﻲ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔
ﺑﺪﺍﺧﻠﻲ ﺑﺤﺎﺭ ﻣﻦ ﺣﻨﺎﻥ ﻭ ﺃﺣﻼﻡ ﻗﺮﻣﺰﻳﻪ
ﻭ ﻓﻲ ﺍﻟﺤﺐ ﺿﻌﻴﻔﻪ ﻭ ﺭﻗﻴﻘﻪ ﻭ ﺭﻭﻣﺎﻧﺴﻴﻪ
ﻭ ﻓﻲ ﻭﺟﻪ ﺍﻟﻐﺪﺭ ﺟﺒﻞ ﻣﻦ ﺻﺒﺮ ﻭ ﻗﻼﻉ ﻓﻮﻻﺫﻳﻪ
ﺃﻧﺎ ﺍﻣﺮﺃﺓ ...
ﺃﺑﻜﻲ ﻣﻦ ﺟﺮﺡ ﺷﻮﻛﺔ ﺻﻐﻴﺮﻩ
ﺇﻥ ﻟﻤﺴﺖ ﺟﻠﺪﻱ ﺍﻟﻠﻄﻴﻒ
ﻭ ﺃﻗﻒ ﻓﻲ ﻭﺟﻪ ﺃﻱ ﺍﻋﺼﺎﺭ
ﻗﺪ ﻳﻘﺬﻑ ﺑﻘﻠﺒﻲ ﺍﻟﻀﻌﻴﻒ
ﻭ ﻛﻠﻤﺎ ﺯﺍﺩﺕ ﻃﻌﻨﺎﺕ ﺍﻟﺰﻣﻦ ﻟﻲ
ﻛﻠﻤﺎ ﺗﺤﺪﻯ ﻋﻤﺮﻱ ﺍﻟﻨﺰﻳﻒ
ﺃﻧﺎ ﺍﻣﺮﺃﺓ ...
ﺷﻜﺮ ﺧﺎﺹ ﺍﻟﻮﺋﺎﻡ ﺍﻟﺸﻴﺨﻠﻲ snwn2231
.........................
ﺭﺟﻌﺖ ﺧﻄﻮﺍﺕ ﻭﺍﻧﻲ ﺧﺎﻳﻔﻪ ﻣﻨﻪ ﺍﻣﺎ ﻫﻮ ﺑﺎﻭﻋﻠﻲ ﺑﻨﻈﺮﺓ ﻣﺴﺘﻬﺰﺓ ﻭﺷﻤﺘﺎﻧﻪ ﺭﻓﻊ ﺣﺎﺟﺐ ﻛﺎﻝ ... ﻣﺎ ﺷﺎﺀ ﻟﻠﻪ ﺗﺨﺎﻓﻴﻴﻴﻦ؟
ﺟﺎﻭﺑﺘﻪ ﺑﻐﺼﻪ ﻭﺧﻮﻑ ... ﻻﺍﺍﺍ
ﺟﺎﻥ ﻳﺒﺎﻭﻋﻠﻲ ﺑﻨﻈﺮﺍﺕ ﻣﺴﺘﻔﺰﺓ ﻭﻏﺎﻣﻀﻪ ﻛﺎﻝ ... ﺍﻱ ﻭﺍﺿﺢ ﻟﻮ ﺗﺨﺎﻓﻴﻦ ﺟﺎﻥ ﻣﺎ ﺗﺼﺮﻓﺘﻲ ﻣﻦ . ﺭﺍﺳﺞ ﻋﻠﺊ ﺍﻟﻌﻤﻮﻡ ﻣﺎﻋﻨﺪﻱ ﺣﺠﻲ ﻭﻳﺎﺝ ﻣﺤﺘﺎﺟﻪ ﺷﺊ ﺍﻧﻲ ﻃﺎﻟﻊ ...
ﺑﻠﻌﺖ ﺭﻳﻜﻲ ﺑﺮﻋﺐ ﻭﺧﻮﻑ ﻫﻤﺴﺖ ﺑﻀﻌﻒ ... ﻭﻳﻦ ﺭﺍﻳﻴﻴﺢ؟
ﺭﺩ ﺑﺎﺳﺘﻔﺰﺍﺯ ... ﻟﻤﻜﻪ ﺍﺟﻴﺒﻠﺞ ﺷﺊ ﻭﻳﺎﻱ
ﺳﻜﺘﺖ ﻣﺮﺩﻳﺖ ﺛﻮﻭﻭﻝ ﻃﺎﻳﺢ ﺍﻟﺤﻆ ﻋﻮﺩ ﻳﺼﻨﻒ ...
ﺗﻨﻬﺪ ﻭﻓﺘﺢ ﺍﻟﺮﺑﺎﻁ ﻛﺎﻝ ... ﻳﺎ ﺍﻟﻠﻪ .. ﺑﺎﻭﻉ ﻋﻠﺊ ﺳﺎﻋﺘﻪ ﺑﺘﻤﻌﻦ ﻭﻋﻘﺪ ﺣﻮﺍﺟﺒﻪ ﺗﺎﻓﺌﻒ ﺑﻀﻴﻖ ... ﺍﻭﻭﻑ ﺗﺄﺧﺮﺕ ...
ﺷﻮﻳﻪ ﻭﺍﺗﺼﻞ ﻣﻮﺑﺎﻳﻠﻪ ﻓﺘﺢ ﺧﻂ ﺑﺲ ﻣﺴﻤﻌﺖ ﻣﻨﻪ ﺑﺲ ... ﺟﺎﻳﻚ ﻭﺍﻟﻠﻪ ﺟﺎﻱ ﺷﺒﻴﻚ ... ﻻ ﻭﺍﻟﻠﻪ ﻣﺎ ﺃﺗﺄﺧﺮ ﻧﺎﺯﻝ ﺑﺎﻟﻤﺼﻌﺪ ﻭﺍﻟﻠﻪ ...
ﺷﻤﺮ ﺍﻟﺮﺑﺎﻁ ﻋﻠﺊ ﺍﻟﺴﺮﻳﺮ ﻭﻟﺰﻡ ﻣﻮﺑﺎﻳﻠﻪ ﻭﻃﻠﻊ ﻓﺘﺢ ﻟﺒﺎﺏ ﻭﺍﻧﻲ ﺑﺎﻭﻋﺖ ﻋﻠﻴﻪ ﻣﺼﺪﻭﻣﻪ ...
ﺭﺟﻊ ﺑﺎﻭﻋﻠﻲ ﻛﺎﻝ ... ﺗﺮﻳﺪﻳﻦ ﺍﺧﻠﻴﻬﻢ ﻳﺠﻴﺒﻮﻟﺞ ﺍﻛﻞ ..
ﻧﺰﻟﺖ ﺭﺍﺳﻲ ﺑﺴﺮﻋﻪ ﻭﺗﻮﺗﺮ ﻫﻤﺴﺖ ... ﻻﺍﺍﺍ
ﺭﺩ ﺑﻌﺪﻡ ﺍﻫﺘﻤﺎﻡ ... ﺑﺮﺍﺣﺘﺞ ..
ﺗﻤﻨﻴﺖ ﺍﺿﺮﺑﻪ ﺑﺎﻟﻤﺎﺳﻜﻪ ﻋﻠﺊ ﻭﺟﻬﻪ ... ﺭﻏﻢ ﻫﻮ ﺗﻔﻬﻤﻨﻲ ﻭﻣﺎ ﺍﺗﺼﺮﻑ ﺑﻬﻤﺠﻴﻪ ﻭﻗﺘﻠﻨﻲ ﻭﺍﻋﺘﺒﺮﻧﻲ ﻋﺎﺭ ﻭﺣﺘﺊ ﻣﻘﺒﻞ ﻭﺍﺣﺪ ﻳﺤﺠﻲ ﻋﻠﻴﻪ ...
ﺑﺲ ﺍﺣﺴﻪ ﻛﻠﺐ ﻭﺣﻘﻴﺮ ﻳﻄﺒﺨﻨﻲ ﻋﻠﺊ ﻧﺎﺭ ﻫﺎﺩﺋﻪ ...
ﻳﺎﺭﺑﻲ ﻣﻮ ﻣﺜﻞ ﺻﺒﺒﺒﺎﺡ ... ﻫﺬﺍ ﺧﺒﻴﻴﻴﺚ ﺍﻛﺜﺮ ﻻﻥ ﻣﺘﺎﺧﺬ ﻭﻳﺎﻳﻪ ﺍﺳﻠﻮﺏ ﺍﻟﺤﮕﺮﺍﻥ ﻭﺍﻟﻬﺠﺮﺍﻥ ... ﻭﻳﺤﺴﺴﻨﻲ ﺑﺘﺄﻧﻴﺐ ﺍﻟﻀﻤﻴﺮ ...
ﺟﻨﺖ ﺍﺣﺲ ﻧﻔﺴﻲ ﻭﻳﻪ ﺻﺒﺎﺡ ﻣﻀﻠﻮﻣﻪ ﺑﺲ ﻭﻳﻪ ﻫﺬﺍ ﻻ ﺿﺎﻟﻤﻪ ... ﻣﻴﺸﺒﻪ ﺻﺒﺎﺡ ﺑﺄﻱ ﺷﺊ ﻫﺴﻪ ﺗﺄﻛﺪﺕ ...
ﺻﺒﺎﺡ ﻟﻐﺘﻪ ﺍﻟﻀﺮﺏ ... ﻭﻫﺬﺍ ﻟﻐﺘﻪ ﺍﻟﻬﺠﺮﺍﻥ ﻭﺍﻻﺳﺘﻔﺰﺍﺯ
ﻗﺒﻞ ﻻ ﻳﻄﻠﻊ ﺣﺠﻴﺖ ﺑﺴﺮﻋﻪ ... ﺑﺲ ﺑﻼ ﺯﺣﻤﻪ
ﺩﺍﺭ ﻭﺟﻬﻪ ﻋﻠﻴﻪ ﺑﺴﺮﻋﻪ ﺑﺲ ﻣﺤﺠﻪ ﺑﺲ،ﻳﺘﻤﻌﻨﻲ ﺑﻨﻈﺮﺍﺕ ﻣﺴﺘﻔﺰﺓ ... ﻭﻫﺎﺩﺋﻪ ..
ﺑﻠﻌﺖ ﺭﻳﻜﻲ ﺑﺼﻌﻮﺑﻪ ﻭﺗﻨﻔﺴﻲ ﺿﺎﻕ ﻛﺘﻠﻪ .. ﻳﺎﺭﻳﺖ ﺗﺼﻴﺢ ﻭﺣﺪﻩ ﻣﻦ ﺍﻟﻤﻮﺿﻔﺎﺕ ﺗﺴﺎﻋﺪﻧﻲ ﺩﺍ ﺍﺭﻳﺪ ﺍﻧﺰﻉ ﺍﻟﺒﺪﻟﻪ ..
ﺩﺧﻞ ﻭﺳﺪ ﺍﻟﺒﺎﺏ ﺟﺮ ﻧﻔﺲ ﻛﺎﻝ ... ﻣﺎ ﺍﻋﺘﻘﺪ ﻫﺬﺍ ﺍﻟﻔﻨﺪﻕ ﺑﻲ ﺑﻨﺎﺕ ﺗﻌﺎﻟﻲ ﺍﻧﻲ ﺍﻓﺘﺤﻪ ...
ﺩﺍ ﺍﺣﺲ ﻛﻠﺒﻲ ﻭﻛﻒ ﻭﺭﺟﻠﻴﻪ ﺭﺟﻔﺖ ﺿﻠﺖ ﻭﺣﺪﻩ ﺗﻀﺮﺏ ﺑﺎﻟﺜﺎﻧﻴﻪ ﻭﺗﻠﻜﺄﺕ ﺑﺎﻟﻜﻼﻡ ﻭﺟﺎﻭﺑﺘﻪ ﺑﻠﻌﺜﻤﻪ ... ﺍﺀﺀ ﻻ ﺍﻧﻲ،ﺣﺤﺎﻭﻝ
ﺗﻘﺮﺏ ﻣﻨﻲ ﺑﺴﺮﻋﻪ ﻭﺩﺍﺭﻧﻲ ﺑﺤﺮﻛﻪ ﺳﺮﻳﻌﻪ ﺻﺎﺭ ﺿﻬﺮﻱ ﻋﻠﺊ ﺑﻄﻨﻪ ...
ﺗﻨﻬﺪﺕ ﺍﻫﻮﻭ ﺣﻴﺼﻴﺮ ﻣﺜﻞ ﺍﻻﻓﻼﻡ ﻳﺼﻔﻦ ﻋﻠﺊ ﺿﻬﺮﻱ ﻭﻳﺤﺴﺐ ﺍﻟﻌﻤﻮﺩ ﺍﻟﻔﻘﺮﻱ ﻭﻳﻀﻞ ﺳﺎﻋﻪ ﻳﻌﺖ ﻭﻳﺠﺮ ...
ﻣﺎﻛﻮ ﺛﻮﺍﻧﻲ ﻳﻤﻜﻦ ﻣﺎ ﺭﻣﺸﺖ ﻭﻭﺣﻂ ﺍﻟﻘﻴﻄﺎﻥ ﻋﻠﺊ ﻛﺘﻔﻲ ﻭﺣﺴﻴﺘﻪ ﻣﺸﻪ ﺧﻄﻮﺍﺕ ...
ﺩﺭﺕ ﻭﺟﻬﻲ ﻋﻠﻴﻪ ﻭﺍﺧﺬﺕ ﺍﻟﻘﻴﻄﺎﻥ ﻣﻦ ﻛﺘﻔﻲ ...
ﺣﺴﻴﺖ ﺑﻔﺸﻠﻪ ﻣﻦ ﻧﻔﺴﻲ ﻭﻣﻦ ﺗﻔﻜﻴﺮﻱ ﻭﺍﻟﺒﺎﺏ ﺍﻧﺴﺪ ﺑﻘﻮﺓ ﻭﺑﻌﺪﻫﺎ ﺍﻧﻘﻔﻞ ...
ﻻ ﻗﻔﻞ ﺍﻟﻐﺮﻓﻪ ﻋﻠﻴﻪ ... ﺟﺮﻳﺖ ﻧﻔﺲ ﻣﺎﻋﻨﺪﻩ ﺛﻘﻪ ﺑﻴﻪ ... ﺍﻥ ﺷﺎﺀ ﻟﻠﻪ ﻋﻤﺮﻩ ﻣﺎ ﺗﻀﻞ ﻋﻨﺪﻩ ﺛﻘﻪ ... ﺍﺑﻮ ﺍﻟﻮﻻﻳﺎﺕ ﺍﻟﻤﺘﺤﺪﻩ ... ﺍﺑﻮ ﺍﻟﺰﻧﻮﺝ ...
ﺍﻱ ﻃﺒﻌﺎ ﻣﺎ ﻋﺎﺟﺒﺘﻪ ﺗﺎﺝ .. ﺧﺎﺏ ﺩﺭﻭﺡ ﺍﻥ ﺷﺎﺀ ﻟﻠﻪ ﻋﻤﺮﻙ ﻣﺎ ﺗﻨﻌﺠﺐ ﺑﻴﺔ ... ﺍﺑﻮ ﻧﻴﻮﻳﻮﺭﻙ ﺍﻛﻴﺪ ﺷﺒﻌﺎﻥ ﻭﻣﺘﺨﻮﻡ ﺍﻻﺥ ...
ﺍﻧﺼﺪﻣﺖ ﻣﻦ ﻧﻔﺴﻲ ﺷﺒﻴﺔ ﺍﻧﻬﺪﻳﺖ ﺟﻨﻲ ﻭﺣﺪﻩ ﺗﺮﻳﺪ ﻳﺘﻘﺮﺏ ﻣﻨﻬﺎ ...
ﻻ ﻭﺍﻟﻠﻪ ﺍﻧﻲ ﻣﻮ ﻫﻴﺞ ﺍﺑﺒﺒﺪ ﺍﺻﻼ ﺍﻗﺮﻑ ﻣﻦ ﻫﺎﻱ ﺍﻟﺴﺎﻟﻔﻪ ﺑﺲ ﻣﺎﺍﻋﺮﻑ ﺷﻨﻮ ﺍﻟﺼﺎﺭ ﺣﺴﻴﺘﻪ ﻫﻤﺶ ﺍﻧﻮﺛﺘﻲ ﻭﻫﺪﺭ ﻛﺮﺍﻣﺘﻲ ..
ﻧﺰﻋﺖ ﺍﻟﺒﺪﻟﻪ ﺑﺴﺮﻋﻪ ﻭﺻﻔﻄﺘﻬﺎ ﺭﺣﺖ ﻃﻠﻌﺖ ﻣﻼﺑﺲ ﺑﺴﺮﻋﻪ ﻻ ﻳﺠﻲ ... ﺗﻮﻡ ﻛﺮﻭﺯ ﻭﻳﻨﮕﻠﺐ ﻋﻠﻴﻪ ﻃﻨﻄﻞ ...
