#ﺍﻟﺒﺎﺭﺕ_ﺍﻻﺧﻴﺮ
ﺭﻭﺍﻳﺔ ﻧﺼﻒ ﻋﺬﺭﺍﺀ ﺑﻴﻦ ﺃﻧﻴﺎﺏ ﻗﺎﺗﻠﻲ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ
❤💔❤💔❤💔❤💔
ﺍﻻ ﻳﺎ ﻣﺮﺽ ... ﻻ ﺗﺨﺠﻞ
ﻭﺗﺆﻟﻢ ﻗﻠﺐ ﻣﻦ ﺍﻧﺎﺟﻴﻬﺎ
ﺟﻠﺴﺖ ﺍﺭﺍﻗﺐ ﺍﻟﺴﺎﻋﺔ
ﻭﺃﺣﺼﻲ ﺳﻨﻴﻦ ﺛﻮﺍﻧﻴﻬﺎ
ﺳﻬﺮﺕ ﺃﻫﺪﻫﺪ ﺍﻟﻘﻠﺐ
ﻭﺃﺩﻋﻮ ﺍﻟﻠﻪ ﻳﺸﻔﻴﻬﺎ
ﻭﻛﻨﺖ ﺍﺳﺄﻟﻬﺎ ﻋﻦ ﺣﺎﻟﻬﺎ
ﺗﺠﻴﺐ ﻭﺍﻟﺒﺴﻤﺔ ﺗﺒﺪﻳﻬﺎ
ﺃﻧﺎ ﺑﺨﻴﺮ ﻳﺎ ﻗﻤﺮﻱ
ﻭﺩﻣﻌﺔ ﻋﻴﻦ ﺗﺨﻔﻴﻬﺎ ...
...................................
ﺑﻠﻌﺖ ﺭﻳﻜﻲ ﻣﺴﺘﻐﺮﺏ ﻣﻦ ﻛﻼﻣﻬﺎ ﺷﻨﻮ ﻫﻲ،ﺍﻟﺴﺒﺐ ﺟﺎﻭﺑﺘﻬﺎ ... ﺷﻨﻮﻭ ﺍﻧﺘﻲ ﺍﻟﺴﺒﺐ
ﺭﺩﺕ ﺑﺒﻜﺎﺀ ... ﺗﻌﺎﺍﺍﺍﻝ ﻭﺍﻧﺖ ﺗﻌﺮﻑ
ﻫﺰﻳﺖ ﺭﺍﺳﻲ ﺑﺄﻱ ﺣﺎﻟﻴﺎ ﻣﺎﻟﻲ ﺧﻠﻚ ﻧﻔﺴﻲ ﻣﻮ ﻧﺪﻳﻤﻪ ﻗﻔﻠﺖ ﺍﻟﺨﻂ ﺑﺲ ﺍﻛﻴﻴﺪ ﺍﻟﺸﺊ ﻳﺨﺺ ﺗﺎﺍﺍﺝ ﻭﻫﺬﺍ ﺍﻟﺸﺊ ﻳﻬﻤﻨﻲ ﻻﻥ ﻣﺼﻴﺒﻪ ﺍﺫﺍ ﺗﺎﺝ ﺍﻧﺘﺤﺮﺕ ﻣﻦ ﺩﻭﻭﻥ ﺳﺒﺐ ...
ﺍﺟﺖ ﻣﻴﺲ،ﺗﺮﻛﺾ ﻭﺗﺒﺠﻲ ﺑﺎﻭﻋﺘﻠﻬﺎ ﺑﺨﻮﻭﻑ ... ﺷﻜﻮﻭ ﻫﺎﺍ ﻣﻴﺲ ﺗﺎﺝ ﺑﻴﻬﺎ ﺷﺊ
ﺟﺎﻭﺑﺘﻨﻲ ﺑﻘﻬﺮ ... ﺧﺒﺼﺖ ﺍﻟﺪﻧﻴﺎ ﺑﺎﻟﺒﺠﻲ ﺗﺮﻳﺪ ﺗﺸﻮﻑ ﻃﻔﻠﻬﺎ ﻗﺒﻞ ﻻ ﺗﺪﻓﻨﻪ ﻭﺍﻟﺪﻛﺘﻮﺭﻩ ﺩﻛﻮﻝ ﻣﻮ ﺯﻳﻦ ﻋﻠﻴﻬﺎ
ﺟﺮﻳﺖ ﻧﻔﺲ ﺣﺰﻳﻦ ... ﻣﻮ ﻗﺒﻞ ﺷﻮﻭﻳﻪ ﺟﻨﺖ ﻳﻤﻬﺎ ﻣﺎ ﺣﺠﺖ ﺷﻐﻴﺮ ﺭﺍﻳﻴﻬﺎ ﻳﺎﺍﺍﺭﺑﻲ ﺍﻧﻲ ﻣﺎ ﺍﺭﻳﺪ ﺍﻋﺬﺑﻬﺎ
ﺭﺩﺕ ﻋﻠﻴﻪ ... ﺑﺎﻟﺤﺎﻟﺘﻴﻦ ﺗﺘﻌﺬﺏ ﺍﺑﺎ ﺫﺭ ﺍﺫﺍ ﺷﺎﻓﺖ ﻃﻔﻠﻬﺎ ﻣﻴﺖ ﻭﻣﺘﺎﺫﻱ ﻣﻦ ﺣﺮﻛﻬﺎ ﻭﺍﺫﺍ ﺩﻓﻨﺘﻪ ﻭﺧﻠﻴﺘﻪ ﺣﺴﺮﻩ ﺑﻜﻠﺒﻬﺎ ...
ﺗﺎﻓﺌﻔﺖ ﺑﻀﻴﻴﻖ ﺭﺣﺖ ﺍﻟﻬﺎ ﺑﺎﻭﻋﺘﻠﻬﺎ ﻣﻦ ﺟﺎﻡ ﺍﻟﺒﺎﺏ ﺗﺤﺠﻲ ﻭﻳﻪ ﺍﻟﺪﻛﺘﻮﺭﻩ ﻭﺗﺘﻮﺳﻠﻬﺎ ...
ﺩﻛﻴﺖ ﺍﻟﺒﺎﺏ ﺍﺟﺖ ﺍﻟﺪﻛﺘﻮﺭﻩ ﻓﺘﺤﺘﻠﻲ ﻛﺎﻟﺖ ﺍﻟﺒﺲ ﻣﻼﺑﺲ ﻣﻌﻘﻤﻪ ﻭﺍﺩﺧﻞ ﺍﺣﺠﻲ ﻭﻳﺎﻫﺎ ﻫﺎﻱ ﺍﻟﺒﻨﻴﻪ ﺣﻴﻴﻞ ﻋﻨﻮﺩﻳﻪ ...
ﺍﺑﺘﺴﻤﺖ ﺻﺢ ﺗﺎﺝ ﻋﻨﻴﻴﺪﻩ ﺣﻴﻴﻞ ﻭﺍﺫﺍ ﺗﺮﻳﺪ ﺷﺊ ﺗﺴﻮﻱ ﺑﺲ ﺍﻟﻮﺣﻴﺪ ﺍﻧﻲ ﺍﻟﻲ ﻣﺎﻛﺪﺭﺕ ﺗﻌﺎﻧﺪﻧﻲ ﺭﻏﻢ ﺗﻤﺮﺩﻫﺎ ﻭﻫﺮﻭﺑﻬﺎ ﺑﺲ ﺭﺟﻌﺖ ﺍﻟﻮﻋﻴﻬﺎ ﻭﻋﺎﺷﺖ ﺗﺤﺖ ﺟﻨﺎﺣﻲ ...
ﻟﺒﺴﺖ ﻣﻼﺑﺲ ﻣﻌﻘﻤﻪ ﻭﺩﺧﻠﺖ ﻋﻠﻴﻬﺎ ﺷﻔﺘﻬﺎ ﻣﻼﺑﺴﻬﺎ ﻛﻠﻬﺎ ﻣﻨﺰﻭﻋﻪ ﻭﻻﻓﻴﻬﺎ ﺑﺸﺎﺵ ﻭﺍﻛﺘﺎﻓﻬﺎ ﻋﺎﺭﻳﻪ ...
ﺑﺴﺘﻬﺎ ﺑﻜﺘﻔﻬﺎ ﺟﺮﻳﺖ ﻧﻔﺲ ... ﺗﺎﺟﻲ ﻳﺮﻭﺣﻲ ﺷﺒﻴﻴﻴﺞ ؟
ﺭﺩﺕ ﺑﻨﺤﻴﺐ ... ﺍﺭﻳﺪ ﺍﺷﻮﻑ ﺍﺑﻨﻲ ﻻ ﺗﺪﻓﻨﻪ ﻗﺒﻞ ﻣﺎ ﺍﺷﻮﻓﻪ ﻭﺍﺫﺍ ﻣﺴﻮﻳﺘﻠﻲ ﻫﻴﺞ ﻣﻤﺒﺮﻱ ﺍﻟﺬﻣﻪ
ﻣﺴﺤﺖ ﻋﻠﺊ ﻟﺤﻴﺘﻲ ﺑﺘﻮﺗﺮ ... ﺑﺲ ﻳﺎ ﺗﺎﺝ ﺍﻧﺘﻲ ﻣﺘﻨﻘﻬﺮﻳﻦ ﻋﻠﻴﻪ ﺍﺑﺒﺪ ﻣﺎ ﺗﻬﻤﺞ ﺍﻣﺞ؟ ﻳﻌﻨﻲ ﻃﻔﻞ ﻣﺎﺕ ﻭﻫﺬﺍ ﻗﺪﺭﻩ ﻭﻳﻮﻣﻪ ﺍﺫﺍ ﺷﻔﺘﻲ ﺣﺤﺘﺎﺫﻳﻦ ﻭﺍﺣﻨﻪ ﺍﻫﻢ ﺷﻲﺀ ﻋﺪﻧﺎ ﺻﺤﺘﺞ
ﺍﻟﻄﻔﻞ ﻳﺮﻭﺣﻲ ﻳﺘﻌﻮﺽ ﺑﺲ ﺍﻧﺘﻲ ﻣﺎ ﺗﺘﻌﻮﺿﻴﻦ ﻟﻮ ﻣﻬﻤﺎ ﻛﺎﻥ ﻭﻣﻬﻤﺎ ﺻﺎﺭ ...
ﺭﺩﺕ ﺑﺸﻬﻜﺎﺕ ﻭﺛﻜﻞ ﻟﺴﺎﻧﻬﺎ ... ﺑﺐ ﺑﺲ ﺍﻧﻦ ﺍﻧﻲ ﺍﺭﻳﺪﻩ ﺍﺭﺭ ﺍﺭﻳﺪ ﺍﺷﻮﻓﻪ ﻻﺍ ﺗﺤﺮﻣﻨﻲ
ﺟﺮﻳﺖ ﻧﻔﺲ ... ﻭﺍﻟﻠﻪ ﻳﺎ ﺗﺎﺝ ﺍﻧﻲ ﺍﺑﻮﻩ ﻣﺎ ﺍﻟﻲ ﻧﻔﺲ ﻭﺟﺮﺋﻪ ﺍﺷﻮﻭﻓﻪ ﻣﻮ ﺍﻧﺘﻲ ... ﻻ ﺗﻨﺴﻴﻦ ﺣﺎﻟﺘﺞ ﻣﺎ ﺗﺴﻤﺢ ﻟﻴﺶ ﺗﻌﺬﺑﻴﻨﻲ ﻣﺎ ﺍﻫﻤﺞ ﻳﻌﻨﻲ ﺍﺑﺒﺒﺪ ﻣﺎ ﺍﻟﻲ ﺧﺎﻃﺮ ﻋﻨﺪﺝ ...
ﺩﺍﺭﺕ ﻭﺟﻬﻬﺎ ﻭﻫﻲ ﺗﺒﺠﻲ ﻋﺮﻓﺘﻬﺎ ﻣﺮﺍﺡ ﺗﺴﻜﺖ ﻭﻻ ﻳﻐﻔﺊ ﺍﻟﻬﺎ ﺟﻔﻦ ﺍﻟﻪ ﺗﺸﻮﻑ ﺍﺑﻨﻬﺎ ....
ﻭﺍﻧﻲ،ﺧﺎﻳﻒ ﻋﻠﻴﻬﺎ ﺣﻴﻴﻞ ﻣﻦ ﺗﺸﻮﻓﻪ ﺗﺘﺎﺫﻩ
ﺑﺴﺘﻬﺎ ﺑﺮﺍﺳﻬﺎ ﻭﺩﺍﺭﺕ ﻭﺟﻬﻬﺎ ﻋﻠﻴﻪ ﻫﻤﺴﺖ ... ﺗﻌﺒﺖ ﺑﻲ ﺣﻴﻴﻞ ﻭﺍﻧﺖ ﺍﻛﺜﺮ ﻭﺍﺣﺪ ﺗﻌﺮﻑ ﻣﻦ ﻧﺴﺎﻭﺓ ﻟﺤﺎﻟﻪ ﻧﻔﺴﻴﻪ ﻟﻄﻠﻌﺎﻥ ﺭﻭﻭﺡ ﺍﺑﻨﻲ ﺍﺭﻳﺪ ﺍﺷﻮﻓﻪ ﻟﻴﺶ ﺗﺤﺮﻣﻨﻲ
ﺿﻠﻴﺖ ﻣﺮﻛﺰ ﺑﻌﻴﻮﻧﻬﺎ ... ﺍﻧﺘﻲ ﺑﺤﺎﻝ ﺍﻟﻄﻔﻞ ﻫﺴﻪ ﻳﺮﻭﺣﻲ؟ ﻭﺑﻌﺪﻳﻦ ﺍﺧﺎﻑ ﻋﻠﻴﺞ ﺗﻤﻮﺗﻴﻴﻦ
ﻫﺰﺕ ﺭﺍﺳﻬﺎ ﺑﻼ ...
ﻃﻠﻌﺖ ﺑﺮﻩ ﺍﻟﻐﺮﻓﻪ ﻭﻣﺎ ﺍﻋﺮﻑ ﺷﻨﻮ ﺍﺳﻮﻭﻭﻱ ﻣﺤﺘﺎﺭ ﺣﻴﻴﻞ ﻳﺎﺭﺑﻲ ﺷﺴﻮﻱ ﻫﻲ ﺗﺮﻳﺪ ﺍﻟﻄﻔﻞ ﻭﺍﺧﺎﻑ ﺍﺩﻓﻨﻪ ﻭﻣﺎ ﺍﺷﻮﻓﻪ ﺍﻟﻬﺎ ﻭﺗﻨﻬﺎﺭ ﻭﺗﻤﻮﺕ ﻭﺍﺧﺎﻑ ﺗﺸﻮﻓﻪ ﻭﺗﻤﻮﺕ ...
ﻭﺻﺮﺕ ﻣﺜﻞ ﺍﻟﻲ ﺑﺎﻟﻊ ﻣﻮﻭﺱ ﻻ ﻫﻮ ﺑﺎﻟﻌﻪ ﻭﻣﺮﺗﺎﺡ ﻭﻻ ﻫﻮ ﻣﻄﻠﻌﻪ ﻭﻣﺮﺗﺎﺡ ...
ﻫﻤﻪ ﺍﺟﻮ . ﻋﻠﻴﻪ ﻛﺎﻟﻮﻭ ﻫﺎﺍﺍ ... ﺷﺘﺮﻳﺪ
ﻛﺘﻠﻬﻢ ﺗﺮﻳﺪ ﺍﻟﻄﻔﻞ ﺍﻟﻜﻞ ﻋﺎﺍﺍﺭﺽ ﺑﺲ ﺍﻧﻲ ﺟﺎﺯﻓﺖ ﻭﺍﺧﺬﺕ ﺍﻟﻄﻔﻞ ﺍﻟﻬﺎ ...
ﺑﺲ ﺍﻧﻲ ﺍﺻﻼ ﻣﺎ ﺷﻔﺘﻪ ﺟﺎﻥ ﻣﻠﻔﻮﻑ ﺑﺠﻴﺲ ﻧﺎﻳﻠﻮﻥ ﻭﻣﻠﻔﻮﻑ ﺑﻜﻔﻦ ﺍﺑﻴﻴﺾ ... ﻣﻊ ﺍﻟﻌﻠﻢ ﺑﻌﺪﻩ ﻣﺎ ﻣﻐﺴﻞ ﺗﻐﺴﻴﻞ ﺍﻟﻤﻴﺖ ....
ﺣﻀﻨﺘﻪ ﻭﺍﻳﺪﻩ ﻛﻠﻬﺎ ﺗﺮﺟﻒ ﻋﺒﺎﻟﻚ ﺷﺎﻳﻞ ﻭﻟﺪ ﺷﺎﺍﺍﺍﺏ ﺣﺎﻭﻟﺖ ﺍﺻﺒﺮ ﻧﻔﺴﻲ ﻭﺍﻭﺍﺳﻲ ﺭﻭﺣﻲ ﺍﻟﻤﻠﺠﻮﻭﻭﻣﻪ ﺑﻔﺮﺍﻙ ﻫﺬﺍ ﺍﻟﻤﻼﻙ ﺍﻟﺼﻐﻴﺮ ....
ﻫﻲ ﺑﺎﻭﻋﺘﻠﻲ ﻭﻣﺪﺕ ﺍﻳﺪﻫﺎ ﻣﻠﻬﻮﻭﻭﻓﻪ ... ﺣﻄﻴﺘﻪ ﺑﺼﻔﻬﺎ ﻭﻫﻲ ﻟﻔﺖ ﺍﻳﺪﻫﺎ ﻋﻠﻲ ...
ﺑﺎﺳﺘﻬﺎ ﺑﻠﻬﻔﻪ ﻭﺗﺒﺠﻲ ﺑﺼﻮﺕ ﺗﻬﺘﺰ ﺍﻟﻪ ﻋﺮﺵ ﺍﻟﺴﻤﺎﻭﺍﺕ ﺍﻟﺴﺒﻌﻪ ....
ﻫﻤﺴﺖ ﺑﻀﻌﻒ ... ﻣﺎﻣﺎ ﺣﺒﻴﺒﻲ ﻳﺮﻭﺣﻲ ﺳﺎﻣﺤﻨﻲ ﺍﺑﺮﻳﻨﻲ ﺍﻟﺬﻣﻪ ﻳﻤﻤﻪ ﻭﺍﺩﻋﻴﻠﻲ ﻋﻨﺪ ﺭﺑﻚ ﻭﺍﻟﻠﻪ ﻳﻤﻤﻪ ﻣﻮ ﺑﻴﺪﻱ ﻣﻮ ﺑﻴﺪﻱ
ﺑﺎﻭﻋﺘﻠﻲ ﺑﻌﻴﻮﻥ ﻣﻠﻴﺎﻧﻪ ﺩﻣﻮﻭﻉ ﻛﺎﻟﺖ ... ﺍﻓﺘﺢ ﺍﻟﻮﺟﻬﻪ ﺩﺍ ﺍﺷﻮﻓﻪ ...
