ﺑﺎﺭﺕ 25
ﺭﻭﺍﻳﺔ ... ﻧﺼﻒ ﻋﺬﺭﺍﺀ ﺑﻴﻦ ﺃﻧﻴﺎﺏ ﻗﺎﺗﻠﻲ
ﺑﻘﻠﻤﻲ .. ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔
ﻻ ﺗﺄﺳﻔﻦّ ﻋﻠﻰ ﻏﺪﺭ ﺍﻟﺰّﻣﺎﻥ ﻟﻄﺎﻟﻤﺎ ﺭﻗﺼﺖ ﻋﻠﻰ ﺟﺜﺚ ﺍﻷﺳﻮﺩ ﻛﻼﺏ ﻻﺗﺤﺴﺒﻦّ ﺑﺮﻗﺼﻬﺎ ﺗﻌﻠﻮ ﻋﻠﻰ ﺃﺳﻴﺎﺩﻫﺎ ﺗﺒﻘﻰ ﺍﻷﺳﻮﺩ ﺃﺳﻮﺩﺍً ﻭﺍﻟﻜﻼﺏ ﻛﻼﺏ
.................................
ﻭ
ﻗﻔﻪ .. ﺑﻨﺎﺕ ﺍﻟﻲ ﻃﻠﺒﻮ ﺣﺴﺎﺑﻲ ﺑﺎﻟﻮﺍﺗﺒﺎﺩ ﻃﺒﻌﺎ ﻣﺎﺍﻋﺮﻑ ﺍﻧﺴﺨﻪ ﻟﺬﻟﻚ ﺍﺑﺤﺜﻮ ﺍﻛﺘﺒﻮ ﻧﺼﻒ ﻋﺬﺭﺍﺀ ﻭﺍﻻﻛﺜﺮ ﻣﺸﺎﻫﺪﻩ ﻟﻠﻘﺼﻪ ﻫﻮ ﺣﺴﺎﺑﻲ ﺍﻭﻙ .. ﺍﻥ ﺷﺎﺀ ﻟﻠﻪ ﺍﻓﺘﻬﻤﺘﻮ 😂
ﺍﺗﺮﻛﻢ ﻭﻳﻪ ﺍﻟﻘﺼﻪ ﻣﺘﺎﺑﻌﻪ ﻣﻤﺘﻌﻪ 😘
ﻩ .......................... ﻩ
ﻫﻤﺲ ﺑﺎﺳﺘﻬﺰﺍﺀ ... ﺍﻫﻮﻭ ﺫﻛﺮﻧﺎ ﺍﻟﻤﺠﺎﺭﻱ ﻃﻮﻓﺖ ... ﻫﻢ ﻗﻨﺪﺭﻩ ﻋﺎﻣﺮ
ﻟﺰﻣﺖ ﺍﻳﺪ ﻣﺴﻠﻢ ﺣﻴﻴﻞ .. ﻭﻫﻮ ﺗﻘﺮﺏ ﻣﻨﻪ ﺭﺍﺩ ﻳﺤﻀﻦ ﻣﺴﻠﻢ ﺑﺲ ﻣﺴﻠﻢ ﺍﺑﺘﻌﺪ ...
ﻋﺎﺩ ﻋﺎﻣﺮ ﺗﺪﺍﺭﻙ ﺍﻟﻔﺸﻠﻪ ﻭﺣﻀﻨﻪ ﺭﻏﻢ ﻋﺪﻡ ﺍﺭﺍﺩﺓ ﻣﺴﻠﻢ ...
ﻣﺴﻠﻢ ﺑﻌﺪﻩ ﻣﻨﻪ ﻭ ﻭﺧﺮ ﻫﻮ ﺭﻓﻊ ﺣﺎﺟﺐ ﺑﻐﺮﻭﺭ ﻭﻋﺮﻑ ﻧﻔﺴﻪ ﻏﻴﺮ ﻣﺮﺣﺐ ﺑﻲ ﻣﻦ ﻗﺒﻞ ﻣﺴﻠﻢ ...
ﺍﺟﺖ ﺍﻟﺒﻨﻮﺗﻪ ﺍﻟﺤﻠﻮﻩ ﺍﻟﺪﻟﻮﻋﻪ ﺍﺑﺘﺴﻤﺖ ﺑﻬﺪﻭﺀ ﻭﺳﻠﻤﺖ ﻋﻠﺊ ﻣﺴﻠﻢ ﻭﻋﻠﻴﻪ ﺑﺒﺮﻭﺩ ﻭﺍﻧﻲ ﻫﻤﺎﺗﻴﻦ ﺳﻠﻤﺖ ﺑﺮﻭﺩ ﺑﺪﻭﻥ ﻣﺎ ﺍﺑﻮﺳﻬﺎ ...
ﻭﻣﺮﺓ ﺍﺑﻮ ﻛﺬﻟﻚ ...
ﺿﻠﻴﻨﻪ ﻛﺎﻋﺪﻳﻦ ﻭﺍﻧﻲ ﺧﺎﺗﻠﻪ ﺑﻀﻬﺮ ﻣﺴﻠﻢ ﻭﺧﺎﻳﻔﻪ ﻭﻫﻤﻪ ﻳﺴﻮﻟﻔﻮﻥ ﻭﻣﺴﻠﻢ ﺑﺲ ﻳﻬﺰ ﺑﺮﺍﺳﻪ ﻭﻣﺮﺍﺕ ﻳﺮﺩ ﻣﻦ ﻭﺭﻩ ﺧﺸﻤﻪ
ﺑﺲ ﺷﻔﺖ ﺍﺑﻮ ﺣﻴﻞ ﻓﺮﺣﺎﻥ ﺑﻤﺴﻠﻢ ...
ﺍﺑﻮ ﺻﺎﺭ ﻋﻠﺊ ﺍﻟﻌﺎﻣﻠﻪ ﺍﻟﻌﻨﺪﻫﻢ ﻛﻠﻬﺎ .. ﺣﻀﺮﻱ ﺍﻟﻌﺸﺎ ﺍﻟﻬﻢ
ﺍﺣﻨﻪ ﻣﻘﺒﻠﻨﻪ ﻻﻥ ﻗﺒﻞ ﻻ ﻧﺠﻲ ﺍﺷﺘﺮﻳﻨﻪ ﻓﻼﻓﻞ ﺑﺼﺎﺹ ﻻﻥ ﺍﻟﻌﻨﺒﻪ ﺭﻳﺤﺘﻬﺎ ﻗﻮﻳﻪ ﻭﻳﻌﺮﻓﻮﻥ ﻣﺘﻌﺸﻴﻦ ﻓﻼﻓﻞ ...
ﺻﻌﺪﻧﺎ ﻟﻠﻄﺎﺑﻖ ﺍﻟﺨﺎﺹ ﺑﻴﻨﻪ ﻛﺎﻥ ﻣﺸﺘﻤﻞ ﻛﻮﻭﻭﻟﺶ ﺣﻠﻮ ﻋﺒﺎﺭﻩ ﻋﻦ ﻏﺮﻓﺔ ﻧﻮﻡ ﻭﺍﺳﻌﻪ ﻭﻣﺎﺛﺜﻪ ﻭﺻﺎﻟﻪ ﺻﻐﻴﺮﻩ ﻫﻤﺎﺗﻴﻦ ﺍﺛﺎﺛﻬﺎ ﺣﻠﻮﻭ ... ﻭﺣﻤﺎﻡ ﺩﺍﺧﻠﻲ ... ﻭﻣﻄﺒﺦ ﺗﺤﻀﻴﺮﻱ ﺻﻐﻴﺮ ...
ﺷﻤﺮﺕ ﺭﻭﺣﻲ ﻋﻠﺊ ﺍﻟﺴﺮﻳﺮ ﻭﺍﺍﺍﻱ ﺟﺮﺑﺎﻳﻪ ﺍﻡ ﺍﻟﻜﻤﺰﻩ ﻣﻮ ﺟﺮﺑﺎﻳﺔ ﺍﺑﻮ ﻋﺪﻭﻳﻪ ﺍﺫﺍ ﺍﻛﻤﺰ ﻋﻠﻴﻬﺎ ﻳﻨﻜﺴﺮ ﺿﻬﺮﻱ
ﺷﻔﺖ ﻣﺴﻠﻢ ﻛﺎﻋﺪ ﻋﻠﺊ ﺍﻟﺠﺮﺑﺎﻳﻪ ﻭﻳﻨﺰﻉ ﺑﺴﺎﻋﺘﻪ ...
ﻛﺘﻠﻪ .. ﻣﺴﻠﻢ ﺑﻌﺪ ﺍﺫﺍ ﺗﺮﻳﺪ ﺗﺤﻠﻒ ﺟﺬﺏ ﺷﻠﻮﻥ ﻻﻥ ﺍﻧﺖ ﻣﻦ ﺗﺤﻠﻒ ﺟﺬﺏ ﺗﺤﻠﻒ ﺑﺮﻭﺡ ﺍﺑﻮﻙ ... ﻫﺴﻪ ﺷﻠﻮﻥ ﻭﺍﺣﻨﻪ ﺭﺟﻌﻨﻪ ﻭﻳﺎﻫﻢ ..
ﺑﺎﻭﻋﻠﻲ ﻭﺿﺤﻚ ... ﺣﺒﻮﺑﺘﻲ ﺍﻡ ﺍﻣﻲ ﺍﻟﻠﻪ ﻳﺮﺣﻤﻬﺎ ﻣﻮﺟﻮﺩﻩ ﻭﺧﺎﻟﺘﻲ ﺯﻛﻴﻪ ﻣﺎﺗﺖ ﻗﺒﻞ ﺳﻨﻴﻦ ﻫﻢ ﻧﺤﻠﻒ ﺑﺮﻭﺣﻬﺎ ﻗﺎﺑﻞ ﺧﻠﺼﺖ ﺍﻟﻜﺮﺍﺑﻪ ﻭﺿﻞ ﺑﺲ ﺍﺑﻮﻳﻪ ﺍﺣﻠﻒ ﺑﺮﻭﺣﻪ ؟
ﺿﺤﻜﺖ ... ﺍﻱ ﻫﻢ ﺻﺪﻙ
ﻭﻛﻔﺖ ﺍﺭﺗﺐ ﺑﻤﻼﺑﺴﻪ ﺑﺎﻟﻜﻨﺘﻮﺭ ﻻﻥ ﺍﺣﻨﻪ ﺟﺒﺘﻪ ﺑﺲ ﻣﻼﺑﺴﻨﺎ ﺑﺠﻨﻂ .. ﻭﺻﻌﺪﺗﻬﻦ ﺍﻟﻌﺎﻣﻠﻪ ...
ﺩﺧﻠﺖ ﺳﺒﺤﺖ .. ﻭﺍﺍﻱ ﺭﻭﺡ ﺍﺑﻮ ﺑﺮﻳﺺ ﺿﻞ ﻳﻢ ﺍﻡ ﻋﺒﺪﺍﻟﻠﻪ ﻛﺎﺗﻠﻚ ﺍﻟﻮﺻﺦ ﻳﺎ ﺍﻻﺟﺮﺏ ...
ﺳﺒﺤﺖ ﻭﻛﻤﻠﺖ ﻃﻠﻌﺖ ﻭﺍﻧﻲ ﻻﺑﺴﻪ ﺭﻭﺏ ﺍﻟﺤﻤﺎﻡ ﺟﺒﺘﻪ ﻭﻳﺎﻳﻪ
ﺷﻔﺖ ﻣﺴﻠﻢ ﻳﻠﻌﺐ ﺑﻤﻮﺑﺎﻳﻠﻪ ﻛﻌﺪﺕ ﻳﻤﻪ ﺑﺎﻭﻋﺖ ﻳﺮﺍﺳﻞ ﺑﺼﺪﻳﻘﻪ ﺍﺑﻮ ﺍﻟﺘﻔﻠﻴﺶ ... ﻛﺎﺗﺒﻠﻪ ... ﺩﻳﺮ ﺑﺎﻟﻚ ﻋﻠﺊ ﻃﻴﻮﺭﻱ
ﻋﻔﺘﻪ ﻭ ﻭﻛﻔﺖ ﺍﻣﺸﻂ ﺷﻔﺘﻪ ﺑﺎﻟﻤﺮﺍﻳﻪ ﺍﺟﻪ ﻋﻠﻴﻪ ﺿﻠﻴﺖ ﺍﻣﺸﻂ ﻣﻬﺘﻤﻴﺖ ﺍﻟﻪ ﺣﺘﺊ ﺑﻌﺪ ﻣﻦ ﺍﺟﻲ ﻳﻤﻪ ﻣﺎ ﻳﺮﺍﺳﻞ ﻭﻳﻌﻮﻓﻨﻲ ...
ﻫﻮ ﺣﻀﻨﻲ ﻭﺑﺎﺳﻨﻲ ﺑﻌﻨﻘﻲ ﻫﻤﺲ ... ﻛﻞ ﻫﻞ ﺟﺴﻢ ﻭﻣﺘﺒﺘﺴﻢ
ﺩﻓﻌﺘﻪ ﺑﺪﻟﻊ ﻭﺍﺑﺘﺴﻤﺖ ...
ﺿﺤﻚ ﻛﺎﻝ ... ﻛﻞ ﻫﻞ ﺭﺷﺎﻗﻪ ﻭﻣﺘﺘﺸﺎﻗﻪ
ﺩﺭﺕ ﻭﺟﻬﻲ ﻋﻠﻴﻪ ﻭﻫﻮ ﺑﺎﺳﻨﻲ ﺑﺸﻔﺎﻳﻔﻲ،ﻛﺘﻠﻪ ... ﺍﻧﺖ ﻣﻨﻴﻦ ﺗﺠﻴﺐ ﻫﻞ ﻣﺼﻄﻠﺤﺎﺕ ﻭﺍﻟﺴﻮﺍﻟﻒ ...
ﻫﺰ ﺍﻳﺪﻩ ﻛﺎﻝ .. ﺑﻌﺪ ﻣﺮﺍﻓﮓ ﺍﻟﻌﻔﻄﻴﻪ ﺷﻠﻮﻥ ﻣﺎ ﺍﺻﻴﺮ ﻫﻴﺞ ﻭﻃﺒﻌﺎ ﺗﺮﺑﻴﺔ ﺍﻡ ﻋﺒﺪﺍﻟﻠﻪ ...
ﻋﻀﻴﺘﻪ ﺑﺨﺪﻩ ﺑﻌﺼﺒﻴﺔ ... ﺍﺧﺮ ﻣﺮﻩ ﺗﺬﻛﺮ ﻫﻞ ﻋﺠﻮﺯ ﺍﻟﻤﻨﺤﺮﻓﻪ ﻋﻠﺊ ﻟﺴﺎﻧﻚ ﻻ ﻭ ﺭﻭﺡ ﺟﺪﻱ ﺫﺍﻙ ﺍﻟﻤﺎﺕ ﻭﻣﺎ ﺗﺰﻭﺝ ﺍﻟﺜﺎﻟﺜﻪ ﺍﻛﺘﻠﻚ ﺑﻄﺒﺮ ﻭﻗﺪ ﺍﻋﺬﺭ ﻣﻦ ﺍﻧﺬﺭ ...
ﺭﺩ ﺑﺎﺳﺘﻬﺰﺍﺀ ... ﻳﻤﻤﻪ ﻣﺠﺮﻣﻪ ﻣﻴﻮﺱ ... ﻣﺸﺘﺎﻗﻠﺞ ﻭﻟﺞ ﻳﺎﻟﻠﻪ ﻣﻴﺎﺳﺘﻲ ﺍﺭﻳﺪ ﺍﻧﺤﺮﻑ ﻋﻦ ﺍﻟﻘﻄﻴﻊ ... ﻻ ﺑﺮﻭﺡ ﺍﺧﻮﻱ ﻋﺎﻣﺮ ﺫﺍﻙ ﺍﻟﻤﺎﺕ ﻭﻣﺎ ﺯﺍﺩﻥ ﻧﺠﻤﺎﺗﻪ .. ﺍﺭﻭﺡ ﻻﻡ ﻋﺒﺪ ﺍﻟﻠﻪ ﻭﻗﺪ ﺍﻋﺬﺭ ﻣﻦ ﺍﻧﺬﺭ
ﺣﻂ ﺍﻳﺪﻩ ﻋﻠﺊ ﺷﺮﻳﻂ ﺍﻟﺮﻭﺏ ﻭﻓﺘﺤﻪ ﺣﻀﻨﺘﻪ ﻭﺍﻧﻲ ﺍﺧﻔﻲ ﻧﻔﺴﻲ ﻋﻦ ﺍﻧﻀﺎﺭﻩ ...
ﻫﻮ ﺣﻀﻨﻲ ﻭﺿﺤﻚ ﻛﺎﻝ ... ﺍﺗﻤﻨﺊ ﺍﺻﻮﻓﺮ ﺑﺲ ﺧﺎﻳﻒ ﻳﺼﻌﺪﻟﻲ ﺍﺑﻮﻭﻱ ﻋﺒﺎﻟﻪ ﺟﺒﺖ ﻃﻴﻮﺭﻱ ﻭﺍﺟﻴﺖ ... ﻭﻫﻮ ﻣﺎ ﻳﺪﺭﻱ ﺟﺎﻳﺐ ﺣﻤﺎﻣﺔ ﻣﻦ ﺍﻫﻞ ﻋﺼﻮﻣﻲ ﺗﺴﻮﻩ ﻛﻞ ﻃﻴﻮﺭﻱ ...
ﻳﺎﻟﻠﻪ ﺷﻜﺪ ﻳﺘﻐﺎﺯﻝ ﻭﻳﻀﺤﻜﻨﻲ ....