ﻣﺎﻛﻮ ﻣﻼﺑﺲ ﺑﺲ ﺑﻨﻄﺮﻭﻥ ﻛﺎﺑﻮﻱ ﺍﺯﺭﻕ ﻭﺗﺸﻴﺮﺕ ﻓﺴﺘﻘﻲ ﻭﺷﺎﻝ ﻛﺮﻳﻤﻲ ... ﻭﺻﺎﻳﻪ ﻟﻮﻧﻬﺎ ﻣﺎﺭﻭﻧﻲ ﺷﺊ ﻣﻴﺸﺒﻬﻪ ﺷﺊ ﻋﺒﺎﻟﻚ ﻋﻠﺒﺔ ﺿﻼﻝ ﻣﻮ ﻣﻼﺑﺲ ...
ﻭﻫﻤﺎﺗﻴﻦ ﻟﻜﻴﺖ ﺛﻮﺏ ﺳﺘﻦ ﺍﺑﻴﺾ،ﻃﻮﻭﻳﻞ ﺑﺲ ﺑﺪﻭﻥ ﺍﻛﻤﺎﻡ ﻭﺩﻟﻌﺘﻪ ﻛﻮﻭﻭﻟﺶ،ﻗﻮﻭﻳﻪ ﻭﻣﺪﻟﻌﻪ ...
ﻭﻓﻮﺍﻛﺎﻩ ﺗﻮﺭ ﻣﻄﺮﺯ ﺑﺨﺮﺯ ﻭﺷﻜﺸﻚ ﻣﺪﺭﻱ ﺷﺴﻤﻪ ...
ﺍﻟﻤﻬﻢ ﻏﺴﻠﺖ ﻭﺟﻬﻲ ﺣﻴﻞ ﻭﺷﻤﺮﺕ ﺍﻟﺮﻣﻮﺵ ﺑﺰﺑﻞ ﺑﺎﻭﻋﺖ ﻟﻮﺟﻬﻲ ﻭﺍﺧﺘﻔﺖ ﻛﻞ ﻟﺤﻈﻪ ﺍﻣﻞ ﺟﻨﺖ ﻣﺼﺒﺮﻩ ﺭﻭﺣﻲ ﺑﻴﻬﺎ
ﺣﺴﻴﺖ ﺍﺧﺘﻨﻜﺖ ﺑﻌﺒﺮﺗﻲ ﺟﺮﻳﺖ ﻧﻔﺲ،ﻋﻤﻴﻖ ﻭﺣﻄﻴﺖ ﺍﻳﺪﻱ ﻋﻠﺊ ﺧﺪﻱ ﺗﺬﻛﺮﺕ ﺍﻡ ﺍﻟﺼﺎﻟﻮﻥ ﻣﻦ ﻣﻜﻴﺠﺘﻨﻲ ﻛﺎﻟﺖ .. ﻫﺎﻱ ﺷﺒﻲ ﺧﺪﺝ ﻟﻴﺶ ﻫﻴﺞ ﺍﺯﺭﻙ ﻭ ﻣﺮﻭﺭﻡ ...
ﺟﺎﻭﺑﺘﻬﺎ ﺑﻌﺒﺮﻩ ... ﻭﻛﻌﺖ ﻋﻠﺊ ﻭﺟﻬﻲ ..
ﺑﺎﻭﻋﺘﻠﻲ ﺑﺎﺳﺊ ﻛﺎﻟﺖ ... ﺍﻧﺘﻲ ﻣﺠﺒﻮﺭﻩ ..
ﻫﺰﻳﺖ ﺭﺍﺳﻲ ﺑﻶ ...
ﺭﺟﻌﺖ ﻏﺴﻠﺖ ﻭﺟﻬﻲ ﺣﻴﻴﻞ ﻭﺍﻧﻲ ﺍﻣﻨﻊ ﺩﻣﻮﻋﻲ،ﻣﻦ ﺍﻟﺴﻘﻮﻁ ﺭﻏﻢ ﺗﻌﺎﺳﺔ ﻫﺬﺍ ﺍﻟﻴﻮﻡ ﺑﺲ ﻣﻴﺠﻲ ﺑﺬﺭﺓ ﻭﻳﻪ ﺗﻌﺎﺳﺔ ﺯﻭﺍﺟﻲ ﻣﻦ ﺻﺒﺎﺡ ...
ﺣﻴﻞ ﺍﺷﻤﺌﺰ ﻭﺍﻛﺮﻩ ﺭﻭﺣﻲ ﻭﺣﺘﺊ ﺍﺿﻮﺝ ﻣﻦ ﺍﻟﻨﺎﺱ ﺍﺫﺍ ﺫﻛﺮﺕ ﻫﺬﺍ ﺍﻟﺸﺊ ﻣﻘﺎﺑﻴﻠﻲ ...
ﺍﺣﺲ ﻫﻢ ﻣﻜﺘﻮﻡ ﻋﻠﺊ ﺻﺪﺭﻱ ﻭﺭﻋﺐ ﺟﺎﺛﻢ ﺑﺤﻴﺎﺗﻲ ﺍﺭﻳﺪ ﺍﻧﺴﻪ ﺍﺭﻳﺪ ﺍﻋﻴﺶ ﺑﺲ ﻣﺠﺎﻱ ﺍﺗﻘﺒﻞ ﺍﻱ ﺷﺊ ﺑﺤﻴﺎﺗﻲ ...
ﻳﺎﺭﺏ ﺗﻌﺪﻝ ﺣﻴﺎﺗﻲ ﻭﺗﺮﺿﻴﻨﻲ ﻣﺠﺎﻱ ﺍﺭﺿﺊ ﺑﻜﻮﻟﺸﻲ ... ﺳﺎﻋﻪ ﺍﺗﻤﻨﺊ ﺍﻣﻮﺕ ﻭﺳﺎﻋﻪ ﺍﻛﻮﻝ ﺍﻥ ﺷﺎﺀ ﻟﻠﻪ ﻳﺘﻌﺪﻝ ﺍﻟﺤﺎﻝ ﻭﺍﻟﻲ ﻧﻔﺲ ﺑﺎﻟﺤﻴﺎﺓ ...
ﺑﺪﻟﺖ ﺑﺴﺮﻋﻪ ﻟﺒﺴﺖ ﺑﻨﻄﺮﻭﻥ ﻭﺗﺸﻴﺮﺕ ﻣﺎ ﻟﺒﺴﺖ ﺍﻟﺮﻭﺏ ﺧﺎﻑ ﻫﺬﺍ ﻳﺼﺪﻙ ﺭﻭﺣﻪ ﺍﺭﺍﻭﺩﻩ ﻋﻦ ﻧﻔﺴﻪ ... ﻭﻳﻜﻮﻝ ﺗﺴﻮﻳﻠﻲ ﺍﻏﺮﺍﺀﺍﺕ ...
ﻛﻌﺪﺕ ﻋﻠﺊ ﺍﻟﺴﺮﻳﺮ ﻭﺍﻧﻲ ﺍﻟﺪﻣﻌﻪ ﺑﻄﺮﻑ ﻋﻴﻨﻲ ﺍﺗﺬﻛﺮﺕ ﺍﻟﺼﺎﺭ ﻭﺧﻮﻓﻲ ﻣﻨﻬﻢ ...
ﻣﺮﺍﺕ ﺍﺗﺤﺴﻒ ﺍﻧﻲ ﺑﻨﻴﻪ ﻻﻥ ﺍﺷﻮﻑ ﺍﻟﺒﻨﻴﻪ ﻣﻀﻠﻮﻣﻪ ﺑﻤﺠﺘﻤﻌﻨﺎ ﻃﺒﻌﺎ ﻣﻮ ﺍﻟﻜﻞ ﻭﺍﻧﻤﺎ ﺍﻻﻏﻠﺐ ... ﻭﺑﻌﺪﻫﺎ ﺍﺳﺘﻐﻔﺮ ﺭﺑﻲ ﻻﻥ ﺣﺮﺍﻡ ﺍﻟﺘﺒﻄﺮ ﻭﻟﻬﺠﻮﻡ ﻋﻠﺊ ﻧﻌﻤﺔ ﺭﺑﻲ ...
ﺭﺟﻌﺖ ﺗﻮﺿﻴﺖ ﻟﺒﺴﺖ ﺻﺎﻳﺘﻲ ﻭﺣﺠﺎﺑﻲ ﻭﺻﻠﻴﺖ ﺭﻏﻢ ﻣﺎﻛﻮ ﺳﺠﺎﺩﻩ .. ﺑﺲ ﻣﺎ ﺗﻌﺬﺭﺕ ﺍﻟﺤﻤﺪ ﻟﻠﻪ ...
ﻛﻤﻠﺖ ﺻﻼﺓ ﻗﺮﻳﺖ ﺍﻟﻔﺎﺗﺤﻪ ﺍﻻﺧﺘﻲ ﻭﺟﺮﻳﺖ ﻧﻔﺲ .. ﻣﺎﺗﺖ ﻫﺒﻪ ﺑﺲ ﺍﻧﻲ ﺗﺪﻣﺮﺕ ﺍﻛﺜﺮ ﻭﺣﺪﻩ ﺗﺪﻣﺮﺕ ﺑﺴﺒﺐ ﻣﻮﺕ ﻫﺒﻪ ...
ﻏﻤﻀﺖ ﻋﻴﻮﻧﻲ ﺑﻘﻬﺮ ﺍﻧﻌﺎﺩ ﻋﻠﻴﻪ ﻣﻮﻗﻔﻬﺎ ﻭﻫﻲ ﻣﺸﺘﻌﻠﻪ ﺑﺎﻟﻨﺎﺭ ﻭﻧﺰﻟﺖ ﻣﻦ ﺍﻟﺪﺭﺝ ﻋﺒﺎﺭﻩ ﻋﻦ ﻟﻬﻴﺐ ﻧﺎﺭ ﻭﺗﺮﻛﺾ ...
ﺿﺎﻗﺖ ﺑﻴﻪ ﺍﻟﺪﻧﻴﺎ ﻏﻴﺮ ﺍﻟﺨﻮﻑ ﺍﻟﻲ ﺗﻠﺒﺴﻨﻲ ﺻﺮﺕ ﺍﺧﺎﻑ ﺍﻛﻌﺪ ﻭﺣﺪﻱ ﻣﻦ ﻣﺎﺗﺖ ﻫﺒﻪ ﻟﺤﺪ ﺍﻻﻥ ... ﻣﺎ ﺍﻋﺮﻑ ﺍﺣﺲ ﺭﻭﺣﻬﺎ ﺗﺤﻮﻡ ﻋﻠﻴﻪ ﻳﻤﻜﻦ ﻻﻥ ﺑﻨﺎﺗﻬﺎ ﻋﻨﺪﻱ ... ﺍﺭﻳﺪ ﺍﻧﺴﺎﻫﺎ ﺷﻮﻳﻪ ﻣﺎ ﺍﻛﺪﺭ ...
ﻟﻔﻴﺖ ﺻﺎﻳﺘﻲ ﻭﻧﻤﺖ ﻋﻠﺊ ﺍﻟﺴﺮﻳﺮ ﺑﻌﺪ ﻣﺎ ﻓﺮﺷﺖ ﺍﻟﺸﺎﻝ ﻭﺑﻌﺪﻫﺎ ﻓﺘﺤﺖ ﺍﻟﺼﺎﻳﻪ ﻭﺗﻐﻄﻴﺖ ﺑﻴﻬﺎ ﻣﺎ ﺣﺒﻴﺖ ﺍﻧﺎﻡ ﻋﻠﺊ ﻓﺎﺭﺷﻬﻢ ﻟﻌﺒﺖ ﻧﻔﺴﻲ ﻣﻨﻪ ﺑﻄﺒﻴﻌﺘﻲ ﻫﻮﺍﻳﻪ ﺍﻛﺸﻜﺶ
ﺗﻨﻬﺪﺕ ﻭﻗﺮﻳﺖ ﺍﻳﺎﻡ ﻭﻧﻤﺖ ﻭﺍﻧﻲ ﺍﻓﻜﺮ ﺑﻬﺬﺍ ﺍﻟﺰﻣﺎﻝ ﺍﻟﻌﺎﻓﻨﻲ ﻭﺭﺍﺡ ﻋﺒﺎﻟﻪ ﺍﻫﺘﻢ ﺍﻟﻪ ﺩﻃﻴﻴﺮ ﺍﻣﺪﺍﻧﻲ ﺍﺫﺍ ﻣﺎ ﺧﺒﻠﺘﻚ ﻣﺜﻞ ﺍﺧﻮﻙ ﺻﺒﻴﺢ ﻭﺧﻠﻴﺘﻚ ﻃﻠﻜﺘﻨﻲ ﻭﺍﻧﺖ ﺍﻟﻤﻤﻨﻮﻥ ...
ﺟﺮﻳﺖ ﻧﻔﺲ ... ﺍﻭﻭﻭﻑ ﺷﻜﺪ ﺍﻧﻜﺘﻠﺖ ﻣﻦ ﺻﺒﻴﺢ ﺍﻟﻌﺎﺭ ﻭﺟﺎﻥ ﻣﻬﺪﻱ ﻭﻣﺤﻤﺪ ﺧﻄﻴﻪ ﻳﻔﺎﺭﻏﻮﻧﻲ ﻣﻨﻪ ﻭﺭﻏﻢ ﻛﻞ ﻫﺬﺍ ﺍﻧﻲ ﺻﺎﻣﺪﻩ ﻫﻮ ﻳﻐﻠﻂ ﻭﺍﻧﻲ ﺍﺭﺩ ﺍﻟﻐﻠﻄﻪ ﻏﻠﻄﺘﻴﻦ ... ﻛﺮﻫﺘﻪ ﺑﺮﻭﺣﻪ ..
ﻧﻤﺖ ﻭﺍﻧﻲ ﺍﻓﻜﺎﺭ ﺗﺎﺧﺬﻧﻲ ﻭﺍﻓﻜﺎﺭ ﺗﺠﻴﺒﻨﻲ ﻭﻣﺘﻀﺎﻳﻘﻪ ﺍﻭﻝ ﻣﺮﻩ ﺍﻧﺎﻡ ﺑﺒﻨﻄﺮﻭﻥ ﻭﻟﻌﺒﺖ ﻧﻔﺴﻲ ...
............................
ﻣﻴﺲ ..
ﺗﺰﻭﺟﺖ ﺗﺎﺝ ﻣﺮﻩ ﺛﺎﻧﻴﻪ ﻭﻫﻢ ﺷﺒﻌﺖ ﻃﻦ ﺑﺠﻲ ﺑﺲ ﺍﺣﺴﻬﺎ ﺍﺣﺴﻦ ﻣﻦ ﺯﻭﺍﺟﻬﺎ ﺑﺼﺒﺎﺡ ﺑﺤﻴﺚ ﺍﻟﻌﺎﻟﻢ ﺿﻠﺖ ﺗﺒﺠﻲ ﻋﻠﻴﻬﺎ ...
ﻭﺿﻠﺖ 3 ﺍﻳﺎﻡ ﻻ ﺗﺎﻛﻞ ﻭﻻ ﺗﺸﺮﺏ ﻭﺣﺘﺊ ﻣﺘﻨﺎﻡ ﺑﻐﺮﻓﺘﻬﺎ ﺧﻄﻴﻪ ﻋﻤﺘﻬﺎ ﺣﺒﺎﺑﻪ ﺗﺪﺍﻓﻊ ﺍﻟﻬﺎ ...
ﺿﻠﻮ ﻳﺎﺧﺬﻭﻫﺎ ﺍﻟﺴﺎﺩﻩ ﻭﻳﺰﻭﺭﻫﺎ ﻛﺎﻟﻮ ﻣﺤﺴﻮﺩﻩ ﺍﻧﻮﺏ ﻛﺎﻟﻮ ﻣﺴﻮﻳﻠﻬﺎ ﺳﺤﺮ ﻭﻫﻲ ﺍﻟﺤﻘﻴﻘﻪ ﻣﺘﺮﻳﺪﻩ ﻣﺠﺒﻮﺭﻩ ﻋﻠﻴﻪ ...
ﻗﺒﻞ ﺍﻟﺴﺒﻌﻪ ﺍﺧﺬﻭﻫﺎ ﺑﻴﺖ ﺟﺪﻭ ﻭﺑﻌﺪﻫﺎ ﺭﺟﻌﻮﻫﺎ ﺻﺎﺭﺕ ﻣﺸﻜﻠﻪ ﻛﺒﻴﻴﺮﻩ ... ﻭﻋﺮﻙ ﻟﻠﻀﺎﻟﻴﻦ ...