ﺟﺮﻳﺖ ﻧﻔﺲ ﻭﺗﻘﺮﺑﺖ ﻣﻨﻪ ﻓﺘﺤﺖ ﺍﻟﺠﻴﺲ ﻭﺍﻟﻐﻄﺎ ﺷﻮﻭﻭﻳﻪ ﻫﻮ ﺍﻟﻄﻔﻞ ﺍﻧﻲ ﻣﺸﺎﻳﻔﻪ ﺷﻔﺘﻪ ﻭﻳﺎﻫﺎ ...
ﺟﺎﻥ ﻭﺟﻬﻪ ﻣﻨﻔﻮﻭﻭﺥ ﺣﻴﻴﻴﻞ ﻭﺍﻟﺠﻠﺪ ﻣﺎﻟﺖ ﻭﺟﻬﻪ ﻭﺍﻛﻊ ﻣﺎ ﺍﻋﺮﻑ ﺷﻨﻮ ﺣﺎﻟﺘﻪ ﺑﺎﻟﻀﺒﻂ ﻫﻞ ﻫﻮ ﻣﺘﺴﻤﻢ ﺍﻭ ﻣﺘﺎﺛﺮ ﺑﺤﺮﻛﻬﺎ ..
ﺭﺟﻌﺖ ﺑﺎﻭﻋﺘﻠﻪ ﻭﻫﻮ ﻣﻐﻤﺾ ﻋﻴﻮﻧﻪ ﺑﺴﻼﻡ ﺑﺎﺳﺘﻪ ﺑﺸﻔﺎﻳﻔﻪ ﻭﻫﻲ ﺗﺒﺠﻲ ﻭﺩﻓﻨﺖ ﻭﺟﻬﻪ ﺑﺼﺪﺭﻩ ﻭﺑﺠﺖ ﻛﻞ ﺍﻟﻤﻬﺎ ﻭ ﺣﻴﺮﺗﻬﺎ ﻭ ﻭﺟﻌﻬﺎ ...
ﺳﺤﺒﺘﻪ ﻣﻨﻬﺎ ﻭﺍﻧﻲ ﺭﻭﺣﻲ ﻣﻬﺰﻭﺯﻩ ﻣﻦ ﺍﻟﺪﺍﺧﻞ ﺑﺲ ﺍﺗﺼﻨﻊ ﺍﻟﻘﻮﻩ ﻛﺪﺍﻣﻬﺎ ﻫﻤﺴﺖ .. ﻳﺎﻟﻠﻪ ﻛﺎﻓﻲ ﻻ ﺗﺨﻠﻴﻨﻲ ﺍﻧﺪﻡ
ﺳﻜﺘﺖ ﺑﺲ ﺑﻌﺪﻫﺎ ﺗﺒﺠﻲ ﺍﺧﺬﺗﻪ ﻭﻃﻠﻌﺖ ﻭﺍﻟﺪﻛﺘﻮﺭﻩ ﻭﻣﻴﺲ ﺭﺍﺣﻦ ﺍﻟﻬﺎ ...بيج قصص عراقيه حقيقيه من واقعنا.روعه الطائي
ﺍﻛﺜﺮ ﻭﺣﺪﻩ ﺗﺪﺧﻞ ﺍﻟﻬﺎ ﻫﻲ ﻣﻴﺲ ﻻﻥ ﺗﻌﺘﺒﺮ ﺍﻟﻤﺮﺍﻓﻘﻪ ﺍﻟﻬﺎ ﻭﻫﻲ ﺗﻔﻬﻢ ﺍﻛﺜﺮ ﻛﻼﻣﻬﺎ ﻻﻥ ﻣﻦ ﻗﻮﺓ ﻭﺟﻌﻬﺎ ﻣﺮﺍﺕ ﻛﻼﻣﻬﺎ ﻣﻤﻔﻬﻮﻡ ﻭﺻﻮﺗﻬﺎ ﻳﺮﻭﺡ ...
ﺑﺲ ﺍﻟﻲ ﺻﺎﺭ ﻫﻲ ﺗﻜﺴﺮ ﺍﻟﺨﺎﻃﺮ ﺑﻨﻈﺮﺍﺗﻬﺎ ﻭﺣﺘﺊ ﺑﻜﻼﻣﻬﺎ ﺗﻄﻠﺐ ﺍﻟﻌﻮﻥ ﻣﻦ ﺍﻟﻜﻞ ﻭﻫﺬﺍ ﺍﻟﻲ ﻛﺎﺳﺮ ﺑﺎﺏ ﻛﻠﺒﻲ ...
ﻃﻠﻌﺖ ﺍﻧﻲ ﻭﻣﻌﺘﺼﻢ ﻭﺍﺑﻮﻫﺎ ﻭﻣﺤﻤﺪ ﺍﺧﻮﻭﻳﻪ ﻭﺧﻄﻴﻪ ﻫﺸﺎﻡ ﺍﺟﻪ ﺩﻧﺮﻭﺡ ﻧﺪﻓﻦ ﺍﻟﻄﻔﻞ ...
ﺍﻧﻲ ﺿﻠﺖ ﺭﻭﺣﻲ ﻣﻘﺴﻮﻣﻪ ﻧﺼﻴﻦ ﺑﻴﻦ ﺍﺭﻭﺡ ﺍﺩﻓﻨﻪ ﻭﺑﻴﻦ ﺍﺿﻞ ﻳﻤﻬﺎ ﺧﺎﺍﻳﻒ ﺣﻴﻴﻞ ﻋﻠﻴﻬﺎ ﻭﺍﻻﻛﺜﺮ ﺧﺎﻳﻒ ﺍﺭﻭﺡ ﻭﺑﻌﺪ ﺗﺮﻭﺡ ﻣﻦ ﺍﺩﻳﻪ ﻭﺍﻧﻲ ﻣﻮ ﻳﻤﻬﺎ ﺭﻭﺣﻬﺎ ﻣﺘﻌﻠﻜﻪ ﺑﻴﻬﺎ ...
ﺑﺲ ﻫﻲ ﻃﻠﺒﺖ ﺍﺭﻭﺡ ﺍﺩﻓﻦ ﺍﻟﻄﻔﻞ
ﺭﺣﻨﻪ ﺑﺲ ﺍﻧﻲ ﻭﻣﻌﺘﺼﻢ ﺍﻟﻜﻞ ﺿﻞ ﻻﻥ ﻣﺎ ﺭﺩﻧﻪ ﻭﺍﺣﺪ ﻳﺮﻭﺡ ﻭﻳﺎﻧﻪ ...
ﺍﺧﺬﻧﻪ ﺍﻟﻄﺮﻳﻖ ﻛﻠﻪ ﻭﺍﻧﻲ ﻣﺨﻠﻲ ﺑﺤﻀﻨﻲ ﻭﺭﻭﺣﻲ ﻓﺎﺍﺍﺍﺍﻳﺮﻩ ﻋﻠﻴﻪ ﻭﻛﺎﺗﻢ ﺻﺮﺧﺘﻲ ﻋﻠﻴﻪ ﻏﺼﺒﺎ ﻋﻦ ﻧﻔﺴﻲ ...
ﻣﻌﺘﺼﻢ ﺣﺲ ﺑﻴﻪ ﻃﻠﻊ ﺟﻜﺎﺭﻩ ﻭﺍﻧﻄﺎﻧﻲ ﺍﻳﺎﻫﺎ ﺍﺧﺬﺗﻬﺎ ﻣﻦ ﺍﻳﺪﻩ ﺷﺮﺑﺘﻬﺎ ﻛﻠﻬﺎ ...
ﻛﺎﻝ . ﺍﻟﻠﻪ ﻳﺼﺒﺮﻙ ﻳﺎ ﺍﺑﻦ ﺍﺧﻮﻭﻭﻱ ﺗﺼﺪﻙ ﺍﻧﻲ ﺍﻟﻄﻔﻞ ﺍﻟﺠﺎﻧﺖ ﺣﺎﻣﻞ ﺑﻲ ﺩﻋﺎﺀ ﻳﻌﻨﻲ ﻣﺠﺮﺩ ﺟﻨﻴﻦ ﺍﺻﻼ ﻣﻮ ﻃﻔﻞ ﻭﺗﺪﻫﻮﺭﺕ ﺣﺎﻟﺘﻲ ﻋﻠﻴﻪ ﺑﺲ ﺍﺭﺟﻊ ﻭﺍﻛﻮﻝ ﺭﺑﻲ ﻳﻌﻮﺽ ...
ﺣﻀﻨﺖ ﺍﻟﻄﻔﻞ ﺍﻟﺼﺪﺭﻱ ﻭﺑﺴﺘﻪ ... ﻛﻞ ﺷﺊ ﻳﺘﻌﻮﺽ ﺍﻟﻪ ﺗﺎﺝ ﻣﺘﺘﻌﻮﺽ ﺍﻧﻲ ﻣﺎ ﺍﺭﻳﺪ ﻣﻨﻬﺎ ﺷﺊ ﺑﺲ ﺗﺼﻴﺮ ﺯﻳﻨﻪ
ﺭﺩ ﻋﻠﻴﻪ ﺑﻬﺪﻭﺀ ... ﺍﻥ ﺷﺎﺀ ﺍﻟﻠﻪ ﺗﺼﻴﺮ ﺯﻳﻨﻪ ﻭﺍﺫﺍ ﻋﻠﺊ ﺣﺮﻭﻕ ﺟﺴﻤﻬﺎ ﺍﻧﻲ ﺭﺣﺖ ﺍﻟﺪﻛﺘﻮﺭ ﺟﻠﺪﻳﻪ ﻭﺗﺠﻤﻴﻞ ﺑﺸﺎﺭﻉ ﻓﻠﺴﻄﻴﻦ ﻛﺎﻝ ﺑﺲ ﺧﻠﻲ ﺗﻄﻴﺐ ﻭﺗﺴﺘﻘﺮ ﻭﺍﻥ ﺷﺎﺀ ﺍﻟﻠﻪ ﺗﺮﺟﻊ ﻣﺜﻞ ﻗﺒﻞ
ﺭﺩﻳﺖ ﻋﻠﻴﻪ ﺑﻨﻔﻲ ... ﻻﺍﺍﺍ ﻭﺍﻟﻠﻪ ﺍﺧﺬﻫﺎ ﺍﻻﻣﺮﻳﻜﺎ ﺑﺲ،ﺧﻠﻲ ﺗﻄﻴﺐ ﺩﻗﻴﻘﻪ ﻣﺎ ﺍﺿﻞ ﺑﺎﻟﻌﺮﺍﻕ ﻭﺭﻭﺡ ﺍﺑﻮﻭﻭﻱ ﺍﺧﺬﻫﺎ ﻭﺍﻧﻬﺰﻡ ﺍﻻﺧﺮ ﺍﻟﺪﻧﻴﺎ ...
ﺟﺮﻳﺖ ﻧﻔﺲ ... ﺣﻠﻤﻬﺎ ﺗﺮﻭﺡ ﺍﻷﻣﺮﻳﻜﺎ ﻭﺍﺣﻘﻖ ﻛﻞ ﺍﺣﻼﻣﻬﺎ ﺍﺳﺎﻓﺮ ﺑﻴﻬﺎ ﻫﻲ ﻭﺍﻟﺒﻨﺎﺕ ﺑﺲ ﺧﻠﻲ ﺗﻄﻴﺐ
ﻫﺰ ﺭﺍﺳﻪ ... ﺍﻥ ﺷﺎﺀ ﺍﻟﻠﻪ ﺗﻄﻴﺐ ﻭﺗﻔﺮﺡ ﺍﻧﺖ ﻭﻳﺎﻫﺎ ﻭﺗﺮﺳﻮﻥ ﺍﻟﺒﻴﺖ ﻭﻟﺪ ﻭﺑﻨﺎﺕ ...
ﻣﺴﺎﻓﺔ ﻃﺮﻳﻖ ﻃﻮﻭﻭﻳﻠﻪ ﻭﻣﺜﻞ ﻣﺎ ﺭﺍﺩﺕ ﺍﻟﻄﻔﻞ ﻳﻨﺪﻓﻦ ﻳﻢ ﻫﺒﻪ ﺍﺧﺘﻬﺎ ...
ﺧﺎﺑﺮﻧﻪ ﺍﻟﺪﻓﺎﻥ ﺣﻔﺮ ﻛﺒﺮ ﻃﻔﻠﻨﻪ ﺑﺼﻒ ﺍﺧﺘﻬﺎ ....
ﻭﺻﻠﻨﻪ ﻟﻠﻤﻐﻴﺴﻞ ﻏﺴﻠﻨﺎﻩ ﻭﺍﺧﺬﻧﺎﻩ ﻟﻼﻣﺎﻡ ﻋﻠﻲ ﺯﻭﺭﺗﻪ ﻭﺩﻋﻴﺖ ﺍﻟﺘﺎﺝ ﻫﻨﺎﻙ ...
ﺻﻠﻴﻨﻪ ﻋﻠﻴﻪ ﻭﺍﺧﺬﻧﺎﻩ ﺯﺭﻧﻪ ﻫﺒﻪ
ﺣﻀﻨﺘﻪ ﺣﻴﻴﻴﻞ ﺑﺴﺘﻪ ﺑﺼﺪﺭﻩ ﻭﺭﺍﺳﻪ ﺑﺠﻴﺖ ﺑﺼﻤﺖ ﻭﺍﻧﻲ ﺍﻛﻠﻤﻪ ﺑﻬﺪﻭﺀ .. ﺑﺎﺑﺎ ﺣﺒﻴﺒﻲ ﺍﺩﻋﻲ ﺍﻻﻣﻚ ﺗﻄﻴﺐ ﻭﺗﺮﺟﻊ ﺍﻟﻴﻪ ﺣﺒﻴﺒﻲ ﺍﻣﻚ ﻣﺴﻜﻴﻨﻪ ﻣﻀﻠﻮﻣﻪ ﺍﺩﻋﻴﻠﻬﺎ ﺗﻌﺬﺑﺖ ﻫﻮﻭﺍﻱ
ﺩﻓﻨﺘﻪ ﺑﻬﺪﻭﺀ ﻭﻗﺮﻳﺖ ﺍﻟﻔﺎﺗﺤﻪ ﻋﻠﻴﻪ ﻭﺍﻧﻲ ﺍﻭﺻﻲ ﻋﻠﺊ ﺍﻣﻪ
ﺭﺣﺖ ﺯﺭﺕ ﻫﺒﻪ ﻭﻃﻠﺒﺖ ﺗﺪﻋﻲ ﺍﻻﺧﺘﻬﺎ ﻣﻀﻠﻮﻣﻪ ﻣﺜﻠﻬﺎ ﻭﻫﻲ ﻋﺎﺷﺖ ﻫﺎﻱ ﺍﻟﻤﺄﺳﺎﺓ ...
ﻭﻛﻔﺖ ﺍﺑﺎﻭﻉ ﻋﻠﺊ ﺍﻟﻜﻢ ﺍﻟﻬﺎﺋﻞ ﻣﻦ ﺍﻟﻘﺒﻮﻭﻭﻭﻭﺭ ﻭﺍﻟﻬﺪﻭﺀ ﺍﻟﻲ ﻫﻤﻪ ﺑﻲ ...بيج قصص عراقيه حقيقيه من واقعنا.روعه الطائي
ﺑﺎﻭﻭﻭﻋﺖ ﻟﻠﺴﻤﺎ ﻫﻤﺴﺖ ﺑﺤﺰﻥ ... ﺭﺑﻲ ﻻ ﺗﺮﺟﻌﻨﻲ ﻟﻬﺬﺍ ﺍﻟﻤﻜﺎﻥ ﻣﺎ ﺍﺭﻳﻴﻴﺪ ﺍﺩﻓﻦ ﺗﺎﺍﺍﺍﺍﺝ ﻭﺍﻟﻠﻪ ﺑﻌﺪﻫﺎ ﺻﻐﻴﺮﻩ ﻭﺗﺨﺎﻑ ﻣﻦ ﺍﻟﻀﻠﻤﻪ
ﺭﺑﻲ ﺗﺎﺝ ﺃﻣﺎﻧﺘﻚ ﻻ ﺗﻀﻴﻌﻬﺎ ﻣﻨﻲ ﺍﻧﺖ ﺍﻋﻠﻢ ﺑﺎﻟﺤﺎﻝ ﻳﺎﺍﺍﺭﺏ ﻭﻳﻦ ﺍﺭﻭﺡ ﺑﺘﻠﺚ ﺑﻨﺎﺕ ﻣﺘﻌﻠﻘﺎﺕ ﺑﻴﻬﺎ ﺣﺪ ﺍﻟﻤﻮﺕ ...
ﻭﺍﻧﻲ ﻣﺴﻮﺩﻥ ﺑﺤﺒﻬﺎ ﻭﺍﻣﻬﺎ ﻣﺴﻜﻴﻨﻪ ﺗﻜﺴﺮ ﺍﻟﺨﺎﻃﺮ ...
ﺭﺑﻲ ﻣﺎ ﻧﻜﺴﺮ ﺧﺎﺍﺍﺍﻃﺮﻙ ؟ ﺗﺎﺍﺍﺍﺝ ﺍﻣﺎﻧﺘﻚ ﻳﺎﺍﺍﺭﺏ
ﺟﺮﻳﺖ ﻧﻔﺲ ﻭﺍﻧﻲ ﺍﺩﻋﻲ ﺑﻜﻞ ﻣﺎ ﺍﻣﻠﻚ ﻭﺍﺣﺲ ﺩﻋﺎﺋﻲ ﻃﺎﻟﻊ ﻣﻦ ﺍﻋﻤﺎﻕ ﻗﻠﺒﻲ ...
ﺭﺟﻌﻨﻪ ﺍﻧﻲ ﻭﻣﻌﺘﺼﻢ ﺭﻛﺒﻨﻪ ﺑﺴﻴﺎﺭﻩ ﻭﺭﺟﻌﻨﻪ ﻟﻠﺒﻴﺖ ﺧﺎﺑﺮﺕ ﻣﻴﺲ ﻛﺘﻠﻬﺎ ﺷﻠﻮﻧﻬﺎ ﺗﻮﺗﻪ ﻛﺎﻟﺖ ﻧﻔﺲ ﺍﻟﺤﻄﻪ ﻣﺘﻐﻴﺮ ﺷﺊ ...
ﺗﻨﻬﺪﺕ ﺑﻀﻴﻖ ﻣﻨﻮ ﺍﻟﻲ ﻳﺒﺸﺮﻧﻲ ﻭﻳﻜﻮﻝ ﻃﺎﺑﺖ ﻭﻟﻮ ﺍﻧﻄﻲ ﺭﻭﺣﻲ ....
