ﺑﺎﺭﺕ 23
ﺭﻭﺍﻳﺔ ... ﻧﺼﻒ ﻋﺬﺭﺍﺀ ﺑﻴﻦ ﺃﻧﻴﺎﺏ ﻗﺎﺗﻠﻲ
ﺑﻘﻠﻤﻲ .. ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔
ﺍﻧﺖ ﺳﻨﺪﻱ
ﻭﺍﻟﻜﺘﻒ ﺍﻟﺬﻱ ﺍﺿﻊ ﺭﺍﺳﻲ ﻋﻠﻴﻪ
........................
ﺣﺎﻭﻟﺖ ﺍﻭﻛﻒ ﻋﻠﺊ ﺣﻴﻠﻲ ﻭﺍﺑﻌﺪﻫﺎ ﻋﻨﻲ ﺑﺲ ﻫﻲ ﻣﺎ ﺷﺎﺀ ﺍﻟﻠﻪ ﻫﺎﻳﺸﻪ ..
ﻭﺍﻧﻲ ﺭﺟﻠﻲ ﺍﺣﺘﺮﻛﺖ ﺑﺎﻟﺠﺎﻱ ﺿﻠﻴﺖ ﺍﻛﻤﺰ ﻣﻦ ﺍﻟﻮﺟﻊ ﻭﺍﺻﺮﺥ ﺑﺼﻮﺕ ﻋﺎﻟﻲ،ﻣﻦ ﺍﻻﻟﻢ .
ﻫﻤﻪ ﺍﺟﻮﻭ ﻳﺮﻛﻀﻮﻥ ﻋﻤﺘﻲ ﻭﻫﻮ ﻭﻣﺤﻤﺪ ...
ﻫﻮ ﻟﺰﻣﻬﺎ ﻭﻳﺴﺤﺒﻬﺎ ﺣﻴﻴﻞ ﺩﻓﻌﻬﺎ ﺍﻧﻀﺮﺑﺖ ﺑﺎﻟﻜﺎﻭﻧﺘﺮ ﺍﺟﺖ ﻋﻤﺘﻲ ﻛﻮﻣﺘﻨﻲ ﻭﺍﻧﻲ ﺍﺑﺠﻲ ﻭﻫﻲ ﺗﻠﻌﻠﻊ ..
ﻛﺎﻟﺖ ﺑﺼﻴﺎﺡ ... ﺗﻀﺮﺑﻨﻲ ﻟﺨﺎﻃﺮ ﻫﺎﻱ ﺍﻟﺴﺎﻗﻄﻪ ﺍﻡ ﺍﻟﺰﻟﻢ
ﻫﻮ ﻟﺰﻣﻬﺎ ﺿﺮﺑﻬﺎ ﺭﺍﺷﺪﻱ ﻗﻮﻭﻱ ﻛﻠﻬﺎ ... ﺑﻨﺖ ﺍﻟﻨﻌﺎﻝ ﺳﺪﻱ ﺣﻠﻜﺞ ﻻ ﺍﺗﺮﺳﻪ ﺗﺮﺍﺏ
ﻫﻲ ﺍﺳﺘﻤﺮﺕ ... ﻛﻮﻭﺍﻭ ... ﺗﻤﻮﺗﻮﻥ ﻋﻠﻰ ﺍﻟﺘﻬﻴﻨﻜﻢ ﻭﺗﻄﻴﺢ ﺣﻀﻜﻢ ﺑﻌﺪﻫﺎ ﻣﺎ ﺿﺤﻜﺖ ﺑﻮﺟﻬﻚ ﺑﻌﺖ ﺍﻻﻭﻝ ﻭﺗﺎﻟﻲ ... ﻋﻮﺩ ﻭﻫﻲ ﻣﺮﺕ ﺍﺧﻮﻙ ... ﻭﺍﻧﺖ ﻣﺎ ﺗﺘﻘﺮﺏ ﻣﻦ ﻣﺮﺓ ﺍﺧﻮﻭﻙ ﺗﺎﻟﻲ ﻃﻠﻌﺖ ﺳﺎﺣﻠﺘﻚ ﻫﻞ ﺯﻋﻄﻮﻃﻪ ﻭﺍﻧﻲ ﻣﺎﺍﺩﺭﻱ ...
ﻫﻮ ﺗﺨﺒﻞ ﻫﺠﻢ ﻋﻠﻴﻬﺎ ﺑﻜﻞ ﻋﻨﻔﻮﺍﻥ ﻭﻣﺤﻤﺪ ﻛﻮﻭﻩ ﻻﺯﻣﻪ ﻭﻫﻮ ﻛﻞ ﺿﺮﺑﻪ ﻳﻀﺮﺑﻬﺎ ﻋﺒﺎﻟﻚ ﻳﻀﺮﺏ ﺑﺤﺎﻳﻂ ...
ﻣﻠﺨﻬﺎ ﺗﻤﻠﺦ ﻭﻫﻲ ﻣﺴﺘﻤﺮﻩ ﺑﺎﻟﻐﻠﻂ ﻭﺍﻟﻔﺸﺎﺭ ﻭﻫﻮ ﻧﺰﻝ ﻋﺸﻴﺮﺗﻬﺎ ﻛﻠﻬﺎ ﺑﺴﺐ ﻭﺍﻟﻐﻠﻂ ....
ﻣﺤﻤﺪ ﻛﻮﻭﻩ ﻃﻠﻌﻬﺎ ﻣﻦ ﺍﻳﺪﻩ ﻭﺩﻓﻌﻬﺎ ﺧﺎﺭﺝ ﺍﻟﻤﻄﺒﺦ ﻭﻫﻲ ﺭﺟﻌﺖ ﻣﺜﻞ ﺍﻟﺼﻞ ﺻﺎﺣﺖ ... ﻛﻠﺐ ﺳﺎﻗﻂ ﺍﻧﻲ ﺍﻟﻚ ﺍﻟﻴﻮﻡ ﻻ ﻣﺎ ﺍﻧﻮﻣﻚ ﺑﺴﺠﻦ ﻣﺎ ﺍﻃﻠﻊ ﺍﻧﺘﺼﺎﺭ ...
ﻫﻮ ﺷﺎﻝ ﻗﻮﻭﻭﺭﻱ ﺍﻟﺠﺎﻱ ﻭﺭﻛﻌﻪ ﺑﻴﻬﺎ ﺑﺲ ﻫﻲ ﺷﺮﺩﺕ ﻭﻛﻊ ﺑﺎﻟﺒﺎﺏ ﻭﻛﻠﻪ ﺟﺎﻱ ﺣﺎﺍﺭ ....
ﺍﻧﻲ ﻛﺎﻋﺪﻩ ﻻﺯﻣﻪ ﺭﺟﻠﻲ ﻭﺍﺑﺠﻲ ﻭﻋﻤﻪ ﻛﺎﻋﺪﻩ ﻳﻤﻲ ﺗﻤﺴﺢ ﻋﻠﺊ ﺷﻌﺮﻱ ﻫﻮ ﺿﻞ ﻳﻔﺘﺮ ﺑﺎﻟﻤﻄﺒﺦ ﻭﻛﻞ ﺷﻮﻳﻪ ﻛﺎﻝ ... ﺑﻨﺖ ﺍﻟﻜﻠﺐ ﺑﻨﺖ ﺍﻟﺰﻣﺎﻝ ﺑﺎﻟﻘﺮﺍﻥ ﺩﻗﻴﻘﻴﻪ ﻣﺎ ﺍﺧﻠﻴﻬﺎ ﺑﺎﻟﺒﻴﺖ
ﺻﺎﺍﺍﺡ ... ﻣﺤﻤﻤﻤﻤﻤﻤﺪ
ﻣﺤﻤﺪ ﺍﺟﻪ ... ﻫﺎﺍﺍ ﺧﻮﻭﻭﻳﻪ ﺍﻣﺮ
ﺍﺑﺎﺫﺭ ﺑﻐﻀﺐ ... ﺍﺧﺬ ﻫﻞ ﻛﻠﺒﻪ ﻭﺩﻳﻬﺎ ﻻﻫﻠﻬﺎ ﻻ ﻭﺍﻟﻠﻪ ﺍﺑﺘﻠﻲ ﺑﻴﻬﺎ ..
ﻫﻲ ﻃﻠﻌﺖ ﺟﺎﻣﻌﻪ ﻣﻼﺑﺴﻬﺎ ﻭﻻﺑﺴﻪ ﻋﺒﺎﻳﺘﻬﺎ ﻭﺑﻌﺪﻫﺎ ﺗﻠﻌﻠﻊ ﻭﺗﻐﻠﻂ ﻭﺩﻛﻮﻝ ... ﺑﺎﻟﻘﺮﺍﻥ ﺍﻟﻪ ﺍﺧﻠﻲ ﺍﺧﻮﺗﻲ ﻳﺴﺤﻠﻮﻧﻚ ﺳﺤﻞ
ﻫﻮ ﻃﻠﻊ ﻣﻦ ﺍﻟﻤﻄﺒﺦ ﺑﺎﻭﻋﻠﻬﺎ ﻛﻠﻬﺎ ... ﺧﻠﻲ ﻳﺠﻲ ﻛﻮﻭ ... ﺍﻟﻪ ﺍﻏﻂ ﺭﺍﺳﻪ ﺑﻄﻴﻦ ... ﻭﻳﺎﻟﻠﻪ ﻭﻟﻲ ﺍﻧﻲ ﻃﺎﻟﻖ ...
ﻫﻲ ﺗﺨﺒﻠﺖ ﻃﻠﻌﺖ ﻭﻣﺤﻤﺪ ﻃﻠﻊ ﻭﺭﺍﻫﺎ ﺷﺎﻓﻬﺎ ﺩﺧﻠﺖ ﺍﻟﺒﻴﺖ ﺭﺍﺿﻲ ...
ﺭﺟﻊ ﻛﺎﻝ .. ﺩﺧﻠﺖ ﻟﺒﻴﺖ ﺭﺍﺿﻲ
ﺍﺑﺎﺫﺭ ... ﺧﻠﻴﻬﺎ ﺗﻮﻟﻲ ...
ﻛﻌﺪ ﻣﻘﺎﺑﻴﻠﻲ ﺳﺤﺐ ﺭﺟﻠﻲ ﺷﺎﻑ ﺷﻮﻳﻪ ﻣﺤﺘﺮﻛﻪ ﺑﺲ ﻗﻠﻴﻞ ﻣﻮ ﻫﻮﻭﺍﻳﻪ ...بيج قصص عراقيه حقيقيه من واقعنا.روعه الطائي
ﻋﻤﺘﻲ ﺣﻄﺘﻠﻲ ﺷﻮﻳﻪ ﺷﻜﺮ ﻛﺎﻟﺖ .. ﻳﺨﻔﻒ ﺍﻟﺤﻤﺎﺭ ...
ﺑﺲ ﻫﻮ ﻣﻘﺒﻞ ﺷﺎﻟﻨﻲ ﻭﺍﺧﺬﻧﻲ ﻟﻠﻤﺴﺘﺸﻔﺊ ﻭﻋﻤﺘﻲ ﺭﺍﺣﺖ ﻭﻳﺎﻧﻪ ﻭﺯﻧﻮﺑﻪ ﺿﻞ ﺑﺲ ﻣﺤﻤﺪ ﺑﺎﻟﺒﻴﺖ ...
ﺩﺧﻠﻨﻪ ﻟﻠﻄﻮﺍﺭﺉ ﺍﺟﺖ ﺍﻟﻤﻤﺮﺿﻪ ﺿﻤﺪﺗﻬﺎ ﻛﺎﻟﺖ .. ﻣﺎﺑﻴﻬﺎ ﺷﺊ ﺑﺲ ﺩﻳﺮﻱ ﺑﺎﻟﺞ ﻣﻦ ﺍﻟﻤﻲ ...
ﺟﻨﻪ ﺑﺮﺩﻫﺔ ﺍﻟﺤﺮﻭﻕ ﺷﻮﻭﻳﻪ ﻭﺍﺟﺖ ﻋﺎﺋﻠﻪ ﻳﺘﺎﺭﻛﻀﻮﻥ ﻭﺍﻟﺼﺮﻳﺦ ﻭﺍﻟﺒﺠﻲ ﻭﺑﻨﻴﻪ ﻣﺤﺘﺮﻛﻪ ﻣﺨﻠﻴﻨﻪ ﺑﺴﺪﻳﻪ ﻭﺗﻮﻥ ..
ﻣﺮﺓ ﻋﻠﻴﻪ ﻫﺒﻪ ﺑﻄﻴﻔﻬﺎ ﻭﺟﺮﻭﺣﻬﺎ ...
ﺿﻠﻴﺖ ﻭﺍﻛﻔﻪ ﻫﺰﻧﻲ ﺍﻟﻤﻮﻗﻒ ﻫﺰ ...
ﻛﻠﺖ ﻟﻮﺍﺣﺪ ﻣﻦ ﺍﻫﻠﻬﺎ ... ﺷﻜﻮﻭ ﺷﺒﻴﻬﺎ؟
ﻟﺴﺎﻟﺘﻪ ﺭﺩ ﺑﺒﻜﺎﺀ ... ﺍﻧﺘﺤﺮﺕ ﺣﺮﻛﺖ ﺭﻭﺣﻬﺎ ...
ﻛﻠﺖ ﻟﻌﻤﺘﻲ ﺧﻠﻲ ﻧﻨﺘﻈﺮ ﺷﻨﻮ ﻳﻜﻮﻟﻮﻥ .. ﻻﻥ ﻣﻨﺘﻈﺮﻳﻦ ﺍﺑﺎﺫﺭ ﻳﺠﻴﺐ ﺍﻟﻌﻼﺝ ...