ﻟﺤﺪ ﻣﺎ ﻫﻲ ﺍﺗﻘﻠﻤﺖ ﺗﻨﺎﻡ ﺑﻐﺮﻓﻪ ﻟﻮﺣﺪﻫﺎ ﻭﻳﻪ ﺑﻨﺎﺕ ﺍﺧﺘﻲ ﻭﻛﺎﻟﻮ ﻟﺼﺒﺎﺡ ﺑﺲ ﺗﺘﻌﻮﺩ ﺍﺧﺬﻫﺎ ﻳﻤﻚ ...
ﻭﻣﻦ ﺑﻌﺪﻫﺎ ﺻﺎﺭﺕ ﺍﻟﻤﺸﺎﻛﻞ ﻫﻲ ﻣﺘﺮﻳﺪﻩ ﻭﻫﻮ ﻳﺮﻳﺪﻫﺎ ﻭﺻﺎﺭ ﻳﻀﺮﺑﻬﺎ ﺑﻘﺴﻮﻩ ﻳﺨﻠﻲ ﺣﻠﻜﻬﺎ ﻭﺧﺸﻤﻬﺎ ﻳﺼﺐ ﺩﻡ ...
ﺑﺲ ﻫﺴﻪ ﻣﻦ ﺧﻠﻴﻨﻬﺎ ﺑﻴﺪ ﺍﺑﺎ ﺫﺭ ﻫﻲ ﺻﺢ ﺗﺒﺠﻲ ﺑﺲ ﻣﻮ ﻣﺜﻞ ﻳﻮﻡ ﺯﻭﺍﺟﻬﺎ ﻣﻦ ﺻﺒﺎﺡ ...
ﻳﺎﺭﺏ ﻳﻜﺪﺭ ﻳﺴﻌﺪﻫﺎ ﻭﻳﻄﻴﺐ ﺧﺎﻃﺮﻫﺎ ... ﻭﺍﻟﻠﻪ ﺟﺴﻤﻬﺎ ﺗﺸﻮﻫﻪ ﻣﻦ ﺿﺮﺑﺎﺕ ﺻﺒﻴﺢ ... ﻣﺘﺠﻮﺯ ﻋﻠﻴﻪ ﺑﺲ ﺍﻟﺮﺣﻤﻪ ﺑﺲ ﺍﻧﻲ ﻣﺎﺍﺭﻳﺪ ﺍﺗﺮﺣﻢ ﻋﻠﻴﻪ ﺍﻟﺘﺎﻓﻪ ﺭﺍﺿﻲ ﻳﺤﺮﺽ ﺑﻴﻪ ﻭﻫﻮ ﻛﺪﺭﺗﻪ ﺑﺲ ﻋﻠﺊ ﺍﻟﻨﺴﻮﺍﻥ ...
ﺭﺣﺖ ﺟﺒﺖ ﻣﻮﺑﺎﻳﻞ ﻣﺎﻣﺎ ﺩﺍ ﺍﺧﺎﺑﺮ ﺍﺑﺎ ﺫﺭ ﺍﺳﺄﻝ ﻋﻦ ﺍﺧﺘﻲ ..
ﺍﻭﻝ ﻣﺘﺼﻠﺖ ﺍﺟﺎﻧﻲ ﺻﻮﺗﻪ ﻛﺎﻝ ... ﺍﻟﻮﻭﻭ
ﺟﺎﻭﺑﺘﻪ ... ﺍﻟﻮﻭ ﻫﺬﺍ ﺍﺑﺎﺫﺭ ﺷﻠﻮﻧﻚ
ﺟﺎﻭﺏ .. ﻫﻼ ﻋﻤﻪ ﺷﻠﻮﻧﻜﻢ ﺍﺧﺒﺎﺭﻛﻢ
ﺿﺤﻜﺖ ﺑﺨﺠﻞ ... ﻻ ﺍﻧﻲ ﻣﻮ ﻣﺎﻣﺎ ﺍﻧﻲ ﻣﻴﺲ
ﺭﺩ ﺑﻬﺪﻭﺀ ... ﻫﺎﺍﺍ ﺍﻫﻼ ﻭﺳﻬﻼ ﻣﻴﺲ ﺷﻠﻮﻧﺞ
ﺟﺮﻳﺖ ﻧﻔﺲ ﺧﺠﻮﻝ .. ﺯﻳﻨﻪ ﺗﻤﺎﻡ ﺑﺲ ﺣﺒﻴﺖ ﺍﺳﺄﻟﻚ ﺗﺎﺝ ﺷﻠﻮﻧﻬﺎ ﺍﺫﺍ ﻳﻤﻚ ﺍﻧﻄﻴﻨﻴﻬﺎ ..
ﻛﺎﻝ ﺑﺴﺮﻋﻪ ﺑﺲ ﺳﻤﻌﺖ ﻳﻤﻪ ﻫﻮﺳﻪ ﺍﺣﺘﻤﺎﻝ ﻣﻮ ﺑﺎﻟﻔﻨﺪﻕ ... ﻻ ﻻ ﻧﺎﻳﻤﻪ ﺍﻥ ﺷﺎﺀ ﻟﻠﻪ ﻣﻦ ﺗﻜﻌﺪ ﺍﺧﻠﻴﻬﺎ ﺗﺨﺎﺑﺮﺝ ...
ﺍﺟﺖ ﻣﺎﻣﺎ ﺑﺎﻭﻋﺘﻠﻲ ﺑﺎﺳﺘﻐﺮﺍﺏ ﻛﺎﻟﺖ ... ﻣﻨﻮﻭﻭ
ﻫﻤﺴﺖ ... ﺍﺑﺎ ﺫﺭ
ﺍﺧﺬﺕ ﻣﻮﺑﺎﻳﻞ ﻣﻨﻮ ﻭﺳﻠﻤﺖ ﻋﻠﻴﻪ ﺿﻠﺖ ﺗﺤﺠﻲ ﻭﻳﺎﻫﺎ ﺑﻌﺪﻳﻦ ﻛﺎﻟﺖ ﺍﻟﻪ ... ﻓﺪﻭﻭﻩ ﻋﻤﻪ ﺗﺮﺉ ﻭﺍﻟﻠﻪ ﻫﻲ ﺻﻐﻴﺮﻩ ﻭﻣﺎ ﺗﻔﻬﻢ ﻭﺍﻧﺖ ﺗﻌﺮﻑ ﺑﺎﻟﻀﺮﻭﻑ ﺍﻟﻤﺮﺕ ﺑﻴﻬﺎ ﺗﻮﺗﻪ ﺩﻳﺮ ﺑﺎﻟﻚ ﻋﻠﻴﻬﺎ
ﻫﻮ ﻳﺮﺩ ﻋﻠﺊ ﻣﺎﻣﺎ ... ﺍﻥ ﺷﺎﺀ ﻟﻠﻪ ... ﺍﻟﻠﻪ ﻛﺮﻳﻢ
ﺍﻧﻲ ﺟﻨﺖ ﻣﺨﻠﻴﻪ ﺍﺫﺍﻧﻲ ﺑﺎﻟﻤﻮﺑﺎﻳﻞ ﻭﺍﺗﺴﻤﻊ ﺑﻴﻪ ﺳﻮﻟﻪ ﺍﻟﻪ ﺍﺗﻨﺼﺖ ﻳﺎﻟﻠﻪ ﺍﺭﺗﺎﺡ ...
ﻣﺎﻣﺎ ﻗﻔﻠﺖ ﺍﻟﻤﻮﺑﺎﻳﻞ ﻭﺭﺍﺣﺖ ﻭﺍﻧﻲ ﻛﻌﺪﺕ ﺍﻟﻌﺐ ﻟﻌﺒﻪ ﺗﻠﻢ ﻓﻠﻮﺱ ﺷﻜﺪ ﺣﻠﻮﻭﻩ .
ﺑﺎﺟﺮ ﻻﺯﻡ ﺍﺩﺍﻭﻡ ﻋﻨﺪﻱ ﺍﻣﺘﺤﺎﻥ ﺑﺲ ﻻ ﻳﺠﻦ ﺍﻟﻔﺎﻳﺨﺎﺕ ﻳﻄﻨﻄﻨﻦ ﺑﺮﺍﺳﻲ ﺍﺧﺘﺞ ﺍﻧﻬﺰﻣﺖ ﻭﺫﻳﺞ ﺍﻧﺘﺤﺮﺕ ﺣﺘﺊ ﻭﺍﻟﻠﻪ ﺍﻟﺘﺤﺠﻲ ﺍﺣﻂ ﺍﻟﺤﺬﺍﺀ ﺑﺤﻠﻜﻬﺎ ﻭﺣﻠﻚ ﺍﻟﺨﻠﻔﻬﺎ ﻋﺎﻳﺰﻩ ﺍﻧﻲ
..........................
ﻃﻠﻊ ﻋﻤﻮ ﻣﻦ ﺍﻟﺴﺠﻦ ...
ﻭﺭﺟﻌﻨﺎ ﻟﻨﻔﺲ ﺍﻟﻤﻮﺍﻝ ﺑﺲ ﺷﻮﻳﻪ ﻫﺎﺩﺉ ﻣﻮ ﻣﺜﻞ ﻗﺒﻞ ﺑﺲ ﺍﻧﺎ ﺧﺎﻳﻔﻪ ﻛﺜﻴﺮ ﻻﻥ ﺍﺑﻮ ﻋﺪﻭﻳﻪ ﺻﺎﺭ ﻳﺘﺮﺩﺩ ﻋﻠﻴﻨﻪ ﻭﻛﻞ ﺷﻮﻳﻪ ﻧﺎﻁ ﻋﻠﺊ ﺑﻴﺖ ﻋﻤﻮ ...
ﺟﻤﻌﺖ ﺍﺧﻮﺍﻧﻲ ﺑﺎﻟﻐﺮﻓﻪ ﻭﺣﻜﻴﺖ ﻭﻳﺎﻫﻢ ... ﻻ ﻳﻄﻠﻌﻮﻥ ﻭﻳﻀﻠﻮﻥ ﻣﺤﺪﺭﻳﻦ ﻋﻨﺪﻱ ...
ﺑﺲ ﻭﻳﻦ ﺗﻮﻟﻴﻦ ﺍﺫﺍ ﻣﺎ ﺗﻄﻠﻊ ﻣﺘﺮﺗﺎﺡ .. ﻭﺍﻧﺎ ﺍﺧﺎﻑ ﻋﻠﻴﻬﺎ ﻛﺜﻴﺮ ..
ﺗﻮﻟﻴﻦ ﺗﻌﺒﺘﻨﻲ ﻛﺜﻴﺮ ... ﻋﻠﺊ ﻛﻮﻟﺔ ﻣﺴﻠﻢ ... ﺑﻮﺗﻴﻦ ﻣﻮ ﺗﻮﻟﻴﻦ ...
ﻭﻛﺤﻪ ﻛﺜﻴﺮ ﻭﺗﻨﻄﻨﻂ ﻣﻦ ﻣﻜﺎﻥ ﻟﻤﻜﺎﻥ .. ﻟﻮ ﺷﻮﻳﻪ ﺗﻜﺒﺮ ﻛﻨﺖ ﻣﻦ ﺯﻣﺎﻥ ﺯﻭﺟﺘﻬﺎ ...
ﺣﺘﺊ ﺍﺧﻠﺺ ﻣﻦ ﻫﻤﻬﺎ ﺍﻧﺎ ﺍﺧﺎﻑ ﻋﻠﻴﻬﺎ ﻛﺜﻴﺮ ﻣﻦ ﻋﻤﻲ ﻳﺸﺮﺏ ﻭﻳﺴﻜﺮ ﻭﻫﻲ ﻃﻔﻠﻪ ﻭﺣﻠﻮﻩ ... ﺍﺧﺎﻑ ﻳﻌﺘﺪﻱ ﻋﻠﻴﻬﺎ ...
ﺍﻟﻠﻪ ﻳﺮﺣﻢ ﻣﺎﻣﺎ ﻛﺎﻧﺖ ﺣﺎﻣﻴﺘﻨﻪ ﺑﺤﻀﻨﻬﺎ ﺍﻟﺪﺍﻓﻲ ...
ﺍﺗﺼﻠﺖ ﺑﻴﻪ ﻳﺎﺳﻤﻴﻦ
ﺟﺮﻳﺖ ﻧﻔﺲ ﻭﻗﻄﻌﺖ ﺍﻟﺨﻂ ﺭﺟﻌﺖ ﺍﺗﺼﻠﺖ ﻣﺮﻩ ﺛﺎﻧﻴﻪ ...
ﻓﺘﺤﺖ ﺧﻂ ﺣﻜﻴﺖ ﺑﺘﺪﻣﺮ ... ﺧﻴﻴﻴﺮ
ﺟﺮﺕ ﻧﻔﺲ ﻋﻤﻴﻖ ... ﻟﻚ ﺷﺒﻴﻚ ﻗﺪﺭ ﻭﺍﻟﻠﻪ ﺍﻧﺎ ﻣﺎ ﺧﻨﺘﻚ ﻫﻮ ﺧﺎﻧﻚ ...
ﻋﻀﻴﺖ ﺷﻔﺎﻳﻔﻲ ﺑﻘﻬﺮ ... ﺍﺳﻜﺘﻲ ﺍﺣﺴﻦ ﺍﻟﻚ ... ﻟﻚ ﺍﻧﺘﻲ ﺍﻟﻲ ﻣﺘﺊ ﺗﻀﻠﻴﻦ ﺣﻤﺎﺭﻩ ﺍﻧﺘﻲ ﻭﻫﻮ ﻣﺎ ﺍﻋﺘﺮﻑ ﺑﻴﻜﻢ ﺑﺎﻟﻨﻌﺎﻝ ﻣﻔﻬﻮﻡ ...
ﺭﺩﺕ ﺑﺴﺮﻋﻪ ... ﺑﺲ ﺍﺳﻤﻌﻲ ...
ﻗﻄﻌﺖ ﻛﻼﻣﻬﺎ ... ﺗﺰﻭﺟﺘﻲ ﺍﻧﺘﻲ ﻭﻳﺎﻩ؟
ﺟﺎﻭﺏ ﺑﻐﺼﺔ ... ﻻ ﻣﺎ ﺗﺰﻭﺟﻨﻪ ﻫﻮ ﻧﺪﻡ ﻭﺍﻧﺎ ﻛﺬﻟﻚ
ﺿﺤﻜﺖ ﺑﺎﺳﺘﻬﺰﺍﺀ ... ﻋﺠﻞ ﻣﻮ ﺗﺤﺒﻮ ﺑﻌﺾ
ﺭﺩﺕ ﺑﻘﻬﺮ ... ﻫﻮ ﺧﻄﻴﺒﻚ ﻭﻳﺤﺒﻚ ﻭﺍﻟﺼﺎﺭ ﻧﺰﻭﻩ ﻭﺍﻟﻠﻪ ﺳﺎﻣﺎﻥ ﻳﺤﺒﻚ
ﺟﺎﻭﺑﺘﻬﺎ ﺑﻬﺪﻭﺀ ... ﺍﻱ ﻭﺍﺿﺢ ﺍﺳﺘﻐﻠﻴﺘﻮﻧﻲ ﺑﺎ ﺍﺻﻌﺐ ﺍﻟﻀﺮﻭﻑ ﻭﺭﺣﺘﻮ ﻋﺸﻘﺘﻮ ﺑﻌﺾ ﺍﻥ ﺷﺎﺀ ﻟﻠﻪ ﺗﺘﻬﻨﻮﻥ ...
ﺭﺍﺩﺕ ﺗﺤﻜﻲ ﻗﻔﻠﺖ ﺍﻟﺨﻂ ﺑﻮﺟﻬﻬﺎ ...
ﺑﻠﻌﺖ ﺭﻳﻜﻲ ﻭﺩﻣﻌﺖ ﻋﻴﻮﻧﻲ ﺑﺎﺳﺊ ﻗﺒﻞ ﻻ ﺗﺘﻤﺮﺽ ﻣﺎﻣﺎ ﺑﺎﻟﺴﺮﻃﺎﻥ ...
ﺗﺰﻭﺟﺖ ﺧﺎﻟﺘﻲ ﺑﺎﺭﺑﻴﻞ ﻭﺭﺣﻨﻪ ﻭﻳﺎﻫﺎ ...
ﻛﻨﺖ ﺻﻐﻴﺮﻩ ﺑﺲ ﻃﻠﻌﺖ ﻛﺜﻴﺮ ﺣﻠﻮﻭﻩ ﻟﺒﺴﺖ ﻓﺴﺘﺎﻥ ﻭﺭﺩﻱ ﻭﺣﺠﺎﺏ ﻛﺮﻳﻤﻲ ﻭﻣﻜﻴﺎﺝ ﺧﻔﻴﻒ ﻛﺜﻴﺮ ...
