ﺑﺎﺭﺕ 34
ﺭﻭﺍﻳﺔ ... ﻧﺼﻒ ﻋﺬﺭﺍﺀ ﺑﻴﻦ ﺃﻧﻴﺎﺏ ﻗﺎﺗﻠﻲ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔
ﺳﺄﻝ ﺍﺣﺪ ﺍﻟﺰﻫﺎﺩ .. ﻣﺎ ﺍﻟﺴﺮ ﻓﻲ ﺑﺸﺎﺷﺔ ﻭﺟﻬﻚ ﻭﺍﺳﺘﺒﺸﺎﺭﻩ .. ؟
ﻗﺎﻝ ... ﺍﻧﺎ ﺍﺳﺘﺤﻲ ﺍﻥ ﺃﺣﺰﻥ ﻭﺍﻣﺮﻱ ﺑﻴﺪ ﺍﻟﻠﻪ
»»» ﺍﺳﻌﺪ ﺍﻟﻠﻪ ﺍﻳﺎﻣﻜﻢ ﺃﺣﺒﺘﻲ «««❤
.............................
ﺗﺎﺝ ...
ﺟﻨﺖ ﻛﺎﻋﺪﻩ ﺩﺍ ﺍﻧﻀﻒ ﻭﺑﻄﻨﻲ ﻛﺒﺮﺍﻧﻪ ﺣﻴﻴﻞ ﻭﺩﺍﻳﺨﻪ ﺍﺑﺘﺴﻤﺖ ﻣﺠﻨﺖ ﺍﺗﻮﻗﻊ ﺑﻴﻮﻡ ﻣﻦ ﺍﻻﻳﺎﻡ ﺍﺻﻴﺮ ﺣﺎﻣﻞ ﻣﻦ ﺍﺑﺎﺫﺭ ﻻﻥ ﺣﻴﺎﺗﻲ ﻭﻳﺎﻩ ﺟﺎﻧﺖ ﻣﻘﻴﺪﻩ ﻭﺟﺤﻴﻢ ...
ﻣﻦ ﺗﺰﻭﺝ ﻋﻠﻴﻪ ﺍﺣﺲ ﻛﺴﺮﻧﻲ ﻛﺴﺮ ﺍﺑﺒﺪ ﻣﺎ ﻳﻨﺠﺒﺮ ﻭﻟﺤﺪ ﺍﻻﻥ ﺗﺤﺰ ﺑﺨﺎﻃﺮﻱ ﺫﻳﺞ ﺍﻻﻳﺎﻡ ﺑﺲ ﺍﺭﺟﻊ ﻭﺍﺗﻘﺒﻞ ﺍﻟﻮﺍﻗﻊ ...
ﻫﺴﻪ ﻫﻮ ﻣﺴﺎﻓﺮ ﻭﻛﻞ ﻳﻮﻡ ﺍﺧﺎﺑﺮﻩ ﻋﻠﺊ ﺍﻟﻨﺖ ...
ﺍﺗﻄﻤﻦ ﻋﻨﻪ ﻭﻧﻀﻞ ﻧﺴﻮﻟﻒ ﺳﺎﻋﺎﺕ ﻃﻮﻭﻭﻳﻠﻪ ﻋﺒﺎﻟﻚ ﻋﺸﺎﻕ ﺷﻜﺪ ﺍﺣﺒﺒﺒﻪ ﻭﺗﺤﺴﻔﺖ ﺿﻴﻌﺖ ﺍﻳﺎﻡ ﻭﻟﻴﺎﻟﻲ ﻣﻦ ﻋﻤﺮﻱ ﻭﺍﻧﻲ ﺑﻌﻴﻴﺪﻩ ﻋﻨﻪ ...
ﺍﻥ ﺷﺎﺀ ﺍﻟﻠﺔ ﻛﺎﻝ ﺷﻬﺮ ﻭﺍﺭﺟﻊ ﻭﻫﺎﻱ ﻛﻞ ﻣﺮﻩ ﻳﻜﻮﻟﻬﺎ ﻭﺍﺣﺴﻬﺎ ﻳﻜﺬﺏ ﻋﻠﻴﻪ ﻭﺣﻴﻄﻮﻝ ﺑﺴﻔﺮﺗﻪ ...
ﺍﺟﺘﻨﻲ ﺯﻳﻨﺐ ﺗﺮﻛﺾ ﺟﺎﻳﺒﻪ ﺍﻟﻤﻮﺑﺎﻳﻞ ﻛﺎﻟﺖ ... ﺩﺩﻭ ﺣﺎﺑﺮ ﻋﻠﻴﺞ
ﺍﺧﺬﺕ ﺍﻟﻤﻮﺑﺎﻳﻞ ﻓﺘﺤﺖ ﺧﻂ ﺍﺟﺎﻧﻲ ﺻﻮﺕ ﺟﺪﻭﻭ ﻛﺎﻝ ... ﺍﻟﻮﻭﻭ
ﻛﺘﻠﻪ ﺑﺨﻮﻑ ... ﺍﻟﻮﻭ ﻫﺎﺍﺍ ﺟﺪﻭﻭ ﺷﻠﻮﻧﻚ
ﻛﺎﻝ ﺑﺜﻘﻞ ... ﺗﻜﺪﺭﻳﻦ ﺗﺠﻴﻨﻪ ﻫﺎﻱ ﺩﻋﺎﺀ ﺣﺎﻟﺘﻬﺎ ﺣﺎﻟﻪ ﻭﺑﺲ ﺗﺒﺠﻲ ﻭﺍﺧﺬﻧﺎﻫﺎ ﻟﻠﻤﺴﺘﺸﻔﺊ ﺗﺨﺮﺑﻄﺖ
ﺍﻧﻘﻬﺮﺕ ﺣﻴﻴﻞ ﻛﺘﻠﻪ ... ﺍﻭﻙ ﺍﺟﻲ ﺑﺲ ﻣﻨﻮ ﻳﺠﻴﺒﻨﻲ ﺯﻭﺟﻲ ﻣﺴﺎﻓﺮ ﺗﺠﻲ ﺗﺎﺧﺬﻧﻲ ﺍﻧﺖ
ﻛﺎﻝ ... ﺍﻱ ﺣﻀﺮﻱ ﻧﻔﺴﺞ ﻭﺍﻧﻲ ﺟﺎﻳﺞ
ﺻﺪﻙ ﺭﺣﺖ ﻃﻠﺒﺖ ﺍﻻﺫﻥ ﻣﻦ ﻋﻤﻪ ﻭﻫﻮ ﻛﺎﻳﻠﻲ ﺍﺫﺍ ﻃﻠﻌﺖ ﺑﺄﻣﺮ ﺍﻣﻪ ﻣﺎﻛﻮﻭ ﺩﺍﻋﻲ ﺍﺧﺎﺑﺮﻩ
ﺧﻄﻴﻪ ﻋﻤﺘﻲ ﻣﻘﺼﺮﺕ ﻗﺒﻠﺖ ﺑﺴﺮﻋﻪ ﻭﺍﻧﻲ ﺑﺪﻟﺖ ﻟﻠﺒﻨﺎﺕ ﻭﺑﺪﻟﺖ ﻭﺍﺧﺬﺗﻬﻦ ﻭﻳﺎﻳﻪ ...
ﺷﻮﻳﻪ ﻭﺍﺟﻪ ﺟﺪﻭﻭﻭ ﺃﺧﺬﻧﻲ ﻭﻃﻮﻝ ﺍﻟﻄﺮﻳﻖ ﻭﻫﻮ ﻳﺤﺠﻲ ﻋﻠﻰ ﻋﻤﻮ ﻣﻌﺘﺼﻢ ﻭﻣﺘﻀﺎﻳﻖ ﺣﻴﻴﻞ ﻭﻳﻠﻮﻡ ﻋﻠﺊ ﻧﻔﺴﻪ
ﻭﺻﻠﻨﻪ ﻟﻠﺒﻴﺖ ﺷﻔﺖ ﺑﻴﺒﻲ ﻛﺎﻋﺪﻩ ﺳﻠﻤﺖ ﻋﻠﻴﻬﺎ ﻭﺧﻠﻴﺖ ﺍﻟﺒﻨﺎﺕ ﻳﻤﻬﺎ ﻭﺻﻌﺪﺕ ﺍﻟﺪﻋﺎﺀ ...
ﺷﻔﺘﻬﺎ ﻧﺎﻳﻤﻪ ﻭﺟﻬﻬﺎ ﺷﺎﺣﺐ ﺍﺻﻔﺮ ﻭﻋﻴﻮﻧﻬﺎ ﻣﺤﻮﺭﻩ ﻭﺍﻟﻤﻐﺬﻱ ﻣﺸﻜﻞ ﺑﻴﺪﻫﺎ ...
ﻣﻦ ﺷﺎﻓﺘﻨﻲ ﺑﺠﺖ ﻭﺍﻧﻲ ﺍﺑﺪ ﻣﺘﺤﻤﻠﺖ ﺣﻀﻨﺘﻬﺎ ﻭﺑﺠﻴﺖ ﻭﻫﻲ ﺿﻠﺖ ﺗﻨﺤﺐ ﺑﺼﻮﺕ ﻳﻘﻄﻊ ﺍﻟﻘﻠﺐ ﻛﺎﻟﺖ ﺑﻬﻤﺲ ﻣﻮﺟﻊ ... ﺗﺎﺍﺝ ﻋﻤﺞ ﺍﻟﻜﻠﺐ ﻃﻠﮕﻨﻲ
ﺍﻧﻲ ﺑﻌﺪﺗﻬﺎ ﻣﻦ ﺻﺪﺭﻱ ﻭﺭﻓﻌﺘﻬﺎ ﺑﺎﻭﻋﺖ ﺑﻌﻴﻮﻧﻬﺎ ﻣﺼﺪﻭﻭﻣﻪ ... ﻻﺍﺍﺍ ﻻﺍﺍﺍ ﺟﺬﺏ ﻳﺎﺍﺍ ﻣﻌﻘﻮﻟﻪ ﻃﻠﻜﺞ
ﻫﺰﺕ ﺭﺍﺳﻬﺎ ﺑﺒﻜﺎﺀ ... ﻟﺞ ﻣﻮﺗﻨﻲ ﻛﺮﻫﻨﻲ ﺑﺮﻭﺣﻲ ﺍﺳﻠﻮﺑﻪ ﺟﺎﻣﺪ ﻭﻳﺎﻱ ﻋﺒﺎﻟﻚ ﺍﺷﺘﻐﻞ ﻋﻨﺪﻩ ﻭﻛﻞ ﻣﺮﻩ ﺍﺗﻨﺎﺯﻝ ﺑﺲ ﻫﻮ ﺗﺼﺮﻓﺎﺗﻪ ﻻ ﺗﻄﺎﺍﺍﺍﻕ ...
ﻣﺴﺤﺖ ﻋﻠﺊ ﺷﻌﺮﻫﺎ ﺑﺘﺬﻣﺮ ﻭﺟﺮﻳﺖ ﻧﻔﺲ .. ﺗﺮﺉ ﻫﻤﻪ ﻛﻠﻬﻢ ﻫﻴﺞ ﻳﺎﻟﻠﻪ ﺍﻟﺤﻤﺪ ﻟﻠﻪ ﺧﻠﺼﺘﻲ ﻣﻨﻪ ﻗﺒﻞ ﻻ ﻳﺼﻴﺮ ﻋﻨﺪﺝ ﻃﻔﻞ
ﻫﻤﺴﺖ ﺑﻘﻬﺮ ... ﺍﻟﺤﻤﺪ ﺍﻟﻠﻪ ﺍﻱ ﻭﺍﻟﻠﻪ ﻻﻥ ﺑﺼﺮﺍﺣﻪ ﺣﻴﻴﻞ ﻗﺎﻫﺮﻧﻲ ﻟﺞ ﻣﻦ ﻗﻬﺮﻩ ﻃﻠﻌﺖ ﻋﻨﺪﻱ ﺣﺼﻮﺓ ﺑﺎﻟﻤﺮﺍﺭﻩ ﻭﻣﻠﺘﻬﺒﻪ ﻭﻫﺴﻪ ﻻﺯﻡ ﻋﻤﻠﻴﻪ ...