ﻃﻠﻊ ﺍﻟﺪﻛﺘﻮﺭ ﻛﺎﻝ .. ﺍﺣﺴﺒﻮ ﺳﺎﻋﺎﺕ ﺣﺮﻗﻬﺎ 90 ﺑﺎﻟﻤﻴﻪ
ﻭﺍﻫﻠﻬﺎ ﺗﺨﺒﻠﻮﻭ ﻣﺎﻛﻮ ﺩﻗﺎﻳﻖ ﻭﻣﺎﺗﺖ ...
ﻃﻠﻌﺖ ﺑﺴﺮﻋﻪ ﺍﻧﻲ ﻭﻋﻤﺘﻲ ﻭﺭﻭﺣﻲ ﻃﺎﺍﺍﺭﺕ ﻃﺎﺍﺍﺭﺕ ﺍﻟﻤﻮﻗﻒ ﺯﻟﺰﻝ ﻛﻞ ﺫﺭﻩ ﺑﺠﺴﻤﻲ ...
ﺷﻔﻨﻪ ﺍﺑﺎﺫﺭ ﻣﻦ ﺑﻌﻴﺪ ﻫﻮ ﻭﺯﻧﻮﺑﻪ ﺷﺎﻳﻞ ﺍﻟﻌﻼﺝ ﺗﻘﺮﺏ ﻣﻨﻪ ﻣﻦ ﺷﺎﻓﻨﻲ ﻋﻘﺪ ﺣﻮﺍﺟﺒﻪ ﻛﺎﻝ .. ﺷﺒﻴﻜﻢ ﺧﻴﻴﺮ
ﻋﻤﺘﻲ ﺟﺮﺕ ﻧﻔﺲ ... ﻣﺎﻛﻮﻭ ﺷﺊ ﺧﻠﻲ ﻧﻄﻠﻊ ﺑﺴﺮﻋﻪ ...
ﻃﻠﻌﻨﻪ ﻭﺭﻛﺒﻨﻪ ﺑﺴﻴﺎﺭﻩ ﺟﻨﺖ ﺻﺎﻓﻨﻪ ... ﺗﻤﻨﻴﺖ ﻳﻨﺰﻝ ﺍﻟﻐﻴﺚ ﻳﻐﺴﻞ ﺍﺭﻭﺍﺣﻨﻪ ﺍﻟﻤﻠﭽﻮﻣﻪ ...
ﺟﺮﻳﺖ ﻧﻔﺲ ﻭﺩﺭﺕ ﻭﺟﻬﻲ ﻫﻮ ﻃﻠﻚ ﺍﻧﺘﺼﺎﺭ ﻻﺯﻡ ﺍﺑﺪﻱ ﺻﻔﺤﻪ ﺟﺪﻳﺪﻩ ﻭﺍﺗﻘﺮﺏ ﻣﻨﻪ ...
ﻳﻤﻜﻦ ﻫﻮ ﺍﻟﻲ ﻳﺤﻘﻖ ﺣﻠﻤﻲ ﻭﺍﺳﺎﻓﺮ ﻭﻳﺎﻩ ﺍﻟﺊ ﻣﺘﺊ ﻭﺍﻧﻲ ﻧﺎﻓﺮﻩ ﻣﻨﻪ ...
ﺭﺍﺡ ﺍﺑﺪﻱ ﺍﻟﺤﻴﺎﺓ ﺑﻤﻼﻣﺢ ﺟﺪﻳﺪﻩ ﻭﺍﺭﻭﺍﺡ ﻣﺨﺘﻠﻔﻪ ﺍﺭﻳﺪ ﺍﻋﻴﺶ ﺍﺭﻳﺪ ﻳﺤﺒﻨﻲ ﻭﺍﺣﺒﺒﺒﻪ ... ﺍﺭﻳﺪ ﺍﺗﻘﺮﺏ ﻣﻨﻪ ﻭﻳﺘﻘﺮﺏ ﻣﻨﻲ ..
ﺍﻧﻲ ﺻﺢ ﺍﺑﺘﻌﺪﺕ ﻋﻨﻪ ﺑﺲ ﺗﻮﻏﻠﺖ ﺑﻜﻤﻴﻪ ﻣﻦ ﺍﻻﺣﺴﺎﺱ ﺍﻟﻲ ﺑﺲ ﻫﻮ ﺍﻟﻔﺎﻳﺰ ﺑﻲ ...
ﻭﺻﻠﻨﻪ ﻟﻠﺒﻴﺖ ﺩﺧﻠﻨﻪ ﻭﻫﻮ ﻻﺯﻣﻨﻲ ﻭﻋﻤﺘﻲ ﺷﺎﻳﻠﻪ ﺯﻧﻮﺑﻪ ...
ﻫﻮ ﻫﻤﺴﻠﻲ .. ﺷﻠﻮﻧﻪ ﺻﺪﻳﻘﻲ ﺍﺑﻮ ﺍﻟﺘﻮﺕ .. ﻃﻠﻌﺖ ﺧﻮﺵ ﺻﺪﻳﻖ ﻣﻮ ﻓﺰﻋﺘﻠﻚ ﻓﺰﻋﺔ ﻋﺮﺏ ﻫﺪﺍﺩﻩ ...
ﺿﺤﻜﺖ ... ﻭﺍﻟﻠﻪ ﻳﺎ ﺧﻮﻳﻪ ﺍﺑﻮ ﺍﺳﺤﺎﻕ ﺍﻥ ﺷﺎﺀ ﻟﻠﻪ ﻧﺮﺩﻫﺎ ﺍﻟﻚ ﻭﻟﻮ ﻋﻨﺪﻱ ﺍﺧﺖ ﻧﺎﺳﺒﺘﻚ .. ﻭﻳﺸﺮﻓﻨﻪ ﻧﺴﺒﻚ
ﺍﺑﺘﺴﻢ ... ﺍﻛﻞ ﺗﺒﻦ ﺍﺑﻮ ﺍﻟﻨﺴﺐ ... ﺑﻄﻠﺖ ﺗﺒﺖ ﻭﻋﻀﻴﺖ ﺍﺻﺎﺑﻊ ﺍﻟﻨﺪﻡ ﻣﺎ ﺍﺭﻳﺪ ﺍﺗﻌﺪﺩ
ﺭﻓﻌﺖ ﻋﻴﻮﻧﻲ ... ﻭﺍﺧﺖ ﻣﺎﻳﻜﻞ
ﺍﺑﺎﺫﺭ ... ﺷﺒﻴﻬﺎ؟
ﺟﺎﻭﺑﺘﻪ ﺑﺪﻟﻊ ... ﻣﻮ ﺗﺮﻳﺪ ﺗﺘﺰﻭﺟﻬﺎ
ﺟﺎﻭﺏ ﺑﺼﺪﻣﻪ ﻣﺼﻄﻨﻌﻪ ... ﺍﻓﺎﺍﺍ ﻭﺍﻧﻲ ﺍﺗﺰﻭﺝ ﻋﻠﺊ ﺗﻮﺗﺎﻳﺘﻲ ﺻﺪﻙ ﻣﺎ ﻋﻨﺪﻱ ﺫﻭﻕ
ﺣﻄﻴﺖ ﺍﻳﺪﻱ ﻋﻠﺊ ﺻﺪﺭﻩ ... ﻣﻦ ﺯﻣﺎﻥ ﻣﺎﻋﻨﺪﻙ ﺫﻭﻕ ﻣﻦ ﻳﻮﻡ ﻟﺘﺰﻭﺟﺖ ﺍﻧﺘﺤﺎﺭ ﻋﻠﻴﻪ ...
ﺟﺮ ﻧﻔﺲ ﻭﺍﺟﺖ ﺯﻧﻮﺑﻪ ﺩﺧﻠﻨﻪ ﻛﻌﺪﻧﻪ ﺑﺎﻻﺳﺘﻘﺒﺎﻝ ﻭﻣﺤﻤﺪ ﻳﺴﻮﻟﻒ ﻋﻠﺊ ﺍﻧﺘﺼﺎﺭ ﻭﻣﻴﺖ ﻣﻦ ﺍﻟﻀﺤﻚ ﻻﻥ ﻫﺠﻤﺖ ﻋﻠﻴﻨﻪ .
ﺯﻳﻨﺐ ﺑﻄﻔﻮﻟﻪ .. ﺣﻮﻟﻲ ﻃﻄﺎﺭ ﺗﺤﻠﻂ ﻋﻠﻴﻪ ﺩﻭﻭﻝ ﺑﺖ ﺍﻟﺪﻓﺮﻩ ﻧﻌﻠﻪ ﻋﻠﻪ ﺍﻣﺞ ..
« ﺧﻠﻲ ﺗﻮﻟﻲ ﺗﻐﻠﻂ ﻋﻠﻴﻪ ﺩﻛﻮﻝ ﺑﺖ ﺍﻟﺰﻓﺮﻩ ﻧﻌﻠﻪ ﻋﻠﻪ ﺍﻣﺞ »
ﺍﺑﺎﺫﺭ ﺑﺎﺱ ﺯﻳﻨﺐ ﺑﺨﺪﻫﺎ ﻛﻠﻬﺎ ... ﻃﺎﺡ ﺣﻀﻬﺎ ..
ﺯﻳﻨﺐ ﻛﻤﻠﺖ ﻭﻫﻲ ﻣﺴﻮﻳﻪ ﺭﻭﺣﻬﺎ ﻣﺴﻜﻴﻨﻪ ... ﺍﻧﻲ ﺍﺩﻟﻬﺎ ﻟﻴﺲ ﺣﻠﻄﻴﻦ ﻋﻠﺊ ﻣﺎﻣﺎ ﻫﻲ ﺍﻣﻲ ﻣﺎﻳﺘﻪ .. « ﻣﻴﺘﻪ »
ﺩﻭﻝ ﺍﻥ ﺳﺎﺀ ﺍﻟﻠﻪ ﺍﻣﻮﺗﻴﻦ ﻭﺭﺍﻫﺎ ...
ﺍﻧﻲ ﺣﻀﻨﺘﻬﺎ ﻛﺘﻠﻬﺎ ... ﻻ ﻭﺍﻟﻠﻪ ﺍﻥ ﺷﺎﺀ ﻟﻠﻪ ﻫﻲ ﻭﻋﺸﻴﺮﺗﻬﺎ ﻭﻻ ﺍﻧﺘﻲ ...
ﻛﻤﻠﺖ ﺯﻧﻮﺑﻪ ... ﻫﻲ ﺣﺘﺊ ﺩﻟﻲ ﺑﻮﺩﻱ ﻣﺘﺤﻠﻪ ﻣﺎﻝ ﺗﻮﺗﻪ ﻭﺗﺎﺣﺪ ﺍﻣﺎﺑﻴﻞ ﺗﻮﺗﻪ ﺍﺑﺎﻭﻉ ﺑﻮﺝ ﺑﻮﺏ ...
ﺩﻛﻠﻲ ﺍﺳﺮﻕ ﺍﻟﻜﺤﻞ ﻣﺎﻝ ﺗﻮﺗﻪ ﻭﺗﺎﺧﺬ ﺍﻟﻤﻮﺑﺎﻳﻞ ﺗﺒﺎﻭﻉ ﺳﺒﻮﻧﺞ ﺑﻮﺏ ...
ﻫﻤﺴﺖ ﺑﻜﻠﺒﻲ ... ﺍﻟﺤﻘﻴﺮﻩ ﺑﺲ ﻻ ﺳﺤﺒﺖ ﺻﻮﺭﻱ ﻭﺗﺴﻮﻳﻠﻲ ﺳﺎﻟﻔﻪ
ﻭﻣﺎ ﻧﺴﻤﻊ ﻏﻴﺮ ﺍﻟﺮﻣﻲ ﺻﺎﺭ ﻫﺰ ﺍﺭﻛﺎﻥ ﺑﻴﺘﻨﻪ ﻫﺰ ﺯﻧﻮﺑﺒﻪ ﺿﻠﺖ ﺗﺼﺮﺥ ﺑﺼﻮﺕ ﻋﺎﻟﻲ ﻭﺍﻧﻲ ﻟﺰﻛﺖ ﺑﺎﻟﺤﺎﻳﻂ ﻭﺣﺎﺿﻨﺘﻬﺎ ...
ﻭﻣﺤﻤﺪ ﻭﺍﺑﺎﺫﺭ ﺭﻛﻀﻮ ﻟﻠﺸﺎﺭﻉ ﻋﻤﺘﻲ ﺗﺨﺒﻠﺖ ﻟﺰﻣﺘﻬﻢ ﺛﻨﻴﻨﻬﻢ ﺑﺲ ﻫﻤﻪ ﺗﺨﺒﻠﻮﻭ ﻭﻣﻼﻭ ﻫﻤﻪ ﻭﻋﻤﺘﻲ ...
ﺿﻠﺖ ﺗﻠﻄﻢ ﻭﻟﻜﻢ ﻳﻤﻤﻪ ﺍﺳﺘﺮﻭ ﻋﻠﻴﻪ ﻭﻟﻜﻢ ﻳﻤﻤﻪ ﻛﻮﻭﻟﻮ ﻳﺎ ﺍﻟﻠﻪ ﺫﺍﻙ ﺍﻟﻴﻮﻡ ﺩﻓﻨﺖ ﺛﻨﻴﻦ ﻳﻤﻤﻪ ﻓﺪﻭﻩ ﺍﺭﻭﺣﻠﻜﻢ ...
ﺧﻠﺼﻮ ﺭﻭﺣﻬﻢ ﻣﻨﻬﺎ ﻭﻃﻠﻌﻮ ... ﻭﺍﻧﻲ ﻭﻋﻤﺘﻲ ﻃﻠﻌﻨﻪ ﻟﻠﺤﻮﺵ ...
ﺳﻤﻌﻨﻪ ﺍﺧﻮ ﺍﻧﺘﺼﺎﺭ ﻳﻐﻠﻂ ﻭﻳﻔﺸﺮ .. ﻟﻚ ﻛﻮﻭﺍ .. ﺳﺎﻕ ... ﺍﻧﺖ ﺗﻀﺮﺏ ﺍﺧﺘﻲ ﻟﻚ ﻭﺍﻟﻠﻪ ﻻ ﺻﺎﺭ ﻭﻻ ﺍﺳﺘﻮﺉ ﺍﻟﻴﻤﺪ ﺍﻳﺪﻩ ﻋﻠﻴﻬﺎ ﺍﻃﻠﻊ ﺍﻟﻪ ﺍﺧﺮﻃﻚ ﺧﺮﻁ ﺍﺑﻦ ﺍﻟﻜﻠﺐ ...