ﺳﺤﺒﻨﻲ ﻟﻠﺴﺮﻳﺮ ﻭﻫﻮ ﻳﻮﺯﻉ ﻗﺒﻼﺗﻪ ﺍﻟﺤﺎﺭﻩ ﺑﺮﻭﻣﺎﻧﺴﻴﻪ ﻭﺣﺐ ﻭﺍﻧﻲ ﺣﺎﺿﻨﺘﻪ ﺑﺪﻻﻝ ﻓﻌﻼ ﺍﺣﺒﺒﻪ ﻣﺴﻠﻢ ﻣﻠﻜﻨﻲ، ﻭﺣﺒﻴﺖ ﺑﺴﺎﻃﺘﺔ ...
ﺑﺎﺳﻨﻲ ﺑﺨﺸﻤﻲ ﻭﺑﺎﻭﻉ ﺑﻌﻴﻮﻧﻲ ﻭﺭﺟﻊ ﺑﺎﺳﻨﻲ ﺣﻴﻴﻞ ﺣﺴﻴﺖ ﺍﻧﻔﺎﺳﻲ ﺍﻧﻜﻄﻌﺖ .. ﺍﺧﺬﺕ ﻧﻔﺲ ﻭﺭﺟﻌﺖ ﺑﺎﺩﻟﺘﻪ ﺑﺤﺐ ...
........................
ﺑﻌﺪ ﻣﺎ ﺭﺟﻌﻨﻪ ﻣﻦ ﺍﻟﻤﺸﻮﺍﺭ ﺍﻟﻄﻠﻌﻨﻪ ﺑﻲ ﺍﻟﺒﺎﺭﺣﻪ ﺭﺟﻌﺖ ﻧﻤﺖ ﺑﻐﺮﻓﺘﻲ ﻭﻫﻮ ﺭﺍﺡ ﺍﻟﻐﺮﻓﺘﺔ ﺑﻌﺪ ﻣﺎ ﺑﺎﺳﻨﻲ ﻭﺗﻐﺰﻝ ﺷﻮﻳﻪ ﺑﻴﻪ ...
ﻧﻮﻣﺖ ﺍﻟﺒﻨﺎﺕ ﻭﻧﻤﺖ ...
ﻛﻌﺪﺕ ﺍﻟﺼﺒﺢ ﺑﺪﻟﺖ ﻭﺣﻀﺮﺕ ﻧﻔﺴﻲ ﻭﺧﺒﻄﺖ ﺍﻟﻤﻤﻪ ﻟﺰﻫﺮﺍﺀ ﻭﺯﻳﻨﺐ ﻟﺴﻪ ﻧﺎﻳﻤﻪ ... ﻭﺍﺧﺬﺕ ﺣﺠﺎﺑﻲ ﻛﻠﺖ ﻣﻦ ﺍﻃﻠﻊ ﺍﻟﺒﺴﻪ
ﻃﻠﻌﺖ ﻟﻜﻴﺘﻬﻢ ﻳﺘﺮﻳﻜﻮﻥ ﺻﺒﺤﺖ ﻋﻠﻴﻬﻢ ﺑﺒﺘﺴﺎﻣﻪ ... ﺻﺒﺎﺡ ﺍﻟﺨﻴﺮ ..
ﻫﻤﻪ ﺭﺩﻭ ﺻﺒﺎﺡ ﺍﻟﻨﻮﺭ .. ﻭﻫﻮ ﺑﺎﻭﻋﻠﻲ ﻭﺍﺑﺘﺴﻢ ﺳﻮﺍﻟﻲ ﻣﻜﺎﻥ ﻛﻌﺪﺕ ﻗﺮﻳﺐ ﻣﻨﻪ ﻭﺍﺣﺲ ﺑﺎﻧﻔﺎﺳﻪ ...
ﻣﺤﻤﺪ ﻳﺸﺮﺏ ﺟﺎﻱ ﻭﺣﻠﻴﺐ ﻭﻳﻄﻠﻊ ﺻﻮﺕ ﻟﻌﺒﺖ ﻧﻔﺴﻲ ﻣﺎ ﻋﻨﺪﻩ ﺍﺗﻜﻴﺖ ﺑﺎﻻﻛﻞ ﻋﻜﺲ ﺍﺑﺎﺫﺭ ﻳﺎﻛﻞ ﺑﺎﻧﺎﻗﻪ ﻭﺗﺮﺗﻴﺐ ﺑﻌﺪ ﻣﺮﺍﻓﮓ ﻣﺎﻳﻜﻞ ...
ﺑﺴﺮﻋﻪ ﻣﺤﻤﺪ ﺍﻛﻞ ﻭﻃﻠﻊ ﻣﺴﺘﻌﺠﻞ ﻫﻮ ﺩﻭﻣﻪ ﻫﻴﺞ ﻣﺴﺘﻌﺠﻞ ﻭﻳﺎﻛﻞ ﺑﺴﺮﻋﻪ ...
ﻭﻋﻤﺘﻲ ﺭﺍﺣﺖ ﺗﺸﻮﻑ ﺍﻟﺒﻨﺎﺕ ﻫﻮ ﻣﺎ ﺻﺪﻙ ﺳﺤﺒﻨﻲ ﻣﻦ ﺧﺼﺮﻱ ﻭﻗﺮﺑﻨﻲ ﻋﻠﻴﻪ ﻭﺍﻧﻲ ﻧﺰﻟﺖ ﺭﺍﺳﻲ ﺑﺨﺠﻞ ...
ﻫﻤﺲ ﺑﺤﻨﻴﻦ ... ﺍﻭﻭﻑ ﻣﻨﺞ ﻣﻦ ﺗﻠﺒﺴﻴﻦ ﺍﻟﺼﺪﺭﻳﻪ ﻭﺍﻟﻘﻤﻴﺺ ﺍﺣﺴﺞ ﻃﻔﻠﻪ ﻣﺰﻋﺠﻪ ﻣﺪﻟﻠﻪ ﻣﺬﻭﺑﻪ ﻛﻠﺒﻲ ﺗﺬﻭﻭﺏ ...
ﻧﺰﻟﺖ ﺭﺍﺳﻲ ﺍﻛﺜﺮ ﻭﺍﺑﺘﺴﻤﺖ ﻣﺤﺠﻴﺖ ﻭﻳﺎﻫﺎ ...
ﻣﺎ ﺣﺴﻴﺖ ﻏﻴﺮ ﺑﻌﻀﻪ ﻗﺎﺳﻴﻪ ﺑﻌﻨﻘﻲ ﺗﻮﺟﻌﺖ ﺩﻓﻌﺘﻪ ﻭﺻﺮﺧﺖ ﺑﺼﻮﺕ ﺧﻔﻴﻒ،ﻭﺍﻧﻲ ﺍﻓﺮﻙ ﺑﺮﻛﺒﺘﻲ ... ﺍﻭﻭﻭﻱ ﺷﺒﻴﻚ ﻭﺟﻌﺘﻨﻲ ...
ﺿﺤﻚ ﺑﺼﻮﺕ ﻋﺎﻟﻲ ... ﻫﻬﻬﻬﻬﻬﻬﻬﺎﻱ ﺣﺘﺊ ﺧﺎﻑ ﻭﺣﺪﻩ ﻣﻦ ﺍﻟﻄﺎﻟﺒﺎﺕ ﺗﺮﻳﺪ ﺗﺨﻄﺒﺞ ﺗﻌﺮﻑ ﺍﻧﺘﻲ ﻣﺘﺰﻭﺟﻪ ﻭﺍﻻﺛﺎﺭ ﺗﺸﻬﺪ ...
ﺑﺎﻭﻋﺘﻠﻪ ﺑﻌﺪ ﻣﺎ ﺭﻓﻌﺖ ﺣﺎﺟﺐ ... ﻫﺎﺍﺍ ﺗﺮﻳﺪ ﺍﻧﻮﺏ ﺗﺤﺮﻑ ﺍﻟﻄﺎﻟﺒﺎﺕ ﻭﺗﻌﻠﻤﻬﻦ ﻋﻠﺊ ﺍﻟﺴﻮﺍﻟﻒ ﺍﻟﻤﻮ ﺯﻳﻨﻪ ﻣﻮ ﻫﻴﺞ ﺍﺑﻮ ﺍﻟﺰﻧﻮﺝ : ؟
ﺭﺟﻊ ﺑﻨﻔﺲ ﺍﻟﻀﺤﻜﻪ ... ﺩﻃﻴﺮﻱ ﻭﺍﻟﻠﻪ ﻫﺴﻪ ﺗﻠﻜﻴﻬﻦ ﻳﻌﺮﻓﻦ ﺍﻛﺜﺮ ﻣﻦ ﺳﻮﺍﻟﻒ ﻣﺎﻳﻜﻞ ...
ﻭﻛﻔﺖ ﻭﺍﻧﻲ ﺍﺿﺤﻚ ﺭﺗﺒﺖ ﺣﺠﺎﺑﻲ ﻭﻟﺒﺴﺖ ﺣﺬﺍﺋﻲ ﻭﺷﻠﺖ ﺟﻨﻄﺘﻲ . ..
ﻃﻠﻌﻨﻪ ﺳﻮﻩ ﺑﻌﺪ ﻣﺎ ﺳﻠﻤﻨﻪ ﻋﻠﺊ ﻋﻤﺘﻲ ﺷﻔﻨﻪ ﺭﺍﺿﻲ ﻭﺍﻛﻒ ﺑﺎﻟﺒﺎﺏ ...
ﺍﺟﻪ ﺗﻘﺮﺏ ﻣﻦ ﺍﺑﺎﺫﺭ ﺑﻌﺼﺒﻴﺔ ﻛﻠﻪ ... ﺍﻧﺖ ﺍﻟﺊ ﻣﺘﺊ ﺗﻀﻞ ﻣﻐﺮﻭﺭ ﻭﺷﺎﻳﻒ ﺭﻭﺣﻚ ﺗﺮﺉ ﺍﻧﻲ ﺍﺧﻮﻙ ﺍﻛﺒﺮ ﻣﻨﻚ ﻭﺍﻟﻜﻞ ﻳﺤﺘﺮﻣﻨﻲ ﻭﻳﻬﺎﺑﻨﻲ ﻟﻴﺶ ﺗﺤﺠﻲ ﻋﻠﻴﻪ ﻛﺪﺍﻡ ﺍﻟﻌﺎﻟﻢ ﻭﺗﺴﻘﻂ ﺑﻴﻪ ...
ﻫﻮ ﺟﺎﻭﺑﻪ ﺑﺒﺮﻭﺩ ... ﺧﻴﻴﺮ ﺧﻴﻴﻴﺮ ﺍﺧﺬﺗﻨﻲ ﺣﺎﺻﻞ ﻓﺎﺻﻞ ﻓﻬﻤﻨﻪ ﺷﺼﺎﺭ ﺍﺫﺍ ﻋﻠﺊ ﻛﻼﻣﻲ ﻛﺪﺍﻡ ﺍﻟﻌﺸﻴﺮﻩ ﻓﺈﻧﻲ ﻫﺬﺍ ﻛﻼﻣﻲ ﺍﺣﺠﻲ ﻛﺪﺍﻣﻚ ﻣﻮ ﻭﺭﺍﻙ ﺍﻧﺖ ﺍﺧﺬﺕ ﺣﻖ ﺯﻳﻨﺐ ﻭﺯﻫﺮﺍﺀ ﻭﻃﻤﺎﻉ ﻭﺟﺸﻊ ﻻ ﺯﻳﺪﺕ ﻭﻻ ﻧﻘﺼﺖ ...
ﻫﻮ ﺭﻓﻊ ﺇﺻﺒﻌﻪ ﺑﺘﻬﺪﻳﺪ ... ﺷﻔﺖ ﺷﻜﺪ ﻧﺬﻝ ﺍﻧﺖ
ﺍﺑﺎﺫﺭ ﺗﻘﺮﺏ ﻣﻨﻪ ﻭﻫﻤﺲ ﻣﻦ ﺑﻴﻦ ﺍﺳﻨﺎﻧﻪ ... ﻣﻮ ﺍﻧﺬﻝ ﻣﻨﻚ ﺻﺪﮔﻨﻲ ..
ﺍﻧﻲ ﺟﻨﺖ ﺍﺑﺎﻭﻉ ﻋﻠﻴﻬﻢ ﺑﺤﺪﻩ ﺍﺗﻤﻨﻰ ﺭﺍﺿﻲ ﻳﺨﺘﻔﻲ ﻣﻦ ﺍﻟﻮﺟﻮﺩ ﺍﻛﺮﻩ ﺣﻴﻴﻴﻞ ﻻﻥ ﺟﺎﻥ ﺻﺒﺎﺡ ﻣﺤﺒﺲ،ﺑﻴﺪﻩ ﻭﻫﻮ ﻟﻀﺎﻟﻢ ﺍﻻﻭﻝ ﻟﻬﺒﻪ ﻻﻥ ﻫﻮ ﻳﺤﻀﺮ ﺻﺒﺎﺡ ﻋﻠﻴﻬﺎ ...
ﺭﺩ ﻋﻠﻴﻪ ﺭﺍﺿﻲ .. ﺍﺩﺭﻱ ﺷﺘﺮﻳﺪ ﺭﺣﻤﻪ ﺍﻟﺮﺑﻚ ﻣﻮ ﻛﺘﻠﻚ ﺍﻧﻄﻴﻚ ﻣﻦ ﺍﻟﻔﺼﻞ ﻟﻴﺶ ﺍﻟﻌﺎﻟﻢ ﺍﻧﻬﺰﻣﻮ ﻣﻨﻚ ﻟﻴﺶ ﺗﺘﺨﻬﻢ ﻭﺭﻗﻪ ﺭﺍﺑﺤﻪ ﺍﻟﻤﺼﻠﺤﺘﻚ ﺗﺮﻳﺪ ﻣﻦ ﺍﻟﻔﺼﻞ ﺍﻧﻄﻴﻚ
ﺍﺑﺎﺫﺭ ﺑﺠﻤﻮﺩ ... ﻣﺎ ﺍﺭﻳﺪ ﻭﻻ ﺭﺑﻊ ﺑﻴﻚ ﺧﻴﺮ ﻭﺗﻌﺘﺒﺮ ﻧﻔﺴﻚ ﺍﻧﺴﺎﻥ ﺣﻘﺎﻧﻲ ﺍﺷﺘﺮﻱ ﺑﻴﺖ ﻛﺎﻣﻞ ﺑﻤﻨﻄﻘﻪ ﺑﻴﻬﺎ ﺧﻴﺮ ﻭﺍﺫﺍ ﻓﺘﺤﺖ ﺣﻠﻜﻲ ﺗﻌﺎﻝ ﻋﺎﺗﺒﻨﻲ ... ﻫﺎﺍﺍ ﻭﻫﻢ ﻣﻬﺪﻱ ﻣﺎﺕ ﻣﻈﻠﻮﻡ ﻫﻢ ﺍﺩﻓﻊ ﺍﻟﻪ ﻣﻦ ﺣﻘﻪ ﺭﺩﻭﺩ ﻣﻈﺎﻟﻢ ﻭﺻﻮﻡ ﻭﺻﻼﺓ ...
ﺭﺩ ﺻﺒﺎﺡ ... ﺷﻨﻮﻭﻭ ﺷﻌﻨﺪﻱ ﻧﺎﻳﻤﻠﻲ ﻋﻠﺊ ﺑﻨﻚ ﻭﺑﻌﺪﻳﻦ ﻣﻬﺪﻱ ﺩﻓﻌﺖ ﺍﻟﻪ ﺭﺩﻭﺩ ﻣﻈﺎﻟﻢ ﻭﺻﻮﻡ ﻭﺻﻼﺓ ﺑﺲ ﺍﻧﺘﻢ ﻣﺘﺪﺭﻭﻥ .... ﻭﺍﺫﺍ ﺗﺮﻳﺪ ﺍﺣﻠﻔﻠﻚ
ﺍﺑﺎﺫﺭ ... ﺍﻫﻮﻭ ﻛﺎﻟﻮ ﻟﻠﺤﺮﺍﻣﻲ ﺍﺣﻠﻒ ﻛﺎﻝ .. ﺍﺟﺎﻧﻲ ﺍﻟﻔﺮﺝ ﺍﺫﺍ ﺗﺮﻳﺪ ﺗﺪﻓﻊ ﺍﻟﻤﻬﺪﻱ ﺍﻟﻠﻪ ﻳﺮﺣﻤﻪ ﺗﺪﻓﻊ ﻛﺪﺍﻣﻲ ﻭﺍﻛﻮﻥ ﺍﻧﻲ ﺍﻭﻝ ﺍﻟﺤﺎﺿﺮﻳﻦ ﺍﻣﺎ ﺍﺫﺍ ﻏﻴﺮ ﻫﺬﺍ ﺍﻟﺸﺊ ﻻ ﻭﺍﻟﻒ ﻻ ﻭﻣﺎ ﺍﻗﺒﻞ ﺑﺎﻟﺪﻳﻪ ...
ﻫﻮ ﺭﺍﺩ ﻳﺤﺠﻲ ﺍﺑﺎﺫﺭ ﻟﺰﻣﻨﻲ ﻣﻦ ﺍﻳﺪﻱ ﻭ ﺭﺣﻨﻪ ﺻﻌﺪﻧﺎ ﺑﺎﻟﺴﻴﺎﺭﻩ ﺗﺤﺖ ﺍﻧﻈﺎﺭﻩ ...
ﻫﻮ ﻓﺮ ﺍﻟﺴﻴﺎﺭﻩ ﻭﺭﺣﻨﻪ ﻟﻠﻤﺪﺭﺳﻪ ﺟﻨﺖ ﺍﺭﻳﺪ ﺍﺣﺠﻴﻲ ﻭﻳﺎﻩ ﺑﻤﻮﺿﻮﻉ ﺭﺍﺿﻲ ﻭﺍﺷﻜﻲ ﻣﻨﻪ ...
ﻫﻮ ﻛﺎﻝ ... ﺗﺪﺭﻳﻦ ﺭﺍﺿﻲ ﺭﺍﺩ ﻳﺴﺘﻐﻠﺞ ﺍﻟﺼﺎﻟﺤﻪ ﻓﻜﺮﺕ ﺍﺫﺍ ﻭﺍﻓﻘﺘﻲ ﻋﻠﺊ ﻛﻼﻣﻪ ﻳﻤﻜﻦ ﺍﺣﺮﻙ ﺭﻭﺣﻴﻲ ﺑﺘﻴﺰﺍﺏ ﻭﺍﺣﺮﻛﺞ ...