ﺍﻧﻲ ﻣﻦ ﻛﺎﻟﺖ ﻫﻴﺞ ﺍﻧﻘﻬﺮﺕ ﻋﻠﻴﻬﺎ ﻛﺘﻠﻬﺎ ... ﻳﺎﺍﺍﺍ ﺻﺪﻙ ﺗﺤﺠﻴﻦ ﻫﺎﻱ ﺷﻠﻮﻥ ﻭﻫﺴﻪ ﺷﻮﻛﺖ ﺗﺴﻮﻭﻳﻦ ﻋﻤﻠﻴﻪ ..
ﺟﺮﺕ ﻧﻔﺲ ﺣﺰﻳﻦ ... ﺍﻥ ﺷﺎﺀ ﺍﻟﻠﻪ ﺍﻻﺳﺒﻮﻉ ﺍﻟﺠﺎﻱ ...
ﺟﺎﻭﺑﺘﻬﺎ ﺑﻀﻴﻖ .. ﺯﻳﻦ ﻫﺴﻪ ﺷﻠﻮﻥ ﺳﻮﻳﺘﻲ ﺗﺤﺎﻟﻴﻞ ﺳﻮﻧﺎﺭ
ﺩﻋﺎﺀ ... ﺍﻱ ﺳﻮﻳﺖ ﻭﻛﻠﻬﻢ ﻧﻀﻴﻔﺎﺕ ﻭﺣﺴﻮﻱ ﻋﻤﻠﻴﻪ
ﻗﻬﺮﺗﻨﻲ ﺍﻟﺬﺑﻮﻝ ﺍﻟﻤﺤﻴﻂ ﺑﻴﻬﺎ ﻭﻳﻦ ﺟﺎﻧﺖ ﻣﺜﻞ ﺍﻟﻮﺭﺩﻩ ﺍﻟﺼﺎﻓﻴﻪ ...
ﻫﻤﺴﺖ ﺑﺠﺰﻉ ... ﻭﺍﺣﺪ ﺯﻣﺎﻝ ﻋﺒﺎﻟﻲ ﺑﻲ ﺧﻴﻴﺮ ﻃﻠﻊ ﺷﺎﻳﻞ ﺧﺸﻤﻪ ﻭﻳﺘﻤﻀﻴﻚ ﻋﻠﺊ ﺷﻨﻮﻭ ﻭﺍﻟﻠﻪ ﻣﻴﺴﻮﻩ ﺣﺒﻲ ﺍﻟﻪ
ﻻﺯﻡ ﺍﻧﺴﺊ ﻭﺍﻟﻤﺎﻳﺮﻳﺪﻧﻲ ﺭﺑﺢ ﻣﺎ ﺍﺭﻳﺪﻩ ﺧﺴﺎﺭﻩ ...
ﺑﺴﺘﻬﺎ ﺑﺨﺪﻫﺎ ﻭﺷﻔﺖ ﺍﻟﻤﻐﺬﻱ ﺧﻠﺺ ﻧﺰﻋﺘﻪ ﻣﻨﻬﺎ ﻭﺣﻄﻴﺘﻠﻬﺎ ﻛﻄﻦ ﻭﺷﻮﻳﻪ ﻭﻫﻲ ﻧﺎﻣﺖ ﻻﻥ ﻣﺨﻠﺼﺘﻬﺎ ﺑﺠﻲ ...
ﺿﻠﻴﺖ ﻋﺪﻫﻢ ﻟﻠﻴﻞ ﻭﺗﺎﻟﻲ ﺭﺣﺖ ﺍﺟﻪ ﺑﺎﺑﺎ ﺃﺧﺬﻧﻲ ﻛﺘﻠﻪ ﺍﺧﺬﻧﻲ ﻻﻣﻲ ﺩﺭﻳﺪ ﺍﺷﻮﻓﻬﺎ ﻣﺸﺘﺎﻗﻪ ﺍﻟﻬﺎ ...
ﻭﺻﺪﻙ ﺭﺣﺖ ﺍﻟﻤﺎﻣﺎ ﺿﻠﻴﺖ ﺍﺳﻮﻟﻒ ﻭﻳﺎﻫﺎ ﻋﻠﺊ ﺩﻋﺎﺀ ﻭﻣﺎﻣﺎ ﺣﻴﻞ ﺍﻧﻘﻬﺮﺕ ﻭﻣﺜﻜﻠﻪ ﻋﻠﺊ ﻋﻤﻮﻭ ﺣﻴﻴﻞ ﻻﻥ ﻏﺪﺭ ﺑﺎﺧﺘﻬﺎ
ﺑﺲ ﻣﺤﺠﻴﺖ ﻭﻳﺎﻫﺎ ﻋﻠﺊ ﻗﺪﺭ ﺍﺑﺒﺒﺪ ﻻﻥ ﺍﻟﺒﻨﻴﻪ ﻣﺎ ﺍﻟﻬﺎ ﺷﻐﻞ ﻭﺣﺘﺊ ﻋﻤﻮﻭ ﺍﺻﻼ ﻣﺎ ﺑﻴﻨﻪ ﻭﺑﻴﻨﻬﺎ ﺷﺊ
ﺑﺲ ﻫﻮ ﺍﺳﻠﻮﺑﻪ ﻳﺤﺴﺴﻬﺎ ﻫﻮ ﻣﻴﺮﻳﺪﻫﺎ ﻭﺣﺴﺖ ﺑﻲ ﻛﺪ ﻣﺎ ﻳﻐﻠﻂ ﺑﺎﺳﻤﻬﺎ ﻳﺤﺐ ﻗﺪﺭ ..
ﻫﻮ ﻟﻮ ﺷﻮﻳﻪ ﻣﺨﻠﻲ ﻣﻜﺎﻧﻪ ﻟﺪﻋﺎﺀ ﻭﻣﺘﻼﻃﻒ ﻭﻳﺎﻫﺎ ﺟﺎﻥ ﻧﺴﺖ ﻛﻮﻭﻟﺸﻲ ﺑﺲ ﻫﻮ ﺟﺎﻥ ﺟﺎﻣﺪ ﺣﻴﻴﻞ ﻭﻳﺎﻫﺎ ﻋﺒﺎﻟﻚ ﺳﻠﻌﻪ ﻳﺎﺧﺬ ﻣﻨﻬﺎ ﺍﻟﻲ ﻳﺮﻳﺪﻩ ﻭﻳﺮﻭﺡ ....
ﺷﻔﺘﻪ ﺻﻌﺪ ﺍﻟﻐﺮﻓﺘﻪ ... ﺭﺣﺖ ﻭﺭﺍﻩ ﺩﻛﻴﺖ ﺍﻟﺒﺎﺏ ﻭﺩﺧﻠﺖ ﺷﻔﺘﻪ ﻳﻨﺰﻉ ﺑﺤﺬﺍﺋﻪ ﻭﺻﻮﺭﺗﻪ ﻭﺻﻮﺭﺓ ﺩﻋﺎﺀ ﻣﺎﻟﺖ ﺍﻟﻌﺮﺱ ﻣﻌﻠﻜﻪ ﻋﻠﺊ ﺍﻟﺠﺮﺑﺎﻳﻪ ...
ﺑﺎﻭﻋﺘﻠﻪ ﺍﺑﺘﺴﻤﺖ ﻛﺘﻠﻪ ... ﻫﺎﺍﺍﺍ ﻋﻤﻮﻭ ﺷﻠﻮﻧﻚ
ﻭﻛﻒ ﻭﺭﺳﻢ ﺍﺑﺘﺴﺎﻣﻪ ﺟﺎﻧﺒﻴﺔ ﻋﻠﺊ ﺷﻔﺎﻳﻔﻪ ﻛﺎﻝ .. ﺍﻟﺤﻤﺪ ﻋﻤﻮﻭ ﺍﻧﺘﻲ ﺷﻠﻮﻧﺞ ...
ﺿﻠﻴﻨﻪ ﻛﺎﻋﺪﻳﻦ ﻧﺴﻮﻟﻒ ﺷﻮﻭﻳﻪ ﻭﺑﻌﺪﻫﺎ ﻫﻮ ﺳﺄﻝ ﻛﺎﻝ ... ﺷﺎﻳﻔﻪ ﺩﻋﺎﺀ
ﺟﺮﻳﺖ ﻧﻔﺲ ... ﺍﻱ ﻭﺍﻟﻠﻪ ﺭﺣﺖ ﺍﻟﻬﺎ ﺧﻄﻴﻪ ﻣﺘﺨﺮﺑﻄﻪ ﻭﻣﺎﺧﺬﻳﻬﺎ ﻟﻠﻤﺴﺘﺸﻔﺊ ﻃﺎﻟﻊ ﻋﻨﺪﻫﺎ ﺣﺼﻮﺓ ﺑﺎﻟﻤﺮﺍﺭﻩ ﻭﺩﺗﺴﻮﻱ ﻋﻤﻠﻴﻪ ...
ﺑﺎﻭﻋﻠﻲ ﻣﺼﺪﻭﻭﻡ ... ﺍﻭﻭﻭﻑ ﻻﺍﺍ ﺻﺪﻙ ﺗﺤﺠﻴﻦ
ﺗﻨﻬﺪﺕ ﺑﻀﻴﻖ ... ﺍﻱ ﻭﺍﻟﻠﻪ ﻋﻤﻮ ﺻﺪﻙ ﺍﺣﺠﻲ ﻭﺑﻌﺪﻳﻦ ﻋﻤﻮ ﺩﻋﺎﺀ ﺣﻴﻴﻞ ﻣﺠﺮﻭﺣﻪ ﻣﻨﻚ ﻭﺍﻟﻠﻪ ﻣﺘﺴﺘﺎﻫﻞ ﺍﻟﺼﺎﺭ ﻭﻳﺎﻫﺎ ﺍﻧﺖ ﺗﻌﺮﻓﻬﺎ ﻭﺗﻌﺮﻑ ﻃﺒﻌﻬﺎ ﺟﺎﻥ ﺻﺒﺮﺕ ﻋﻨﻬﺎ ﺷﻮﻳﻪ
ﺟﺮ ﻧﻔﺲ ﻛﺎﻝ ... ﻣﺎ ﺍﺗﺤﻤﻠﻬﺎ ﻟﺴﺎﻧﻬﺎ ﻃﻮﻭﻭﻳﻞ ﻭﺗﺘﺼﻮﺭ ﺍﺷﻴﺎﺀ،ﻣﺎ ﻭﺭﺍﺩﻩ ﺍﺻﻼ ﺧﻠﻴﻨﻲ ﻫﻴﻴﺞ ﺍﺣﺴﻦ
ﺭﺩﻳﺖ ﻋﻠﻴﻪ ... ﺑﺲ ﻫﻲ ﻣﻜﺎﻳﻠﻪ ﺍﻥ ﺍﻧﺖ ﻃﻠﻜﺘﻬﺎ ﻋﻤﻮﻭ ﺍﻟﻠﻪ ﻋﻠﻴﻚ ﺧﺎﺑﺮﻫﺎ ﻭﻻ ﺗﺮﺧﺼﻬﺎ ﻭﻃﻴﺐ ﺧﺎﻃﺮﻫﺎ ﺑﻜﻢ ﻛﻠﻤﻪ ﺗﺮﺉ ﺩﻋﺎﺀ ﺑﺴﺮﻋﻪ ﺗﺘﻘﺸﻤﺮ ...
ﺑﺎﻭﻋﻠﻲ ﺑﻨﺺ ﻋﻴﻦ ... ﺩﻋﺎﺀ ﺗﺘﻘﺸﻤﺮ ﺑﻜﻠﻤﺘﻴﻦ ﻟﺞ ﻫﺎﻱ ﺩﻋﻴﻮﻩ ﺩﺍﻫﻴﻪ ﺍﻟﺴﺎﻧﻬﺎ ﺍﻃﻮﻭﻝ ﻣﻨﻬﺎ
ﺿﺤﻜﺖ ... ﺑﺲ ﻭﺍﻟﻠﻪ ﺣﺒﺎﺑﻪ ﻭﺗﺤﺒﻚ ﻭﺭﻏﻢ ﻣﺠﺮﻭﺣﻪ ﻣﻨﻚ ﻣﺠﺎﻱ ﺗﻨﻄﻲ ﺑﻴﻚ ﻛﺪﺍﻡ ﺍﻱ ﺷﺨﺺ ﺍﻧﺖ ﻫﻢ ﻗﺴﻴﺖ ﻭﻳﺎﻫﺎ ﺑﺎﻟﻜﻼﻡ ﻭﺟﺮﺣﺘﻬﺎ ﺗﺮﺉ،ﺧﻄﻴﻪ ﻭﺍﻟﻠﻪ ﺧﺎﻟﺘﻲ ﻣﺘﺴﺘﺎﻫﻞ
ﻫﻮ ﺩﺍﺭ ﻭﺟﻬﻪ ﻋﻠﺊ ﺻﻮﺭﺗﻬﺎ ﻭﺍﺑﺘﺴﻢ ﺑﻬﺪﻭﺀ ﻫﻤﺲ ... ﺗﺪﺭﻳﻦ ﺍﻟﻐﺮﻓﻪ ﺍﺣﺴﻬﺎ ﻓﺎﺭﻏﻪ ﺑﺪﻭﻧﻬﺎ ﻭﺃﺣﺲ ﺍﻟﺒﻴﺖ ﻣﻤﻞ .