ﺍﻟﻠﻪ ﻛﺮﻳﻢ ﺍﻧﻲ ﺧﻠﻴﺘﻬﺎ ﻭﺩﻳﻌﻪ ﻋﻨﺪ ﺭﺑﻲ ﻭﺍﻥ ﺷﺎﺀ ﺍﻟﻠﻪ ﻣﺎ ﺗﻀﻴﻊ ﻣﻨﻲ ﻭﺍﻣﻠﻲ ﺑﺮﺑﻲ ﻛﺒﻴﺮ ...
.....................
ﻣﻴﺲ ...
ﺩﺧﻠﺖ ﻭﻳﺎﻫﺎ ﻧﻀﻔﻨﻬﺎ ﻣﻦ ﺍﻟﻮﻻﺩﻩ ﻭﻛﺸﻄﻮ ﺍﻟﺤﺮﻙ ﻣﻦ ﺟﺴﻤﻬﺎ ﻭﻫﻲ ﻛﻠﺒﺖ ﺍﻟﺪﻧﻴﺎ ﺑﺼﺮﻳﺦ ...
ﺗﻌﺬﺑﺖ ﺣﻴﻴﻞ ﻭﺍﻧﻲ ﺍﺑﺠﻲ ﻭﻳﺎﻫﺎ ﻻ ﺍﺭﺍﺩﻱ ...
ﻭﺑﻌﺪﻫﺎ ﺩﺧﻠﻮﻫﺎ ﻟﻠﺤﻤﺎﻡ ﺩﺧﻠﺖ ﻭﻳﺎﻫﺎ ﺻﺎﺭﻭ ﻳﻨﻀﻔﻮﻥ ﺭﺟﻠﻴﻪ ﺍﻟﻲ ﻣﻤﺤﺘﺮﻙ ﻣﻨﻬﺎ
ﻭﻫﻲ ﺍﻧﻬﺎﺭﺕ ﻣﻦ ﺍﻟﻮﺟﻊ ﺿﻠﺖ ﺗﺮﺟﻔﻔﻒ ﻭﺗﺒﺠﻲ ﻭﺗﺘﻮﺳﻞ ﻳﻌﻮﻓﻮﻫﺎ ﻭﺗﺒﻮﺱ ﺑﻴﻪ ﺗﺘﻮﺳﻞ ﻳﻌﻮﻓﻮﻫﺎ
ﻭﺍﻧﻲ ﺍﺑﺠﻲ ﻛﺘﻠﻬﻢ ﻋﻮﻓﻮﻫﺎ ﺧﻄﻴﻪ ﻛﺎﻟﺖ ... ﻻ ﻫﺬﺍ ﻻﺯﻡ ﻳﻨﺰﺍﺡ ﺣﺘﺊ ﻣﺎ ﺗﺘﻠﻮﺙ
ﺍﻟﻤﻬﻢ ﺑﻄﻠﻌﺎﻥ ﺍﻟﺮﻭﺡ ﻭﻣﺎﻣﺎ ﻭﺍﻛﻔﻪ ﺑﺎﻟﺒﺎﺏ ﻭﺗﺒﺠﻲ ﻣﻦ ﺗﺴﻤﻌﻬﺎ ....
ﺍﺧﺬﻭﻫﺎ ﻟﻔﻮﻫﺎ ﺑﺸﺎﺵ ﺟﺪﻳﺪ ﻭﺍﻧﻄﻮﻫﺎ ﻣﻬﺪﺋﺎﺕ ﻭﻣﺴﻜﻨﺎﺕ ﻭﻣﻐﺬﻱ ...
ﻭﻧﺎﻣﺖ ...
ﺍﻧﻲ ﻃﻠﻌﺖ ﻟﻜﻴﺖ ﻣﺎﻣﺎ ﺗﺒﺠﻲ ﻛﺘﻠﻬﺎ ﻻ ﺗﺨﺎﻓﻴﻦ ﺍﻥ ﺷﺎﺀ ﺍﻟﻠﻪ ﻣﺎﻛﻮﻭ ﺷﺊ ...
ﺷﻮﻳﻪ ﻭﺍﺟﻪ ﺍﺑﺎﺫﺭ ﻭﻋﻤﻮ ....
ﺳﺎﻟﻮ ﻋﻦ ﺗﺎﺝ ﻭﻣﺎ ﺍﻋﺮﻑ ﺷﻨﻮ ﺑﻌﺪﻳﻦ ﺍﺑﺎﺫﺭ ﻛﺎﻝ ﺍﺭﻭﺡ ﺍﺳﺒﺢ ﻭﻋﻨﺪﻱ ﻣﻮﺿﻮﻉ ﻭﻳﻪ ﻧﺪﻳﻤﻪ ﻭﺍﺟﻲ ...
ﻛﺘﻠﻪ ﺍﺭﻭﺡ ﻭﻳﺎﻙ ﻻﻥ ﻫﻤﺎﺕ ﺍﺭﻳﺪ ﺍﺳﺒﺢ ... ﻭﻋﻤﻮ ﻫﻤﺎﺗﻴﻦ ﺍﺟﻪ ﻭﻳﺎﻧﻪ
ﺻﺪﻙ ﺭﺣﺖ ﻭﻳﺎﻩ ﻭﺻﻠﻨﻪ ﻟﻜﻴﺖ ﺍﻟﺒﻨﺎﺕ ﻛﻠﻬﻢ ﻭﺑﻨﺎﺕ ﻫﺒﻪ ﻭﺑﻨﺖ ﺗﺎﺝ ﺣﻀﻨﺘﻬﻦ ﻭﺑﺴﺘﻬﻦ ﺷﻜﺪ ﻣﺸﺘﺎﻗﻪ ﺍﻟﻤﺘﻬﻦ ...
ﺩﺧﻞ ﺍﺑﺎﺫﺭ ﺳﺒﺢ ﻭﺍﻧﻲ ﺩﺧﻠﺖ ﻭﺭﻩ ﻣﺨﻠﺺ ﺍﺧﺬﺕ ﻣﻼﺑﺲ ﻣﻦ ﺗﺎﺍﺍﺝ ...
ﻃﻠﻌﺖ ﺷﻔﺖ ﺍﻟﺒﻨﺎﺕ ﻛﺎﻋﺪﺍﺕ ﻭﺍﺑﺎﺫﺭ ﻛﺎﻋﺪ ﻻﺯﻡ ﺑﻨﺘﻪ ﺑﺤﻀﻨﻪ
ﻧﺪﻳﻤﻪ ﺟﺎﻧﺖ ﺗﻔﺮﻙ ﺑﺎﺻﺎﺑﻌﻬﺎ ﻭﺧﺎﻳﻔﻪ ﺣﻴﻴﻞ ...
ﻛﺎﻟﺖ .. ﺷﻠﻮﻧﻬﺎ ﺗﺎﺍﺝ
ﺭﺩﻳﺖ ﺑﻘﻬﺮ ... ﻣﻮ ﺯﻳﻨﻪ
ﺭﺟﻔﺖ ﺷﻔﺎﻳﻔﻬﺎ ﻛﺎﻟﺖ ... ﺍﻧﻲ ﺍﻟﺴﺒﺐ
ﺑﺎﻭﻋﻠﻬﺎ ﺍﺑﺎﺫﺭ ﻛﻠﻬﺎ ... ﺷﻠﻮﻥ ﺍﻧﺘﻲ ﺍﻟﺴﺒﺐ ﻫﺎﻱ ﺛﺎﻧﻲ ﻣﺮﻩ ﺗﻌﻴﺪﻳﻬﺎ ﺻﺎﻳﺮ ﺷﺊ
ﺑﺠﺖ ﺑﺨﻮﻭﻑ ﻛﺎﻟﺖ ... ﺍﻱ ﺍﻛﻮﻭﻭ ﻭﺻﺎﻳﺮ
ﻫﻮ ﻋﺎﻑ ﺑﻨﺘﻪ ﻭ ﻭﻛﻒ ﻣﻘﺎﺑﻴﻠﻬﺎ ﻛﻠﻬﺎ ﺑﺎﺳﺘﻐﺮﺍﺏ ... ﺍﺣﺠﻲ ﻻ ﺍﺩﻓﻨﺞ ﺷﺴﻮﻳﺘﻲ ﺍﻟﺘﺎﺍﺝ
ﺭﺟﻔﺖ ﺑﺨﻮﻭﻑ ﻭﺑﻜﺎﺀ ... ﺍﻧﻲ ﻣﺎ ﺳﻮﻭﻭﻳﺖ ﺍﻧﺘﺼﺎﺭ ﺳﻮﺕ
ﻫﻮ ﻟﺰﻣﻬﺎ ﺑﻐﻀﺐ ﻣﻦ ﺭﻛﺒﺘﻬﺎ ﻭﺧﻨﻜﻬﺎ ... ﺷﺴﻮﻭﻭﻭﺕ
ﺭﺟﻌﺖ ﺑﺨﻮﻭﻑ ﻭﻫﻲ ﺗﺮﺟﻒ ﻭﺗﺒﺠﻲ ... ﺳﻮﻭﺕ ﺳﺤﺮ ﺍﻟﺘﺎﺝ ﺣﺘﺊ ﺑﻌﺪ ﺗﺘﻄﻠﻚ ﻣﻨﻚ ﻣﺎ ﺗﺮﻳﺪﻙ
ﻫﻮ ﻓﺘﺢ ﻋﻴﻮﻧﻪ ﻣﺼﺪﻭﻭﻡ ﻭﺍﻧﻲ ﺍﺣﺲ ﻧﺎﺍﺍﺭ ﺷﻌﻠﺖ ﺑﺼﺪﺭﻱ
ﻫﻮ ﻫﺰ ﺭﺍﺳﻪ ﺑﻨﻔﻲ ﻛﻠﻬﺎ ... ﻭﺷﻠﻮﻭﻭﻥ ﺟﺎﺑﺘﻪ
ﺑﺎﻭﻋﺘﻠﻪ ﻛﺎﻟﺖ ﺑﺎﺳﻒ ... ﺍﻧﻲ ﺟﺒﺘﻪ ﻭﺧﻠﻴﺘﻪ ﺑﺎﻟﻐﺮﻓﻪ
ﻫﻲ ﻣﻜﺎﻟﺖ ﻫﻴﻴﺞ ﺍﻟﻪ ﻫﻮﻭ ﺍﻧﻬﺎﺍﺍﺍﺍﺍﺍﺭ ﻣﺼﺎﺭﺕ ﺗﻌﺮﻑ ﺍﻟﻀﺮﺏ ﻭﺍﻟﺪﻓﺮﺍﺕ ﻭﺍﻟﺒﻮﻛﺴﻴﺎﺕ ﻣﻨﻴﻦ ﺗﺠﻴﻬﺎبيج قصص عراقيه حقيقيه من واقعنا.روعه الطائي
ﻛﻄﻌﻬﺎ ﺗﻜﻄﻊ ﻭﻣﻌﺘﺼﻢ ﻭﺍﻛﻒ ﺑﻨﺼﻬﻢ ﺍﻟﺒﻨﺎﺕ ﺍﻟﺼﻐﺎﺭ ﺿﻠﻦ ﻳﻌﻴﻄﻦ ﻭﺍﺧﻮﺍﺗﻪ ﻳﺒﺠﻦ
ﻭﻫﻮ ﻳﺤﺠﻲ ﺑﺎﻟﻢ ﻭﺻﻴﺎﺍﺍﺡ ... ﻟﺞ ﻛﻠﺒﻪ ﺣﻘﻴﻴﻴﻴﻴﺮﺭﺭﺭﻩ ﻭﻟﺞ ﺷﻠﻮﻥ ﺍﻧﻄﺘﺞ ﻧﻔﺴﺞ ﻫﻴﻴﺞ ﺗﺴﻮﻭﻭﻳﻦ ﺑﻴﻪ ﻭﺍﻟﻠﻪ ﻭﺍﻟﻠﻪ ﺍﺫﺍ ﺗﺎﺝ ﻣﺎﺗﺖ ﺍﺣﺮﻛﺞ ﻭﺍﻟﻘﺮﺭﺭﺍﻥ
ﻟﺞ ﺷﺪﻛﻮﻟﻴﻦ ﺍﻟﺮﺑﺞ ﻭﺍﻧﻲ ﺿﻠﻤﺘﻲ ﺑﻨﻴﻪ ﻣﺎﻟﻬﺎ ﺫﻧﺐ ﻭﻋﺬﺑﺘﻴﻬﺎ ﻭﻣﻮﺗﻲ ﻃﻔﻞ ﺑﻌﺪﻩ ﻣﺎ ﺷﺎﺍﺍﻑ ﺍﻟﻨﻮﻭﺭ ﻭﺍﻟﻠﻪ ﺣﻖ ﺗﺎﺝ ﻭﺍﺑﻨﻲ ﺍﻃﻠﻌﻪ ﻣﻦ ﻋﻴﻮﻧﺞ ﺍﻧﺘﻲ ﻭﺫﻳﺞ ﺍﻟﻌﺎﻫﺮ
ﻫﻲ ﻭﻛﻌﺖ ﻣﻦ ﺍﻟﻀﺮﺏ ﻭﺿﻠﺖ ﺗﺼﺮﺭﺥ ﺍﺟﻪ ﺭﺍﺿﻲ ﻳﺮﻛﺾ ﻫﻮ ﻭﺍﻣﻪ ﺍﺑﺎﺫﺭ ﻃﺎﺡ ﺑﻴﻬﻢ ﻭﻃﺮﺩﻫﻢ ﻭﺻﺎﺭﺕ ﻃﻜﻪ ﻭﻃﻴﻴﺢ ﻭﺍﻧﻲ ﺍﺑﺠﻲ
ﻭﻋﻤﻮ ﺭﺟﻊ ﻋﻠﺊ ﻧﺪﻳﻤﻪ ﻭﺭﺯﻟﻬﺎ ...
ﺍﻧﻮﺏ ﺍﺑﺎﺫﺭ ﺭﺍﺡ ﻭﻫﺪ ﻋﻠﺊ ﺍﻫﻞ ﺍﻧﺘﺼﺎﺭ ﺑﺮﺷﺎﺷﻪ ﺧﺒﺰﻫﻢ ﺧﺒﺰ ...
ﻭﺻﺎﺭﺕ ﻛﻌﺪﻩ ﻭﻣﺪﺭﻱ ﺷﻨﻮﻭ ﺍﻟﻤﻬﻢ ﺍﺧﻮ ﺍﻧﺘﺼﺎﺭ ﻋﺮﻑ ﺍﻥ ﺍﻧﺘﺼﺎﺭ ﻫﻲ ﻣﺴﻮﻳﻪ ﺳﺤﺮ ﻭﺣﻠﻔﻮﻫﺎ ...
ﺍﺧﻮﻫﺎ ﻛﺘﻠﻬﺎ ﻛﺎﻟﺖ ﻣﺴﻮﻳﻪ ﺳﺤﺮ ﻋﻨﺪ ﻭﺍﺣﺪ ﺻﺎﺑﺌﻲ ...
ﺍﺑﺎﺫﺭ ﺍﺷﺘﻜﺊ ﻋﻠﻴﻬﻢ ﻭﻋﻤﻮ ﻃﻠﻊ ﺩﻭﺭﻳﻪ ﻭﺍﻋﺘﻘﻠﻮ ﺍﻟﺴﺤﺎﺭ ﻭﺣﺘﺊ ﺍﻧﺘﺼﺎﺭ ﺭﻓﻊ ﻋﻠﻴﻬﺎ ﺩﻋﻮﻭﻩ ...
ﺑﻬﺎﻱ ﺍﻻﺣﺪﺍﺙ ﺗﺎﺝ ﺟﺎﻧﺖ ﺷﻮﻭﻭﻳﻪ ﺩﺗﺘﺤﺴﻦ ﺍﺣﺴﻦ ﻣﻦ ﻗﺒﻞ ﻭﻣﺮﺓ ﻋﻠﻴﻬﺎ ﻋﺸﺮ ﺍﻳﺎﻡ ...
ﺑﺲ ﺑﻌﺪ ﻋﻨﺪﻫﺎ ﺟﺮﻭﺡ ﻋﻤﻴﻘﻪ ﺑﺲ ﺍﺣﺴﻦ ﻣﻦ ﻗﺒﻞ ...
ﻣﺮﺕ ﺍﻳﺎﺍﺍﻡ ﻭﺗﻘﺮﻳﺒﺎ ﺷﻬﺮﻳﻦ ﻛﺎﻣﻠﻴﻦ ﺑﻴﻦ ﺍﻟﻮﺟﻊ ﻭﺍﻻﻟﻢ ﻭﺍﻟﻤﺎﺳﺎﺓ ﻃﻠﻌﻮﻫﺎ ﻣﻦ ﺍﻟﻤﺴﺘﺸﻔﺊ ....
. ﻣﺎﻣﺎ ﻣﻘﺒﻠﺖ ﺗﺨﻠﻴﻬﺎ ﺗﺮﻭﺡ ﺍﻻﻱ ﻣﻜﺎﻥ ﺍﺧﺬﺗﻬﺎ ﻳﻤﻬﺎ ﻭﻣﻬﺘﻤﻪ ﺣﻴﻴﻞ ﺑﻴﻬﺎ ﻭﺑﻌﺎﻟﺠﻬﺎ ...
ﻭﺧﻄﻴﻪ ﻣﺮﺓ ﻫﺸﺎﻡ ﻣﻤﻘﺼﺮﻩ ...
ﻭﺑﺎﺑﺎ ﻣﺘﺨﺒﻞ ﻋﻠﺊ ﺗﺎﺝ ﻭﺭﺍﺡ ﻃﻴﺢ ﺣﺾ ﻧﺪﻳﻤﻪ
ﻭﺍﺑﺎﺫﺭ ﻳﺮﻭﺡ ﻭﻳﺠﻲ ﻋﻠﻴﻬﺎ ....
ﺧﻄﻴﻪ ﻋﻤﺘﻬﺎ ﻣﻦ ﺩﺭﺕ ﺑﻨﺪﻳﻤﻪ ﻫﻲ ﺍﻟﺴﺒﺐ ﺿﻠﺖ ﺗﻠﻄﻢ ﻋﻠﺊ ﻭﺟﻬﻬﺎ ﻭﺗﻐﻢ ﺑﻜﺼﺘﻬﺎ ﻭﺣﻠﻔﺖ ﻧﺪﻳﻤﻪ ﻣﺘﺒﺮﻳﻪ ﻣﻨﻬﺎ ﺍﻟﻴﻮﻡ ﺍﻟﺪﻳﻴﻦ
ﻭﺍﻟﺤﻤﺪ ﻟﻠﻪ ﻋﻠﻰ ﻛﻞ ﺣﺎﻝ ...
