#بارت 31
رواية...#نصف_عذراء_بين_أنياب_قاتلي
#بقلمي...نور سمو العراق
💔💔💔💔💔💔💔💔💔
متعبه أنا بحجم السماء،
مرهقة الحرف حدّ الشقاء..
أتجوّل حافية القدمين
على أرصفة الحنين،
مسلوبة الحريّة
أتسوّل نظرات السائلين،
باحثة عن حلم راودني ذات مساء؛
لأبحث في عيون المارّة ودفاتر السنين
عنك سيدي..
كسيرة الهوى،
مجروحة أنا..
لا اللقاء مطلبي،
ولا البعد مذهبي
شتّتني حرفي،
فأصبحت غريبة روح لا غريبه وطن...
.............................
ميس...
انقهرت علئ تاج تلقائيا وبحيت وياها احس كلبي،صار نار عليها شكد ما تتعدل حياتها ترجع تتخربط ليش هيج حضها تعيس،ومالها نصيب بالدنيا...
حضنتها باسئ...كافي يعمري لا تبجيين ان شاء لله ربج يلتفت الج وتطلع ما بيها شئ وهو سونار بعده ببدايتة بلكي بمرور الايام يثبت غير شئ ويطلع مابيه شئ هواي هيج حالات وتطلع خطأ بالسونار
ردت بجزع وبكاء...يا خطأ ميس هذا الشئ واضح واني وانتي تعرفين عدنه وراثه بهذا المرض مو ذيج زهراء
ميس...الله كريم حبيبتي ماكو اعتراض علئ امر ربج
تاج ببكاء...الحمد لله
الدكتوره كتبت الها علاج وطلعنه بس هي بس تبجي وتشهك...
شافته من بعيد راكب بسيارته كالت بخوف...ميس لا تحجين ودكولين الطفله معووقه زين اخاف يخليني انزلها مثل صباح ويشد ويايه...
هزيت راسي بأي كتلها ..بس تاج لو تنزليها مو احسن لان راخ تتعبين وهي همات تتعب
ردت بعصبية ومن بيين اسنانها...مييييس اسكتي رجاءا انتي متعرفين ولا حاسه بيه شلون مشتعله نار لج اني انكسرت فرحتي وحتئ لو معاقه ما انزلها احساسي بامومتي بيها غلب كووولشي...خليها حالها حال زهراء اعالجها وراضيه بأمر ربي...
صعدنه بالسياره وهو قابلنه ببتسامه سرعان ما اختفت من شاف وجهه تاج
كال بتساؤل...بشرونه شصاير؟
تاج بلعت ريكها كالت...ميس حامل بولد واني ببنيه وهذا كل الي صار
هو ضحك كال. مبروووك نعمه من الله
