ﺑﺎﺭﺕ 38
ﺭﻭﺍﻳﺔ ﻧﺼﻒ ﻋﺬﺭﺍﺀ ﺑﻴﻦ ﺃﻧﻴﺎﺏ ﻗﺎﺗﻠﻲ ..
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔
ﻓﻲ ﻣﺮﺿﻬﺎ ...... ﺗﺒﻜﻲ ﺍﻟﻘﻠﻮﺏ ﺗﺄﺛﺮﺍ ...... ﺗﻈﻬﺮ ﺩﻣﻌﺎﺗﻨﺎ ﺗﺒﺎﻋﺎ ﺗﻨﺎﺛﺮﺍ ........ ﻭ ﻧﺤﺒﻬﺎ ....... ﻧﺪﻋﻮ ﻟﻬﺎ ...... ﻧﺘﻤﻨﻰ ﻟﻮ ﺗﺄﺗﻲ ﺑﻼﺑﻞ ﺍﻟﻜﻮﻥ ﺍﻟﺸﺠﻴﺔ ...... ﻭ ﺗﺒﺚ ﺍﺧﺒﺎﺭ ﺍﻟﺴﻌﺎﺩﺓ ﻓﻴﻨﺎ ....... ﻓﻴﺰﻭﻝ ﻫﻤﻨﺎ ...... ﻳﺎ ﺍﺧﺘﻨﺎ ...... ﺟﺬﻉ ﺍﻟﻔﺆﺍﺩ ﺑﺴﻘﻤﻚ ....... ﺧﺴﺌﻨﺎ ﺍﻥ ﻟﻢ ﻧﻬﺘﻢ ﺑﺄﻣﺮﻙ ﻭ ﺗﻬﺘﻤﻴﻦ ﺍﻧﺘﻲ ﻓﻲ ﻛﻞ ﺣﻴﻦ ﺑﺄﻣﻮﺭﻧﺎ .....
.........................
ﻗﺒﻞ ﺳﺎﻋﺘﻴﻦ ....
ﻣﻴﺲ ..
ﺟﻨﻪ ﻛﺎﻋﺪﻳﻦ ﺑﺎﻻﻧﺘﻀﺎﺭ ﻭﻣﺎﻣﺎ ﻛﺎﻋﺪﻩ ﺗﺴﺘﻐﻔﺮ ﺭﺑﻬﺎ ﻭﺗﺒﺠﻲ ﻭﻛﻞ ﺷﻮﻳﻪ ﺗﻔﺰ ﻣﺮﻋﻮﺑﻪ ﺑﺲ ﺗﺸﻮﻑ ﺩﻛﺘﻮﺭ ﻳﻔﻮﺕ ﺍﻭ ﺗﺼﻴﺮ ﺣﺮﻛﻪ ﺗﺘﺨﺒﻞ ﻋﺒﺎﻟﻬﺎ ﺗﺎﺝ ﺻﺎﺭ ﺑﻴﻬﺎ ﺷﺊ ...
ﻭﺍﻧﻲ، ﻛﺎﻋﺪﻩ ﺍﺻﺒﺮ ﻋﻠﻴﻬﺎ ﻭﺍﺭﺟﻊ ﺍﺑﺠﻲ ﻭﻳﺎﻫﺎ .
ﺷﻮﻳﻪ ﻭﺍﺟﺖ ﻣﻤﺮﺿﻪ ﻛﺎﻟﺖ ... ﻭﻳﻦ ﺍﻡ ﺗﺎﺝ ...
ﻣﺎﻣﺎ ﻭﻛﻔﺖ ﻣﺮﻋﻮﺑﻪ ﺍﺷﺮﺕ ﻋﻠﺊ ﻧﻔﺴﻬﺎ ... ﺍﻧﻲ ﺍﻡ ﺗﺎﺍﺍﺝ ﺗﻮﺗﻪ ﺑﻴﻬﺎ ﺷﺊ ﻓﺪﻭﻭﻩ ﺩﻛﺘﻮﺭﻩ ﺍﺑﻮﺱ ﺍﻳﺪﺝ ﻻ ﺗﻔﺠﻌﻴﻨﻲ
ﺭﺩﺕ ﺑﺒﺘﺴﺎﻣﻪ ﺣﺰﻳﻨﻪ ... ﻋﻠﺊ ﻛﻴﻔﺞ ﺧﺎﻟﻪ ﺍﻥ ﺷﺎﺀ ﺍﻟﻠﻪ ﻣﺒﻴﻬﺎ ﺷﺊ ﺑﺲ ﺍﺣﻨﻪ ﻻﺯﻡ ﻧﻨﻘﻠﻬﺎ ﺍﻟﻤﺴﺘﺸﻔﺊ ﺍﻟﻮﻻﺩﻩ ﻭﻫﻲ ﺣﺎﺑﻪ ﺗﺸﻮﻓﺞ ﻛﻞ ﺷﻮﻳﻪ ﺗﻄﻠﺒﺞ
ﻣﺎﻣﺎ ﺑﻠﻌﺖ ﺭﻳﻜﻬﺎ ﺑﺨﻮﻭﻑ ... ﺧﺎﺍﺍﻑ ﺗﺮﻳﺪ ﺗﻤﻮﻭﺕ ﻭﺍﻟﻠﻪ ﻣﺎﺍﻛﺪﺭ ﺍﺷﻮﻓﻬﺎ
ﺍﻟﻤﻤﺮﺿﻪ ﻟﺰﻣﺖ ﻣﺎﻣﺎ ﻣﻦ ﻛﺘﻔﻬﺎ ﻛﻠﺘﻠﻬﺎ ... ﺧﺎﻟﻪ ﻻ ﺗﺨﺎﻓﻴﻦ ﺍﻷﻋﻤﺎﺭ ﺑﻴﺪ ﺍﻟﻠﻪ ﻭﺍﻥ ﺷﺎﺀ ﺍﻟﻠﻪ ﻣﺒﻴﻬﺎ ﺷﺊ ﻻ ﺗﺨﻠﻴﻦ ﺷﺊ ﺑﻨﻔﺴﻬﺎ ﻭﺗﻌﺎﻟﻲ ﺷﻮﻓﻴﻬﺎ ﺷﻨﻮ ﺗﺮﻳﺪ ...
ﻣﺎﻣﺎ ﺑﺎﻭﻋﺘﻠﻲ ﻭﻟﺰﻣﺖ ﺍﻳﺪﻱ ﻛﺎﻟﺖ ﺑﻨﺤﻴﺐ ... ﻣﻴﺲ ﺍﺩﺧﻠﻲ ﻭﻳﺎﻳﻪ ﻣﺎ ﺍﻛﺪﺭ ﺍﻟﻮﺣﺪﻱ ﺍﻧﻲ ﺗﺎﺝ ﻣﻦ ﺗﻀﺮﺑﻬﺎ ﺍﻟﺸﻤﺲ ﺍﻧﻘﻬﺮ ﻋﻠﻴﻬﺎ ﻣﻮ ﺍﻧﻮﺏ ﻣﻄﺒﻮﺧﻪ ﻃﺒﺦ
ﻫﺰﻳﺖ ﺭﺍﺳﻲ ﺑﺄﻱ ﻭﺩﺧﻠﺖ ﻭﻳﺎﻫﺎ ﻟﺒﺴﻨﻪ ﻣﻼﺑﺲ ﻣﻌﻘﻤﻪ ﻭﻛﻤﺎﻣﻪ ﻭﻋﻘﻤﻨﻪ ﺍﺩﻳﻨﻪ ﺑﺪﻳﺘﻮﻝ ...
ﺩﺧﻠﺖ ﻣﺎﻣﺎ ﻟﻠﻐﺮﻓﻪ ﺟﺎﻧﺖ ﻫﺎﺍﺍﺍﺩﺋﻪ ﺣﻴﻴﻴﻞ ﻭﺑﺲ ﺭﻳﺤﺔ ﺍﻟﺪﻳﺘﻮﻝ ﺗﻀﺮﺏ ﺑﺎﻻﻧﻒ ...
ﺑﺎﻭﻋﺘﻠﻬﺎ ﻧﺎﻳﻤﻪ ﻋﻠﺊ ﺿﻬﺮﻫﺎ ﻭﻣﻐﻄﻴﻪ ﺑﺸﺮﺷﻒ ﺍﺑﻴﺾ ﻭﺍﺩﻳﻬﺎ ﻣﻠﻔﻮﻓﺎﺕ ﺑﺸﺎﺵ ﻭﺍﻟﻤﻐﺬﻱ ﻣﺸﻜﻞ ﺑﻴﺪﻫﺎ
ﻣﺎﻣﺎ ﻣﻦ ﺷﺎﻓﺘﻬﺎ ﺑﺴﺮﻋﻪ ﺑﺠﺖ ﻭﻫﻲ ﻓﺰﺕ ﺑﺴﺮﻋﻪ ﺑﺎﻭﻋﺖ ﻟﻤﺎﻣﺎ ﺧﺎﻳﻔﻪ ...
ﺑﺠﺖ ﺑﺼﻮﺕ ﺧﺎﻓﺖ ﻭﻣﺪﺕ ﺍﻳﺪﻫﺎ ﺍﻟﻤﺎﻣﺎ ...
ﻣﺎﻣﺎ ﺑﺴﺮﻋﻪ ﺭﻛﻀﺖ ﻋﻠﻴﻬﺎ ﻟﺰﻣﺖ ﺍﻳﺪﻫﺎ ﻭﻫﻲ ﺗﺒﻮﺱ ﺑﻴﻬﺎ ﻭﺗﺒﺠﻲ ﻭﺩﻛﻠﻬﺎ ... ﻳﻤﻤﻪ ﺗﻮﺗﻪ ﻳﻤﻤﻪ ﺷﺴﻮﻳﺘﻲ،ﺑﻴﻪ ﻳﻤﻤﻪ ﻳﻮﻣﻴﻪ ﺍﻧﻲ،ﻣﻴﺘﻪ ﺍﻟﻒ ﻣﻮﺗﻪ ﻣﻦ ﻭﺭﻩ ﺍﺧﺘﺞ ﺍﻧﻮﺏ ﺍﻧﺘﻲ ...
ﻫﻲ ﺑﺠﺖ ﻭﺿﻠﺖ ﺗﺘﺌﺘﺊ ﺑﺎﻟﻜﻼﻡ .
ﺭﺟﻌﺖ ﻣﺎﻣﺎ ﺑﺎﺳﺘﻬﺎ ﻛﻠﺘﻠﻬﺎ ... ﺗﻮﻭﺗﻪ ﻳﻤﻤﻤﻪ ﺻﻴﺮﻱ ﺳﺒﺎﻋﻴﻪ ﺑﻌﺪ ﺍﻣﺞ ﻻ ﺗﻜﺴﺮﻳﻨﻲ ﻳﺮﻭﺣﻲ ﺍﻧﺘﻲ ﻓﺪﻭﻩ ﺍﺭﻭﺣﻠﺞ ﻳﻤﻤﻪ ﻣﻦ ﻋﻤﺮﻱ ﻋﻠﺊ ﻋﻤﺮﺝ ..
ﺗﺎﺝ ﺑﺎﻭﻋﺖ ﺍﻟﻤﺎﻣﺎ ﺑﻨﻈﺮﺍﺕ ﺣﺰﻳﻨﻪ ﻭﻫﻤﺴﺖ ﺑﻀﻌﻒ ... ﻣﺎﺍﺍ ﻣﺎﻣﺎ ﺑﺐ ﺑﺲ ﺍﻃﻴﺐ ﺍﺍ ﺍﺧﻠﻴﺞ ﺗﻨﺰﻋﻴﻦ ﺍﻻﺳﻮﺩ
ﻣﺎﻣﺎ ﺭﺩﺕ ﻋﻠﻴﻬﺎ ﺑﻠﻬﻔﻪ ﻭﻧﺤﻴﺐ ... ﻭﺍﻟﻠﻪ ﻭﺍﻟﻠﻪ ﻳﺎ ﻳﻤﻪ ﻳﺎ ﺗﺎﺝ ﺍﺫﺍ ﺻﺮﺗﻲ ﺯﻳﻨﻪ ﻭﻃﺒﺘﻲ ﺍﻟﺒﺲ ﺍﺣﻤﺮ ﻭﺍﻟﻠﻪ ...
ﻫﻲ ﺧﻄﻴﻪ ﻣﺎﻣﺎ ﻟﺤﺪ ﺍﻻﻥ ﻻﺑﺴﻪ ﺍﺳﻮﺩ ﻋﻠﺊ ﻫﺒﻪ ﻭﺣﺘﺊ ﻣﻦ ﻋﺮﺱ ﻫﺸﺎﻡ ﻣﺎ ﻧﺰﻋﺘﻪ ...
ﺭﺟﻌﺖ ﺗﺎﺝ ﺍﺑﺘﺴﻤﺖ ﺍﻟﻬﺎ ﻛﺎﻟﺖ ... ﻭ ﺍﺣﻒ ﺣﻮﺍﺟﺒﺞ
ﻣﺎﻣﺎ ﺍﺑﺘﺴﻤﺖ ﻣﻦ ﺑﻴﻦ ﺩﻣﻮﻋﻬﺎ .. ﺍﻱ ﻳﻤﻤﻪ ﺷﻨﻮ ﺍﻟﺘﺮﺩﻳﻨﻪ ﺳﻮﻱ ﺑﺲ ﺍﻧﺘﻲ ﻃﻴﺒﻲ ﻭﺭﺟﻌﻲ ﺍﻟﺤﻀﻨﻲ
ﻣﺎﻣﺎ ﺍﺷﺮﺕ ﻋﻠﺊ،ﺻﺪﺭﻫﺎ ﻭﻫﻲ،ﺗﺒﺠﻲ،ﺑﺼﻮﺕ ﻋﺎﻟﻲ،ﺍﺭﺟﻌﻲ ﻫﻨﺎ ﻳﻤﻤﻤﻪ ﺗﺎﺍﺍﺝ ﻭﺍﻟﻠﻪ ﻭﺍﻟﻠﻪ ﻣﺜﻞ ﺍﻟﻄﻔﻞ ﺍﺩﺍﺭﻳﺞ ﻭﺣﺘﺊ ﺍﺫﺍ ﺭﺩﺗﻲ ﺗﺘﻄﻠﻜﻴﻦ ﺍﻃﻠﻜﺞ ﻭﺍﺧﻠﻴﺞ ﻳﻤﻲ
ﻫﺰﺕ ﺭﺍﺳﻬﺎ ﺑﻼ ﻭﺩﻣﻮﻋﻬﺎ ﺗﻨﺰﻝ ﺑﺼﻤﺖ ...