ﺑﺲ ﻣﺎﻣﺎ ﺗﺨﺒﻠﺖ ﻭﺣﻠﻔﺖ ﺗﻄﻠﻜﻬﺎ ﻟﻮ ﺍﺑﺎﺫﺭ ﻳﻨﺘﻘﻢ ﻣﻦ ﻧﺪﻳﻤﻪ ﺑﺲ ﺑﻌﺪﻳﻦ ﻛﺎﻟﺖ ﺻﺤﺔ ﺗﺎﺝ ﺑﺎﻟﺪﻧﻴﺎ ﻭﺍﻧﻲ ﻣﺎ ﺍﺭﻳﺪ ﺍﺩﺧﻞ ﺑﺬﻣﺘﻬﺎ ﺍﻟﻠﻪ ﻳﺠﺎﺯﻳﻬﺎ ﻣﺎ ﺍﺭﻳﺪ ﺭﺑﻲ ﻳﻌﺎﻗﺒﻨﻲ ﺍﻟﻤﻬﻢ ﺑﻨﺘﻲ ﻭﺍﻟﺒﺎﻗﻴﻦ ﻣﻮ ﻣﻬﻤﻴﻦ
ﻭﻃﺒﻌﺎ ﺣﻴﻴﻞ ﻣﻬﺘﻤﻴﻦ ﺑﻴﻬﺎ ﻣﻌﻘﻢ ﻭﻏﺮﻓﻪ ﻣﻌﺰﻭﻭﻟﻪ ﻭﻃﺒﻌﺎ ﺗﺮﺟﻊ ﻟﻠﻤﺴﺘﺸﻔﺊ ﻋﻼﺝ ﻭﻣﺎ ﺍﻋﺮﻑ ﺷﻨﻮ
ﺧﻄﻴﻪ ﺍﻟﺒﻨﺎﺕ ﺍﻟﺼﻐﺎﺭ ﻓﺮﺣﺎﻧﺎﺕ ﺑﻴﻬﺎ ﻭﻟﻮ ﻣﺎﻣﺎ ﺗﺨﺎﻑ ﻋﻠﻴﻬﺎ ﻳﺼﻴﺮ ﺑﻴﻬﺎ ﺷﺊ ﻣﻨﻬﻦ ﻻﻥ ﻳﻜﻤﺰﻥ ﻋﻠﻴﻬﺎ ﻭﺍﺣﻨﻪ ﻧﺨﺎﻑ ﻋﻠﺊ ﺟﺮﻭﺣﻬﺎ ﻭﻧﺨﺎﻑ ﻣﻦ ﺍﻟﺘﻠﻮﺙ
.......................
ﺩﻋﺎﺀ ...
ﺑﻌﺪ ﻣﺎ ﺗﺎﺝ ﺻﺎﺭﺕ ﺯﻳﻨﻪ ﻗﺮﺭﺕ ﺍﺟﺲ ﺍﻟﻨﺒﺾ ﻋﻨﺪ ﻣﻌﺘﺼﻢ ﺍﻧﻲ ﻣﺎ ﺍﻛﺪﺭ ﺍﻋﻴﺶ ﻭﻳﻪ ﻏﻴﺮﻩ ...
ﺍﻱ ﺍﺣﺒﺒﻪ ﺍﻧﻲ ﻣﻦ ﺯﻣﺎﻥ ﻭﺍﻣﻮﺕ ﻋﻠﻴﻪ
ﺍﺗﻔﻘﺖ ﻭﻳﻪ ﺍﻡ ﻫﺸﺎﻡ ﺍﻥ ﺍﻧﻲ ﺩﻳﺠﻮﻧﻲ ﺧﻄﺎﺑﻪ ﻭﻳﻪ ﺑﻨﺎﺕ ﺍﺧﺘﻲ ...
ﺧﺎﺑﺮﺕ ﻣﻴﺲ ﻭﺍﺗﻔﻘﺖ ﻭﻳﺎﻫﺎ ﻋﻠﺊ ﻣﺤﺎﺩﺛﻪ ﺻﺎﺭﺕ ﺑﻴﻨﻲ ﻭﺑﻴﻨﻬﺎ ﻋﻮﻭﺩ ﻫﻲ ﺧﻄﻴﺒﻲ ﻭﻧﺰﻟﺖ ﺍﻟﻤﺤﺎﺩﺛﻪ ﺳﺘﻮﺭﻱ ﺑﺎﻟﻮﺍﺗﺴﺎﺏ ﺣﺎﻟﻪ ..
ﻧﺰﻟﺖ ﺍﻭﻝ ﻣﺤﺎﺩﺛﻪ ﻣﻜﺘﻮﺏ ... ﻫﺎﺍﺍ ﻣﺮﻳﺘﻲ ﺣﻴﺎﺗﻲ ﻭﺍﻟﻠﻪ ﻣﻤﺼﺪﻙ ﺧﻄﺒﺘﺞ ﺍﺣﺒﺒﺞ ﻳﺎ ﺣﻼﻟﻲ
ﻭﺍﻧﻲ ﺭﺍﺩﻩ ﺣﻴﺎﺗﻲ ﺍﻧﺖ ﺍﺭﻳﺪﻙ ﺗﻌﻮﺿﻨﻲ ﻋﻦ ﺍﻟﻔﺎﺕ ﻭﺍﺭﻳﺪﻙ ﺍﺑﻮﻳﻪ ﻭﺣﺒﻴﺒﻲ
ﺍﻟﺮﺩ ﺟﺎﻥ ... ﺍﻋﻮﺿﺞ ﻳﺮﻭﻭﻭﺣﻲ ﺍﻋﻮﺿﺞ ﺑﺤﻀﻨﻲ ﻣﺒﺮﻭﻙ ﻋﻠﻴﻪ ﺍﻧﺘﻲ ﺣﺒﻴﺒﻲ
ﻭﺍﻧﻲ ﻛﺎﺗﺒﻪ .. ﻣﺒﺮﻭﻙ ﻋﻠﻴﻪ ﺍﻧﺖ ﻳﻌﻤﺮﻱ ﻭﻻ ﺩﻟﻠﻨﻲ ﺯﻳﺎﺩﻩ ﻫﻴﻴﺞ ﺍﺫﻭﻭﻭﺏ
ﺍﻟﺮﺩ ... ﺍﻭﻭﻭﻭﻳﻠﻲ ﺍﻟﻴﺬﻭﻭﻭﺏ ﻣﻴﺘﺞ ﺑﻴﻴﺞ ﺣﺒﻴﺒﻲ
ﺟﺎﻧﺖ ﻣﻴﺲ ﺿﺎﺑﻄﻪ ﺍﻟﺪﻭﺭ ﺻﺪﻙ ﻭﻫﺬﺍ ﺍﻟﻲ ﻓﺮﺣﻨﻲ
ﺍﻧﺘﻀﺮﺕ ﺷﻮﻭﻭﻭﻳﻪ ﻭﺍﺗﺼﻞ ﻣﻌﺘﺼﻢ ﺗﻘﺮﻳﺒﺎ ﺧﻤﺲ ﻣﻜﺎﻟﻤﺎﺕ ﻣﺎ ﺭﺩﻳﺖ ...
ﺭﺟﻊ ﻛﺘﺐ ﺭﺳﺎﺋﻞ ﻭﺻﻠﻦ ﺑﻴﻬﻦ ﺧﻤﺲ ﺭﺳﺎﺋﻞ ﻭﺍﻛﺜﺮﻫﻦ ﺩﻋﺎﺀ ﺻﺪﻙ ﺍﻧﺨﻄﺒﺘﻲ ﺍﻟﻴﻮﻡ ﺍﻧﻌﻞ ﻭﺍﻟﺪﻱ ﻭﺍﻟﺪﻳﺞ
ﺩﻋﺎﺍﺍﺍﺍﺍﺀ ﺑﻨﺖ ﺍﻟﻜﻠﺐ ﺗﻨﺨﻄﺒﻴﻴﻴﻴﻦ ﺍﻟﻴﻮﻡ ﺍﺣﺮﻙ ﻋﺸﻴﺮﺗﺞ ...
ﻣﺘﺖ ﻣﻦ ﺍﻟﻀﺤﻚ ﻋﻠﻴﻪ ﺑﺲ ﺣﻠﻔﺖ ﻣﺎ ﺍﺭﺩ ﻋﻠﻴﻪ ﺍﻟﻪ ﺍﺣﺮﻙ ﻛﻠﺒﻪ ﻣﺜﻞ ﻣﺎ ﺣﺮﻙ ﻛﻠﺒﻲ
ﻭﻛﻔﺖ ﻋﻠﺊ ﺍﻟﻤﺮﺍﻳﻪ ﻭﺍﻧﻲ ﺍﺣﺮﻙ ﺑﺨﺼﻼﺕ ﺷﻌﺮﻱ ﻭﺍﺿﺤﻚ ﻣﻮﺕ ﻗﻬﺮ ﻣﺜﻞ ﻣﺎ ﺍﻧﻲ ﻣﺘﺖ ﻗﻬﺮ ...
ﺭﺟﻊ ﺍﺗﺼﻞ ﺍﺗﺼﻞ ﻣﺎ ﺭﺩﻳﺖ
ﻛﺘﺐ ... ﻻ ﺗﺮﺩﻳﻴﻦ ﺑﺲ ﻭﺍﻟﻠﻪ ﺍﻟﻪ ﺍﻧﺪﻣﺞبيج قصص عراقيه حقيقيه من واقعنا.روعه الطائي
ﻃﻜﻴﺘﻬﺎ ﺿﺤﻜﻪ ﻭﺑﺴﺖ ﺻﻮﺭﺭﺗﻪ ﺣﻴﻴﻞ ﻳﺎﻟﻠﻪ ﺍﺣﺒﺒﺒﺒﻪ ﺭﻏﻢ ﻣﺮﺍﺕ ﻳﺴﺘﺤﻠﺐ ﻭﻳﺼﻴﺮ ﺧﺒﻴﺚ ...
ﺧﺎﺑﺮﺕ ﻣﻴﺲ ﻛﺘﻠﻬﺎ ﺍﺫﺍ ﺃﺟﺎﻛﻢ ﻣﻌﺘﺼﻢ ﻛﻮﻟﻲ ﺍﻱ ﺍﻧﺨﻄﺒﺖ ﻭﻛﻮﻟﻲ ﻻﻡ ﻫﺸﺎﻡ ﺩﻛﻮﻟﻪ ﻣﺎ ﺍﺩﺭﻱ ﺟﺎﻳﻴﻬﺎ ﺧﻄﺎﺑﻪ ﺑﺲ ﺍﻧﻲ ﻛﺘﻠﻬﻢ ﻻ ﺗﺨﺎﺑﺮﻭﻧﻲ ﺍﺫﺍ ﺍﻧﻄﻴﺘﻮﻫﺎ ﻻﻥ ﺣﻤﺎﻱ ﻣﻴﺴﺘﺎﻫﻞ ﻫﻴﺞ ﻳﺼﻴﺮ ﺑﻲ ...
ﻣﻴﺲ ﻣﺎ ﻗﺼﺮﺕ ....
ﺿﻞ ﻳﺘﺼﻞ ﻳﺘﺼﻞ ﻭﺍﻧﻲ ﻣﺎ ﺍﺭﺩ ﻭﺩﺧﻞ ﻋﻠﻴﻪ ﻣﻦ ﻛﻞ ﺍﻟﺒﺮﺍﻣﺞ ﻭﻳﺴﺐ ﻭﻳﻔﺸﺮ
ﻭﻛﻞ ﺷﻮﻳﻪ ﻭﻛﺘﺐ ﺍﺩﺑﺴﺰ ﺍﻧﻲ ﺍﻟﺞ ...
ﺑﺼﺮﺍﺣﻪ ﺍﻭﻝ ﻣﺮﻩ ﺍﺿﺤﻚ ﻫﻴﺞ ﻣﻦ ﺑﻌﺪ ﻣﺎ ﺗﺎﺝ ﺍﺣﺘﺮﻛﺖ ...
ﺍﺗﺬﻛﺮﺗﻬﺎ ﺣﺒﻴﺒﺘﻲ ﺷﻮﻭﻳﻪ ﻣﺘﺤﺴﻨﻪ ﻭﺍﻥ ﺷﺎﺀ ﺍﻟﻠﻪ ﺗﺴﺎﻓﺮ ﻭﺗﺘﻌﺎﻟﺞ ﺍﻟﺤﻤﺪ ﻟﻠﻪ ﺍﻫﻢ ﺷﺊ ﻋﺎﺷﺖ ...
ﻣﺸﺘﺎﻗﺘﻠﻬﺎﺍﺍ ﺍﺭﻳﺪ ﺍﺭﻭﺡ ﺍﺷﻮﻓﻬﺎ ﻓﺪ ﻳﻮﻡ ﻭﺍﺭﻭﺡ ﺍﻟﻬﺎ ﺣﺒﻴﺒﺘﻲ ﺗﻮﺟﻪ ...
....................
ﻣﻴﺲ ...
ﺟﻨﺖ ﻋﻨﺪﻱ ﺍﻫﻠﻲ ﻭﻋﺒﺎﺱ ﺧﺎﺑﺺ ﺍﻻﻣﻪ ﻳﻠﻌﺐ ﻭﻳﺘﻌﺎﺭﻙ ﻭﻳﻪ ﺑﻨﺎﺕ ﺗﺎﺝ ﻫﻨﻪ ﺧﻄﻴﻪ ﻳﺤﺒﻨﻪ ﺑﺲ ﻫﻮ ﻧﺬﻝ ﻣﺎ ﻳﺤﺐ ﺍﻱ ﻭﺣﺪﻩ ﺑﻴﻬﻦ
ﻣﻄﺎﻟﻊ ﻋﻠﺊ ﺍﺑﻮ ﺭﻏﻢ ﺍﺑﻮﻭ ﺣﺘﺊ ﺍﻟﻄﺎﻳﺤﻪ ﻣﻦ ﺍﻟﺴﻄﺢ ﻳﺤﺒﻬﺎ ﻭﻋﺎﺷﻚ ﺍﻟﻜﻞ ﻭﻣﺎ ﻳﻔﺮﻕ ﺍﺑﺒﺒﺪ
ﻳﻌﻨﻲ ﺍﻡ ﻋﺒﺪ ﺍﻟﻠﻪ ﻭﺍﻟﺤﺒﺎﻳﺐ ﻛﻠﻬﻦ ﺑﺲ،ﻳﻜﻮﻝ ﺗﺎﻳﺐ ﻣﻦ ﺍﻟﻨﺴﻮﺍﻥ ﻣﻦ ﺗﺰﻭﺟﺘﺞ ﻭﻟﻮﻭ ﻣﺴﻠﻢ ﻣﻮ ﻣﺎﻝ ﺛﻘﻪ
ﺑﺲ ﻳﺎﻟﻠﻪ ﻫﻮ ﻳﺮﺭﻭﺡ ﻳﺮﺭﻭﺡ ﻭﺗﺎﻟﻲ ﻳﺮﺟﻊ ﻟﻨﻔﺲ ﺍﻟﻌﺶ
ﺑﺼﺮﺍﺣﻪ ﻫﻮ ﺣﻴﻴﻞ ﻳﺤﺒﻨﻲ ﻭﺍﻟﻪ ﻣﻮﺍﻗﻒ ﻭﻳﺎﻳﻪ ﺧﻄﻴﻪ ﻳﻌﻨﻲ ﻣﻦ ﺗﺎﺝ ﺍﺣﺘﺮﻛﺖ ﺍﺑﺒﺪ ﻣﺎ ﻗﺼﺮ ﻭﻳﺎﻧﻪ ﻭﻳﺮﻭﺡ ﻭﻳﺠﻲ
ﻭﺧﻼﻧﻲ ﺍﺿﻞ ﻳﻢ ﺗﺎﺍﺝ ﻃﻮﻝ ﻣﺎ ﻫﻲ ﺑﺎﻟﻤﺴﺘﺸﻔﺊ ﻭﻫﻤﺎﺗﻴﻦ ﻣﻦ ﻃﻠﻌﺖ ﺿﻠﻴﺖ ﻳﻤﻬﺎ ﻭﻫﻮ ﻳﺠﻲ ﺣﺘﺊ ﻣﺴﻮﺍﻙ ﻳﺠﻴﺐ ﻭﻳﺨﻠﻲ ﻋﺒﺎﺱ ﻋﻨﺪﻩ
ﺑﺎﻭﻋﺖ ﺍﻟﺘﺎﺝ ﻧﺎﻳﻤﻪ ﻭﻣﺘﻐﻄﻴﻪ ﻋﻠﺊ ﺍﻟﻘﻨﻔﻪ ﻟﺤﺪ ﺍﻻﻥ ﻣﻤﺼﺪﻛﻪ ﺻﺎﺭﺕ ﺯﻳﻨﻪ ﻭﻋﺎﺷﺖ ﺍﺗﻤﻨﺊ ﺍﺣﻀﻨﻬﺎ ﻭﺍﺑﻮﻭﻭﻭﺳﻬﺎ ﺣﻴﻴﻴﻴﻞ ﺣﻴﻴﻞ ﻣﻤﺼﺪﻛﻪ ﻭﺍﻟﻠﻪ
ﺣﺘﺊ ﻛﻞ ﻣﺎ ﺍﺷﻮﻓﻬﺎ ﺍﺑﺠﻲ ﻭﻣﺎﻣﺎ ﻣﺘﺨﺒﻠﻪ ﻋﻠﻴﻬﺎ ...
ﺑﺎﻭﻋﺖ ﺍﻟﻤﺮﻩ ﻫﺸﺎﻡ ﺣﺒﺎﺑﻪ ﺗﺮﻛﺾ ﻫﻴﺞ ﻭﻫﻴﺞ ﻭﺗﻨﻀﻒ ﻭﻣﻤﺨﻠﻲ ﺗﺎﺝ ﺑﻌﺎﺯﻩ ﻭﻣﺎﻣﺎ ﻭﻳﺎﻫﺎ ...
ﺍﻟﺤﻤﺪ ﻟﻠﻪ ﻣﻦ ﺑﻌﺪ ﺍﻟﺸﺪﻩ ﻭﺍﻟﻌﻨﺎﺀ ﺍﻟﻔﺮﺝ ﻭﺍﻟﺮﺧﺎﺀ ...