ﺿﺤﻜﺖ .. ﺷﻨﻮ ﺑﺎﻟﻨﺴﺒﻪ ﺍﻟﻚ ﺩﻋﺎﺀ
ﺭﺩ ﺑﺼﺪﻕ ... ﺍﻧﺴﺎﻧﻪ ﻃﻴﺒﻪ ﻭﻟﻄﻴﻔﻪ ﺭﻏﻢ ﻋﻨﺪﻫﺎ ﺳﻮﺍﻟﻒ ﻣﺪﺭﻱ ﺷﻠﻮﻧﻬﺎ ﺍﻧﻲ ﺍﺗﻌﻮﺩﺕ ﻋﻠﻴﻬﺎ ﻭﻋﻠﺊ ﺧﻔﺔ ﺩﻣﻬﺎ ﺑﺲ،ﻫﻲ ﺍﺧﺮ ﺷﺊ ﺍﺳﺘﺠﻠﺒﺖ ﻣﺪﺭﻱ ﺷﺒﻴﻬﺎ ...
ﺟﺮﻳﺖ ﻧﻔﺲ ﺧﻄﻴﻪ ﻟﻴﺶ ﻫﻴﺞ ﻳﺤﺠﻲ ﻋﻨﻬﺎ ﺟﺎﻭﺑﺘﻪ ﺑﺼﺪﻕ ... ﻋﻤﻮﻭ ﻣﻦ ﺣﻘﻬﺎ ﻫﻲ ﺗﻐﺎﺭ ﻋﻠﻴﻚ ﻟﻮ ﻣﺘﺤﺒﻚ ﻣﺘﺴﻮﻱ ﻫﻴﺞ ﺑﺲ ﻻﻥ ﺗﻌﺰﻙ ﻭﺗﻐﻠﻴﻚ ﻃﺒﻌﺎ ﻫﻴﺞ ﺗﺘﺼﺮﻑ ﻫﻲ ﺧﻄﻴﻪ ﻣﺮﻳﻀﻪ ﻃﻴﺐ ﺧﺎﻃﺮﻫﺎ
ﻫﺰ ﺭﺃﺳﻪ ﻛﺎﻝ ... ﺍﻟﻠﻪ ﻛﺮﻳﻢ ﺍﻥ ﺷﺎﺀ ﺍﻟﻠﺔ
ﺿﻠﻴﺖ ﻛﺎﻋﺪﻩ ﻳﻤﻪ ﺷﻮﻳﻪ ﻭﺑﻌﺪﻫﺎ ﺭﺣﺖ ﻳﻢ ﻣﺎﻣﺎ ..
ﺧﺎﺑﺮﺕ ﺍﺑﺎﺫﺭ ﺿﻠﻴﺖ ﺍﺣﺠﻲ ﻭﻳﺎﻩ ﺷﻮﻭﻳﻪ ﻭﺑﻌﺪﻳﻦ ﺭﺣﺖ ﺍﻟﺒﻴﺘﻨﻪ ...
ﺩﺧﻠﺖ ﺍﻟﻐﺮﻓﺘﻲ ﺍﺣﺲ ﺑﻴﻬﺎ ﻭﺣﺸﻪ ﻭﻏﺮﺑﻪ ﻓﺘﺤﺖ ﻧﺖ ..
ﺍﺗﺼﻠﺖ ﻋﻠﻴﻪ ﻣﺠﺎﻭﺏ ﺭﺟﻌﺖ ﺍﺗﺼﻠﺖ ﻣﺠﺎﻭﺏ ...
ﺿﻠﻴﺖ ﺍﺷﻚ ﻣﻌﻘﻮﻭﻟﻪ ﻳﺨﻮﻧﻲ ﻭﻣﺘﺰﻭﺝ ﻫﻨﺎﻙ ﺍﻱ ﻛﻮﻭﻭﻟﺸﻲ ﻳﺼﻴﺮ ﻟﻌﺪ ﻟﻴﺶ ﻣﻴﺮﺩ ﺍﻛﻴﻴﺪ ﻫﺴﻪ ﻧﺎﻳﻢ ﺑﺎﻟﻌﺴﻞ ﻭﺍﻧﻲ ﻫﻨﺎ
ﻃﺎﻳﺢ ﺣﻀﻲ ...
ﺣﺘﺊ ﻟﻮ ﻣﻤﺘﺰﻭﺡ ﺍﻛﻴﻴﺪ ﻋﻨﺪﻩ ﻋﻼﻗﺎﺕ ﻭﻫﻨﺎﻙ ﻣﺘﻮﻧﺲ ...
ﻛﺘﺒﺖ ﺍﻟﻪ ﺭﺳﺎﻟﻪ ... ﻫﺎﺍﺍ ﻣﺮﺗﺎﺡ ﺍﻱ ﺍﻥ ﺷﺎﺀ ﺍﻟﻠﺔ ﺳﻮﻳﺖ ﻣﺴﺎﺝ ﺍﻣﺮﻳﻜﻲ ﺗﺘﻬﻨﻪ ﺍﻥ ﺷﺎﺀ ﺍﻟﻠﺔ ...
ﺷﻮﻳﻪ ﻭﺭﺩ ﻋﻠﻴﻪ ﺑﻀﺤﻜﻪ ﻛﺒﻴﺮﻩ ﻛﺎﺗﺐ .... ﻫﻬﻬﻬﻬﻬﻬﻬﻬﻬﻬﺎﻱ ﻟﺞ ﺑﺎﺑﺎ ﻳﺎ ﻣﺴﺎﺝ ﻭﺍﻟﻠﻪ ﻋﻨﺪﻱ ﺷﻐﻞ ﻭﺟﺎﻱ ﺍﺻﻔﻲ ﺣﺴﺎﺑﺎﺗﻲ ﻭﺗﺮﺉ ﻭﻗﺘﻨﻪ ﻳﺨﺘﻠﻒ ﻋﻦ ﻭﻗﺘﻜﻢ ﻟﺬﻟﻚ ﺍﻧﻲ ﻣﻠﺘﺰﻡ ﻭﺑﻌﺪﻳﻦ ﺍﻧﺘﻲ ﻣﺎ ﻋﻨﺪﺝ ﺛﻘﻪ ﺑﻴﻪ ﺣﺘﺊ ﻫﻴﺞ ﺩﻛﻮﻟﻴﻦ ...
ﺿﺤﻜﺖ ﻛﺘﺒﺖ ... ﻻ ﻋﻨﺪﻱ ﺍﻛﻴﻴﺪ ﺑﺲ ﺭﺩﺗﻚ ﺗﺮﺩ ﻭﻳﺎﻟﻠﻪ ﺍﺧﺬ ﺭﺍﺣﺘﻚ ﻣﺎ ﺍﺯﻋﺠﻚ ...
ﻫﻮ ﻛﺘﺐ ... ﺣﺒﻴﺒﻲ ﺍﻟﻐﺎﻟﻴﻪ ﻳﺎﻟﻠﻪ ﻧﺎﻣﻲ ﻭﺍﺭﺗﺎﺣﻲ ﻻ ﺗﻀﻠﻴﻦ ﻗﻠﻘﻪ ﻭﺗﻌﺒﻴﻦ ﻧﻔﺴﺞ ﻭﺗﻐﻄﻲ ﺯﻳﻦ ﺍﺣﺴﺞ ﺑﺮﺩﺍﻧﻪ ﺍﻛﻴﻴﺪ ﺍﻧﻲ ﻣﻮ ﻳﻤﺞ
ﻛﺘﺒﺖ ... ﻭﺍﻧﺖ ﺩﻳﺮ ﺑﺎﻟﻚ ﻋﻠﺊ ﻧﻔﺴﻚ ﻭﺗﻐﻄﻪ ﺯﻳﻦ ﺍﻣﺮﻳﻜﺎ ﺑﺎﺭﺩﻩ ﻣﻮ ﻛﺘﻠﻚ ﺍﺧﺬﻧﻲ ﺍﺩﻓﻴﻚ ﺑﺲ ﺍﻧﺖ ﻣﺎ ﺗﺎﺧﺬ ﺍﻟﻜﻼﻡ ..
ﻫﻮ ﻛﺘﺐ .. ﻫﻬﻬﻬﻪ ﻳﺎﻟﻠﻪ ﻧﺎﻣﻲ ﺣﺒﻴﺒﻲ ﺍﻥ ﺷﺎﺀ ﺍﻟﻠﺔ ﺍﺟﻲ ﻭﺩﻓﻴﻨﻲ
ﺿﺠﺖ ﻣﻦ ﻛﻼﻣﻪ ﺍﺣﺴﻪ ﻳﺘﺠﺎﻫﻠﻨﻲ ﺍﻭ ﻳﺮﻳﺪ ﺑﺲ ﻳﻨﻬﻲ ﻛﻼﻣﻪ ﻭﻳﺎﻳﻪ ﺍﻧﻘﻬﺮﺕ ﻭﺗﻤﻨﻴﺖ ﺍﻛﻮﻥ ﻭﻳﺎﻩ ﺑﻜﻞ ﺧﻄﻮﻩ ﺍﺧﺎﻑ ﻋﻨﺪﻩ ﺷﺊ
ﺑﻌﺪﻫﺎ ﺳﻠﻤﺖ ﺍﻣﺮﻱ ﻟﺮﺑﻲ ﻭﻧﻤﺖ ﻭﺍﻧﻲ ﺍﺣﺲ ﺑﺮﻓﺴﺎﺕ ﻃﻔﻠﺘﻲ ﺍﻟﻮﻛﺤﻪ ﺑﺒﻄﻨﻲ ...
.............................