ﻛﺎﻧﺖ ﺣﻔﻠﺘﻬﺎ ﻛﺜﻴﻴﺮ ﺭﺍﻗﻴﻪ ﻭﺑﺎﺣﺪ ﺍﻟﻘﺎﻋﺎﺕ ﺑﺎﺍﺭﺑﻴﻞ ...
ﻛﻨﺖ ﻛﺜﻴﺮ ﻣﺘﻔﺎﺟﺌﻪ ﺑﺎﻻﺟﻮﺍﺀ ﻣﺸﺎﻳﻔﻪ ﻫﻴﻚ ﺍﺷﻴﺎﺀ ﺑﺤﻴﺎﺗﻲ ﺍﻋﺮﺍﺳﻨﻪ ﻛﻠﻬﺎ ﺑﺎﻟﺒﻴﺖ
ﺍﺑﺪ ﻣﺎ ﻣﺸﺎﻳﻔﻪ ﻋﺮﺱ ﻣﺨﺘﻠﻂ ...
ﻛﺎﻥ ﺍﺥ ﺍﻟﻌﺮﻳﺲ ﻛﺜﻴﺮ ﺣﻠﻮ ﻫﻮ ﻛﺮﺩﻱ ﺃﺑﻴﺾ ﺣﻴﻞ ﻭﻋﻴﻮﻧﻮ ﻣﻠﻮﻧﻪ ...
ﻻﺑﺲ ﻗﺎﻁ ﺍﺳﻮﺩ ﻭﺍﻗﻒ ﺑﻜﻞ ﻫﻴﺒﻪ ﻋﺠﺒﻨﻲ ﻭﻛﺎﻥ ﻳﺪﺣﻜﻠﻲ ﺑﻨﻈﺮﺍﺕ ﺣﻠﻮﻭﻩ ...
ﻭﻛﻞ ﺷﻮﻭﻳﻪ ﻭﺩﺣﻚ ﺑﻮﺟﻬﻲ ﻭﻳﺒﺘﺴﻢ
ﺧﻠﺼﺖ ﺍﻟﺤﻔﻠﻪ ﻭﻧﺰﻟﺖ ﻣﻦ ﺍﻟﺪﺭﺝ ﺍﻧﺎ ﻭﺗﻮﻟﻴﻦ ﻫﻮ ﺻﺎﺭ ﻭﺭﺍﻳﻪ ﻭﺑﻌﺪﻫﺎ ﺍﺑﺘﻌﺪ ﻛﺎﻝ ... ﺑﻼ ﺯﺣﻤﻪ ﺍﻟﻌﺮﻭﺱ ﺧﺎﻟﺘﻚ ﻣﻮ ﻫﻴﻚ
ﻫﻮ ﺻﺢ ﻛﺮﺩﻱ ﺑﺲ ﻳﺤﻜﻲ ﻋﺮﺑﻲ ...
ﻫﺰﻳﺖ ﺭﺍﺳﻲ ﺑﺄﻱ ...
ﺻﺮﻧﻪ ﻧﺮﻭﺡ ﺍﻟﺨﺎﻟﺘﻲ ﻭﻫﻮ ﻳﺠﻲ ﻋﺪﻧﺎ ﻭﻳﺪﺣﻨﻲ ﺑﻨﻈﺮﺍﺗﻪ ﻛﻨﺖ ﺍﺣﺒﻮ ﻛﺜﻴﺮ ﻋﺸﻘﺘﻮ ...
ﻭﻛﺎﻥ ﻣﻦ ﻋﺎﺋﻠﻪ ﻛﺜﻴﺮ ﺣﻠﻮﻩ ﻭﻃﺎﻛﻪ ﺿﻞ ﻳﺘﺮﺩﺩ ﻋﻠﻴﻨﻪ ﻛﺜﻴﺮ ...
ﻭﻣﻦ ﻧﺮﻭﺡ ﻻﺭﺑﻴﻞ ﻳﺤﺘﺎﺭ ﻭﻳﻦ ﻳﺎﺧﺬﻧﻪ ﻛﺎﻥ ﻛﺜﻴﺮ ﺣﻠﻮﻭ ﻭ ﺭﻭﻣﺎﻧﺴﻲ ...
ﺧﻄﺒﻨﻲ ﻭﻣﺎﻣﺎ ﻓﺮﺣﺖ ﻛﺜﻴﺮ ﻭﺍﻧﺎ ﻛﺬﻟﻚ ﺻﺎﺭﺕ ﺍﻟﺨﻄﺒﻪ ﻭﻛﻨﺖ ﺍﺣﻜﻲ ﻭﻳﺎﻩ ﺍﻟﻴﻮﻡ ﻛﻠﻮ ﺍﺑﺪ ﻣﺎ ﺍﺷﺒﻊ ﻣﻨﻮ ﻭﻫﻮ ﻣﺠﻨﻮﻥ ﺑﻴﻪ ...
ﻟﺤﺪ ﻣﺎ ﻣﺎﻣﺎ ﺗﻤﺮﺿﺖ ﻣﻦ ﺍﻣﻲ ﺗﻤﺮﺿﺖ ﺍﻧﺠﻨﻴﺖ ﻋﻠﻴﻬﺎ ﻻﻥ ﻛﺎﻧﺖ ﻛﺜﻴﺮ ﻣﺪﻟﻠﺘﻨﻲ ﻭﺗﺤﺒﻨﻲ ﺣﺴﻴﺖ ﺑﻀﻴﺎﻉ ﻛﺒﻴﻴﻴﺮ ...
ﻭﺑﻌﺪ ﻓﺘﺮﺓ ﻣﻌﺎﻟﺠﻪ ﻣﺎﺗﺖ ﻛﺎﻥ ﻋﻨﺪﻫﺎ ﺳﺮﻃﺎﻥ ﺑﺎﻟﺪﻡ ﻭﻣﻦ ﺍﺷﺪ ﺍﻧﻮﺍﻋﻪ ...
ﻣﻦ ﻣﺎﺗﺖ ﺍﻣﻲ ﺍﻋﺘﺰﻟﺖ ﻋﻦ ﺍﻟﻌﺎﻟﻢ ﺣﺎﻟﺘﻲ ﺗﻌﺒﺖ ﻛﺜﻴﺮ ﻛﺎﻥ ﺳﺎﻣﺎﻥ ﻳﺘﺼﻞ ﺑﺲ ﻣﺎ ﻛﻨﺖ ﺍﺭﺩ ﻋﻠﻴﻪ ...
ﻭﻳﺎﺳﻤﻴﻦ ﺑﻨﺖ ﺧﺎﻟﻲ ﻫﻲ ﺗﺮﺩ ﻋﻠﻴﻪ ﺍﻧﺎ ﺍﻃﻠﺐ ﻣﻨﻬﺎ ...
ﻭﻣﺮﺓ ﻓﺘﺮﻩ ﺿﻠﺖ ﺍﺗﺼﺎﻻﺗﻮ ﺗﺘﻘﻠﺺ ﻭﺍﺳﺎﻟﺘﻮ ﺗﻘﻞ ﺍﺳﺘﻐﺮﺑﺖ ﻣﻨﻮ ﻛﺜﻴﺮ ...
ﻟﺤﺪ ﻣﺎ ﺣﻀﻴﺖ ﺑﻴﻬﻢ ﻋﻨﺪﻫﻢ ﻋﻼﻗﻪ ﺳﺮﻳﻪ ﺑﺪﻭﻥ ﻋﻠﻤﻲ ...
ﺑﻴﻮﻣﻬﺎ ﺣﺴﻴﺖ ﺍﻟﺪﻧﻴﺎ ﺍﻓﺘﺮﺕ ﺑﻴﻪ ﻭﺍﻟﻘﻬﺮ ﻧﺰﻝ ﻋﻠﺊ ﺻﺪﺭﻱ ﻛﻴﻒ ﺍﺳﺘﻐﻠﻮﻧﻲ ﺑﻀﺮﻭﻑ ﺻﻌﺒﻪ ﻭﻏﺪﺭﻭﻧﻲ ﻭﺍﻧﺎ ﻣﻜﺴﻮﺭﺓ ﺧﺎﻃﺮ ....
ﺗﺨﺒﻠﺖ ﺑﻴﻮﻣﻬﺎ ﻭﺍﻧﻬﺎﺭﻳﺖ ﻭﺣﻜﻴﺖ ﻣﻊ ﻣﺮﺓ ﺧﺎﻟﻲ ﻭﻫﻲ ﺗﺨﺒﻠﺖ ﺿﺮﺑﺖ ﺑﻨﺘﻬﺎ ﻭﻛﺴﺮﺕ ﻣﻮﺑﺎﻳﻠﻬﺎ ﻭﺣﻜﺖ ... ﻟﻚ ﺗﺨﻮﻧﻲ ﻗﺪﺭ ﺍﻟﻔﻘﻴﺮﻩ ﻭﻫﻲ ﻣﺜﻞ ﺍﺧﺘﻚ ﺍﻟﻠﻪ ﻻ ﻳﻮﻓﻘﻚ ...
ﺧﺎﺑﺮﺕ ﺳﺎﻣﺎﻥ ﺑﻴﻮﻣﻬﺎ ﺷﺒﻌﺘﻮ ﻣﺴﺒﻪ ﻫﻮ ﻣﺎ ﻧﻄﻖ ﺑﻮﻻ ﻛﻠﻤﻪ ﻃﻠﺒﺖ ﻣﻨﻮ ﻳﻔﺴﺦ ﺍﻟﺨﻄﺒﻪ ﻭﻫﻮ ﺍﺟﻪ ﻣﺜﻞ ﺍﻟﻜﻠﺐ ﻳﺘﻮﺳﻞ ﻭﺍﻧﺎ ﻣﺎ ﺭﺿﻴﺖ ﻓﺴﺨﺖ ﺍﻟﺨﻄﺒﻪ ...
ﻭﻟﺤﺪ ﺍﻻﻥ ﻣﺤﺘﻔﻈﻪ ﺑﺮﺳﺎﻟﺘﻮ ﻟﻴﺎﺳﻤﻴﻦ ﻭﻫﻮ ﻛﺎﺗﺐ ... ﺍﺣﺒﺒﻚ ﻳﺎﺳﻤﻴﻦ ﺍﻧﺘﻲ ﻏﻴﺮ ﻋﻦ ﺍﻟﻜﻞ ﺍﻧﺘﻲ ﺭﻭﻣﺎﻧﺴﻴﻪ ﻛﺜﻴﺮ ﺻﺢ ﻗﺪﺭ ﺣﻠﻮﻩ ﺑﺲ ﻋﻼﻗﺘﻬﺎ ﺑﺎﺭﺩﻩ ﻛﺜﻴﺮ ﻭﺍﻧﺎ ﺍﺣﺐ ﺍﻟﺠﺮﻳﺌﻪ ...
ﻫﻤﺴﺖ ﺗﺤﺐ ﺍﻻﺩﺏ ﺳﺰ ﻳﺎ ﺍﺩﺏ ﺳﺰ ...
ﺩﺣﻜﺖ ﺍﻟﻤﻮﺑﺎﻳﻠﻲ ﻳﺮﻥ ﺑﺮﺳﺎﻟﻪ ...
ﻓﺘﺤﺘﻬﺎ ﻣﻦ ﺍﻟﻤﻨﺪﺱ ﺍﻻﺳﺮﺍﺋﻴﻠﻲ ﻫﻬﻬﻪ
ﻛﺎﺗﺐ ... ﺍﻟﺴﻼﻡ ﻋﻠﻴﻜﻢ ... ﺍﻛﺪﺭ ﺍﺣﺠﻲ ﻭﻳﺎﺝ ﻭﺍﺫﺍ ﻣﺤﻈﻮﺭﻩ ﻋﺎﺩﻱ ﺍﺧﺎﺑﺮ ﺑﻐﻴﺮ ﻭﻗﺖ ...
ﻛﺘﺒﺖ ﺑﺴﺮﻋﻪ ... ﻻ ﻣﺤﻈﻮﺭﺓ ﻋﻤﻮ ﻃﻠﻊ ﻣﻦ ﺍﻟﺴﺠﻦ ﺍﻥ ﺷﺎﺀ ﻟﻠﻪ ﺑﺎﻟﻴﻞ ﺍﺧﺎﺑﺮﻙ ...
ﺷﻮﻳﻪ ﻭﺭﺩ ... ﺍﻫﺎﺍﺍ ﺍﻭﻙ ﻳﺎﻟﻠﻪ ﻣﻊ ﺍﻟﺴﻼﻣﻪ
ﻛﺘﺒﺖ ... ﻣﻊ ﺍﻟﺴﻼﻣﻪ ...
ﻗﻔﻠﺖ ﺍﻟﻤﻮﺑﺎﻳﻞ ﺑﻌﺪ ﻣﺎ ﺣﺬﻓﺖ ﺍﻟﺮﺳﺎﺋﻞ ﻳﺎﺭﺑﻲ ﻛﻮﻭﻟﺸﻲ ﺍﺳﻮﻱ ﺑﺲ ﻛﻮﻥ ﻣﺎ ﺍﺗﺰﻭﺝ ﺍﺑﻮ ﻋﺪﻭﻳﻪ ﺍﻟﻤﺮﺣﻮﻡ ﻋﻠﺊ ﻛﻮﻟﺔ ﻣﺴﻠﻢ ...
................................
ﻓﺰﻳﺖ ﻣﻦ ﺍﻟﻨﻮﻡ ﺷﻔﺘﻪ ﻭﺍﻛﻒ ﻳﻔﺘﺢ ﺑﺪﻛﻢ ﺍﺭﺍﺩﻥ ﺍﻟﻘﻤﻴﺺ ﻭﺍﻟﺴﺘﺮﻩ ﻣﺎﻟﺘﻪ ﺷﺎﻣﺮﻫﺎ ﻳﻢ ﺭﺟﻠﻴﻪ ...
ﺭﻓﻌﺖ ﻧﻔﺴﻲ ﺑﺎﻭﻋﺘﻠﻪ ﺑﻬﺪﻭﺀ ﻭﻗﻠﻖ
ﻫﻮ ﺑﺎﻭﻋﻠﻲ ﻭﺩﺍﺭ ﻭﺟﻬﻪ ﺑﺴﺮﻋﻪ ﻣﻜﺎﻝ .. ﺻﺒﺎﺡ ﺍﻟﺨﻴﺮ ﻭﻻ ﺍﻧﻲ ﻛﻠﺖ ..
ﻓﺘﺢ ﺩﻛﻢ ﺍﻟﻘﻤﻴﺺ ﻣﻦ ﺻﺪﺭﻩ ﻭﻛﺎﻝ ... ﺣﻀﺮﻱ ﻧﻔﺴﺞ ﺩﻧﺮﻭﺡ ﻟﻠﺒﻴﺖ ...
ﺭﺟﻌﺖ ﺷﻌﺮﻱ ﺍﻟﻘﺼﻴﺮ ﻭﺭﻩ ﺍﺫﻧﻲ ﻭﺗﻮﺗﺮﺕ ﺣﻴﻴﻞ ﻣﻦ ﻭﺟﻮﺩﻩ ﻣﺪﺭﻱ ﺷﺒﻴﻪ ...
ﺑﺴﺮﻋﻪ ﻋﺎﻓﻨﻲ ﻭﺩﺧﻞ ﻟﻠﺤﻤﺎﻡ ﺑﺪﻭﻥ ﻣﻴﺒﺎﻭﻉ ﺑﻮﺟﻬﻲ ...
ﻧﺰﻟﺖ ﻣﻦ ﺍﻟﺴﺮﻳﺮ ﻧﺰﻟﺖ ﺍﻟﺘﺸﻴﺮﺕ ﻣﻦ ﺧﺼﺮﻱ ﻭﺭﺗﺒﺖ ﺷﻌﺮﻱ ﻃﻠﻌﺖ ﺣﻤﺮﻩ ﻣﻦ ﺟﻨﻄﺘﻲ ﺣﻄﻴﺖ ﺷﻮﻳﻪ ﺣﺘﺊ ﻳﻌﺮﻑ ﺍﻧﻲ ﺣﻠﻮﻩ ﺑﺎﻟﻄﺒﻴﻌﻪ ...
ﻃﻠﻊ ﻣﻦ ﺍﻟﺤﻤﺎﻡ ﻭ ﺭﺍﺟﻊ ﻻﺑﺲ ﻧﻔﺲ ﺍﻟﻤﻼﺑﺲ ...
ﺩﺧﻠﺖ ﺑﺴﺮﻋﻪ ﻏﺴﻠﺖ ﻭﺍﻧﻲ ﺧﺠﻼﻧﻪ ﻣﻦ ﺑﻨﻄﺮﻭﻧﻲ ...