ﻋﺎﺩ ﻫﻮ ﺍﺑﺎﺫﺭ ﺗﺨﺒﻞ ﺭﻛﺾ ﺑﺴﺮﻋﻪ ﺍﻟﻐﺮﻓﺘﻪ ﻭﻃﻠﻊ ﻻﺯﻡ ﺍﻟﻤﺴﺪﺱ ﺑﻴﺪﻩ ﺍﻧﻲ ﺍﻧﺮﻋﺒﺖ ﻟﺰﻣﺘﻪ ﺍﻧﻲ ﻭﻋﻤﺘﻲ ﻭﻧﺒﺠﻲ ... ﻻﺍﺍ ﻟﺘﻄﻠﻊ ﻭﺍﻟﻠﻪ ﺗﺼﻴﺮ ﻣﺼﻴﺒﻪ ..
ﻫﻮ ﺩﻓﻌﻨﻲ ﻋﻠﺊ ﻋﻤﺘﻲ ﻭﺭﻛﺾ ﺑﻤﺴﺪﺳﻪ ﻋﻤﺘﻲ ﺧﻄﻴﻪ ﺿﻠﺖ ﺗﻠﻄﻢ ﻭﻣﺤﻤﺪ ﺭﻛﺾ ﻭﺭﺍﻫﺎ ...
ﺻﺎﺡ ﺑﻌﺼﺒﻴﺔ ... ﺑﻌﺪﻩ ﻻ ﺟﺎﺑﺘﻪ ﺍﻣﻪ ﻭﻻ ﺻﺎﺭ ﻭﻻ ﺍﺳﺘﻮﺉ ﺍﻟﻲ ﻳﻬﺪﺩﻧﻲ ﻭﻻ ﺑﻜﻠﻤﻪ ...
ﻃﻠﻊ ﺭﺍﺿﻲ ﻛﻠﻬﻢ ... ﺻﺪﻙ ﺟﺬﺏ ﺷﺴﺎﻟﻔﺘﻜﻢ .. ﻫﻴﺞ ﻣﺸﺎﻛﻞ ﻣﺎ ﺗﻨﺤﻞ ﺑﺎﻟﺮﻣﻲ ﺗﺮﺉ ﻋﺪﻧﻪ ﻋﻮﺍﻳﻞ ﻭﻋﺪﻧﻪ ﺍﻃﻔﺎﻝ ﺗﻨﺮﻋﺐ .. ﺗﻌﺎﻟﻮ ﻧﺪﺧﻞ ﺟﻮﻩ ﻭﻧﺘﻔﺎﻫﻢ ... ﻣﻮ ﺑﺸﺎﺭﻉ ﻓﻀﻴﺤﺘﻨﻪ ﻭﺻﻠﺖ ﻻﺧﺮ ﺍﻟﻔﺮﻉ ...
ﻫﻤﻪ ﺑﺎﻭﻋﻮ ﻋﻠﻴﻪ ﻛﻠﻮﻟﻪ ... ﺧﻮﻭﻳﻪ ﺭﺍﺿﻲ ﺗﻌﺪﻩ ﻋﻠﺊ ﺣﺮﻣﺘﻨﻪ ﻭﻣﺎ ﺳﻮﺍﻟﻨﻪ ﺣﺴﺎﺏ
ﺍﺑﺎﺫﺭ ﺑﻐﻀﺐ ... ﺍﻧﺘﻢ ﺷﻨﻮ ﻭﺍﺳﻮﻳﻠﻜﻢ ﺣﺴﺎﺏ ﻣﺎ ﺍﺭﻳﺪ ﺍﺣﺤﻲ ﺑﺴﻮﺍﻟﻒ ﺍﻟﻨﺴﻮﺍﻥ ﻭﻣﺎﻋﻨﺪﻱ ﺍﺻﻼ ﺷﺊ ﻭﻳﺎﻛﻢ ﺍﻟﺼﺎﺭ ﺑﻴﻨﻪ ﺍﻧﺘﻬﺊ ﻭﺍﺧﺘﻜﻢ ﻋﺪﻛﻢ ﻃﻠﻜﺘﻬﺎ ﻭﺭﺍﺣﺖ ...
ﺍﺧﻮﺗﻬﺎ ... ﺧﻮﻭﻭﺵ ﻳﺼﻴﺮ ﺧﻴﻴﺮ ﻭﺍﻟﻠﻪ ﺍﻟﻴﻮﻡ ﻣﺘﺼﺒﺢ ﺑﺒﻴﺘﻜﻢ
ﺍﺑﺎ ﺫﺭ ... ﺍﻋﻠﺊ ﻣﺎ ﺑﺨﻴﻠﻜﻢ ﺍﺭﻛﺒﻮ ﻭﺷﺘﺴﻮﻭﻥ ﺳﻮﻭ ...
ﻫﻤﻪ ﺭﻛﺒﻮ ﺳﻴﺎﺭﺍﺗﻬﻢ ﻭﺭﺍﺣﻮﻭ ﻭﺭﺍﺿﻲ ﺍﺟﻪ ﺑﺨﺒﺚ ﺧﻠﻪ ﺍﻳﺪﻩ ﻋﻠﺊ ﺟﺘﻒ ﺍﺑﺎﺫﺭ .. ﺧﻮﻳﻪ ﺍﺑﺎﺫﺭ ﺧﻠﻴﻨﻪ ﻧﺘﻔﺎﻫﻢ
ﺩﻓﻊ ﺍﻳﺪﻩ ﺑﻐﻀﺐ ﻭﺩﺧﻞ ﺟﻮﻭﻩ ﻛﻌﺪ ﻋﻠﺊ ﺍﻟﻘﻨﻔﻪ ﻭﺣﻂ ﺍﺩﻳﻪ ﺑﻴﻦ ﻭﺟﻬﻪ ...
ﺻﺎﺍﺡ ﻣﺤﻤﺪ ...
ﻣﺤﻤﺪ ﺍﺟﻪ ... ﻫﺎﺍﺍ ﺷﻜﻮﻭ
ﺍﺑﺎﺫﺭ ... ﺗﻌﺎﻝ ﺳﺎﻋﺪﻧﻲ ﺍﺭﻳﺪ ﺍﻃﻠﻊ ﻫﺎﻱ ﺍﻟﻐﺮﻓﻪ ﺍﻧﻄﻴﻬﺎ ...
ﻭﺻﺪﻙ ﺭﺍﺣﻮ ﻫﻮ ﻭﻣﺤﻤﺪ ﻭﺻﺎﺭﻭ ﻳﻔﺘﺤﻮﻥ ﺑﺎﻟﻐﺮﻓﻪ ﻭﻫﻲ ﻣﻤﺨﻠﻴﻪ ﻣﺎﺧﺬﻫﺎ ﺫﻫﺒﻬﺎ ﻭﻣﻼﺑﺴﻬﺎ ﻛﻠﻬﺎ ...
ﻣﺎﺍﻋﺮﻑ ﺷﻨﻮ ﺍﻟﻐﺎﻳﻪ .. ﺍﻟﻤﻬﻢ ﻫﻮ ﻓﺮﻍ ﺍﻟﻐﺮﻓﻪ ﻛﻠﻬﺎ ﻭﺍﻧﻄﺎﻫﺎ ﻟﻤﺤﻤﺪ ﻭﺍﺧﺬ ﻏﺮﻓﺔ ﻣﺤﻤﺪ ...
ﺑﻌﺪﻫﺎ ﺍﺟﻪ ﻛﻌﺪ ﻳﻤﻲ ﻛﺎﻝ .. ﺗﺎﺝ ﺍﺣﻨﻪ ﻣﻮ ﺍﺻﺪﻗﺎﺀ ﻭﺍﻧﺘﻲ ﻛﻠﺘﻲ ﻛﻠﺸﻲ ﻳﺼﻴﺮ ﺍﻧﻲ ﻭﻳﺎﻙ
ﺟﺎﻭﺑﺘﻪ ... ﺍﻱ ﺻﺢ
ﺟﺮ ﻧﻔﺲ ... ﺍﺭﻳﺪ ﺭﻗﻢ ﺍﺑﺘﻬﺎﻝ ﺍﻭ ﺍﻧﺘﻲ ﺗﺮﺍﺳﻠﻴﻬﺎ ﺍﻧﻲ ﻻﺯﻡ ﺍﻟﻜﻪ ﻗﺎﺗﻞ ﺍﺧﻮﺗﻲ ﻭﻣﺤﺪ ﻳﻌﺮﻓﻪ ﻏﻴﺮ ﺭﺍﺿﻲ ﻓﺎﺭﻳﺪ ﺗﺴﺤﺒﻴﻦ ﻣﻌﻠﻮﻣﺎﺕ ﻣﻦ ﺧﺎﻟﺘﺞ ﻭﺩﻛﻠﻴﻠﻲ ﻭﻳﻦ ﻫﺎﺍﺍ ﺷﻜﻠﺘﻲ ...
ﺭﺩﻳﺖ ﺑﺨﺠﻞ ... ﺍﺧﺎﻑ ﺗﺎﺫﻱ ﻧﻔﺴﻚ
ﺿﺤﻚ ﻭﺣﻀﻦ ﻭﺟﻬﻲ ﺑﻜﻔﻮﻓﻪ ... ﻻ ﻳﺤﻠﻮﻩ ﻫﻮ ﺍﻗﺪﻡ ﺷﻜﻮﻩ ﻭﻳﻠﺰﻣﻮ ﻭﻳﺪﺧﻞ ﺳﺠﻦ ﻻ ﺍﻛﺜﺮ ﻭﻻ ﺍﻗﻞ
ﺑﺎﻭﻋﺘﻠﻪ ﺑﺨﻮﻑ ... ﻛﻮﻝ ﻭﺍﻟﻠﻪ
ﺍﺑﺘﺴﻢ ﻋﻠﺊ ﻛﻼﻣﻲ ﺑﺎﺳﻨﻲ ﺑﺨﺪﻱ ﺑﺲ ﺍﻧﻲ ﺑﺴﺮﻋﻪ ﺳﺤﺒﺖ ﻧﻔﺴﻲ ﻛﺎﻝ ... ﻭﺍﻟﻠﻪ ﺷﺒﻴﺞ ﻻ ﺗﺨﺎﻓﻴﻦ
ﺟﺒﺖ ﻣﻮﺑﺎﻳﻠﻲ ﻭﺍﻧﻄﻴﺘﻪ ﺍﻟﻪ ﻭﻫﻮ ﺿﻞ ﻳﺮﺍﺳﻞ ﺑﻴﻬﺎ ﻭ ﻭﻫﻤﻬﺎ ﺍﻥ ﻫﻮ ﺗﺎﺝ ﻭﺍﺭﻳﺪ ﺍﻧﻬﺰﻡ ﻭﻳﺎﻫﺎ ...
..................................
ﻗﺪﺭ ...
ﺍﻟﺒﺎﺭﺣﻪ ﻭﺩﻋﺖ ﺍﺧﻮﺍﻧﻲ ... ﺍﺧﺘﻲ ﺗﻮﻟﻴﻦ ﺿﻠﺖ ﺗﺒﻜﻲ ﻛﺜﻴﺮ ﻭﺣﻀﻨﺘﻨﻲ ﻭﺍﺧﻲ ﺿﻞ ﻳﺒﻜﻲ ﻭﺍﻧﺎ ﺩﻣﻮﻋﻲ ﺻﺎﺭﺕ ﻣﺜﻞ ﺍﻟﻤﻄﺮ ...
ﻳﻌﺰ ﻋﻠﻴﻪ ﻓﺮﺍﻗﻬﻢ ﺍﺣﺒﻬﻢ ﻛﺜﻴﺮ ﻭﺭﻳﺤﺔ ﺍﻣﻲ ﺍﻟﻤﺮﺣﻮﻭﻣﻪ ..
ﺍﺧﺬﻫﻢ ﺍﻟﺒﺎﺭﺣﻪ ﻣﻌﺘﺼﻢ ﺍﻟﺼﺒﺢ ﻻﺭﺑﻴﻞ ﺑﻤﻮﺍﻓﻘﺔ ﻋﻤﻮ ﺍﻛﻴﺪ ...
ﺑﺲ ﺍﻧﺎ ﺍﻧﺼﺪﻣﺖ ﻟﻴﺶ ﺧﻼﻫﻢ ﻳﺮﺣﻮﻥ ﻭﻳﻪ ﻣﻌﺘﺼﻢ ﺍﻛﻴﺪ ﺍﻧﻄﺎﻩ ﺭﺷﻮﻩ ﻭﺧﻼﻫﻢ ﻳﺮﺣﻮﻥ ..
ﻭﺻﻠﻬﻢ ﻭﺍﺧﺬﺗﻬﻢ ﺧﺎﻟﺘﻲ ... ﻻﻧﻮ ﻳﺎﺳﻤﻴﻦ ﺍﻋﻄﺘﻨﻲ ﻋﻨﻮﺍﻥ ﺧﺎﻟﺘﻲ ﻭﺭﻗﻤﻬﺎ ...
ﻭﺍﻧﺎ ﺍﻧﻄﻴﺘﻮ ﻟﻤﻌﺘﺼﻢ ﻭﺍﻛﻴﺪ ﻳﻠﺘﻘﻮﻥ ﺑﻤﻄﺎﺭ ﺍﺭﺑﻴﻞ ...
ﺍﺟﻪ ﻭﺍﻧﻪ ﺗﺸﻜﺮﺕ ﻣﻨﻮ ﻛﺜﻴﻴﻴﺮ ...