ﺟﺮﻳﺖ ﻧﻔﺲ ﻭﺳﻜﺘﺖ ﺧﺎﻳﻔﻪ ﻳﺤﺮﻛﻨﻲ ﻋﺎﺩﻱ ﻋﻨﺪﻩ ﻳﻄﻠﻖ ﻫﻴﺞ ﻛﻠﻤﻪ ﻣﻮ ﻳﻌﺮﻑ ﺍﻧﻲ ﻫﺬﺍ ﺍﻟﻤﻮﺿﻮﻉ ﻳﺠﺮﺣﻨﻲ ﻭﻳﺎﺫﻳﻨﻲ ...
ﺣﺴﻴﺘﻪ ﺣﺲ ﺑﻴﻪ ﺯﻋﻠﺖ ﻋﺎﺩ ﻫﻮ ﺳﺤﺐ ﺍﻳﺪﻱ ﻭﺑﺎﺳﻬﺎ ﺑﻬﺪﻭﺀ ﻛﺎﻝ ... ﻣﻮ ﻗﺼﺪﻱ ﻳﺮﻭﺣﻲ ﺍﺳﻒ ﻭﺍﻟﻠﻪ
ﺑﻠﻌﺖ ﺭﻳﻜﻲ ﻭﺳﻜﺘﺖ ...
ﺷﻮﻳﻪ ﻭﺍﺗﺼﻞ ﺑﻴﻪ ﻣﺎﻳﻜﻞ ﺿﻞ ﻳﺮﻃﻦ ﺑﺎﻻﺟﻨﺒﻲ ﺷﻜﺪ ﺍﻛﺮﻩ ﻫﺎﻱ ﺍﻟﻠﻬﺠﻪ ﻭﺍﻛﻮ ﻛﻠﻤﺎﺕ ﺍﺻﻼ ﻣﺎ ﺍﻋﺮﻓﻬﻦ ...
ﻭﺷﻜﺪ ﺍﻛﺮﻩ ﻣﺎﻳﻜﻞ ﺧﻠﺼﺖ ﻣﻦ ﻧﺼﻴﺮﻩ ﺗﻄﻠﻌﻠﻲ ﺿﺮﻩ ﺟﺪﻳﺪﻩ ﺍﺳﻤﻬﺎ ﻣﺎﻳﻜﻞ ... ﻋﺎﺑﺖ ﺣﺘﺊ ﻋﺎﺑﺖ ﻣﺎ ﻋﻨﺪﻩ ﺫﻭﻕ ..
ﺍﺧﺮ ﺟﻤﻠﻪ ﺣﺠﺎﻫﺎ ﺿﺤﻜﺖ ﻋﻠﻴﻬﺎ ﻣﻦ ﻛﺎﻝ ... Michael, greedy, you are keeping me away from my beloved wife, you have your connection
ﻧﺰﻟﺖ ﻣﻦ ﺍﻟﺴﻴﺎﺭﻩ ﺑﻌﺪ ﻣﺎ ﺍﺧﺬﺕ ﻣﻨﻪ ﻣﺼﺮﻑ ﻭﺿﺤﻜﺖ ﻋﻠﺊ ﻛﻼﻣﻪ ﻓﻌﻼ ﻣﺎﻳﻜﻞ ﺩﻳﺒﻌﺪﻧﻪ ﻋﻦ ﺑﻌﺾ ﻫﻬﻬﻬﻪ
ﺩﺭﺕ ﻭﺟﻬﻲ ﺷﻔﺘﻪ ﺑﻌﺪﻩ ﻣﺮﻛﺰ ﻋﻠﻴﻪ ﺑﻨﻈﺮﺍﺗﻪ ﺍﻟﻐﺎﻣﻀﻪ ﻭﺍﺑﺘﺴﺎﻣﺘﻪ ﺍﻟﺨﺒﻴﺜﻪ ... ﻳﺎﻟﻠﻪ ﺷﻜﺪ ﺣﻠﻮﻩ ﺍﻟﺤﻴﺎﺓ ﺍﺫﺍ ﺿﻠﺖ ﻫﻴﺞ ... ﺑﺲ ﻛﻮﻥ ﻣﺎﻳﻜﻞ ﻭﺭﻭﻳﻀﻲ ﻳﻨﻘﺮﺿﻮﻥ ....
ﺩﺧﻠﺖ ﺍﻟﻤﺪﺭﺳﻪ ﺑﺪﻩ ﺍﻻﺳﻄﻔﺎﻑ ﻭﻗﺮﻳﻨﻪ ﺍﻟﻨﺸﻴﺪ ﺍﻟﻮﻃﻨﻲ ﻭﺻﺎﺭ ﺗﻔﺘﻴﺶ ﻣﻨﻮ ﻣﺨﻠﻴﻪ ﺣﻤﺮﻩ ...
ﻋﺎﺩ ﻟﻮ ﺍﺷﻮﻓﻬﻢ ﻋﻀﺔ ﺍﺑﺎﺫﺭ ﺍﻗﻮﺉ ﻣﻦ ﺍﻟﺤﻤﺮﻩ ﺍﺣﺘﻤﺎﻝ ﻳﻄﺮﺩﻭﻧﻲ ﻣﻦ ﺍﻟﻤﺪﺭﺳﻪ ....
ﺑﺪﺀ ﺍﻟﺪﺭﺱ ﺍﻻﻭﻝ ﺍﺳﻼﻣﻴﻪ ﻭﺑﻌﺪﻫﺎ ﻋﺮﺑﻲ ﻭﻛﻴﻤﻴﺎﺀ .. ﻭﺍﻡ ﺍﻻﺣﻴﺎﺀ ﺟﺎﻧﺖ ﻣﺠﺎﻳﻪ ...
ﻋﺎﺩ ﺿﻠﻴﻨﻪ ﻧﻠﻌﺐ ﺍﺣﻨﻪ ﻭﺑﻨﺎﺕ ... ﺻﻌﺪﺕ ﻋﻠﺊ ﺍﻟﺮﺣﻠﻪ ﻭﺍﻧﻲ ﺍﻗﻠﺪ ﺯﻟﻴﺨﻪ ﻭﺍﺻﻴﺢ ﺍﺑﺎﺫﺭ ﻳﺎ ﻗﺎﺳﻲ ﺍﻟﻘﻠﺐ ﺍﻛﺮﻫﻚ ..
ﻣﺎ ﺍﺷﻮﻑ ﺍﻟﻪ ﺍﻟﺮﺣﻠﻪ ﺍﻧﻜﺴﺮﺕ ﺑﻴﻪ ﻭﻭﻛﻌﺖ ﻋﺎﺩ ﺍﻟﺒﻨﺎﺕ ﺍﺟﻦ ﻳﺮﻛﻀﻦ ﻛﻮﻣﻨﻲ ﻭﺍﻧﻲ ﺍﺑﺠﻲ ﻣﻦ ﺭﺟﻠﻲ
ﻭﺍﻛﻮ ﻟﻮﻛﻴﺎﺕ ﺭﺍﺣﻦ ﻳﺮﻛﺾ ﻛﺎﻟﻦ ﻟﻠﻤﺪﻳﺮﻩ ﻭﺍﻟﻤﺪﻳﺮﻩ ﺭﺯﻟﺘﻨﻲ ﻭﻫﻲ ﻋﻨﺪﻫﺎ ﺭﻗﻢ ﺯﻭﺟﻲ ﺍﻟﻤﻮﻗﺮ ﻋﺎﺩ ﺍﺗﺼﻠﺖ ﺑﻲ ﻭﻃﻠﺒﺘﻪ ﺿﺮﻭﺭﻱ ...
ﻋﺎﺩ ﺍﻧﻲ ﺑﻠﻌﺖ ﺍﻟﻌﺎﻓﻴﻪ ﺷﻠﻮﻥ ﻓﺸﻠﻪ ﻛﺪﺍﻣﻪ ...
........................
ﻗﺪﺭ ...
ﻛﻨﺖ ﻛﺎﻋﺪﻩ ﮔﺮﻳﺐ ﻣﻦ ﻫﺸﺎﻡ ... ﺣﻜﺊ ﺑﻬﺪﻭﺀ ... ﻗﺪﻭﺭﻩ ﺍﺭﻳﺪ ﻋﻼﺟﻲ ...
ﻫﻤﺴﺖ ﺑﻬﺪﻭﺀ ... ﺗﺂﻣﺮ ﻳﺤﻠﻮﻭ
ﻫﻮ ﺍﺑﺘﺴﻢ ...
ﻛﻨﺖ ﺩﺍ ﺍﻃﻠﻊ ﺍﻧﻀﺮﺑﺖ ﺑﻤﻌﺘﺼﻢ ﺣﻜﻴﺖ ﺑﻔﺸﻠﻪ ... ﻳﻮﻭ ﻛﺜﻴﺮ ﺍﺳﻔﻪ ﻣﺎ ﺷﻔﺘﻚ
ﻫﻮ ﺩﺣﻜﻠﻲ ﺑﻬﺪﻭﺀ ﻭﻣﺎ ﺣﻜﺊ ... ﻭﺩﺧﻞ ﻟﻠﺼﺎﻟﻪ ﻋﻨﺪ ﻫﺸﺎﻡ ...
ﺭﺣﺖ ﺟﺒﺖ ﺍﻟﻌﻼﺝ ﻭﺍﻧﻄﻴﺘﻮ ﺍﻟﻮ ﻭﺍﻧﻄﻴﺘﻮ ﻣﻲ ﺷﺮﺑﺘﻪ ﻭﺍﺑﺘﺴﻤﺖ ... ﺍﻥ ﺷﺎﺀ ﻟﻠﻪ ﺑﺎﻟﺸﻔﺎﺀ
ﺭﺩ ﺑﺒﺘﺴﺎﻣﻪ ... ﺗﺴﻠﻤﻴﻦ ﻗﺪﻭﺭ ..
ﻣﻌﺘﺼﻢ ﺟﺮ ﻧﻔﺲ ﺣﻜﺊ ... ﺍﻱ ﻫﺸﺎﻡ ﺷﻠﻮﻧﻚ ﺍﻥ ﺷﺎﺀ ﻟﻠﻪ ﻣﺮﺗﺎﺡ
ﺭﺩ ﻫﺸﺎﻡ ﺑﺮﺍﺣﻪ ... ﺍﻟﺤﻤﺪ ﻟﻠﻪ ﻣﺮﺗﺎﺡ ﻭﺣﺎﻟﻴﺎ ﺩﺍ ﺍﺩﺧﻞ ﻣﻮﺍﻗﻊ ﺍﻟﻤﻔﺎﺻﻞ ﻭﺍﻷﻋﺼﺎﺏ ﻭﺍﻟﻜﺴﻮﺭ ...
ﺗﻮﺍﺻﻠﺖ ﻭﻳﻪ ﺑﺮﻓﺴﻮﺭ ﺑﺮﻳﻄﺎﻧﻲ ﻭﺷﺮﺣﺖ ﺣﺎﻟﺘﻲ ﻭﺍﻟﻪ ﻭﺍﻧﻄﻴﺘﻪ ﺍﻟﺘﺤﻠﻴﻼﺕ ﻭﺍﻻﺷﻌﻪ ﻭﺍﻟﺴﻮﻧﺎﺭﺍﺕ ﻛﻠﻬﻢ ﺻﻮﺭﺗﻬﻢ ﻭﺭﺳﻠﺘﻬﻦ ...
ﻛﺎﻝ .. ﺍﻥ ﺷﺎﺀ ﻟﻠﻪ ﺍﺩﺭﺱ ﺣﺎﻟﺘﻚ ﻭﺍﺭﺟﻌﻠﻚ ﺧﺒﺮ ...
ﺍﺑﺘﺴﻤﺖ ... ﺍﻥ ﺷﺎﺀ ﻟﻠﻪ ﻳﺎﺭﺏ ﺍﻛﻮ ﻧﺘﻴﺠﻪ ﻭﻟﻮ ﺍﻧﺎ ﻣﺘﻔﺎﺋﻠﻪ ﻛﺜﻴﺮ ...
ﻣﻌﺘﺼﻢ ﺩﺣﻜﻠﻲ ﺣﻜﺊ ... ﺍﻥ ﺷﺎﺀ ﻟﻠﻪ ﺍﻛﻮ ﻧﺘﻴﺠﻪ ﻭﻋﻤﻠﻴﺘﻚ ﻻ ﺗﺎﻛﻞ ﻫﻤﻬﺎ ﻛﻠﻬﺎ ﻋﻠﺊ ﺣﺴﺎﺑﻲ ﻭﺍﺳﺎﻓﺮ ﻭﻳﺎﻙ ﻭﺍﻃﻠﺐ ﺍﺟﺎﺯﻩ ﺍﺩﻟﻞ ...
ﺍﻧﻲ ﺣﻜﻴﺖ ﺑﻔﺰﻩ ... ﺍﻧﺎ ﺍﺭﻭﺡ ﻭﻳﻪ ﻫﺸﺎﻡ ﺍﺗﻔﻘﻨﻪ ﻣﻦ ﺯﻣﺎﻥ
ﻫﻮ ﻣﺎﺭﺩ ﻋﻠﻴﻪ ﺑﺴﺮﻋﻪ ﻧﺰﻝ ﻋﻴﻮﻧﻮ ....
ﻫﺸﺎﻡ ﺿﺤﻚ ... ﻫﻬﻬﻬﻪ ﻭﻳﻦ ﺭﺍﻳﺤﻴﻦ ﻧﺘﻮﻧﺲ ﻳﺤﻠﻮﻩ ﻻ ﺿﻠﻲ ﻛﺎﻋﺪﻩ ﻫﻨﺎ ﻭﺍﻧﻲ ﺍﺟﻴﺞ ﺍﻣﺸﻲ ﻋﻠﺊ ﺭﺟﻠﻴﻪ ...
ﺭﺩﻳﺖ ﺑﻔﺮﺡ .. ﻳﻮﻡ ﺍﻟﻬﻨﺎ ﻭﺍﻟﻠﻪ ﺑﺲ ﻫﺸﺎﻡ ﺍﺣﻨﻪ ﺍﺗﻔﻘﻨﺊ ﻟﻴﺶ ﻣﻮ ﻋﻨﺪ ﺍﺗﻔﺎﻗﻚ ﻭﻭﻋﺪﻙ ﺍﺯﻋﻞ ﻋﻠﻴﻚ ﻣﺜﻼ
ﺿﺤﻚ ﺑﺼﻮﺕ ﻋﺎﻟﻲ .... ﻫﻬﻬﻬﻬﻬﻬﻬﻬﻬﻪ ﺷﻮﻛﺖ ﻭﻋﺪﺝ .. ﻭﺷﻠﻮﻥ ﺗﺰﻋﻠﻴﻦ ﺗﻬﻮﻧﻴﻦ ﻣﺜﻼ
ﺩﺭﺕ ﻭﺟﻬﻲ ﺯﻋﻼﻧﻪ ﻭﻣﻌﺘﺼﻢ ﻓﺘﺢ ﻣﻮﺑﺎﻳﻠﻮ ﻭﺍﺗﺼﻞ ﻭﻃﻠﻊ ﻭﺿﻞ ﻳﺤﻜﻲ ﺑﻤﻮﺑﺎﻳﻠﻮﻭ ...
ﺩﺣﻜﺖ ﻋﻠﻴﻪ ﻭﺭﺣﺖ ﺍﻟﻬﺸﺎﻡ ﺳﻨﺪﺕ ﻧﻔﺴﻲ ﻋﻠﺊ ﻛﺮﺳﻲ ﻫﺸﺎﻡ ﺩﺣﻜﺘﻠﻮ ﺑﻘﻬﺮ ... ﻳﻌﻨﻲ ﺗﺴﺎﻓﺮ ﻟﻮﺣﺪﻙ ﻭﻣﺎ ﺗﺎﺧﺬﻧﻲ
ﻫﻮ ﺳﺤﺒﻨﻲ ﻣﻦ ﺭﺍﺳﻲ ﻭﺑﺎﺳﻨﻲ ﺣﻴﻴﻴﻞ
ﻭﺑﻌﺪﻧﻲ ﻫﺸﺎﻡ ﻋﻨﻮ ﺣﻜﺖ ﻭﺭﺍﻳﻪ ﺷﻔﺘﻮ ﻋﻤﻮ ﻣﻌﺘﺼﻢ ﻭﺍﻛﻒ ﻳﺪﺣﻚ ﻭﺗﺪﺍﺭﻙ ﺍﻟﻤﻮﻗﻒ ﺑﻠﻊ ﺭﻳﻜﻮ ﺣﻜﺊ .. ﺍﺀﺀ ﺍﻟﻌﻔﻮ ﺑﺲ ﻧﺴﻴﺖ ﻣﻔﺎﺗﻴﺢ ﺳﻴﺎﺭﺗﻲ
ﺍﺧﺬ ﻣﻔﺎﺗﻴﺤﻮ ﻭﻃﻠﻊ ﻭﺍﻧﺎ ﺿﺤﻜﺖ ﻫﺸﺎﻡ ﺿﺮﺑﻨﻲ ﺑﺨﻔﻪ ... ﻓﻀﺤﺘﻴﻨﻪ ﻳﺎﻟﻔﻀﻴﺤﻪ ...
ﺣﻜﻴﺖ ﺑﻤﺮﺡ .. ﺷﻌﻠﻴﻨﻪ ﺑﻲ ﺭﺟﺎﻝ ﻭﻣﺮﺗﻮ ﻫﻮ ﺷﻨﻮ ﺩﺧﻠﻮﻭ ﻫﻬﻬﻬﻬﻬﻬﻪ
ﻃﻠﻌﺖ ﺍﺳﻮﻱ ﺍﻟﻬﺸﺎﻡ ﺟﺎﻱ ﺷﻔﺖ ﺍﻣﻮ ﻟﻤﻌﺘﺼﻢ ﺗﺤﻜﻲ ﻭﻳﺎﻩ ...