ﻣﺎﻣﺎ ﺩﻧﻜﺖ ﻋﻠﺊ ﺭﺟﻠﻬﺎ ﻭﺑﺎﺳﺘﻬﺎ ﻭﻫﻲ ﺗﺨﺒﻠﺖ ﺭﻓﻌﺖ ﺍﻳﺪﻫﺎ ﻭﻫﺰﺕ ﺭﺍﺳﻬﺎ ﻭﺩﻣﻮﻋﻬﺎ ﺗﺮﺳﺖ ﻭﺟﻬﻬﺎ ... ﻻ ﺗﺴﻮﻭﻳﻦ ﻫﻴﺞ ﻣﺎﻣﺎ ﻓﺪﺩﻭﻩ ...
ﻣﺎﻣﺎ ﺗﻘﺮﺑﺖ ﻣﻨﻬﺎ ﻭﺑﺎﺳﺘﻬﺎ ﺑﺨﺪﻫﺎ ﻭﻋﻴﻮﻧﻬﺎ ... ﻭﻟﺠﺠﺞ ﺗﺎﺍﺍﺍﺝ ﻭﻟﺞ ﻛﻠﺒﻲ ﺻﺎﺭ ﻧﺎﺍﺍﺍﺭ ﻋﻠﻴﺞ ﻳﻤﻤﻪ ﻓﺪﺩﺩﻭﻩ ﻓﺪﻭﻭﻭﻩ ﻻ ﺗﻤﻮﺗﻴﻦ
ﺑﺠﺖ ﺑﺼﻮﺕ ﻋﺎﻟﻲ .... ﻻ ﺗﺒﺠﻴﻴﻴﻦ ﺍﺧﺎﺍﺍﺍﺍﺍﻑ ﺍﺧﺎﺍﺍﻑ
ﻣﺎﻣﺎ ﻣﺴﺤﺖ ﺩﻣﻮﻋﻬﺎ ﺑﺴﺮﻋﻪ .. ﻣﺎ ﺍﺑﺠﻲ ﻭﺍﻟﻠﻪ ﻣﺎ ﺍﺑﺠﻲ ﻳﻤﻤﻪ ﺳﻮﺩﻩ ﻋﻠﻴﻪ ﻻ ﺗﺨﺎﻓﻴﻦ ﺍﻧﻲ ﻳﻤﺞ ﺑﻌﺪ ﺍﻣﺞ ﺻﻴﺮﻱ ﻗﻮﻭﻳﻪ ﺣﺒﻴﺒﺘﻲ
ﻭﺍﻧﻲ ﻫﺴﻪ ﺍﺭﻭﺡ ﺍﺻﻠﻲ ﻭﺍﻗﺮﻩ ﻗﺮﺍﻥ ﻭﺍﺩﻋﻴﻠﺞ ﺭﺑﺞ ﻣﺎ ﻳﻨﺴﺎﻧﻪ ﻭﺍﻟﻠﻪ
ﻫﻲ ﻫﺰﺕ ﺭﺍﺳﻬﺎ ﻟﻤﺎﻣﺎ ....
ﻫﻲ ﺧﻄﻴﻪ ﻋﻨﺪﻫﺎ ﻭﺟﺠﻊ ﺑﺲ ﺑﺴﺒﺐ ﺍﻟﻤﻬﺪﺋﺎﺕ ﻭﺍﻟﻤﺴﻜﻨﺎﺕ ﻣﻬﺪﺋﻪ ﺷﻮﻳﻪ ﻭﻛﻞ ﺷﻮﻳﻪ ﻳﺴﻌﻔﻮﻫﺎ ﺑﺎﺳﻌﺎﻓﺎﺕ ﺍﻭﻟﻴﻪ ...
ﺍﺟﺖ ﻟﻤﻤﺮﺿﻪ ﻛﺎﻟﺖ ﻳﺎﻟﻠﻪ ﺍﻃﻠﻌﻮ ﺍﻧﺨﺎﻑ ﻋﻠﻴﻬﺎ ﻭﺍﻧﺘﻮ ﻻﺯﻡ ﺗﺘﻌﺎﻭﻧﻮﻥ ﻭﻳﺎﻧﻪ ﺣﺘﺊ ﻣﺘﺴﺊ ﺣﺎﻟﺘﻬﺎ
ﻣﺎﻣﺎ ﺭﺟﻌﺖ ﺑﺎﺳﺘﻬﺎ ﻭﺿﻠﺖ ﺗﺤﺠﻲ ﻭﻳﺎﻫﺎ ﻭﺗﺤﺎﻭﻝ ﺗﻘﻮﻳﻬﺎ
ﻭﺍﻧﻲ ﺿﻠﻴﺖ ﻣﻨﺘﻈﺮﻩ ﻣﺎﻣﺎ ﺗﻄﻠﻊ ﻻﻥ ﻋﻨﺪﻱ ﻛﻼﻡ ﻭﻳﻪ ﺗﺎﺝ ...
ﻃﻠﺒﺖ ﻣﻦ ﺍﻟﻤﻤﺮﺿﺔ ﺗﺨﻠﻴﻨﻪ ﺷﻮﻳﻪ ﻭﻣﻊ ﺭﻓﺾ ﺗﺎﻡ ﻣﻨﻬﺎ ﺑﺲ ﺑﺎﻻﺧﻴﺮ ﻭﺍﻓﻘﺖ ...
ﺗﻘﺮﺑﺖ ﻣﻦ ﺗﺎﺝ ﺑﺴﺘﻬﺎ ﻭﻫﻲ ﺿﻠﺖ ﺗﺒﺎﻭﻋﻠﻲ ﺑﻌﻴﻮﻥ ﻏﺎﺋﺮﻩ ﺑﺎﻟﺪﻣﻮﻉ ...
ﺑﺴﺘﻬﺎ ﻭﺍﻧﻲ ﺍﺑﺠﻲ ﺗﻘﺮﺑﺖ ﻣﻨﻬﺎ ﻫﻤﺴﺖ ﺑﺎﺫﺍﻧﻬﺎ ... ﺑﺮﺭﺭﻭﺡ ﻫﺒﻪ ﺍﻧﺘﺤﺮﺗﻲ ﻟﻮ ﺣﺎﺩﺙ
ﺭﺩﺕ ﺑﺎﺳﺘﻨﻜﺎﺭ ... ﻻﺍﺍﺍﺍ ﺍﻧﻲ ﻣﺎ ﺍﺣﺮﻙ ﺭﻭﺣﻲ ﻣﺎﻣﺎ ﺧﻄﻴﻪ ﺷﻠﻮﻥ ﺍﺳﻮﻱ ﻫﻴﻴﺞ ﺑﺲ ﻭﺍﻟﻠﻪ ﻭﺍﻟﻠﻪ ﻫﻮ ﺣﺮﻛﻨﻲ ...
ﻓﺘﺤﺖ ﻋﻴﻮﻧﻲ ﻣﺼﺪﻭﻣﻪ ... ﻣﻨﻮﻭﻭﻭ؟
ﺿﻠﺖ ﺗﺒﺎﻭﻉ ﺑﺨﻮﻑ ﻟﻔﺮﺍﻍ ﺑﺎﻟﻐﺮﻓﻪ ﻭﻫﺰﺕ ﺭﺍﺳﻬﺎ ﺑﺎﺳﺘﻨﻜﺎﺭ
ﺿﻠﻴﺖ ﺍﺑﺎﻭﻉ ﻭﻳﺎﻫﺎ ﺑﻨﻔﺲ ﺍﻟﻔﺮﺍﻍ ﻛﺘﻠﻬﺎ .. ﺗﻮﺗﻪ ﺷﺒﻴﺞ
ﺑﻠﻌﺖ ﺭﻳﻜﻬﺎ ﻛﺎﻟﺖ ... ﻫﻮﻭﻭﻭﻭ
ﻫﻤﺴﺖ ... ﺍﺑﺎﺫﺭ ... ﺭﺍﺿﻲ
ﻫﺰﺕ ﺭﺍﺳﻬﺎ ﺑﻼ
ﺟﺮﻳﺖ ﻧﻔﺲ ﺣﺰﻳﻦ ﻭﻋﺮﻓﺖ ﺣﺎﻟﺘﻬﺎ ﻣﻮ ﻃﺒﻴﻌﻴﻪ ﺑﺲ ﻣﻨﻮ ﻳﺘﺠﺮﺀ ﻳﺎﺫﻳﻬﺎ ... ؟
ﺷﻮﻭﻭﻳﻪ ﻓﺘﺤﻬﺎ ﺍﻟﻤﻬﺪﺀ ﻭﺍﻟﻤﺴﻜﻦ ﻭﺭﺟﻊ ﻋﻠﻴﻬﺎ ﺍﻟﻮﺟﻊ ﺍﻟﺠﺒﺎﺭ ﺍﻟﻲ ﺗﺤﺲ ﺑﻲ ﺿﻠﺖ ﺗﺼﺮﺭﺭﺭﺥ ﺑﺼﻮﻭﻭﺕ ﻋﺎﻟﻲ ﻭﻣﺮﻋﺐ ﻭﺗﻌﺾ ﺑﺎﺻﺎﺑﻌﻬﺎ ﻭﺗﺼﻴﺢ ﺗﻮﻭﻭﺑﻪ ﻭﺍﻟﻠﻪ ﺗﻮﻭﻭﺑﻪ
ﺍﻧﻲ ﺍﻧﺮﻋﺒﺖ ﻣﻦ ﺻﻮﺗﻬﺎ ﻭﺧﻠﻴﺖ ﻭﻃﻠﻌﺖ ﺍﺭﻛﺾ ﻭﺍﺟﺖ ﺍﻟﻤﻤﺮﺿﺎﺕ ﻳﺮﻛﻀﻮﻥ ﻋﻠﻴﻬﺎ ﻭﺍﻟﺪﻛﺎﺗﺮﻩ
ﻭﺑﻌﺪﻫﺎ ﺍﺟﻪ ﻋﻤﻮﻭ ﻳﺮﻛﺾ ﻛﺎﻟﻬﻢ ... ﺷﺼﺎﺭ ﺷﻜﻮ ﺗﺎﺝ ﺑﻴﻬﺎ ﺷﺊ
ﺿﻠﻮ ﻳﺤﺠﻮﻥ ﻭﻳﺎﻩ ﻭﻫﻮ ﺑﺴﺮﻋﻪ ﺧﺎﺑﺮ ﻋﻠﺊ ﺍﺑﺎﺫﺭ ... ﻭﺍﻡ ﺍﺑﺎﺫﺭ ﻛﻠﺒﺖ ﺍﻟﺪﻧﻴﺎ ﺑﺎﻟﺒﺠﻲ ﻋﻠﺊ ﺗﺎﺝ ...
ﻭﺑﻌﺪﻫﺎ ﻃﻠﻌﻮﻫﺎ ﻭﻫﻤﻪ ﻣﻐﻄﻴﻨﻬﺎ ﺑﺎﻟﻜﺎﻣﻞ ﻣﻤﺎ ﺍﺛﺎﺭ ﺍﻟﺮﻋﺐ ﺑﻴﻨﻪ ﺿﻠﻴﻨﻪ ﻧﺒﺠﻲ ﻭﻧﺼﺮﺥ ﺍﻧﻲ ﻭﻣﺎﻣﺎ ﻭﺧﺎﻻﺗﻲ ﻭﺑﻴﺒﻲ ﻭﺍﻡ ﺍﺑﺎﺫﺭ ...
...........
ﺍﺟﻴﻴﺖ ﻣﻠﻬﻮﻭﻭﻑ ﻭﺍﺳﻮﻭﻭﻕ ﺑﺠﻨﻮﻥ ﺣﺴﻴﺖ ﺻﺎﺭ ﺑﻴﻬﺎ ﺷﺊ ﻛﻠﺒﻲ ﺍﺑﺒﺒﺪ ﻣﺎ ﻣﺘﻄﻤﻦ
ﺧﺎﺍﺍﺍﺍﻳﻒ ﺧﺎﻳﻒ ﺣﻴﻴﻴﻴﻞ ﺍﻧﺼﺪﻡ ﺍﺫﺍ ﺷﻔﺘﻬﻢ ﺑﺎﻟﻤﺴﺘﺸﻔﺊ ﻣﺎ ﺍﺭﻳﺪ ﺍﺷﻮﻑ ﻣﻨﻈﺮ ﺗﺎﺝ ﻣﻴﺘﻪ ...
ﺑﺎﻭﻋﺖ ﺍﻻﻳﺪﻱ ﻣﺤﺘﺮﻛﻪ ﺷﻮﻭﻭﻳﻪ ﺍﺫﻛﺮﺕ ﻛﻞ ﻣﺮﻩ ﻣﻌﺘﺼﻢ ﻳﻜﻠﻲ ﻳﺎﺑﻪ ﺿﻤﺪﻫﺎ ﻣﻮ ﺯﻳﻴﻦ
ﻫﻴﻬﺎﺕ ﺍﺿﻤﺪﻫﺎ ﻭﺗﺎﺟﻲ ﺗﻌﺎﻧﻲ ﻣﻦ ﺟﺮﻭﺡ ﺍﻋﻤﻖ ﻣﻦ ﺟﺮﻭﺣﻲ ﻣﺎ ﻳﻄﻴﺐ ﺟﺮﺣﻲ ﺍﻟﻪ ﻳﻄﻴﺐ ﺟﺮﺡ ﺗﺎﺍﺍﺝ ...بيج قصص عراقيه حقيقيه من واقعنا.روعه الطائي
ﻭﺻﻠﺖ ﻟﻠﻤﺴﺘﺸﻔﺊ ﺑﺴﺮﻋﻪ ﻭﻧﺰﻟﺖ ﻣﻦ ﺍﻟﺴﻴﺎﺭﻩ ﺷﻔﺘﻬﺎ ﻣﻄﻠﻌﻴﻬﺎ ﺑﺎﻟﺴﺪﻳﻪ ﻭﻣﻐﻄﻴﻨﻬﺎ ﺑﺎﻟﻜﺎﻣﻞ ...