ﻃﻠﻌﺖ ﻣﻦ ﺍﻟﺤﻤﺎﻡ ﻣﺴﺤﺖ ﻭﺟﻬﻲ ﺑﺎﻟﺨﺎﻭﻟﻲ ﻣﺨﻠﻴﻨﻪ ﺧﺎﻭﻟﻴﺎﺕ ...
ﻫﻮ ﻛﻌﺪ ﻋﻠﺊ ﺍﻟﺴﺮﻳﺮ ﻭﺩﻛﻢ ﻗﻤﻴﺼﻪ ﺧﻠﺼﻨﺎﻫﺎ ﻫﻮ ﻳﻮﻛﻒ ﻭﺍﻧﻲ ﺍﻛﻌﺪ ﻟﻮ ﻫﻮ ﻳﻜﻌﺪ ﻭﺍﻧﻲ ﺍﻭﻛﻒ ... ﻭﺍﺣﺪ ﺷﺎﺭﺩ ﻣﻦ ﺍﻟﺦ ...
ﻟﺒﺴﺖ ﺍﻟﺼﺎﻳﻪ ﻭﺍﻟﺤﺠﺎﺏ ﻭﺧﻠﻴﺖ ﺍﻟﺒﺪﻟﻪ ﺑﻌﻼﻛﻪ ﻛﺒﻴﺮﻩ ...
ﻛﺎﻝ ... ﻳﺎﻟﻠﻪ ﺍﻣﺸﻲ
ﻃﻠﻊ ﻛﺪﺍﻣﻲ ﻭﺍﻧﻲ ﺗﻔﺎﺟﺌﺖ ﺷﺒﻲ ﻫﺬﺍ ﻟﻴﺶ ﻣﻴﺸﻴﻞ ﺍﻟﺒﺪﻟﻪ ﺛﻮﻭﻝ ﻓﻮﮒ ﻫﻞ ﺛﻮﻝ ﻣﻴﻜﻠﻒ ﻳﺸﻴﻞ ﻟﺒﺪﻟﻪ ﻳﺴﺘﻨﻜﻒ ﻋﺸﺘﻮﻭ ...
ﺷﻠﺘﻬﺎ ﻭﻫﻲ ﻛﺒﻴﺮﻩ ﻭﺍﻧﻲ ﻗﺼﻴﺮﻩ ﺣﺴﻴﺖ ﻧﻔﺴﻲ ﺿﺎﻳﻌﻪ ﺑﺎﻟﻌﻼﻛﻪ ﺍﻟﻜﺒﻴﺮﻩ ﻭﺍﻟﺠﻨﻄﻪ ...
ﻫﻮ ﺍﺑﺪ ﻣﺎ ﺍﻫﺘﻢ ﺻﻌﺪﻧﻪ ﺑﺎﻟﻤﺼﻌﺪ ... ﺍﺑﺪ ﻣﺎ ﻧﻄﻖ ﺑﻜﻠﻤﻪ ﻭﺣﺘﺊ ﻣﺎ ﺩﺍﺭ ﻭﺟﻬﻪ ﻋﻠﻴﻪ ﻭﺍﻧﻲ ﺟﻨﺖ ﺍﺑﺎﻭﻋﻠﻪ ﺑﺎﻟﺨﺘﻼﺕ ...
ﻧﺰﻟﻨﻪ ﻣﻦ ﺍﻟﻤﺼﻌﺪ ﻫﻮ ﻣﺸﺊ ﻛﺪﺍﻣﻲ ﻭﺍﻧﻲ ﻟﺤﻜﺘﻪ ﻭﺷﺎﻳﻠﻪ ﺍﻟﺒﺪﻟﻪ ﺟﻨﻲ ﻭﺣﺪﻩ ﻣﺨﺒﻠﻪ ...
ﻭﺻﻞ ﻟﺴﻴﺎﺭﺗﻪ ﻭﻓﺘﺢ ﺻﻨﺪﻭﻙ ﺍﻟﺴﻴﺎﺭﻩ
ﺑﺎﻭﻋﺖ ﻋﻠﻴﻪ ﺑﻌﻨﺎﺩ ﻭﻗﺎﺑﻠﻨﻲ ﺑﻨﻈﺮﺍﺕ ﺍﺳﺘﻔﺰﺍﺯﻳﻪ ﺷﻠﺖ ﺍﻟﺒﺪﻟﻪ ﻭﺷﻤﺮﺗﻬﺎ ﺑﺎﻟﺼﻨﺪﻭﻙ ...
ﻭﻣﺸﻴﺖ ﻟﻠﺴﻴﺎﺭﺓ ...
ﺍﻧﺘﻈﺮﺗﻪ ﺷﻮﻳﻪ ﻓﺘﺢ ﺍﻟﺒﺎﺏ ﻭﺻﻌﺪ ﺑﺎﻟﺼﺪﺭ ... ﻭﺍﻧﻲ ﻛﻌﺪﺕ ﺑﺎﻟﺼﺪﺭ ﻭﻟﺒﺴﺖ ﺣﺰﺍﻡ ﺍﻻﻣﺎﻥ ...
ﺻﺢ ﻫﻮ ﺯﻋﻼﻥ ﻭﻣﺘﻀﺎﻳﻖ ﻣﻦ ﻫﺮﻭﺑﻲ ﺑﺲ ﺍﻧﻲ ﺩﺍ ﺍﺣﺴﺴﻪ ﻣﺎ ﻣﻬﺘﻤﻪ ﺍﻟﻪ ﻭﺍﺣﺴﺴﻪ ﻣﻨﺪﻣﺎﻧﻪ ﻭﻟﻮ ﺍﻧﻲ ﺗﺒﺮﻳﺖ ﻣﻦ ﺧﺎﻟﺘﻲ ﺣﺘﺊ ﻣﻦ ﺟﺪﻭ ... ﻣﻦ ﺍﻟﺨﻮﻭﻑ ...
ﻭﺻﻠﻨﻪ ﻟﻠﺒﻴﺖ ﺑﺎﻭﻋﺖ ﻟﺒﻴﺘﻬﻢ ﺷﻜﻜﻜﻜﻜﻜﻜﺪ ﺍﻛﺮﻫﻪ ﻛﻮﻥ ﻳﺸﻴﻠﻮﻥ ﺍﻛﺮﻩ ﻫﺬﺍ ﺍﻟﺒﻴﺖ ﺣﻴﻴﻴﻞ ...
ﺩﺧﻠﻨﻪ ﻟﻠﺒﻴﺖ ﻭﻋﻤﺘﻲ ﺗﻠﮕﺘﻨﻪ ﻫﻲ ﻭﺯﻧﻮﺑﻪ ﻭﺍﺧﻮﺍﺗﻪ ...
ﺳﻠﻤﻦ ﻋﻠﻴﻨﻪ ﻭﺳﻠﻤﻦ ﻋﻠﻴﻪ ﺑﺲ،ﺍﺧﻮﺍﺗﻪ ﺟﺎﻧﻦ ﻳﺨﻮﺯﻥ ﺑﻴﻪ ﻋﺸﺘﻮ ﺯﻋﻼﻧﺎﺕ ﻻﻥ ﺍﻧﻬﺰﻣﺖ ...
ﻫﻨﻪ ﺷﻌﻠﻴﻬﻦ ﺷﻨﻮ ﻣﻬﺰﻭﻣﻪ ﻣﻨﻬﻦ ...
ﺑﺲ ﻻﻥ ﻳﺤﺒﻨﻪ ﻻﺧﻮﻫﻦ ﻣﺎ ﺣﺠﻦ ﺍﻱ ﺷﺊ ﻛﻌﺪﻧﻪ ﺷﻮﻭﻳﻪ ﻭﺍﻧﻲ ﺣﻀﻨﺖ ﺯﻧﻮﺑﻪ ﻭﺿﻠﻴﺖ ﺍﺑﺠﻲ ...
ﺍﻭﻭﻭﻑ ﻣﺸﺘﺎﻗﻪ ﻟﺰﻫﺮﺍﺀ ﺣﻴﻴﻴﻴﻴﻞ ...
ﺍﻟﺤﻤﺪ ﻟﻠﻪ ﻣﻦ ﺭﺟﻌﺖ ﺍﻟﻬﻦ ...
ﺷﻮﻭﻳﻪ ﻭﻫﻮ ﻃﻠﻊ ...
ﻭﺍﻧﻲ ﺭﺣﺖ ﺍﻟﻐﺮﻓﺘﻲ ﻣﻦ ﺩﺧﻠﺖ ﺍﻧﺼﺪﻣﺖ ﺻﺪﻣﺔ ﻋﻤﺮﻱ ﻻ ﻳﺎ ﻧﺬﻝ ﻳﺎ ﻋﺎﺭ ﺳﻮﺍﻫﺎ ﺻﺪﻙ ﻣﺨﻠﻴﻨﻲ ﺑﻐﺮﻓﻪ ﺻﻐﻴﺮﻩ ﻭﻳﻤﻬﺎ ﻛﺎﺭﻭﻙ ﺯﻫﻮﺭﻩ ...
ﻭﺳﺮﻳﺮ ﺍﺑﻮ ﺍﻟﻨﻔﺮ ﺍﻟﻲ ... ﻳﻄﺒﻚ ﻣﺮﺽ ﻧﺎﻡ ﺑﺎﻟﻜﺎﻉ ﻭﺍﻟﻠﻪ ﺍﻧﻲ ﺍﻧﺎﻡ ﻋﻠﺊ ﺍﻟﺠﺮﺑﺎﻳﻪ ...
ﻋﻮﺩ ﻋﺒﺎﻟﻪ ﺍﻧﺎﻡ ﺑﺎﻟﻜﺎﻉ ﻻ ﻭﺍﻟﻠﻪ ﺍﻧﻲ ﺗﺮﺑﻴﺔ ﺍﺑﻮ ﺍﻳﺎﺩ ﻟﻮ ﻳﻤﻮﺕ ﻣﺎ ﺍﻧﺎﻡ ﺑﺎﻟﻜﺎﻉ ...
ﻋﺸﺘﻮ ﺟﺎﻱ ﻣﻦ ﺍﻣﺮﻳﻜﺎ ﻳﻨﺎﻡ ﻋﻠﺊ ﺍﻟﺠﺮﺑﺎﻳﻪ ﻭﺍﻧﻲ ﻳﺸﻤﺮﻧﻲ ﺑﺎﻟﻜﺎﻉ ﻻ ﻭﺍﻟﻠﻪ ﻭﻻ ﺍﻗﺒﻞ ...
ﺭﺣﺖ ﺷﻠﺖ ﺯﻫﺮﺍﺀ ﻣﻦ ﻛﺎﺭﻭﻛﻬﺎ ﻳﺎﻟﻠﻪ ﺷﻜﺪ ﻣﺸﺘﺎﻗﻪ ﺍﻟﻬﺎ ﺧﻄﻴﻪ ﺭﺍﺳﻬﺎ ﻛﺒﺮﺍﻥ ... ﻭﺣﺎﻟﺘﻬﺎ ﻣﺴﺘﺎﺀﻩ ﺍﻛﺜﺮ ...
ﺑﺴﺘﻬﺎ ﺑﺸﻔﺎﻳﻔﻬﺎ ﺍﻣﻮﻭﺕ ﻋﻠﻴﻬﺎ ﺍﺧﺐ ﺃﻛﺜﺮ ﻣﻦ ﺭﻭﺣﻲ ..
ﺭﺟﻌﺘﻬﺎ ﺑﻜﺎﺭﻭﻛﻬﺎ ﻭﻃﻠﻌﺖ ﺑﺮﻩ ﺩﺷﻮﻑ ﺍﻟﻮﺿﻊ ...
ﺩﺧﻞ ﺣﻤﺎﻳﻪ ﻣﺤﻤﺪ ﺍﺑﺘﺴﻢ ﻛﺎﻝ .. ﺷﻠﻮﻧﺞ ﺗﺎﺝ ﺑﺎﻟﻘﺮﺍﻥ ﻣﺸﺘﺎﻗﻠﺞ
ﺟﺎﻭﺑﺘﻪ ﺑﻤﺮﺡ ... ﻳﻔﺪﻭﻭﻩ ﻣﺤﻤﺪ ﺷﻠﻮﻧﻚ ﻭﻧﺒﻲ ﺍﻧﻲ ﺍﺷﻮﻕ ﺑﺲ ﺍﻧﺖ ﺑﺬﺍﺕ ﻣﺘﺴﺄﻝ ...
ﻛﺎﻝ ... ﻭﻳﻦ ﺍﺳﺄﻝ ﺍﺷﻮ ﻫﻲ ﺻﺎﻳﺮﻩ ﻃﻜﻪ ﻭﻃﻴﺢ ...
ﻫﻤﺴﺖ ﺑﻔﺸﻠﻪ ... ﺍﻱ ﻭﺍﻟﻠﻪ
ﺍﻧﺪﻙ ﺍﻟﺒﺎﺏ ... ﻭﻣﺤﻤﺪ ﻃﻠﻊ ﻓﺘﺤﻪ ﺍﺳﻤﻌﻪ ﻳﻜﻮﻟﻬﺎ ... ﺗﻔﻀﻠﻲ ﺗﻔﻀﻠﻲ
ﻋﺮﻓﺘﻬﺎ ﻣﻦ ﺻﻮﺗﻬﺎ ﻃﻜﻴﺘﻬﺎ ﺭﻛﻀﻪ ﻟﻠﻐﺮﻓﻪ ﺍﻭﻭﻭﻱ ﺷﻜﺪ ﺍﻛﺮﻫﻬﺎ ﺩﻋﻮﻭﺷﻪ ﺍﻟﻜﻠﺒﻪ ﺍﺧﺲ ﻣﻦ ﺍﻟﺪﻭﺍﻋﺶ ﺷﻌﺪﻫﺎ ﺟﺎﻳﻪ ﻣﻮ ﻃﺮﺩﻫﺎ ﺍﺑﺎﺫﺭ ﻟﻮ ﺍﻟﻜﺮﺍﻣﻪ ﻣﺴﺤﻮﻟﻪ ...
ﺑﺪﻟﺖ ﻟﺒﺴﺖ ﺗﺮﺍﻙ ﻃﻮﻳﻞ ﻟﻮﻧﻪ ﻣﺎﺭﻭﻧﻲ ﻭﺑﻲ ﺍﺳﻮﺩ ﻃﻮﻭﻳﻞ ﻭﻟﺒﺴﺖ ﺣﺠﺎﺏ ﻣﺜﻞ ﺍﻟﺘﻮﺭﺑﺎﻥ ﺟﺎﻫﺰ ﻣﻮ ﺍﻧﻲ ﺍﻟﺤﻤﺪ ﻟﻠﻪ ﻣﺤﺠﺒﻪ ...
ﺻﺒﻴﺢ ﺍﻟﻌﺎﺭ ﺣﺠﺒﻨﻲ ﺻﺎﻳﺮ ﻣﺘﺪﻳﻴﻦ ... ﻣﺜﻞ ﺍﺑﻠﻴﺲ ﻳﻌﻠﻢ ﻭﻟﺪﻩ ﻋﻠﺊ ﺍﻟﺼﻼﺓ ﻭﻫﻮ ﻣﻴﺼﻠﻲ ...
ﺍﺟﺖ ﺯﻧﻮﺑﻪ ﺗﺮﻛﺾ ﻛﺎﻟﺖ ... ﺗﻮﺗﻪ ﺑﻴﺒﻲ ﺗﺮﻳﺪﺝ ﺩﻭﻝ ﺍﻡ ﺭﺍﺿﻲ ﺗﻠﻴﺪ ﺗﺴﻮﻓﺞ .. « ﺗﻮﺗﻪ ﺑﻴﺒﻲ ﺗﺮﻳﺪﺝ ﺩﻛﻮﻝ ﺍﻡ ﺭﺍﺿﻲ ﺗﺮﻳﺪ ﺗﺸﻮﻓﺞ ... »
ﻛﻠﺘﻠﻬﺎ ﺑﺘﺬﻣﺮ ... ﺍﻫﻮﻭﻭ ﺷﺠﺎﺑﻬﺎ ﺩﻋﻮﺷﻪ ﻛﻠﻴﻠﻬﺎ ﺩﺗﺴﺒﺢ ...
ﻫﻲ ﻃﻠﻌﺖ ﺗﺮﻛﺾ ﻭﺩﺧﻠﺖ ﻟﻼﺳﺘﻘﺒﺎﻝ ﻭﺍﻧﻲ ﺭﺣﺖ ﻭﺭﺍﻫﺎ ﺍﺑﺎﻭﻉ ﻣﻦ ﻃﺮﻑ ﺍﻟﺒﺮﺩﻩ ﻣﻦ ﺍﻟﺸﺒﺎﻙ ...