ﻣﻴﺲ
ﺟﻨﺖ ﻛﺎﻋﺪﻩ ﺍﺭﺿﻊ ﺑﻌﺒﻮﺳﻲ ﻭﻫﻮ ﻛﺎﻋﺪ ﻳﻄﻜﻄﻚ ﺑﻤﻮﺑﺎﻳﻠﻪ
ﻭﺍﻧﻲ ﺍﺧﻮﺯﺭ ﺑﻲ ﻫﻮ ﺣﺲ ﺑﻴﻪ ﺍﺟﻪ ﺗﻘﺮﺏ ﻣﻨﻲ ﺑﺎﺳﻨﻲ ﺑﺨﺪﻱ ﻫﻤﺲ ﺑﺎﺫﻧﻲ ﻛﺎﻝ ... ﺻﺮﺕ ﺍﺷﺘﺎﻗﻠﺞ ﺣﺘﺊ ﺑﺼﻼﺓ ﺍﻟﻴﻞ ﻣﻦ ﺍﺳﺠﺪ ﺍﻛﻮﻝ ﻳﺤﺮﺳﺞ ﺍﻟﻠﻪ
ﺭﻓﻌﺖ ﺣﺎﺟﺐ ﻭﺑﺎﻭﻋﺘﻠﻪ ... ﻣﻦ ﺷﻮﻛﺖ ﺗﺼﻠﻲ ﺍﺳﺘﺎﺫ
ﺑﺎﻭﻋﻠﻲ ﺑﺜﻘﻪ ... ﻣﻦ ﺍﻟﻴﻮﻡ ﻭﺭﺍﻳﺢ ﺍﻧﻲ ﻗﺒﻞ ﺟﻨﺖ ﺍﺻﻠﻲ ﻭﻣﻀﺒﻮﻁ ﺑﺲ ﻣﻦ ﺗﺰﻭﺟﺘﺞ ﺍﻧﺤﺮﻓﺖ
ﻭﺑﻌﺪﻫﺎ ﺑﺎﻭﻉ ﻟﻘﺮﻧﺎﺑﻴﻄﻪ ﻛﺎﻝ ... ﻫﺬﺍ ﺍﺑﻮ ﺻﻤﺎﺥ ﺍﺣﺴﻪ ﺍﺧﺬﺝ ﻣﻨﻲ ﻻ ﻳﺤﺲ ﻻ ﻳﺴﺘﺤﻲ ﻋﻠﺊ ﻧﻔﺴﻪ ﻻ ﻳﻜﻮﻝ ﺍﺑﻮﻭﻱ
ﺟﺮﻳﺖ ﻧﻔﺲ ... ﻟﻴﺶ ﺣﺎﺱ ﺑﻨﻔﺴﻚ ﺍﺑﻮﻭﻭ
ﺭﺩ ﺑﺜﻘﻪ ... ﻭﺷﻜﻠﻮﻟﺞ ﻋﻠﻴﻪ ﻣﻄﻲ ﺣﺘﺊ ﻣﺎ ﺍﺣﺲ .. ﺑﺲ ﺗﺮﺩﻳﻦ ﺍﻟﺼﺮﺍﺣﻪ ﻣﺠﺎﻱ ﺍﺣﺲ ﺑﺎﻻﺑﻮﻩ ﻻﻥ ﻋﺒﻮﺳﻲ ﺟﻨﻪ ﺷﺎﻳﺐ ﻭﺑﻌﺪﻳﻦ ﻭﻳﻦ ﺍﻛﻮ ﻃﻔﻞ ﻋﻨﺪﻩ ﺷﻮﺍﺭﺏ ﺍﺣﺴﻪ ﺍﻛﺒﺮ ﻣﻨﻲ
ﺿﺤﻜﺖ ﻭﺍﻧﻲ ﺍﺑﺎﻭﻉ ﺍﻟﻌﺒﺎﺱ ... ﺍﻱ ﻓﻌﻼ ﻋﻨﺪﻩ ﺷﻌﺮ ﺑﻮﺟﻬﻪ ﺧﺸﻦ ﻋﻠﺊ ﺍﺑﻮﻭﻭ
ﻫﻮ ﺑﺎﻭﻋﻠﻲ ﺑﺒﺘﺴﺎﻣﻪ ﺟﺎﻧﺒﻴﻪ ﻏﺮﻭﺭ ... ﺍﺩﺭﻱ ﺑﺮﻭﺣﻲ ﻋﻀﻼﺕ ﻭﻛﺬﺍ
ﻫﺰﻳﺖ ﺍﻳﺪﻱ ﻭﺳﻜﺘﺖ
ﻛﺎﻝ ... ﺍﻛﻠﺞ ﻣﻴﺲ ﺍﺭﻳﺪ ﺍﺑﻴﻊ ﻫﺎﻱ ﺍﻟﺴﻴﺎﺭﻩ ﻭﺍﻋﺪﻝ ﺍﻟﺒﻴﺖ ﺷﺮﺍﻳﺞ
ﺟﺎﻭﺑﺘﻪ ... ﺧﻮﻭ ﺑﻴﻊ ﺍﻟﺴﺘﻮﺗﻪ ﻭﻋﻮﻑ ﺍﻟﺴﻴﺎﺭﻩ ﻋﺎﺩ ﻣﻦ ﻧﻄﻠﻊ ﻭﻳﺎﻙ ﻛﺸﺨﻪ
ﺭﺩ ﻋﻠﻴﻪ .. ﺍﻭﻭﻑ ﻳﺎﻟﺤﻮﺏ ﺍﻭﻭﻑ ﻳﻔﺮﺣﺔ ﺍﻟﺰﻫﺮﺓ ﻻ ﺗﻬﻤﺞ ﺍﻟﻤﻀﺎﻫﺮ ﻳﺼﻴﻨﻴﺔ ﺍﻟﻘﺎﺳﻢ ...
ﺗﺮﻯ ﻣﻮ ﻛﻞ ﻭﺍﺣﺪ ﺭﻛﺐ ﺳﻴﺎﺭﺓ ﺍﺧﺮ ﻣﻮﺩﻳﻞ ﺯﻟﻤﻪ ﺍﻛﻮ ﻣﺜﻞ ﻳﻜﻮﻝ ﺍﺭﻛﺒﻲ ﺳﺘﻮﺗﻪ ﻭﺑﺼﻔﺞ ﺯﻟﻤﻪ ﺍﺣﺴﻦ ﻣﺎ ﺗﺮﻛﺒﻴﻦ ﻟﻜﺰﺯ ﻭﺑﺼﻔﺞ ﻣﻄﻲ ...
ﻋﺎﺩ ﻗﺮﺭﺕ ﺍﺑﻴﻊ ﺍﻟﺴﻴﺎﺭﻩ ﺍﺣﺴﻦ ﻣﺎ ﺍﺻﻴﺮ ﻣﻄﻲ ...
ﺿﺤﻜﺖ ... ﻫﺴﻪ ﻋﻮﻓﻨﻪ ﻣﻦ ﺍﻟﻤﻄﺎﻳﻪ ﺑﻌﺪ ﺑﻴﺘﻲ ﻭﺧﻠﻴﻨﻪ ﺑﺎﻟﻤﻬﻢ ﺷﺴﻮﻳﺖ ﻋﻠﺊ ﻫﺎﻱ ﺣﺒﻴﺒﺔ ﻋﺎﻣﺮ
ﺟﺮ ﻧﻔﺲ ﻭﺑﻐﺮﻭﺭ ... ﻋﻨﺪﻱ ﻣﻮﻋﺪ ﻏﺮﺍﻣﻲ ﻭﻳﺎﻫﺎ ﺍﻥ ﺷﺎﺀ ﺍﻟﻠﺔ ﺍﻋﺘﻘﺪ ﺭﺍﺡ ﻳﺼﻮﺭﻭﻧﻪ ﻭﻳﺪﺯﻭﻟﺞ ﺍﻟﺼﻮﺭ ﻭﺍﺣﻨﻪ ﺑﺤﺎﻟﻪ ﻣﺮﺯﻳﻪ
ﺍﻧﺼﺪﻣﺖ ... ﺻﺨﺎﻡ ﺑﻮﺟﻬﺞ ﻳﺎ ﻣﻴﺲ ﻭﻳﻦ ﺣﺘﺮﻭﺡ ﻭﻳﺎﻫﺎ ﺑﻼ ﺯﺣﻤﻪ ..
ﺍﺑﺘﺴﻢ ﺑﺨﺠﻞ ... ﻣﺪﺭﻱ ﺑﺲ ﻋﻠﺊ ﺍﻻﻏﻠﺐ ﻣﻄﻌﻢ
ﻣﻴﺲ .. ﻭﺣﺎﻟﺘﻚ ﺍﻟﻤﺮﺯﻳﻪ ﺑﺎﻟﻤﻄﻌﻢ
ﻣﺴﻠﻢ ... ﻭﺍﻟﻠﻪ ﺣﺎﻻﺗﻲ ﺍﻟﻤﺮﺯﻳﻪ ﺑﻜﻞ ﻣﻜﺎﻥ
ﻣﻴﺲ ﺑﺰﻋﻞ .. ﺧﻮﻭﺵ ﻳﺎﻟﺨﺎﻳﻦ ﺍﻛﺮﻫﻚ ﺍﺭﺗﺎﺣﻴﻴﺖ
ﺗﻘﺮﺏ ﻣﻨﻲ ﺍﻛﺜﺮ ﻭﺣﻀﻨﻲ ﻭﻫﻮ ﻳﺤﺮﻙ ﺍﻧﻔﻪ ﻋﻠﺊ ﺧﺪﻱ ﻭﻣﺴﻮﻱ ﺭﻭﺣﻪ ﻣﺴﻜﻴﻴﻦ ... ﺷﺒﻴﻴﺞ ﻳﻌﻤﺮﻱ ﻫﻮ ﺍﻧﻲ ﻣﺼﺪﻙ ﻣﺘﺰﻭﺟﺞ ﺑﺎﻟﻘﺮﺍﻥ ﻗﺒﻞ ﻣﻦ ﺧﻄﺒﺘﺞ ﻣﺠﻨﺖ ﻣﺼﺪﻙ ﻭﻋﺮﻓﺖ ﺍﻟﺤﺐ ﻣﻴﻌﺮﻑ ﻓﺮﻭﻗﺎﺕ ﻭﺟﻨﺖ ﺩﺍﺋﻤﺎ ﺍﻛﻮﻝ ﻣﻌﻘﻮﻟﻪ ﻫﻞ ﺑﺰﻭﻧﻪ ﺍﻟﺤﻠﻮﻩ ﻭﻛﻌﺖ ﺑﺤﺐ ﻫﺬﺍ ﺍﻟﻌﺘﻮﻱ ﺍﻟﻤﻬﺘﻠﻒ
ﺍﺑﺘﺴﻤﺖ ... ﻳﺎﺍﺍ ﻓﺪﻭﻭﻩ ﺍﻟﻜﻠﺒﻚ ﺍﻧﺖ ﻏﻴﺮ ﺟﻨﻚ ﻣﺮﺑﺊ ﺑﺎﻟﺘﻴﻦ ﺍﻧﺖ ﻣﻮ ﻋﺘﻮﻱ ﺍﻧﺖ ﺣﺒﻴﺒﻲ ﺑﺲ ﻫﺎﺍﺍ ﻻ ﺗﺨﻮﻧﻲ ﺑﺎﻟﻘﺮﺍﻥ ﺍﻛﺘﻠﻚ ﺍﺫﺑﺤﻚ ﺍﺭﺗﻜﺐ ﺑﻴﻚ ﺟﺮﻳﻤﻪ ﺍﻭﻛﻲ
ﺍﺣﺴﻪ ﻳﺴﺎﻳﺮﻧﻲ ﻫﺰ ﺭﺃﺳﻪ ﺑﺎﻱ .. ﻭﺑﻌﺪﻫﺎ ﺭﺍﺡ ﺑﺪﻝ ﻭﻃﻠﻊ ﻭﺭﺵ ﻋﻄﺮ ﻣﺪﺭﻱ ﻭﻳﻦ ﺭﺍﺡ ...
ﺿﻠﻴﺖ ﺍﺭﺿﻊ ﺑﻌﺒﻮﺳﻲ ﻭﺍﺿﺤﻚ ﻭﻳﺎﻩ ﻭﻋﻤﺘﻲ ﺗﻔﺘﺮ ﻋﻠﻴﻪ ﻋﺒﻮﺳﻲ ﻳﺸﺒﻬﺞ ﻻﻥ ﻣﻌﺼﻌﺺ ﻣﺜﻠﺞ ﻣﻮ ﻣﺜﻞ ﺍﺑﻮ ﺟﺎﻥ ﻣﺪﺑﺪﺏ ﺑﺲ ﺍﻟﻀﻴﻢ ﺳﻮﺍﻩ ﻋﺼﺔ ﻣﻄﻴﺮﺟﻲ ...
ﻋﻔﺘﻬﺎ ﻭﺳﻜﺘﺖ ﺷﺴﻮﻱ ﺍﻧﻮﺏ ﺩﻛﻮﻝ ﻫﺬﺍ ﻳﺎﺑﺲ ﻋﻮﺩﻩ ﻫﻴﺞ ﻣﻴﺴﻤﻦ ...
...................
ﺩﻋﺎﺀ ...
ﺳﻮﻳﺖ ﻛﺎﻓﺔ ﺍﻟﺘﺤﺎﻟﻴﻞ ﻭﺍﻟﺴﻮﻧﺎﺭ ﻭﺣﺪﺩﻭ ﻣﻮﻋﺪ ﺍﻟﻌﻤﻠﻴﻪ ﺍﻟﻴﻮﻡ
ﺟﺎﻧﺖ ﻋﻨﺪﻱ ﺍﻟﻤﺮﺍﺭﻩ ﺣﻴﻴﻞ ﻣﻠﺘﻬﺒﻪ ﻭﺍﻟﺤﺼﻮﻩ ﻛﺒﻴﺮﻩ ﻭﺍﻧﻲ ﺟﻨﺖ ﺍﺣﺲ،ﺑﻮﺟﻊ ﺑﺲ ﻣﺠﻨﺖ ﺍﻋﺮﻑ ﻫﺬﺍ ﺍﻟﺴﺒﺐ
ﻫﻮ ﺧﺎﺑﺮﻧﻲ ﻛﻢ ﻣﺮﻩ ﺑﺲ ﻣﻔﺘﺤﺖ ﺧﻂ ﺣﻴﻴﻞ ﻛﺎﺭﻫﺘﻪ ﻭﻫﻮ ﺍﺻﻼ ﻃﻠﻜﻨﻲ ﻭﻣﻴﺮﻳﺪﻧﻲ ﻭﺍﻧﻲ ﻫﻤﺎﺗﻴﻦ ﻣﺎ ﺍﺭﻳﺪﻩ ...