ﺍﻧﺘﺒﻬﺖ ﻋﻠﻴﻪ ﺣﻜﺊ ... ﺭﻭﺣﻲ ﺍﻧﺘﻲ ﻭﺍﺑﻮ ﻫﺸﺎﻡ ﻟﺒﻴﺖ ﺍﺑﻮ ﻓﺆﺍﺩ ﺍﺭﻳﺪ ﺍﺧﻄﺐ ﺩﻋﺎﺀ ﻭﺣﺪﺩﻭﻟﻲ ﻣﻮﻋﺪ ﻟﻠﺨﻄﺒﻪ ..
ﺍﺑﺘﺴﻤﺖ ﺍﻱ ﺩﻋﺎﺀ ﺗﺤﺒﻮ ﻭﻣﻌﺘﺮﻓﻪ ﺑﻬﺬﺍ ﺍﻟﺸﺊ ﻣﻌﺘﺼﻢ ﺍﻧﺴﺎﻥ ﻫﺎﺩﺉ ﻣﺎ ﺍﺷﻮﻑ ﻳﺮﻫﻢ ﻭﻳﻪ ﺩﻋﺎﺀ ﻻﻧﻮ ﻫﻮ ﻫﺎﺩﺉ ﻭﻋﺼﺒﻲ ﻭﻫﻲ ﻣﺮﺣﻪ ﻭﻭﻛﺤﻪ ....
ﻭﻓﻌﻼ ﺑﻴﺒﻲ ﻭﻋﻤﺘﻲ ﻣﺎ ﻛﺬﺑﻮ ﺧﺒﺮ ﺭﺍﺣﻮ ﺑﺴﺮﻋﻪ ﻳﺨﻄﺒﻮ ﺩﻋﺎﺀ ...
ﻭﻫﻮ ﻃﻠﻊ ﻣﺰﻋﻮﺝ ﻭﺭﻛﻊ ﺍﻟﺒﺎﺏ ﺑﻜﻞ ﻗﻮﺗﻮ ﻭﺭﺍﺡ ﻳﻨﻔﺦ ﺑﺠﻜﺎﺭﺗﻮ ....
........................
ﻭﻛﻔﺖ ﻣﻘﺎﺑﻴﻞ ﺍﻟﻤﺪﻳﺮﻩ ﻭﺍﻧﻲ ﻣﻨﺰﻟﻪ ﺭﺍﺳﻲ،ﺑﺨﺠﻞ ﻭﻫﻮ ﻭﺍﻛﻒ ﺑﻄﻮﻟﺔ ﺍﻟﻔﺎﺭﻉ ﻭﺭﺟﻮﻟﺘﻪ ﺍﻟﻄﺎﻏﻴﻪ
ﺍﻟﻤﺪﻳﺮﻩ ﺍﺳﻤﻬﺎ ﺳﺖ ﻭﺭﻗﺎﺀ ﺑﺲ ﻫﻲ ﺣﺒﺎﺑﻪ ﻣﺪﺭﻱ ﺷﺒﻴﻬﺎ ﺍﻟﻴﻮﻡ ﺗﻜﻠﻤﺖ ﺑﺠﺪﻳﻪ ... ﺍﻧﺖ ﺷﻨﻮ ﺗﻘﺮﺏ ﺍﻟﺘﺎﺝ ﻳﺤﻴﺊ
ﺑﺎﻭﻋﻠﻲ ﻭﺟﺮ ﻧﻔﺲ ﻛﻠﻬﺎ ... ﺯﻭﺟﻬﺎ ...
ﺟﺎﻭﺑﺘﻪ ... ﺗﺎﺝ ﺑﺼﺮﺍﺣﻪ ﺣﻴﻴﻞ ﻭﻛﺤﻪ ﻭﺧﺎﺑﺼﻪ ﺍﻟﻤﺪﺭﺳﻪ ﻣﻦ ﻏﻴﺮ ﺍﻟﺴﺎﻧﻬﺎ ﺍﻟﻄﻮﻳﻞ ﻭﻳﻪ ﺍﻟﻤﺪﺭﺳﺎﺕ ﻭﻋﻨﺎﺩﻫﺎ ﺍﻟﺪﺍﺋﻢ ...
ﺍﻧﻲ،ﻻﻥ ﺍﻧﺘﻲ ﻣﻦ ﺳﺠﻠﺘﻬﺎ ﻭﺻﻴﺖ ﻋﻠﻴﻬﺎ ﺍﻧﻲ ﻣﺠﺎﻱ ﺍﻗﺒﻞ ﻭﺍﺣﺪ ﻳﺤﺠﻲ ﻭﻳﺎﻫﺎ ﺑﺲ ﺍﻟﻴﻮﻡ ﺍﻟﺴﻮﺗﻪ ﻻ ﻳﻐﺘﻔﺮ ﻭﻋﻠﻴﻪ ﻏﺮﺍﻣﻪ ...
ﺑﺎﻭﻋﻠﻲ ﻭﻛﺄﻧﻪ ﻳﺘﻮﻋﺪ ﺑﻴﻪ ﻛﺎﻝ ... ﺷﺴﻮﺕ
ﺍﻟﻤﺪﻳﺮﻩ ... ﻛﺴﺮﺕ ﺍﻟﺮﺣﻠﻪ
ﻫﺰ ﺭﺍﺳﻪ ﺑﺎﺳﺊ ﻛﻠﻬﺎ ... ﺍﻧﻲ ﺍﻋﺘﺬﺭ ﺑﺎﻟﻨﻴﺎﺑﻪ ﻋﻨﻬﺎ ﺳﺖ ﻭﺍﻥ ﺷﺎﺀ ﺍﻟﻠﻪ ﺷﻨﻮ ﺍﻟﺨﺴﺎﺋﺮ ﺍﻧﻲ ﺣﺎﺿﺮ ...
ﺳﺖ ﻭﺭﻗﺎﺀ ... ﺭﺍﺡ ﺍﻧﻘﺪﻡ ﻃﻠﺐ ﻟﻠﻮﺯﺍﺭﺓ ﻭﺍﻧﺸﻮﻑ ﺍﻟﺨﺴﺎﺭﻩ ﻭﺍﻛﻴﺪ ﺍﻧﺘﻢ ﺗﺨﺴﺮﻭﻫﺎ ... ﺑﺲ ﻳﺎﺭﻳﺖ ﺗﺤﺠﻲ ﻭﻳﺎﻫﺎ ﻻﻥ ﻛﻞ ﺍﻟﻤﺪﺭﺳﺎﺕ ﻳﺸﻜﻮﻥ ﻣﻨﻬﺎ ...
ﺟﺎﻭﺑﺘﻬﺎ ﺑﻌﻨﺎﺩ ... ﺍﻱ ﺷﺴﻮﻳﻠﻬﻦ ﻫﻨﻪ ﺣﻘﻨﻪ ﻭﻣﻴﺘﺤﺎﺟﻦ ﻭﻣﻴﺸﺮﺣﻦ ﺯﻳﻦ ﻋﺪﺍ ﺍﻡ ﺍﻟﻌﺮﺑﻲ ﺣﺒﺎﺑﻪ ﻭﺍﻡ ﺍﻻﺣﻴﺎﺀ ﻭﺍﻟﺒﺎﻗﻲ ﻣﺪﺭﻱ ﺷﺒﻴﻬﻦ ﺧﺎﺻﺔ ﺍﻡ ﺍﻻﺳﻼﻣﻴﻪ ﻋﺒﺎﻟﻚ ﻛﺎﺗﻠﻴﻦ ﺍﺑﻮ ﻟﻬﺐ ﺣﺎﻗﺪﻩ ﻋﻠﺊ ﺍﻟﻜﻞ ...
ﺍﻟﻤﺪﻳﺮﻩ ﺍﺷﺮﺕ ﻋﻠﻴﻪ ﻭﺑﺎﻭﻋﺘﻠﻪ ﻛﻠﺘﻠﻪ ... ﺷﻔﺖ؟
ﻫﻮ ﺣﺎﻭﻝ ﻳﺨﻔﻲ ﺍﺑﺘﺴﺎﻣﺘﻪ ﻭﻣﺴﺢ ﻭﺟﻬﻪ ﺑﺘﻮﺗﺮ ﻛﻤﻠﺖ ﺍﻧﻲ ﺑﺮﻫﺒﻪ ... ﺍﻱ ﻭﺍﻟﻠﻪ ﺍﺫﺍ ﺍﻧﻲ ﻭﻛﺤﻪ ﻭﺻﻠﻔﻪ ﻭﻟﺴﺎﻥ ﺍﺷﻮ ﺍﻟﻄﺎﻟﺒﺎﺕ ﻳﺤﺒﻮﻧﻲ ﺷﻤﻌﻨﺊ ﺑﺲ ﺍﻟﻤﺪﺭﺳﺎﺕ ﻳﺸﻜﻦ ﻣﻨﻲ ﺍﻧﻲ ﺍﺷﻮﻑ ﺍﻟﻐﻠﻂ ﻭﺍﻛﻮﻝ ﻏﻠﻂ ﻭﺍﺣﺠﻲ ﻟﻴﺶ ﻣﺎ ﺫﻣﻴﺖ ﺍﻡ ﻋﺮﺑﻲ ﻭﺍﻡ ﺍﻻﺣﻴﺎﺀ ﻻﻥ ﺣﺒﺎﺑﺎﺕ ﻭﻳﺸﺮﺣﻦ ﺑﺬﻣﻪ ...
ﺍﻟﻤﺪﻳﺮﻩ ... ﻫﺴﻪ ﻋﻮﻓﻴﻨﻪ ﻣﻦ ﺍﻟﻤﺪﺭﺳﺎﺕ ﺍﻟﺮﺣﻠﻪ ﻟﻴﺶ ﻛﺴﺮﺗﻴﻬﺎ؟
ﺑﺎﻭﻋﺘﻠﻪ ﻫﻮ ﻛﺎﻝ ﺑﺒﺘﺴﺎﻣﻪ ... ﺍﻱ ﺑﺎﻟﻠﻪ ﻟﻴﺶ؟
ﺗﻠﻌﺜﻤﺖ ﺑﺎﻟﻜﻼﻡ ﻣﻌﺮﻓﺖ ﺍﺟﺎﻭﺏ .. ﺍﺀﺀ ﺍﻫﺎﺍ ﺍﻱ
ﺑﻌﺪﻳﻦ ﺭﺩﻳﺖ ﺑﻘﻮﻩ ﻭﻣﺎ ﺧﻠﻴﺖ ﺍﻟﻠﻮﻡ ﻋﻠﻴﻪ ... ﺍﻱ ﺍﻧﻲ ﺷﻌﻠﻴﻪ ﺍﺫﺍ ﻫﻲ ﺭﺣﻼﺗﻜﻢ ﻋﺎﻭﻳﻪ ﻭﻗﺪﻳﻤﻪ ﻫﻲ ﻫﺎﻱ ﺍﻟﺮﺣﻠﻪ ﻣﻦ ﻛﺪ ﻣﺎ ﻗﺪﻳﻤﻪ ﻣﻜﺘﻮﺑﻪ ﺑﻴﻬﺎ ﺫﻛﺮﺉ ﻣﻦ ﺛﻮﺭﺓ ﺍﻟﻌﺸﺮﻳﻦ ...
ﻫﻮ ﻗﺎﻃﻌﻨﻲ ... ﻫﺴﻪ ﻛﻮﻟﻲ ﺷﻠﻮﻥ ﻛﺴﺮﺗﻴﻬﺎ ..
ﺑﻠﻌﺖ ﺭﻳﻜﻲ ... ﻫﻮ ﺻﻌﺪﺕ ﻋﻠﺊ ﺍﻟﺮﺣﻠﻪ ﺩﺍ ﺍﻋﻠﮓ ﺍﻟﻤﻨﻈﺮ ﻭﻫﻲ ﺍﺻﻼ ﻣﻔﻄﻮﺭﻩ ﻋﺎﺩ ﺍﻧﻜﺴﺮﺕ ﻭ ﻭﻛﻌﺖ ﺑﻴﻪ ﺷﺴﻮﻳﻠﻬﺎ ﻳﻌﻨﻲ ﺍﺫﺍ ﻫﻲ ﻣﺒﻴﻬﺎ ﺧﻴﺮ ...
ﺑﺎﻭﻋﺘﻠﻲ ﺑﺎﺳﺘﻬﺰﺍﺀ ... ﻳﻌﻨﻲ ﻣﻌﻘﻮﻟﻪ ﺗﻌﻠﻜﻴﻦ ﺍﻟﻤﻨﻈﺮ ﻭﺍﻧﻜﺴﺮﺕ ﻟﻮ ﺻﻌﺪﺗﻲ ﺗﻘﻠﺪﻳﻦ ﺯﻟﻴﺨﻪ ﻭﻛﺴﺮﺗﻴﻬﺎ ﻫﺴﻪ ﻋﻠﺊ ﺍﻟﻌﻤﻮﻡ ... ﺣﺠﻴﺖ ﻭﻳﻪ ﺯﻭﺟﺞ ﻭﻫﻮ ﻳﺘﺼﺮﻑ ...
ﻫﻮ ﺭﺩ ﻋﻠﻴﻬﺎ ... ﻣﺸﻜﻮﺭﺓ ﺳﺖ ﺍﻥ ﺷﺎﺀ ﻟﻠﻪ ﺍﻧﻲ ﺍﺗﻜﻔﻞ ﻛﻞ ﻣﺼﺎﺭﻳﻔﻬﺎ ﻭﻫﺴﻪ ﺍﺭﻳﺪ ﺍﺧﺬﻫﺎ ﻭﺍﺭﻭﺡ ﻻﻥ ﻣﺎ ﺍﻛﺪﺭ ﺍﺭﺟﻊ ﻣﺮﻩ ﺛﺎﻧﻴﻪ ....
ﻫﻲ ﻭﺍﻓﻘﺖ ﺧﻠﻴﺖ ﻭﻃﻠﻌﺖ ﻭﻫﻮ ﻃﻠﻊ ﻛﺪﺍﻣﻲ ﻣﺰﻋﻮﺝ ..
ﺭﻛﺒﺖ ﺑﺴﻴﺎﺭﻩ ﻭﻫﻮ ﺳﺎﻕ ﺑﺴﺮﻋﻪ ﻫﻤﺴﺖ ... ﻻ ﺗﺴﻮﻕ ﺳﺮﻳﻊ ﺍﺧﺎﺍﺍﻑ ...
ﺧﻔﻒ ﺳﺮﻋﻪ ﺑﺪﻭﻥ ﻣﻴﺤﺠﻲ ﻫﻤﺴﺖ ... ﺷﺒﻴﻚ ﻭﺍﻟﻠﻪ ﻣﻮ ﻗﺼﺪﻱ ﻭﺑﻌﺪﻳﻦ ﻟﻴﺶ ﺑﺨﻴﻞ ﻗﺎﺑﻞ ﻧﻤﻮﻧﻪ
ﺭﺩ ﺑﺠﻤﻮﺩ ... ﻟﺞ ﺗﺎﺝ ﺍﻧﻲ ﻋﻠﺊ ﺍﻟﻔﻠﻮﺱ ﻟﻮ ﺍﻧﻲ ﻟﺨﺎﻃﺮﺝ ﻳﻌﻨﻲ ﺣﻠﻮﻩ ﻳﺨﺎﺑﺮﻭﻧﻲ ﻭﻳﻜﻠﻮﻟﻲ ﻣﺮﺗﻚ ﻛﺎﺳﺮﻩ ﺍﻟﺮﺣﻠﻪ ﻭﻟﺠﻨﺔ ﺍﻧﻈﺒﺎﻁ ﺍﻟﻄﻠﺒﻪ ﻃﺎﻟﺒﻴﻨﻚ ... ﺻﺮﺕ ﻫﻠﻜﺪﻱ ﻛﺪﺍﻡ ﺍﻟﻤﺪﺭﺳﺎﺕ ﻛﻠﻬﺎ ﺗﺸﻜﻲ ﻣﻨﻚ
ﺟﺎﻭﺑﺘﻪ ... ﺧﻠﻲ ﻳﻮﻟﻦ ﺗﺮﺉ ﺑﺲ ﺍﻡ ﺍﻻﺣﻴﺎﺀ ﻭﺍﻟﻌﺮﺑﻲ ﺯﻳﻨﺎﺕ ﻭﺍﻟﺒﻘﻴﻪ ﺷﺎﺩﺍﺕ ﻭﻳﻪ ﺍﻟﻄﻼﺏ
ﺭﺩ ﺑﺴﺨﺮﻳﻪ ﻣﻤﺰﻭﺟﻪ ﺑﻌﺘﺐ ... ﺍﻧﺘﻢ ﻫﺎﻱ ﺍﻟﻄﻠﺒﻪ ﺩﺍﺋﻤﺎ ﻣﺎ ﺗﺨﻠﻮﻥ ﺍﻟﺬﻧﺐ ﻋﺪﻛﻢ ﻭﺗﺨﻠﻮﻥ ﺍﻟﻠﻮﻡ ﻋﻠﺊ ﺍﻻﺳﺎﺗﺬﻩ ...
ﺳﻜﺘﺖ ﻣﺤﺠﻴﺖ ﺑﺲ ﺍﻧﻘﻬﺮﺕ ﺑﻌﺪﻫﺎ ﺭﺩﻳﺖ ... ﺑﺪﺍﺧﻠﻲ ﻃﻔﻠﻪ ﺍﺭﻳﺪ ﺍﻟﻌﺐ ﺍﺭﻳﺪ ﺍﺿﺤﻚ ﺍﺭﻳﺪ ﺍﻣﺮﺡ ﻟﻴﺶ ﺗﺤﺮﻣﻮﻧﻲ ...