ﻛﺎﻟﺖ .. ﺑﻴﺒﻲ ﺩﻭﻝ ... ﺍﻫﻮﻭﻭ ﻫﻢ ﺍﺩﺕ ﺩﻋﻮﺷﻪ ﺩﻟﻴﻠﻬﺎ ﺩﺍﻋﺪ ﺍﺑﺢ ... « ﺑﻴﺒﻲ ﺩﻛﻮﻝ ﺍﻫﻮ ﻫﻢ ﺍﺟﺖ ﺩﻋﻮﺷﻪ ﻛﻠﻴﻠﻬﺎ ﺩﺍ ﺍﺳﺒﺢ »
ﻟﻄﻤﺖ ﺻﺪﺭﻱ ﺑﻔﺰﻉ ﺻﺨﺎﻡ ﺑﻮﺟﻬﻲ ﺯﻧﻮﺑﻪ ﻻﺻﺘﻬﺎ ...
ﻣﺤﻤﺪ ﺗﺪﺍﺭﻙ ﺍﻟﻤﻮﺿﻮﻉ ﺷﺎﻟﻬﺎ ﻭﺑﺎﺳﻬﺎ ﺑﺨﺪﻫﺎ
ﺍﻡ ﺭﺍﺿﻲ ﻛﺎﻟﺖ .. ﺷﺪﻛﻮﻝ
ﻣﺤﻤﺪ ﺿﺤﻚ ﻛﻠﻬﺎ ﺩﻛﻮﻝ .. ﺩﺗﺴﺒﺢ ..
ﺍﻡ ﺭﺍﺿﻲ ﺿﺮﺑﺖ ﺍﻳﺪ ﺑﺄﻳﺪ ﻭﻛﺎﻟﺖ ... ﻣﺪﺭﻱ ﺷﻠﻮﻥ ﺗﺰﻭﺟﻬﺎ ﺍﺑﺎﺫﺭ ﺷﻮ ﻣﺴﻮﻱ ﺭﻭﺣﻪ ﻋﻠﺊ ﺭﺍﺿﻲ ﺑﺲ ﻫﻮ ﻭﺑﺲ ﻭﻫﻮ ﺍﺧﺬ ﻭﺣﺪﻩ ﺍﻧﻬﺰﻣﺖ ﻣﻨﻪ ﻭﺭﺟﻌﻬﺎ ﻣﺪﺭﻱ ﺑﻨﺖ ﻣﺪﺭﻱ ﺭﺍﺣﺖ ﻧﺎﻣﺖ ﻭﻳﻪ ﻏﻴﺮﻩ
ﺣﺴﻴﺖ ﺩﺧﺎﻥ ﻃﻠﻊ ﻣﻦ ﻭﺟﻬﻲ ﺍﻻﺩﺏ ﺳﺰ ﺷﺘﺮﻳﺪ ﻣﻨﻲ ﺍﻟﻜﻠﺒﻪ ﺍﻟﻌﺎﺭ ﻭﺍﻟﻠﻪ ﺍﻃﻴﺢ ﺣﻀﻬﺎ ﻭﺣﻆ ﺍﺑﻨﻬﺎ ﺭﻭﻳﻀﻲ ﻋﺒﺎﻟﻬﺎ ﺍﻧﻲ ﻫﺒﻪ ﺍﺳﻜﺖ ﺍﻟﻬﺎ ﻭﺍﺧﺎﻑ ﻣﻨﻬﺎ ...
ﻋﻤﺘﻲ ﺟﺎﻭﺑﺘﻬﺎ ﺑﻐﻀﺐ ... ﻛﻮﻟﻲ ﻳﺎﻟﻠﻪ ﻭﺍﻟﻠﻪ ﻳﺴﻤﻊ ﺍﺑﺎﺫﺭ ﻳﺤﺮﻙ ﺍﻟﺒﻴﺖ ﺑﻴﻜﻢ ﺷﻨﻮ ﻧﺎﻣﺖ ﻭﻳﻪ ﻭﺍﺣﺪ ﻫﻲ ﺯﻋﻠﺖ ﻣﻨﻪ ﻭﺭﺍﺣﺖ ﺍﻟﺨﺎﻟﺘﻬﺎ ﺭﻏﻢ ﻟﺼﺎﺭ ﺑﻬﺒﻪ ﺑﺲ ﺑﻨﺎﺕ ﺍﺑﻮ ﻫﺸﺎﻡ ﺷﺮﻳﻔﺎﺕ ﻣﺎ ﻋﻨﺪﻫﻦ ﻭﺣﺪﻩ ﻣﻦ ﺛﻨﻴﻦ ﺑﺲ ﻫﻨﻪ ﻣﺎﻟﻬﻦ ﺣﻆ ﺑﺎﻟﺪﻧﻴﺎ ...
ﻭﺍﻡ ﺭﺍﺿﻲ ﺍﺫﺍ ﺍﻧﺘﻲ ﻧﺎﻭﻳﻪ ﻋﻠﺊ ﺍﻟﻤﺸﺎﻛﻞ ﺗﺮﺉ،ﻣﻦ ﻫﺴﻪ ﺍﻛﻠﺞ ﺍﺑﺎ ﺫﺭ ﻣﻮ ﻣﺜﻞ ﺻﺒﺎﺡ ﺫﺍﻙ ﻣﺴﻮﺩﻥ ﻭﺑﻴﺪ ﺭﺍﺿﻲ ﺑﺲ ﻫﺬﺍ ﻋﺎﻗﻞ ﻭﻋﻘﻠﻪ ﺑﺮﺍﺳﻪ ﻭﺍﻟﺤﻴﻪ ﻟﻴﺤﺴﻬﺎ ﺗﻠﺪﻏﻪ ﻳﻜﺺ ﺭﺍﺳﻬﺎ ﻭﻳﻌﻠﻜﻪ ﺑﺮﻛﺒﺘﻬﺎ ...
ﺭﺩﺕ ﺑﺨﺒﺚ ... ﺟﺎﺍﺍ ﻣﺎ ﻛﺺ ﺭﺍﺱ ﺍﻟﺤﻴﻪ ﺗﻮﻳﺠﻪ ﺍﻡ ﺍﻟﺰﻟﻢ ..
ﻣﺤﻤﺪ ﻛﻠﻬﺎ .. ﺍﻡ ﺭﺍﺍﺍﺍﺍﺍﺍﺿﻲ ﺍﺣﺘﺮﻣﻲ ﻧﻔﺴﺞ ﻣﻬﻤﺎ ﻳﻜﻮﻥ ﺗﺎﺝ ﺑﻨﺖ ﻋﻤﻲ ﻭﻋﺮﺿﻲ ﻗﺒﻞ ﻻ ﺗﻜﻮﻥ ﺯﻭﺟﺔ ﺍﺑﺎﺫﺭ ...
ﺍﻧﻲ ﻣﺘﺤﻤﻠﺖ ﺩﺧﻠﺖ ﻋﻠﻴﻬﺎ ﻫﻲ ﺑﺎﻭﻋﺘﻠﻲ ﻣﻦ ﻓﻮﻙ ﻟﻴﺠﻮﻩ ﻛﺎﻟﺖ .. ﻋﺸﺘﻮﻭ ﻣﻮ ﺗﺴﺒﺤﻴﻦ
ﺟﺎﻭﺑﺘﻪ ﺑﺤﻘﺪ ﻭﻗﻬﺮ ... ﺳﺒﺤﻮﺝ ﺑﺘﻴﺰﺍﺏ ﻭﻟﻔﻮﺝ ﺑﺠﻔﻦ ﻭﺩﻓﻨﻮﺝ ﺑﺎﻟﺰﺑﻞ ﻳﺎ ﺗﺎﻓﻬﻪ ﺍﻧﺘﻲ ﺷﻨﻮ ﻭﺗﺤﺠﻴﻦ ﻋﻠﻴﻪ ﺍﻧﺘﻲ ﻭﺍﺑﻨﺞ ﻣﺎ ﺍﻋﺘﺮﻑ ﺑﻴﻜﻢ ﺑﻔﻠﺲ ﺗﺠﻴﻦ ﻫﻨﺎ ﺗﺤﺘﺮﻣﻴﻦ ﻧﻔﺴﺞ ﻣﻌﺎﺟﺒﺞ ﺍﻃﻠﻌﻲ ﺑﺮﻩ ﻧﺎﺱ،ﻃﻤﺎﻋﻪ
ﻫﻲ ﺗﺨﺒﻠﺖ ﻭﻛﻔﺖ ﻫﻲ ﺑﻌﺼﺒﻴﻪ ﻭﻋﻴﻮﻧﻬﺎ ﻧﻄﺖ ... ﻭﻟﺞ ﺣﻘﻴﻴﺮﻩ ﺩﺍﻳﺤﻪ ﺑﻴﺞ ﺧﻴﺮ ﻣﺎ ﺍﻧﻬﺰﻣﺘﻲ ﻣﺪﺭﻱ ﻣﻦ ﻳﺎ ﻣﻠﻬﺊ ﺟﺎﺑﺞ ﻭﺳﺘﺮ ﻋﻠﻴﺞ ﺍﻣﻬﺎﺕ ﺍﻟﺴﺤﻮﺭﻩ ﻭﺍﻟﻠﻪ ﺍﻟﻪ ﺍﺧﻠﻲ ﺍﺑﺎ ﺫﺭ ﻳﻄﻴﺢ ﺣﻀﺞ ..
ﺭﺩﻳﺖ ﻋﻠﻴﻬﺎ ... ﻳﻤﻤﻤﻪ ﻳﻤﻤﻤﻪ ﺧﻔﺖ ﻋﺸﺘﻮﻭﻭ ﺿﻠﻴﺖ ﺍﺭﺟﻒ ﻫﻼﻭﻭ ﻭﺍﻟﻠﻪ ﻣﺎ ﺍﺧﺎﻑ ﻣﻦ ﺍﻛﺒﺮ . ﻭﺍﺣﺪ
ﻭﻳﻪ ﻣﺤﺠﻴﺖ ﻫﻴﺞ ﻫﻮ ﺩﺧﻞ ﻋﺎﻁ ﺑﻌﺼﺒﻴﻪ ﻛﺎﻝ ... ﺷﻜﻮﻭﻭ ﺻﻮﺗﺠﻦ ﻟﻠﺸﺎﺭﻉ ...
ﺍﻧﻲ ﺟﻤﺪﺕ ﺑﻤﻜﺎﻧﻲ ﻭﺍﻡ ﺭﺍﺿﻲ ﺍﺳﺘﻐﻠﺖ ﺍﻟﻔﺮﺻﻪ
ﻛﺎﻟﺖ ﺑﻨﺤﻴﺐ ... ﺷﻮﻑ ﻣﺮﺗﻚ ﻫﺎﻱ ﺍﻟﻤﺎ ﺗﺨﺎﻑ ﻣﻦ ﺍﻟﻠﻪ ﻃﺮﺩﺗﻨﻲ ﺍﻛﻠﻬﺎ ﺍﻛﻞ ﻻﺑﺎﺫﺭ ﻋﻠﻴﺞ ﺩﻛﻮﻝ ﻣﺎ ﺍﺧﺎﻑ ﻣﻨﻪ ﻋﻤﻲ ﺣﻘﻬﺎ ﻭﻳﻦ ﺗﺨﺎﻑ ﻣﻨﻚ ﺍﺫﺍ ﻫﻲ ﺍﻧﻬﺰﻣﺖ ﺣﺘﺊ ﺭﺍﺷﺪﻱ ﻣﻀﺮﺑﺘﻬﺎ
ﻫﻮ ﺟﺮ ﻧﻔﺲ ﻭﺟﺎﻭﺑﻬﺎ ﺑﻬﺪﻭﺀ ... ﺍﻡ ﺭﺍﺍﺍﺍﺿﻲ ... ﻫﺬﺍ ﺍﻟﺸﺊ ﺧﺎﺹ ﺑﻴﻨﻪ ﺍﺿﺮﺑﻬﺎ ﻣﺎ ﺍﺿﺮﺑﻬﺎ ﻣﺎ ﺍﺭﻳﺪ ﺍﻱ ﺷﺨﺺ ﻳﺘﺪﺧﻞ ... ﻭﺑﻌﺪﻳﻦ ﺳﺎﻟﻔﺔ ﺍﻧﻬﺰﻣﺖ ﻭﺍﻟﻠﻪ ﺍﻟﻲ،ﻳﻌﻴﺪﻫﺎ ﺍﻛﺺ ﻟﺴﺎﻧﻪ ﻭﺍﻋﻠﻜﻪ ﺑﺮﮔﺒﺘﻪ ﻣﺎﻛﻮ ﺩﺍﻋﻲ ﺍﺑﺮﺭ ﺍﻟﺞ ﺍﻡ ﺭﺍﺿﻲ ... ﺗﺠﻴﻦ ﻫﻨﺎ ﺗﻜﻌﺪﻳﻦ ﺑﺎﺣﺘﺮﺍﻡ ﺍﺫﺍ ﻧﺎﻭﻳﻪ ﻣﺜﻞ . ﺭﻭﻳﻀﻲ ﺗﺴﻴﻄﺮﻳﻦ ﻋﻠﻴﻨﻪ .. ﻓﺈﻧﺘﻲ ﻏﻠﻄﺎﻧﻪ ..
ﻫﻲ ﺿﻠﺖ ﺗﺤﺠﻲ ﻭﺗﺒﺮﺭ
ﺍﻣﺎ ﺍﻧﻲ ﺳﺤﺒﻨﻲ ﻣﻦ ﺍﻳﺪﻱ ﻭﻃﻠﻌﻨﻲ ﻣﺸﻪ ﺑﺴﺮﻋﻪ ﻭﺍﻧﻲ ﺍﺑﺎﻭﻋﻠﻪ ﻋﺒﺎﻟﻚ ﺯﻋﻄﻮﻃﻪ ﺍﺭﻛﺾ ﻭﺭﺍﻩ ..
ﺩﺧﻠﻨﻲ ﺑﺎﻟﻐﺮﻓﻪ ﺍﻡ ﺟﺮﺑﺎﻳﺔ ﻧﻔﺮ ﻭﺍﺣﺪ ...
ﺩﻓﻌﻨﻲ ﻋﻠﺊ ﺍﻟﺠﺮﺑﺎﻳﻪ ﻛﺎﻝ .. ﻟﺞ ﺍﻧﺘﻲ ﺷﻨﻮ ﺑﻌﺪﺝ ﺍﻭﻝ ﻳﻮﻡ ﻋﺎﺭﻛﺘﻲ ﻟﺞ ﺷﻠﻮﻭﻭﻥ ﺑﻴﺞ ﻣﺘﻜﺪﺭﻳﻦ ﺗﺴﻜﺘﻴﻦ ...
ﺟﺎﻭﺑﺘﻪ ﺑﻌﺼﺒﻴﺔ ... ﻻ ﻣﺎﺍﻛﺪﺭ ﺗﻐﻠﻂ ﻋﻠﻴﻪ ﻭﺍﺳﻜﺖ ﻭﻣﺎ ﺍﺧﺬ ﺣﻘﻲ ﻣﺎﺍﻛﺪﺭ ...
ﺭﺩ ﺑﻌﺼﺒﻴﺔ ... ﺳﺪﻱ ﺣﻠﻜﺞ ﺷﻮﻭﻭﻳﻪ ﻣﺤﻤﺪ ﻳﺮﺩ ﺍﻣﻲ ﺗﺮﺩ ﺍﻧﻲ ﺍﺟﻲ ﺍﺧﺬ ﺣﻘﺞ .. ﻻﻥ ﺍﻧﺘﻲ ﺗﺎﻓﻬﻪ ﻭﺗﻀﻴﻌﻴﻦ ﺣﻘﺞ ﺑﻄﻮﻟﺔ ﻟﺴﺎﻧﺞ ﻭﻟﺞ ﺟﻨﺞ ﺑﺮﻏﻲ ﻭﻟﺴﺎﻧﺞ ﺍﻃﻮﻝ ﻣﻨﺞ
ﺟﺮﻳﺖ ﻧﻔﺲ ﺣﺴﻴﺖ ﻧﻔﺴﻲ ﺩﺍ ﺍﺑﺠﻲ ﻫﻮ ﺩﻓﻌﻨﻲ ﻭﺭﺍﺡ ...
ﻫﻤﺴﺖ ﺑﻜﻠﺒﻲ ... ﺩﺭﻭﺡ ﺍﻧﺖ ﻭﺩﻋﻮﺷﻪ ﻭﺍﻟﻠﻪ ﺍﺭﺩ ﻟﻌﺪ ﺷﻨﻮ ﺍﺿﻢ ﺑﻜﻠﺒﻲ ﻭﺍﻧﻮﺑﻪ ﺍﻧﺘﺤﺮ ...