ﺩﺯﻟﻲ ﺭﺳﺎﻟﻪ ﺍﻛﺜﺮ ﻣﻦ ﻣﺮﻩ ﻋﺎﺩ ﻃﺤﺖ ﺑﻲ ﻭﺣﻀﺮﺗﻪ ...
ﺩﺧﻠﺖ ﻟﻠﻤﺴﺘﺸﻔﺊ ﻭﻳﺎﻳﻪ ﺑﺎﺑﺎ ﻭﺍﺧﺘﻲ ﺍﻡ ﻫﺸﺎﻡ ﻭﻣﺎﻣﺎ ﻟﺒﺴﺖ ﺻﺪﺭﻳﺔ ﺍﻟﻌﻤﻠﻴﺎﺕ ﻭﻟﺒﺴﺖ ﻫﺬﺍ ﺍﻟﻲ ﻳﺠﻤﻊ ﺍﻟﺸﻌﺮ ﻣﺜﻞ ﺍﻟﻜﺎﺏ
ﺷﺮﻳﺖ ﻧﻔﺲ ﺣﺰﻳﻦ ﻋﻠﺊ ﺣﺎﻟﻲ ﺍﺭﻳﺪﻩ ﻭﻣﺎ ﺍﺭﻳﺪﻩ ﻣﻘﻬﻮﺭﻩ ﻣﻦ ﺣﺎﻟﻲ ﻫﻮﻭﻭﺍﻳﻪ ﻟﻴﺶ ﺣﺒﻴﺘﻪ ﻭﻫﻮ ﻣﻴﺴﺘﺎﻫﻞ
ﺍﻟﻮﺣﻴﺪ ﺍﻟﻲ ﻧﺰﻝ ﺩﻣﻌﺘﻲ ﻭﻏﺪﺭﻧﻲ ﻫﻮ ﺍﻟﻲ ﺟﻨﺖ ﺍﺗﺒﺎﻫﻪ ﺑﻲ ﺗﺎﻟﻲ ﻫﻴﺞ ﺑﺴﺮﻋﻪ ﺑﺴﺮﻋﻪ ﻳﻐﺪﺭﻧﻲ ﻭﻛﻞ ﻣﺮﻩ ﻳﻜﻮﻝ ﺍﻧﻲ ﺑﺪﻭﻥ ﻛﻠﺐ ﺍﺛﺎﺭﻱ ﺍﻻﺥ ﻭﺍﻛﻊ ﺑﺎﻟﺤﺐ ﻭﺍﻧﻲ ﻋﺒﺎﻟﻲ ﻻﻥ ﻋﺴﻜﺮﻱ
ﺑﺎﻭﻋﺖ ﺍﻻﻳﺪﻱ ﺍﻟﺤﻠﻘﻪ ﻣﺰﻳﻨﺘﻬﺎ ﺍﻟﻤﻤﺮﺿﺔ ﻛﺎﻟﺖ .. ﺣﺒﻴﺒﺘﻲ ﺍﻧﻄﻲ ﺍﻟﺤﻠﻘﻪ ﺍﻻﻫﻠﺞ ﻗﺒﻞ ﻻ ﻧﺴﻮﻳﻠﺞ ﻋﻤﻠﻴﻪ
ﺣﻄﻴﺖ ﺍﻳﺪﻱ ﺩﺍ ﺍﺭﻳﺪ ﺍﻧﺰﻋﻬﺎ ﺑﺲ ﻣﺎ ﺍﻋﺮﻑ ﻟﻴﺶ ﺗﺮﺩﺩ ﻫﻮﻭﻭﺍﻳﻪ
ﻭﻳﻪ ﻣﺎ ﺩﺭﺕ ﻭﺟﻬﻲ ﻋﺒﺎﻟﻲ ﺍﻟﺪﻛﺘﻮﺭ ﺍﺟﻪ ﺷﻔﺘﻪ ﻭﺍﻛﻒ ﺑﻜﻞ ﺟﺒﺮﻭﺕ ﺑﺒﺎﺏ ﺍﻟﻤﺴﺘﺸﻔﻰ ﻣﻦ ﺷﻔﺘﻪ ﺍﺣﺲ ﻛﻞ ﺧﻠﻴﻪ ﺑﺠﺴﻤﻲ ﺭﺟﻔﺖ ﻭﺑﻠﻌﺖ ﺭﻳﻜﻲ ﻭﺑﺴﺮﻋﻪ ﺩﻣﻮﻋﻲ ﻧﺰﻟﺖ
ﻫﻲ ﺍﻟﺪﻛﺘﻮﺭﻩ ﺑﺴﺮﻋﻪ ﻃﻠﻌﺖ ﻭﻫﻮ ﺩﺧﻞ ﻭﺳﺪ ﺍﻟﺒﺎﺏ ﺍﻣﺎ ﺍﻧﻲ ﺿﻠﻴﺖ ﻣﻨﺰﻟﻪ ﺭﺍﺳﻲ ﻭﺍﻟﺤﺴﺮﻩ ﺗﺎﻛﻞ ﺑﺼﺪﺭﻱ ﻭﻛﺎﺗﻤﻪ ﻋﺒﺮﺗﻲ ..
ﺣﺴﻴﺖ ﺑﻲ ﻛﻌﺪ ﺑﺼﻔﻲ ﻭﺟﺮ ﻧﻔﺲ ﻛﺎﻝ ... ﻣﺎ ﺍﻋﺮﻑ ﺷﻨﻮ ﺍﺣﺠﻲ ﻭﻳﺎﺝ ﺑﺲ ﺍﻟﻲ ﺍﺭﻳﺪ ﺍﻛﻮﻟﻪ ﻳﺎ ﺩﻋﺎﺀ ﺍﻧﻲ ﺍﻟﻴﻮﻭﻡ ﺑﺎﻟﺬﺍﺕ ﺣﺴﻴﺖ ﻧﻔﺴﻲ ﻧﺬﻝ ﻭﺣﺴﻴﺖ ﻧﻔﺴﻲ ﻣﺎ ﺍﺭﻳﺪ ﺍﺧﺴﺮﺝ ﻭﻋﺮﻓﺖ ﻣﻌﺰﺗﺞ ﺑﺪﺍﺧﻠﻲ ...
ﺑﺎﻭﻋﺘﻠﻪ ﺑﺴﺮﻋﻪ ﻭﺣﺪﻩ ﻭﺩﻣﻮﻋﻲ ﻧﺰﻟﺖ ﻫﻮ ﺍﺑﺘﺴﻤﺖ ﺍﺑﺘﺴﺎﻣﻪ ﻣﻘﻬﻮﺭﻩ ﻭﻣﺴﺢ ﺩﻣﻌﺘﻲ ﻛﺎﻝ ﺑﺤﺰﻥ ... ﺩﻋﺎﺍﺍﺀ ﺭﻏﻢ ﻛﻠﺸﻲ ﺍﻧﺘﻲ ﺍﺧﺬﺗﻲ ﺣﻴﻴﺰ ﺟﺒﻴﺮ ﺑﺪﺍﺧﻠﻲ ﻭﻻ ﻗﺪﺭ ﻭﻻ ﻏﻴﺮﻫﺎ ﺗﻜﺪﺭ ﺗﺎﺧﺬ ﺍﻟﻲ ﺍﺧﺬﺗﻲ ﺍﻧﺘﻲ ﺯﻭﺟﺘﻲ ﻭﻋﺮﺿﺞ ﻋﺮﺿﻲ ﻭﻻ ﺍﺳﺎﻣﺢ ﺍﻟﻨﻔﺴﻲ ﺍﺋﺬﻳﺞ
ﻣﺴﺤﺖ ﺩﻣﻮﻋﻲ ﻭﺑﺠﻴﺖ ﺑﺤﺴﺮﻩ ﻛﺘﻠﻪ ... ﺑﺲ ﻛﺴﺮﺕ ﺧﺎﻃﺮﻱ ﻭﻛﺮﻫﺘﻨﻲ ﺑﻴﻴﻚ ﺍﻧﺖ ﺗﻌﺮﻑ ﺷﻠﻮﻥ ﺗﺼﺮﻓﺎﺗﻚ ﺗﺤﺰ ﺑﺨﺎﻃﺮﻱ ﺗﻌﺮﻑ ﻣﻦ ﺟﻨﺖ ﺩﻛﻮﻟﻲ ﺍﻧﻲ ﺑﺪﻭﻥ ﻛﻠﺐ ﻭﺍﻧﻲ ﻣﺎ ﻋﻨﺪﻱ ﺍﺣﺴﺎﺱ ﺍﻛﻮﻝ ﻣﻌﻘﻮﻟﻪ ﻣﻜﺪﺭﺕ ﺍﻛﺴﺒﻪ ﺍﺛﺎﺭﻳﻚ ﻣﻐﺮﻭﺭ ﻭﺍﻧﺎﻧﻲ ﻭﻻ ﻛﺪﺭﺕ ﺗﻔﺮﺣﻨﻲ ﻭﻻ ﺑﻜﻠﻤﻪ ...
ﺟﺮ ﻧﻔﺲ ﻋﻤﻴﻖ ﻭﺳﺤﺒﻨﻲ ﻟﺼﺪﺭﻩ ﻭﺍﻧﻲ ﺑﺠﻴﺖ ﻭﺩﻣﻮﻋﻲ ﺷﻼﻝ ﻫﻤﺲ ﺑﻬﺪﻭﺀ ... ﻻ ﻣﺘﻬﻤﻴﻨﻲ ﺟﺎﻥ ﻣﺎ ﺍﺟﻴﺖ ﻣﻠﻬﻮﻭﻑ ﻭﺍﻧﻲ ﻛﻞ ﺷﻮﻭﻕ ﺍﺷﻮﻑ ﻋﻴﻮﻧﺞ ﺭﻏﻢ ﺍﻧﺘﻲ ﻣﺘﺮﺩﻳﻦ ﻋﻠﺊ ﺍﺗﺼﺎﻻﺗﻲ ﻭﺣﻀﺮﺗﻴﻨﻲ
ﻭﺑﻌﺪﻫﺎ ﻛﻤﻞ ﺑﻤﺰﺡ ... ﻟﺞ ﺣﻤﺎﺭﻩ ﺍﻛﻮﻭ ﺑﻨﻴﻪ ﺗﺤﻀﺮ ﺭﺟﺎﻝ
ﺍﺑﺘﺴﻤﺖ ﺑﺰﻋﻞ ... ﺍﻱ ﺍﺫﺍ ﺟﺎﻥ ﻣﺰﻋﺞ ﻭﻣﻮ ﺣﺒﺎﺏ ﺍﺣﻀﺮﻩ
ﻛﺮﺹ ﺧﺪﻱ ... ﻋﻤﻲ ﺍﺻﻴﺮ ﺣﺒﺎﺏ ﺍﺩﻟﻠﻲ ﺑﺲ ﻫﺴﻪ ﺍﺭﻳﺪﺝ ﺗﻘﻮﻳﻦ ﻧﻔﺴﺞ ﻭﺗﺼﻴﺮﻳﻦ ﺣﺒﺎﺑﻪ ﻭﺍﻥ ﺷﺎﺀ ﺍﻟﻠﺔ ﺑﻌﺪ ﻣﺎ ﺗﻄﻴﺒﻴﻦ ﻣﻦ ﺍﻟﻌﻤﻠﻴﺔ ﻣﺎ ﻳﺼﻴﺮ ﺧﺎﻃﺮﺝ ﺍﻟﻪ ﻃﻴﺐ ﻭﺍﺩﻟﻠﻲ ﻛﻢ ﺩﻋﺎﻭﻱ ﻋﻨﺪﻱ ...
