#البارت الثالث عشر
رواية...#نصف_عذراء_بين_أنياب_قاتلي
#بقلمي..نور سمو العراق
💔💔💔💔💔💔💔💔
اهلا احبتي...مشتاقه الكم هووووايه بكد السماء الحمد لله صرت ام واخيرا...
وهسه حايره ازوجها المن كولها تريدها طكت طكت خطابتها كثرة..ومحتاره لسارة لطلحه لوئام لمنارس..😅
خليها هي تكبر وتزوج اليعجبها..❤😍
وشكرا الكم كلكم علئ سؤالكم ومباركتكم صارت والدتي الاثنين الفات والحمد لله علئ قطعة السكر الي زادت بعائلتي😍
وهذا البارت كاتبته اني بس هسه كملته بمساعدة الابطال طبعا
...............................
دخلت لغرفتي والدمعه بعيني ...
مو الخاطر شئ بس بصراحه ما اعرف شنو الصار ويايه احس جرحني كلامه ...
هو صح اتفقنه يتزوج بس هاي اهانه اليه كدام الكل هسه لعالم دكول ليش تزوج وهو مصار كم يوم من تزوجها
مسحت دموعي بقسووه ...لا مو اني الي توكع دموعي بسبب موضوع تافهه مثل هذا يريد يتزوج الله وياه ومحمد وعلي...ومبروك مقدما...
ضليت اكل بروحي ...وافتر بالغرفه حاجيت نفسي بعصبية...صار عزيز مو انتي انهزمتي منه وما ردتي يالله اكلي تبن واسكتي...
يعني هسه اني لو ما غلطت وانهزمت جان هسه حياتي غيير...المقسوم مضموم الحمد لله على كل حال...
شوويه ودخلت زنوبه كالت بطفوله...توته ابوج يليدج...
تفاجئت وانقبض كلبي بابا اجه خطيه شصار بي من ورايه شلون اجه ..
بسرعه طلعت ملهووفه حتئ حجابي ملبسته دخلت للاستقبال بدون سابق انذار...
ملگيت بس عمو واباذر ...عقدت حواجبي بتساؤل همست...وينه ابووويه...
هي لزمت اديه اشرت علئ ابا ذر كالت...هدا ابوج يليدج
رمشت بعيوني وعمو طكها ضحكه كال...روووح رفعوك من زوجها لابوها بعد شتريد طكيت عمي طكيت..ترقيه سريعه
هو ابتسم كال ...هي الجهال كلها اذا ميكبرون قرن ما يرتاحون...قبل شويه اجتني دكلي بنتك تريدك ...تفاجئت ياربي شوكت خلفت...طلعت تقصد امي
عمو ضحك كله...هسه شويه وتسويني اني ابنك
رد عليه...اي هي بس هاي العايزه عمي يصير ابني...
نزلت راسي بهدوء كتله...محتاجين شئ
هو كال...اي تعالي صبي بعد جاي..
اخذت الاستكاين ورحت بس بيه ضحكه علئ زنوبه من كالت ابووج حللل يستاهل بكد جورج بوش ويريد يتزوج الثانيه....
هي لزمت اديه اشرت علئ ابا ذر كالت...هدا ابوج يليدج