ﺣﺴﻴﺖ ﺍﻟﻤﻮﻭﻭﻭﺕ ﺩﺧﻞ ﺑﺮﺟﻠﻴﻪ ﻟﻴﺶ ﻣﻐﻄﻴﻨﻬﺎ ﻣﺎﺍﺍﺍﺗﺘﺖ ﻣﺎﺍﺗﺘﺖ ﺗﺎﺝ
ﺭﻛﻀﺖ ﻋﻠﻴﻬﻢ ﻣﻠﻬﻮﻭﻭﻑ ﻭﺍﻧﻲ ﺍﺩﻓﻊ ﺑﺎﻟﺪﻛﺎﺗﺮﻩ ﻭﺍﻟﻤﻤﺮﺿﻴﻴﻦ ﻭﺍﻋﻴﻂ ﻋﻠﻴﻬﻢ ...
ﻟﺰﻣﻨﻲ ﻣﻌﺘﺼﻢ ﻛﺎﻝ ... ﺷﺒﻴﻴﻴﻚ ﺗﺨﺒﻠﺖ
ﻛﺘﻠﻪ ... ﺗﺎﺍﺍﺍﺝ ﺗﺎﺍﺍﺍﺍﺝ ﻣﺎﺗﺖ
ﻟﺰﻣﻨﻲ ﺑﻬﺪﻭﺀ . . ﺍﻫﺪﺉ ﻣﺎ ﻣﺎﺗﺖ ﺑﺲ ﺭﺍﺡ ﻳﻨﻘﻠﻮﻫﺎ ﺍﻟﻤﺪﻳﻨﺔ ﺍﻟﻄﺐ ﺑﺎﻟﺨﺎﺹ ﻟﻠﻮﻻﺩﻩ ﻻﻥ ﺣﺎﻟﺘﻬﺎ ﻣﺘﺴﻤﺢ ﻳﻀﻞ ﺍﻟﻄﻔﻞ ﺑﻄﻨﻬﺎ ﻭﻫﻮ ﻣﻴﺖ ...
ﻟﺰﻣﺘﻪ ﺑﻘﺴﻮﻩ ﻭﻛﻠﺒﻲ ﻧﺎﺍﺍﺭ ... ﻟﻴﺶ ﻣﻐﻄﻴﻨﻬﺎ
ﺣﻀﻨﻲ ﺑﻘﻬﺮ ... ﻣﻦ ﺍﻟﺘﻠﻮﺙ ﺷﺒﻴﻚ ﻛﻮﻝ ﻳﺎﻟﻠﻪ
ﻣﺴﺤﺖ ﻭﺟﻬﻲ ﺑﺘﻮﺗﺮ ﻭﺟﺮﻳﺖ ﻧﻔﺲ ﻋﻤﻴﻖ ﺑﺲ ﺍﻟﺮﺟﻔﻪ ﺍﻟﻲ ﺑﺎﺩﻳﻪ ﺍﺣﺴﻬﺎ ﻣﺜﻞ ﻭﺭﻛﻪ ﻭﺿﺎﺭﺑﻬﺎ ﺍﻋﺼﺎﺭ ...
ﺷﻔﺘﻬﻢ ﺻﻌﺪﻭﻫﺎ ﺑﺎﻻﺳﻌﺎﻑ ﺻﻌﺪﺕ ﺍﻧﻲ ﻭﻳﺎﻫﺎ ﻭﻣﻴﺲ ﻭﺍﻟﺒﺎﻗﻲ ﺍﺟﻮ ﻭﺭﺍﻧﻪ ...
ﺧﻄﻴﻪ ﺍﻣﻬﺎ ﻣﺘﻜﺪﺭ ﺗﺸﻮﻓﻬﺎ ﺗﺘﺄﻟﻢ ...
ﺍﻧﻲ،ﺷﻜﺪ ﺍﺣﺲ ﻧﻔﺴﻲ ﻗﻮﻭﻱ ﻭﻣﺎ ﻳﻬﺰﻧﻲ ﻣﻮﻗﻒ ﻭﺭﻏﻢ ﻣﻮﺕ ﺍﺧﻮﺍﻧﻲ ﻭﺍﻟﺼﺎﺭ ﻛﻠﻪ ﺑﺲ ﺟﺬﺏ ﻣﺜﻞ ﺍﻻﻳﺎﻡ ﺍﻟﻤﺮﺕ ﻋﻠﻴﻪ ﻭﻳﻪ ﺗﺎﺍﺝ ...
ﺍﺣﺴﻬﺎ ﺭﻭﺣﻲ ﻟﺪﺗﻄﻠﻊ ﻣﻮ ﺭﻭﻭﻭﺡ ﺗﺎﺍﺍﺝ ...
ﺻﻌﺪﻧﻪ ﺑﺎﻻﺳﻌﺎﻑ ﻭﺧﺮﻭ ﺍﻟﻐﻄﺎ ﻣﻦ ﻭﺟﻬﻬﺎ ﺍﺑﺎﻭﻉ ﻟﻮﺟﻬﻬﺎ ﺍﺻﻔﺮ ﺷﺎﺣﺐ ﺷﺤﻮﺏ ﺍﻟﻤﻮﺗﻪ ﻭﺧﺼﻼﺕ ﺷﻌﺮﻫﺎ ﻻﺻﻘﻪ ﺑﻮﺟﻬﻬﺎ ﻣﻦ ﻛﺜﺮﺓ ﻭﺟﻌﻬﺎ ﻭﺍﻟﻤﺎ ﺗﺒﺠﻲ ﻭ ﻭﺟﻬﻪ ﻋﺮﻛﺎﻥ ﻓﺸﻌﺮﻫﺎ ﻻﺯﻙ ﺑﻮﺟﻬﻬﺎ ...
ﻭﺧﺮﺕ ﺷﻌﺮﻫﺎ ﻭﺑﺴﺘﻬﺎ ﺑﺠﺒﻴﻨﻬﺎ ﻫﻤﺴﺖ ﺑﺼﻮﺕ ﺧﻔﻴﻒ ... ﺣﺒﻴﺒﻲ ﺗﻮﺗﻪ ﻳﺮﻭﺣﻲ ﺍﻧﺘﻲ ﻻ ﺗﺨﺎﻓﻴﻦ ﺍﻧﻲ ﻳﻤﺞ
ﺑﺎﻭﻋﺘﻠﻲ ﻫﻤﺴﺖ ... ﺍﻟﻄﻔﻞ ﻳﻜﻮﻟﻮﻥ ﻣﺎﺍﺍﺕ
ﺍﺑﺘﺴﻤﺖ ﺑﺤﺰﻥ ... ﻣﻮ ﺍﻏﻠﺊ ﻣﻨﺞ ﻳﺮﻭﺣﻲ ﺍﻧﺘﻲ ﺑﺲ ﻃﻴﺒﻲ ﻭﺍﻥ ﺷﺎﺀ ﺍﻟﻠﻪ ﻳﺘﻌﻮﺽ ﺍﻧﺖ ﺍﻫﻢ ﺷﺊ ﻋﻨﺪﻱ ﺍﻭﻙ ﺣﺒﻴﺒﺘﻲ
ﺑﺠﺖ ﺑﺼﻮﺕ ﺣﺰﻳﻦ ﻫﻤﺴﺖ ... ﺍﻧﻲ ﺍﻟﺴﺒﺐ ﺍﻧﻲ ﺍﻟﻲ ﻛﺘﻠﺘﻪ
ﺿﻠﻴﺖ ﻣﺮﻛﺰ ﺑﻌﻴﻮﻧﻬﺎ ﻭﺍﺭﻳﺪ ﺍﺟﺎﺑﻪ ﺻﺎﺩﻗﻪ ﻣﻨﻬﺎ ... ﺷﻠﻮﻭﻥ ﺍﻧﺘﻲ ﺍﻟﺴﺒﺐ
ﻫﺰﺕ ﺭﺍﺳﻬﺎ ﺑﻨﻔﻲ ... ﻻﺍ ﻻﺍ ﻣﻮ ﺍﻧﻲ ﻫﻮﻭ ﻫﻮﻭ
ﺑﻠﻌﺖ ﺭﻳﻜﻲ ﻛﺘﻠﻬﺎ ... ﺷﻠﻮﻥ ﺍﺣﺘﺮﻛﺘﻲ ﺗﺎﺍﺍﺝ
ﺳﻜﺘﺖ ﻣﺎ ﺣﺠﺖ ...
ﻭﺳﻜﻮﺗﻬﺎ ﻋﺬﺑﻨﻲ ﺣﻴﻴﻴﻞ .. ﺍﺭﻳﺪ ﺍﻋﺮﻑ ﺷﻠﻮﻭﻭﻥ ﺑﺲ ﺍﺧﺎﻑ ﺍﺗﻌﺒﻬﺎ ﻭﺍﻧﻲ ﺍﻻﻫﻢ ﻋﻨﺪﻱ ﺗﻄﻴﻴﺐ ﻭﻛﻞ ﺷﺊ ﻳﻬﻮﻭﻥ ﻭﻳﺘﺼﻠﺢ ..
ﻭﺻﻠﻨﻪ ﻟﻠﻤﺴﺘﺸﻔﺊ ﻧﺰﻟﻮﻫﺎ ﻭﺍﻟﺤﺬﺭ ﻣﻦ ﺍﻟﺪﻛﺎﺗﺮﻩ ﺟﺎﻥ ﻛﻠﺶ ﺭﺍﻗﻲ ﺑﺤﻴﺚ ﺍﻫﺘﻤﻮ ﺑﻴﻬﺎ ﺣﻴﻴﻞ ....
ﺩﺧﻠﻮﻫﺎ ﻟﺼﺎﻟﺔ ﺍﻟﻮﻻﺩﻩ ﺑﻐﺮﻓﺔ ﺑﺲ،ﻫﻲ ﺑﻴﻬﺎ ﻭﺍﻻﻫﺘﻤﺎﻡ ﺟﺎﻥ ﻭﺍﺿﺢ ﺑﻴﻬﺎ ....
ﻭﻣﻌﺘﺼﻢ ﺟﺎﻥ ﻳﻮﺻﻲ ﺑﺎﻟﻤﻤﺮﺿﺎﺕ ﻭﻫﻨﻪ ﺧﻄﻴﻪ ﻣﻘﺼﺮﻥ
ﻣﻌﺘﺼﻢ ﻟﻜﻴﻨﺎﻩ ﻭﺍﺻﻞ ﻗﺒﻠﻨﻪ ﻫﻮ ﻭﺍﻟﺒﻘﻴﻪ
ﺷﻔﺘﻪ ﻳﺤﺠﻲ ﻭﻳﻪ ﺍﻟﺪﻛﺘﻮﺭﻩ ﻳﻜﻠﻬﺎ ... ﺩﻛﺘﻮﻭﻭﺭﻩ ﺷﺘﺮﺩﻳﻴﻦ ﺍﻧﻲ ﺣﺎﺿﺮ ﺑﺲ ﺩﻳﺮﻱ ﺑﺎﻟﺞ ﻋﻠﺊ ﺗﺎﺝ ﺧﻄﻴﻪ ﺻﻐﻴﺮﻩ ﻭﻣﺤﺘﺮﻛﻪ ﻭﺣﺎﻣﻞ ...
ﻫﻲ ﺍﺑﺘﺴﻤﺖ ... ﻻ ﺗﻮﺻﻲ ﺣﺮﻳﺺ ﺍﻛﻴﻴﺪ ﻫﻴﺞ ﺣﺎﻟﻪ ﻧﻬﺘﻢ ﺑﻴﻬﺎ ﻭﺣﺤﺎﻭﻝ ﺍﺳﺎﻋﺪﻫﺎ ﺑﻜﻞ ﻃﺮﻳﻘﻪ ﻭﺍﻟﻠﻪ ﻳﺸﺎﻓﻴﻬﺎ ﻭﻳﻌﺎﻓﻴﻬﺎ
ﺍﻧﻲ ﺗﻘﺮﺑﺖ ﻣﻨﻬﺎ ﺟﺮﻳﺖ ﻧﻔﺲ ... ﺩﻛﺘﻮﺭﻩ ﻣﺮﺗﻲ ﺍﻣﺎﻧﻪ ﺑﺮﻛﺒﺘﺞ ﻣﺜﻞ ﺑﻨﺘﺞ ﺍﻋﺘﺒﺮﻳﻬﺎ ﻭﺩﻳﺮﻱ ﺑﺎﻟﺞ ﻋﻠﻴﻬﺎ ﻭﺍﻧﺘﻲ ﺍﻋﺮﻑ ﺑﺤﺎﻟﺘﻬﺎ ﻭﺑﻮﺟﻌﻬﺎ ﻫﻮ ﺍﻟﻢ ﺍﻟﻮﻻﺩﻩ ﻣﺎ ﻳﻨﺠﺮﻉ ﻣﻮ ﺍﻧﻮﺏ ﻣﺤﺘﺮﻛﻪ
ﺭﺩﺕ ﻋﻠﻴﻪ ﺑﺒﺘﺴﺎﻣﻪ ... ﺑﻌﻴﻮﻧﻲ ﻭﺍﻟﻠﻪ ﺍﻛﻴﻴﺪ ﺣﺎﻟﺘﻬﺎ ﻏﻴﺮ ﻋﻦ ﺍﻟﻜﻞ ﺍﻛﻴﻴﺪ ﺍﺧﻠﻴﻬﺎ ﺑﻌﻴﻮﻧﻲ ﻻ ﺗﺨﺎﻓﻮﻥ
ﺧﻄﻴﻪ ﻭﺍﺟﺖ ﺍﻡ ﻫﺸﺎﻡ ﻫﻢ ﺿﻠﺖ ﺗﺘﻮﺳﻞ ﺑﺎﻟﺪﻛﺘﻮﺭﻩ ﻭﻫﻲ ﺍﻟﺪﻛﺘﻮﺭﻩ ﻣﻦ ﻛﺜﺮ ﻣﺎ ﺍﻧﻘﻬﺮﺕ ﻋﻠﺊ ﺍﻡ ﻫﺸﺎﻡ ﻛﻠﺘﻠﻬﺎ .. ﺗﻌﺎﻟﻲ ﺍﺩﺧﻠﻲ ﻭﻳﺎﻫﺎ ﻭﺍﻧﻲ ﺍﺟﻴﺒﻬﺎ
ﺑﺲ ﺍﻡ ﻫﺸﺎﻡ ﻣﻘﺒﻠﺖ ﻭﺿﻠﺖ ﺗﺼﺮﺭﺥ ...