ﺍﺑﺎﺫﺭ ... ﻛﻞ ﻣﻜﺎﻥ ﻭﺍﻟﻪ ﻋﻀﻤﺘﺔ ﺍﻣﺮﺣﻲ ﺑﻐﺮﻓﺘﺞ ﺍﻣﺮﺣﻲ ﺍﻟﻌﺒﻲ ﻳﻤﻲ ﻣﻮ ﺑﺎﻟﻤﺪﺭﺳﻪ ﺗﻔﻠﺸﻴﻦ ﺑﻴﻬﺎ ﻭﻟﺴﺎﻧﺞ ﻃﻮﻳﻞ ﻭﻳﻪ ﺍﻟﻤﺪﺭﺳﺎﺕ ﻣﻮ ﻋﻴﺐ ﻟﻮ ﻭﺣﺪﻩ ﻏﻴﺮﺝ ﺍﺗﺼﺮﻓﻦ ﻭﻳﺎﻫﺎ ﻏﻴﺮ ﺗﺼﺮﻑ ﺑﺲ ﺍﻧﻲ ﻣﻮﺻﻲ ﺑﻴﺞ .. ﻭﺑﻌﺪﻳﻦ ﻣﺪﺭﺳﺎﺕ ﻛﺒﺎﺭ ﺑﻜﺪ ﺍﻣﺞ ﻋﻴﺐ ﺗﺘﺠﺎﻭﺯﻳﻦ ﻋﻠﻴﻬﻦ ...
ﺭﺩﻳﺖ ﺑﺼﺪﻣﻪ ... ﺗﺮﺉ ﻣﻤﺘﺠﺎﻭﺯﻩ ﺑﺲ ﺍﻟﺸﺊ ﺍﻟﻲ ﻣﻔﺎﻫﻤﺘﻪ ﺍﺣﺠﻲ ﺑﻲ .. ﻭﺑﻌﺪﻳﻦ ﺍﺩﺭﻱ ﻫﺎﻱ ﺳﺖ ﻓﺮﻓﻮﺭﻱ ﻫﻲ ﺍﻟﺘﺮﺳﺖ ﺭﺍﺳﻚ ﻋﻠﻴﻪ
ﺑﺎﻭﻋﻠﻲ ﺑﻄﺮﻑ ﻋﻴﻨﻪ ... ﺍﺳﻤﻬﺎ ﺳﺖ ﻓﺮﻓﻮﺭﻱ
ﺭﺩﻳﺖ ... ﻻ ﻟﻘﺐ ﺍﻧﻲ ﻃﻠﻘﺘﻪ ﻋﻠﻴﻬﺎ ﻻﻥ ﺗﺸﺒﻪ ﺍﻟﻘﻮﺭﻱ ﺍﻟﻔﺮﻓﻮﺭﻱ ....
ﺍﺑﺎﺫﺭ .. ﺷﻔﺘﻲ ﺷﻠﻮﻥ ﺍﻧﺘﻲ ﺗﺘﺠﺎﻭﺯﻳﻦ ﺗﺮﺉ ﻋﻴﺐ ﻭﺍﻟﻠﻪ ﻭﺗﻘﻠﻠﻴﻦ ﻣﻦ ﺍﺣﺘﺮﺍﻣﺞ ﻻ ﺍﻛﺜﺮ ﻭﻻ ﺍﻗﻞ ﻭﺍﻧﻲ ﺻﺪﻳﻘﺞ ﻣﺜﻞ ﻣﺎ ﺍﺗﻔﻘﻨﻪ ﻭ ﻭﺍﺟﺒﻲ ﺍﻧﺼﺤﺞ ﻣﻮ ﺻﺢ
ﺟﺮﻳﺖ ﻧﻔﺲ ﻫﻤﺴﺖ ... ﺍﻟﻌﻔﻮ ﺍﻧﻲ ﺍﺳﻔﻪ ﻣﻮ ﻗﺼﺪﻱ ﺍﺿﻮﺟﻚ
ﺭﻓﻊ ﺍﻳﺪﻱ ﻭﺑﺎﺱ ﺍﺻﺎﺑﻌﻲ ﻛﺎﻝ ... ﻣﺎ ﺍﺭﻳﺪﺝ ﺗﻌﺘﺬﺭﻳﻠﻲ ﻋﻦ ﺍﻱ ﺷﺊ ﻳﺮﻭﺣﻲ ﺍﻧﻲ ﺍﺣﺒﺒﺒﺞ ﻣﻴﻬﻤﻨﻲ ﻛﻞ ﺗﺼﺮﻑ ﻣﻨﺞ ﺑﺲ ﺍﻧﻲ ﺍﺣﺐ ﺗﻜﻮﻧﻴﻦ ﻣﺤﺘﺮﻣﻪ ﻭﺍﻧﺘﻲ ﻓﺎﺭﺿﻪ ﺍﺣﺘﺮﺍﻣﺞ ﻻ ﺍﻛﺜﺮ ﻭﻻ ﺍﻗﻞ ﺣﺘﺊ ﺍﻟﻜﻞ ﻳﺤﺒﺞ .. ﻳﻜﻠﺒﻲ ﻣﻔﻬﻮﻡ ...
ﺭﺩﻳﺖ ... ﺍﻱ ﻣﻔﻬﻮﻡ ﺑﻌﺪ ﻣﺎ ﺍﺳﻮﻱ ﺷﺊ ﺍﻟﻪ ﺍﻟﺘﺠﺊ ﺍﻟﻚ
ﺿﺤﻚ ... ﻟﻚ ﻓﺪﻳﺖ ﻭﻳﻜﻠﻮﻟﻲ ﻟﻴﺶ ﺗﺤﺒﻬﺎ ﻭﻟﻴﺶ ﺻﺎﺑﺮ ﻋﻠﻴﻬﺎ ... ﻣﺎ ﻳﺪﺭﻭﻥ ﺍﻧﻲ ﻋﺎﺷﻜﻪ ﻣﻦ ﻃﻔﻮﻟﺘﻬﺎ ...
ﺿﺤﻜﺖ ... ﺍﻱ ﺻﺪﻙ ﺷﻮﻛﺖ ﺣﺒﻴﺘﻨﻲ
ﺗﻨﻬﺪ .. ﻣﻦ ﺯﻣﺎﻥ ﺑﺲ ﺍﻛﺜﺮ ﺷﺊ ﺣﺒﻴﺘﺞ ﻣﻦ ﺍﺟﻴﺘﻲ ﺑﻌﺮﺱ ﺻﺒﺎﺡ ﺍﻋﺘﻘﺪ ﺟﺎﻥ ﻋﻤﺮﺝ 13 ﺳﻨﻪ ﻋﺎﺩ ﺩﺧﺖ ﺑﺲ ﻛﻠﺖ ﻃﻔﻠﻪ ﻣﻮ ﻣﺎﻝ ﺯﻭﺍﺝ ﺟﻨﺖ ﻧﺎﻭﻱ ﺑﺲ ﺷﻮﻳﻪ ﺗﻜﺒﺮﻳﻦ ﺍﺧﻄﺒﺞ ﻭﺍﺳﺤﺒﺞ ﺍﻻﻣﻴﺮﻛﺎ ﺑﺲ ﺍﻟﻘﺪﺭ ﺍﻟﻪ ﻛﻠﻤﺘﻪ ﻭﺗﻔﺎﺟﺌﺖ ﺑﻤﻮﺕ ﻫﺒﻪ ﻭﺯﻭﺍﺟﺞ ﻣﻦ ﺻﺒﺎﺡ ﺟﻨﺖ ﻋﺒﺎﻟﻲ ﻣﺮﺗﺎﺣﻪ ﻟﺬﻟﻚ ﻣﻘﺮﺭﺕ ﺍﺭﺟﻊ ....
ﺍﺑﺘﺴﻤﺖ ﻣﻦ ﻛﻼﻣﻪ ﻭﻧﺰﻟﺖ ﺭﺍﺳﻲ ﺑﺨﺠﻞ ﺑﺎﻭﻋﺘﻠﻪ ... ﺑﺲ ﻳﺤﻠﻮ ﻣﻦ ﺭﺟﻌﺖ ﻣﻦ ﺍﻣﻴﺮﻛﺎ ﻭﺍﻧﻲ ﺍﺟﻴﺖ ﻣﺎ ﻓﺮﻗﺖ ﺑﻴﻨﻲ ﻭﺑﻴﻦ ﻣﻴﺲ ...
ﺿﺤﻚ ﺑﺼﻮﺕ ﻋﺎﻟﻲ ... ﻫﻬﻬﻬﻬﻬﻬﻬﻬﻬﻬﺎﻱ ﻻ ﻓﺮﻗﺖ ﻭﻋﺮﻓﺘﺞ ﺑﺲ ﺍﻧﻲ ﺑﺼﺮﺍﺣﻪ ﺍﻧﺼﺪﻣﺖ ﻣﻨﺞ ﻟﻴﺶ ﻫﻴﺞ ﻣﺤﺰﻧﺎﻧﻪ ﻋﻠﺊ ﺻﺒﺎﺡ ﻋﺎﺩ ﻋﺰﻳﺖ ﻣﻴﺲ،ﺑﺪﻝ ﻋﻨﺞ ...
ﺟﺎﻭﺑﺘﻪ ... ﺭﺩﺕ ﺗﻌﺰﻑ ﻋﻠﺊ ﺍﻟﻮﺗﺮ ﺍﻟﺤﺴﺎﺱ ﺑﺲ ﻳﺎ ﺣﻠﻮ ﻳﺎ ﺍﺑﻮ ﺍﻟﺰﻧﻮﺝ ﺍﻧﻲ ﺣﺎﻟﻔﻪ ﻣﺎ ﺍﺣﺰﻥ ﻋﻠﺊ ﺻﺒﺎﺡ ﻣﻬﻤﺎ ﻛﺎﻥ ﻭﺍﺩﺭﻱ ﺑﻴﻚ ﻣﻦ ﻋﺰﻳﺖ ﻣﻴﺲ ﺟﻨﺖ ﺗﺴﺘﻬﺰﺀ ﺑﻴﻪ ...
ﺟﺮ ﻧﻔﺲ ﻭﺯﻓﺮﻩ ﻛﺎﻝ ... ﺑﻴﻮﻣﻬﺎ ﻛﻌﺪﺕ ﻭﻳﻪ ﻣﻌﺘﺼﻢ ﻋﻤﻲ ﻭﺣﺠﻴﻨﻪ ﺷﺮﺣﻠﻲ ﻛﻞ ﺍﻟﻲ ﺻﺎﺭ ﻭﺑﻴﻮﻣﻬﺎ ﺗﺨﺒﻠﺖ ﻛﻠﺖ ﻻﺯﻡ ﺍﺧﻄﺒﻬﺎ ﻣﻬﻤﺎ ﻛﺎﻥ ﻭﺧﻄﺒﺘﺞ ﻭﺗﻔﺎﺟﺌﺖ ﻣﻦ ﺗﺼﺮﻓﺎﺗﺞ ﻣﻮ ﺫﻳﺞ ﺗﺎﺝ ﺍﻟﺤﺒﻴﺘﻪ ﺍﻟﺮﻗﻴﻘﻪ ﺍﻟﻨﺎﻋﻤﻪ ﺟﻨﺘﻲ ﻫﺠﻮﻣﻴﻪ ﻭﺍﻧﺪﻓﺎﻋﻴﻪ ﻭﻧﻜﺪﻳﻪ ...
ﺗﻨﻬﺪﺕ ﺑﺤﺰﻥ ... ﺍﻟﺤﺠﻲ ﻣﻮ ﻣﺜﻞ ﺍﻟﻔﻌﻞ ﻭﺍﻟﻲ ﻣﻌﺎﺵ ﻋﻴﺸﺘﻲ ﻣﻴﺤﺲ ﺑﻤﻌﺎﻧﺎﺗﻲ ﻟﻬﺬﺍ ﺍﻟﺴﺒﺐ ﺿﻠﻤﺘﻨﻲ ﺍﻧﺖ ﻫﻤﺎﺗﻴﻦ ﻭﻟﻮﻳﺖ ﺫﺭﺍﻋﻲ ﺑﺎﻟﺒﻨﺎﺕ ...
ﺗﺮﺉ ﻣﺤﺪ ﺗﺤﻤﻞ ﺑﻜﺪﻱ ﺍﺑﺎﺫﺭ ﺍﻧﻲ ﺻﺮﺕ ﺍﻡ ﻟﺜﻨﻴﻦ ﺑﻨﺎﺕ ﺑﻴﻮﻡ ﻭﻟﻴﻠﻪ ﻭﺻﺮﺕ ﺯﻭﺟﻪ ﺍﻟﻮﺣﺶ ﺿﺎﻝ ﻭﺿﻠﻴﺖ ﻣﺘﻌﻠﮕﻪ ﺑﺎﻧﻴﺎﺑﻪ ﻻ ﻫﻮ ﻣﺎﻛﻠﻨﻲ ﻭﻣﺨﻠﺼﻨﻲ ﻭﻻ ﻫﻮ ﺷﺎﻣﺮﻧﻲ ﻭﺭﺍﺣﻤﻨﻲ ....
ﻭﺭﺑﻲ ﺍﺭﺣﻢ ﻣﻨﻪ ﻭﻣﻨﻚ ﺧﻠﺼﻨﻪ ﻣﻨﻪ ﺍﻟﺤﻤﺪ ﻟﻠﻪ ...
ﻫﻮ ﺑﺎﻭﻋﻠﻲ ﺑﺤﺰﻥ ﻭﻋﺼﺮ ﺍﻳﺪﻱ ﺣﻴﻞ ﻳﻄﻤﻨﻲ
ﻣﻨﻌﺖ ﻧﻔﺴﻲ ﺍﺑﺠﻲ ﺑﺲ ﺫﻛﺮ ﺍﻟﻤﺎﺿﻲ ﺑﺤﺪ ﺫﺍﺗﻪ ﻣﺆﻟﻢ ﺩﻣﻌﺖ ﻋﻴﻮﻧﻲ ﺑﺪﻭﻥ ﺍﺭﺍﺩﻩ ﻣﻨﻲ ...
ﺑﺲ ﻫﻮ ﺗﺪﺍﺭﻙ ﺍﻟﻤﻮﻗﻒ ﻛﺎﻝ ﺑﻀﺤﻜﻪ ... ﻋﻨﺪﻱ ﺍﻟﺞ ﺧﺒﺮ ﻳﺠﻠﻂ
ﺭﻣﺸﺖ ﺑﻌﻴﻮﻧﻲ ... ﺷﻨﻮﻭ . ﺍﻧﺘﺼﺎﺭ ﻣﻮ ﺣﺎﻣﻞ
ﺭﺩ ﺑﺎﻧﺰﻋﺎﺝ ... ﺩﺧﻠﻲ ﺗﻮﻟﻲ ﻣﻮ ﺣﺎﻣﻞ ... ﻻ ﺧﺒﺮ ﻏﻴﺮ
ﻟﺰﻣﺖ ﺍﻳﺪﻩ ... ﺷﻨﻮ ﺷﻨﻮﻭﻭ
ﺭﺩ ﺑﻤﺒﺎﻏﺘﻪ ... ﻣﻌﺘﺼﻢ ﺧﻄﺐ ﺩﻋﺎﺀ ﻭﺍﻣﺞ ﻭﺑﻴﺒﻴﺘﺞ ﺭﺍﺣﻮ ﺧﻄﺒﻮﻫﺎ ﻭ ﻭﺭﺍﻓﻘﻮ ﻗﺒﻞ ﺷﻮﻳﻪ ﺧﺎﺑﺮﻧﻲ ﻛﺘﻠﻪ ﺑﺲ ﺍﻧﺖ ﺗﺨﻄﺐ ﺏ 11 ﺍﻟﺼﺒﺢ ﻫﻬﻬﻬﺎﻱ
ﺿﺤﻜﺖ ... ﻻ ﺻﺪﺩﺩﺩﻙ ﻳﺒﻮﻭﻭﻭ ﺩﻋﺎﺀ ﺍﻟﻴﻮﻡ ﺗﺮﻛﺺ ﺟﻮﺑﻲ ﺍﻛﻴﻴﻴﺪ ﻣﺘﻌﺮﻑ ﺷﻜﺪ ﻋﺎﺟﺒﻬﺎ ﻭﺗﺤﺒﻪ ...
ﻛﺎﻝ ... ﺍﻟﻠﻪ ﻳﻮﻓﻘﻬﻢ ﺍﻥ ﺷﺎﺀ ﻟﻠﻪ ...
ﺭﺟﻌﻨﻪ ﻟﻠﺒﻴﺖ ﻭﺍﻧﻲ ﺍﺧﺬﺕ ﻣﻮﺑﺎﻳﻠﻲ ﺧﺎﺑﺮﺕ ﺩﻋﻴﻮﻩ ﻭﻫﻲ ﺑﺴﺮﻋﻪ ﻓﺘﺤﺖ ﺧﻂ ﻛﺘﻠﻬﺎ ... ﻟﺞ ﺩﻋﻴﻮﻩ ﻋﻨﺪ ﻳﺎ ﺳﺤﺎﺭﻩ ﺍﺷﺘﻐﻠﺘﻲ ﻭﻋﻤﻮ ﺧﻄﺒﺞ
ﻛﺎﻟﺖ ﺑﺪﻟﻊ ... ﻳﺎﺍﺍﺍ ﻟﺞ ﻟﻮ ﺗﺸﻮﻓﻴﻦ ﺑﺎﺑﺎ ﺷﻜﺪ ﻓﻴﻚ ﻋﻠﻴﻬﻢ ﻭﺩﻋﺎﺀ ﻭﺩﻋﺎﺀ ... ﺩﻋﺎﺀ ﻧﺎﺩﺭﻩ ﻭﺩﻋﺎﺀ ﻋﺎﻗﻠﻪ ﻭﺩﻋﺎﺀ ﺍﻟﻜﻞ ﻳﺘﻤﻨﺎﻫﺎ ...