ﺳﻜﺘﺖ ﺑﺲ ﺩﺍﺧﻠﻲ ﻳﻔﻮﻭﺭ ﻭﻛﻠﺒﻲ ﺑﻲ ﺍﻧﻬﺰﺍﻣﺎﺕ ﻣﻴﻜﺪﺭ ﻳﻀﺤﻚ ﻋﻠﻴﻪ ﺑﻜﻠﻤﺘﻴﻦ ﻫﻤﺴﺖ ... ﺍﺑﺮﻳﻨﻲ ﺍﻟﺬﻣﻪ
ﻣﺴﺢ ﻋﻠﺊ ﺧﺪﻱ ﺑﻬﺪﻭﺀ ﻛﺎﻝ ... ﺍﻧﺘﻲ ﺍﺑﺮﻳﻨﻲ ﺍﻟﺬﻣﻪ ﻗﺼﺮﺕ ﻭﻳﺎﺝ ﻫﻮﻭﻭﺍﻱ ﻭﻛﺴﺮﺕ ﺧﺎﻃﺮﺝ
ﻧﺰﻟﺖ ﺭﺍﺳﻲ ﻭﻫﻤﺴﺖ ... ﺍﻧﻲ ﻣﺴﺎﻣﺤﻪ ﺍﻟﻜﻞ ﺑﺲ ﺍﺩﻋﻮﻟﻲ ﺧﺎﻳﻔﻪ
ﺍﺑﺘﺴﻢ ﻛﺎﻝ ... ﻻ ﺗﺨﺎﻓﻴﻦ ﺍﻧﻲ ﻭﻳﺎﺝ
ﺩﺭﺕ ﻭﺟﻬﻲ ﺑﺤﺰﻥ ﻭﺿﻠﻴﺖ ﺳﺎﻛﺘﻪ ﺣﺰﻧﻲ ﻋﻤﻴﻖ ﻭﻣﻴﺘﻌﺎﻟﺞ ﺑﺎﻟﺘﻮﺩﺩ ﺍﻟﻴﻪ ...
ﺍﺟﺖ ﺩﻛﺘﻮﺭﺓ ﺍﻟﺘﺨﺪﻳﺮ ﻭﺿﺮﺑﺘﻨﻲ ﺍﺑﺮﻩ ﻣﺨﺪﺭ ﻭﺭﺣﺖ ﺑﻐﻴﺮ ﻋﺎﻟﻢ ...
.......................
ﻗﺪﺭ ...
ﻛﻨﺖ ﻧﺎﻳﻤﻪ ﺑﺠﻨﺐ ﻫﺸﺎﻡ ﻭﺍﻧﺎ ﻻﺑﺴﻪ ﺭﻭﺏ ﻧﻮﻡ ﺍﺑﻴﺾ ﻭﻫﻮ ﻛﻞ ﺷﻮﻳﺔ ﻭﺗﺤﺮﺵ ﺑﻴﻪ
ﻭﺍﻧﺎ ﺍﺣﻜﻲ ﺑﺠﺰﻉ ﻣﻦ ﺗﺼﺮﻓﺎﺗﻮﻭﻭ ... ﺍﻫﻮﻭﻭ ﻫﺸﺎﻡ ﺷﺒﻴﻚ ﺑﻌﺪﻙ ﻣﺮﻳﺾ ﻳﻮﻭﻭﻝ
ﺿﺤﻚ ﺑﺼﻮﺕ ﻋﺎﻟﻲ ... ﺍﻓﺎﺍﺍ ﻣﺮﻳﺾ ﻟﻴﺶ ﺍﻟﺒﺎﺭﺣﻪ ﻣﻦ ﻫﺠﻤﺖ ﻋﻠﻴﺞ ﻣﺒﻴﻦ ﻋﻠﻴﻪ ﻣﺮﻳﺾ ...
ﺿﺤﻜﺖ ﺑﺨﺠﻞ ... ﺍﻧﺖ ﻛﺜﻴﺮ ﻣﻨﺤﺮﻑ ﻳﻮﻭﻝ ﻛﻨﺖ ﺍﺿﻨﻚ ﻭﻓﻘﻴﺮ ﻭﺩﺍﺋﻤﺎ ﺍﻛﻮﻥ ﮔﺮﻳﺒﻪ ﻣﻨﻚ ﻭﺍﺛﺎﺭﻱ ﺍﻧﺖ ﻣﺜﻞ ﺍﻟﺬﻳﺐ ﺍﻟﻠﻌﻴﻦ ﺗﺘﻤﻨﺊ ﺑﺲ ﺗﻔﺘﺮﺳﻨﻲ
ﻫﺸﺎﻡ ﺑﻀﺤﻜﻪ ... ﻫﻬﻬﻪ ﻳﻌﻨﻲ ﺍﻧﻲ ﺣﻴﻮﺍﻥ ﺧﻠﻒ ﺍﻟﻠﻪ ﻋﻠﻴﺞ ﻻ ﺍﻧﻮﺏ ﺣﻴﻮﺍﻥ ﻟﻌﻴﻦ
ﺍﺑﺘﺴﻤﺖ ﻭﺑﺴﺘﻮ ﺑﺨﺪﻭ ... ﻻ ﻳﻮﻭﻝ ﻣﻮ ﻫﻴﻴﻚ ﺍﺻﻼ ﺍﻧﺖ ﻫﻴﻴﻚ ﻭﺭﺩﻩ ﻭﻧﺎﺑﺘﻪ ﺑﻴﺘﻨﻪ ...
ﻛﺮﺹ ﺧﺪﻱ ... ﻟﻴﺶ ﻫﻮ ﺍﻛﻮﻭ ﻭﺭﺩﻩ ﻏﻴﺮﺝ ﻟﺞ ﺍﻧﺘﻲ ﺷﻜﺪ ﺣﻠﻮﻭﻩ ﻭﺍﻟﻠﻪ ﻟﺤﺪ ﺍﻻﻥ ﻣﻤﺘﻮﻗﻊ ﺍﺧﺬﺕ ﻛﻞ ﻫﻞ ﺟﻤﺎﻝ ﻟﺞ ﻭﺍﻟﻠﻪ ﻛﻠﻬﺎ ﺣﺎﺳﺪﺗﻨﻲ
ﻫﻤﺴﺖ ... ﻋﻴﻦ ﺍﻟﺤﺎﺳﻮﻭﺩ ﺑﻴﻬﺎ ﻋﻮﻭﺩ ﺍﻗﺮﻩ ﺍﻟﻤﻌﻮﺫﺗﻴﻦ ﻭﻧﺎﻡ ﻭﺗﻌﻮﺫ ﻣﻦ ﺍﻟﺸﻴﻄﺎﻥ
ﻫﻤﺲ .. ﺗﺆﺗﺆﺗﺆ ... ﻗﺪﻭﺭﻩ ﺣﺒﻴﺒﻲ ﺑﻌﺪﻳﻦ ﺍﻗﺮﺍﻫﻢ ﻣﻦ ﺍﺧﻠﺺ ﻣﻦ ﻣﻬﻤﺘﻲ ...
ﺗﺬﻣﺮﺕ ﺑﻤﻠﻞ ... ﺍﻫﻮﻭﻭ ﺍﻧﺖ ﻣﺘﺸﺒﻊ
ﺿﺤﻚ ... ﻻ ﻭﺍﻟﻠﻪ ﺑﺴﺮﻋﻪ ﺍﺷﺒﻊ ﺑﺲ ﺍﻧﺘﻲ ﻋﺴﻞ ﻣﻴﻨﺸﺒﻊ ﻣﻨﺞ ...
ﺳﻜﺘﺖ ﺑﺲ ﺑﻴﻪ ﺿﺤﻜﻪ ﻋﻠﻴﻪ ﺻﺢ ﻫﻮﻭ ﺧﻄﻴﻪ ﻏﺎﻣﺮﻧﻲ ﺑﺮﻭﻣﺎﻧﺴﻴﺘﻮ ﻭﺣﺒﻮ ﺍﻟﻴﻪ ﺍﺣﺴﻪ ﻳﺤﺒﻨﻲ ﺍﻛﺜﺮ ﻣﻦ ﻣﻦ ﺣﺒﻲ ﺍﻟﻮﻭ ....
ﺭﺣﻨﻪ ﺑﻐﻴﺮ ﻋﺎﻟﻢ ﺑﺲ ﺍﻧﺎ ﻭﻫﻮ ﻭﻛﻨﺖ ﺫﺍﻳﺒﻪ ﺑﻠﻤﺴﺎﺗﻮ ﻭﺍﺣﺴﺎﺳﻮ ﺍﻟﺤﻠﻮﻭ ﺭﻏﻢ ﺍﻋﺎﻗﺘﻮ ﺑﺲ ﻫﻮ ﺗﺤﺴﻦ ﻣﻦ ﻗﺒﻞ ﻛﺜﻴﻴﺮ ....
ﻣﻦ ﺧﻠﺺ ﺍﻧﺎ ﻟﺒﺴﺖ ﻣﻼﺑﺴﻲ ﻭﻫﻮ ﻛﺬﻟﻚ ﻭﺳﺎﻋﺪﺗﻮ ﺭﺍﺡ ﻟﻠﺤﻤﺎﻡ ﻭﺍﻧﺎ ﺍﺿﺤﻚ ﻋﻠﻴﻪ ...
ﻭﺑﻌﺪﻫﺎ ﻃﻠﻌﺖ ﺍﻧﺎ ﺳﺒﺤﺖ ﺑﺎﻟﺤﻤﺎﻡ ﺍﻟﻲ ﺑﺮﻩ ﺍﻻﻥ ﻫﺸﺎﻡ ﺍﺫﺍ ﺩﺧﻞ ﻟﻠﺤﻤﺎﻡ ﻳﺨﻠﺺ ﺍﻟﻤﻲ ﻫﺬﻱ ﻃﺒﻌﻮ ..
ﺍﺧﺬﺕ ﻣﻼﺑﺲ ﻭﺳﺒﺤﺖ ﻟﻔﻴﺖ ﺍﻟﻤﻨﺸﻔﻪ ﻋﻠﺊ ﺷﻌﺮﻱ ﻭﻣﻦ ﺧﻠﺼﺖ ﻭﻃﻠﻌﺖ ﻣﻦ ﺍﻟﺤﻤﺎﻡ ﻭﺩﺍ ﺍﻣﺸﻲ ﺍﻧﻀﺮﺑﺖ ﺑﻲ ﺧﻔﺖ ﻛﺜﻴﺮ ﻭﺭﺟﻌﺖ ﺧﻄﻮﺍﺕ ...
ﺍﻣﺎ ﻫﻮ ﺛﺒﺘﻨﻲ ﻭﺩﺣﻜﻨﻲ ﺑﺨﺰﺭﻩ ... ﺷﺒﻴﺞ ﻣﺸﻮﻓﻴﻦ
ﻫﻤﺴﺖ ... ﺍﻧﺎ ﺍﺳﻔﻪ ﻛﺜﻴﺮ ﺑﺲ ﻛﻨﺖ ﺍﺳﺒﺢ ﻻﻥ ﻫﺸﺎﻡ ﺑﺎﻟﺤﻤﺎﻡ ﻭﺍﻧﺎ ﻫﻮ ﻳﺨﻠﺺ ﺍﻟﻤﻲ ﻭﺍﺟﻴﺖ ﺑﺤﻤﺎﻡ ﺍﻟﺒﻴﺖ
ﻫﻮ ﺭﺩ ﺑﻬﺪﻭﺀ ... ﻭﺷﻜﻮﻭ ﺗﺒﺮﺭﻳﻦ ﺭﻭﺣﻲ ﺍﻟﻐﺮﻓﺘﺞ ﻧﺎﻣﻲ ﺍﻛﻌﺪﻱ ﺷﺴﻮﻳﻦ ﺳﻮﻱ
ﺍﺳﺘﻐﺮﺑﺖ ﻣﻦ ﻛﻼﻣﻪ ﻭﺩﺍ ﺍﺭﻭﺡ ﺳﻤﻌﺖ ﺍﻣﻮ ﺣﻜﺖ ... ﻫﺎﺍﺍ ﻳﻤﻪ ﺍﺟﻴﻴﺖ ﺷﻠﻮﻧﻬﺎ ﻣﺮﺗﻚ ﺷﻠﻮﻥ ﺻﺎﺭﺕ
ﻫﻮ ﺭﺩ ﺑﻠﻬﻔﻪ ... ﺍﻱ ﻳﻤﻪ ﺍﻟﺤﻤﺪ ﻟﻠﻪ ﺯﻳﻨﻪ ﻃﻠﻌﺖ ﻣﻦ ﺍﻟﻌﻤﻠﻴﺎﺕ ﺑﺲ،ﻟﺤﺪ ﺍﻻﻥ ﻣﺘﺎﺫﻳﻪ ﻭﺗﺒﺠﻲ ﺭﻏﻢ ﺍﻟﻌﻤﻠﻴﻪ ﺑﺎﻟﻴﺰﺭ ﺑﺲ ﺑﻨﺞ ﻋﺎﻡ ﻭ ﻭﺟﻊ ﻗﻮﻭﻱ ...