ﺣﻜﺊ ... ﻻ ﺍﻧﻲ ﺑﺨﺪﻣﺘﺞ ﺍﺩﻟﻠﻲ ﺣﺎﺿﺮ ﺑﺄﻱ ﻭﻗﺖ ...
ﺷﻔﺖ ﻫﺸﺎﻡ ﺍﻧﺰﻋﺞ ﻛﺜﻴﺮ ﺻﺎﻳﺮﻩ ﻛﺜﻴﺮ ﺍﺧﺎﻑ ﻣﻨﻮ ﻻﻧﻮ ﺑﺴﺮﻋﻪ ﻳﺘﻌﺼﺐ ...
ﺻﺎﺭ ﻭﻗﺖ ﻋﻼﺟﻮﻭ ﺟﺒﺘﻮ ﻭﺍﺟﻴﺖ ﺍﻧﻄﻴﺘﻮ ﺍﻟﻮﻭ ﻭﺍﻧﻄﻴﺘﻮ ﻣﻲ ...
ﺩﺣﻜﻠﻲ ﻭﺩﺣﻚ ﻟﻠﺤﺒﻮﺏ ﻭﺍﻟﻤﻲ ﻟﺰﻣﻮ ﻣﻦ ﺍﻳﺪﻱ،ﺑﻘﻮﻭﻭﻩ ﻭﺷﻤﺮﻭ ﻋﻠﺊ ﺍﻟﺤﺎﻳﻂ ﺗﻜﺴﺮ ﻭﺻﺎﺭ ﺍﺟﺰﺍﺀ ...
ﺍﻧﺼﺪﻣﺖ ﻭﺍﻧﺮﻋﺒﺖ ﺭﺟﻌﺖ ﺧﻄﻮﺍﺕ ﻛﺒﻴﺮﻩ ﺧﺎﻳﻔﻪ ﻭﻣﺮﻋﻮﺑﻪ ....
ﺍﻣﻮ ﺣﻜﺖ ﺑﺼﺪﻣﻪ ... ﺷﺒﻴﻚ ﻳﻤﻪ ﻫﺸﺎﻡ ﺷﺼﺎﺭ
ﻭﻋﻤﻮ ﺣﻜﺊ ﺑﻐﻀﺐ ... ﺷﺒﻴﻴﻚ ﻫﺸﺎﻡ ﺗﺨﺒﻠﺖ ﻳﻌﻨﻲ ﻣﺎ ﺧﻠﻴﺖ ﺍﺣﺘﺮﺍﻡ ﻟﻠﻜﻞ ﺍﻧﺖ ﻣﺘﻐﻴﺮ ﺣﻴﻴﻞ ﺻﺎﻳﺮ ﺷﺊ ...
ﻫﻮ ﺻﺮﺥ ﺑﺼﻮﺕ ﻋﺎﻟﻲ ﻭﺍﻧﺎ ﺍﺑﻜﻲ ... ﻣﺎﺍﺭﻳﺪﻫﺎ ﻟﻬﺎﺍﻱ ﻣﺎ ﺍﺭﻳﺪﻫﺎ ﺟﺎﻱ ﺗﺘﻌﺐ ﻧﻔﺴﻴﺘﻲ ﻛﻞ ﻣﺎ ﺍﺷﻮﻓﻬﺎ ﺧﻠﺼﻮﻧﻲ ﻣﻨﻬﺎ ﺧﻠﺼﻮﻭﻧﻲ ...
ﻣﻌﺘﺼﻢ ﻟﺰﻡ ﺍﻟﻜﺮﺳﻲ ﻭﺍﺧﺬﻭ ﻭﺭﺍﺡ ﻟﻠﻐﺮﻓﻪ ﻭﻫﻮ ﻳﻐﻠﻂ ﻭﻳﺤﻜﻲ .. ﺍﻥ ﺍﻧﻲ ﻣﺴﺘﻬﺘﺮﻩ ﻭﺍﻧﺎ ﺑﺮﺍﺳﻮ ﻭﺩﺣﻜﺖ ﻋﻠﺊ ﻏﻴﺮﻭ ...
ﻛﺜﻴﺮ ﻫﻀﻤﻨﻲ ﻭﻗﻬﺮﻧﻲ ... ﺭﻛﻀﺖ ﺑﺮﻩ ﻟﻠﺤﺪﻳﻘﻪ ...
ﻣﺮ ﺳﺎﻋﻪ ﺗﻘﺮﻳﺒﺎ ﻭﻃﻠﻊ ﻣﻌﺘﺼﻢ ﺑﺮﻩ ﺑﻬﻤﻪ ﻭﻫﻮ ﻳﺪﺧﻦ ﻭﻻﺯﻡ ﻣﻔﺎﺗﻴﺢ ﺳﻴﺎﺭﺗﻮ ...
ﺍﻧﺎ ﺩﺣﻜﺖ ﻋﻠﻴﻪ ﻣﻘﻬﻮﻭﺭﻩ ... ﺭﺣﺖ ﻣﺘﻌﺼﺒﻪ ﺣﻜﻴﺖ ﺑﺼﻮﺕ ﻣﻘﻬﻮﻭﺭ .... ﺷﻜﺮﺍ ﻛﺜﻴﻴﻴﺮ ﻋﻠﺊ ﺍﺳﺘﻐﻼﻟﻚ ﺍﻟﻲ
ﻫﻮ ﺩﺍﺭ ﻭﺟﻬﻮ ﻭﺩﺣﻚ ﺑﻴﻪ ﺑﻐﻤﻮﺽ ﺣﻜﺊ ... ﺍﺳﺘﻐﻔﺮ ﺍﻟﻠﻪ ﻛﻮﻟﻲ ﻳﺎﻟﻠﻪ ﻫﺸﺎﻡ ﻣﺘﻌﺼﺐ ﺷﻮﻳﻪ ﺍﻧﺘﻲ ﺗﻌﺮﻓﻴﻦ ﺣﺎﻟﺘﻪ ﻻﺯﻡ ﺗﻘﺪﺭﻳﻴﻦ
ﺭﻓﻌﺖ ﺍﺻﺒﻌﻲ ﺑﺘﻬﺪﻳﺪ ﻭﺑﻜﺎﺀ ... ﺍﻧﺖ ﺍﺧﺮ ﻭﺍﺣﺪ ﺗﺤﻜﻲ ﺍﺑﻦ ﺍﺧﻮﻙ ﻣﺮﻳﺾ ﻧﻔﺴﻲ ﻣﺤﺎﺭﺑﻨﻲ ﻧﻔﺴﻴﺎ ﺗﻌﺒﺖ ﻣﻠﻴﺖ ﺍﺭﻳﺪ ﺍﻧﻬﺰﻡ ﻣﻦ ﻫﻴﻴﻦ ﺍﺗﺮﻛﻮﻧﻲ ﺣﺮﺭﻭﻧﻲ ﺍﻧﺎ ﻣﻮ ﺍﺳﻴﺮﻩ ﻋﻨﺪﻛﻢ ...
ﺑﻠﻞ ﺷﻔﺎﻳﻔﻪ ﻭﺟﺮ ﻧﻔﺲ ... ﻛﺘﻠﺞ ﻫﻮ ﺷﻮﻳﻪ ﺗﻌﺒﺎﻥ ﺣﺎﻭﻟﻲ ﺗﺘﺤﻤﻠﻴﻨﻪ ﻭﺍﻛﻴﺪ ﻳﺘﺤﺴﻦ ﻫﻮ ﺍﻛﻮ ﻣﻮﺿﻮﻉ ﺯﺍﻋﺠﻪ ﻭﺗﻔﺎﻫﻤﻨﻪ ﺍﻧﻲ ﻭﻳﺎﻩ ﻭﺍﻥ ﺷﺎﺀ ﻟﻠﻪ ﺍﺣﻞ ﻛﻮﻭﻟﺸﻲ ...
ﺑﻜﻴﺖ ﺑﺼﻮﺕ ﻋﺎﻟﻲ ﻭﻛﻞ ﺟﺴﻤﻲ ﻳﺮﺟﻒ ﺍﻧﺎ ﺍﺻﻼ ﺗﻌﺒﺎﻧﻪ ﻣﻦ ﺯﻣﺎﻥ ﻭﺻﺤﺘﻲ ﺩﺍ ﺍﻓﻘﺪﻫﺎ ﺷﻮﻳﻪ ﺷﻮﻳﻪ ...
ﻃﺎﺡ ﺣﺠﺎﺑﻲ ﺑﺈﻫﻤﺎﻝ ﻣﻨﻲ ... ﻭﺍﻧﻲ ﺍﺷﻬﻚ ﻭﺩﻣﻮﻋﻲ ﺗﻨﺰﻝ
ﻫﻮ ﺗﻘﺮﺏ ﻣﻨﻲ ﻭﺷﺎﻝ ﺣﺠﺎﺑﻲ ﻭﻟﺒﺴﻨﻴﺎﻫﺎ ﺩﺣﻜﻠﻲ ﺑﻘﻬﺮ ﻭﻏﻤﻮﺽ ﻭﺟﺮ ﻧﻔﺲ ... ﺣﺠﺎﺑﺞ ﺍﻫﺘﻤﻲ ﺑﻲ ﻫﺸﺎﻡ ﺻﺎﻳﺮ ﺣﺴﺎﺱ ﻫﻮﺍﻱ ﻭﻋﻘﻠﻪ ﻳﺼﻮﺭﻟﻪ ﻏﻴﺮ ﺷﺊ
ﻋﻘﺪﺕ ﺣﻮﺍﺟﺒﻲ ﺑﺘﺴﺎﺀﻝ ... ﺷﻨﻮ ﻗﺼﺪﻙ
ﺗﻨﻬﺪ ... ﻻ ﺗﺴﻮﻳﻦ ﺷﺊ ﺍﻧﻲ ﺭﺍﺡ ﺍﺗﺼﺮﻑ ...
ﺗﺮﻛﻨﻲ ﻭﻃﻠﻊ ﻭﺍﻧﺎ ﺑﺤﻴﺮﻩ ﻣﻦ ﺍﻣﺮﻱ ﻛﻌﺪﺕ ﻭﺭﻛﻴﺖ ﺿﻬﺮﻱ ﻋﻠﺊ ﺟﺬﻉ ﺍﻟﺸﺠﺮﻩ ﻭﺍﻧﺎ ﺍﺑﻜﻲ ﻭﺍﻧﺪﺏ ﺣﻀﻲ ﻭﺯﺍﺩﺕ ﻋﻨﺪﻱ ﺍﻟﺮﺟﻔﻪ ﻭﺍﺧﺘﻨﻜﺖ ﺣﻴﻴﻞ ﺗﻌﺒﺎﻧﻪ ﺑﻘﻮﻭﻩ ...
........................
ﻣﻴﺲ ...
ﻣﺴﻠﻢ ﻭﻋﻤﺘﻲ ﻃﻠﻌﻮﻭ ﻋﻤﺘﻲ ﺭﺍﺣﺖ ﻟﻠﺴﻮﻙ ﻭﻣﺴﻠﻢ ﻃﻠﻊ ﻳﺸﺘﻐﻞ ...
ﺍﻧﻲ ﺻﻌﺪﺕ ﻓﻮﻙ ﺍﺷﺮ ﺑﻤﻼﺑﺲ ﻣﺴﻠﻢ ﻭﺍﻧﻲ ﺍﻏﻨﻲ ﺍﻏﻨﻴﺔ ﻣﺴﻠﻢ ﺍﻟﻤﻔﻀﻠﻪ ... ﺑﺤﺐ ﺍﻟﻨﺎﺱ ﺍﻟﺮﺍﻳﺌﻪ ﺍﻟﻲ ﺑﺘﻀﺤﻚ ﻋﻠﺊ ﻃﻮﻝ ﺍﻣﺎ ﺍﻟﻌﺎﻟﻢ ﺍﻟﻤﺘﻀﺎﻳﻘﻪ ﺍﻧﺎ ﺍﻻ ﻣﺎﻟﻴﺶ ﺑﺪﻭﻭﻝ ...
ﺷﺮﻳﺖ ﺍﻟﻤﻼﺑﺲ ﺷﻔﺖ ﺍﻡ ﻋﺒﺪﺍﻟﻠﻪ ﻛﺎﻋﺪ ﺗﺼﺒﻎ ﺑﺸﻌﺮ ﻭﺣﺪﻩ ﻓﻮﻙ ﺍﻟﺴﻄﺢ ﻭﺩﻛﻠﻬﺎ ﻻﺯﻡ ﺗﻜﻌﺪﻳﻦ ﻋﻠﺊ ﺍﻟﺸﻤﺲ ﺣﺘﺊ ﺍﻻﻭﻛﺴﺠﻴﻦ ﻳﺎﺧﺬ ﺑﺸﻌﺮﺝ ...
ﻭﺧﻄﻴﻴﻪ ﺍﻟﺒﻨﻴﻪ ﻣﺤﻤﻮﺱ ﺟﺪﻫﺎ ﺑﺎﻟﺸﻤﺲ ...
ﺑﺎﻭﻋﺘﻠﻲ ﻭﺭﻓﻌﺖ ﺣﺎﺟﺒﻬﺎ ﺍﻟﻤﺮﺳﻮﻡ ﺑﺎﻟﺘﺎﺗﻮ ... ﻭﺩﺍﺭﺕ ﻭﺟﻬﻬﺎ .. ﻣﺎ ﻋﻮﺯﻫﺎ ﺑﺲ ﺗﺘﻔﻞ ﺑﻮﺟﻬﻲ ...
ﻛﺎﻟﺖ ... ﺧﻄﺎﻓﺎﺕ ﺍﻟﺰﻟﻢ ﺍﻟﻠﻪ ﻻ ﻳﻮﻓﻘﻬﻦ ...
ﺿﺤﻜﺖ ﻭﻧﺰﻟﺖ ﺟﻮﻭﻩ ...