ﺣﻀﻨﺖ ﺍﻟﺴﺮﻳﺮ ﺍﻟﻴﻮﻡ ﺍﻟﻪ ﺍﺧﻠﻲ ﻳﻨﺎﻡ ﻋﻠﺊ ﺍﻟﻜﺎﻉ ﻟﻮ ﻳﺴﺤﻠﻨﻲ ﺳﺤﻞ ﻣﺎ ﺍﻛﻮﻡ ...
..............................
ﺭﺟﻌﺖ ﻣﻦ ﺍﻟﻤﺪﺭﺳﻪ ﻭﺍﻟﺠﻨﻄﻪ ﻫﺎﻟﻜﻪ ﺿﻬﺮﻱ ﺩﻛﻮﻝ ﻭﺣﺪﻩ ﺯﻋﻼﻧﻪ ﻭﻣﺎﺧﺬﻩ ﺍﻏﺮﺍﺿﻬﺎ ﻭﻃﺎﻟﻌﻪ ﻣﻮ ﺟﻨﻄﻪ ﻓﻠﻚ ﺍﺳﻮﻭﺩ ...
ﻭﺻﻠﺖ ﻟﺒﺎﺏ ﺑﻴﺘﻨﻪ ﻭﻣﺎ ﺍﺣﺲ ﺍﻟﻪ ﻣﺎﻃﻮﺭ ﻃﺎﻳﺮ ﻫﻮ ﻭﺻﺎﺣﺒﻪ ﺍﺟﻪ ﻳﻄﻴﺮﻧﻲ ﺍﻧﻲ ﻭﺟﻨﻄﺘﻲ ...
ﺑﺎﻭﻋﺘﻠﻪ ﺑﻌﺼﺒﻴﺔ ﻭﻫﻮ ﺑﺎﻭﻋﻠﻲ ﺑﺬﻭﺑﺎﻥ ...
ﻛﺘﻠﻪ .. ﺍﺟﻴﺖ ﺗﺪﻋﻤﻨﻲ ﺍﻧﺖ ﻭﻣﺎﻃﻮﺭﻙ
ﺍﺑﺘﺴﻢ ﺑﺬﻭﺑﺎﻥ ﻭﻛﺎﻝ ... ﺍﻛﻮﻭ ﻭﺍﺣﺪ ﻳﺪﻋﻢ ﺭﻭﺣﻪ ﺍﻭﻭﻑ ﺭﺑﻲ ﻣﺮﻩ ﺷﺎﺭﺩﻩ ﻣﻦ ﺍﻟﺠﻨﻪ ﺻﺢ ﺧﺸﻤﺞ ﺟﺒﻴﺮ ﺑﺲ ﺑﺸﺮﻓﻲ ﺍﺣﻠﺊ ﺧﺸﻢ ﺷﻔﺘﻪ ﺑﺤﻴﺎﺗﻲ ... ﺗﻨﺎﻓﺴﻴﻦ ﻓﺮﺣﺔ ﺍﻟﺰﻫﺮﻩ ﺑﺎﻟﺠﻤﺎﻝ ..
ﻫﺰﻳﺖ ﺭﺍﺳﻲ ﺑﺎﺳﺊ ﻭﺩﺧﻠﺖ ﺷﻜﺪ ﻗﻠﻴﻞ ﺍﺩﺏ ﺻﺎﺡ ﻋﻠﻴﻪ ... ﻋﺼﻮﻣﻲ ﻣﻮﺟﻮﺩ
ﺩﺭﺕ ﻭﺟﻬﻲ ﻋﻠﻴﻪ ﻣﺼﺪﻭﻣﻪ ﺷﻨﻮ ﻫﻞ ﻣﻴﺎﻧﻪ ﻋﻤﻮ ﻣﻴﻘﺒﻞ ﻭﺍﺣﺪ ﻳﺪﻟﻌﻪ ﻭﻳﻜﺴﺮ ﺍﺳﻤﻪ ﺣﺘﺊ ﺑﻴﺒﻲ ﻫﺬﺍ ﺷﻨﻮﻭ ﻣﻦ ﻣﻠﻪ
ﻫﻤﺴﺖ ... ﺷﻨﻮ ﻫﻞ ﻣﻴﺎﻧﻪ
ﺭﺩ ﺑﻀﺤﻜﻪ ... ﺷﻴﻘﺮﺑﻠﺞ ﻋﺼﻮﻡ ﺑﺲ ﻻ ﻣﺮﺗﻪ ﺑﺎﻟﻘﺮﺍﻥ ﺍﻃﻴﺮ ﻃﻴﻮﺭﻱ ﻛﻠﻬﻢ ﻭﺍﺳﺘﻘﻴﻞ ..
ﺟﺎﻭﺑﺘﻪ ... ﻳﺼﻴﺮ ﻋﻤﻮ
ﻋﺾ ﺷﻔﺘﻪ ﺑﺴﺨﺎﻓﻪ ... ﺍﺭﻭﺣﻠﺞ ﻓﺪﻭﻩ ﺍﻧﺘﻲ ﻭﻋﻤﺞ
ﺗﻌﺼﺒﺖ ﺣﻴﻴﻞ ... ﺍﻧﺖ ﻣﺎﻋﻨﺪﻙ ﺍﻫﻞ
ﻛﺎﻝ ﺑﺮﻭﻣﺎﻧﺴﻴﻪ ... ﻻ ﻭﺍﻟﻠﻪ ﻣﺎﻋﻨﺪﻱ ﻛﺎﻟﻮ ﺧﻠﻲ ﺗﺘﺒﻨﺎﻙ ﺑﻨﺖ ﺍﺧﻮ ﻋﺼﻮﻭﻡ ..
ﻫﺰﻳﺖ ﺍﻳﺪﻱ ﻭﺩﺧﻠﺖ ﺟﻮﻩ ﻭﺍﻟﻠﻪ ﻳﺎﻟﻠﻪ ﺍﺗﺒﻨﺎﻟﻲ ﺛﻮﻭﺭ ﻫﺎﻱ ﺍﻟﻌﺎﻳﺰﻩ ...
ﺩﺧﻠﺖ ﻟﻜﻴﺖ ﻋﻤﻮ ﻣﺘﻤﺪﺩ ﻋﻠﺊ ﺍﻟﻘﻨﻔﻪ ﻭﻻﺯﻡ ﺍﻟﺮﻳﻤﻮﻧﺖ ﻛﺘﻠﻪ ﻋﻤﻮ ﻭﺍﺣﺪ ﺍﺟﻪ ﺑﻤﺎﻃﻮﺭ ﻳﺮﻳﺪﻙ ...
ﻋﻤﻮ ﺑﺴﺮﻋﻪ ﻭﻛﻒ ﻭﻃﻠﻊ ﺑﺮﻩ ﻭﺍﻧﻲ ﺭﺣﺖ ﺑﺪﻟﺖ ﻭﺷﻤﺮﺕ ﺟﻨﻄﺘﻲ ...
ﺧﺎﺑﺮﺕ ﺧﺎﻟﺘﻲ ﺩﻋﺎﺀ ﻗﻔﻠﺘﻪ ﻋﻠﻴﻬﺎ ﻫﺎﻱ ﺧﺎﻟﺘﻲ ﻭﺣﺪﻩ ﺗﺎﺍﺍﺍﻓﻬﻪ ﻭﻫﻤﻬﺎ ﺑﺲ ﻣﻴﻚ ﺃﺏ ﻭﻟﺒﺲ ﻭﺟﺎﻧﺖ ﺗﺤﺐ ﻋﻤﻮ ﻭﻫﻮ ﻣﻤﻨﻄﻴﻬﺎ ﻣﺠﺎﻝ ﺭﻏﻢ ﻫﻲ ﺣﻠﻮﻩ ... ﻭﺑﺼﺮﺍﺣﻪ ﺍﻛﺜﺮ ﺧﺎﻻﺗﻲ ﺍﺣﺒﻬﺎ ﻻﻥ ﺷﻮﻳﻪ ﺭﻏﻢ ﺗﺎﻓﻬﻪ ﺑﺲ ﺛﻮﻟﻪ ﺷﺨﺼﻴﺘﻬﺎ ﻋﺠﻴﺒﻪ ..
ﻫﻲ ﺍﻛﺒﺮ ﻣﻦ ﺗﺎﺝ ﺑﺨﻤﺲ ﺳﻨﻮﺍﺕ ﻭﻣﺘﺨﺮﺟﻪ ﻣﻦ ﺍﻟﺠﺎﻣﻌﻪ ...
ﻃﻠﻌﺖ ﻟﻜﻴﺖ ﻣﺎﻣﺎ ﺗﺼﺐ ﻏﺪﻩ ﻭﻫﺸﺎﻡ ﻭﺑﺎﺑﺎ ﻛﻠﻤﻦ ﺑﻐﺮﻓﺘﻪ ...
ﺻﺒﺖ ﻣﺎﻣﺎ ﺟﺎﻱ ﻭﺍﻧﻲ ﺍﺧﺬﺗﻪ ﺩﻛﻴﺖ ﻟﺒﺎﺏ ﻭﺍﺟﻪ ﻋﻤﻮ ﺍﺧﺬﻩ
ﺿﻠﻴﺖ ﻭﺍﻛﻔﻪ ﺳﻤﻌﺖ ﻋﻤﻮ ﻛﺎﻝ ... ﺍﻱ ﺷﺘﻌﺮﻑ ﻋﻨﻬﺎ ﻳﻌﻨﻲ ﺍﺧﻼﻗﻬﺎ ﺗﺮﺑﻴﺘﻬﺎ ﺷﻨﻮ ﻫﻲ ...
ﻫﻮ ﺟﺎﻭﺏ ﺳﻴﺪﻱ ... ﺧﻠﻘﻪ ﻭﺍﺧﻼﻕ ﺑﺎﻟﻘﺮﺍﻥ ﺧﻠﻘﻪ ﻣﺘﻌﻮﺏ ﻋﻠﻴﻬﺎ ﻣﻮﻟﻮﺩﻩ ﺑﻔﺮﺣﺔ ﺍﻟﺰﻫﺮﻩ ﻏﻴﺮ ﺗﺠﻨﻦ
ﻋﻤﻮ ﺭﺩ ﻋﻠﻴﻪ ﺑﺘﺬﻣﺮ ... ﺍﺩﺭﻱ ﺣﻠﻮﻩ ﺍﺧﻼﻗﻬﺎ ﺷﻠﻮﻭﻧﻬﺎ
ﺭﺩ ﺑﺴﺮﻋﻪ ... ﻭﺍﻟﻠﻪ ﺳﻴﺪﻱ ﺍﺷﺮﻑ ﻭﺣﺪﻩ ﺑﺎﻟﻤﻨﻄﻘﻪ ﻫﻲ ﻭﺍﻣﻲ ﻭﺍﻟﺒﺎﻗﻲ ﻛﻠﻬﻦ ﺯﺑﺎﻟﻪ ﺍﻧﻲ ﻣﻄﻴﺮﺟﻲ ﻭﺍﻋﺮﻑ ﺍﻟﻤﻨﻄﻘﻪ ﺷﺒﺮ ﺷﺒﺮ ..
ﻭﺑﻌﺪﻫﺎ ﻛﺎﻝ ... ﺷﻨﻮ ﺳﻴﺪﻱ ﺗﺮﻳﺪ ﺗﺰﻭﺟﻬﺎ ﺑﺎﻟﻘﺮﺍﻥ ﺷﻜﺪ ﺍﻣﺪﺡ ﺑﻴﻚ ﻛﺪﺍﻣﻬﺎ ﺍﻛﻠﻬﺎ ﺷﻨﻮ ﻣﻦ ﺭﺟﺎﻝ ﺷﻬﺎﻣﻪ ﻏﻴﺮﻩ ﺭﺟﻮﻟﻪ ﻭﻣﺮﻛﺰ ... ﺑﺲ ﻫﻲ ﺩﻛﻮﻝ ﺷﻜﻠﻪ ﻣﺎﻝ ﻭﺍﺣﺪ ﻳﺒﻴﻊ ﻃﺮﺷﻲ ...بيج قصص عراقيه حقيقيه من واقعنا.روعه الطائي......
ﻋﻤﻮ ﻛﻠﻪ ... ﺍﺳﻜﺖ ﻟﻚ ﻻ ﺗﻜﻌﺪ ﺗﺴﻔﻂ ﻫﺴﻪ ﻛﻠﻲ ﻫﻲ ﻫﻢ ﺗﻄﻠﻊ ﻋﻨﺪﻫﺎ ﻋﻼﻗﻪ ﺑﺎﻟﻌﺎﻟﻢ ...
ﻣﺴﻠﻢ ... ﻻ ﺳﻴﺪﻱ ﻣﻦ ﺍﻟﺴﻄﺢ ﻟﻠﺒﻴﺖ ﻻ ﺗﻄﻠﻊ ﻭﻻ ﺗﻄﺐ ﻭﻣﻌﺘﻤﺪﻩ ﻋﻠﻴﻪ ﺻﺎﻳﺮ ﺍﻟﻬﺎ ﺍﻟﻌﻨﻜﺒﻮﺕ ... ﺳﻴﺪﻱ ﺍﻧﺼﺤﻚ ﺍﺗﺰﻭﺟﻬﺎ ﺑﺎﻟﻘﺮﺍﻥ ﺗﻨﺠﻠﻂ ﻣﻦ ﺗﺸﻮﻓﻚ ﺭﺟﻮﻟﻪ ﻭﺟﻤﺎﻝ ﻗﺎﺑﻞ ﺍﺑﻮ ﻋﺪﻭﻳﻪ ﻟﻮ ﺍﻧﻲ ﻣﺮﻩ ﻭﺍﺷﺒﻪ ﺍﻡ ﻋﺒﺪﺍﻟﻠﻪ ﻭﻳﺨﻄﺒﻨﻲ ﺍﺑﻮ ﻋﺪﻭﻳﻪ ﻣﺎﺍﻗﺒﻞ ...
ﻋﻤﻮ ﺭﺩ ... ﻟﻚ ﺷﺰﻭﺟﻬﺎ ﺍﻧﻲ ﺍﺭﻳﺪ ﺍﺳﺎﻋﺪﻫﺎ ﻣﺪﺍﻡ ﺩﻛﻮﻝ ﺧﻮﺵ ﺑﻨﻴﻪ ﻣﺸﻜﻮﺭ ﻣﺎ ﻗﺼﺮﺕ ...
ﻣﺴﻠﻢ ... ﺻﺪﻙ ﺟﺬﺏ ﺑﺎﻟﻘﺮﺍﻥ ﺍﻣﺪﺡ ﺑﻴﻚ ﻟﻴﻞ ﻭﻧﻬﺎﺭ ﻭﺭﻭﺡ ﺍﺑﻮﻱ ﺍﻟﻤﺎﺕ ﻭﻣﺎ ﺿﺎﻙ ﺍﻻﻧﺪﻭﻣﻲ ...
ﺍﻧﻲ ﺧﻠﻴﺖ ﻭﺭﺣﺖ ﺍﻓﻜﺮ ﻳﺎﺭﺑﻲ ﺑﺲ ﻻ ﻫﺎﻱ ﻟﺒﻨﻴﻪ ﺍﻟﻲ ﺣﺠﻮ ﻋﻨﻬﺎ ﻭﺍﺑﺎﺫﺭ ﺩﻳﺮﻳﺪ ﻳﺘﺰﻭﺟﻬﺎ ﻣﺼﻴﺒﻪ ﺍﻧﻮﺏ ﺣﻠﻮﻭﻩ ﻳﺒﻮﻭﻭ ﺭﻭﺣﻲ ﺗﺎﺝ ﺳﻴﺴﺘﻲ ....
..........................
ﺿﻠﻴﺖ ﻻﺯﻣﻪ ﺣﺮﺍﺳﻪ ﺍﻟﺠﺮﺑﺎﻳﻪ ﺫﺍﺕ ﺍﻟﻨﻔﺮ ﺍﻟﻮﺍﺣﺪ ﻭﺻﺎﻣﺪﻩ ﺑﻘﻮﻩ ﻫﻮ ﻳﻨﺎﻡ ﻋﻠﺊ ﺍﻟﻜﺎﻉ ﻭﺍﻧﻲ ﻋﻠﻴﻬﺎ ...
ﺿﻠﻴﺖ ﻣﻨﺘﻈﺮﻩ ﻣﻨﺘﻈﺮﻩ ﻣﺎﻛﻮﻭ ﺑﻌﺪﻫﺎ ﻏﻔﻴﺖ ﻭﻧﻤﺖ ...
ﻛﻌﺪﺕ ﺍﻟﺼﺒﺢ ﻋﻠﺊ ﺻﻮﺕ ﺯﻫﻮﺭﻩ ﺣﺒﻴﺒﺘﻲ ﺗﺒﺠﻲ ...