ﻟﺬﻟﻚ ﺩﺧﻠﺖ ﻭﻳﺎﻫﺎ ﻣﻴﺲ ...
.......
ﻣﻴﺲ ...
ﺩﺧﻠﺖ ﻭﻳﺎﻫﺎ ﻟﺼﺎﻟﺔ ﺍﻟﻮﻻﺩﻩ ﻭﺍﻧﻲ ﺍﻟﻨﺎﺭ ﺷﺎﻋﻠﻪ ﺑﺼﺪﺭﻱ ﻋﻠﻴﻬﺎ ....
ﺍﻧﻄﺘﻬﺎ ﺍﻟﺪﻛﺘﻮﺭﻩ ﺍﺑﺮﻩ ﺗﻮﺳﻊ ﻭﻣﻐﺬﻱ ﻭﻣﺎ ﺍﻋﺮﻑ ﺷﻨﻮﻭ
ﻛﺸﻔﺘﻬﺎ ﺩﺗﺮﻳﺪ ﺗﻔﺤﺼﻬﺎ ﺍﻧﻲ ﻣﻦ ﺷﻔﺖ ﺍﻟﺤﺮﻭﻕ ﺍﻟﻲ ﺑﺠﺴﻤﻬﺎ ﺻﻜﻴﺖ ﺑﻤﻜﺎﻧﻲ ...
ﺣﺴﻴﺖ ﻣﺜﻞ ﺍﻟﻲ ﺭﺷﻮﻭ ﺍﻟﻴﻪ ﺗﻴﺰﺍﺏ ...
ﺑﻠﻌﺖ ﺭﻳﻜﻲ ﻣﻦ ﺻﺪﻣﺘﻲ ﻭﺭﻣﺸﺖ ﺑﻌﻴﻮﻧﻲ ﻭﻣﺎ ﺍﺩﺭﻱ ﺍﺻﻼ ﺷﻮﻛﺖ ﺑﺠﻴﺖ ...
ﻣﻌﺠﺰﺓ ﺗﺎﺝ ﺗﻌﻴﻴﺶ ﺑﻌﺪ ﻣﺎ ﺷﻔﺖ ﺍﻻﺫﻳﻪ ﺍﻟﻲ ﻫﻲ ﺑﻴﻬﺎ
ﺑﺠﻴﺖ ﺑﺼﻮﻭﺕ ﻋﺎﻟﻲ ﻭﻫﻲ ﺭﺃﺳﺎ ﺑﺎﻭﻋﺘﻠﻲ ﺧﺎﺍﺍﻳﻔﻪ
ﺍﻟﺪﻛﺘﻮﺭﻩ ﺗﻘﺮﺑﺖ ﻣﻨﻲ ﻛﺎﻟﺖ ... ﺣﺒﻴﺒﺘﻲ ﺍﻟﺒﻨﻴﻪ ﺣﺎﻟﺘﻬﺎ ﻣﺘﺴﻤﺢ ﺍﺫﺍ ﻣﺘﻜﺪﺭﻳﻦ ﺍﻃﻠﻌﻲ ﺗﺠﻲ ﻭﺣﺪﻩ ﻏﻴﺮﺝ ...
ﺑﻠﻌﺖ ﺭﻳﻜﻲ ﻛﻠﺘﻠﻬﺎ ... ﻓﺪﺩﺩﻭﻩ ﺩﻛﺘﻮﺭﻩ ﺧﻠﻲ ﺍﻃﻠﻊ ﻣﺎ ﺍﻛﺪﺭ ﺍﺗﺤﻤﻞ
ﻛﺎﻟﺖ ﺑﺘﻨﻬﻴﺪﻩ ... ﺧﻄﻴﻪ ﻫﻴﺞ ﺗﺘﺤﺴﺲ ﻭﺗﻌﺮﻑ ﻧﻔﺴﻬﺎ ﻣﺸﻮﻫﻪ ﺧﻠﻴﺞ ﻭﻳﺎﻫﺎ
ﺭﺩﻳﺖ ﻋﻠﻴﻬﺎ ﺑﺒﻜﺎﺀ ... ﻣﺎ ﺍﻛﺪﺭ ﻭﺍﻟﻠﻪ
ﺟﺮﺕ ﻧﻔﺲ ﻛﺎﻟﺖ ﺿﻠﻲ ﻛﺎﻋﺪﻩ ﻫﻨﺎﻙ ﻭﺍﻧﻲ ﺣﺎﻭﻟﺖ ﺍﻛﺘﻢ ﻋﺒﺮﺗﻲ ﻣﺎ ﻛﺪﺭﺕ ...
ﺭﺟﻌﺖ ﻋﻠﻴﻬﺎ ﺗﻨﻄﻴﻬﺎ ﺍﺑﺮ ﻭﺗﺤﺎﻭﻝ ﺗﻮﻟﺪﻫﺎ ﺑﺲ ﻣﺼﺎﺭﺕ ﻋﻨﺪﻫﺎ ﻭﻻﺩﻩ
ﻛﺎﻟﺖ ﺍﻧﺘﻈﺮﻭ ﻟﻠﻔﺠﺮ ﺍﻥ ﺷﺎﺀ ﺍﻟﻠﻪ
ﺿﻠﻴﺖ ﺍﻧﻲ ﻭﻳﺎﻫﺎ ﻭﻫﻲ ﺗﻬﻠﻮﺱ ﻣﻦ ﺍﻟﺤﺮﻙ ...
ﻓﻜﻌﺪﺕ ﻳﻤﻬﺎ ﻭﺍﻧﻲ ﺍﺳﺘﺠﻮﺑﻬﺎ ...
ﻫﻤﺴﺖ ﺑﻬﺪﻭﺀ ... ﺗﺎﺍﺍﺍﺝ ﺍﻧﺘﻲ ﺣﺮﻛﺘﻲ ﻧﻔﺴﺞ
ﺭﺩﺕ ﺑﻬﻠﻮﺳﻪ ... ﻻﺍﺍﺍ ﻫﻮﻭ
ﻣﻴﺲ ... ﻣﻨﻮﻭﻭ؟
ﺟﺎﻭﺑﺖ ﺑﺘﻌﺐ ... ﻫﻮ ﻳﻜﻠﻲ ﺍﺣﺮﻛﻲ ﻧﻔﺴﺞ ﺍﻧﺘﻲ ﺍﻟﻤﻦ ﺿﺎﻟﻪ ﺍﺣﺮﻛﻴﻬﺎ ﺍﺣﺴﻦ ﻭﻫﻮ ﺍﻟﻲ ﺭﺵ ﻧﻔﻂ ﻋﻠﻴﻪ ﻭﺣﺮﻛﻨﻲ
ﺑﻠﻌﺖ ﺭﻳﻜﻲ ﺧﺎﻳﻔﻪ ... ﻫﻮﻭ ﻣﻨﻮ
ﺟﺎﻭﺑﺖ ... ﻫﻮﻭ ﻭﺍﺣﺪ ﻳﺨﻮﻭﻑ ﺍﻧﻲ ﺍﺧﺎﻑ ﻣﻨﻪ
ﺟﺮﻳﺖ ﻧﻔﺲ ... ﻟﻴﺶ ﻣﺎ ﻛﻠﺘﻲ ﺍﻻﺑﺎﺫﺭ ﻋﻠﻴﻪ
ﺭﺩﺕ ﺑﺨﻮﻑ ... ﻻ ﻳﻜﻮﻝ ﺍﺫﺑﺤﻪ ﺑﺲ ﺗﺤﺠﻴﻦ
ﺭﺟﻌﺖ ﻛﻤﻠﺖ ... ﻫﻮﻭ ﺩﺍﺋﻤﺎ ﻛﺎﻋﺪ ﺑﻐﺮﻓﺘﻲ ﻃﻮﻭﻭﻭﻭﻳﻞ ﺣﻴﻴﻴﻞ ﻳﺨﻮﻭﻭﻑ ﻳﺨﻮﻭﻭﻑ ﺩﺍﺋﻤﺎ ﺑﺪﻭﻥ ﻣﻼﺑﺲ ﻭﺩﺍﺋﻤﺎ ﻳﺨﻨﻜﻨﻲ ﺣﻴﻴﻞ ...
ﺿﻠﺖ ﺷﻔﺎﻳﻔﻲ ﺗﺮﺟﻒ ﻭﺍﻧﻲ ﺍﺑﺠﻲ ... ﻳﻌﻨﻲ ﻫﻮ ﻛﻠﺞ ﺍﺣﺮﻛﻲ ﻧﻔﺴﺞ
ﻫﺰﺕ ﺭﺍﺳﻬﺎ ﺑﺄﻱ ....
ﻣﻴﺲ ... ﺍﻱ ﻛﻤﻠﻲ
ﺍﻱ ﺻﻌﺪﺕ ﻓﻮﻭﻙ ﻟﻜﻴﺖ ﺍﻟﻨﻔﻂ ﺧﻠﻴﺘﻪ ﻋﻠﺊ ﻧﻔﺴﻲ ﻭﺑﻌﺪﻳﻦ ﺟﺒﺖ ﺍﻟﺠﺪﺍﺣﻪ ﻭﻫﻮ ﻳﺸﺠﻌﻨﻲ ﻳﻜﻮﻝ ﻳﺎﻟﻠﻪ ﻳﺎﻟﻠﻪ ﻻﺯﻡ ﺗﺮﺗﺎﺣﻴﻦ ﻭﺗﺮﺣﻴﻦ ﺑﻌﻴﻴﻴﺪ ﺍﺣﺮﻛﻲ ﺭﻭﺣﺞ ...
ﻛﺘﻠﻬﺎ ... ﺍﻱ
ﻛﻤﻠﺖ ... ﺷﻐﻠﺖ ﻋﻮﺩ ﺍﻟﺸﺨﺎﻁ ﺣﺮﻛﺖ ﺑﺲ ﻃﺮﻑ ﺛﻮﺑﻲ ﻭﺷﻤﺮﺗﻬﺎ ﺧﻔﺖ ﻃﻔﻴﺖ ﺛﻮﺑﻲ ﺑﺎﺩﻳﻪ ﺑﺲ ﺍﻟﻨﺎﺭ ﺍﺷﺘﻌﻠﺖ ﺑﺎﻟﻜﺎﻉ ﻭﺣﺮﻛﺘﻨﻲ ...
ﻭﻧﺰﻟﺖ ﺍﺻﺮﺭﺭﺥ ﻻﻥ ﻫﻮ ﻣﺎ ﻃﻔﺎﻧﻲ ﻳﻀﺤﻚ ﻋﻠﻴﻪ ...
ﺑﺠﻴﺖ ﺑﺤﺴﺮﻩ ﻋﻠﻴﻬﺎ ﻣﻦ ﻋﺮﻓﺖ ﻫﻲ ﺍﻟﻲ ﺍﺫﺕ ﻧﻔﺴﻬﺎ ﻋﻠﺊ ﻳﺴﺎﻋﺪ ﻣﺎﻣﺎ ﻛﻞ ﻳﻮﻡ ﻭﺣﺪﻩ ﻣﻨﺘﺤﺮﻩ ...
ﺣﺴﻴﺖ ﺍﻟﺪﻧﻴﺎ ﺿﺎﻗﺖ ﺑﻴﻬﺎ ﻭﺍﻟﺤﺴﺮﻩ ﺗﻌﺼﺮ ﺑﺼﺪﺭﻱ ﻋﻠﺊ ﺍﻟﻲ ﺻﺎﺭ ﺍﻟﻨﻪ ﻫﻬﻪ ﻭﺍﻟﺸﻤﺎﺕ ﺍﻟﻲ ﺭﺍﺡ ﻳﺎﻛﻠﻮﻥ ﻭﺟﻬﻨﺎ ﻳﺎﺭﺏ ﺩﺧﻴﻠﻚ ﻻ ﺗﺸﻤﺖ ﺑﻴﻨﺎ ﻋﺪﻭ ﻭﺷﺎﻓﻲ ﺗﺎﺍﺍﺝ ﻳﺎﺍﺍﺭﺏ ...
ﺣﺮﺻﺖ ﺍﻥ ﻣﺎ ﺍﻛﻮﻝ ﻟﻤﺎﻣﺎ ﻻﻥ ﺍﻛﻴﺪ ﺗﻤﻮﺕ ﻭﺍﻟﻠﻪ ﻫﺬﺍ ﺍﻟﻤﻮﺿﻮﻉ ﺣﻴﻴﻞ ﻳﺎﺫﻳﻬﺎ ﻭﺍﺻﻼ ﺍﻟﻜﻞ ﻳﻠﻮﻣﻬﺎ ..
ﻭﻳﻜﻮﻟﻮﻥ ﺑﺲ ﺍﻟﻌﺮﻣﻪ ﻭﺍﻟﻮﻛﺤﻪ ﺗﺴﻮﻭﻱ،ﻫﻴﻴﺞ ﻭﺑﻨﺎﺗﺞ ﻭﻛﺤﺎﺕ ﻭﻛﺢ ......بيج قصص عراقيه حقيقيه من واقعنا.روعه الطائي
ﻋﻀﻴﺖ ﺷﻔﺎﻳﻔﻲ ﺑﺠﺰﻉ ﻭﻛﺘﻤﺖ ﻋﺒﺮﺗﻲ ﻣﻊ ﺍﻟﻌﻠﻢ ﻟﻮ ﺍﺻﺮﺭﺭﺥ ﻳﻤﻜﻦ ﺍﻫﺠﺢ ﺍﻟﻤﺴﺘﺸﻔﺊ ﻛﻠﻬﺎ ...