ﺍﺗﺼﻞ ﻣﻮﺑﺎﻳﻠﻲ ﺷﻔﺘﻪ ﺭﻗﻢ ﻋﻤﻮ ﺍﺑﻮ ﻣﺴﻠﻢ ...
ﻓﺘﺤﺖ ﺧﻂ ﻭﺍﻧﻲ ﻣﺮﺗﺒﻜﻪ ﻭﺧﺎﻳﻔﻪ ﺣﻴﻴﻞ ﻟﺮﺟﺎﻝ ﺍﻟﻪ ﺭﻫﺒﻪ ﻭﻳﺨﻮﻑ ...
ﻛﻠﺖ ... ﺍﻟﻮﻭ ﺍﻟﺴﻼﻡ ﻋﻠﻴﻜﻢ
ﻫﻮ ﻛﺎﻝ ﺑﺠﺒﺮﻭﺕ ... ﻭﻋﻠﻴﻜﻢ ﺍﻟﺴﻼﻡ ﺷﻠﻮﻧﺞ ﻋﻤﻮ ﻣﻴﺲ
ﺟﺎﻭﺑﺘﻪ ﺑﻬﺪﻭﺀ ... ﺍﻟﺤﻤﺪ ﻟﻠﻪ ﻋﻤﻮ ﺯﻳﻨﻪ
ﺭﺩ ﺑﺼﻮﺕ ﺧﺸﻦ ... ﺷﻠﻮﻧﻪ ﻣﺴﻠﻢ ﺯﻳﻦ
ﺭﺩﻳﺖ ﺑﺨﻮﻑ ... ﺍﻱ ﺍﻟﺤﻤﺪ ﻟﻠﻪ ﻋﻤﻮ ﺯﻳﻦ
ﻛﺎﻝ ... ﻋﻤﻮ ﺍﺭﻳﺪﺝ ﺗﺤﺠﻴﻦ ﻭﻳﻪ ﻭﺗﻔﻨﻌﻴﻨﻪ ﻳﺠﻲ ﻳﻌﻴﺶ ﻳﻤﻲ ﻟﻴﺶ ﻫﻴﺞ ﻣﺒﻬﺬﻝ ﺭﻭﺣﻪ ﻭﻣﺒﻬﺬﻟﻜﻢ . ﺍﻧﻲ ﻛﻢ ﻣﺮﻩ ﺍﻋﺘﺬﺭﺕ ﻣﻨﻪ ﻭﺍﺟﻴﺘﻪ ﻭﻫﻮ ﻭﻻ ﻛﺎﻧﻪ ﺗﺮﺉ ﺍﻟﻤﺴﺎﻣﺢ ﻛﺮﻳﻢ ﻫﻮ ﺷﺒﻲ ...
ﺟﺮﻳﺖ ﻧﻔﺲ .. ﻋﻤﻮ ﺍﻟﺤﻤﺪ ﻟﻠﻪ ﺍﺣﻨﻪ ﺭﺍﺿﻴﻦ ﺑﻌﻴﺸﺘﻨﻪ ﻭﺍﻟﻠﻪ ﻣﺴﻠﻢ ﻣﺎ ﻣﻘﺼﺮ ﻭﻳﺎﻧﻪ ﻭﺟﺎﻱ ﻳﺴﻮﻱ ﻛﻠﺸﻲ،ﺣﺘﺊ ﻣﻴﺨﻠﻴﻨﻪ ﺑﻘﺼﻮﺭ ...
ﺭﺩ ﺑﺜﻘﻪ ... ﺍﻱ ﻭﻧﻌﻢ ﻣﻨﻪ ﺍﺩﺭﻱ ﺑﻲ ﺑﺲ ﺍﻧﻲ ﺍﺑﻮ ﻭﺍﺭﻳﺪﻩ ﻗﺮﻳﺐ ﻣﻨﻲ ﺍﺭﻳﺪ ﺍﻟﻨﺎﺱ ﺗﻌﺮﻑ ﻋﻨﺪﻩ ﺍﻫﻞ ﻭﻋﺰﻭﺓ ﻭﺍﺭﻳﺪ ﺍﻟﻨﺎﺱ ﺗﻬﺎﺑﻪ ..
ﺟﺎﻭﺑﺘﻪ ... ﻋﻤﻮ ﻫﺬﺍ ﺍﻟﺸﺊ ﺧﺎﺹ ﺑﻴﻨﻜﻢ ﻭﺍﺫﺍ ﺗﺮﻳﺪ ﻣﺴﻠﻢ ﻳﺮﺟﻊ ﻟﻠﻚ ﻭﺍﻧﺖ ﺗﻌﺘﺒﺮﻩ ﺍﺑﻨﻚ ... ﻻﺯﻡ ﺗﺒﻴﻦ ﻋﻨﺪﻙ ﺍﻟﺤﻘﻴﻘﻪ ﻭﺗﻌﺮﻑ ﻣﻨﻮ ﻭﺭﻁ ﻣﺴﻠﻢ ﺑﻤﺴﺪﺱ ﺍﺧﻮﻭ ﻻﻥ ﺍﻡ ﻣﺴﻠﻢ ﺩﻛﻮﻝ ﻣﺴﺘﺤﻴﻞ ﻳﺴﻮﻳﻬﺎ ...
ﻭﻫﻮ ﻟﻮ ﺻﺪﻙ ﻣﺜﻞ ﻣﺎ ﺍﺩﻋﺎ ﺍﺧﻮﻭ ﻫﻮ ﺍﻟﻲ ﺳﺮﻕ ﺍﻟﻤﺴﺪﺱ ﺟﺎﻥ ﻣﺴﻠﻢ ﻣﺎ ﺯﻋﻞ ﻫﻴﺞ ﻭﻻ ﺍﺗﺒﺮﺉ ﻣﻨﻜﻢ ﻣﻮ ﺻﺢ
ﺟﺎﻭﺑﻨﻲ ﺑﺤﺰﻡ ... ﺍﺩﺭﻱ ﻳﺎﺑﻪ ﻣﻴﺲ ﺍﺩﺭﻱ ﺑﺲ ﺑﻌﺪ ﺍﻟﺼﺎﺭ ﺻﺎﺭ ﻭﺍﻧﻲ ﺍﻟﺒﻨﻴﻪ ﻟﺠﺎﺑﺖ ﺍﻟﻤﺴﺪﺱ ﺭﺩﺕ ﺍﺣﺎﺳﺒﻬﺎ ﻭﺍﺧﻠﻴﻬﺎ ﺗﻌﺘﺮﻑ ﺑﺲ ﻋﺎﻣﺮ ﻛﺎﻝ ﺳﺎﻓﺮﺕ ...
ﺷﻔﺖ ﻣﺴﻠﻢ ﻓﺘﺢ ﺍﻟﺒﺎﺏ ﺑﺴﺮﻋﻪ ﻗﻔﻠﺖ ﺍﻟﻤﻮﺑﺎﻳﻞ ﻭﺿﻤﻴﺘﻪ ﺑﺼﺪﺭﻱ ...
ﻣﺴﻠﻢ ﺻﺎﺡ ... ﻟﺤﺪ ﻳﺪﺧﻞ ﻭﻳﺎﻱ ﺿﻴﻮﻑ ..
ﺩﺧﻞ ﻫﻮ ﻭﺍﺑﻮ ﺍﻟﺘﻔﻠﻴﺶ ...
ﺭﺣﺖ ﺳﻮﻳﺖ ﺍﻟﻬﻢ ﺟﺎﻱ ﺳﻤﻌﺖ ﺍﺑﻮ ﺍﻟﺘﻔﻠﻴﺶ ﻛﻠﻪ ... ﻟﻚ ﺍﻟﻴﻮﻡ ﻟﺰﻣﺖ ﺍﻟﻤﺮﻩ ﺳﻜﻄﺘﻬﺎ ﺗﺴﻜﻂ ﺑﺼﻮﻧﺪﻩ
ﻣﺴﻠﻢ .. ﺷﻨﻮ ﻣﻄﻲ ﻛﺎﺗﻠﻬﺎ ﺑﺼﻮﻧﺪﻩ
ﺍﺑﻮ ﺍﻟﺘﻔﻠﻴﺶ ... ﻭﻟﻚ ﻣﻮﺗﺘﻨﻲ ﺗﺤﺮﻙ ﺑﻜﻠﺒﻲ ﺗﻠﺰﻡ ﺍﻟﺠﻬﺎﻝ ﻭﺗﻜﺘﻠﻬﻢ ﺑﻌﻨﺎﺩﻱ ﻋﺎﺩ ﻟﺰﻣﺘﻬﺎ ﺯﻭﻋﺘﻬﺎ ﺍﻟﻌﺎﻓﻴﻪ ﻭﻃﺮﺩﺗﻬﺎ ﻻﻫﻠﻬﺎ ﻫﺎﻱ ﺟﻬﺎﻟﻬﺎ ﻫﻴﺞ ﺗﻜﺘﻠﻬﻢ ﺟﺎﺍﺍ ﻟﻮ ﺟﻬﺎﻝ ﻣﺮﺗﻲ ﺷﺴﻮﺕ ...
ﻣﺴﻠﻢ ... ﺟﺎﺍ ﺍﻧﻲ ﻟﻴﺶ ﻟﺤﺪ ﺍﻻﻥ ﻣﺎ ﻣﺨﻠﻒ ﺍﺧﺎﻑ ﺍﻟﻤﺮﻩ ﺗﻜﺘﻞ ﺍﻟﺠﻬﺎﻝ ﻭﺍﻧﻲ ﻣﻮ ﺑﺼﻮﻧﺪﻩ ﺍﻛﺘﻠﻬﺎ ﻻ ﺑﺸﺮﻓﻲ ﺑﻜﻴﺒﻞ ... ﺍﻃﻠﻊ ﺍﻟﻬﺎ ﺟﻠﺪ ﺟﺪﻳﺪ
ﻫﺰﻳﺖ ﺍﻳﺪﻱ ﺧﺮﺏ ﺣﻀﻲ ﺑﻌﺪ ﻣﺮﺍﻓﻚ ﺍﺑﻮ ﺍﻟﺘﻔﻠﻴﺶ ﺍﻛﻴﺪ ﻳﻜﺘﻠﻨﻲ ...
ﺩﻛﻴﺖ ﺍﻟﺒﺎﺏ ﻭﺍﻧﻄﻴﺘﻪ ﺍﻟﺠﺎﻱ ﻫﻮ ﺍﺧﺬﻩ ﻭﺷﻤﺮﻟﻲ ﺑﻮﺳﻪ ﺑﺎﻟﻬﻮﻩ ..
ﺿﺤﻜﺖ ﻭﺧﺠﻠﺖ ... ﺭﺣﺖ ﺍﻟﻐﺮﻓﺘﻲ ﺗﻤﺪﺩﺕ ...
ﻃﻠﻌﺖ ﺍﻟﻤﻮﺑﺎﻳﻞ ﻟﻜﻴﺖ ﻋﻤﻮ ﻣﺘﺼﻞ ﻛﻢ ﻣﺮﻩ ... ﺧﻠﻴﺖ ﺍﻟﻤﻮﺑﺎﻳﻞ ﻭﻣﺎ ﺍﺗﺼﻠﺖ ﺑﻲ ...
ﺷﻮﻳﻪ ﻭﺍﺟﻪ ﻣﺴﻠﻢ ﺷﻤﺮ ﺭﻭﺣﻪ ﺑﺼﻔﻲ ﻭﻟﺰﻣﻨﻲ ﻣﻦ ﺧﺼﺮﻱ ﻛﺎﻝ ﺑﺮﻭﻣﺎﻧﺴﻴﻪ ... ﻓﺪﻳﺖ ﺍﻟﺸﺎﺭﺩﻩ ﻣﻦ ﺍﻟﺠﻨﻪ ﻭﻟﺞ ﺷﻨﻲ ﻣﺮﻩ ﺻﻴﻨﻴﺔ ﺍﻟﻘﺎﺳﻢ ..
ﺿﺤﻜﺖ ﻭﻟﺰﻣﺖ ﻭﺟﻬﻪ ﺑﺪﻳﻪ ... ﻣﺴﻠﻢ ﺗﺤﺒﻨﻲ؟
ﻛﺎﻝ ... ﺍﻧﺘﻲ ﺗﺤﺒﻴﻨﻲ
ﺟﺎﻭﺑﺘﻪ ﺑﻤﻜﺮ ... ﺍﻣﻤﻢ ﻻ .. ﻭﺍﻧﺖ
ﺟﺎﻭﺏ ... ﺍﻧﻲ ﺍﺣﺒﺞ ﺑﺲ ﻣﻮ ﻫﻮﻭﺍﻱ ﺷﻮﻭﻭﻳﻪ
ﺿﺮﺑﺘﻪ ﺑﻌﻜﺴﻲ ﺯﻋﻼﻧﻪ ... ﺭﻭﻭﺡ ﺟﺬﺍﺏ ﺑﺲ ﺗﻀﺤﻚ ﻋﻠﻴﻪ ﻭﺗﺘﻐﺰﻝ ﺟﺬﺏ ...
ﺿﺤﻚ ﺣﻀﻨﻲ ﻭﺑﺎﺳﻨﻲ ﺣﻴﻴﻞ ﻛﺎﻝ ... ﻏﻴﺮ ﺍﺣﺒﺞ ﺍﻛﺜﺮ ﻣﻦ ﺍﺑﻮﻭﻱ ﺍﻟﻠﻪ ﻳﺮﺣﻤﻪ ...
ﻛﻤﻞ .. ﻭﺍﻟﻠﻪ ﻣﻘﻬﻮﺭ ﻋﻠﺊ ﺍﺑﻮ ﺍﻟﺘﻔﻠﻴﺶ ﻗﻬﺮﻧﻲ ﻣﺮﺗﻪ ﻛﺎﺗﻠﻪ ﺍﻟﺠﻬﺎﻝ ﺗﻘﻬﺮﻩ ﻋﻮﺩ ﺍﻧﺘﻲ ﻫﻢ ﻫﻴﺞ ﺗﺴﻮﻭﻳﻦ ﻭﺍﻟﻠﻪ ﺍﺳﻮﻭﻱ ﻓﻠﻚ ﺍﺩﻫﺮﺝ ﺩﻫﺮ ...