ﺷﻮﻳﻪ ﻭﻳﻜﻮﻝ ﺧﻄﺒﻬﺎ ﺍﻻﻣﻴﺮ ﻭﻟﻴﺎﻡ ﻫﻬﻬﻬﻬﻬﻪ
ﻟﺞ ﺑﺲ ﻣﺘﺼﺪﻛﻴﻦ ﺷﻜﺪ ﻓﺮﺣﺎﺍﺍﻧﻪ ﻓﺮﺣﺎﺍﺍﻧﻪ ﻣﻤﺼﺪﻛﻪ ﻫﺬﺍ ﺍﺑﻮ ﺧﺸﻢ ﺍﻟﻴﺎﺑﺲ ﻣﺜﻞ ﺧﺸﻤﺞ ﺣﻴﺼﻴﺮ ﻣﻦ ﻧﺼﻴﺒﻲ ﻭﺍﻟﻠﻪ ﺍﻟﻪ ﺍﺗﺸﻠﺘﺢ ﺍﻟﻪ ﺗﺸﻠﺘﺢ ﺍﺧﻠﻲ ﻫﺬﺍ ﺍﻟﺘﻌﻨﻘﺮ ﻳﺮﻭﺡ ﻳﻜﻴﺮ ﺑﺎﻟﻬﻮﻩ ﻭﺍﺧﻠﻲ ﻳﻌﺘﺮﻑ ﺑﺤﺒﻲ ﻏﺼﺒﺎ ﻋﻨﻪ ...
ﺭﺩﻳﺖ ... ﺑﺲ ﺍﺳﺘﻘﺮﻱ ﺍﻧﺠﻠﻴﻨﺎ ﺟﻮﻟﻲ ﻻ ﺗﮕﻠﺒﻴﻬﺎ ﺑﻴﻨﻪ
ﺟﺎﻭﺏ ... ﻭﻱ ﻭﺷﻨﻮ ﺟﻮﻟﻲ ﺍﻡ ﺑﺮﺍﻃﻢ ﺍﺣﻠﺊ ﻣﻨﻲ ﻟﺞ ﺍﻧﻲ ﺣﺎﺗﻪ ﻗﻠﻴﻞ ﺍﻣﺜﺎﻟﻲ ﺩﻟﻊ ﺍﻧﻮﺛﻪ ﻛﻴﺎﺍﺍﺍﺗﻪ ﻛﺘﻜﻮﺗﻪ ﻫﻨﻴﺎﻟﻪ ﻋﻠﻴﻪ ...
ﺿﻠﻴﺖ ﺍﺳﻮﻟﻒ ﻭﻳﺎﻫﺎ ﻭﺍﺿﺤﻚ ﻭﺍﻗﻠﺪ ﻋﻠﻴﻬﺎ ﺗﺎﻟﻲ ﻗﻔﻠﺖ ﺍﻟﻤﻮﺑﺎﻳﻞ ﻻﻥ ﺯﻳﻨﺐ ﺗﺒﺠﻲ ﺗﺮﻳﺪ ﺍﻟﻤﻮﺑﺎﻳﻞ ...
ﻭﺗﺼﻴﺢ ... ﻧﻌﻞ ﺍﺑﻮ ﺩﻋﺎﺀ ﻧﻌﻞ ﺟﺪ ﺩﻋﺎﺀ ... ﺍﻟﻴﺪ ﺍﺑﺎﻳﻞ ..
ﻋﻀﺘﻨﻲ ﺑﺤﺘﻔﻲ ﺣﻴﻴﻞ ﻭﺍﻧﻲ ﺧﻔﺖ ﺍﻧﻄﻴﺘﻬﺎ ﺍﻟﻤﻮﺑﺎﻳﻞ ﻭﻗﻔﻠﺖ ﺑﻮﺟﻪ ﺩﻋﻴﻮﻩ ...
ﺭﺟﻌﺖ ﺧﺎﺑﺮﺕ ... ﺩﺯﺗﻠﻬﺎ ﺯﻳﻨﺐ ﺑﺼﻤﻪ ﻛﺘﻠﻬﺎ ... ﻧﻌﻞ ﺍﺑﻮﺝ ﺩﻋﺎﺀ ﺗﻮﺗﻪ ﺍﻥ ﻫﻨﺎ ﺗﻮﺗﻪ ﻣﺎﺗﺖ ...
ﻣﺘﺖ ﺿﺤﻚ ﻋﻠﻴﻬﺎ ﻫﺎﻱ ﻻﺯﻛﻪ ﺑﺎﻟﻤﻮﺑﺎﻳﻞ ﺑﺲ ﺍﻟﺰﻣﻪ ﺗﻜﺘﻠﻨﻲ ﻭﺑﺎﻟﻴﻞ ﺍﺑﺎﺫﺭ ﻳﺮﺍﺳﻞ ﺑﺎﺑﺘﻬﺎﻝ ﻭﺍﻧﻲ ﺿﺎﻟﻪ ﻣﺜﻞ ﺍﻟﺰﻋﻼﻧﻪ ﻣﺤﺪ ﻳﻨﻄﻴﻨﻲ ﻣﻮﺑﺎﻳﻞ ...
ﻭﺻﺢ ﺍﺑﺎﺫﺭ ﻛﺎﻝ ... ﺷﻨﻮ ﻫﺎﻱ ﺍﺑﺘﻬﺎﻝ ﺍﻧﻲ ﻗﻨﻌﺘﻨﻲ ﺍﺳﺎﻓﺮ ﺍﻻﻣﻴﺮﻛﺎ ﻋﺎﺩ ﻣﻮ ﺍﻧﺘﻲ ﻫﻬﻬﻬﻬﻬﻬﻬﻬﻪ ...
.............................
ﻣﻴﺲ ...
ﺑﻌﺪ ﻣﺮﻭﺭ ﻛﻢ ﻳﻮﻡ ...
ﺍﺣﻨﻪ ﺿﻠﻴﻨﻪ ﻧﺮﻭﺡ ﺍﻟﻌﻤﻪ ﻭﻧﺮﺟﻊ ﻻﻥ ﺍﻟﻤﺸﺘﻤﻞ ﻣﺎ ﺿﻞ ﺷﺊ ﻭﻳﺨﻠﺺ ...
ﻭﻣﺴﻠﻢ ﺯﻳﻦ ﺍﺑﺪ ﻣﺎ ﻳﺤﺘﻚ ﺑﻴﻬﻢ ﻋﺒﺎﻟﻚ ﻣﻮ ﺍﻫﻠﻪ ﻭﺍﻧﻲ ﻛﺬﻟﻚ ...
ﻧﺰﻟﺖ ﺟﻮﻩ ﻭﻣﺴﻠﻢ ﻧﺎﻳﻢ ...
ﻟﻜﻴﺘﻬﻢ ﻛﻠﻬﻢ ﻛﺎﻋﺪﻳﻦ ﻳﺘﺮﻳﻜﻮﻥ ﻭﻋﻤﻮ ﻛﺎﻋﺪ ﺑﻜﻞ ﻫﻴﺒﻪ ﻳﺎﻟﻠﻪ ﻣﺪﺭﻱ ﻫﺬﺍ ﺍﻟﺮﺟﺎﻝ ﺣﻴﻴﻴﻴﻞ ﺍﺧﺎﻑ ﻣﻨﻪ ...
ﺍﻟﻠﻪ ﻳﺴﺎﻋﺪ ﻧﺴﻮﺍﻧﻪ ﺷﻠﻮﻥ ﻳﻨﺎﻣﻦ ﻭﻳﺎﻫﺎ ﺷﻜﻠﻪ ﻋﺼﺒﻲ ﻭﺷﻮﺍﺭﺏ ﻣﺮﻋﺒﻪ ﻭﺿﺨﻢ ﻏﻴﺮ ﺷﻜﻠﻪ ﺍﻟﺠﺎﻣﺪ ﻭﺍﻟﺠﺪﻱ
ﻋﻜﺲ ﺳﻤﺴﻤﺘﻲ ﺍﺑﻮ ﺭﻭﺡ ﺣﻠﻮﻩ ﻓﺪﻭﻩ ﺷﻜﺪ ﻛﻴﻮﺕ ﺳﻤﺎﺳﻢ ...
ﻫﻮ ﺑﺎﻭﻋﻠﻲ ﻛﺎﻝ ... ﺗﻌﺎﻟﻲ ﻋﻤﻮ ﺍﻛﻌﺪﻱ
ﻛﻌﺪﺕ ﺑﺎﻟﻜﺮﺳﻲ ﺍﻟﺒﺼﻒ ﻋﻤﻮ ﺻﺎﺭ ﻋﺎﻣﺮ ﻣﻘﺎﺑﻴﻠﻲ ﻣﺎ ﺍﻋﺮﻑ ﺣﺴﻴﺖ ﺑﺮﺟﻔﻪ ﻭﺍﺭﺗﺒﺎﻙ ...
ﺻﺮﺕ ﺍﻛﻞ ﻭﻳﻮﻛﻊ ﺍﻻﻛﻞ ...
ﻋﻤﻮ ﻛﺎﻝ ... ﻣﺴﻠﻢ ﻟﻴﺶ ﻣﻨﺰﻝ ﻳﺎﻛﻞ ﻭﻳﺎﻧﻪ؟
ﺭﺩﻳﺖ ﺑﻬﺪﻭﺀ ... ﻋﻤﻮ ﻧﺎﻳﻢ
ﻛﺎﻝ ... ﺣﺒﻴﺒﺘﻲ ﺍﺣﺠﻲ ﻭﻳﺎﻩ ﻛﻠﻴﻠﻪ ﺍﻧﺖ ﺗﻌﺮﻑ ﻧﻈﺎﻡ ﺍﺑﻮﻙ ﻣﻦ ﺯﻣﺎﻥ ﺍﺫﺍ ﻛﻌﺪﻧﻪ ﻋﻠﺊ ﺳﻔﺮﻩ ﻻﺯﻡ ﺍﻟﻜﻞ ﻣﻮﺟﻮﺩ ﻭﻟﺪﻱ ﻳﺸﻬﺪﻭﻥ ...
ﻫﺰﻳﺖ ﺭﺍﺳﻲ ﺑﺄﻱ ﻫﻤﺴﺖ ... ﺍﺻﻴﺤﻠﻪ
ﺟﺮ ﻧﻔﺲ ... ﻻ ﻋﻤﻮ ﺧﻠﻲ ﺑﺮﺍﺣﺘﻪ ..
ﺷﻮﻳﻪ ﻭﺍﺗﺼﻞ ﻣﻮﺑﺎﻳﻠﻲ ﺷﻔﺘﻪ ﻣﺴﻠﻢ ﺍﺳﺘﺤﻴﺖ ﺍﻓﺘﺢ ﺧﻂ ﻛﺘﺒﺖ ... ﻫﺎﺍﺍ ﻣﺴﻠﻢ ﺍﻧﻲ ﺩﺍ ﺍﺗﺮﻳﻚ ...
ﻛﺘﺐ ... ﻣﻜﺎﺑﻠﻪ ﻣﻨﻮ ﺑﺲ ﻻ ﺍﻟﻤﻨﻬﻮﻟﻪ ﻋﻤﻴﺮ ﻭﺟﻪ ﻳﺴﺪ ﺍﻟﻨﻔﺲ
ﺍﺑﺘﺴﻤﺖ ﻭﻣﻜﺪﺭﺕ ﺍﺭﺩ ﺍﺳﺘﺎﺫﻧﺖ ﻛﺘﻠﻪ .. ﺍﻟﺤﻤﺪ ﻟﻠﻪ ﺍﻧﻲ ﺷﺒﻌﺖ ﺍﻥ ﺷﺎﺀ ﻟﻠﻪ ﺑﺎﻟﻌﺎﻓﻴﻪ ﻋﻠﻴﻜﻢ ...
ﺑﺎﻭﻋﻠﻲ ﻋﺎﻣﺮ ﻭﺗﻜﺊ ﻋﻠﺊ ﺍﻟﻜﺮﺳﻲ ﺭﻓﻊ ﺣﺎﺟﺐ ﻛﺎﻝ ... ﺯﻭﺟﺞ ﺍﻟﻤﺼﻮﻥ ﻣﺎ ﻛﻠﺞ ﺍﺫﺍ ﺍﺑﻮﻳﻪ ﺑﻌﺪﻩ ﻣﺎ ﻣﺨﻠﺺ ﻣﻦ ﺍﻛﻠﻪ ﻣﺤﺪ ﻳﻜﻮﻡ ﻣﻦ ﺍﻟﺴﻔﺮﻩ ...
ﺍﻧﺘﻘﻠﺖ ﺑﻨﻈﺮﻱ ﻣﻦ ﻋﺎﻣﺮ ﻟﻌﻤﻮ ﻛﺘﻠﻪ ﺑﻔﺸﻠﻪ ... ﺍﻟﻌﻔﻮ ﻋﻤﻮ ﻣﺎﺍﺩﺭﻱ ..
ﻛﺎﻝ ... ﻻ ﻋﻤﻮ ﺍﺧﺬﻱ ﺭﺍﺣﺘﺞ
ﻋﺎﻣﺮ ﺿﺤﻚ ﺑﺎﺳﺘﻔﺰﺍﺯ ﻭﻛﻤﻞ ﺍﻛﻞ ...
ﺍﻧﻲ ﺿﻠﻴﺖ ﺍﺑﺎﻭﻉ ﻋﻠﻴﻪ ﺑﻌﻨﺎﺩ ﻭﺧﻠﻴﺖ ﻭﺭﺣﺖ ﺍﻟﻐﺮﻓﺘﻲ ﺩﺧﻠﺖ ﻭﺍﻧﻲ ﺍﻫﻔﻲ ﻋﻠﺊ ﻭﺟﻬﻲ ...
ﻟﻜﻴﺖ ﻣﺴﻠﻢ ﻃﺎﻟﻊ ﻣﻦ ﺍﻟﺤﻤﺎﻡ ﻳﻨﺸﻒ ﺑﺸﻌﺮﻩ ﺿﺤﻚ ﻛﺎﻝ ... ﻫﺎﺍﺍﺍ ﺍﺧﺘﻨﻜﺘﻲ ﻣﻦ ﻋﺎﺩﺍﺗﻬﻬﻢ ...
ﺟﺮﻳﺖ ﻧﻔﺲ ... ﺍﻱ ﻫﺎﻱ ﺷﻨﻮ ﻋﺒﺎﻟﻚ ﺑﺴﺠﻦ ﻣﻮ ﺍﺣﺮﺍﺭ ﻧﺎﻛﻞ ﺑﻜﻴﻔﻬﻢ ﻭﻧﻜﻮﻡ ﺑﻜﻴﻔﻬﻢ ...
ﺭﺩ ﺑﻌﺪﻡ ﺍﻫﺘﻤﺎﻡ .. ﺧﻠﻲ ﻳﻄﻴﺮﻭﻥ ﺍﺑﻮﻱ ﻣﺴﻮﻱ ﺭﻭﺣﻪ ﺍﻟﺴﻠﻄﺎﻥ ﺳﻠﻴﻤﺎﻥ ﻭﻫﺬﺍ ﺍﺑﻨﻪ ﺍﻟﻤﻮﻗﺮ ﺳﻨﺒﻞ ﺧﺎﺩﻡ ﺍﻟﺴﻠﻄﺎﻥ
ﺿﺤﻜﺖ ﺑﻘﻮﻩ ﻛﺎﻝ ﺑﺤﺐ ﻭﻫﻮ ﻳﺤﻀﻨﻲ .. ﻓﺪﻳﺖ ﺍﻟﺼﺎﻛﻪ ﻓﺪﻳﺖ ﺍﻟﺤﻮﺏ ﻳﺮﻭﺣﻠﺞ ﻓﺪﻭﻩ ﻋﺎﻣﺮ ﻭﺍﻣﻪ ﺍﻡ ﺍﻟﺒﺘﻮﻛﺲ
ﻛﻤﻞ .. ﻳﺎﻟﻠﻪ ﺑﻌﺪ ﺧﺎﻟﺞ ﺭﻭﺣﻲ ﺟﻴﺒﻴﻠﻲ ﺭﻳﻮﻙ ﻣﺘﺖ ﻣﻦ ﺍﻟﺠﻮﻉ ... ﺳﻠﻴﺖ ﻟﻮ ﺿﺎﻝ ﻫﻨﺎﻙ ﺍﺣﺴﻦ ﻋﺎﺩ ﺍﻧﻲ ﻭﺍﺑﻮ ﺍﻟﺘﻔﻠﻴﺶ ﻧﺎﻛﻞ ﺍﻻﺧﻀﺮ ﻭﺍﻟﻴﺎﺑﺲ ...
ﻭﺧﺮﺕ ... ﻳﻤﻤﻪ ﻳﻤﻤﻪ ﺍﺧﺎﻑ ﻣﻦ ﺍﺑﻮﻙ ﺟﻨﻪ ﺷﻮﺍﺭﺏ ﺍﺑﻮ ﺍﻟﻨﺎﺭ ﻭﻳﻜﻮﻝ ﻛﻮﻟﻲ ﺍﻟﺰﻭﺟﺞ ﻧﻜﻌﺪ ﻧﺎﻛﻞ ﺳﻮﻩ
ﺭﺩ ... ﻫﺎﺍﺍ ﺟﺎﺍﺍ ﻛﻠﻴﻠﻪ ﻣﺴﻠﻢ ﻣﻮﺍﻓﻖ ﺑﺲ ﺑﺸﺮﻁ ﻻ ﻋﻤﻴﺮ ﻳﻜﺎﺑﻠﻨﻲ ﻭﻻ ﺍﻣﻪ ﺟﻨﻬﺎ ﺑﺮﺍﻃﻢ ﺍﺛﻴﻮﺑﻴﺎ ﻃﺎﻟﻌﻪ ﺗﻬﺮﻳﺐ ﻣﻦ ﺍﻟﺴﺠﻦ ...
ﻛﺘﻠﻪ ... ﻏﻴﺮ ﻧﺎﻓﺨﻬﺎ ﺷﻔﺎﻳﻔﻬﺎ ..