ﺷﻔﺘﻬﺎ ﻫﺪﺋﺖ ﻭﻧﺎﻣﺖ ﻃﻠﻌﺖ ﺑﺮﻩ ﻭﺍﻧﻲ ﺍﺑﺠﻲ ...
ﺷﻔﺖ ﺍﺑﺎﺫﺭ ﻭﻋﻤﻮ ﻣﻌﺘﺼﻢ ﻛﺎﻋﺪﻳﻦ ﺑﺎﻻﻧﺘﻈﺎﺭ ﻭﻣﺎﻣﺎ ﻛﺎﻋﺪﻩ ﺍﻟﻮﺣﺪﻫﺎ ﻭﻳﻤﻬﺎ ﺍﻡ ﺍﺑﺎﺫﺭ
ﻭﻣﺤﻤﺪ ﻭﺍﻛﻒ ﻋﻠﺊ ﺻﻔﺤﻪ ﻭﺑﺎﺑﺎ ﻭﻫﺸﺎﻡ ﻳﻤﻪ
ﻛﻌﺪﺕ ﺑﺼﻒ ﻋﻤﻮﻭ ﻭﺍﻧﻲ ﺍﻟﺪﻧﻴﺎ ﻃﺎﻟﻌﻪ ﻣﻦ ﻋﻴﻨﻲ
ﺍﺑﺎﺫﺭ ﺳﺎﻟﻨﻲ ... ﻣﻴﺲ ﺷﻠﻮﻧﻬﺎ ﺗﺎﺍﺍﺝ
ﺑﻠﻌﺖ ﺭﻳﻜﻲ ﻛﺘﻠﻪ ... ﺷﻠﻮﻧﻬﺎ ﻋﻠﺊ ﺍﻟﻠﻪ
ﺿﻠﻴﻨﻪ ﺷﻮﻭﻳﻪ ﻛﺎﻋﺪﻳﻦ ﺍﻧﻮﺏ ﻛﺘﻠﻪ ﺍﺑﺎﺫﺭ ﻋﻨﺪﻱ ﻣﻮﺿﻮﻉ ﻭﻳﺎﻙ ﻣﻤﻜﻦ ﺷﻮﻳﻪ
ﻫﻮ ﺧﻄﻴﻪ ﺍﺟﻪ ﻭﻳﺎﻳﻪ ﺑﺎﻭﻋﻠﻲ،ﺑﺨﻮﻭﻑ ﻛﺎﻝ ... ﻫﺎﺍﺍ ﻣﻴﺲ ﺍﺣﺠﻲ ﻻ ﺗﻀﻤﻴﻦ ﻋﻠﻴﻪ ﺍﻟﺪﻛﺘﻮﺭﻩ ﻛﺎﻟﺖ ﺷﺊ
ﺟﺮﻳﺖ ﻧﻔﺲ ﻭﺗﻨﻬﺪﺕ ﺑﻀﻴﻖ ... ﻻ ﻣﻜﺎﻟﺖ ﺑﺲ ﺍﺑﺎﺫﺭ ﺗﺎﺝ ﻣﻨﺘﺤﺮﻩ
ﻫﻮ ﻓﺘﺢ ﻋﻴﻮﻭﻭﻧﻪ ﻣﺼﺪﻭﻭﻭﻡ ﻫﺰ ﺭﺍﺳﻪ ﺑﺎﺳﺘﻨﻜﺎﺭ ... ﻣﻴﺲ ﻫﻲ ﻛﻠﺘﻠﺞ
ﻫﺰﻳﺖ ﺭﺍﺳﻲ ﺑﺄﻱ ﻭﺩﻣﻮﻋﻲ ﻭﻛﻌﺖ ﺑﺼﻤﺖ
ﻛﺎﻝ ﺑﺮﻫﺒﻪ ... ﻟﻴﻴﻴﻴﺶ ﺷﻨﻮ ﺍﻟﻘﺼﺮ ﺑﻲ ﻭﻳﺎﻫﺎ ﻟﻴﺶ ﻫﻴﺞ ﺗﻜﺴﺮ ﺿﻬﺮﻱ ﻭﺗﺤﻄﻢ ﻛﻠﺒﻲ ﻭﺍﻟﻠﻪ ﻭﺍﻟﻠﻪ ﺻﺎﺭ ﺧﻤﺴﺔ ﺍﻳﺎﻡ ﻻ ﻟﻴﻠﻲ ﻟﻴﻞ ﻭﻻ ﻧﻬﺎﺭﻱ ﻧﻬﺎﺭ ... ﻣﺎ ﻏﻤﻀﻠﻲ ﺟﻔﻦ ﻭﺍﻧﻲ ﺍﺷﻮﻓﻬﺎ ﻣﻤﺪﻭﺩﻩ ﻭﻣﻠﻚ ﺍﻟﻤﻮﺕ ﻣﺤﺎﺻﺮﻫﺎ
ﻣﺴﺤﺖ ﺩﻣﻮﻋﻲ ﺑﺎﺳﺊ
ﺭﺟﻊ ﻛﻤﻞ ... ﻟﻮ ﻛﺎﻳﻠﺘﻠﻲ ﺍﺑﺎﺫﺭ ﻣﺎ ﺍﺭﻳﺪﻙ ﺍﺑﺎﺫﺭ ﻃﻠﻜﻨﻲ ﻭﺍﻟﻠﻪ ﺍﺣﺮﺭﻫﺎ ﻭﺍﻋﻮﻓﻬﺎ ﻭﻻ ﺍﺗﺎﺫﻱ ﻧﻔﺴﻬﺎ ﻭﺗﺤﺮﻙ ﻛﻠﺒﻲ ﻭﻛﻠﺐ ﺍﻣﻬﺎ
ﻫﺰﻳﺖ ﺭﺍﺳﻲ ﺑﻨﻔﻲ ... ﻻ ﺍﺑﺎﺫﺭ ﺗﺎﺝ ﻣﻮ ﺑﻮﻋﻴﻬﺎ
ﺭﺩ ﺑﻬﺠﻮﻡ ... ﺷﻨﻮﻭ ﻣﻮ ﺑﻮﻋﻴﻬﺎ
ﺟﺮﻳﺖ ﻧﻔﺲ ... ﻣﻮ ﺑﻮﻋﻴﻬﺎ ﻣﺎ ﺍﻋﺮﻑ ﺟﻦ ﺳﺤﺮ ﻻﻥ ﺩﻛﻮﻝ ﻫﻮ ﺣﺮﻛﻨﻲ ﻭﺍﻧﻄﺖ ﻣﻮﺍﺻﻔﺎﺕ ﺧﻴﺎﻟﻴﻪ ﻣﻤﻮﺟﻮﺩﻩ ﺑﺎﻟﻮﺍﻗﻊ ﺍﺑﺎﺫﺭ ﺗﺎﺝ ﻣﻦ ﺣﺒﻠﺖ ﻟﺤﺪ ﺍﻻﻥ ﻭﻫﻲ ﻣﻮ ﻃﺒﻴﻌﻴﻪ
ﺟﺮ ﻧﻔﺲ ... ﻣﻮ ﺍﺧﺬﺗﻬﺎ ﻭﺭﺣﺖ ﻟﻠﺴﺎﺩﻩ ﻟﻼﺋﻤﻪ ﻟﻠﺪﻛﺘﻮﺭ ﻣﺎ ﺧﻠﻴﺖ ﻭﺍﺣﺪ ﻳﻌﺘﺐ ﻋﻠﻴﻪ ﻭﻳﻜﻮﻟﻮﻥ ﻣﻦ ﺍﻟﺤﻤﻞ
ﺭﺩﻳﺖ ﻋﻠﻴﻪ ... ﺍﻟﺤﻤﻞ ﻣﻴﺴﻮﻱ ﻫﻴﻴﺞ
ﺑﺎﻭﻋﻠﻲ ﺑﺎﺳﺘﻐﺮﺍﺏ ... ﻟﻌﺪ؟
ﺗﻨﻬﺪﺕ ﺑﻀﻴﻖ ... ﺍﺣﺘﻤﺎﻝ ﺳﺤﺮ
ﺿﻞ ﻣﺮﻛﺰ ﺑﻌﻴﻮﻧﻲ ﻛﺎﻝ ... ﻣﻨﻮ ﻳﺘﺠﺮﺀ ﻭﻳﺴﻮﻱ ﺳﺤﺮ
ﺭﻓﻌﺖ ﺍﻛﺘﺎﻓﻲ ﺑﻨﻔﻲ ﻭﻫﻮ ﺿﻞ ﻣﺘﻮﺗﺮ ﻭﻣﻴﻌﺮﻑ ﺷﻠﻮﻭﻥ ﻳﺘﺼﺮﻑ ....
ﺑﻌﺪﻫﺎ ﻛﺎﻝ ... ﺍﻧﻲ ﺭﺍﻳﺢ ﻟﻠﺒﻴﺖ ﺷﻮﻭﻭﻳﻪ ﺑﺲ ﻣﻴﺲ ﺷﻨﻮ ﻳﺼﻴﺮ ﺧﺎﺑﺮﻱ ﺍﻭﻙ
ﻫﺰﻳﺖ ﺭﺍﺳﻲ ﺑﺄﻱ ﻭﻫﻮ ﺭﺍﺡ ﻣﺸﻴﺖ ﻭﺭﺍﻩ ﺧﻄﻴﻪ ﺣﻴﻴﻞ ﻣﻬﻤﻮﻡ
ﻭﻣﻜﺴﻮﺭ ﺧﺎﻃﺮﻩ ....
ﻣﺎﻣﺎ ﺟﺎﻧﺖ ﻣﺘﻐﻄﻴﻪ ﺑﺎﻟﺒﻄﺎﻧﻴﻪ ﺟﺎﻥ ﻓﺘﺤﺖ ﻋﻴﻮﻧﻬﺎ ﺑﺎﻭﻋﺘﻠﻲ ﻛﺎﻟﺖ ... ﺑﻴﺶ ﺍﻟﺴﺎﻋﻪ
ﻛﺘﻠﻬﺎ ... ﺑﺎﻟﻌﺸﺮﻩ ﻭﻧﺺ ﻫﺴﻪ
ﺟﺮﺕ ﻧﻔﺲ ... ﻫﺒﻪ ﺑﺎﻟﺤﻠﻢ ﺍﺟﺖ ﻏﻄﺖ ﺗﺎﺝ ﻭﺣﻀﻨﺘﻬﺎ ﻭﻃﻠﻌﺖ
ﺍﺑﺎﺫﺭ ﺑﺴﺮﻋﻪ ﺑﺎﻭﻉ ﺍﻟﻬﺎ ﻛﻠﻬﺎ ... ﺷﻨﻮ ﻣﻌﻨﺎﻩ
ﺟﺮﺕ ﻧﻔﺲ ... ﻣﺎ ﺍﺩﺭﻱ
ﻫﻮ ﺧﻠﻪ ﻭﻃﻠﻊ ﺭﺍﺡ ﺑﺮﻩ ﻭﻣﺎ ﻋﺮﻓﺖ ﻭﻳﻦ ﺭﺍﺡ ...
ﺷﻮﻭﻳﻪ ﻭﺍﺟﺖ ﻗﺪﺭ ﻭﺑﻴﺒﻲ ﻭﺩﻋﺎﺀ ﺧﻄﻴﻪ ﻣﺎﺭﺍﺕ ﻋﻠﻴﻬﺎ ﻭﺟﺎﺑﻨﻬﺎ ﻭﻳﺎﻫﻦ ...
ﻭﻫﻤﺎﺗﻴﻦ ﺍﺟﻪ ﻣﺴﻠﻢ ﻭﻋﻤﺘﻲ ﺧﻄﻴﻪ ﺟﺎﻳﺒﻴﻦ ﻋﺒﻮﺳﻲ ﻭﻳﺎﻫﻢ ﺻﺎﺭ ﺧﻤﺲ ﺍﻳﺎﻡ ﺍﺑﺒﺒﺪ ﻣﺎ ﻣﻬﺘﻤﻪ ﺍﻟﻪ ﻭﻻ ﺷﺎﻳﻔﺘﻪ ﻭﺣﻴﻞ ﻣﻘﻬﻮﺭﻩ ﻋﻠﻴﻪ ...
ﻋﻤﺘﻲ ﺟﺎﻳﺒﺘﻠﻪ ﻗﻮﻃﻴﻪ ﻭﺣﻠﻴﺐ ﻭﻫﻮ ﺟﺎﻥ ﻋﻠﺊ ﺻﺪﺭﻱ ﻣﻤﺘﺤﻤﻞ ﺍﻟﺤﻠﻴﺐ ﻭﺿﻌﻔﺎﻥ ﻋﻠﻴﻪ ...
ﺣﻀﻨﺘﻪ ﻭﺑﺴﺘﻪ ﺣﻴﻴﻴﻞ ﻭﻧﻮﻣﺘﻪ ﻋﻠﺊ ﺻﺪﺭﻱ ﺧﻄﻴﻪ ﺷﻜﺪ ﻣﺸﺘﺎﻗﺘﻠﻪ ...
ﻣﺴﻠﻢ ﺻﺢ ﺍﺑﺒﺪ ﻣﺎ ﻗﺼﺮ ﻭﻳﺎﻧﻪ ﻭﻳﺠﻲ ﻭﻳﺮﻭﺡ ﺍﻟﺼﺒﺢ ﻭﺑﺎﻟﻴﻞ ﻭﺍﻧﻲ ﺍﺑﺒﺪ ﻣﺎ ﻋﻔﺖ ﺍﻟﻤﺴﺘﺸﻔﺊ
ﻭﻋﻤﺘﻲ ﺧﻄﻴﻪ ﻫﻤﺎﺗﻴﻦ ﻣﻘﺼﺮﺕ ﺗﺮﻭﺡ ﻭﺗﺠﻲ ﻋﻠﻴﻨﻪ ﻭﻋﺒﺎﺱ ﻋﻨﺪﻫﺎ ﻭﺗﺪﻋﻲ ﻻﺧﺘﻲ ﺩﻛﻮﻡ ﺑﺎﻟﺴﻼﻣﻪ ....