ﺍﻧﺪﻙ ﺍﻟﺒﺎﺏ ﺑﻘﻮﻭﻩ ﺭﺣﺖ ﻓﺘﺤﺘﻪ ﺷﻔﺘﻪ ﻋﻤﻮﻭ ﻣﻌﺘﺼﻢ ﻋﻴﻮﻧﻲ ﺣﻤﺮ ﻭ ﻭﺟﻬﻪ ﺑﻲ ﺳﺒﻌﻴﻦ ﻟﻄﺎﻡ
ﻛﺘﻠﻪ ﺑﺨﻮﻭﻑ ... ﻫﺎﺍﺍ ﻋﻤﻮ ﺷﻜﻮ ﺻﺎﻳﺮ ﺷﺊ
ﻛﺎﻝ ﺑﻠﻬﻔﻪ ... ﺻﺪﻙ ﺩﻋﺎﺀ ﺍﻧﺨﻄﺒﺖ
ﺟﺎﻭﺑﺘﻪ ﺑﺒﺘﺴﺎﻣﻪ ... ﺍﻱ
ﻫﻮ ﺧﻠﻪ ﻭﺭﺍﺍﺡ ﺑﺎﻭﻋﺘﻠﻪ ﻣﻦ ﺍﻟﺒﺎﺏ ﺭﻛﺐ ﺳﻴﺎﺭﺗﻪ ﻭﺷﺨﻄﻬﺎ ﺑﺴﺮﻋﻪ ﺍﺑﺘﺴﻤﺖ ﻋﻠﻴﻪ ﻭﺍﻟﻠﻪ ﻟﻮ ﻳﺪﺭﻱ ﺍﻟﻌﺐ ﻋﻠﻴﻪ ﻭﻳﻪ ﺩﻋﻴﻪ ﺍﻟﻪ ﻳﺬﺑﺤﻨﻲ ﺑﺲ ﺑﻌﺪ ﺩﻋﺎﺀ ﻭﺳﻮﺍﻟﻔﻬﺎ ...
ﻓﺰﺕ ﺗﺎﺝ ﻛﺎﻟﺖ ﺑﺘﻌﺐ .. ﺷﻜﻮﻭ
ﺿﺤﻜﺖ ﻛﻌﺪﺕ ﻳﻤﻬﺎ ... ﺩﻋﻴﻪ ﺧﺎﻟﺘﻲ ﻧﺼﺒﺖ ﻋﻠﺊ ﻣﻌﺘﺼﻢ ﻋﻤﻮ ﻭﻛﺎﻳﻠﺘﻠﻪ ﺍﻧﺨﻄﺒﺖ ﻭﻫﻮ ﻋﻔﺎﺭﻳﺘﻪ ﺿﻠﺖ ﺗﻬﺰ ﺟﺘﻒ
ﻫﺰﺕ ﺍﻳﺪﻫﺎ ﻭﻫﻲ ﺗﺒﺘﺴﻢ ... ﻫﺎﺍﻱ ﺷﻮﻛﺖ ﺗﻌﻘﻞ ﺻﺎﺭﺕ ﺧﺎﻟﻪ ﻻ ﻋﻘﻠﺖ ﺻﺎﺭﺕ ﻋﻤﻪ ﻻ ﻋﻘﻠﺖ ﺗﺰﻭﺟﺖ ﻻ ﻋﻘﻠﺖ ﺷﺘﺮﻳﺪ ﺗﻨﻜﺘﻞ ﻣﺜﻼ ...بيج قصص عراقيه حقيقيه من واقعنا.روعه الطائي
ﺿﺤﻜﺖ ... ﻫﻬﻪ ﺍﻧﺪﺭﻱ ﻭﻟﺞ ﺣﻀﻬﺎ ﺯﺑﺎﻟﻪ ﻣﺜﻠﻬﺎ ﺍﺣﺲ ﺷﺨﺺ ﻳﺪﻋﻲ ﻋﻠﻴﻬﺎ ﻣﺘﻮﺿﻲ ﺑﻀﻤﻴﺮ ﻭﻳﺼﻠﻲ ﺑﻘﻤﺔ ﺍﻟﺨﺸﻮﻉ ﻟﺞ ﻣﺎﻛﻮ ﻫﻴﺞ ﺑﺸﺮ ﺯﺑﺎﻟﻪ ﻭﺣﻀﻪ ﻣﻌﻔﻦ
ﺿﺮﺑﺘﻨﻲ .... ﻫﻬﻬﻬﻪ ﺍﻛﻠﻲ ﺗﺒﻦ ﻟﺴﺎﻧﺞ ﺻﺎﻳﺮ ﺯﻓﺮ ﻣﺜﻠﺞ ﻣﻮ ﺧﺎﻟﺘﻨﻪ
ﺭﺩﻳﺖ ... ﻫﻬﻬﻬﻬﻬﻬﻬﻬﻬﻪ ﺷﺒﻴﺞ ﻭﺍﻟﻠﻪ ﻳﻌﻨﻲ ﺍﻟﻜﻞ ﻣﻌﺠﺐ ﺑﻴﻬﺎ ﻭﺍﻟﻜﻞ ﻳﺤﺒﻬﺎ ﻭﺗﺎﻟﻲ ﻣﻦ ﺗﺰﻭﺟﺖ ﻃﻠﻊ ﻋﻤﻮ ﻣﻴﺤﺒﻬﺎ ﻭﺧﻠﺼﺘﻬﺎ ﻋﻤﻠﻴﺎﺕ ﻭﻫﺴﻪ ﻋﻤﻮ ﺣﻴﺬﺑﺤﻬﺎ
ﺿﺤﻜﺖ ... ﻳﺎﺑﻪ ﻋﻮﻓﻴﻨﻪ ﻣﻨﻬﺎ ﺟﻴﺒﻴﻠﻲ ﻫﺒﻪ ﻣﺸﺘﺎﻗﻪ ﺍﻟﻬﺎ ﻭﺍﻛﻮﻟﺞ ﺯﻳﻨﺐ ﻭﺯﻫﺮﺍﺀ ﻧﺎﻳﻤﺎﺕ
ﻭﻛﻔﺖ ... ﺍﻱ ﻧﺎﻣﻦ ﻛﺘﻠﻦ ﻋﺒﺎﺱ ﻭﻧﺎﻣﻦ ﻭﻫﺒﺎﻭﻱ ﺍﻟﺤﻠﻮﻩ ﻋﻨﺪ ﻣﺎﻣﺎ ﻫﺴﻪ ﺣﺠﻴﺒﻬﺎ ...
ﺭﺣﺖ ﺟﺒﺘﻬﺎ ﺍﻧﻄﻴﺘﻬﺎ ﺍﻟﻬﺎ ﻭﻫﻲ ﺿﻠﺖ ﺗﺒﻮﺱ ﺑﻴﻬﺎ ﻭﺗﻠﻌﺒﻬﺎ ﻭﺍﻧﻲ ﺍﺻﻮﺭ ﺑﻴﻬﺎ ﻭﺍﺿﺤﻚ ﻭﺍﺭﺟﻊ ﺍﺻﻔﻦ ﺍﻛﻮﻭﻝ ﻣﻌﻘﻮﻟﻪ ﻋﺎﺷﺖ ...
ﺍﻟﺤﻤﺪ ﻟﻠﻪ ﻳﺎﺭﺏ ﻳﺤﻴﻲ ﺍﻟﻌﻈﺎﻡ ﻭﻫﻲ ﺭﻣﻴﻢ ...
.........................
ﺩﻋﺎﺀ ...
ﻣﻌﺘﺼﻢ ﺿﻞ ﻳﺘﺼﻞ ﻭﻳﻐﻠﻂ ...
ﺑﻌﺪﻫﺎ ﺭﺩﻳﺖ ﻋﻠﻴﻪ ﺑﺮﺳﺎﻟﻪ ﻛﺘﺒﺖ ﺷﻜﻮﻭ ﺍﺧﻲ ﻣﺤﺘﺎﺝ ﺷﺊ
ﻛﺘﺐ ... ﺗﻌﺎﻟﻲ ﺍﺗﺼﺎﻝ ﺍﻟﻴﻮﻡ ﺍﺣﺮﻙ ﻋﺸﻴﺮﺗﺞ
ﺿﺤﻜﺖ ... ﻣﺎ ﺍﻛﺪﺭ ﺧﻄﻴﺒﻲ ﻣﺤﻠﻔﻨﻲ ﺻﻮﺗﻲ ﻣﺤﺪ ﻳﺴﻤﻌﻪ ﻏﻴﺮﻩ
ﻛﺘﺐ ... ﺍﻧﻌﻞ ﺍﺑﻮﻭﻭﺝ ﻻﺑﻮ ﺧﻄﻴﺒﺞ ﻭﺍﺣﺪ ﻣﺎ ﻳﺴﻮﻩ ﺩﻳﻨﺎﺭ ﻳﺠﻲ ﻳﺎﺧﺬﺝ ﺑﺎﻟﻘﺮﺍﻥ ﺗﻔﺴﺨﻴﻬﺎ ﻭﺭﺟﻠﺞ ﻓﻮﻭﻙ ﺭﺍﺳﺞ ﻣﻔﻬﻮﻭﻡ
ﺣﻄﻴﺖ ﺍﻟﻤﺼﺎﺻﻪ ﺑﺤﻠﻜﻲ ... ﻻ ﻣﻤﻔﻬﻮﻡ ﻳﺎ ﺍﺧﻲ ﻣﺎ ﺍﺣﺒﻚ ﻣﺎ ﺍﻃﻴﻖ ﻣﺎ ﺍﺭﻳﺪﻙ ﺍﻓﻬﻢ
ﻛﺘﺐ ... ﻏﺼﺒﺎ ﻋﻠﻴﺞ ﺗﻄﻴﻘﻴﻨﻲ ﻭﺗﺤﺒﻴﻨﻲ ﻭﺗﺮﺩﻳﻨﻲ ﻭﺍﻟﻠﻪ ﺭﺍﺳﻲ ﺭﺍﺡ ﻳﻄﻚ ﻣﻦ ﺍﻟﻮﺟﻊ ﺍﻧﻲ ﺑﺴﺒﺐ ﺍﺷﺮﺏ ﺗﺎﻟﻲ ﻋﻤﺮﻱ ﺍﺷﺮﺏ
ﻃﻠﻌﺖ ﺍﻟﻤﺼﺎﺻﻪ ﻣﻦ ﺣﻠﻜﻲ ﻛﺘﺒﺖ ... ﺻﺪﻙ ﺗﺤﺠﻲ
ﻛﺘﺐ ... ﻭﺭﻭﺡ ﺍﺑﻮﻭﻭﻱ ﻫﺎﻱ ﺗﺎﻟﻴﺔ ﺗﺮﺑﻴﻪ ﺍﻫﻠﻲ ﺑﻴﻪ ﺍﺷﺮﺏ ﺑﺴﺒﺐ ﻟﺞ ﺩﻋﺎﺍﺍﺍﺍﺍﺀ ﺷﻀﻞ ﺑﻌﻤﺮﻱ ﻭﻫﻴﺞ ﺗﺴﻮﻳﻦ ﺑﻴﻪ
ﻭﺍﻟﻠﻪ ﺩﻋﺎﺍﺍﺀ ﻣﺘﺮﺗﺎﺣﻴﻴﻦ ﻻﻥ ﺍﺣﺒﺒﺒﺞ ﻭﺗﺤﺒﻴﻨﻲ ﻣﺮﺍﺍﺡ ﺗﺮﺗﺎﺣﻴﻦ
ﻛﺘﺒﺖ .. ﻳﻄﺒﻨﻲ ﻧﻌﺎﺍﺍﻝ ﺧﻠﻴﻨﻲ ﺍﺗﻌﺬﺏ ﻳﻄﺒﻨﻲ ﻣﺮﺽ ﺷﺴﺘﻔﺎﺩﻳﺖ ﻣﻦ ﺣﺒﻚ
ﻛﺘﺐ .. ﻻ ﻭﻟﻠﻪ ﺍﻧﻲ ﺍﻟﻲ ﻳﻄﺒﻨﻲ ﻣﺮﺽ ﻭﻧﻌﺎﻝ
ﺭﺩﻳﺖ ﻋﻠﻴﻪ ﺑﻠﻬﻔﻪ ... ﻻ ﺗﻐﻠﻂ ﻋﻠﺊ ﻧﻔﺴﻚ ﻣﻌﺘﺼﻢ ﻻﺍ
ﺭﺩ ... ﺭﻭﺣﻲ ﺩﻋﺎﺍﺍﺍﺍﺀ ﺍﻟﻠﻪ ﻳﻮﻓﻘﺞ ﺑﺲ ﺣﺴﺒﻲ ﻳﺎﻟﻠﻪ ﻭﻧﻌﻢ ﻭﺍﻟﻮﻛﻴﻴﻞ ﻋﻠﻴﺞ ﺍﻟﻠﻪ ﻳﻨﺘﻘﻢ ﻣﻨﺞ ﺍﻭﻙ
ﺿﺤﻜﺖ ﻛﺘﺒﺖ ... ﻣﻤﺨﻄﻮﺑﻪ ﻣﻤﺨﻄﻮﻭﺑﻪ ﻣﻌﺘﺼﻢ
ﻛﺘﺐ ... ﺑﻨﺖ ﺍﻟﻜﻠﺐ ﺗﻌﺎﻟﻲ ﺍﺗﺼﺎﻝ
ﺍﺗﺼﻠﺖ ﺑﻲ ﻭﺍﻧﻲ ﻣﻴﺘﻪ ﺿﺤﻚ ﻭﻫﻮ ﺳﺎﻛﺖ ﺗﻘﺮﻳﺒﺎ ﻋﺸﺮ ﺩﻗﺎﻳﻖ ﻛﺎﻝ ... ﻛﻤﻠﺘﻲ ﺿﺤﻚ
ﺭﺩﻳﺖ ﺑﺒﺮﺍﺋﻪ ... ﺍﻱ
ﻛﺎﻝ ... ﻻﻧﻌﻞ ﺍﺑﻮﻭﺝ ﻻﺑﻮ ﺍﻟﺨﻠﻔﺞ ﻻﺑﻮ ﺧﻄﻴﺒﺞ ﻻﺑﻮ ﺍﻟﻜﻠﺐ ﺍﻟﻜﺎﺗﻞ ﺭﻭﺣﻪ ﻋﻠﻴﻴﺞ
ﺿﺤﻜﺖ ... ﺻﺪﻙ ﺷﺮﺑﺖ ﻟﺨﺎﻃﺮﻱ
ﺭﺩ ... ﻻ ﻃﺒﻌﺎ ﻟﻌﺒﻪ ﻣﻨﻲ
ﺍﺑﺘﺴﻤﺖ ... ﻳﺎﻟﻠﻪ ﻭﺣﺪﻩ ﺑﻮﺣﺪﻩ
ﺟﺮ ﻧﻔﺲ ... ﻟﺞ ﺍﺩﺑﺴﺰ ﻭﺣﺪﻩ ﺑﻮﺣﺪﻩ ... ﻭﺑﻌﺪﻳﻦ ﻫﺬﺍ ﻣﻨﻮ ﺍﻟﻲ ﻳﺤﺠﻲ ﻭﻳﺎﺝ ﻣﺴﻮﻱ ﺭﻭﺣﻪ ﺧﻄﻴﺒﺞ
ﺿﺤﻜﺖ ... ﻣﻴﺲ
ﺭﺩ ﺑﺼﺪﻣﻪ ... ﻣﻴﺲ ﺍﻟﺤﻴﻮﺍﻧﻪ ﻭﺍﻟﻠﻪ ﺍﻟﻪ ﺍﺧﻠﻲ ﻣﺴﻠﻢ ﻳﻄﻠﻜﻬﺎ
ﺍﺑﺘﺴﻤﺖ ... ﻣﺴﻠﻢ ﻣﻴﻄﻠﻚ ﻓﺮﺣﺔ ﺍﻟﺰﻫﺮﻩ ﻻ ﺗﻔﺮﺡ ﻋﺎﺩ ﻣﻮ ﻣﺜﻠﻚ
ﺭﺩ ﺑﺮﻭﻣﺎﻧﺴﻴﻪ .... ﺍﺣﺒﺒﺒﺒﺒﺒﺞ
ﺿﺤﻜﺖ ... ﺍﻛﺮﺭﺭﺭﺭﺭﺭﺭﻫﻚ
ﺿﺤﻚ ... ﺍﺣﺒﺒﺒﺒﺞ ﺍﺣﺒﺒﺒﺞ ﺍﺣﺒﺒﺒﺞ
ﺭﺩﻳﺖ ... ﺍﻛﺮﻫﻚ ﺍﺣﺒﺒﻚ .. ﺍﻛﺮﻫﻚ
ﺭﺩ ﺑﻠﻬﻔﻪ ... ﺧﻴﺮ ﺍﻻﻣﻮﺭ ﻭﺍﻭﺳﻄﻬﺎ ﺣﺎﺧﺬ ﺍﻟﻮﺳﻂ ﻭﺍﻟﺒﻘﻴﻪ ﺍﺷﻤﺮﻫﻦ ﺑﺸﻂ
ﺍﺑﺘﺴﻤﺖ ﺑﺨﺠﻞ ﻭﺳﻜﺘﺖ ﻣﺤﺠﻴﺖ ﺷﺊ ﺑﺲ ﺍﻧﻔﺎﺳﻲ
ﺟﺮ ﻧﻔﺲ ﻋﻤﻴﻖ ﻛﺎﻝ ... ﻫﺴﻪ ﺭﺟﻊ ﺑﻴﻪ ﺍﻟﻠﻮﻥ ﻭﺭﺩﺕ ﺭﻭﺣﻲ ﺩﻋﺎﺀ ﺍﺧﺮﺭﺭﺭ ﻣﺮﻩ ﺍﺭﻳﺪ ﺍﺭﺟﻌﺞ ﻧﻌﻠﺘﻲ ﺍﻟﺨﻠﻔﻨﻲ ﺗﺮﺟﻌﻴﻦ ﻟﻮ ﻻ
ﺿﺤﻜﺖ ... ﻻﺍﺍ
ﺭﺩ ﺑﻌﺼﺒﻴﺔ ... ﺗﺮﺟﻌﻴﻴﻦ ﻭﻏﺼﺒﺎﺍﺍﺍﺍ ﻋﻠﻴﻴﻴﺞ ﺍﻭﻙ
ﺭﺩﻳﺖ ﺑﻬﺪﻭﺀ ... ﺍﻭﻭﻭﻭﻙ
ﺿﺤﻚ ... ﻓﺪﻳﻴﺘﺞ ﺷﻜﺪ ﻣﺸﺘﺎﻗﻠﺞ
ﺟﺮﻳﺖ ﻧﻔﺲ ... ﻭﺍﻧﻲ ﻳﺎ ﻣﻌﺘﺼﻢ ﻣﻴﺘﻪ ﻋﻠﻴﻚ ﺍﻥ ﺷﺎﺀ ﺍﻟﻠﻪ ﺗﻌﻮﺿﻨﻲ ﻭﻻ ﺗﻜﺴﺮﻧﻲ ﺍﻭﻙ
ﺭﺩ ﺑﻠﻬﻔﻪ ... ﻣﻦ ﺯﻣﺎﻥ ﻛﺘﻠﺞ ﺑﺲ ﺍﺭﺟﻌﻲ ﻭﺷﻮﻓﻲ ﺷﻠﻮﻥ ﺍﻧﺼﺢ ﻭﻳﺎﺝ ﻭﺍﺟﺒﺮﺝ ﻳﺎﻛﻠﺒﻲ
ﺿﻠﻴﻨﻪ ﻧﺤﺠﻲ ﻫﻮﻭﻭﻭﺍﻳﻪ ﻟﺤﺪ ﻗﺮﺭﻧﻪ ﻧﺮﺟﻊ ﻭﻛﺎﻝ ﺍﻥ ﺷﺎﺀ ﺍﻟﻠﻪ ﻣﻦ ﺑﺎﺟﺮ ﺍﺭﺟﻌﺞ ﺑﺲ ﺍﻧﻲ ﺟﻨﺖ ﻋﻨﺪﻱ ﺷﻐﻼﺕ ﺩﺍ ﺍﺳﻮﻳﻬﻦ ﻓﺎﺟﻠﺖ ﻫﺬﺍ ﺍﻟﺸﺊ ﺍﻥ ﺷﺎﺀ ﺍﻟﻠﻪ ﺍﻻﺳﺒﻮﻉ ﺍﻟﺠﺎﻱ
ﻧﻤﺖ ﺑﺲ ﻣﻘﺒﻞ ﺍﻗﻔﻞ ﺍﻟﺨﻂ ﻭﺿﻞ ﻳﺴﻤﻊ ﺍﻻﻧﻔﺎﺳﻲ ﻋﺎﺩ ﺍﻧﻲ ﻣﻨﻌﺴﻪ ﻋﻔﺘﻪ ﺳﻮﺍﻫﺎ ﺩﺭﺍﻣﺎ ﻣﻌﺘﺼﻢ ﺑﻴﻚ ...بيج قصص عراقيه حقيقيه من واقعنا.روعه الطائي
ﺑﺲ ﺍﻭﻝ ﻣﺮﻩ ﺍﻧﺎﻡ ﻓﺮﺣﺎﻧﻪ ﻭﺳﻌﻴﺪﻩ ﻫﻴﺞ ﻳﺎﺭﺏ ﻳﺪﻳﻤﻬﺎ ﻋﻠﻴﻪ ﻳﺎﺭﺏ
.....................