ﺭﺩ ... ﺍﻧﺘﻲ ﻫﻢ ﻧﺎﻓﺨﻪ ﺷﻔﺎﻳﻔﺞ؟
ﺣﻄﻴﺖ ﺍﺻﺎﺑﻌﻲ ﻋﻠﺊ ﺷﻔﺎﻳﻔﻲ ... ﻻ ﻃﺒﻴﻌﻲ
ﺳﺤﺒﻨﻲ ﻣﻦ ﺍﻛﺘﺎﻓﻲ ﻛﺎﻝ ... ﺑﺎﻟﻠﻪ ﺧﻞ ﺍﺗﺎﻛﺪ ﺧﺎﻑ ﻏﺶ ﻣﺜﻞ ﻣﺮﺓ ﻣﺎﻱ ﺑﺎﺑﻲ ...
ﺑﺎﺳﻨﻲ ﺣﻴﻴﻴﻴﻴﻴﻴﻞ ﺑﻌﺪﺗﻪ ﻛﻮﻩ ﺑﺎﻭﻋﻠﻲ ﺑﺘﻔﺎﺟﺊ ... ﻣﺎ ﺷﺎﺀ ﻟﻠﻪ ﻓﻠﺮ ﻃﺒﻴﻌﻲ ﻣﻦ ﺭﺏ ﺍﻟﻌﺎﻟﻤﻴﻦ ﻣﻮ ﻣﺜﻞ ﻣﺮﺓ ﺍﺑﻮﻱ ﺍﺑﻮﻳﻪ ﻣﻦ ﻳﺒﻮﺳﻬﺎ ﻳﻠﻜﻪ ﺍﻟﺴﻠﻜﻮﻥ ﻣﻌﻠﮓ ﺑﺴﻨﻮﻧﻪ ﻫﻬﻬﻬﻬﻬﻬﺎﻱ ...
ﺿﺮﺑﺘﻪ ﻭﺿﺤﻜﺖ ... ﻫﻮ ﻧﺰﻝ ﺟﻮﻩ ﻧﺰﻟﺖ ﻭﻳﺎﻫﺎ ﻛﻠﻬﻢ ﺻﺒﺎﺡ ﺍﻟﺨﻴﺮ ﻭﺭﺍﺡ ﻛﻌﺪ ﺑﺎﻟﺤﺪﻳﻘﻪ ﺍﻧﻲ ﺭﺣﺖ ﻭﻳﺎﻩ ....
ﺍﺟﺖ ﺍﻟﻌﺎﻣﻠﻪ ﺟﺎﺑﺖ ﺍﻟﺮﻳﻮﮒ ﺍﻟﻪ ﺑﺎﻟﺤﺪﻳﻘﻪ ﻭﻫﻮ ﻛﻌﺪ ﻳﺎﻛﻞ ﻛﺎﻝ ... ﺷﻔﺘﻲ ﻋﻼﺝ ﺍﻟﺠﺎﻫﻞ ﺍﻟﺘﺠﺎﻫﻞ ﻻﻥ ﺗﺠﺎﻫﻠﺘﻬﻢ ﻫﻤﻪ ﺟﺎﺑﻮﻟﻲ ﺍﻟﺮﻳﻮﻙ ﻭﻫﻤﻪ ﺍﻟﻤﻤﻨﻮﻧﻴﻦ ...
ﺿﺤﻜﺖ ﻭﺿﻠﻴﺖ ﺍﻛﻞ ﻭﻳﺎﻩ ﺑﺎﻭﻋﺖ ﻟﻮﺭﻩ ﻣﺴﻠﻢ ﺷﻔﺖ ﻋﺎﻣﺮ ﻳﺒﺎﻭﻉ ﻋﻠﻴﻨﻪ ﻣﻦ ﺍﻟﺒﺎﺏ ﺍﻟﺰﺟﺎﺟﻲ ﺭﻓﻊ ﺣﺎﺟﺐ ﻭﻋﻤﺰﻟﻲ ﻭﻋﺾ ﺷﻔﺘﻪ ...
ﻳﻤﻤﻤﻤﻪ ﺍﻧﻬﺒﻄﺖ ﻫﺒﻄﻪ ﺑﺤﻴﺎﺗﻲ ﻣﺨﺎﻳﻔﻪ ﻫﻴﺞ ﻧﺰﻟﺖ ﻋﻴﻮﻧﻲ ﻭﺍﺑﺪ ﻣﺎ ﺭﻓﻌﺘﻬﺎ ﻭﺍﻟﺘﻬﻴﺖ ﺑﻤﺴﻠﻢ ﺧﻔﺖ ﺣﻴﻴﻞ
ﺷﻮﻳﻪ ﻭﻫﻮ ﻃﻠﻊ ﻻﺑﺲ ﺍﻟﺰﻱ ﺍﻟﻌﺴﻜﺮﻱ ﻭﺍﻟﻤﺴﺪﺱ ﺑﻀﻬﺮﻩ ﺑﺎﻭﻉ ﻋﻠﻴﻨﻪ
ﻭﻣﺴﻠﻢ ﺑﺎﻭﻋﻠﻪ ﻛﺎﻝ ... ﻭﺍﻧﻲ ﺍﻛﻮﻝ ﺍﻟﺒﻠﺪ ﻟﻴﺶ ﻣﺘﺪﻫﻮﺭ ﺍﺛﺎﺭﻱ ﻋﺎﻣﺮ ﺻﺎﻳﺮ ﻇﺎﺑﻂ ﻫﻬﻬﻬﻬﻬﻪ
ﺿﺤﻜﺖ ...
ﻫﻮ ﺗﻘﺮﺏ ﻣﻨﻪ ﻛﺎﻝ .. ﻣﺴﻠﻢ ﺷﺤﺠﻴﺖ
ﻣﺴﻠﻢ ﺑﺎﻭﻋﻠﻪ ﻛﻠﻪ ... ﻣﻨﻮ ﻳﻤﻚ ﺑﺎﺑﺎ ﻟﻮ ﻟﺒﺤﻀﻨﻪ ﻣﻄﻲ ﻳﻨﻬﮓ ... « ﻧﻬﻴﻖ »
ﻫﻮ ﺟﺮ ﻧﻔﺲ ﻗﻮﻱ ﻭﻛﺎﻝ ... ﻭﺍﻟﻠﻪ ﻟﻮ ﻣﺎ ﺍﺑﻮﻳﻪ ﻣﺤﺬﺭﻧﻲ ﺟﺎﻥ ﺗﺼﺮﻓﺖ ﻭﻳﺎﻙ ﻏﻴﺮ ﺗﺼﺮﻑ ...
ﻣﺴﻠﻢ ... ﻻ ﺑﺸﺮﻓﻚ ﺍﺛﺎﺭﻱ ﻣﺎﻱ ﻓﺎﺫﺭ ﺳﺎﺩ ﺣﻠﻜﻚ ﻫﺎﻱ ﻭﺍﺣﻨﻪ ﺑﺤﻤﺎﻳﺘﻚ ﻭﺗﺎﻟﻴﻬﺎ ﺗﻤﺸﻲ ﺑﺎﻣﺮ ﺑﺎﺑﺎ ... ﻻ ﺭﺑﺤﻨﺎ ...
ﻟﻚ ﻋﺎﻣﺮ ﺻﻴﻴﺮ ﺭﺟﺎﻝ ﻫﻴﻴﺞ ﺍﺭﻳﺪﻙ ﺳﺒﻊ ﻛﻮﻥ ﺍﻓﺘﺨﺮ ﺑﻴﻚ ﻟﻴﺶ ﺍﻡ ﻋﺒﺪﺍﻟﻠﻪ ﺻﺪﻳﻘﺘﻲ ﺍﺭﺟﻞ ﻣﻨﻚ ﻭﺍﻟﻠﻪ ﺍﺫﺍ ﺍﻭﻛﻔﻬﺎ ﻳﻤﻚ ﺗﻄﻐﻲ ﻋﻠﺊ ﺷﺨﺼﻴﺘﻚ ....
ﻫﻮ ﺣﻂ ﺍﺩﻳﻪ ﻋﻠﺊ ﺍﻟﻄﺎﻭﻟﻪ ﻭﻛﺎﻝ ... ﺍﺣﺠﻲ ﻣﻨﺎ ﻟﺒﺎﺟﺮ ﺗﻌﺮﻑ ﺍﻧﻲ ﺷﻨﻮ ﻭﺍﻧﺖ ﺷﻨﻮ ﺗﺎﺷﻮﻭﻭ my brother
ﺑﺎﻭﻋﻠﻲ ﻭﺍﺑﺘﺴﻢ ﻭﺍﻧﻲ ﻋﺎﻛﺪﻩ ﺣﻮﺍﺟﺒﻲ ﻭﺧﻠﻪ ﻭﻃﻠﻊ ...
ﻣﺴﻠﻢ ﺿﺤﻚ ... ﺍﻋﺮﻑ ﺍﻧﺖ ﻭﺍﺣﺪ ﻋﺎﺭ
ﺗﻨﻬﺪﺕ ... ﻣﺴﻠﻢ ﺧﻠﻲ ﻳﻮﻟﻲ ﻋﻮﻓﻨﻪ ﻣﻨﻪ
ﻛﻤﻞ ﺍﻛﻞ ﺑﺪﻭﻥ ﻣﻴﺤﺠﻲ ... ﺑﺲ ﻧﻈﺮﺍﺗﻪ ﻭﺣﺮﻛﺎﺗﻪ ﻟﺤﺪ ﺍﻻﻥ ﺭﻋﺒﻨﻲ ﻭﻛﻞ ﺷﻮﻳﻪ ﺍﺧﺎﻑ ﺍﻛﺜﺮ ...
ﻫﺬﺍ ﺷﻨﻮ ﻣﻦ ﻣﻠﻪ ﻣﺒﻴﻦ ﻣﺪﻟﻞ ﻭﻣﺴﺘﻬﺘﺮ ﻭﻃﺎﻟﻊ ﻋﻦ ﺍﻟﻄﺮﻳﻖ ... ﺍﺻﻼ ﺣﺮﺍﻣﺎﺕ ﻫﺬﺍ ﺑﺎﻟﺠﻴﺶ ﺍﻟﻌﺮﺍﻗﻲ ﻭﺍﻟﻠﻪ ﻋﺪﻧﺎ ﺯﻟﻢ ﺳﺒﺎﻉ ﺗﺨﺎﻑ ﻣﻨﻬﻢ ﺍﻟﻜﺎﻉ ﻭﻧﻌﻢ ﻣﻨﻬﻢ ﻫﺬﺍ ﺷﻨﻮ
.........................
ﺗﺎﺝ ...
ﺍﻟﻴﻮﻡ ﺧﻄﺒﺔ ﻋﻤﻮ ﻭﺩﻋﺎﺀ ...
ﻛﻮﻭﻭﻟﺶ ﻣﺎﻛﻠﻪ ﻫﻢ ﻫﻞ ﺧﻄﺒﻪ ﻭﻻ ﻣﺘﻔﺎﺋﻠﻪ ﺍﺑﺒﺒﺪ ﻻﻥ ﻋﻤﻮ ﺣﺘﺊ ﻣﻦ ﺍﺟﺎﻧﻪ ﻗﺒﻞ ﻳﻮﻡ ﺟﺎﻥ ﻣﺰﻋﻮﺝ ﻭﻣﺘﻀﺎﻳﻖ ﻭﻛﺄﻧﻪ
ﺍﻟﺒﺎﺭﺣﻪ ﺍﺑﺎﺫﺭ ﺣﺴﻴﺘﻪ ﻳﺘﻘﺮﺏ ﻣﻨﻲ ﻭﻳﺮﻳﺪ ﺍﺷﻴﺎﺀ ﺑﻌﻴﺪﻩ ﻋﻦ ﻃﺎﻗﺘﻲ ﺍﻧﻲ ﻗﺮﺭﺕ ﺍﺣﺠﻲ ﻭﻳﻪ ﻣﺎﻣﺎ ﺗﺎﺧﺬﻧﻲ ﺍﻟﺪﻛﺘﻮﺭ ﻧﻔﺴﺎﻧﻲ ... ﻻﻥ ﺗﻌﺒﺎﻧﻪ ﺣﻴﻴﻞ ﺻﺎﻳﺮﻩ ﺍﺗﺨﻴﻞ ﺻﺒﺎﺡ ﻫﻮﺍﻳﻪ ....
ﺑﺲ ﺍﻟﺤﻤﺪ ﻟﻠﻪ ﻣﻦ ﺍﺣﺠﻲ ﻭﻳﻪ ﻧﺎﺱ ﺍﺭﺗﺎﺡ ....
ﺍﻟﺒﺎﺭﺣﻪ ﺍﺑﺪﻝ ﻭﺍﻣﻜﻴﺞ ﻭﺍﺷﻮﻑ ﺍﻟﺪﻋﺎﺀ ﺷﻨﻮ ﺍﻟﺒﺲ ﻭﺍﺻﻮﺭ ﺍﻟﻬﺎ ﻭﺍﺭﺳﻞ ﻭﻫﻲ ﺗﺮﺳﻠﻲ ﺻﻮﺭ ...
ﺑﻌﺪﻳﻦ ﺍﺳﺘﻘﺮﻳﺖ ﻋﻠﺊ ﻓﺴﺘﺎﻥ ﻭﺭﺩﻱ ﺑﺎﻫﺖ ﺑﻲ ﻟﻤﻊ ﺧﻔﻴﻒ ....
ﺻﺪﻙ ﻟﺒﺴﺘﻪ ﻗﺼﻴﺮ ﺑﺲ ﻳﺠﻨﻦ ﻣﻦ ﻭﺭﻩ ﺑﻲ ﺳﺤﺎﺏ ﻋﻠﺊ ﻃﻮﻟﻪ ﻭﺿﻴﻖ ﻗﺼﻴﺮ ...
ﻭﺷﻌﺮﻱ ﺷﺴﻮﺭﺗﻪ ﻭﺑﺮﻣﺘﻪ ﻣﻦ ﺟﻮﻩ ﺷﻮﻳﻪ ﺧﻄﻴﺖ ﻋﻴﻮﻧﻲ ﻭﺣﻄﻴﺖ ﻣﻜﻴﺎﺝ ﻣﺎﻋﺪﺍ ﺍﻟﺤﻤﺮﻩ ﻻﻥ ﺍﻟﺤﻤﺮﻩ ﺗﺒﺮﺯ ﻛﻞ ﺍﻟﻤﻜﻴﺎﺝ ....
ﻭﺑﺪﻟﺖ ﺍﻟﺰﻫﺮﺍﺀ ﻭﺯﻳﻨﺐ ...
ﻭﻋﻤﻪ ﻭﻣﺤﻤﺪ ﻭﺍﺑﺎﺫﺭ ﺑﺪﻟﻮﻭ ....
ﻃﺒﻌﺎ ﻋﻤﻠﻴﺔ ﺯﻫﺮﺍﺀ ﺗﺤﺪﺩﺕ ﺍﻻﺳﺒﻮﻉ ﺍﻟﺠﺎﻱ ﺑﺲ ﻧﺨﻠﺺ ﻣﻦ ﺍﻟﺨﻄﺒﻪ ﻧﺴﻮﻳﻠﻬﺎ ﻓﻮﺭﺍ ...
ﺧﻠﺼﺖ ﺑﺴﺮﻋﻪ ﻭﻃﻠﻌﺖ ﻣﺎ ﺷﻔﺖ ﺍﺑﺎﺫﺭ ﺧﺘﻠﺖ ﺑﺼﻒ ﻋﻤﺘﻲ ﺗﻌﺎﻟﻲ ﻫﺬﺍ ﺷﻜﺪ ﻳﺒﻮﺱ ﻳﺨﺮﺏ ﺍﻟﻤﻜﻴﺎﺝ ﻭﺍﻧﻲ ﺻﺎﻳﺮﻩ ﻧﻔﺴﻴﻪ ﻛﻮﻩ ﺧﻠﺼﺖ ﺍﻟﻤﻜﻴﺎﺝ ....
ﺻﻌﺪﻧﻪ ﺑﺴﻴﺎﺭﻩ ﻭﻫﻮ ﻋﺪﻝ ﺍﻟﻤﺮﺍﻳﻪ ﻋﻠﻴﻬﺎ ﻭﺯﻫﺮﺍﺀ ﻋﻤﻪ ﺷﺎﻳﻠﺘﻬﺎ ﻭﺍﻧﻲ ﺑﺤﻀﻨﻲ ﺯﻳﻨﺐ ﺗﺒﺠﻲ ﺗﺮﻳﺪ ﺣﻤﺮﻩ ...
ﺟﻨﺖ ﻻﺑﺴﻪ ﺻﺎﻳﻪ ﻓﻀﻔﺎﺿﻪ ﺳﻮﺩﻩ ﻭﺷﺎﻝ ﻻﺑﺴﺘﻪ ﺑﺎﻫﻤﺎﻝ ﻭﻫﻮ ﻛﻞ ﺷﻮﻳﻪ ﻳﺒﺎﻭﻋﻠﻲ ﻭﻳﺠﺮ ﻧﻔﺲ ﻛﺎﻧﻪ ﻣﺘﻮﻋﺪ ﺑﻴﻪ ...
ﻭﻣﺤﻤﺪ ﻛﺎﻋﺪ ﺑﺼﺪﺭ ﻳﻨﺪﺏ ﺣﻀﻪ ... ﺍﻣﺪﺍﻧﻲ ﻭﻃﺎﺡ ﺣﻀﻲ ﻣﻨﻮ ﺍﻧﻌﺠﺐ ﺑﻴﻬﺎ ﺗﺘﺰﻭﺝ ﺣﺘﺊ ﻟﻮ ﺟﺎﻧﺖ ﻣﻮﻏﻔﻪ ﻋﻠﺊ ﻛﻠﺐ ﺍﻫﻠﻬﺎ ...