ﺿﻠﻴﻨﻪ ﻣﻨﺘﻈﺮﻳﻦ ﺍﻟﻔﺠﺮ ﺣﺘﺊ ﺗﻮﻟﺪ ﺗﺎﺝ ﻭﺑﻌﺪ ﺿﻠﺖ ﻳﻢ ﺍﻟﻠﻪ ...
......................
ﺭﺣﺖ ﻣﻠﻬﻮﻭﻭﻭﻑ ﻭﻛﻠﺒﻲ ﻧﺎﺍﺍﺍﺍﺭ ﻣﻌﻘﻮﻟﻪ ﺗﺎﺝ ﻫﻲ ﺍﻟﻲ ﺣﺮﻛﺖ ﺭﻭﺣﻬﺎ ﻣﻌﻘﻮﻭﻟﻪ ﻳﻜﻮﻥ ﺟﻦ ﺍﻭﻭﻭ ﺳﺤﺮ ﺍﻭ ﻳﻤﻜﻦ ﺣﺎﻟﺔ ﻧﻔﺴﻴﻪ
ﺑﺲ ﺗﺎﺝ ﻗﻮﻳﺔ ﻭﻣﺆﻣﻨﻪ ﻭﺗﺎﺝ ﺷﻜﺪ ﺗﻌﺬﺑﺖ ﻣﻦ ﺻﺒﺎﺡ ﻭﺍﻟﻤﺎﺳﺎﺓ ﺍﻟﻲ ﻣﺮﺕ ﻋﻠﻴﻬﺎ ﺑﺲ ﻣﺎ ﺍﺋﺬﺕ ﻧﻔﺴﻬﺎ ﻭﻻ ﺣﺎﻭﻟﺖ ﺍﺻﻼ ﺗﻨﺘﺤﺮ ...
ﻟﻴﺶ ﻫﺴﻪ ﺍﻗﺒﻠﺖ ﻋﻠﺊ ﺍﻻﻧﺘﺤﺎﺭ ... ﺯﻳﻦ ﻣﻨﻮ ﺍﻟﺊ ﻳﺘﺠﺮﺀ ﻳﺴﻮﻳﻠﻬﺎ ﺳﺤﺮ ﻭﺣﺘﺊ ﻟﻮﻭﻭ ﻧﻔﺮﺽ ﻓﺪ ﺍﻓﺘﺮﺍﺽ ﺷﻨﻮ ﺍﻟﻲ ﻳﺨﻠﻴﻬﻢ ﻳﺴﻮﻟﻬﺎ ﺳﺤﺮ ...
ﺍﺻﻼ ﻋﻠﺊ ﺷﻨﻮﻭ ﻭﺷﻨﻮ ﻫﻲ ﺍﻻﺳﺒﺎﺏ ﻳﻌﻨﻲ ﻣﺜﻼ ﻟﻮ ﻧﻔﺮﺽ ﺍﻧﺘﺼﺎﺭ ...
ﺍﻧﺘﺼﺎﺭ ﻃﻠﻌﺖ ﻣﻦ ﺣﻴﺎﺗﻲ ﻣﻦ ﺯﻣﺎﺍﺍﺍﺍﺍﺍﺍﻥ ﻭﻣﻤﻮﺟﻮﺩﻩ ﻳﻤﻨﻪ ﺣﺘﺊ ﺗﺴﺤﺮﻫﺎ ...
ﻭﻳﻌﻨﻲ ﻣﻌﻘﻮﻟﻪ ﻫﻴﺞ ﺍﻟﺴﺤﺮ ﻳﺪﻫﻮﺭ ﺣﺎﻟﺘﻬﺎ ﻣﺎ ﺍﻇﻦ ﺍﺑﺒﺒﺪ
ﺟﺮﻳﺖ ﻧﻔﺲ ﻭﺩﺧﻠﺖ ﻟﻠﺒﻴﺖ ﺷﻔﺖ ﺍﺧﻮﺍﺗﻲ ﻛﻠﻬﻦ ﻣﻮﺟﻮﺩﺍﺕ ﻣﻦ ﺗﺎﺝ ﺍﺣﺘﺮﻛﺖ ﻟﺤﺪ ﺍﻻﻥ ﻭﻫﻨﻪ ﻣﺎ ﻣﻔﺎﺭﻛﺎﺕ ﺍﻟﺒﻴﺖ ﻭﺿﺎﻻﺕ ﻳﻢ ﺯﻳﻨﺐ ﻭ ﺯﻫﺮﺍﺀ ﻭﻫﺒﻪ ﺍﻟﺼﻐﻴﺮﻩ ...
ﺯﻳﻨﺐ ﺑﺲ ﺗﺒﺠﻲ ﻋﻠﺊ ﺗﺎﺝ ﻭﺍﺭﻳﺪ ﺍﺧﺬﻫﺎ ﺍﻟﻬﺎ ﺑﺲ ﺍﺧﺎﻑ ﺗﻨﻬﺎﺭ ﻣﻦ ﺗﺸﻮﻓﻬﺎ ﺗﺎﺝ ﻻﻥ ﺍﻛﺜﺮ ﻭﺣﺪﻩ ﻣﺘﻌﻠﻘﻪ ﺑﻴﻬﺎ ﻫﻲ ﺯﻧﻮﺑﻪ
ﻭﻫﻢ ﺯﻳﻨﺐ ﺍﺧﺎﻑ ﺗﻠﺰﻙ ﺑﻴﻬﺎ ﻭﺟﻴﺐ ﺍﻟﻲ ﻳﺮﺟﻌﻬﺎ
ﺷﻔﺖ ﻫﺒﻪ ﻧﺎﻳﻤﻪ ﺑﺤﻀﻦ ﻋﻤﺘﻬﺎ ﻭﺗﻠﻌﺐ ﺑﺎﺩﻳﻬﺎ ﺍﺑﺘﺴﻤﺖ ﻋﻠﻴﻬﺎ ﺑﺤﺰﻥ ﺧﻄﻴﻪ ﻓﺎﻗﺪﻩ ﺍﻣﻬﺎ ﻫﺎﻱ ﺍﻻﻳﺎﻡ .
ﺍﺧﺬﺗﻬﺎ ﻣﻦ ﺣﻀﻦ ﻋﻤﺘﻬﺎ ﻭﺑﺴﺘﻬﺎ ﺣﻴﻴﻴﻞ
ﻭﻫﻲ ﺗﺒﺎﻭﻋﻠﻲ ﻭﺗﻀﺤﻚ ﻭﺗﻀﺮﺏ ﺑﺎﺩﻳﻬﺎ ﻟﺰﻣﺖ ﺍﻳﺪﻫﺎ ﺑﺴﺘﻬﺎ ﻧﺎﻋﻤﻪ ﻣﺜﻞ ﺍﻣﻬﺎ ﻭﺭﻗﻴﻘﻪ ...
ﺍﺧﺘﻲ ﺍﻡ ﻣﺤﻤﺪ ﻛﺎﻟﺖ ... ﻫﺎﺍﺍ ﺧﻮﻭﻳﻪ ﺑﺸﺮ ﺗﺎﺝ ﻣﺼﺎﺭﺕ ﺷﻮﻳﻪ ﺯﻳﻨﻪ
ﺟﺮﻳﺖ ﻧﻔﺲ ... ﻻ ﻭﺍﻟﻠﻪ ﺑﻌﺪﻫﺎ ﻋﻠﺊ ﺣﺎﻟﻬﺎ ...
ﺩﺧﻠﺖ ﻟﻠﻐﺮﻓﻪ ﻭﺍﻧﻲ ﺷﺎﻳﻞ ﻫﺒﻪ ﺍﺗﺬﻛﺮﺗﻬﺎ ﻣﻦ ﺩﻛﻮﻝ ﺗﺤﺒﻨﻲ ﻟﻮ ﺗﺤﺐ ﻫﺒﻪ
ﻭﺍﻧﻲ ﺍﻛﻠﻬﺎ ﺍﺣﺐ ﻫﺒﻪ ﺍﺣﺮﻙ ﻛﻠﺒﻬﺎ ﻭﺗﺮﻭﺡ ﺗﺰﻋﻞ ﻭﺗﻄﻨﻜﺮ ﻭﻣﺎﺧﺬﻩ ﺍﻻﻣﻮﺭ ﺑﺠﺪﻳﻪ ﻭﺍﺭﺟﻊ ﺍﺿﺤﻚ ﻋﻠﻴﻬﺎ ﻭﻛﻠﻬﺎ ﻟﺞ ﺑﺎﺑﺎ ﻏﻴﻴﺮ ﺍﻧﺘﻲ ﺑﻨﺘﻲ ﺍﻻﺣﺒﻬﺎ ..
ﻭﺗﺮﺟﻊ ﺗﻌﺎﺗﺐ ... ﺭﻭﻭﺡ ﺭﻭﻭﺡ ﺣﺐ ﺯﻳﻨﺐ ﻭﻫﺒﺎﻭﻱ ﻳﺎ ﻧﺎﻛﺮ ﺍﻟﻌﺸﺮﻩ ﻭﺍﻟﺠﻤﻴﻞ
ﻭﺍﺿﺤﻚ ﻭﺍﺭﺩ ﻋﻠﻴﻬﺎ ... ﻫﻮ ﺍﻛﻮﻭ ﺟﻤﻴﻞ ﻏﻴﺮﺝ ﺑﺎﻟﺪﻧﻴﺎ
ﺟﺮﻳﺖ ﻧﻔﺲ ﻣﺎ ﺍﺭﻳﺪ ﺗﻜﻮﻥ ﺑﺲ ﺫﻛﺮﻳﺎﺕ ﻭﻣﺎ ﺍﺭﻳﺪ ﺍﻋﻴﺶ ﻋﻠﺊ ﺫﻛﺮﻳﺎﺕ ﺍﺭﻳﺪﻫﺎ ﻭﺍﻗﻊ ﻭﺍﺭﻳﺪﻫﺎ ﺑﺪﺍﺧﻞ ﺭﻭﺣﻲ ﻭﺗﺸﺎﺭﻛﻨﻲ ﻛﻞ ﻧﻔﺲ ....
ﺿﻠﻴﺖ ﺍﻓﺘﺮ ﺑﺎﻟﻐﺮﻓﻪ ﺍﺭﻳﺪ ﺷﺊ ﺩﻟﻴﻞ ﻣﺎﺍﺍﺍﻛﻮﻭﻭ
ﻃﻠﻌﺖ ﻣﻦ ﺍﻟﻐﺮﻓﻪ ﺷﻔﺖ ﺍﺧﻮﺍﺗﻲ ﻛﻠﻬﻦ ﻛﺎﻋﺪﺍﺕ
ﻛﺎﻟﺖ ﺍﺧﺘﻲ ﺍﻟﺠﺒﻴﺮﻩ ... ﺍﺑﺎﺫﺭ ﺗﺎﺝ ﺻﺪﻙ ﻫﻲ ﺣﺮﻛﺖ ﺭﻭﺣﻬﺎ ﻟﻮ ﺍﺣﺘﺮﻛﺖ
ﺑﺎﻭﻋﺘﻠﻬﺎ ﺑﻌﺼﺒﻴﺔ ... ﺍﺣﺘﺘﺘﺘﺮﻛﺖ ﺍﺣﺘﺘﺘﺮﻛﺖ ﻭﺍﻟﻴﺤﺠﻲ ﻏﻴﺮ ﻫﺬﺍ ﺍﻟﻜﻼﻡ ﺍﺷﻚ ﺣﻠﻜﻪ ﺑﺎﻟﻘﻨﺪﺭﻩ ﻣﻔﻬﻮﻭﻭﻡ
ﻭﺑﻌﺪﻳﻦ ﻣﻨﻮ ﺍﻟﻲ ﻭﺻﻠﻠﺠﻦ ﻫﻴﺞ ﻛﻼﻡ
ﻛﺎﻟﺖ ... ﺍﻡ ﺭﺍﺿﻲ ﺳﺎﻟﻪ ﺍﻟﻤﻤﺮﺿﺎﺕ
ﺗﻨﺮﻓﺰﺕ ﻣﻦ ﻛﻼﻣﻬﺎ ... ﻫﺎﺍﺍﻱ ﺍﻡ ﺭﺍﺿﻲ ﻭﺍﻟﻠﻪ ﺍﻟﻪ ﻳﻮﻭﻡ ﺍﻟﻪ ﺍﺣﻂ ﺍﻟﻨﻌﺎﻝ ﺑﺤﻠﻜﻬﺎ ﻫﺴﻪ ﻣﺎ ﻓﺮﺍﻏﻠﻬﺎ ﺑﺲ ﺧﻠﻲ ﺗﻄﻴﺐ ﺗﺎﺝ ﺍﻟﻪ ﺍﻧﻌﻞ ﻭﺍﻟﺪﻱ ﻭﺍﻟﺪﻳﻬﺎ
ﻭﺑﺎﺟﺮ ﺣﻀﺮﻥ ﻧﻔﺴﺠﻦ ﻛﻠﺠﻦ ﺍﺣﻠﻔﺠﻦ ﺑﺎﻟﻘﺮﺍﻥ ﺍﺫﺍ ﻭﺣﺪﻩ ﻣﺴﻮﻳﻪ ﻟﺘﺎﺝ ﺳﺤﺮ ...
ﺍﺷﺮﺕ ﻋﻠﺊ ﻧﺪﻳﻤﻪ ﻭﺍﻧﺘﻲ ﺗﺤﻠﻔﻴﻦ ﻧﻴﺎﺑﺔ ﻋﻦ ﺍﻧﺘﺼﺎﺭ ﻭﺍﻡ ﺭﺍﺿﻲ ...