ﺿﺤﻜﺖ ﻛﺘﻠﻪ ﺍﻱ ﻣﻦ ﻫﺴﻪ ﺍﺑﺪﻱ ﺍﻛﺘﻠﻬﻢ ... ﺍﻛﻌﺪﻱ ﻳﻤﻪ ﺯﻫﻴﺮﻩ ﺍﻛﻌﺪ ﻳﻤﻤﻪ ﻋﺒﻴﺲ ﻭﺍﻟﻠﻪ ﻫﺴﻪ ﺍﻛﺘﻠﻜﻢ ...
ﺿﺤﻚ ﻛﺎﻝ ﺑﻤﻜﺮ .. ﻟﻴﺶ ﻟﻬﺴﻪ ﻣﻮ ﺣﺎﻣﻞ ﺍﺧﺎﻑ ﺑﻴﺞ ﺷﺊ
ﺿﺤﻜﺖ ... ﻻ ﻳﻤﻜﻦ ﻣﺤﺴﻮﺩﻩ ﺍﻗﺮﻩ ﻋﻠﻴﻪ
ﺣﻂ ﺍﻳﺪﻩ ﻋﻠﺊ ﺭﺍﺳﻲ ﻛﺎﻝ ... ﺍﺩﻟﻠﻲ ﺍﻗﺮﻩ ﺑﺲ ﺷﻨﻮ ﺍﻗﺮﻩ ﺍﻟﻨﺸﻴﺪ ﺍﻟﻮﻃﻨﻲ
ﺑﻌﺪﺕ ﺍﻳﺪﻩ .. ﻻ ﻳﺤﻀﻲ ﺳﻮﺭﺓ ﺍﻳﻪ ﺩﻋﺎﺀ ﺍﻱ ﺷﺊ
ﻛﺎﻝ .. ﺣﺎﻓﻆ ﺩﻋﺎﺀ ﻃﻠﻌﻪ ﺍﻟﺒﺪﺭ ﻋﻠﻴﻨﻪ ...
ﺿﺤﻜﺖ ﺍﻋﺮﻓﻪ ﻳﺴﺘﻬﺰﺀ ﻭﻛﻮﻭﻟﺸﻲ ﻳﻌﺮﻑ ﺑﺲ ﻳﻔﺮﻫﺎ ﻋﻠﻴﻪ ...
ﻃﻠﻌﺖ ﺑﺮﻩ ﻃﻔﻴﺖ ﺍﻟﻨﺎﺭ ﻣﻦ ﻋﻠﺊ ﺍﻻﻛﻞ ﻭﺍﺟﺖ ﻋﻤﺘﻲ ﻋﺰﻟﺖ ﺍﻟﻤﺴﻮﺍﻙ ...
ﻓﻜﺮﺕ ﻣﺴﻠﻢ ﻣﻘﺒﻞ ﻳﺎﺧﺬﻧﻲ ﺍﻟﻪ ﺑﺮﺿﺎﻱ ﻭﺍﻧﻲ ﺭﺍﺿﻴﻪ ﺍﺭﻳﻴﺪﻩ ﻭﺍﺣﺒﻪ ﺍﺭﻳﺪ ﺍﺣﺠﻲ ﻭﻳﺎﻩ ﻭﺍﻛﻠﻪ ﺭﺍﺿﻴﻪ ...
ﻛﻤﻠﺖ ﻭﻋﻤﺘﻲ،ﺩﺧﻠﺖ ﺗﺴﺒﺢ ...
ﻭﺍﻧﻲ ﺭﺣﺖ ﺍﻟﻐﺮﻓﺘﻲ ﺷﻔﺖ ﻣﺴﻠﻢ ﻭﺍﻛﻒ ﻭﻋﻴﻮﻧﻪ ﺗﻨﻂ ﻣﻦ ﺍﻟﻌﺼﺒﻴﻪ ﻭﻣﻮﺑﺎﻳﻠﻲ ﺑﻴﺪﻩ ﺍﻧﻬﺒﻄﺖ ﻋﺮﻓﺖ ﻫﻮ ﻋﺮﻑ ﺑﻤﺮﺍﺳﻠﺘﻲ ﻻﺑﻮﻭ
ﻭﻛﻔﺖ ﻛﺘﻠﻪ ... ﺷﻜﻮﻭ
ﻣﺎ ﺣﺴﻴﺖ ﻏﻴﺮ ﺑﺮﺍﺷﺪﻱ ﻃﻴﺮ ﻣﻼﻣﺢ ﻭﺟﻬﻲ ﻭﺍﻟﻤﻮﺑﺎﻳﻞ ﺗﻔﻠﺶ ﺑﺎﻟﺤﺎﻳﻂ ....
.............. . ..................
ﻛﻨﺖ ﻛﺎﻋﺪﻩ ﺍﺳﻮﻱ ﻋﺸﺎﺀ ﺍﻧﻲ ﺑﻄﺒﻴﻌﺘﻲ ﻓﺎﻫﻴﻪ ﺷﻮﻳﻪ ﻻﻥ ﻣﻤﺘﻌﻠﻤﻪ ﻋﻠﺊ ﻃﺒﺦ ﻭﻧﻔﺦ ﻭﺗﻨﻀﻴﻒ ﺑﺲ ﻫﺴﻪ ﺷﻮﻳﻪ ﺗﻌﻮﺩﺕ
ﺻﺮﺕ ﺍﺩﺍﻭﻡ ﻣﺪﺭﺳﻪ ﻭﺍﻟﺒﻨﺎﺕ ﻋﻨﺪ ﻋﻤﻪ ﺑﺲ ﺗﻌﺒﺎﻧﻪ ﺑﺼﺮﺍﺣﻪ ...
ﺧﺎﺑﺮﺕ ﻣﺎﻣﺎ ﻭﻛﺘﻠﻬﺎ ﺑﺎﻟﺨﺒﺮ ﺍﻟﻤﻔﺮﺡ ﺍﺑﺎﺫﺭ ﻃﻠﻚ ﺍﻟﺴﻌﻠﻮﻩ ﺍﻧﺘﺤﺎﺭ ﻭﻣﺎﻣﺎ ﻓﺮﺣﺖ ﻛﺎﻟﺖ .. ﻳﻤﻪ ﺍﺫﺍ ﺗﺤﺒﻴﻨﻪ ﺍﺑﺪﻱ ﻭﻳﺎﻩ ﺻﻔﺤﻪ ﺟﺪﻳﺪﻩ ﻭﺍﻧﻲ ﻣﺘﺮﺩﻳﻨﻪ ﺍﺗﻄﻠﻜﻲ ...
ﺟﺎﻭﺑﺘﻪ ... ﻻ ﻣﺎﻣﺎ ﻓﺘﺤﻨﻪ ﺻﻔﺤﻪ ﺟﺪﻳﺪﻩ ﻭﻫﺴﻪ ﺍﺣﻨﻪ ﺍﺻﺪﻗﺎﺀ ﻭﺑﻌﺪﻳﻦ ﺍﻥ ﺷﺎﺀ ﻟﻠﻪ ﺭﺑﻲ ﻳﺤﻠﻬﺎ ...
ﻛﺎﻟﺖ ... ﺩﺭﻱ ﺑﺎﻟﺞ ﻳﻤﻪ ﻣﻦ ﺍﻟﻄﺒﺎﺥ ﻣﻦ ﺍﻟﺘﻨﻮﺭ ﺍﻻﻭﻓﻦ ﺍﻱ ﺷﺊ ﺗﺄﻛﺪﻱ ﻣﻦ ﻋﻴﻮﻧﻪ ﻳﺎﻟﻠﻪ ﺗﻄﺒﺨﻴﻦ ﺍﺧﺎﻑ ﻣﺴﺮﺏ
ﺿﺤﻜﺖ ... ﻻ ﺗﺨﺎﻓﻴﻦ ﻣﺎﻣﺎ ﺍﻧﻲ ﻣﻌﺪﻟﻪ ...
ﺿﻠﻴﻨﻪ ﻧﺴﻮﻟﻒ ﻭﻫﻲ ﺗﻨﺼﺢ ﺑﻴﻪ ﻭﺍﺷﺘﻜﺖ ﻣﻦ ﻫﺸﺎﻡ ﺩﻛﻮﻝ ﺻﺎﻳﺮ ﻣﺨﺒﻞ ﺷﻨﻮ ﻳﻠﺰﻡ ﻭﺿﺮﺏ ﻫﻞ ﻣﺴﻜﻴﻨﻪ ...
ﺑﻌﺪ ﺷﺴﻮﻱ ﻫﻮ ﻧﻔﺴﻴﺘﻪ ﺗﻌﺒﺎﻧﻪ ﻭﻣﻴﻜﺪﺭ ﻳﺜﺒﺖ ﺭﺟﻮﻟﺘﻪ ﺍﻟﻬﺎ ﻭﻣﺘﺤﺴﺲ ﻣﻦ ﻫﺬﺍ ﺍﻟﺸﺊ ﺷﻜﺪ ﻣﻘﻬﻮﺭﻩ ﻋﻠﻴﻪ ﺍﺧﻮﻳﻪ ﻣﻴﺴﺘﺎﻫﻞ ...
... ﻭﺍﺣﺪ ﻭﻳﻦ ﻣﻴﺮﻭﺡ ﺍﻟﻬﻢ ﻣﺤﺎﻭﻃﻪ ﺍﺧﺮ ﺍﻟﻬﻤﻮﻡ ﺧﺎﺑﺮﺕ ﻧﺪﻳﻤﻪ ﻭﻟﻌﺒﺖ ﻟﻌﺐ ﻭﺩﻛﻮﻝ ﺍﻧﺘﺼﺎﺭ ﺣﺎﻣﻞ ﻭﺗﻨﺰﻑ ...
ﺑﺲ ﺍﺑﺎﺫﺭ ﻛﺎﻝ .. ﺟﺬﺏ ﺍﻧﻲ ﺍﻋﺮﻓﻬﺎ ﻣﻮ ﺣﺎﻣﻞ ﺷﻮﻛﺖ ﺻﺎﺭﺕ ﺣﺎﻣﻞ ..
ﻭﻋﻤﺘﻲ ﻛﺎﻟﺖ ... ﺍﻧﻲ ﺷﻔﺖ ﺛﻮﺑﻬﺎ ﺑﻲ ﺩﻡ ﻗﺒﻞ ﻋﺸﺮ ﺍﻳﺎﻡ ﺍﺟﺘﻬﺎ ﺍﻟﺸﻬﺮﻳﻪ ..
ﻣﺎﺣﺴﻴﺖ ﻏﻴﺮ ﺑﺤﻀﻨﻪ ﻗﺎﺳﻴﻪ ﺷﺎﻟﺘﻨﻲ ﻣﻦ ﻣﻜﺎﻧﻲ ﺻﺮﺧﺖ ﻭﺍﻧﻲ ﺍﻟﺰﻡ ﺍﺩﻳﻪ ﺍﻟﻲ ﻋﻠﺊ ﺧﺼﺮﻱ ﺑﺎﻭﻋﺘﻠﻪ ﺑﺨﻮﻭﻑ ... ﻳﻤﻪ ﺧﻮﻓﺘﻨﻲ ﺷﺒﻴﻚ
ﺿﺤﻚ ﻭﺑﺎﺳﻨﻲ،ﺑﺨﺪﻱ ﻛﺎﻝ ... ﻣﺸﺘﺎﻗﻠﺞ ﺗﺪﺭﻳﻦ
ﺿﺤﻜﺖ ﺑﺼﻮﺕ ... ﻻ ﻣﺎ ﺍﺩﺭﻱ ﻭﺍﻟﺴﻤﺒﻮﺳﻪ ﺍﺣﺘﺮﻛﺖ ﻋﻮﻓﻨﻲ
ﻛﺎﻝ .. ﺗﺎﺝ ﺣﻤﺪﻧﺎﺝ ﺑﻴﻮﻣﻬﺎ ﻭﺧﻠﺼﺘﻴﻬﺎ ﻋﻠﻴﻨﻪ ﻋﻠﺊ ﻛﻮﻟﺔ ﻣﺤﻤﺪ ﻛﻠﻪ ﺑﻘﻼﻭﺓ ﺗﮕﻼﺓ ﻣﺎ ﻋﻨﺪﺝ ﻏﻴﺮﻫﺎ ...
ﺿﺮﺑﺘﻪ ﺑﺼﺪﺭﻩ .. ﻫﺎﻱ ﻭﺍﻧﻲ ﺻﺎﻳﺮﻩ ﻣﻨﺎﻝ ﺍﻟﻌﺎﻟﻢ
ﺿﺤﻚ .. ﻫﻬﻬﻬﻬﻬﻬﻬﻬﺎﻱ ﻭﺍﺣﻠﺊ ﻣﻨﺎﻝ ﺍﻟﻌﺎﻟﻢ ﺑﻌﺮﺿﻲ ...
ﺍﻧﻄﻴﺘﻪ ﺿﻬﺮﻱ ﻭﺍﻧﻲ ﺍﻛﻠﺐ ﺑﺎﻟﺴﻤﺒﻮﺳﻪ ﺻﺎﺭ ﺍﺳﺒﻮﻉ ﻳﻮﻣﻴﻪ ﻣﺴﻮﻳﺘﻬﺎ ..
ﺑﺎﺳﻨﻲ ﺑﺮﻛﺒﺘﻲ ﻛﺎﻝ ... ﻭﻳﻦ ﺗﺮﺩﻳﻦ ﻧﺮﻭﺡ
ﺩﺭﺕ ﻭﺟﻬﻲ ﺑﻔﺮﺡ ... ﻻﻣﺮﻳﻜﺎ
ﻛﺮﺻﻨﻲ ﻣﻦ ﺧﺪﻱ ﻭﻋﺾ ﺷﻔﺘﻪ .. ﻟﺞ ﺧﺒﻠﺘﻴﻨﻲ ﺑﺎﻣﺮﻳﻜﺎ ﺫﺍﺑﻴﻦ ﺳﺮﺝ ﻫﻨﺎﻙ ﺗﺮﺉ ﻣﻮ ﺣﻠﻮﻩ ﻭﺩﺍﻋﺘﺞ ﺯﺭﻕ ﻭﺭﻕ ...