ﻗﺪﺭ ... ﻛﻌﺪﺕ ﺍﻟﺼﺒﺢ ﺩﻭﺧﺔ ﻣﻼﺯﻣﺘﻨﻲ ﻭﻏﺜﻴﺎﻥ ﻣﺰﻋﺞ ﻭﻟﻌﺒﺎﻥ ﻧﻔﺲ ﻟﺰﻣﺖ ﺑﻄﻨﻲ ﻣﺘﺄﻭﻫﺔ ، ﻧﺰﻟﺖ ﻣﻦ ﺍﻟﺴﺮﻳﺮ
ﺗﻮﺟﻬﺖ ﻟﻠﻤﻐﺴﻠﺔ ﻃﺨﺖ ﺑﺨﺸﻤﻲ ﺭﻳﺤﺔ ﺍﻟﺼﺎﺑﻮﻥ
ﻟﻌﺒﺖ ﻧﻔﺴﻲ ﺟﻴﺖ ﺍﺗﻘﻲﺀ ﺑﺲ ﻣﺎﻛﺪﺭﺕ ﻣﺎﻛﻮ ﺷﻲ ﺍﺑﻄﻨﻲ
ﺻﺎﻳﺮﺓ ﺍﻛﺮﻩ ﺍﻻﻛﻞ ﻭﻭﺣﺘﻰ ﺍﻟﻌﺸﻪ ﻣﺎﺍﺗﻌﺸﻴﺖ ﺍﻟﺒﺎﺭﺣﺔ ﻫﻢ ﻟﻌﺒﺖ ﻧﻔﺴﻲ .
ﻇﻠﻴﺖ ﺍﺣﺎﻭﻝ ﺍﻛﺘﻢ ﺍﻧﻔﺎﺳﻲ ﻭﻣﺎ ﺍﺳﺘﻨﺸﻖ ﺭﻳﺤﺔ ﺍﻟﺼﺎﺑﻮﻥ ﺷﻤﺮﺕ ﻣﻲ ﻋﻠﻰ ﻭﺟﻬﻲ ﻭﺍﺑﺘﻌﺪﺕ ﻣﻦ ﺍﻟﻤﻐﺴﻠﺔ ﺑﺴﺮﻋﺔ ..
ﻭﻛﻊ ﺍﻟﻤﻲ ﺑﻌﻴﻮﻧﻲ ﻇﻠﻴﺖ ﻻﺯﻣﺔ ﻋﻴﻮﻧﻲ ﺍﻓﺮﻛﻬﻦ
ﺣﺴﻴﺖ ﺑﺪﻭﺧﺔ ﻓﻀﻴﻌﻪ ﺟﻴﺖ ﺍﻭﻛﻊ
ﻟﺰﻣﺖ ﺑﺎﻟﺤﺎﻳﻂ ﻭﺍﺣﺎﻭﻝ ﺍﺳﻴﻄﺮ ﻋﻠﻰ ﻧﻔﺴﻲ .
ﺩﺧﻠﺖ ﻟﻠﻤﻄﺒﺦ ﺍﻧﻮﺏ ﻛﻔﺨﺖ ﺭﻳﺤﺔ ﺍﻟﺒﻴﺾ ﺍﻟﻤﻘﻠﻲ ﺑﺨﺸﻤﻲ ﺯﻋﺠﺘﻨﻲ ﺍﻟﺮﻳﺤﺔ ﻭﺯﺍﺩ ﻏﺜﻴﺎﻧﻲ ﺷﻮﻥ ﺑﻴﻪ ﺍﻧﺎ ﺍﻟﻴﻮﻡ
ﺩﺧﻠﺖ ﺷﻔﺖ ﻋﻤﺘﻲ ﺑﺎﻟﻤﻄﺒﺦ ﻛﻠﺖ ﺻﺒﺎﺡ ﺍﻟﺨﻴﺮ
ﺍﻟﺘﺎﻓﺖ ﺗﺒﺎﻭﻋﻠﻲ ﺣﺎﻭﻟﺖ ﺍﺭﺳﻢ ﺍﺑﺘﺴﺎﻣﺔ ﻋﻠﻰ ﺷﻔﺘﻲ
ﻫﻴﻪ ﻛﺎﻟﺖ ﺻﺒﺎﺡ ﺍﻟﻨﻮﺭ ﻭﻧﻈﺮﺓ ﻣﻦ ﻋﻴﻮﻧﻬﺎ ﺗﺘﻔﺤﺼﻨﻲ .
ﻭﺭﻩ ﻟﺤﻈﺎﺕ ﻛﺎﻟﺖ ﺧﻴﺮﺝ ﻗﺪﺭ ﺍﺷﻮ ﻫﺎﻟﻴﻮﻣﻴﻦ ﻣﻮ ﻋﻠﻰ ﺑﻌﻀﺞ ؟
ﺩﻧﻜﺖ ﻭﺧﻠﻴﺖ ﺍﻳﺪﻱ ﻋﻠﻰ ﺑﻄﻨﻲ ﺍﻓﻜﺮ ﻗﺒﻞ ﻻ ﺍﺟﺎﻭﺑﻬﺎ
ﻳﺎﺭﺑﻲ ﻛﻮﻥ ﺣﺎﻣﻞ ﻫﺎﻟﻤﺮﺓ
ﻛﻞ ﻣﺮﺓ ﺗﺘﺄﺧﺮ ﺍﻟﺸﻬﺮﻳﺔ ﻭﻳﺼﻴﺮ ﻋﻨﺪﻱ ﺩﻭﺧﺔ ﻭﻟﻌﺒﺎﻥ ﻧﻔﺲ ﺧﻔﻴﻔﺔ ﻭﺍﻇﻞ ﺍﺷﺘﻬﻲ ﺍﻛﻼﺕ ﻣﻌﻴﻨﺔ ﺍﺳﺎﻝ ﻋﻤﺘﻲ ﺗﻜﻮﻝ ﺣﺎﻣﻞ ﻭﻣﻦ ﺗﻨﺰﻝ ﺗﻜﻮﻟﻲ ﺗﺪﻭﺭ ﻋﻠﻰ ﺍﻃﻔﺎﻝ ﻭﺗﺼﻴﺮ ﻋﻨﺪﺝ ﻫﻴﺠﻲ ﺍﻋﺮﺍﺽ ﻳﺎﺭﺏ ﻫﺎﻟﻤﺮﺓ ﻟﻜﺖ ﺍﻟﻄﻔﻞ ﻫﻬﻬﻪ .
ﺍﻟﻲ ﻳﻔﺮﺣﻨﻲ ﻭﻳﻔﺮﺡ ﻫﺸﺎﻡ ﻻﻥ ﺍﻟﺤﻤﺪﻟﻠﻪ ﻋﺎﻳﺸﻴﻦ ﺑﺴﻌﺎﺩﺓ ﺑﺲ ﻧﺎﻗﺼﻨﺎ ﻃﻔﻞ ﺍﻟﻲ ﻳﻤﻠﻲ ﻋﻠﻴﻨﺎ ﺣﻴﺎﺗﻨﺎ .بيج قصص عراقيه حقيقيه من واقعنا.روعه الطائي
ﺟﺎﻭﺑﺖ ﻋﻤﺘﻲ ﺑﻌﺪ ﻭﻫﻠﺔ ﺗﻔﻜﻴﺮ : ﻭﺍﻟﻠﻪ ﻳﺎ ﻋﻤﺔ ﻣﺜﻞ ﻛﻞ ﻣﺮﺓ ﻣﺘﺄﺧﺮﺓ ﺻﺎﺭ ١٠ ﺍﻳﺎﻡ ﻭﺑﻜﻴﻒ ﺍﺍﻟﻠﻪ ﺑﻌﺪ .
ﻳﺎ ﺍﻟﻠﻪ ﺍﻥ ﺷﺎﺀﺍﻟﻠﻪ ﺣﺎﻣﻞ ﺍﻟﻌﺼﺮ ﺍﺧﺬﺝ ﺗﺤﻠﻠﻴﻦ .
ﺑﺲ ﺍﺧﺎﺑﺮ ﻣﻴﺲ ﺗﺠﻲ ﻳﻢ ﺗﺎﺝ ﻣﺎ ﺍﺭﻳﺪ ﺗﻀﻞ ﻭﺣﺪﻫﺎ
ﺟﺎﻭﺑﺘﻬﺎ ﺑﺮﻓﺾ ﻭﺑﻨﺒﺮﺓ ﻫﺎﺩﺋﺔ ﻻ ﻋﻤﻪ ﻋﻔﻴﺔ ﺑﺪﺍﻋﺘﻲ ﺧﻠﻴﻨﻲ ﺑﻌﺪ ﻛﻢ ﻳﻮﻡ ﺧﺎﻑ ﺗﻨﺰﻝ .
ﻻﻻ ﺍﻧﺖ ﻣﺘﺘﺄﺧﺮ ﻋﻨﺪﺝ ﻫﻠﻜﺪ ﻫﺎﻟﻤﺮﺓ ﺍﻥ ﺷﺎﺀﺍﻟﻠﻪ ﺣﺎﻣﻞ .
ﻏﻤﻀﺖ ﻋﻴﻮﻧﻲ ﻭﺗﻤﺘﻤﺖ ﻳﺎﺭﺏ ﻳﺎﺭﺏ ﺍﻥ ﺷﺎﺀﺍﻟﻠﻪ .
ﺍﺧﺬﺕ ﺻﻴﻨﻴﺔ ﺍﻟﺮﻳﻮﻙ ﻭﻭﺩﻳﺘﻬﺎ ﻟﻬﺸﺎﻡ ﺑﺲ ﻛﻠﺶ ﻣﺎﺣﺎﺑﺔ ﺭﻳﺤﺔ ﺍﻻﻛﻞ ﺧﻠﻴﺘﻬﺎ ﻳﻤﻪ ﻭﻛﻌﺪﺕ ﺑﺼﻔﻪ ، ﻣﺎﺗﺤﻤﻠﺖ
ﺍﺑﺘﻌﺪﺕ ﻋﻨﻪ ﻭﺧﻠﻴﺖ ﺍﻳﺪﻱ ﻋﻠﻰ ﺧﺸﻤﻲ ﻫﻮ ﺍﻟﺘﻔﺘﻠﻲ ﺑﻘﻠﻖ
ﺷﺒﻴﺞ ﻗﺪﺭ ﺧﻮ ﻣﺎﻛﻮ ﺷﻲ ﻟﻴﺶ ﺍﺑﺘﻌﺪﺗﻲ .
ﻭﺍﻟﻠﻪ ﺣﺒﻴﺒﻲ ﻣﺎﻋﺎﺩ ﺍﺷﺘﻬﻲ ﺭﻳﺤﺔ ﺍﻻﻛﻞ .
ﻫﻮ ﺍﺑﺘﺴﻢ ﺍﺑﺘﺴﺎﻣﺔ ﻣﺸﺮﻗﺔ ﻣﻔﻌﻤﺔ ﺑﺎﻻﻣﻞ : ﻫﺎ ﻳﻌﻨﻲ ﺍﻟﻲ ﺍﺑﺎﻟﻲ ﻫﺎﻟﻤﺮﺓ ﺿﺒﻄﺖ .
ﺍﺑﺘﺴﻤﺖ ﺑﻄﻤﺌﻨﻴﻨﺔ : ﺍﻥ ﺷﺎﺀﺍﻟﻠﻪ ﺣﺒﻴﺒﻲ .
ﺧﻠﻲ ﺗﺎﺧﺬﺝ ﺍﻣﻲ ﻭﺭﻭﺣﻲ ﺣﻠﻠﻲ .
ﻻ ﻻ ﻓﺪﻭﺓ ﺧﻠﻴﻬﺎ ﺑﻌﺪ ﻣﻮ ﻫﺴﺎ
ﻫﻮ ﺗﻘﺮﺏ ﻋﻠﻴﻪ ﻭﻟﺰﻡ ﺍﻳﺪﻳﻪ : ﻻ ﺭﻭﺣﻲ ﺍﻟﻴﻮﻡ ﺍﻧﻲ ﻗﻠﺒﻲ ﺣﺎﺱ ﻭﻣﺪ ﺍﻳﺪﻩ ﻟﺒﻄﻨﻲ
ﻭﺍﺑﺘﺴﻢ ﺑﻮﺟﻬﻲ ﻭﻳﺤﺎﻛﻴﻨﻲ ﻳﺠﻴﻨﻪ ﻧﻮﻧﻮ ﻳﻤﻠﻲ ﻋﻠﻴﻨﺎ ﺣﻴﺎﺗﻨﺎ ﻳﺨﻠﺼﻨﻲ ﻣﻦ ﻫﺎﻟﻤﻠﻞ ﻭﺍﻟﺮﻭﺗﻴﻦ ﺍﻟﻘﺎﺗﻞ ﻳﻮﻧﺴﻨﺎ ﻭﻧﻠﻌﺐ ﻭﻳﺎﻩ
ﻳﺎﺭﺏ ﻛﻮﻥ ﺑﻨﻮﺗﺔ ﺗﺸﺒﻬﺞ .
ﺑﺎﺑﺘﺴﺎﻣﺔ ﺟﺎﻭﺑﺘﻪ ﻭﻭﻟﺪ ﻳﺸﺒﻬﻚ ﻭﺧﻠﻴﺖ ﺍﻳﺪﻱ ﻋﻠﻰ ﺧﺸﻤﻮ ﺍﺩﺍﻋﺒﻮ . ﻟﺰﻡ ﺍﻳﺪﻱ ﻭﺑﺎﺳﻬﺎ .
ﺳﺤﺒﻨﻲ ﻣﻦ ﺍﻳﺪﻱ ﺍﻟﻲ ﻻﺯﻣﻬﺎ ﻛﺎﻝ ﻳﻠﻠﻪ ﺍﻛﻠﻲ ﻟﻜﻤﺔ ﻻﺗﺨﻠﻴﻦ ﺍﺑﻨﻲ ﺟﻮﻋﺎﻥ .
ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻲ ﻻ ﻭﺍﻟﻠﻪ ﻫﺸﺎﻡ ﻛﻠﺶ ﻛﺎﺭﻫﺔ ﺍﻻﻛﻞ ﻭﺍﻟﻠﻪ .
ﺑﺮﺍﺣﺘﺞ ﺣﺒﻴﺒﺘﻲ .
ﺍﻧﻲ ﺭﺍﻳﺤﺔ ﻳﻢ ﻋﻤﺔ ﺍﻭ ﺑﺎﻟﺤﺪﻳﻘﺔ ﺭﻳﺤﺔ ﺍﻟﻐﺮﻓﺔ ﺗﺨﻨﻜﻨﻲ .
ﺣﺒﻴﺒﺘﻲ ﺍﺧﺬﻱ ﺭﺍﺣﺘﺞ ﺳﻮﻱ ﺍﻟﻲ ﺗﺸﻮﻓﻲ ﻳﺮﻳﺤﺞ .
ﺍﺑﺘﺴﻤﺖ ﻭﻛﻤﺖ ﻣﻦ ﻳﻤﻪ ﻃﻠﻌﺖ ﺑﺎﻟﺤﺪﻳﻘﺔ ﺍﺷﺘﻢ ﻫﻮﺍﺀ ﺑﻌﺪﻳﻦ ﺗﺨﺮﺑﻄﺖ ﻛﻠﺶ ﺭﺟﻌﺖ ﻧﻤﺖ ﻭﻋﻤﺘﻲ ﺧﻄﻴﺔ ﺷﻜﺪ ﺍﻫﺘﻤﺖ ﺑﻴﻪ ﻭﻫﺸﺎﻡ ﻣﻘﻬﻮﺭ ﻋﻠﻴﻪ
ﺑﺲ ﺍﻧﺎ ﺣﺘﻰ ﺍﻛﻞ ﻣﺎ ﺍﻛﻠﺖ
ﻭﺍﻟﻌﺼﺮ ﻭﺩﺗﻨﻲ ﻋﻤﺘﻲ ﻭﺣﻠﻠﺖ ﻭﻃﻠﻊ ﺍﻟﺘﺤﻠﻴﻞ ﺍﻳﺠﺎﺑﻲ
ﻃﺮﺕ ﻣﻦ ﺍﻟﻔﺮﺣﺔ ﺍﻟﺪﻧﻴﺎ ﻣﺎ ﻭﺳﻌﺖ ﺳﻌﺎﺩﺗﻲ .
ﻃﻠﻌﺖ ﻣﻦ ﻏﺮﻓﺔ ﺍﻟﺘﺤﻠﻴﻞ ﺍﺑﺘﺴﺎﻣﺘﻲ ﺷﺎﻛﺔ ﺣﻠﻜﻲ
ﺷﻔﺖ ﻋﻤﺘﻲ ﻭﺍﺷﺮﻟﻬﺎ ﻉ ﺍﻟﻮﺭﻗﺔ ﻋﻤﻪ ﺣﺎﻣﻞ .