ﻫﻲ ﺍﻧﺨﻄﻒ ﻟﻮﻧﻬﺎ ﻫﺰﺕ ﺭﺍﺳﻬﺎ ﺑﺄﻱ
ﺍﺧﻮﺍﺗﻲ ﻛﺎﻟﻦ .. ﺍﺣﻨﻪ ﺷﻮﻛﺖ ﺟﺎﻳﻴﻦ ﺣﺘﺊ ﻧﺴﻮﻳﻠﻬﺎ
ﻋﻔﺘﻬﻦ ﻭﻃﻠﻌﺖ ﺍﺩﺭﻱ ﺍﺧﻮﺍﺗﻲ ﻣﺎ ﻳﺴﻮﻥ ﺑﺲ ﺧﺎﻳﻒ ﻣﻦ ﻧﺪﻳﻤﻪ ﻻﻥ ﺍﻧﺘﺼﺎﺭ ﺗﺼﻴﺮ ﺣﻤﺎﺗﻬﺎ ...
ﻟﺬﻟﻚ ﺿﺮﺑﺖ ﻋﺼﻔﻮﺭﻳﻦ ﺑﺤﺠﺮ . ....
ﺭﺟﻌﺖ ﻟﻠﻤﺴﺘﺸﻔﺊ ... ﺍﻟﺴﺎﻋﻪ ﺗﻘﺮﻳﺒﺎ ﺻﺎﺭﺕ ﺏ 12
ﺣﻴﻴﻞ ﺧﺎﺍﺍﻳﻒ ﻭﺍﺣﺲ ﺍﻟﻮﻗﺖ ﻣﺎ ﻳﻤﺸﻲ ﺍﺭﻳﺪﻫﺎ ﺑﺲ ﺗﻮﻟﺪ ﻭﺍﺭﺗﺎﺡ ...
ﺣﺘﺊ ﺧﺎﺑﺮﺕ ﻣﺎﻳﻜﻞ ﻛﺎﻝ ﺑﺲ ﺧﻠﻲ ﺗﻄﻴﺐ ﻭﺳﻔﺮﻫﺎ ﺍﻻﻣﺮﻳﻜﺎ ﻭﻫﻨﺎﻙ ﻳﻜﻤﻠﻮﻥ ﻋﻼﺟﻬﺎ ﻻﻥ ﺣﺎﻟﻴﺎ ﻣﺎ ﺍﻛﺪﺭ ﺍﺳﻔﺮﻫﺎ ﺍﺧﺎﻑ ﻣﻦ ﺍﻟﺘﻠﻮﺙ ...
ﺧﻠﻲ ﺑﺲ ﺗﻄﻴﺐ ﺍﻭﺩﻳﻬﺎ ﺍﻻﺧﺮ ﺍﻻﻣﻪ ...
ﻭﻫﺬﺍ ﻫﻮ ﺍﻧﻲ ﻗﺮﺭﺕ ﺍﺻﻼ ﺍﺫﺍ ﻃﺎﺑﺖ ﺍﺳﺎﻓﺮ ﺧﺎﺭﺝ ﺍﻟﻌﺮﺍﻕ ﻭﺍﺧﺬﻫﺎ ﺭﻏﻢ ﻣﻦ ﺯﻣﺎﻥ ﻋﺮﺿﺖ ﻋﻠﻴﻬﺎ
ﻭﻛﺎﻟﺖ .. ﻧﺮﻭﺡ ﺳﻔﺮﻩ ﻣﻮ ﻧﻄﻠﺐ ﻟﺠﻮﺀ ﻻﻥ ﺧﻄﻴﻪ ﻣﺎﻣﺎ ﺗﻨﻘﻬﺮ ﻣﻦ ﺍﺳﺎﻓﺮبيج قصص عراقيه حقيقيه من واقعنا.روعه الطائي
ﺿﺤﻜﺖ ﺑﺎﺳﺘﻬﺰﺍﺀ ﻟﻮ ﻣﺴﺎﻓﺮﻩ ﻣﻮ ﺍﺣﺴﻦ ﺧﺎﻳﻔﻪ ﻋﻠﺊ ﺷﻌﻮﺭ ﻣﺎﻣﺎ ﻭﺍﻧﺘﻲ ﻣﻮﺗﻲ ﺍﻣﺞ ﺍﻟﻒ ﻣﻮﻭﻭﺗﻪ
ﺧﻄﻴﻪ ﺍﻣﻬﺎ ﺑﻴﻦ ﻳﻮﻡ ﻭﻟﻴﻠﻪ ﺍﻟﻤﺮﻩ ﺻﺎﺭﺕ ﺧﺸﺒﻪ ﻭﺿﻌﻔﺖ ﺿﻌﻒ ﻣﻮ ﻃﺒﻴﻌﻲ ....
ﻭﺻﻠﺖ ﻟﻠﻤﺴﺘﺸﻔﺊ ﻟﻜﻴﺖ ﺍﻟﻜﻞ ﻣﺠﺘﻤﻊ ﻧﺎﺱ ﺗﺼﻠﻲ ﻭﻧﺎﺱ ﺗﻘﺮﻩ ﻗﺮﺍﻥ ...
. ﺍﻣﻲ ﺍﺷﻮﻓﻬﺎ ﺗﺮﺟﻒ ﻭﻛﻞ ﺷﻮﻭﻳﻪ ﻭﻛﺎﻟﺖ ... ﻳﻤﻤﻤﻪ ﺗﺎﺍﺝ ﻳﺎﻟﻔﻘﻴﺮﻩ ﻳﻤﻤﻤﻪ ﻋﻼﺟﻲ ﺗﺮﻛﺾ ﺗﺠﻴﺒﻲ ﻗﺒﻞ ﻻ ﺍﻛﻮﻝ ﻣﻲ ﺗﺠﻴﺒﻪ ﺗﺮﻛﺾ
ﻭﺍﻟﻠﻪ ﺍﺣﻦ ﻣﻦ ﺑﻨﺎﺗﻲ ﻋﻠﻴﻪ ﻳﻤﻤﻪ ﻛﻮﻥ ﺍﻧﻲ ﻭﻻ ﺍﻧﺘﻲ ﻳﻤﻤﻪ ﺍﻧﺪﻫﺮﺕ ﺩﻫﺮ ﺻﺨﺎﻡ ﺍﻟﺼﺨﻤﻨﻲ ﻋﺰﺯﺯﺍ ﺍﻟﻌﺰﺍﻧﻲ
ﻳﻤﻤﻤﻪ ﻣﻦ ﻋﻤﺮﻱ ﻋﻠﺊ ﻋﻤﺮﺝ
ﻣﺎ ﻃﻠﻌﺖ ﻣﻨﻬﺎ ﺑﺎﻃﻠﻪ ﻭﻣﺎ ﺧﻠﺖ ﺑﺎﻟﻜﻠﺐ ﻟﺠﻤﻪ ....
ﻫﻲ ﺍﻣﻲ ﺻﺪﻙ ﺣﻴﻴﻞ ﺗﺤﺐ ﺗﺎﺍﺍﺍﺍﺝ ﻭﺟﺘﺊ ﻫﻮﻭﺍﻱ ﺗﻔﻀﻠﻬﺎ ﻋﻠﻴﻪ ...
ﺿﻠﻴﻨﻪ ﻣﻨﺘﻈﺮﻳﻦ ﺗﻘﺮﻳﺒﺎ ﺍﻻﺫﺍﻥ ﺍﻟﻔﺠﺮ
ﺟﺎﻥ ﺻﻮﺕ ﺍﻻﺫﺍﻥ ﻋﺎﻟﻲ ﺣﻴﻴﻴﻞ ﻭﺻﻮﺕ ﺍﻟﻤﺆﺫﻥ ﻭﺍﻟﻜﻠﻤﺎﺕ ﺗﺘﻘﺸﻌﺮ ﺍﻟﻬﺎ ﺍﻻﺑﺪﺍﻥ ...
ﺳﺤﺒﺖ ﻧﻔﺲ ﻋﻤﻴﻖ .... ﻻﺍﺍﺍﺍ ﻳﺎﺭﺑﻲ ﻣﺎﻟﻲ ﻏﻴﻴﻴﺮﻙ ﺗﺎﺝ ﻭﺩﻳﻌﺘﻚ ﻭﻻ ﺗﻀﻴﻌﻬﺎ ﻣﻦ ﺍﺩﻳﻴﻴﻪ
ﺭﺣﺖ ﺗﻮﺿﻴﺖ ﻭﺍﺣﺲ ﻛﻠﺒﻲ ﻣﻘﺒﻮﻭﻭﺽ ﻭﻳﻪ ﺻﻮﺕ ﺍﻟﻤﺆﺫﻥ ﻭﺍﻟﺠﻮﻭ ﺍﻟﻬﺎﺩﺉ ...
ﺻﻠﻴﺖ ﺑﺤﺪﻳﻘﺔ ﺍﻟﻤﺴﺘﺸﻔﺊ ﻭﺍﻟﻜﻞ ﺻﻠﺊ ﻭﺩﻋﻪ ﺍﻟﻬﺎ ...
ﺷﻮﻭﻳﻪ ﻭﺻﺎﺭﺕ ﺍﻟﺮﻛﻀﻪ ﻣﺎﻝ ﺍﻟﺪﻛﺘﻮﺭﺍﺕ ﻭﺍﻟﺼﺮﺭﻳﺦ ﻣﺎﻝ ﺗﺎﺍﺍﺝ ﺍﺳﻤﻌﻪ ﻣﻦ ﺍﺧﺮ ﺍﻟﺪﻧﻴﺎ
ﺳﺪﻳﺖ ﺍﺫﺍﻧﻲ ﻣﺎ ﺍﺭﻳﺪ ﺍﺳﻤﻊ ﺍﻱ ﺷﺊ
ﺑﺲ ﻛﻠﺒﻲ ﻣﺎ ﻳﻨﻄﻴﻨﻲ ﺭﻛﻀﺖ ﺿﻠﻴﺖ ﻭﺍﻛﻒ ﺑﺎﻻﺳﺘﻘﺒﺎﻝ
ﻭﺍﻧﻲ ﺍﺳﻤﻊ ﺍﻧﻴﻨﻬﺎ ﻭ ﻭﺟﻌﻬﺎ ﻋﻀﻴﻴﻴﺖ ﺍﺻﺒﻌﻲ ﺑﻘﻬﺮ ﻭﻛﺘﻤﺖ ﻋﺒﺮﺗﻲ ﻏﺼﺒﺎ ﻋﻠﻴﻪ ...
ﺍﻣﻬﺎ ﺍﻧﻬﺰﻣﺖ ﻭﻣﻴﺲ ﺣﻀﻨﺖ ﺧﺎﻟﺘﻬﺎ ﻭﺿﻠﺖ ﺗﺒﺠﻲ
ﻣﻦ ﺻﺮﻳﺦ ﺗﺎﺍﺍﺝ ﻭﺍﻟﻤﻬﺎ
ﺍﺻﻌﺐ ﻣﻮﻗﻒ ﻭﺍﺻﻌﺐ ﻳﻮﻭﻭﻡ ﻭﺍﺻﻌﺐ ﻟﺤﻀﺎﺕ ﻣﺮﺓ ﻋﻠﻴﻪ
ﺍﺗﺨﻴﻞ ﺷﻠﻮﻥ ﺗﻜﺪﺭ ﺗﺘﺤﻤﻞ ﻛﻞ ﻫﻞ ﻭﺟﻊ ﻭﺟﻊ ﺍﻟﻮﻻﺩﻩ ﻭﻭﺟﻊ ﺍﻟﺤﺮﻙ ....
ﺍﻟﻠﻪ ﻳﻜﻮﻥ ﺑﻌﻮﻧﻬﺎ ﻭﻳﺼﺒﺮ ﻛﻠﺒﻲ ﻭﻛﻠﺐ ﺍﻣﻬﺎ ....
ﺿﻠﺖ ﻫﻮﻭﻭﺍﻳﻪ ﺗﺼﺮﺭﺭﺥ ﻭﻛﻠﻤﺔ ﺗﺮﺩﺩﻫﺎ ﺍﻟﺘﻮﻭﻭﺑﻪ ﺑﻌﺪ ﻣﺎ ﺍﻋﻴﺪﻫﺎ ...
ﻣﺤﺪ ﻛﺪﺭﺕ ﺗﺪﺧﻞ ﻋﻠﻴﻬﺎ ﻭﺗﺸﻮﻭﻭﻭﻑ ﺷﺤﺎﻟﻬﺎ ﻣﺤﺪ ﺍﺻﻼ ﺍﻟﻬﺎ ﻛﻠﺐ ﺗﺪﺧﻞ ﺍﻟﻬﺎ ....