ﺭﺩﺕ ﺑﻴﺒﻲ ... ﺧﻄﻴﻪ ﻣﺘﺴﺘﺎﻫﻞ ﺟﺎﺍﺍ ﻟﻴﺶ ﻣﺎ ﺿﻠﻴﺖ ﻧﺎﻳﻢ ﻳﻤﻬﺎ ﻟﻴﺶ ﺧﻠﻴﺘﻬﺎ ﻭﺣﺪﻫﺎ
ﺍﺑﺘﺴﻢ ﺑﻬﺪﻭﺀ ... ﺍﺑﻮﻫﺎ ﻣﻘﺒﻞ ﺭﻏﻢ ﺍﺻﺮﻳﺖ ﺑﺲ ﺍﻟﻤﺴﺘﺸﻔﻰ ﺍﻫﻠﻲ ﻭﻣﻴﻘﺒﻠﻮﻥ ﺍﻟﻪ ﻧﻔﺮﻳﻦ ﻓﻀﻠﺖ ﺍﻡ ﻫﺸﺎﻡ ﻭﺍﺑﻮﻫﺎ ...
ﻭﺑﻌﺪﻫﺎ ﻛﻤﻞ ... ﻫﻲ ﺷﺴﻮﺕ ﺑﻴﻨﻪ ﻣﻦ ﻓﺘﺤﻬﺎ ﺍﻟﺒﻨﺞ ﺿﻠﺖ ﺗﺘﻘﻴﺊ ﻭﺗﺒﺠﻲ ﻭﺗﺘﻮﺟﻊ ﻭﺿﻠﻴﺖ ﻣﺤﺘﺎﺭ ﺑﻴﻬﺎ ﻛﻞ ﺷﻮﻳﻪ ﺭﺍﻓﻌﻬﺎ ﻭﻣﻌﺪﻝ ﻛﻌﺪﺗﻬﺎ
ﺑﻴﺒﻲ ... ﺍﻱ ﻳﻤﻪ ﻣﺮﺗﻚ ﻫﺎﻱ ﺍﺫﺍ ﻣﻮ ﺍﻧﺖ ﺗﻬﺘﻢ ﺑﻴﻬﺎ ﺟﺎﺍ ﻣﻨﻮ ﻳﻬﺘﻢ ﺑﻴﻬﺎ ﻭﻗﺼﺮﺕ ﻻﻥ ﻋﻔﺘﻬﺎ ﻭﺍﺟﻴﺖ ﺟﺎﺍ ﺿﻠﻴﺖ ﻧﺎﻳﻢ ﻳﻤﻬﺎ ...
ﻣﻌﺘﺼﻢ .. ﻛﺘﻠﺞ ﻳﻤﻪ ﻣﻘﺒﻠﻮ ﺣﺘﺊ ﺍﻟﺪﻛﺘﻮﺭ ﻣﻘﺒﻞ ...
ﻭﻛﻤﻞ ... ﻳﺎﻟﻠﻪ ﺗﺼﺒﺤﻮﻥ ﻋﻠﺊ ﺧﻴﻴﺮ ﺗﻌﺒﺎﻥ ﻭﺍﺭﻳﺪ ﺍﻧﺎﻡ
ﺍﻧﺎ ﻫﻤﺴﺖ .. ﻭﺍﻧﺖ ﻣﻦ ﺍﻫﻞ ﺍﻟﺨﻴﺮ
ﻭﺍﻣﻮ ﺭﺩﺕ ﻣﺜﻞ ﺭﺩﻱ ...
ﺍﻧﺎ ﺭﺣﺖ ﺍﻟﻬﺸﺎﻡ ﻭﻫﻮ ﺻﻌﺪ ﺍﻟﻐﺮﻓﺘﻮ ﻭﺑﻴﺒﻲ ﺭﺍﺣﺖ ﺍﻟﻐﺮﻓﺘﻬﺎ
ﻫﻤﺴﺖ ﺍﻟﺤﻤﺪ ﻟﻠﻪ ﻣﻦ ﺣﺴﻴﺖ ﺍﻥ ﻣﻌﺘﺼﻢ ﺩﺍ ﻳﺮﻣﻢ ﻋﻼﻗﺘﻮ ﺑﺰﻭﺟﺘﻮ ﺍﻧﺎ ﻣﺎ ﺍﺭﻳﺪ ﺍﻛﻮﻥ ﺧﺮﺍﺑﺔ ﺑﻴﻮﺕ ﻭﺑﺴﺒﺒﻲ ﺗﺨﺮﺏ ﻋﺎﺋﻠﺘﻮ ... ﺍﻥ ﺷﺎﺀ ﺍﻟﻠﺔ ﺗﺘﺸﺎﻓﺊ ﻭﺗﺮﺟﻊ ﺍﻟﺤﻀﻨﻮ ﻳﺎﺭﺏ ...
...........................
ﻳﻮﻡ ﺟﺪﻳﺪ
ﻣﺴﻠﻢ ﻳﻄﻠﻊ ﻭﻳﺪﺧﻞ ﻭﻣﻬﻤﻮﻡ ﺣﻴﻴﻞ ﻭﻳﺨﺎﺑﺮ ﻭﻣﺪﺭﻱ ﺷﻨﻮ ﺍﺣﺴﻪ ﺭﺟﻞ ﺍﻋﻤﺎﻝ ﻣﺸﻬﻮﺭ ﻭﺧﺴﺮﺍﻥ ﺑﺼﻔﻘﻪ ﻣﻬﻤﻪ
ﻭﻋﺎﻣﺮ ﺣﺎﺩ ﺍﺳﻨﺎﻧﻪ ﻋﻠﻴﻨﻪ ﻣﺪﺭﻱ ﺷﺒﻲ ...
ﻛﻌﺪ ﻳﺨﺎﺑﺮ ﻭﺑﻌﺪﻫﺎ ﻛﺎﻝ ﺑﻀﺤﻜﻪ ... ﻓﺪﻳﻴﺒﺖ ﺍﺑﻮ ﺍﻟﺘﻔﻠﻴﺶ ﺍﻟﻲ ﻣﻔﻠﺶ ﻛﻞ ﺍﻓﻜﺎﺭﻱ ﺍﻟﺠﻬﻨﻤﻴﻪ ﻟﻚ ﺍﺭﺳﻠﻲ ﺑﺴﺮﻋﻪ ﺑﺴﺮﻋﻪ ﺑﺴﺮﻋﻪ
ﻭﺭﺩ ﻛﻤﻞ ... ﻋﻤﻲ ﺗﺪﻟﻞ ﺍﻓﺮﻙ ﺑﺴﺘﻮﺗﻪ ﺍﻧﺖ ﻭﺟﻬﺎﻟﻚ ﻭﺍﺷﻐﻠﻠﻜﻢ ﺭﻋﺪ ﻭﻣﻴﺜﺎﻕ ﺑﻌﺪ ﺷﺘﺮﻳﺪ ﻭﺍﺫﺍ ﺗﺮﻳﺪ ﺟﻴﺐ ﺍﻟﻤﺮﻩ ﻭﻳﺎﻛﻢ ﺗﺘﻮﻧﺲ ﻭﻫﺎﺍﺍ ﻋﺎﺯﻣﻜﻢ ﺑﻤﻄﻌﻢ ﻣﻮ ﻣﻦ ﺍﻟﻤﻄﺎﻋﻢ ﺍﻟﺮﺍﻗﻴﻪ ﻻﻥ ﺍﻋﺮﻓﻜﻢ ﻭﺻﺨﻴﻦ ﻛﻠﺸﻲ ﺗﺎﻛﻠﻮﻥ
ﺿﺤﻜﺖ .. ﻫﺬﺍ ﺷﺒﻲ ﺑﺲ ﻳﻐﻠﻂ ﻋﻠﺊ ﺍﺻﺪﻗﺎﺀﻩ ...
ﺭﺟﻊ ﻳﺤﺠﻲ ﻛﺎﻝ ... ﺩﻳﺎﻟﻠﻪ ﺑﻼ ﻟﻮﺍﮔﻪ ﺍﺭﺳﻞ ﺍﻟﻔﻴﺪﻳﻮ ﻭﻟﻴﺪﻱ ﻻ ﺍﻃﻴﺢ ﺣﻀﻚ
ﺿﻞ ﻳﺠﺠﻲ ﻭﻳﺴﻮﻟﻒ ﻭﻧﺮﺳﻞ ﺍﻟﻔﻴﺪﻳﻮ
ﻫﻮ ﻣﻦ ﺷﺎﺍﺍﺍﻓﻪ ﺿﺤﻚ ﺑﺼﻮﻭﻭﺕ ﻋﺎﻟﻲ ﻭﻛﺄﻥ ﺑﻴﺪﻩ ﺷﺊ ﺛﻤﻴﻴﻴﻦ ....