ﺗﺎﺝ ﺑﻀﺤﻜﻪ ... ﻏﻴﺮ ﻳﺴﺘﻘﺮ ﻧﻌﻴﻢ ﻋﺒﻌﻮﺏ
ﻟﺰﻡ ﻭﺟﻬﻲ ﺣﻴﻴﻴﻞ ﺑﺎﺩﻳﻪ ﺣﺴﻴﺖ ﺷﻔﺎﻳﻔﻲ ﺗﺠﻤﻌﺖ ﻭﺑﺎﺳﻨﻲ ﺑﻘﺴﻮﺓ ﺣﺴﻴﺖ ﺭﺟﻠﻴﻪ ﻣﺎﺗﺖ ﻭﻛﻠﺒﻲ،ﻃﺎﺍﺍﺭ ﻭﻛﻠﻲ ﺍﺭﺟﻒ ...
ﻣﺮﺓ ﺛﻮﺍﻧﻲ ﻭﻫﻮ ﻳﺘﻔﻨﻦ ﺑﻘﺒﻠﺘﻪ ﺩﻓﻌﺘﻪ ﻭﺭﺟﻌﺖ ﺍﻛﻠﻲ ﻣﺤﺘﺮﻛﺎﺕ ﻭﺍﻧﻲ ﺍﺭﺟﻒ ..
ﺍﺟﺖ ﺯﻳﻨﺐ ﻛﺎﻟﺖ .. ﻋﻤﻮﻭ ﺍﺩﻩ ﺍﺑﻮﻙ
ﺑﺎﻭﻋﻠﻬﺎ ﻛﻠﻬﺎ ... ﺍﻟﻠﻪ ﻳﺮﺣﻤﻪ ﺷﺠﺎﺑﻪ ﻣﻦ ﺍﻟﻜﺒﻮﺭ ﺑﺲ ﻻ ﻣﺸﺘﺎﻕ ﻻﻣﻲ
ﺩﺭﺕ ﻭﺟﻬﻲ ﻋﻠﻴﻪ ﺑﺨﺠﻞ ﻛﺘﻠﻪ .. ﻗﺼﺪﻫﺎ ﻋﻤﻮ ﻣﻌﺘﺼﻢ
ﻫﻮ ﺷﺎﻟﻬﺎ ﻭﺍﺑﺘﺴﻢ ﻭﺭﺟﻊ ﺑﺎﺳﻨﻲ ﺑﺨﺪﻱ ﺿﺮﺑﺘﻪ ﺯﻳﻨﺐ ﺭﺍﺷﺪﻱ ... ﻋﻴﺐ ﻭﻟﺪ ﻳﺒﻮﺗﻮﻥ ﻧﻴﺎﺕ ... ﺑﺴﺰ ..... « ﻳﺒﻮﺳﻮﻥ ﺑﻨﺎﺕ »
ﻫﻮ ﺍﺧﺬﻫﺎ ﻭﺭﺍﺡ ﺿﺤﻜﺖ ﻫﺴﻪ ﺯﻳﻨﺐ ﺗﻔﻀﺤﻪ ﻭﺍﻧﻲ ﺍﻻﻛﻠﻬﺎ ﻳﺎﺭﺑﻲ ﻫﺬﺍ ﺷﺒﻲ ﻣﺨﺮﻭﻉ ﻣﺎﻝ ﺑﻮﺱ ﺑﻌﺪﻧﻪ ﻣﺎ ﺗﺼﺎﺩﻗﻨﻪ ...
ﻛﻤﻠﺖ ﺍﻟﻌﺸﺎ ﻭﺳﻮﻳﺖ ﺯﻻﻃﻪ ﻭﻣﻌﻜﺮﻭﻧﻪ ﻋﻮﺩ ﺍﻓﻨﻦ ﻋﺸﺘﻮﻭ ﻭﺍﻧﻲ ﺍﺳﺘﺎﻫﻞ ﺍﻟﻜﺘﻠﻪ ﻣﻦ ﺍﻧﺘﺼﺎﺭ ﻻﻥ ﺍﻛﻠﻲ ﺧﻴﻄﻲ ﺑﻴﻄﻲ ﺷﻲ ﻣﻴﺸﺒﻪ ﺷﺊ ....
ﺍﺧﺬﺗﻪ ﻭﺣﻄﻴﺘﻪ ﻛﺪﺍﻣﻬﻢ ﺳﻠﻤﺖ ﻋﻠﺊ ﻋﻤﻮ ﻭﺑﺴﺘﻪ ﻭﻫﻮ ﺧﻄﻴﻪ ﺟﺎﻥ ﻓﺮﺣﺎﻥ ﺑﻄﻼﻕ ﺍﺑﺎﺫﺭ ﻣﻦ ﻃﻄﺎﺭ ...
ﻭﻋﻤﺘﻲ ﺷﺎﻳﻠﻪ ﺯﻫﻮﺭﻩ ﻭﺗﻠﻌﺐ ﺑﻴﻬﺎ ... ﻭﺯﻳﻨﺐ ﻻﺯﻛﻪ ﻭﻳﺎﻫﺎ ...
ﻛﻌﺪﻭ ﺍﻛﻠﻮ ﻧﺼﻪ ﻣﺤﺘﺮﻙ ﺑﺲ ﻣﺤﺪ ﺣﺠﻪ ﻳﺴﺎﻳﺮﻭﻧﻲ
ﺍﻧﻲ ﻣﺎ ﺍﻛﻠﺖ ﺿﻠﻴﺖ ﻛﺎﻋﺪﻩ ﻳﻢ ﻋﻤﻪ
ﻋﻤﻮ ﺑﺎﻭﻋﻠﻲ ﻛﺎﻝ ... ﺗﻮﺗﻪ ﻋﻤﻮﻭ ﺍﺑﻦ ﺍﺧﻮﻭﻱ ﺑﻌﺪﻩ ﻣﺘﻌﺒﺞ
ﺑﺎﻭﻋﺘﻠﻪ ﻭﺟﺮﻳﺖ ﻧﻔﺲ ﺑﻤﺰﺡ ... ﻳﻨﺮﺍﺩ ﺍﻟﻪ ﺗﺸﻤﺮﻩ ﻣﻦ ﺍﻟﻌﺸﻴﺮﻩ ﺑﺲ ﻣﻮ ﻫﺴﻪ ﻣﻦ ﺍﻧﻲ ﺍﻛﻠﻚ
ﺿﺤﻚ ﻋﻤﻮ ﻛﺎﻝ .. ﻣﻨﺘﻈﺮﺝ ﻭﻣﺤﻀﺮ ﺍﻟﺴﻨﺪ ﺣﺘﺊ ﺑﺲ ﻳﺤﺠﻲ ﺍﻃﺮﺩﻩ ﻣﻦ ﺍﻟﻌﺸﻴﺮﻩ ﻭﻣﻦ ﺍﻟﻌﺮﺍﻕ ﺑﻜﺒﺮﻩ ...بيج قصص عراقيه حقيقيه من واقعنا.روعه الطائي
ﺍﺑﺎﺫﺭ ... ﺍﻱ ﻭﺍﻟﻠﻪ ﻣﺸﺘﺎﻕ ﺍﻟﻤﺎﻳﻜﻞ ﺍﻃﺮﺩﻭﻧﻲ ﻣﺪﻩ ﺷﻬﺮ ﻭﺍﺭﺟﻊ
ﻧﻄﻴﺖ ﻣﻦ ﻣﻜﺎﻧﻲ ... ﺍﺭﻭﺡ ﻭﻳﺎﻙ
ﺑﺎﻭﻋﻠﻲ ﺑﺒﺘﺴﺎﻣﻪ ... ﻫﺴﻪ ﺍﻧﻲ ﺭﺣﺖ ﻣﻦ ﺍﺭﻭﺡ ﺍﺧﺬﺝ ﻭﺍﺧﺬ ﺍﻟﺒﻨﺎﺕ ﻭﺍﺯﻭﺝ ﺯﻳﻨﺐ ﺍﻟﻤﺎﻳﻜﻞ .
ﺯﻳﻨﺐ ... ﻻ ﺍﻧﻲ ﻣﺎ ﺍﺩﻭﺝ ﺍﻟﻴﺪﻥ ﺍﺳﻴﺮﻥ ﺗﺘﻮﺭﻩ .. « ﻣﺘﺰﻭﺝ ﺗﺮﻳﺪ ﺗﺼﻴﺮ ﺩﻛﺘﻮﺭﻩ »
ﺿﺤﻜﺖ ... ﺯﻧﻮﺑﻪ ﻛﻠﺘﻬﺎ ﻗﺒﻠﺞ ﻭﺗﺎﻟﻲ ﺻﺮﺕ ﺛﻮﺭﻩ
ﻫﻤﻪ ﺿﺤﻜﻮ ﻭﺑﻌﺪﻫﺎ ﺭﺣﺖ ﺳﻮﻳﺖ ﺍﻟﻬﻢ ﺟﺎﻱ ...
ﺷﺮﺑﻮ ﺟﺎﻱ ﻭﺑﻌﺪﻫﺎ ﻋﻤﻮ ﻭﺍﺑﺎﺫﺭ ﻃﻠﻌﻮ ...
ﺍﻧﻲ ﺷﻔﺘﻬﻢ ﺑﺎﻟﺤﺪﻳﻘﻪ ﻛﺎﻋﺪﻳﻦ ﻳﺴﻮﻟﻔﻮﻥ
ﺳﻤﻌﺖ ﻣﻌﺘﺼﻢ ﻳﻜﻮﻝ ﻻﺑﺎﺫﺭ ... ﻗﻬﺮﻧﻲ ﺫﺍﻙ ﺍﻟﻴﻮﻡ ﻫﺸﺎﻡ
ﺍﺑﺎﺫﺭ ... ﻟﻴﺶ ﺷﺒﻲ
ﻣﻌﺘﺼﻢ ... ﻣﺘﺨﺒﻞ ﻣﺪﺭﻱ ﺷﺒﻲ ﻛﻞ ﺷﻮﻳﻪ ﻭﻫﺎﺟﻢ ﻋﻠﺊ ﻗﺪﺭ ﺗﺪﺭﻱ ﻧﺪﻣﺖ ﻻﻥ ﺯﻭﺟﺘﻬﺎ ﺍﻟﻪ ﻫﻲ ﻃﻔﻠﻪ ﻭﺻﻐﻴﺮﻩ ﻣﻮ ﻣﺎﻝ ﻫﻴﺞ ﻣﻌﺎﻣﻠﻪ
ﺍﺑﺎﺫﺭ ... ﻣﻮ ﻛﺘﻠﻚ ﺗﺰﻭﺟﻬﺎ ﻭﺍﻧﺖ ﺭﻓﻀﺖ ﺑﻌﺪ ﺷﻜﻮ ﻣﺎﻛﻞ ﻫﻤﻬﺎ ...
ﻣﻌﺘﺼﻢ ﺑﺘﻨﻬﻴﺪﻩ ... ﻳﺎ ﺍﺧﻲ ﺷﺒﻴﻚ ﺍﻧﻲ ﻣﺠﻨﺖ ﺭﺍﻳﺪﻩ ﻭﻻ ﺍﺣﺒﻬﺎ ﻣﺠﺮﺩ ﺍﻋﺠﺎﺏ ﻭﻋﺎﺩﻱ ﺍﻻﻧﺴﺎﻥ ﻳﻨﻌﺠﺐ ﻫﻮﻭﺍﻱ ﻣﻮ ﻣﺎﻝ ﺣﺐ ﻣﺠﻨﺖ ﺍﺣﺒﻬﺎ ... ﻓﺸﺊ ﻋﺎﺩﻱ
ﺍﺑﺎﺫﺭ ... ﻣﺠﻨﺖ ﺗﺤﺒﻬﺎ ﻭﻫﺴﻪ؟
ﻣﻌﺘﺼﻢ ﺑﺼﺪﻣﻪ .. ﺷﻨﻮ ﻫﺴﻪ؟
ﺍﺑﺎﺫﺭ .. ﻭﻫﺴﻪ ﺗﺤﺒﻬﺎ ﻟﻮ ﺷﻨﻮ
ﻋﻤﻮ ﺗﺨﺒﻞ ﺗﻘﺮﺏ ﻣﻨﻪ ﺑﻌﺼﺒﻴﻪ ... ﺍﻧﺖ ﺷﺒﻴﻚ ﺧﺒﻞ ﻟﻚ ﻫﺎﻱ ﺯﻭﺟﺔ ﺍﺑﻦ ﺍﺧﻮﻭﻱ ﻭﺍﻧﻲ ﺯﻭﺟﺘﻬﻢ ﺷﻨﻮ ﺍﺣﺒﻬﺎ ﻻ ﻋﺒﺎﻟﻚ ﺑﺎﻣﺮﻳﻜﺎ ﻋﻤﻮﻭ ﺗﺮﺉ ﺍﺣﻨﻪ ﺑﺎﻟﻌﺮﺍﻕ
ﺭﺩ ﺑﺴﺨﺮﻳﻪ ... ﺍﻱ ﻋﻤﻮ ﺍﺩﺭﻱ ﺑﺲ ﺗﺮﺉ ﺍﻧﺖ ﻣﻔﻀﻮﺡ ﻭ ﻭﺍﻛﻊ ﺑﺎﻟﺤﺐ ﻣﺒﻴﻦ ﻟﺤﻜﺖ ﻫﺸﺎﻡ ﻋﻠﺊ ﻗﺪﺭ ﺩﺣﺐ ﺍﻧﺘﺼﺎﺭ ﺷﺒﻴﻬﺎ ﻟﻮ ﺍﺣﻨﻪ ﻧﺒﺰﺯ
ﻣﻌﺘﺼﻢ ... ﻫﻬﻬﻬﻬﻪ ﺍﻣﺪﺍﻙ ﺍﻣﺪﻩ ﺫﻭﻕ ﺍﻧﺘﺼﺎﺭ ﺷﻨﻮ
ﻭﺑﻌﺪﻫﺎ ﺟﺮ ﻧﻔﺲ ... ﺍﻟﻤﺸﻜﻠﻪ ﻣﻮ ﻫﻨﺎ ﺍﻟﻤﺸﻜﻠﻪ ﺍﻧﻲ ﻣﻘﻬﻮﺭ ﺣﻴﻴﻞ ﻫﺸﺎﻡ ﻳﻜﻠﻲ ﺍﻧﻲ ﺍﺣﺴﻚ ﺣﺎﻁ ﻋﻴﻨﻚ ﻋﻠﺊ ﻗﺪﺭ ﻭﺍﻧﻲ ﺑﺮﻭﺡ ﺍﺑﻮﻳﻪ ﺣﺘﺊ ﺍﻟﺒﻴﺖ ﺿﻠﻴﺖ ﻣﺎ ﺍﺩﺧﻠﻪ ﺧﺎﻑ ﻳﺼﻴﺮ ﻣﻮﻗﻒ ﻭﻳﺎﻫﺎ ...