ﺣﺒﻴﺖ ﺟﻴﺮﺍﻧﻪ ﻧﻬﻪ ﻋﻠﻴﻬﺎ ﺍﺑﻦ ﻋﻤﻬﺎ ... ﺣﺒﻴﺖ ﺍﺧﺖ ﺻﺪﻳﻘﻲ ﻭﻫﻲ ﺣﺘﺊ ﻣﺤﺪ ﻣﻜﻠﺒﻬﺎ ﺳﺒﻘﻨﻲ ﺻﺪﻳﻘﻲ ﻭﺧﻄﺒﻬﺎ ﺣﺒﻴﺖ ﺧﺎﻟﺖ ﺗﺎﺝ ... ﻣﻌﻴﺼﻢ ﻃﺎﺭ ﻭﺧﻄﺒﻬﺎ ...
ﻋﻤﻲ ﺑﻌﺪ ﻟﺤﺪ ﺗﺮﻭﺡ ﺗﺴﻮﻱ ﺳﺤﻮﺭﻩ ﺗﻌﺎﻟﻦ ﻋﻠﻴﻪ ﺑﺲ ﺍﻃﻜﺠﻦ ﺑﺨﻄﺒﻪ ﺗﺘﺰﻭﺟﻦ ...
ﺿﺤﻜﺖ ﺑﺼﻮﺕ ﻋﺎﻟﻲ ﻭﻋﻤﺘﻲ ﺿﻠﺖ ﺗﻀﺤﻚ ...
ﺯﻳﻨﺐ ﺗﻘﺮﺑﺖ ﻣﻨﻪ ﺣﺠﺖ ﺑﻄﻔﻮﻟﻪ ... ﺍﺣﺒﻄﻨﻲ .. « ﺍﺧﻄﺒﻨﻲ »
ﺑﺎﻭﻋﻠﻬﺎ ﺑﺘﺬﻣﺮ ... ﺍﻟﻀﺎﻫﺮ ﺗﺮﺩﻳﻦ ﺗﺰﻭﺟﻴﻦ ﻳﺎ ﺍﻧﺴﻪ ﺍﺣﺒﻄﻬﺎ ﺍﻧﻮﺏ ...
ﻫﻤﺴﺖ ... ﻭﻟﺞ ﻋﻴﺐ ﻋﻤﻮﻭ
ﻛﺎﻟﺖ ... ﻟﻮﺣﻲ ﻟﻌﺪ ﻣﻮ ﻋﻤﻮ ﺣﺎﺑﻄﺞ .. « ﻋﻤﻮ ﺧﺎﻃﺒﺞ »
ﺍﺑﺎﺫﺭ ﺿﺤﻚ ﻋﻠﻴﻬﺎ ﻛﻠﻬﺎ ... ﺍﻱ ﺍﻧﻲ ﺍﺑﻦ ﻋﻤﻬﺎ ﻣﻮ ﻋﻤﻬﺎ ﻭﺍﻧﺘﻲ ﻣﻮ ﺗﺮﺩﻳﻦ ﺗﺪﺭﺳﻴﻦ ﺗﺼﻴﺮﻳﻦ ﺩﻛﺘﻮﺭﻩ ﻳﺎﻟﻠﻪ ﺗﺰﻭﺟﻴﻦ
ﺑﺮﻃﻤﺖ ﺷﻔﺎﻳﻔﻬﺎ ﻭﺳﻜﺘﺖ ...
ﺗﺮﻳﺪ ﺗﺰﻭﺝ ﺯﻧﻮﺑﻪ ﻏﺎﺭﺕ ﻣﻦ ﺩﻋﺎﻭﻱ ﻫﻬﻬﻬﻬﻬﻬﻪ
ﻭﺻﻠﻨﻪ ﻟﻠﺒﻴﺖ ﻭﺍﺑﺎﺫﺭ ﻛﺎﻝ .. ﺍﻧﺘﻈﺮﻱ ﺍﺣﺠﻲ ﻭﻳﺎﺝ
ﻭﻛﻔﺖ ﺑﺨﻮﻑ ﻛﺎﻝ ... ﺍﻭﻻ ﺷﻄﺎﻟﻌﻪ ﻟﺨﺎﻃﺮ ﺍﻟﻜﻌﺒﻪ ﻻ ﺍﻟﻴﻮﻡ ﺍﻧﺤﺮﻑ ﺍﻧﺤﺮﻑ ﻭﺧﻠﻲ ﺗﺨﺴﺮﻧﻲ ﺍﻟﺪﻭﻟﻪ ﻛﻤﻮﺍﻃﻦ ﺻﺎﻟﺢ ﺑﻌﺪ ﻣﺤﺪ ﻳﻬﻤﻨﻲ ...
ﺿﺤﻜﺖ ﺑﻬﺪﻭﺀ ...
ﺑﻌﺪﻫﺎ ﻛﻤﻞ ... ﺩﻳﺮﻱ ﺑﺎﻟﺞ ﻣﻦ ﺍﺑﺘﻬﺎﻝ ﻻ ﺗﺤﺘﻜﻴﻦ ﺑﻴﻬﺎ ﻣﺎﺍﺭﻳﺪ ﺍﻱ ﻋﻼﻗﻪ ﺑﻴﻬﺎ ...
ﻫﺰﻳﺖ ﺭﺍﺳﻲ ﺑﺄﻱ ...
ﺩﺧﻠﺖ ﻳﺒﻮﻭﻭ ﺩﻋﻴﻮﻭﻭﻩ ﻫﺎﻱ ﺩﻋﻴﻮﻩ ﺷﻄﺎﻟﻌﻪ ﺍﻟﻤﺼﻴﻮﺑﻪ ﺗﺠﻨﻦ ...
ﺍﻟﺘﺴﺮﻳﺤﻪ ﺗﺠﻨﻦ ﻭﺻﺎﺑﻐﻪ ﺷﻌﺮﻫﺎ ﺍﺷﻘﺮ ﻋﻠﺊ ﺑﻴﺠﻲ ...
ﻭﻻﺑﺴﻪ ﻓﺴﺘﺎﻥ ﻣﺎﺭﻭﻧﻲ ﻭﻣﻜﻴﺎﺝ ﺑﺮﻭﻧﺰﻱ ﻭﺍﻟﻔﺴﺘﺎﻥ ﻗﺼﻴﺮ ﻭﻫﻲ ﺑﻴﻀﻪ ﻭﺭﺟﻠﻴﻬﺎ ﺑﻴﺾ ﻭﻣﺼﻔﻄﻪ ﺗﺼﻔﻦ ﺍﻟﻤﺤﺎﻓﻆ ....
ﺍﺣﻨﻪ ﺍﺟﻴﻨﻪ ﻣﺘﺨﺮﻳﻦ ﻟﻜﻴﺖ ﺍﻫﻠﻲ ﺟﺎﻳﻴﻦ ﺍﻣﻲ ﻭﻣﺮﺓ ﻫﺸﺎﻡ ﻭﻣﻴﺲ ﻭﺑﻴﺒﻲ ﻭﺻﺪﻳﻘﺎﺕ ﺑﻴﺒﻲ ﺷﻮﻳﻪ ﺍﻡ ﻋﺼﻮﻣﻲ ﺗﻔﻴﻚ ...
ﻓﺮﺣﺎﻧﻪ ﺑﺠﻨﺘﻬﺎ ﺍﻟﺪﻟﻮﻋﻪ ... ﺍﻡ ﺍﻟﺘﺸﻠﺘﺢ ﻫﻬﻬﻬﻬﻪ
ﻭﺷﻮﻳﻪ ﻭﺍﺟﻮ ﺍﻟﺰﻟﻢ ﺍﺗﻔﻘﻮ ﻋﻠﺊ ﺍﻟﺤﺎﺿﺮ ﻭﺍﻟﻐﺎﻳﺐ ﻭﺑﻌﺪﻫﺎ ﺍﺟﻮ ﻛﺎﻟﻮ ﻫﻠﻬﻠﻮ ﺗﻤﺖ ﺍﻟﺨﻄﺒﻪ ...
ﺩﻋﺎﺀ ﺍﺷﻮﻑ ﺍﻟﻔﺮﺣﻪ ﺑﻌﻴﻮﻧﻬﺎ ﻭﺍﺑﺘﺴﺎﻣﺘﻬﺎ ﻣﺎ ﻓﺎﺭﻛﺘﻬﺎ ...
ﻗﺪﺭ ﺟﺎﻧﺖ ﻻﺑﺴﻪ ﺑﻨﻄﺮﻭﻥ ﺍﺑﻴﺾ ﻭﺗﺸﻴﺮﺕ ﺿﻴﻖ ﺗﺮﻛﻮﺯﺍﻱ ﻭﻫﻲ ﻋﻴﻮﻧﻬﺎ ﻣﻠﻮﻧﻪ ﻭﺷﻌﺮﻫﺎ ﺍﺷﻘﺮ ﻭﻃﻮﻳﻞ ﻃﺎﻟﻌﻪ ﻓﺘﻨﻪ ...
ﻭﻣﻴﻮﺳﻪ ﺍﻟﺒﺬﺍﺗﻪ ﻫﻤﺎﺗﻴﻦ ﻃﺎﻟﻌﻪ ﺣﻠﻮﻩ ﻻﺑﺴﻪ ﻓﺴﺘﺎﻥ ﻃﻮﻳﻞ ﺫﻫﺒﻲ ﻭﺷﻌﺮﻫﺎ ﻛﺎﺻﺘﻪ ﻣﺪﺭﺝ ﻫﻤﺎﺗﻴﻦ ﻛﻮﻭﻟﺶ ﺣﻠﻮﻩ ...
ﻛﺎﻟﻮ ﺣﻴﺪﺧﻞ ﺍﻟﺸﻴﺦ ﻭﻣﻌﺘﺼﻢ ﻭﺟﺪﻭ ﻳﻌﻘﺪﻭﻥ ...
ﻭﺑﻌﺪﻳﻦ ﺗﺒﺪﻱ ﺍﻟﺤﻔﻠﻪ ...
ﺩﻋﺎﺀ ﺟﺎﻧﺖ ﻣﺮﺗﺒﻜﻪ ﻭﺗﺮﺟﻒ ﺭﻏﻢ ﻫﻲ ﺣﻴﻞ ﺟﺮﻳﺌﻪ ﺑﺲ ﻣﺪﺭﻱ ﺧﺠﻼﻧﻪ ﻭﻣﺮﺗﺒﻜﻪ ...
ﻟﺒﺴﻨﺎﻫﺎ ﺍﻟﺒﺮﻧﺺ ﻭﺧﻠﺖ ﻣﺎﻣﺎ ﻋﻠﻴﻬﺎ ﻋﺒﺎﻳﺔ ﺍﻟﺼﻼﺓ ﻻﻥ ﻓﺴﺘﺎﻧﻬﺎ ﻗﺼﻴﺮ ﻭﺩﺧﻠﺖ ﻟﻠﻐﺮﻓﻪ ﺗﻌﻘﺪ ...
ﺩﺧﻞ ﻋﻤﻮ ﺍﻭﻭﻱ ﻓﺪﻭﻩ ﻟﻮ ﻫﻴﺞ ﺍﻟﻌﻤﺎﻡ ﻟﻮ ﺑﻼﻫﻢ ﻳﺠﻨﻦ ﻻﺑﺲ ﻗﻤﻴﺺ ﺑﻴﺠﻲ ﺑﺎﺭﺯ ﺟﺴﻤﻪ ﺍﻟﻤﻌﻀﻞ ﻭﺑﻨﻄﺮﻭﻥ ﺟﻮﺯﻱ ﻭﻫﻮ ﺑﺸﺮﺗﻪ ﺑﺮﻭﻧﺰﻳﻪ ﻭﻋﻴﻮﻧﻪ ﺟﻮﺯﻳﻪ ﻃﺎﻟﻌﻪ ﻳﺠﻨﻦ ...
ﻭﺟﺪﻭ ﻭﺍﻟﺸﻴﺦ ﺩﺧﻠﻮﻭ ... ﻭﺑﻴﺒﻲ ﺗﻬﻮﺱ ... ﻋﺼﻮﻣﻲ ﺍﻟﺘﻴﻦ ﻭﻣﺤﻠﻲ ﺍﻟﺒﺴﺎﺗﻴﻦ ﻋﺼﻮﻣﻲ ﺍﻟﺘﻴﻦ ﻭﻣﺤﻠﻲ ﺍﻟﺒﺴﺎﺗﻴﻦ
ﺍﻣﺎ ﻫﻮ ﺑﺴﺮﻋﻪ ﻭﺟﻬﻪ ﻧﻈﺮﻩ ﻟﻘﺪﺭ ﺍﻟﻲ ﻭﺍﻛﻔﻪ ﻓﺮﺣﺎﻧﻪ ﻭﺗﺼﻮﺭ ﺑﻲ ﻭﺗﻬﺰ ﻋﻠﺊ ﺍﻧﻐﺎﻡ ﺍﻟﺪﻳﺠﻲ ﺑﺤﺮﻛﺎﺕ ﺑﺴﻴﻄﺔ
ﻟﻜﻦ ﺳﺮﻋﺎﻥ ﻣﺎ ﺍﺷﺎﺡ ﺑﻨﻈﺮﻩ ﻋﻨﻬﺎ ﻭﺩﺧﻞ ﻳﻌﻘﺪ ...
ﺍﻧﻲ ﺭﺟﻌﺖ ﺍﺭﻛﺺ ﻭﻣﻮﺑﺎﻳﻠﻲ ﺭﻥ ﺑﺎﺗﺼﺎﻝ ﻋﺒﺎﻟﻲ ﺍﺑﺎﺫﺭ ...
ﻓﺘﺤﺖ ﺧﻂ ﺍﻧﻘﻔﻞ ﺣﺴﺎﺏ ﺟﺪﻳﺪ ﻭﺑﺴﺮﻋﻪ ﺍﻧﺴﺪ ﺍﻧﻲ ﻋﻨﺪﻱ ﺍﻟﺸﺒﻜﻪ ﻣﺎﻟﺖ ﺑﻴﺖ ﺟﺪﻭ ﻟﺬﻟﻚ ﺑﺲ ﺍﺩﺧﻞ ﺍﻛﻨﻚ ﻋﻠﻴﻬﻢ ...
ﺷﻮﻳﻪ ﻭﺻﻠﺘﻨﻲ ﺭﺳﺎﺋﻞ ﻓﺘﺤﺘﻬﺎ ﻭﺍﺷﻮﻓﻬﺎ ﺻﻮﺭﻱ ﻭﻣﻘﺎﻃﻊ ﺍﻟﻴﻪ ﻭﻛﺎﺗﺐ ... ﺍﺫﺍ ﺍﻓﺘﺢ ﺑﻴﺞ ﻗﻨﺎﺓ ﻋﻠﺊ ﺍﻟﻴﻮﺗﻴﻮﺏ ﺗﻄﻚ ﻣﻮﻭ ﻭﺍﺣﺼﻞ ﺑﻴﺞ ﺍﺭﺑﺎﺡ ﺍﻛﻴﺪ ﻣﻮﺻﺢ
ﻣﺎ ﺍﺷﻮﻑ ﺍﻟﻪ ﺍﻟﺼﻮﺭ ﺻﺎﺭ ﻳﺮﺳﻞ ﺑﺼﻮﺭﻩ ﻣﺴﺘﻤﺮﻩ ...
ﺑﺎﻭﻋﺖ ... ﻳﻤﻤﻪ ﺟﻬﺎﺯﻱ ﻣﻬﻜﺮ ﻻﺍﺍﺍﺍ
ﻛﺘﺒﺖ ... ﻣﻨﻮ ﺍﻧﺖ ﻭﺷﺘﺮﻳﺪ
ﻛﺘﺐ ... ﺍﺭﻳﺪ ﺍﻧﺎﻡ ﻭﻳﺎﺝ ﻋﻦ ﻃﺮﻳﻖ ﺍﻟﻤﻮﺑﺎﻳﻞ ﻻ ﺑﺎﻟﻘﺮﺍﻥ ﺍﺗﺮﺱ ﺍﻟﻴﻮﺗﻴﻮﺏ ﻭﺍﻟﻔﻴﺲ ﺑﺼﻮﺭﺝ ﻭﻣﻘﺎﻃﻌﺞ ﻭﺍﻟﻠﻪ ﺧﻮﺵ ﺗﻬﺰﻳﻦ ﺍﻧﺘﻲ ﻭﺧﺎﻟﺘﺞ ... ﺑﺲ ﻻ ﺗﺨﺎﻓﻴﻦ ﺧﺎﻟﺘﺞ ﺍﺷﻮﺵ ﻋﻠﻴﻬﺎ ﻻﻥ ﻣﺎﺍﺭﻳﺪﻫﺎ ﺑﺲ ﺍﻧﺘﻲ ﻻﺍﺍﺍﺍ
ﺑﻠﻌﺖ ﺭﻳﻘﻲ ﺑﺼﺪﻣﻪ ... ﺷﻨﻮ ﺗﻨﺎﻡ ﻭﻳﺎﻱ ﺑﺎﻟﻤﻮﺑﺎﻳﻞ
ﻛﺘﺐ ﺑﻀﺤﻜﻪ .... ﻫﻬﻬﻬﻬﻬﻬﺎﻱ ﺣﺒﻲ ﻳﻌﻨﻲ ﻋﻦ ﻃﺮﻳﻖ ﺍﻟﻜﻼﻡ ﺍﺩﺯﻟﺞ ﺻﻮﺭﻱ ﺑﺪﻭﻥ ﻣﻼﺑﺲ ﻭﺍﻧﺘﻲ ﻋﻦ ﻃﺮﻳﻖ ﺧﻴﺎﻟﺞ ﺗﻜﺘﺒﻴﻦ ﻭﺗﻨﺎﻣﻴﻦ ﻭﻳﻴﻴﺎﻱ
ﺍﻧﺼﺪﻣﺖ ﻭﺍﻧﺮﻋﺒﺖ ﺿﻠﻴﺖ ﺍﺭﺟﻒ ﻭﻣﺎﺍﻋﺮﻑ ﺷﻠﻮﻥ ﺍﺗﺼﺮﻑ ...
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