ﻭﻛﻔﺖ ﺑﺴﺮﻋﻪ ﺷﻠﺘﻬﺎ ﻭﺑﺴﺘﻬﺎ ﺳﻮﻳﺖ ﺍﻟﻬﺎ ﻣﻤﻪ ﻭﺩﺍ ﺍﺭﺿﻌﻬﺎ ﺑﺎﻭﻋﺖ ﻟﻠﺴﺎﻋﻪ ﺑﺜﻤﺎﻧﻴﻪ ﻭﻧﺺ ...
ﺍﻧﺼﺪﻣﺖ ﻣﻌﻘﻮﻟﻪ ﻣﺎ ﺍﺟﻪ ﻟﻌﺪ ﻭﻳﻦ ﺭﺍﺡ ....
ﻃﻠﻌﺖ ﻣﻦ ﺍﻟﻐﺮﻓﻪ ﺑﻌﺪ ﻣﺎ ﻛﻤﻠﺖ ﺯﻫﻮﺭﻩ ﻭﻏﺴﻠﺖ ﻭﺟﻬﻪ ﺷﻔﺘﻪ ﻃﻠﻊ ﻣﻦ ﻏﺮﻓﻪ ﺛﺎﻧﻴﻪ ﺟﺎﻧﺖ ﻣﺘﺮﻭﻛﻪ ...
ﻓﺘﺤﺖ ﻋﻴﻮﻧﻲ ﻣﺼﺪﻭﻣﻪ ... ﻋﺎﺯﻝ ﻏﺮﻓﺘﻪ ﻭﻋﻠﻨﻲ ﻛﺪﺍﻡ ﺍﻟﻜﻞ ﻫﻬﻪ ﺷﻜﺪ ﺧﺒﻴﺚ ﻋﺴﺎﺱ ﻣﻴﺘﻪ ﻋﻠﻴﻪ ﻳﺎﻟﻠﻪ ﺧﻔﺘﺎ ﻭﺭﺍﺣﻪ ...
ﺑﺲ ﻣﺎﺍﻋﺮﻑ ﺷﺼﺎﺭ ﺑﻴﻪ ﺍﺣﺲ ﻧﺎﺭ ﻣﺸﺘﻌﻠﻪ ﺑﺼﺪﺭﻱ ﻣﺘﺖ ﻣﺎﺍﻋﺮﻑ ﺷﺒﻴﻪ ﻛﺮﻫﺘﻪ ﻓﻮﻡ ﻛﺮﻫﻲ ﺍﻟﻪ ...
ﻃﻠﻊ ﺑﺪﻭﻥ ﻣﺎ ﻳﺘﺮﻳﻚ ﻭﺍﻧﻲ ﺩﺧﻠﺖ ﻟﻠﻤﻄﺒﺦ ﺷﻔﺖ ﻋﻤﻪ ﻭﺍﻛﻔﻪ ﺗﺴﻮﻱ ﺟﺎﻱ ﺻﺒﺤﺖ ﻋﻠﻴﻬﺎ ﻭﺳﻮﻳﺖ ﻭﻳﺎﻫﺎ ﺭﻳﻮﻙ
ﻛﺎﻟﺖ ... ﺗﺎﺝ ﻋﻤﻪ ﺍﺑﺎﺫﺭ ﻣﻮ ﻣﺜﻞ ﺻﺒﺎﺡ ﻗﺒﻞ ﻋﺰﻟﺘﻲ ﻧﻔﺴﺞ ﺭﺿﻴﻨﻪ ﻛﻠﻨﻪ ﺟﺎﻥ ﺯﻭﺝ ﺍﺧﺘﺞ ﻭﻋﻨﺪﺝ ﺭﺩﺓ ﻓﻌﻞ ﻣﻨﻪ ﻫﺴﻪ ﺷﺒﻴﺞ ﻭﻳﻪ ﺍﺑﺎﺫﺭ ﻳﻜﻮﻝ ﻫﻲ ﻫﻴﺞ ﺗﺮﻳﺪ ..
ﺑﻠﻌﺖ ﺭﻳﻜﻲ ﻓﻮﻙ ﺷﻴﻨﻪ ﺟﺬﺍﺏ ...
ﺟﺎﻭﺑﺘﻪ ﺑﺘﻠﻌﺜﻢ ... ﻋﻤﻪ ﺑﻌﺪﻧﻲ ﺧﺎﻃﺮﻱ ﻣﻜﺴﻮﺭ ﺍﻧﻲ ﺍﺻﻼ ﺗﺰﻭﺟﺖ ﺍﻟﺨﺎﻃﺮ ﺑﻨﺎﺕ ﻫﺒﺎﻭﻱ ﺍﻟﻠﻪ ﻳﺮﺣﻤﻬﺎ
ﻛﺎﻟﺖ ﺑﺘﻨﻬﻴﺪﻩ ... ﺍﻟﻠﻪ ﻳﺮﺣﻤﻬﺎ ﻭﻳﺴﺮ ﺧﺎﻃﺮﺝ ..
ﻫﻤﺴﺖ ﺑﻜﻠﺒﻲ ﻳﺎﻟﻠﻪ ﻫﻤﺰﻳﻦ ﻣﻜﺎﻝ ... ﺍﻧﻲ ﻣﺎ ﺭﺩﺗﻬﺎ ﻭﻃﺮﺩﺗﻬﺎ ...
ﺑﺲ ﻭﺍﻟﻠﻪ ﺣﻴﻞ ﺗﺎﺫﻳﺖ ﺣﺴﻴﺖ ﻧﻔﺴﻲ ﻧﻜﺮﻩ ﻣﺎﻟﻲ ﻭﺟﻮﺩ ...
ﺿﻠﻴﺖ ﺍﻓﺘﺮ ﺑﺎﻟﺒﻴﺖ ﻭﺍﻧﻀﻒ ﺍﺧﻮﺍﺗﻬﺎ ﺭﺍﺣﻦ ﻟﺒﻴﻮﺗﻬﻦ ﻛﻌﺪﺕ ﺯﻧﻮﺑﻪ ﺑﺪﻟﺖ ﺍﻟﻬﺎ ﻭﻏﺴﻠﺘﻬﺎ ﻭﺗﺮﻳﻜﺖ ﻭﺭﺍﺣﺖ ﻛﻌﺪﺕ ﺑﺎﻟﺒﺎﺏ ﻭﺣﺬﺭﺗﻬﺎ ﻣﺘﻠﻌﺐ ﻭﻳﻪ ﺟﻬﺎﻝ ﺭﻭﻳﻀﻲ ﻭﻻ ﺗﺮﻭﺡ ﻳﻤﻬﻢ ...
ﺗﻘﺮﻳﺒﺎ ﺻﺎﺭ ﺍﻟﻐﺪﻩ ...
ﺍﻧﻲ ﻣﻮ ﻫﻠﻜﺪ ﺑﺎﻟﻄﺒﺦ ﺍﺟﺖ ﻋﻤﻪ ﻃﺒﺨﺖ ﻭﺍﻧﻲ ﺳﺎﻋﺪﺗﻬﺎ ...
ﺷﻮﻳﻪ ﻭﺩﺧﻞ ﻫﻮ ﻭﻋﻤﻮ ...
ﺍﻧﻲ ﺳﻠﻤﺖ ﻋﻠﺊ ﻋﻤﻮ ﺑﺘﻮﺗﺮ ﺧﺎﻳﻔﻪ ﻣﻦ ﻳﻮﻡ ﺍﻟﻲ ﺍﻧﻬﺰﻣﺖ ﻭﺍﻧﻲ ﺣﻴﻞ ﺧﺎﻳﻔﻪ ﻣﻦ ﻋﻤﻮ ﻭﺧﺠﻼﻧﻪ ﻣﻨﻪ ...
ﻭﺍﺑﺎﺫﺭ ﺑﺎﻭﻋﻠﻲ ﻛﺎﻝ ... ﺍﻛﻮﻭ ﻏﺪﻩ
ﻫﺰﻳﺖ ﺭﺍﺳﻲ ﺑﺄﻱ ...
ﻋﻤﻪ ﺻﺒﺖ ﻭﺍﻧﻲ ﺍﺧﺬﺗﻪ ﻟﻼﺳﺘﻘﺒﺎﻝ ﻫﻮ ﺟﺎﻥ ﻳﺤﺠﻲ ﻭﻳﻪ ﻋﻤﻮ ﻭﻳﻀﺤﻚ ﻭﻋﻤﻮ ﻳﻀﺤﻚ ﻭﻳﺎﻩ ...
ﻣﺜﻠﻲ ﺍﻧﻲ ﻭﺧﺎﻟﺘﻲ ﺩﻋﺎﺀ ﻫﻴﺞ ﻣﺎﺑﻴﻨﻪ ﺗﻜﺒﺮ ﻭﻋﻼﻗﺘﻨﻪ ﺣﻠﻮﻩ ﻣﻴﺎﻧﻪ ﺟﻨﻪ ﺑﺎﻟﻴﻞ ﻧﺎﺧﺬ ﺻﻮﺭ ﻭﻫﻲ ﺗﻠﺒﺲ ﻋﺒﺎﻳﻪ ﻭﺣﺠﺎﺏ ﻭﺗﺼﻮﺭ ﺻﻮﺭ ﻛﻴﻮﺕ ﻋﻮﺩ ﻫﻲ ﻣﺆﻣﻨﻪ ...
ﻭﺍﻧﻲ ﺍﻛﺘﺐ ﻋﻠﺊ ﺻﻮﺭﻫﺎ ... ﻓﺪﻭﺓ ﻟﻠﻌﻔﻴﻔﻪ ﺍﻟﻄﺎﻫﺮﻩ ﺍﻟﺸﺮﻳﻔﻪ ...
ﻫﻬﻬﻬﻬﻬﻪ ... ﻭﻫﻲ ﻳﻮﻡ ﺗﺼﻠﻲ ﻭﻋﺸﺮﺓ ﻻﺍﺍ ﻃﺎﻳﺢ ﺣﻀﻬﺎ ...
ﻃﻠﻌﺖ ﻣﺎﺗﻐﺪﻳﺖ ﻭﻳﺎﻫﻢ ﺭﺣﺖ ﺻﺒﻴﺖ ﺍﻧﻲ ﻭﺯﻧﻮﺑﻪ ﻭﻋﻤﻪ ...
ﻭﺑﻌﺪﻫﺎ ﺭﺣﺖ ﺷﻠﺖ ﺍﻻﻛﻞ ﺍﻟﺰﺍﻳﺪ ﻣﻨﻬﻢ ﻋﻤﻮ ﻛﺎﻝ ... ﺟﺎﻱ ﺟﺎﻱ
ﺭﺣﺖ ﺳﻮﻳﺖ ﺟﺎﻱ ﻭﺍﺟﻴﺖ
ﺳﻤﻌﺘﻪ ﻳﻜﻮﻟﻪ .... ﺑﺎﻟﻘﺮﺍﻥ ﺍﻧﺘﻢ ﺍﻟﺸﺮﻃﻪ ﻣﻮ ﺭﺍﺣﻪ ﺑﺎﻟﻠﻪ ﻭﻳﻦ ﻟﻜﻴﺘﻬﺎ ﻫﺎﻱ ﺍﻡ ﻋﻴﻮﻥ ﺧﻀﺮ
ﺟﺎﻭﺑﻪ ﻋﻤﻮ ﺑﻀﺤﻜﻪ ... ﻟﻚ ﻏﻴﺮ ﻣﻦ ﺍﻧﻬﺰﻣﺖ ﺗﺎﺝ ﻟﻜﻴﺘﻬﺎ ﻓﺨﺘﺎﻳﻪ ﺗﺠﻨﻦ ...
ﺍﺑﺎﺫﺭ ... ﻋﻤﻮ ﺭﺟﺎﺀﺍ ﺭﺍﺡ ﺍﻧﺤﺮﻑ ﻣﻦ ﻭﺭﺍﻙ
ﻣﻌﺘﺼﻢ ... ﻫﻬﻬﻬﻪ ﻋﺴﺎﺱ ﻣﺎ ﻣﻨﺤﺮﻑ ﺑﺎﻣﺮﻳﻜﺎ ﺍﻱ ﺻﺪﻙ ﻳﻤﻚ ﺗﺎﺝ ﻭﺍﻧﺤﺮﻑ
ﺍﺑﺎﺫﺭ .. ﺧﺘﻮﻟﻲ ﻣﺎ ﺍﻟﻤﺴﻬﺎ
ﻣﻌﺘﺼﻢ ﺑﻀﺤﻜﻪ ... ﻫﻬﻬﻬﻪ ﻟﻴﺶ ﺗﺨﺎﻑ ﻣﻨﻬﺎ ... ﻳﺎﺑﻪ ﻟﺘﺨﺎﻑ ﺍﻫﺠﻢ ﻭﻋﻤﻚ ﺑﻀﻬﺮﻙ ...بيج قصص عراقيه حقيقيه من واقعنا.روعه الطائي.......
ﺍﺑﺎﺫﺭ ﺭﺩ ﺑﺼﺪﻕ ... ﻻ ﻭﺍﻟﻠﻪ ﻓﻌﻼ ﻣﺎﺍﺭﻳﺪﻫﺎ ﺍﻧﻲ ﻧﺎﻭﻱ ﺍﺗﺰﻭﺝ
ﺭﺩ ﻋﻠﻴﻪ ﻋﻤﻮ ... ﻟﻚ ﺷﺘﺰﻭﺝ ﻣﻮ ﻫﺴﻪ ﺗﺰﻭﺟﺖ ... ﺷﺪﻛﻮﻝ ﺍﻟﻌﺎﻟﻢ
ﺍﺑﺎﺫﺭ ... ﻻ ﺍﻛﻴﺪ ﻣﻮ ﻫﺴﻪ
ﻣﻌﺘﺼﻢ ﺑﺘﻨﻬﻴﺪﻩ ... ﻛﻮﻝ ﻳﺎﻟﻠﻪ
ﺟﺎﻭﺑﻪ ﺑﻠﻬﻔﻪ ... ﺍﺫﺍ ﺧﻄﺒﺖ ﻫﺎﻱ ﺍﻟﺒﻨﻴﻪ ﻳﻨﻄﻮﻫﺎ ﺍﻟﻲ
ﻣﻌﺘﺼﻢ ﺑﻌﺼﺒﻴﺔ ... ﻟﻚ ﻫﺎﻱ ﻣﺨﻄﻮﺑﻪ ﻭﻣﻘﺎﺑﻞ ﻓﺴﺦ ﻋﻘﺪﻫﺎ ﻳﻄﻠﺒﻮﻥ 16 ﻣﻠﻴﻮﻥ
ﺍﺑﺎﺫﺭ ... ﻭﺷﻨﻮ ﻧﻤﻮﻧﻪ ﺍﺫﺍ ﺧﻮﺵ ﺑﻨﻴﻪ ﺗﺴﺘﺎﻫﻞ ... ﻟﻴﻜﻮﻥ ﺗﺮﻳﺪﻫﺎ ﺍﻧﺖ ﺣﺘﺊ ﺍﺳﺤﺐ ﻧﻔﺴﻲ
ﺭﺩ ﻋﻠﻴﻪ ﻋﻤﻮ ﺑﺎﺭﺗﺒﺎﻙ ... ﻻ ﻳﻤﻌﻮﻭﺩ
ﻟﺰﻣﺖ ﺻﺪﺭﻱ ﺑﻮﺟﻊ ﻭﺑﻠﻌﺖ ﺍﻟﻐﺼﻪ ﻫﻴﺞ ﺍﻧﻲ ﻣﺤﺪ ﻳﻔﻜﺮ ﺑﻴﻪ ﻭﺍﺣﺪ ﻳﺮﻓﻊ ﻭ ﻭﺍﺣﺪ ﻳﻜﺒﺲ ... ﺧﻠﻲ ﻳﺘﺰﻭﺝ ﻳﻄﺒﻪ ﻣﺮﺽ ﺑﺲ ﻣﺎ ﻳﺘﺰﻭﺝ ﻫﺎﻱ ﺍﻧﻮﺏ ﻣﺨﻄﻮﻭﻭﺑﻪ ...
ﻣﺴﺤﺖ ﺩﻣﻌﺘﻲ ﺑﺎﺳﺊ ﻭﻓﺘﺤﺖ ﺍﻟﺒﺎﺏ ﻭﺩﺧﻠﺖ ﻭﺍﻟﺘﻘﺖ ﻋﻴﻮﻧﻲ ﺑﻌﻴﻮﻧﻪ ....
ﺍﻧﻄﻴﺘﻬﻢ ﺍﻟﺠﺎﻱ ﺑﺮﺟﻔﻪ ﻭﺭﺟﻌﺖ ﺍﻟﻐﺮﻓﺘﻲ ﻭﺍﻧﻲ ﺍﺑﺠﻲ ﺣﻴﻴﻞ
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