ﺍﺑﺎﺫﺭ ... ﺍﻧﺖ ﺗﺤﺒﻬﺎ ﻟﻮ ﻻ
ﻣﻌﺘﺼﻢ ... ﻣﺎﺍﺩﺭﻱ
ﺍﺑﺎﺫﺭ ... ﻭﺍﻟﺤﻞ
ﻣﻌﺘﺼﻢ ... ﻫﻢ ﻣﺎﺍﺩﺭﻱ
ﺍﺑﺎﺫﺭ ... ﺍﺗﺰﻭﺝ ﺍﻟﻤﺮﻩ ﻫﻲ ﺗﻨﺴﻴﻚ ﻭﺍﻥ ﺷﺎﺀ ﻟﻠﻪ ﺗﻜﻮﻥ ﺑﻨﺖ ﺣﻼﻝ ﺗﺴﺮ ﺧﺎﻃﺮﻙ ﻭﺍﻧﻲ ﺍﻭﻛﻒ ﺑﻌﺮﺳﻚ ﺑﻌﺪ ﺷﺘﺮﻳﺪ
ﻋﻤﻮ ﺿﺤﻚ .... ﻫﻬﻬﻬﻬﻬﺎﻱ ﻣﺘﻘﺼﺮ ﺑﻌﺪ ﻋﻤﻚ
ﺭﺟﻊ ﻋﻤﻮ ﻛﺎﻝ ... ﺍﻧﻲ ﻓﻜﺮﺕ ﺍﺗﺰﻭﺝ ﺩﻋﺎﺀ ﻻﻥ ﺍﺷﻮﻓﻬﺎ ﺣﺒﺎﺑﻪ ﻭﻟﻮ ﻫﻲ ﺧﻔﻪ ﻭﺍﻧﻲ ﺍﺗﺨﺒﻞ ﻣﻦ ﺍﻟﺒﻨﻴﻪ ﺍﻟﺨﻔﻴﻔﻪ ﺑﺲ ﺍﺣﺎﻭﻝ ﺍﺍﺩﺑﻬﺎ ﺷﻨﻮ ﺭﺃﻳﻚ
ﺟﺎﻭﺑﻪ ﺍﺑﺎﺫﺭ ... ﺍﻟﻲ ﻳﺮﻳﺤﻚ ﺳﻮﻱ ﻭﺍﻥ ﺷﺎﺀ ﻟﻠﻪ ﺧﻴﺮ ﺑﺲ ﺍﻧﺼﺤﻚ ﻻ ﺗﺴﺘﻌﺠﻞ
ﺭﺟﻊ ﺟﺎﻭﺏ ... ﺑﺲ ﺍﻧﻲ ﺩﻋﺎﺀ ﺍﻋﺮﻓﻬﺎ ﻣﻦ ﺯﻣﺎﻥ ﺑﺲ ﺗﺤﺐ ﺗﻠﺒﺲ ﻭﺗﺸﻠﺘﺢ ﺑﺮﻭﺣﻬﺎ ﻭﺗﺘﻤﻀﺤﻚ ﺑﺲ ﻫﻲ ﻣﺎﻋﻨﺪﻫﺎ ﺷﺊ ...
ﺑﻌﺪﻫﺎ ﻫﺰ ﺍﻳﺪﻩ ﻣﺮﻩ ﻃﻠﻌﺘﻠﻲ ﺑﺸﻮﺭﺕ ﺧﻠﺖ ﺍﻟﺸﻴﻄﺎﻥ ﻳﻔﺘﺮ ﻋﻠﻴﻪ
ﺍﺑﺎﺫﺭ ﺿﺤﻚ ... ﻣﺜﻠﻲ ﻣﻦ ﺗﺎﺝ ﺗﻠﺒﺲ ﺍﺳﻮﺩ ﺍﺣﺲ ﻧﻔﺴﻲ ﻣﻨﺤﺮﻑ ﻭﺍﺧﺎﻑ ﺍﻟﺪﻭﻟﻪ ﺗﺨﺴﺮﻧﻲ ﻛﻤﻮﺍﻃﻦ ﺻﺎﻟﺢ
ﺿﺤﻜﺖ ﻋﻠﺊ ﻛﻼﻣﻬﻢ ﻭﺧﺠﻠﺖ ﺷﻜﺪ ﻫﺘﻠﻴﻪ ﻭﻣﻴﺴﺘﺤﻮﻥ ﻭﻣﻴﺎﻧﻪ ﺑﻴﻨﻬﻢ ﻗﻮﻭﻳﻪ
ﺑﻌﺪﻫﺎ ﺷﻔﺘﻬﻢ ﻃﻠﻌﻮ ﺛﻨﻴﻨﻬﻢ ... ﺑﺲ ﺍﻧﺼﺪﻣﺖ ﻣﻦ ﻛﻼﻣﻬﻢ ﻳﺎﺭﺑﻲ ﺷﻜﻮﻭ ﺻﺪﻭﻙ ﻋﻮﺩ ﻋﻤﻮ ﻳﺤﺐ ﻗﺪﺭ ... ﻻ ﻣﺎ ﺍﺻﺪﻙ ﺷﻠﻮﻥ ﻭﺭﻃﻪ ﺧﻄﻴﻪ ﻫﺸﺎﻡ
ﻭﺍﻧﻮﺏ ﻳﺮﻳﺪ ﻳﺘﺰﻭﺝ ﺩﻋﺎﺀ ﺣﺘﺊ ﻳﻨﺴﺊ ﻗﺪﺭ ﺩﻋﺎﺀ ﺻﺢ ﺗﺤﺒﻪ ﺑﺲ ﻣﺎﺍﻋﺘﻘﺪ ﺗﻜﻮﻥ ﻛﺒﺶ ﻓﺪﺍﺀ ﻭﺗﻜﻮﻥ ﻣﺮﻛﺰ ﻧﺴﻴﺎﻥ ﻟﻘﻠﺐ ﻣﻌﺘﺼﻢ ...
ﺣﻴﻴﺮﻩ ﻣﻌﻘﻮﻟﻪ ﻋﻤﻮ ﻗﺮﺭ ﻳﺘﺰﻭﺝ ﺩﻋﺎﺀ ﻳﺒﻮﻭﻭ ﻣﺎ ﻳﺮﻫﻤﻮﻥ ﺍﻛﻴﻴﺪ ﺩﻋﺎﺀ ﻣﻦ ﺟﻤﺎﻋﺔ ﺍﻟﻤﻮﻝ ﻭﺍﻟﻮﻧﺴﻪ ﻭﻋﻤﻮ ﺩﻭﻡ ﻣﻌﺼﺐ ﺷﻠﻮﻥ ﻳﺮﻫﻤﻮﻥ ﻣﺎ ﺍﻋﺮﻑ ...
ﺭﺣﺖ ﺍﻟﻐﺮﻓﺘﻲ ﻛﻌﺪﺕ ﺍﻗﺮﻩ ﺷﻮﻭﻳﻪ ﻭﺑﻌﺪﻫﺎ ﺑﺠﺖ ﺯﻫﺮﺍﺀ ﺷﻤﺮﺗﻪ ﻣﻤﻪ ﻭﺿﻠﺖ ﺗﺒﺠﻲ ﻣﺎ ﺍﻋﺮﻑ ﺷﺒﻴﻬﺎ ...
ﺍﺧﺬﺗﻪ ﺍﻟﻌﻤﻪ ﻛﻌﺪﺕ ﺗﻠﻌﺐ ﺑﻴﻬﺎ ﻭﺗﺴﻜﺖ ﺑﻴﻬﺎ ﻣﺤﻤﺪ ﺟﺎﻥ ﻧﺎﻳﻢ ﺑﻐﺮﻓﺘﻪ ...
ﺻﺪﻳﻘﻲ ﺍﺑﻮ ﺍﻟﺒﻮﺱ ﻟﺴﻪ ﻣﺎﻛﻮﻭ ﻣﺎ ﺍﺟﻪ ...
ﻛﺘﻠﻬﺎ ... ﻋﻤﻪ ﺍﺑﺎﺫﺭ ﺍﺟﻪ
ﻛﺎﻟﺖ ... ﻻ ﻭﺍﻟﻠﻪ ﻋﻤﻮ ﺑﺎﻟﻠﻪ ﺭﻭﺣﻲ ﺧﺎﺑﺮﻱ ...
ﺭﺣﺖ ﺍﺧﺬﺕ ﻣﻮﺑﺎﻳﻠﻲ ﺧﺎﺑﺮﺕ ﻣﺎ ﻳﻔﺘﺢ ﺧﻂ ﺧﺎﺑﺮﺕ ﺧﺎﺑﺮﺕ ﻣﺎﻛﻮﻭ ...
ﺑﻌﺪﻫﺎ ﺍﺗﺼﻞ ﺑﻌﻤﻮ ﺟﺎﻥ ﺗﻘﺮﻳﺒﺎ ﺍﻟﺴﺎﻋﻪ ﺑﺎﻟﻮﺣﺪﺓ ﻓﺘﺢ ﺧﻂ ﻛﺎﻝ ... ﺍﻟﻮﻭ ﻫﺎﺍ ﻋﻤﻮ
ﻛﺘﻠﻪ ... ﻫﺎﺍ ﻋﻤﻮ ﺷﻠﻮﻧﻚ ﺍﺑﺎﺫﺭ ﻳﻤﻚ
ﺭﺩ ... ﻻ ﻋﻤﻮ ﺭﺟﻊ ﻟﻠﺒﻴﺖ ﻣﻦ ﺯﻣﺎﻥ
ﺧﻔﺖ ﺣﻴﻴﻞ ... ﻳﺎﺍﺍ ﺍﺷﻮ ﻣﺎ ﺍﺟﻪ ﻟﺤﺪ ﺍﻻﻥ
ﻫﻮ ﺗﺨﺒﻞ ... ﺗﺤﺠﻴﻦ ﺻﺪﻙ ﺑﺎﻟﻠﻪ ﺧﻠﻲ ﺍﺧﺎﺑﺮﻩ
ﻛﻄﻌﺖ ﺍﻟﺨﻂ ﺑﻌﺪﻫﺎ ﺧﺎﺑﺮﻧﻲ ﻛﺎﻝ ... ﻣﻴﻔﺘﺢ ﺧﻂ
ﺗﺨﺒﻠﺖ ﺍﻧﻲ ﺧﻔﺖ ﺣﻴﻞ ﺍﺟﻴﺖ ﻛﻠﺖ ﻟﻌﻤﺘﻲ ﻋﻤﻪ ﺗﺨﺒﻠﺖ ﻭﻧﺮﻋﺒﺖ ﺿﻠﺖ ﺗﻠﻮﻡ ﺑﺮﻭﺣﻬﺎ ... ﻳﻤﻪ ﻳﻤﻪ ﺍﺑﺎﺫﺭ ﺳﻮﺩﻩ ﻋﻠﻴﻪ ﻭﻳﻦ ﺭﺣﺖ ....
ﻛﻌﺪﻧﻪ ﻣﺤﺪ ﺭﺍﺡ ﻟﻠﻜﻬﻮﻩ ﻟﻼﻣﺎﻛﻦ ﺍﻟﻴﺘﻮﺍﺟﺪ ﺑﻴﻬﺎ ﻣﺎﻛﻮ
ﺍﺟﻪ ﻋﻤﻮ ﺑﺴﺮﻋﻪ ﻫﻢ ﺿﻞ ﻳﺨﺎﺑﺮ ﺑﺠﻤﺎﻋﺘﻪ ﻭﻳﺴﺎﻝ ﻣﺎﻛﻮ ...
ﺻﺎﺭﺕ ﺍﻟﺴﺎﻋﻪ ﺑﺎﻷﺭﺑﻌﺔ ﺍﻟﺼﺒﺢ ﻭﻫﻮ ﻣﺎﻛﻮ ﻋﻤﺘﻲ ﺿﻠﺖ ﺗﺪﻙ ﻭﺗﻠﻄﻢ ﻭﺍﻧﻲ ﺷﺎﻳﻠﻪ ﺯﻫﺮﺍﺀ ﻭﺍﺑﺠﻲ ...
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻨﻜﻢ 💔
ﻧﻮﺭ ﺳﻤﻮ ﺍﻟﻌﺮﺍﻕ 😘
ﻻ ﺗﻨﺴﻮ ﺍﻟﺘﺼﻮﻳﺖ ﻭﺍﻟﻤﺸﺎﺭﻛﻪ ﺑﻜﻢ ﻧﻜﺘﻤﻞ