ﻋﻤﺘﻲ ﻓﺮﺣﺖ ﻭﺑﺎﺳﺘﻨﻲ ﻭﺑﺴﺘﻬﺎ
ﺍﺭﻳﺪ ﺑﺲ ﺍﺭﺟﻊ ﻟﻠﺒﻴﺖ ﻭﺍﻓﺮﺡ ﻫﺸﺎﻡ ﻭﻻ ﺍﺻﺒﺮ ﻃﻠﻌﺖ ﺍﻟﺘﻠﻴﻔﻮﻥ ﻭﺧﺎﺑﺮﺗﻪ
ﺣﺒﻴﺒﻲ ﺍﻧﺎ ﺣﺎﻣﻞ ﻃﻠﻊ ﺍﻟﺘﺤﻠﻴﻞ ﺍﻳﺠﺎﺑﻲ .
ﺍﺟﺎﻧﻲ ﺻﻮﺗﻪ ﺑﻠﻬﻔﺔ ﻭﻓﺮﺡ ﺍﻟﺤﻤﺪﻟﻠﻪ ﺣﺒﻴﺒﺘﻲ ﺍﻟﻒ ﺍﻟﺤﻤﺪﻟﻠﻪ ﻳﺎﺭﺏ .
ﻭﺧﻄﻴﻪ ﺍﻟﺒﻨﺎﺕ ﻛﺜﻴﻴﺮ ﻓﺮﺣﻮﻭ ﺭﻏﻢ ﺗﺎﺍﺝ ﻛﺎﻧﺖ ﻣﺮﻳﻀﻪ ﺑﺲ ﻛﺎﻧﺖ ﺍﻟﻔﺮﺣﻪ ﺗﻠﻤﻊ ﺑﻌﻴﻮﻧﻬﺎ ﻭﻫﺸﺎﻡ ﻣﺎ ﻛﺎﻥ ﻣﺼﺪﻙ ﻓﺮﺣﺎﻥ ﻭﻛﺎﻋﺪ ﺑﻨﺺ ﺍﺧﻮﺍﺗﻮ ﻭﻫﻨﻪ ﻳﺒﺎﺭﻛﻦ ﺍﻟﻮﻭ
ﺗﺎﺝ ﺻﺎﺭﺕ ﺗﻜﻌﺪ ﻭﻳﺎﻧﺎ ﻭﺣﺎﻟﺘﻬﺎ ﻣﺴﺘﻘﺮﻩ ﺧﻄﻴﻪ ﻭﺯﻭﺟﻬﺎ ﻛﻞ ﻳﻮﻡ ﻳﺠﻴﻬﺎ ...
ﻭﺍﺣﻨﻪ ﻣﻤﺨﻠﻴﻨﻬﺎ ﺑﻌﺎﺯﻩ ﺍﺑﺒﺪ
ﺑﺲ ﻫﻲ ﻧﻔﺴﻴﺘﻬﺎ ﺗﻌﺒﺎﻧﻪ ﺣﻴﻴﻞ ﻭﻛﻞ ﻣﺮﻩ ﺗﺘﺎﺯﻡ ﺍﻛﺜﺮ ﻻﻧﻬﺎ ﻣﻦ ﺗﺸﻮﻑ ﺍﻟﺤﺮﻭﻕ ﺗﻜﺘﻢ ﻭﺗﻜﺎﺑﺮ ﻛﺜﻴﺮ ﺑﺲ ﺍﻛﻴﻴﺪ ﺗﻨﻘﻬﺮ ....
ﻳﺎﺭﺏ ﻳﺸﺎﻓﻴﻬﺎ ﻭﻳﺮﻳﺢ ﺑﺎﻟﻬﺎ ...
...........................
ﺭﺣﺖ ﺍﻧﻲ ﻭﻣﻌﺘﺼﻢ ﻟﻠﺴﺠﻦ ... ﺷﻔﺖ ﺍﻧﺘﺼﺎﺭ ﺍﻟﻜﻠﺒﻪ ﺑﻌﺪﻫﺎ ﺑﺴﺤﻦ ﻭﺍﻟﻠﻪ ﻣﺎ ﺍﻏﻔﺮ ﺍﻟﻬﺎ ﻟﻮ ﻣﻬﻤﺎ ﺻﺎﺭ ...
ﺣﻘﻘﻮ ﻭﻳﺎﻫﺎ ﻛﺎﻟﺖ ﺍﻧﻲ ﺍﺣﺒﻪ ﻭﻫﻲ ﺍﺧﺬﺗﻪ ﻣﻨﻲ ﻭﻣﻦ ﻫﻞ ﺳﻮﺍﻟﻒ ﺍﻟﺘﻌﺒﺎﻧﻪ ﻭﻟﻮ ﻳﺮﺟﻊ ﺑﻴﻪ ﺍﻟﺰﻣﻦ ﺍﺳﻮﻳﻠﻬﺎ ﺳﺤﺮ ﻭﻣﺎ ﻳﺮﻑ ﺍﻟﻴﻪ ﺟﻔﻦ
ﺣﻘﻴﺮﻩ ﻣﺘﺼﻴﺮ ﺍﻟﻬﺎ ﺟﺎﺍﺭﻩ ...
ﺭﺍﺣﻮ ﺣﻘﻘﻮ ﻭﻳﻪ ﺍﻟﺴﺤﺎﺭ ﺍﻧﻲ ﻃﻠﺒﺖ ﺍﺩﺧﻞ ﻭﻣﻌﺘﺼﻢ ﻭﺑﺴﺒﺐ ﻣﻌﺎﺭﻓﻪ ﺩﺧﻠﻨﻪ ...
ﺟﺎﻥ ﻭﺍﺣﺪ ﺷﻜﻠﻪ ﻣﻮ ﺭﺣﻤﺎﻧﻲ ﻣﻨﺰﻭﻋﻪ ﻣﻦ ﺍﻟﺮﺣﻤﻪ ﺿﻠﻮ ﻳﺤﻘﻘﻮﻥ ﻭﻳﺎﻩ
ﻛﺎﻝ ... ﺍﻧﻲ ﺍﻋﺮﻑ ﺑﺎﻟﺴﺤﺮ ﺍﻻﺳﻮﺩ ﻭﺗﻌﺮﻓﺖ ﻋﻠﺊ ﻭﺍﺣﺪ ﺟﺎﻥ ﺍﺳﻴﺮ ﺑﺈﻳﺮﺍﻥ ﻫﻮ ﻋﻠﻤﻨﻲ ﺍﻛﺜﺮ ﺷﺊ ﺍﻟﻤﻬﻢ ﺍﺳﻮﻱ ﻋﻠﺊ ﻧﺠﺎﺳﻪ ﻭﺍﺣﺠﻲ ﻭﻳﻪ ﺍﻟﺠﻦ
ﻭﺣﺘﺊ ﺍﺣﺠﻲ ﻭﻳﻪ ﺍﻟﻘﻄﻂ ﺍﻛﺪﺭ ﺍﺧﻠﻲ ﻳﺘﻠﺒﺴﻬﺎ ﺟﻨﻲ ﻭﺗﺤﺠﻲ ﻭﻳﺎﻱ ﺑﺼﻮﺗﻪ ...
ﺍﻧﻲ ﺭﻏﻢ ﺭﺟﺎﻝ ﻭﻣﺎﺭﻩ ﻋﻠﻴﻬﺎ ﺍﺷﻜﺎﻝ ﺍﻟﺴﻮﺍﻟﻒ ﺑﺲ ﻧﺮﻫﺒﺖ ﻣﻦ ﻛﻼﻣﻪ
ﻛﻤﻞ ﻛﻼﻣﻪ ﻛﺎﻝ ... ﺍﻧﺘﺼﺎﺭ ﺍﺟﺖ ﺭﺍﺩﺕ ﺳﺤﺮ ﺭﺍﺩﺕ ﺗﺘﺨﻠﺺ ﻣﻦ ﺿﺮﺗﻬﺎ ﺍﻧﻲ ﻛﺘﻠﻬﺎ ﺍﺫﺍ ﺗﺮﺩﻳﻦ ﺍﺳﻮﻳﻠﺞ ﺳﺤﺮ ﺍﻃﻴﺮﻫﺎ ﻣﻦ ﺍﻟﻮﺟﻮﺩﻩ ﻭﺍﺧﻠﻴﻬﺎ ﺗﻨﺘﺤﺮ ﻭﻫﻲ ﻭﺍﻓﻘﺖ ﻃﺒﻌﺎ ﺑﺎﺭﺍﺩﺗﻬﺎ
ﺳﻮﻳﺘﻪ ﻭﺟﺮﺑﺘﻬﺎ ﻋﻠﺊ ﺑﺰﻭﻧﻪ ﻭﺍﻧﺘﻀﺮﺗﻬﺎ ﺍﻳﺎﺍﺍﻡ ﻭﺷﻌﻠﺖ ﺍﻟﻬﺎ ﻧﺎﺭ ﻭﺧﻠﻴﺖ ﺍﻟﻬﺎ ﻣﻜﺎﻥ ﻧﻀﻴﻒ ﻫﻲ ﺍﺧﺘﺎﺭﺕ ﺍﻟﻨﺎﺭ ﻭﺩﺧﻠﺖ ﺑﻴﻬﺎ ﻭﺍﻧﺘﺤﺮﺕ ﺗﻠﺒﺴﻬﺎ ﺟﻦ ...
ﻭﺗﺎﺝ ﺳﻮﻳﺘﻠﻬﺎ ﻧﻔﺲ ﻣﺎ ﺳﻮﻳﺖ ﻟﻠﺒﺰﻭﻥ ﻭﻫﺎﻱ ﺍﻧﺘﺤﺮﺕ ﻭﻫﺬﺍ ﻛﻞ ﺍﻟﻲ ﺻﺎﺭ
ﺟﺎﻥ ﻳﺤﺠﻲ ﻭﺍﻧﻲ ﻧﺎﺍﺍﺍﺭ ﺷﺎﻋﻠﻪ ﺑﻴﻪ ﺭﻛﻀﺖ ﻋﻠﻴﻪ ﻭﻫﺠﻤﺖ ﻣﺎ ﻟﺤﺘﻪ ﺑﺲ ﺑﻮﻛﺲ ﻭﺍﺍﺍﺣﺪ
ﻭﻟﺰﻣﻮﻧﻲ ﺿﻠﻴﺖ ﺍﻏﻠﻂ ﻋﻠﻴﻪ ﺷﻜﺪ ﻛﻠﺐ ﻭﺣﻴﻮﺍﻥ ﻭﺳﺎﻓﻞ ﻫﻴﺞ ﺍﺭﻭﺍﺡ ﺍﻟﻨﺎﺱ ﻋﺪﻫﻢ ﻫﺪﺭ ﻭﺍﻟﻠﻪ ﻟﻮ ﺗﺎﺝ ﻣﻴﺘﻪ ﺍﺣﺮﻛﻪ ﻫﻮ ﻭﺍﻧﺘﺼﺎﺭ ﻭﺍﻫﻠﻪ
ﺟﺎﻥ ﺑﺎﻭﻋﻠﻲ ﻭﺿﺤﻚ ﺑﺎﺳﺘﻬﺰﺍﺀ ... ﻣﺎ ﺗﺴﺘﺎﻫﻞ ﻋﻮﺩ ﺍﻟﺒﺎﺭﺣﻪ ﻓﺘﺤﺖ ﺍﻟﺴﺤﺮ ﻋﻨﺪﻫﺎ ﻭﺍﻣﺮﺕ ﺍﻟﺠﻦ ﻳﻌﻮﻓﻬﺎ
ﻣﺴﺤﺖ ﻋﻠﺊ ﻭﺟﻬﻲ ﺑﺘﻮﺗﺮ ﻭﻃﻠﻌﺖ ﺧﺎﻳﻒ ﻋﻠﻴﻬﺎ ﺍﻧﻮﺏ ﻻ ﻳﺮﺟﻊ ﻳﺴﻮﻳﻠﻬﺎ ﺍﺭﻳﻴﺪ ﺍﻛﺘﻠﻪ ﻭﺍﺧﻠﺺ ﻣﻨﻪ ﻭﻫﻮ ﺍﻛﻴﺪ ﻣﺤﺎﻛﻤﺘﻪ ﻣﺴﺘﻤﺮﻩ ﻭﺍﻥ ﺷﺎﺀ ﺍﻟﻠﻪ ﻳﻌﺪﻣﻮ ﻭﻳﺨﻠﺼﻮﻧﻪ ﻣﻨﻪ ...
ﺑﺲ ﻭﺍﻟﻠﻪ ﺍﻛﺘﻠﻪ ﻟﻮ ﻳﻀﻞ ﻳﻮﻡ ﺑﻌﻤﺮﻱ ﺩﻡ ﺍﺑﻨﻲ ﻭﻣﺮﺗﻲ ﻣﻴﺮﻭﺡ ﻫﺪﺭ ...بيج قصص عراقيه حقيقيه من واقعنا.روعه الطائي
ﺳﺎﻗﺘﻨﻲ ﺭﺟﻠﻴﻪ ﻭﺭﺣﺖ ﺍﻟﻬﺎ ﻣﺸﺘﺎﻕ ﺍﻟﻬﺎ ﻭﻟﻌﻴﻮﻧﻬﺎ ﻭﺍﻟﻜﻞ ﺷﺊ ﺑﻴﻬﺎ ﻣﻤﺼﺪﻙ ﺑﻬﺎﻱ ﺍﻟﻤﻌﺠﺰﺓ ﺍﻟﺼﺎﺭﺕ ﻭﻃﺎﺑﺖ ﺗﺎﺍﺝ ﺍﺣﺒﻬﺎ ﻭﺍﻟﻠﻪ ﺍﺣﺒﻬﺎ
ﺭﺣﺖ ﻟﻠﺒﻴﺖ ﻛﻠﺖ ﺍﻻﻣﻲ ﺍﻟﻐﺮﻓﻪ ﻫﺎﻱ ﻣﺎ ﺍﺭﻳﺪﻫﺎ ﻭﻛﻞ ﺍﻟﻔﺮﺍﺵ ﻳﺘﺒﺪﻝ ﻭﺑﻌﺪﻫﺎ ﺩﺧﻠﺖ ﺳﺒﺤﺖ ﻭﺑﺪﻟﺖ
ﻃﻠﻌﺖ ﻣﻦ ﺍﻟﺒﻴﺖ ﺷﻐﻠﺖ ﺳﻴﺎﺭﺗﻲ ﻭﺳﻘﺘﻬﺎ ﺗﻮﺟﻬﺖ ﻟﻠﺼﻴﺪﻟﻴﺔ ﺗﺎﺝ ﻣﺤﺘﺎﺟﺔ ﻋﻼﺟﺎﺕ ﺍﺧﺬﺕ ﺍﻟﻬﺎ ﻭﺑﻌﺪﻫﺎ ﺭﺣﺖ ﻟﻠﺴﻮﺑﺮ ﻣﺎﺭﻛﺖ ﻫﻢ ﺍﺧﺬﺕ ﺍﻟﻬﺎ ﺷﻐﻼﺕ ﺗﺤﺒﻬﺎ ﻭﺷﻐﻼﺕ ﻣﺤﺘﺎﺟﺔ ﺍﻟﻬﺎ .
ﻭﺑﻌﺪﻫﺎ ﻭﺻﻠﺖ ﻟﺒﻴﺘﻬﻢ ، ﻓﺘﺤﻮﻟﻲ ﺍﻟﺒﺎﺏ ﻓﺘﺖ ﺟﻮﺍ ﻭﺭﺣﺖ ﻳﻢ ﺗﺎﺝ ﺑﻐﺮﻓﺘﻬﺎ .
ﻣﺎ ﺍﻥ ﺩﺧﻠﺖ ﻭﺷﻔﺘﻬﺎ ﻣﺘﻤﺪﺩﺓ ﻋﻠﻰ ﺍﻟﺴﺮﻳﺮ ﻭﻣﺘﻐﻄﻴﺔ
ﺗﻔﺠﺮﺕ ﺑﺪﺍﺧﻠﻲ ﻟﻬﻴﺐ ﻣﻦ ﺍﻟﻤﺸﺎﻋﺮ ﺍﻟﻐﺮﻳﺒﺔ .
ﺷﺎﻓﺘﻨﻲ ﺑﺎﻭﻋﺘﻠﻲ ﻭﻇﻬﺮ ﺷﺒﺢ ﺍﺑﺘﺴﺎﻣﺔ ﻋﻠﻰ ﻣﺤﻴﺎﻫﻪ
ﻧﻈﺮﺍﺕ ﻋﻴﻮﻧﻬﺎ ﺗﺨﺘﺮﻕ ﻗﻠﺒﻲ ﻭﻳﺼﻴﺮ ﻳﺄﻥ ﻭﻳﻨﻌﺼﺮ ﻭﻳﻨﺰﻑ ﻋﻠﻴﻬﺎ ﻣﻦ ﺍﻟﻘﻬﺮ .
ﺍﺑﺘﺴﻤﺖ ﺍﻟﻬﺎ ﺑﻜﻞ ﺣﺐ ، ﺧﻠﻴﺖ ﺍﻟﺸﻐﻼﺕ ﺍﺍﻟﻲ ﺍﺷﺘﺮﻳﺘﻬﺎ ﻉ ﺍﻟﻤﻴﺰ ﻭﺭﺣﺖ ﻳﻤﻬﺎ ﻉ ﺍﻟﺴﺮﻳﺮ ﺑﻮﺳﺘﻬﺎ ﻋﻠﻰ ﺭﺍﺳﻬﺎ ﺑﻠﻬﻔﺔ
ﻏﺮﺳﺖ ﺍﺻﺎﺑﻌﻲ ﺑﺸﻌﺮﻫﺎ ﻭﺻﺮﺕ ﺍﺗﻠﻤﺴﻪ .
ﺑﺎﻭﻋﺖ ﺑﻮﺟﻬﻪ ﺷﻠﻮﻧﻪ ﺣﺒﻴﺒﻲ ﺍﺍﻟﻴﻮﻡ ؟
ﻫﻤﺴﺖ ﺍﻟﺤﻤﺪﻟﻠﻪ .
ﺗﻤﺪﺩﺕ ﺑﺼﻔﻬﺎ ﻭﺍﺭﺗﻜﻴﺖ ﻋﻠﻰ ﻋﻜﺴﻲ ﻭﺍﻟﻌﺐ ﺑﺨﺼﻼﺕ ﺷﻌﺮﻫﺎ ﺍﻟﻲ ﺍﻧﺴﺎﺑﺖ ﺑﻴﻦ ﺍﺻﺎﺑﻌﻲ .
ﺻﺎﺭﺕ ﻋﻴﻮﻧﻲ ﺑﻌﻴﻮﻧﻬﺎ .