ﺍﻧﻲ ﺗﻘﺮﺑﺖ ﻣﻨﻪ ﻛﺘﻠﻪ ... ﺷﻨﻮﻭ ﻫﺬﺍ
ﺭﺩ ﺑﻀﺤﻜﻪ ... ﻓﻴﺪﻳﻮ ﺯﺍﺋﺪ 18
ﻫﺰﻳﺖ ﺍﻳﺪﻱ ... ﺷﻨﻮ ﻓﻴﺪﻳﻮ ﺯﺍﺋﺪ 18 ﻭﺑﻌﺪﻳﻦ ﺷﻜﻮﻭ ﻫﻠﻜﺪ ﻣﺘﺤﻤﺲ ﻣﺘﺴﺘﺤﻲ ﺑﺎﻟﻠﻪ ﺭﺍﺡ ﺗﺼﻴﺮ ﺟﺪﻭﻭ ﻭﺍﻧﺖ ﺍﺧﻼﻗﻚ ﻫﺎﺑﻄﻪ
ﻛﺎﻝ ... ﺗﺆ ﻣﻴﻮﺱ ﺷﺊ ﻣﺎﻝ ﺍﻟﺞ ﺑﻲ ﺧﺒﺰﻩ ﻻ ﺗﻌﺪﻳﻨﻪ ﺍﻭﻙ ﺣﻮﺑﻲ
ﺭﻓﻌﺖ ﺣﺎﺟﺐ ... ﻟﻴﻜﻮﻥ ﻣﻘﻄﻊ ﺯﺍﺋﺪ 18 ﺗﺎﺑﻊ ﺍﻟﻚ
ﺿﺤﻚ ... ﻻ ﺑﻌﺪ ﺧﺎﻟﺞ ﻻ ﺍﻟﻲ ﻭﻻ ﺷﺊ ﺗﺎﺑﻊ ﺍﻟﻌﻤﻮﺭﻱ ﻭﺣﺒﻴﺒﺘﻪ ﺍﻟﺘﻬﻤﺘﻨﻲ ﺑﺎﻃﻞ ﻫﺬﺍ ﻭﺭﻗﻪ ﺭﺍﺑﺤﻪ ﻭﺿﻐﻂ ﻛﺒﻴﺮ ﻟﺤﺒﻴﺒﺔ ﺑﺲ ﺍﻫﺪﺩﻫﺎ ﺍﺧﻠﻴﻬﺎ ﺗﺠﻲ ﻭﺗﻌﺘﺮﻑ ﻏﺼﺒﺎ ﻋﻨﻬﺎ ﻭﻛﺪﺍﻡ ﺍﺑﻮﻭﻭﻱ ﻭﺍﻥ ﺍﻟﺴﻮﺗﻪ ﻛﻠﻪ ﻓﺒﺮﻛﻪ ﻣﻦ ﻋﺎﻣﺮ
ﻓﺘﺤﺖ ﺣﻠﻜﻲ ﻣﺼﺪﻭﻣﻪ ﻣﻦ ﻛﻼﻣﻪ ﻛﺘﻠﻪ ... ﻭﺍﻧﺖ ﺷﻠﻮﻥ ﺣﺼﻠﺖ ﺍﻟﻔﻴﺪﻳﻮ
ﻛﺎﻝ .. ﻣﻦ ﺧﻼﻝ ﻛﻼﻣﻲ ﻭﻳﺎﻫﺎ ﻭﺻﻔﺘﻠﻲ ﺷﻘﻪ ﻭﻫﺎﻱ ﺍﻟﺸﻘﻪ ﺭﺍﻗﺒﻬﺎ ﺍﺑﻮ ﺍﻟﺘﻔﻠﻴﺶ ﻭﻫﻮ ﺗﻌﺮﻓﻲ ﻋﻨﺪﻩ ﺳﻮﺍﺑﻖ ﺣﻂ ﻛﺎﻣﻴﺮﺍ ﺑﺎﻟﺸﻘﻪ ﺑﻌﺪ ﻣﺎ ﺍﻗﺘﺤﻤﻬﺎ ﻭﺻﻮﺭﻫﻢ
ﻫﺬﺍ ﺍﻟﺘﺼﻮﻳﺮ ﺍﻫﺪﺩﻫﺎ ﺍﻧﺸﺮﻩ ﻭﺍﻧﺎﺳﺨﻪ ﻭﻣﺨﻠﻲ ﻋﻨﺪ ﺍﻛﺜﺮ ﻣﻦ ﺷﺨﺺ ﺍﺧﺎﻑ ﻳﺼﻴﺮ ﺑﻴﻪ ﺷﺊ ﻫﻤﻪ ﻳﻄﻠﻌﻮﻥ ﺍﻟﻔﻴﺪﻳﻮ ﺍﻻﺻﻠﻲ
ﺍﻧﻲ ﻣﺎ ﺍﺭﻳﺪ ﺍﺷﻬﺮﻫﻢ ﻣﺠﺮﺩ ﺍﺭﻳﺪ ﻳﺒﺮﻭﻧﻲ ﻣﻦ ﺍﻟﺘﻬﻤﻪ
ﺟﺮﻳﺖ ﻧﻔﺲ ... ﻣﺴﻠﻢ ﻓﺪﻭﻩ ﺩﻳﺮ ﺑﺎﻟﻚ ﻻ ﻳﻐﺪﺭﻭﻥ ﺑﻴﻚ ﻭﺍﻧﻲ ﻭﻳﻦ ﺍﺭﻭﺡ
ﺍﺑﺘﺴﻢ ... ﻻ ﺗﺨﺎﻓﻴﻦ ﻣﻴﺼﻴﺮ ﺷﺊ ﻣﺠﺮﺩ ﺍﺑﺮﻱ ﻧﻔﺴﻲ ﻭﻧﺮﺗﺎﺡ ﻣﻦ ﻫﻞ ﻫﻤﺞ ﺍﻟﻲ ﻛﺎﻋﺪﻳﻦ ﻭﻳﺎﻫﻢ ﺍﻭﻛﻲ ﻳﺎﻟﺤﻠﻮﻭ ﺑﺎﻟﻘﺮﺍﻥ ﺍﺣﺒﺞ ﺍﻛﺜﺮ ﻣﻦ ﺷﻮﺭﺑﺔ ﺭﻣﻀﺎﻥ
ﺿﺤﻜﺖ .. ﻟﻚ ﻓﺪﻳﺘﻚ ﻏﻴﺮ ﺍﻧﺖ ﺍﻟﻌﺎﻓﻴﻪ ﺑﺲ ﻓﺪﻭﻩ ﺩﻳﺮ ﺑﺎﻟﻚ ﺩﻳﻴﻴﻴﺮ ﺑﺎﻟﻚ ﻻ ﺗﺘﻬﻮﺭ ...
ﻫﻮ ﻫﺰ ﺭﺍﺳﻪ ﺑﺎﻱ ﻭﻛﺘﺐ ﺭﺳﺎﻟﻪ ﻭﺍﺧﺬ ﺻﻮﺭﻩ ﻣﻦ ﺍﻟﻤﻘﻄﻊ ﻭﺭﺳﻠﻬﺎ ﺍﻟﺤﺒﻴﺒﺔ ﻋﺎﻣﺮ ....
........................
ﺟﻨﺖ ﻧﺎﻳﻤﻪ ﻭﺍﻧﻲ ﺍﺣﺲ ﺑﻮﻭﺟﻊ ﺻﺎﺭ ﻫﻮﻭﺍﻳﻪ ﻭﺩﺧﻠﺖ ﺑﺸﻬﺮﻱ ﻭﻫﻮ ﻣﺎ ﺍﺟﻪ ﺍﺣﺴﻪ ﻳﻜﺬﺏ ﻋﻠﻴﻪ ﻭﺑﻌﺪ ﻣﺎ ﻳﺮﺟﻊ
ﺷﻜﺪ ﺟﻨﺖ ﺍﺗﻮﺳﻞ ﺑﻲ ﻳﺠﻲ ﻗﺒﻞ ﻻ ﺍﻭﻟﺪ ﺑﺲ ﻫﻮ ﻳﺘﺤﺠﺞ ﻭﺧﻠﺼﺘﻬﺎ ﺑﺲ ﺍﺑﺠﻲ ﻣﻮ ﻋﻠﻴﻪ ﻭﺍﻧﻤﺎ ﻋﻠﺊ ﻓﺮﺣﺘﻲ ﺍﻟﻤﻜﺴﻮﺭﺓ ﻭﻏﺮﺑﺘﻲ ﺑﺪﻭﻭﻧﻪ
ﻛﻌﺪﺕ ﻭﺍﻧﻲ ﺍﺣﺲ ﺍﺭﻳﺪ ﺍﺭﻭﺡ ﻟﻠﺤﻤﺎﻡ
ﺭﺣﺖ ﻟﻠﺤﻤﺎﻡ ﺩﺧﻠﺖ ﻭﻣﺎ ﺍﺣﺲ ﺍﻟﻪ ﻣﻼﺑﺴﻲ ﺗﺒﻠﻠﺖ ﺣﻴﻴﻞ ﻭﺷﺊ ﻃﻚ ﺑﺒﻄﻨﻲ ﺑﺲ ﺍﻟﻤﺸﻜﻠﻪ ﺍﻧﻲ ﻣﺎ ﺍﻋﺮﻑ ﺷﻨﻮ ﺍﻟﻄﻠﻮﻙ ﻭﻻ ﻣﺠﺮﺑﻪ ﻣﻦ ﻗﺒﻞ ﺻﺢ ﺳﺎﻣﻌﻪ ﺑﺲ ﺍﻟﺴﻤﻊ ﻣﻮ ﻣﺜﻞ ﺍﻟﺤﻘﻴﻘﺔ ﻭﺍﻟﻮﺍﻗﻊ ...
ﻛﻌﺪﺕ ﻋﻠﺊ ﺍﻟﺪﺭﺝ ﻭﺍﻧﻲ ﺍﺗﻠﻮﺉ ﻣﻦ ﺍﻟﻮﺟﻊ ﻭﺍﺑﺠﻲ
ﺷﻔﺖ ﺣﻤﺎﻳﻪ ﻣﺤﻤﺪ ﻃﻠﻊ ﻣﺖ ﻏﺮﻓﺘﻪ ﻭﻫﻮ ﺷﺎﻓﻨﻲ ﻃﺒﻌﺎ ﻫﻮ ﻃﻠﻊ ﻣﻦ ﺍﻟﺴﺠﻦ ﺑﺎﻭﻋﻠﻲ ﻣﺴﺘﻐﺮﺏ
ﻭﺍﺟﻪ ﻳﻤﻲ ﺷﺎﻓﻨﻲ ﺍﺑﺠﻲ ﻛﺎﻝ ﺑﺨﻮﻭﻑ ... ﺗﺎﺝ ﺧﻮﻭﻳﻪ ﺷﺒﻴﻴﺞ
ﻫﻤﺴﺖ ... ﻭﺟﺠﺤﻊ ﺩﻳﺮﻭﺡ ﻭﻳﺠﻲ ﻣﺘﺖ ﺍﺣﺲ ﺍﻟﻮﺟﻊ ﻣﻮﺗﻨﻲ
ﻫﻮ ﺧﺎﺍﻑ ﻛﺎﻝ ... ﺍﺭﻭﺡ ﺍﻛﻌﺪ ﺍﻣﻲ ﻻ ﺗﺨﺎﺍﻓﻴﻦ
ﻛﺘﻠﻪ ... ﻻﺍﺍ ﻋﻮﻓﻬﺎ ﺑﺲ ﺍﻧﻲ ﻳﻤﻜﻦ ﺑﻌﺪﻧﻲ ﺑﻠﻜﻲ ﻣﻦ ﻳﺠﻲ ﺍﺑﺎﺫﺭ ﺍﺟﻴﺐ
ﻫﻮ ﻛﺎﻝ ﺑﺨﻮﻑ ... ﻳﺎﺍﺍ ﺍﺑﺎﺫﺭ ﻳﺎ ﺑﻄﻴﺦ ﻟﺞ ﺑﺎﺑﺎ ﺍﻧﺘﻲ ﻭﺍﺻﻠﻪ ﻣﺮﺣﻠﻪ ...
ﺭﻛﺾ ﻋﻠﺊ ﻋﻤﺘﻲ ﺧﻄﻴﻪ ﻋﻤﺘﻲ ﺍﺟﺘﻲ ﺗﺮﻛﺾ ﻋﻠﻴﻪ ﻛﺎﻟﺖ ... ﻫﺎﺍﺍ ﻋﻤﻪ ﺗﻮﺟﻪ ﺷﺒﻴﺞ ﺷﻨﻮ ﺍﻟﻴﻮﺟﻌﺞ
ﻣﻦ ﺳﻮﻟﻔﺖ ﺍﻟﻬﺎ ﻛﺎﻟﺖ ... ﻳﺎﺍﺍ ﺻﺨﺎﻡ ﻃﻚ ﺭﺍﺱ ﺍﻟﻬﺎﺩﻱ ﻣﺤﻤﺪ ﺑﺴﺮﻋﻪ ﺧﺎﺑﺮ ﻋﻠﺊ ﺍﻡ ﻫﺸﺎﻡ ﻭﺧﻠﻲ ﻭﺣﺪﻩ ﻣﻦ ﺍﺧﻮﺍﺗﻚ ﺗﺠﻲ ﺗﻀﻞ ﻳﻢ ﺍﻟﺒﻨﺎﺕ ﻭﺍﺣﻨﻪ ﻧﺮﻭﺡ ﻟﻠﻤﺴﺘﺸﻔﺊ
ﺣﺴﻴﺖ ﺍﻟﻮﺟﻊ ﺯﺍﺩ ﻋﻨﺪﻱ ﻭﺣﺎﺟﺘﻲ ﺍﻟﻪ ﻛﺒﺮﺕ ﺿﻠﻴﺖ ﺍﺻﺮﺥ ﺑﺼﻮﺕ ﻋﺎﻟﻲ ﻭﺍﻧﻲ ﺍﺫﻛﺮ ﺭﺑﻲ ﻭﺫﻛﺮﺕ ﺍﺳﺴﻤﻪ ﺑﺨﻮﻭﻑ ﻭﺍﺣﺲ ﺃﻳﺎﻣﻲ ﻗﺮﺑﺖ ﻭﺭﺩﺕ ﻫﻮ ﺍﻭﻝ ﻭﺍﺣﺪ ﺍﺷﻮﻓﻪ ....
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻜﻢ 💔
ﻧﻮﺭ ﺳﻤﻮ ﺍﻟﻌﺮﺍﻕ 😘
ﺍﻋﺘﺬﺭ ﻋﻦ ﺍﻟﺘﺎﺧﻴﺮ ﻟﻜﻦ ﻇﺮﻭﻑ ﺧﺎﺭﺝ ﻋﻦ ﺍﺭﺍﺩﺗﻲ ﻭﺍﻥ ﺷﺎﺀ ﺍﻟﻠﺔ ﻣﺎ ﺿﻞ ﺷﺊ ﻭﺍﺧﺘﻤﻬﺎ ﻭﻫﻢ ﺗﺨﻠﺼﻮﻥ ﻭﻫﻢ ﺍﺧﻠﺺ ﺍﻧﻲ