ﻧﻈﺮﺍﺗﻬﺎ ﺗﺒﻌﺚ ﺣﺰﻥ ﻓﻀﻴﻊ ﻳﺪﻣﻲ ﻗﻠﺒﻲ .
ﺍﻧﻔﺘﺤﺖ ﺍﺍﻟﺒﺎﺏ ﻭﻓﺎﺗﺖ ﺍﻣﻬﺎ ﻛﺎﻟﺖ ﻳﺎ ﺍﺑﺎﺫﺭ ﺷﻮﻛﺖ ﺟﻴﺖ
ﻋﺪﻟﺖ ﻛﻌﺪﺗﻲ ﻫﺎ ﻋﻤﻪ ﺍﺟﻴﺖ ﻗﺒﻞ ﺷﻮﻳﻪ ﻭﻳﻦ ﻫﺒﺔ ؟
ﻭﺍﻟﻠﻪ ﻧﺎﻣﺖ
ﺯﻳﻦ ﻣﻦ ﺗﻜﻌﺪ ﺟﻴﺒﻴﻬﺎ ﺍﺷﻮﻓﻬﺎ .
ﺑﺎﻭﻋﺖ ﻟﺘﺎﺝ : ﻫﺎ ﻳﻮﻡ ﺗﺄﺧﺮﺕ ﻋﻠﻴﺞ ﺍﻟﺘﻬﻴﺖ ﻭﻫﺎﻱ ﻣﻼﺑﺴﺞ ﺗﺮﺩﻳﻦ ﺍﺑﺪﻟﺞ ﻫﺴﻪ ﻟﻮ ﺑﻌﺪﻳﻦ ؟
ﺗﻤﺘﻤﺖ ﺗﺎﺝ : ﻻ ﻻ ﻣﻮ ﻫﺴﻪ ﻣﻮ ﻫﺴﻪ ﺑﻌﺪﻳﻦ ﺑﻌﺪﻳﻦ .
ﻭﻇﻠﺖ ﺗﻐﻄﻲ ﺑﻨﻔﺴﻬﺎ ﻋﺮﻓﺖ ﻣﺎﺗﺮﻳﺪ ﺗﺒﺪﻝ ﻛﺪﺍﻣﻲ
ﻣﺎﺗﺮﻳﺪﻧﻲ ﺍﺷﻮﻑ ﺣﺮﻭﻕ ﺟﺴﻤﻬﺎ .
ﺑﺮﺍﺣﺘﺞ .. ﻛﺎﻟﺖ ﻫﻴﺞ ﻋﻤﺘﻲ ﻭﺧﻠﺖ ﻣﻼﺑﺴﻬﺎ ﻉ ﺍﻟﻜﺮﺳﻲ ﻃﻠﻌﺖ ﻭﺳﺪﺕ ﺍﻟﺒﺎﺏ .
ﺭﻓﻌﺖ ﺭﺍﺳﻬﺎ ﺑﻴﺪﻱ ﺑﺎﻭﻋﺖ ﺑﻌﻴﻮﻧﻬﺎ : ﺣﺒﻴﺒﺘﻲ ﺍﻏﻴﺮﻟﺞ ﻣﻼﺑﺴﺞ ﺍﻧﻲ ؟
ﻇﻠﺖ ﺗﻬﺰ ﺭﺍﺳﻬﺎ ﻟﻠﻴﻤﻴﻦ ﻭﻟﻠﻴﺴﺎﺭ ﻋﻼﻣﺔ ﻋﻠﻰ ﺍﻟﺮﻓﺾ ...
ﺑﺎﻭﻋﺘﻠﻬﺎ ﺑﺘﺴﺎﺅﻝ ﻟﻴﺶ ﺣﻴﺎﺗﻲ ﺧﺠﻼﻧﺔ ﻣﻨﻲ ﻫﺎ ؟
ﺷﻬﻜﺖ ﺗﺒﺠﻲ ، ﻣﺪﻳﺖ ﺍﻳﺪﻱ ﻭﺍﻧﻲ ﺍﺣﺠﻲ ﻻﺗﺨﺠﻠﻴﻦ ﻣﻨﻲ ﺗﺮﺍ ﺍﻧﻲ ﻣﻴﻬﻤﻨﻲ ﺷﻲ ﻭﺟﻮﺩﺝ ﺑﺤﻴﺎﺗﻲ ﺭﻭﺣﺞ ﻧﻔﺴﺞ ﻭﺑﺲ .
ﺍﻧﻬﺎﺭﺕ ﺗﺒﺠﻲ ﻭﺗﺒﻌﺪ ﺍﻳﺪﻱ ﺍﻟﻲ ﺗﺴﻠﻠﺖ ﻟﺠﺴﻤﻬﺎ ﺍﻭﺧﺮ ﻋﻨﻬﺎ ﻗﻄﻊ ﻣﻼﺑﺴﻬﺎ . ﺗﻮﻗﻔﺖ ﻟﺤﻈﺔ ﺍﺑﺎﻭﻉ ﻋﻠﻴﻬﺎ ﻭﺍﻣﺴﺢ ﺩﻣﻮﻉ ﺍﻻﻟﻢ ﺍﻟﻲ ﺗﺴﺮﺑﺖ ﻣﻦ ﺟﻔﻮﻧﻬﺎ .
ﺧﻠﻴﺖ ﺍﺻﺒﻌﻲ ﻋﻠﻰ ﺷﻔﺘﻬﺎ ﺍﺣﺎﻭﻝ ﺍﺳﻜﺖ ﺷﻬﻜﺎﺗﻬﺎ ﺍﻟﻤﻜﺘﻮﻣﺔ : ﺍﺷﺸﺶ ﺣﺒﻴﺒﺘﻲ ﺗﺎﺝ ﺍﺳﻤﻌﻴﻨﻲ ﺍﻧﻲ ﻫﺬﺍ ﺍﻟﺸﻲ ﻣﻴﻬﻤﻨﻲ ﺍﻟﻤﻬﻢ ﻧﻔﺴﺞ ﻋﻨﺪﻱ ﺑﺲ ﺍﻧﺘﻲ ﻣﺪﺍﻡ ﺗﺤﺒﻴﻦ ﻧﻔﺴﺞ ﻭﻣﻦ ﺣﻘﺞ ﻫﺬﺍ ﺍﻟﺸﻲ ، ﺍﻧﻲ ﺍﺭﺟﻌﺞ ﻣﺜﻞ ﻗﺒﻞ ﻭﻋﺪ ﻋﻠﻴﻪبيج قصص عراقيه حقيقيه من واقعنا.روعه الطائي
ﻭﺣﺠﻴﺖ ﻭﻳﻪ ﻣﺎﻳﻜﻞ ﻳﺸﻮﻑ ﺑﺮﻭﻓﻴﺴﻮﺭ ﺍﻭ ﺩﻛﺘﻮﺭ ﺑﺎﻣﺮﻳﻜﺎ ﺍﺧﺬﺝ ﺍﻃﻠﻌﺞ ﻣﻨﺎ ﻭﻧﺮﻭﺡ ﻭﻧﺒﺪﻱ ﺟﻠﺴﺎﺕ ﻋﻼﺝ ﺗﺮﺟﻌﻴﻦ ﻣﺜﻞ ﻗﺒﻞ ﻭﺍﺣﻠﻰ ﺑﻌﺪ .
ﺍﺑﺘﺴﻤﺖ ﻭﺍﻧﺒﻌﺜﺖ ﻣﻦ ﻋﻴﻮﻧﻬﺎ ﻧﻈﺮﺍﺕ ﺍﻣﻞ ﺿﻤﻴﺘﻬﺎ ﻟﻘﻠﺒﻲ ﻭﺍﻧﻲ ﺍﺣﺴﻬﺎ ﺫﺍﺑﺖ ﺑﺤﻀﻨﻲ ﺍﺗﻤﻨﻰ ﺍﺣﻀﻨﻬﺎ ﺣﻴﻴﻴﻞ ﺑﺲ ﺍﺧﺎﻑ ﺍﻟﺠﻢ ﺟﺮﻭﺣﻬﺎ .
ﺣﺴﻴﺖ ﺑﻴﻬﺎ ﺗﺒﺠﻲ ﻛﻮﻭﻩ ﺻﺒﺮﺕ ﺭﻭﺣﻲ ﺑﺴﺘﻬﺎ ﺑﺠﺘﻔﻬﺎ ﻭﺍﻧﻲ ﺍﻃﻤﻨﻬﺎ ﻭﻓﻌﻼ ﺍﺭﻳﺪ ﺍﺧﺬﻫﺎ ﻭﺍﻋﺎﻟﺠﻬﺎ ﻣﺴﺘﺤﻴﻴﻞ ﺍﺧﻠﻴﻬﺎ ﻫﻴﻴﺞ ﺗﻌﺎﻧﻲ ...
ﺍﺟﻦ ﺑﻨﺎﺕ ﻫﺒﻪ ﺿﻠﻴﺖ ﺍﻟﻌﺐ ﻭﻳﺎﻫﻦ ﺍﻧﻮﺏ ﻫﻲ ﺟﺎﺑﺖ ﻫﺒﻪ ﺍﻟﺼﻐﻴﺮﻩ ﺑﺴﺘﻬﺎ ﻭﻟﻌﺒﺘﻬﺎ ﻭﻫﻲ ﺣﺎﺿﻨﺘﻨﻲ ﻭﺗﺒﺎﻭﻉ ﻋﻠﻴﻬﻦ ...
ﺩﺭﺕ ﻭﺟﻬﻲ ﺍﻟﻬﺎ ﻭﺑﺴﺘﻬﺎ ﺑﺨﺪﻫﺎ ﺣﻴﻴﻞ ﻭﺭﺟﻌﺖ ﺣﻀﻨﺘﻬﺎ ...
ﺷﻮﻭﻭﻳﻪ ﻭﻃﻠﺒﺖ ﻣﻨﻲ ﺗﺰﻭﺭ ﺍﺑﻨﻬﺎ ﻭﻋﺪﺗﻬﺎ ﺑﺲ ﺗﺼﻴﺮ ﺯﻳﻨﻪ ﺍﺧﺬﻫﺎ ...
............
ﻣﻴﺲ ...
ﺍﻧﺘﻬﺖ ﺍﻟﻘﺼﻪ ﻟﻬﻨﺎ ...
ﺩﻋﺎﺀ ﺭﺟﻌﺖ ﻭﻳﻪ ﻣﻌﺘﺼﻢ ﻭﺿﻞ ﺍﻟﺒﻴﺖ ﺍﻟﻬﻢ ﻭﻃﺒﻌﺎ ﻋﺎﻳﺸﻪ ﻭﺍﻟﺤﻤﺪ ﻟﻠﻪ ﺻﺢ ﻫﻮﻭﺍﻳﻪ ﺑﻌﺪﻫﺎ ﺗﺘﺰﻋﻞ ﻭﻛﻞ ﻳﻮﻣﻴﻪ ﻣﺘﻌﺎﺭﻛﻪ ﻭﺣﺎﺿﺮﺗﻪ ﻣﻦ ﻛﻞ ﺍﻟﺒﺮﺍﻣﺞ ﻻﻥ ﻫﻮ ﻳﺮﻭﺡ ﻟﻠﺪﻭﺍﻡ ﻭﻣﻦ ﻳﺠﻲ ﺗﻔﺘﺢ ﺍﻟﺤﻈﺮ ﻫﻬﻬﻬﻬﻪ ﻭﻟﺤﺪ ﺍﻻﻥ ﻣﺎ ﻋﻨﺪﻫﺎ ﻃﻔﻞ ....
ﻭﺗﺎﺝ ... ﺍﺣﺘﺮﻛﺖ ﺏ 2019 ﺑﺸﻬﺮ ﺍﻟﺮﺍﺑﻊ ﻳﻌﻨﻲ ﻗﺼﺘﻬﺎ ﺣﺪﻳﺜﻪ ﻭﻟﺤﺪ ﺍﻻﻥ ﻣﻤﺴﻮﻳﻪ ﻋﻤﻠﻴﺔ ﺗﺠﻤﻴﻠﻴﻪ ﻻﻥ ﻛﻞ ﻣﺎ ﺗﺮﻳﺪ ﺗﺴﺎﻓﺮ ﺗﻄﻠﻊ ﺍﻟﻬﺎ ﺳﺎﻟﻔﻪ ﻭﻟﺤﺪ ﺍﻻﻥ ﺣﺎﻟﺘﻬﺎ ﺍﻟﻨﻔﺴﻴﻪ ﺗﻌﺒﺎﻧﻪ ﻭﻛﺎﻋﺪﻩ ﻳﻢ ﻣﺎﻣﺎ ﻭﺍﺑﺎﺫﺭ ﻳﺠﻲ ﻳﺒﺎﺕ ﻳﻤﻬﺎ ﺍﻛﺜﺮ ﺍﻟﻤﺮﺍﺕ ﻭﺍﻥ ﺷﺎﺀ ﺍﻟﻠﻪ ﺗﺴﻮﻱ ﺍﻟﻌﻤﻠﻴﻪ ﻭﻋﻤﻠﻴﺘﻬﺎ ﻧﺎﺟﺤﻪ ﺑﺲ ﻫﻲ ﺗﺄﺟﻞ ﺑﻴﻬﺎ ﻻﻥ ﺗﺨﺎﻑ ﻭﺣﺎﻟﺘﻬﺎ ﻣﺘﺎﺯﻣﻪ
ﻗﺪﺭ ... ﺟﺎﺑﺖ ﻭﻟﺪ ﻣﻦ ﻫﺸﺎﻡ ﻭﻓﺮﺣﺎﻧﻴﻦ ﺣﻴﻴﻞ ﺑﻲ ﻭﻫﺸﺎﻡ ﺧﻄﻴﻪ ﺍﻟﺪﻧﻴﺎ ﻣﺎ ﻭﺍﺳﻌﺘﻪ ﻭﺍﻟﻠﻪ ﺍﻧﻄﺎﻩ ﻋﻠﺊ ﻛﺪ ﻧﻴﺘﻪ ﻭﻫﻲ ﺗﺮﻳﺪ ﺗﺴﺎﻓﺮ ﺍﻻﺭﺑﻴﻞ ﻻﺧﻮﺍﻧﻬﺎ ﺑﺲ ﻣﺎﻣﺎ ﻣﺘﻘﺒﻞ ﺗﺨﺎﻑ ﻣﻦ ﻛﻮﺭﻭﻧﺎ ﻫﻬﻬﻬﻬﻬﻬﻬﻬﻬﻪ ﺍﻟﻠﻪ ﻳﻜﻔﻴﻨﺎ ﺍﻟﺒﻼﺀ
ﻭﺍﻧﻲ ﻣﺴﻠﻢ ﺯﺍﻳﺪ ﺑﺴﻮﺍﻟﻔﻪ ﻣﺎﻳﻨﻘﺺ ﺍﻛﻠﻪ ﻣﺎﺑﻴﻚ ﺍﻣﻞ ﺗﺘﻐﻴﺮ ﻳﻜﻮﻝ ﻻ ﻭﺍﻟﻠﻪ ﻭﻫﺴﻪ ﻣﻨﻮ ﻳﻠﺰﻣﻪ ﻭﻛﺎﻝ ﻛﺒﺮ ﻭﺑﺼﻔﻪ ﻛﻮﺭﻭﻧﺎ ... ﺷﺘﺘﺮﺟﻮﻥ ﻣﻨﻪ
ﻭﺻﺎﻳﺮ ﺣﻠﻮ .. ﻋﻤﺘﻲ ﺩﻛﻠﻪ ﺻﺎﻳﺮ ﺣﻠﻮ ﻳﻜﻠﻬﺎ .. ﺭﺟﺎﺀﺍ ﻻ ﺗﺘﻐﺰﻟﻴﻦ ﺑﻴﻪ ﻣﺮﺗﺒﻂ
ﻛﺘﻠﻪ ﻛﻮﻥ ﻫﺴﻪ ﻣﺘﻐﺰﻟﻪ ﺑﻴﻚ ﺍﻡ ﻋﺒﺪﺍﻟﻠﻪ ﺟﺎﻥ ﻣﺎ ﻛﻠﺖ ﻫﻴﻴﺞ
ﻣﺨﻠﺼﻬﺎ ﺿﺤﻚ ﻭﺍﺳﺘﻬﺰﺍﺀ ﻭﻣﺎﻋﻨﺪﻩ ﺍﻱ ﺟﺪﻳﻪ ﺑﺎﻟﻜﻼﻡ ...
ﻭﻟﻬﻨﺎ ﺍﻧﺘﻬﺖ ﺍﻟﻘﺼﻪ ﺍﻃﻠﺐ ﻣﻨﻜﻢ ﺗﺪﻋﻮﻥ ﺍﻻﺧﻮﺍﺗﻲ ﻫﺒﻪ ﺑﺎﻟﺮﺣﻤﻪ ﻭﺗﺎﺝ ﺑﺎﻟﺼﺤﻪ ...
ﻭﻃﺒﻌﺎ ﻫﺒﻪ ﺍﺳﻤﻬﺎ ﺣﻘﻴﻘﻲ ﺣﺘﺊ ﺗﺤﺼﻞ ﺭﺣﻤﻪ ﻣﺎ ﺣﺒﻴﺖ ﻳﺘﻐﻴﺮ
ﻭﻟﺤﺪ ﺍﻻﻥ ﻧﻌﺎﻧﻲ ﻣﻦ ﻛﻼﻡ ﺍﻟﻨﺎﺱ ﺑﺴﺒﺐ ﺍﻧﺘﺤﺎﺭ ﻫﺒﻪ ﻭﺣﺮﻙ ﺗﺎﺝ ﺍﻟﻨﺎﺱ ﻣﺘﺮﺣﻢ ﺍﺑﺒﺪ ﻭﻛﻼﻣﻬﻢ ﻣﻮﻭﺱ ﻳﺠﺮﺡ
ﺑﺲ ﺻﺤﺔ ﺗﺎﺝ ﺑﺎﻟﺪﻧﻴﺎ ﻭﺍﺭﺿﺎﺀ ﺍﻟﻨﺎﺱ ﻏﺎﻳﻪ ﻻ ﺗﺪﺭﻙ
ﻧﻬﺎﻳﺔ ﺍﻟﻘﺼﻪ ...
ﻭﺍﻗﺴﻢ ﺑﺎﻟﻠﻪ ﻛﻼﻡ ﺍﻟﺴﺎﺣﺮ ﺣﻘﻴﻘﻲ ﻏﻴﺮ ﻣﺒﺎﻟﻎ ﺑﻲ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ..
ﺍﺣﺒﻜﻢ ❤
ﻧﻮﺭ ﺳﻤﻮ ﺍﻟﻌﺮﺍﻕ
هلو بنات حسابي جديد ع تيك توك تابعوني 💋hajarkasim3@