ﻣﻌﺘﺼﻢ ﺍﺟﻪ ﻭﻛﻒ ﻳﻤﻲ ﻟﺰﻣﻨﻲ ﻣﻦ ﺟﺘﻔﻲ ﻛﺎﻝ . ﻛﻮﻭﻝ ﻳﺎﻟﻠﻪ ﺷﺒﻴﻚ ﻛﻠﻚ ﺗﺮﺟﻒ
ﺑﻠﻌﺖ ﺭﻳﻜﻲ ... ﺧﺎﻳﻒ ﺗﻄﻠﻊ ﺍﻟﺪﻛﺘﻮﺭﻩ ﻭﺩﻛﻠﻲ ﺍﻟﺒﻘﻴﻪ ﺑﺤﻴﺎﺗﻚ ﻣﺎ ﺗﻌﺮﻑ ﺑﺬﻳﺞ ﺍﻟﺴﺎﻋﻪ ﺷﻴﺼﻴﺮ ﺑﻴﻪ
ﻣﻌﺘﺼﻢ ... ﺍﻟﻠﻪ ﻻ ﻳﻜﻮﻟﻬﺎ ﻭﻻ ﻳﺠﻴﺒﻬﺎ ﺍﻥ ﺷﺎﺀ ﺍﻟﻠﻪ ﻳﺎﺭﺏ ﺗﺠﻴﺐ ﻭﺗﻄﻠﻊ ﺳﻼﻣﺎﺕ
ﺭﺩﻳﺖ ﻋﻠﻴﻪ ﺑﻘﻠﻖ ... ﺍﻣﻴﻴﻴﻦ
ﻣﺮﺓ ﺳﺎﻋﻪ ﻛﺎﻣﻠﻪ ﻭﻃﻠﻌﺖ ﺍﻟﺪﻛﺘﻮﺭﻩ ﻭﻫﻲ ﺗﺮﺳﻢ ﻋﻠﺊ ﻭﺟﻬﻬﺎ ﺗﻌﺎﺑﻴﺮ ﺣﺰﻳﻨﻪ ﻭﺷﺎﻳﻠﻪ ﺍﻟﻄﻔﻞ ﺑﻐﻄﺎ ﺍﺑﻴﺾ ﺑﻌﺪ ﻣﺎ ﻋﻢ ﺍﻟﻬﺪﻭﺀ ﻭﺯﺍﺩ ﺍﻟﻘﻠﻖ ﺑﻴﻨﻪ
ﺭﻛﻀﻨﻪ ﻋﻠﻴﻬﺎ ﻭﺍﻣﻬﺎ ﺍﻭﻝ ﺍﻟﺮﺍﻛﻀﻴﻦ ﻟﺰﻣﺘﻬﺎ ﺑﺨﻮﻭﻑ ... ﺷﻠﻮﻭﻭﻧﻬﺎ ﺗﺎﺍﺍﺍﺝ ﺗﺎﺍﺍﺝ ﻣﺎﺍﺍﺗﺘﺘﺖ
ﺭﺩﺕ ﺑﻬﺪﻭﺀ .. ﻛﻮﻟﻲ ﻳﺎﻟﻠﻪ ﺍﻟﺒﻨﻴﻪ ﻋﺎﻳﺸﻪ ﺑﺲ ﻫﻄﺎ ﺍﻟﻄﻔﻞ ﻣﻴﺖ ﻭﺍﻧﺎ ﻟﻠﻪ ﻭﺍﻧﺎ ﺍﻟﻴﻪ ﺭﺍﺟﻌﻮﻥ
ﺣﻄﻴﺖ ﺍﻳﺪﻱ ﻋﻠﺊ ﺭﺍﺳﻲ ﻣﻬﻤﺎ ﻳﻜﻮﻥ ﻭﻣﻬﻤﺎ ﻳﺼﻴﺮ ﻭﺣﺘﺊ ﻟﻮ ﻫﻮ ﻃﻔﻞ ﻣﺎ ﺷﺎﻑ ﺍﻟﻨﻮﺭ ﺑﺲ،ﻳﺤﺰ ﺑﺨﺎﻃﺮﻱ ﻭﺍﻛﻴﻴﺪ ﺍﺗﺎﺫﻩ ﺍﻣﻮﻭﺕ ﺍﻟﻒ ﻣﻮﻭﺗﻪ ﻣﻦ ﺍﺷﻮﻭﻓﻪ
ﻫﻮ ﺟﺎﻥ ﺍﻣﻠﻬﺎ ﻭﺟﺎﻥ ﺍﻣﻨﻴﺘﻬﺎ ﺍﻟﺊ ﻣﺎ ﺣﻘﻘﺘﻬﺎ
ﺑﺎﻭﻋﺘﻠﻪ ﻣﺎﺷﻔﺖ ﺑﺲ ﺟﺜﺘﻪ ﺍﻟﺒﺮﻳﺌﻪ ﺍﺧﺬﻩ ﻣﻌﺘﺼﻢ ﻭﺍﻣﻲ ﻭﺍﻟﺒﻨﺎﺕ ﺿﻠﻮﻭ ﻳﺒﺠﻮﻭﻥ ...
ﻭﺍﻧﻲ ﺍﺣﺲ ﺍﺭﺭﺭﻳﺪ ﺍﻟﻌﺎﻟﻢ ﻛﻠﻪ ﻳﻴﻴﻴﺼﺮﺥ ﻭﻳﺎﻱ ﺍﺣﺴﺎﺳﻲ ﺗﺪﻣﺮ ﻭﺭﻭﺣﻲ ﺫﺍﺑﺖ ﻣﻦ ﺍﻟﺤﺰﻥ
ﻋﻔﺖ ﺍﻟﻜﻞ ﻭﺍﺗﺠﻬﺖ ﺍﻟﻐﺮﻓﺘﻬﺎ ﺷﻔﺘﻬﺎ ﻧﺎﻳﻤﻪ ﻭﻫﻲ ﺗﺮﺭﺭﺭﺭﺭﺭﺭﺭﺭﺟﻒ ﺑﻘﻮﻭﻭﻩ ﻭﺗﺎﺗﺊ ﺑﺎﻟﻜﻼﻡ ﺍﺻﻼ ﻣﺎ ﺍﻓﻬﻢ ﻛﻼﻣﻬﺎ .....
ﺗﻘﺮﺑﺖ ﻣﻨﻬﺎ ﻫﻤﺴﺖ ﺑﺘﻌﺐ ﻭﺩﻣﻮﻭﻉ ... ﺑﺮﺭﺭﺭﺩﺍﺍﺍﺍﻧﻪ
ﺣﻀﻨﺖ ﺍﻳﺪﻫﺎ ﺑﻴﺪﻱ ﻭﺑﺴﺘﻬﺎ ﻫﻤﺴﺖ ... ﺍﻟﺤﻤﺪ ﻟﻠﻪ ﻋﻠﺊ ﺳﻼﻣﺘﺞ ﻳﻌﻤﺮﻱ ﺍﻥ ﺷﺎﺀ ﺍﻟﻠﻪ ﺗﻄﻠﻌﻴﻦ ﻣﻨﺎ ﻭﺗﺼﻴﺮ ﺳﻮﺍﻟﻒ
ﺑﻠﻌﺖ ﺭﻳﻜﻬﺎ ﻭﺩﻣﻮﻋﻬﺎ ﺗﻨﺰﻝ ﺑﻐﺰﺍﺭﺓ ﻫﺰﺕ ﺭﺍﺳﻬﺎ .. ﻣﻤﻢ ﻣﺎﺍ ﺍﺍ ﺍﻇﻦ
ﺑﺴﺘﻬﺎ ﺑﺨﺪﻫﺎ ﺍﻟﺒﺎﺭﺩ ... ﺧﻠﻲ ﺍﻣﻠﺞ ﺑﺮﺑﺞ ﻛﺒﺒﺒﻴﺮ ﻭﺍﻧﻲ ﻭﻳﺎﺝ ﻻ ﺗﺨﺎﺍﺍﻓﻴﻦ
ﻫﻤﺴﺖ ﺑﺘﻌﺐ ... ﻟﻮ ﻣﺘﺖ ﺑﻠﻞ ﺗﺮﺍﺏ ﺍﻟﻤﻜﺎﺑﺮ ﺑﺎﻟﺪﻣﻮﻉ
ﺩﻓﻨﺖ ﻭﺟﻬﻴﻲ ﺑﺮﻛﺒﺘﻬﺎ ﻭﺑﺠﻴﺖ ﺑﺼﻮﻭﻭﺕ ﻋﺎﻟﻲ ... ﺗﺎﺍﺍﺝ ﻻ ﺗﺰﻳﺪﻳﻬﺎ ﻋﻠﻴﻪ ﻭﺍﻟﻠﻪ ﻛﻮﻭﻩ ﻭﺍﻛﻒ ﻋﻠﺊ ﺭﺟﻠﻴﻪ
ﺣﻄﻴﺖ ﺍﻳﺪﻫﺎ ﻋﻠﺊ ﺷﻌﺮﻱ ﻫﻤﺴﺖ ﺑﻀﻌﻒ ... ﺍﺷﺸﺶ ﺍﺣﺒﺒﻚ ﻣﺎ ﺍﻋﻮﻭﻓﻚ ﻻ ﺗﺨﺎﻑ ﺍﻧﻲ ﻣﺎ ﺍﻋﻮﻓﻚ
ﺭﻓﻌﺖ ﺭﺍﺳﻬﺎ ﺑﺴﺘﻬﻞ ﺑﺨﺪﻫﺎ ﻭﻋﻴﻮﻧﻬﺎ ﻭﻫﻲ ﺗﺮﺟﻒ ﻣﻦ ﺍﻟﻢ ﺍﻟﻮﻻﺩﻩ
ﺑﺎﻭﻋﺘﻠﻲ ﺑﺤﺰﻥ ... ﺷﺸﺶ ﺷﻦ ﺷﻨﻮ ﺳﺲ ﺳﻤﻴﺖ ﺍﻟﻄﻔﻞ
ﺍﺑﺘﺴﻤﺖ ﺑﺤﺰﻥ ... ﺳﻤﻴﺘﻪ ﺣﺮﺭﺭﺭ ... ﻻﻥ ﻫﻮ ﺣﺮ ﻭﺭﺍﺡ ﻳﺮﻭﺡ ﻟﻠﺠﻨﻪ ﺣﺮ ﻭﻃﻴﺮ ﻣﻦ ﺍﻟﺠﻨﻪ
ﺑﺠﺖ ﺑﻨﺤﻴﺐ ... ﺻﻮﺭﻩ ﺍﺭﻳﺪ ﺍﺷﻮﻓﻪ ﻻ ﺗﺨﻠﻲ ﺑﻨﻔﺴﻲ
ﺗﻨﻬﺪﺕ ... ﺍﺻﻮﺭﻩ ﺣﺒﻴﺒﺘﻲ ﺑﺲ ﺻﻴﺮﻱ ﺯﻳﻨﻪ
ﺍﺑﺘﺴﻤﺖ ﺑﻌﻨﺎﺀ .... ﺣﻠﻮﻭﻭ ﻳﺸﺒﻬﻚ ﻟﻮ ﻳﺸﺒﻬﻨﻲ
ﺿﺤﻜﺖ ﺑﻘﻬﺮ ﺑﺲ ﻣﺤﺒﻴﺖ ﺍﺿﻮﺟﻬﺎ ... ﻻ ﻣﺤﻠﻮ ﻳﺸﺒﻬﻨﻲ
ﻓﺘﺤﺖ ﻋﻴﻮﻧﻬﺎ ﻣﻘﺎﺑﻠﻪ ﺑﻜﻼﻡ ... ﻻﺍﺍﺍ ﺍﻧﺖ ﺣﻠﻮﻭ ﺑﺲ ﺷﻨﻮ ﺍﻟﻔﺎﻳﺪﻩ ﻫﻮ ﻣﺎﺕ ﻭﺍﻧﻲ ﻛﺘﻠﺘﻪ ...
ﺑﺠﺖ ﺑﺼﻮﺕ ﻋﺎﻟﻲ ﻭﺍﻧﻲ ﻣﺴﺤﺖ ﺩﻣﻮﻋﻬﺎ ﻭﺣﻀﻨﺖ ﻭﺟﻬﻬﺎ ﺑﺤﺐ ... ﻻ ﺍﻧﺘﻲ ﻣﻮ ﺑﻮﻋﻴﺞ ﻳﺮﻭﺣﻲ ﻣﻴﺨﺎﻟﻒ ﺍﻟﻠﻪ ﻣﺎ ﻗﺎﺳﻤﻪ ﺍﻟﻨﻪ ﻭﺍﻥ ﺷﺎﺀ ﺍﻟﻠﻪ ﺍﻟﻠﻪ ﻳﻌﻮﺿﻨﻪ ﺍﻟﻤﻬﻢ ﺍﻧﺘﻲ ﺍﻧﺘﻲ ﺍﻫﻢ ﺷﺊ ﺑﺤﻴﺎﺗﻲ ﻭﺍﻟﺒﺎﻗﻲ ﻳﺘﻌﻮﺽ ﻳﻌﻤﺮﻱ ...
ﺿﻠﺖ ﺗﺠﺮ ﺑﺎﻧﻔﺎﺳﻬﺎ ﺣﺴﻴﺘﻬﺎ ﺗﻌﺒﺖ ﻛﻠﺘﻠﻬﺎ ... ﻳﺎﻟﻠﻪ ﺣﺒﻴﺒﺘﻲ ﻧﺎﻣﻲ
ﺑﺎﻭﻋﺘﻠﻲ ﺑﺤﺴﺮﻩ .. ﻭﻳﻦ ﺭﺍﺡ ﺗﺪﻓﻦ ﺣﺮ
ﺍﺑﺘﺴﻤﺖ ﺑﻮﺟﻬﻬﺎ ﺑﺤﺰﻥ ... ﺍﻧﺘﻲ ﻭﻳﻦ ﺗﺮﺩﻳﻦ
ﺭﺩﺕ ﺑﺘﺌﺘﺊ ... ﺍﺀﺀ ﻳﻢ ﺍﺧﺘﻲ ﻫﺒﻪ ﺣﺘﺊ ﺍﺫﺍ ﻣﺘﺖ ﻳﺪﻓﻨﻮﻧﻲ ﻳﻤﻪ ﻭﺍﺫﺍ ﻃﺒﺖ ﺍﺭﻭﺡ ﺍﺯﻭﺭﻩ
ﺑﺴﺘﻬﺎ ﺣﻴﻴﻞ ﻭﻛﻄﻌﺖ ﻛﻼﻣﻬﺎ .. ﺍﻥ ﺷﺎﺀ ﺍﻟﻠﻪ ﺗﺮﺣﻴﻦ ﺗﺰﻭﺭﻳﻨﻪ ﻳﻌﻤﺮﻱ
ﻫﺰﺕ ﺭﺍﺳﻬﺎ ﺗﻌﺒﺎﻧﻪ
ﺿﻠﻴﺖ ﻛﺎﻋﺪ ﻳﻤﻬﺎ ﻣﻨﺎ ﻟﻤﻦ ﺣﺴﻴﺖ ﺍﻧﻔﺎﺳﻬﺎ ﺍﻧﺘﻀﻤﺖ ﻭﻧﺎﻣﺖ ﺑﺴﻼﻡ
ﺑﺴﺘﻬﺎ ﺑﻴﻦ ﻋﻴﻮﻧﻬﺎ ﻭﻃﻠﻌﺖ
ﺣﺠﻴﺖ ﻭﻳﻪ ﻣﻌﺘﺼﻢ ﻧﺮﻭﺡ ﻧﺪﻓﻦ ﺍﻟﻄﻔﻞ ﺭﻏﻢ ﻟﺤﺪ ﺍﻻﻥ ﻣﺸﺎﻳﻔﻪ ﺍﺣﺲ ﺍﺫﺍ ﺷﻔﺘﻪ ﺭﺍﺡ ﺍﻧﻬﺎﺭ
ﻛﺎﻝ ﻣﻌﺘﺼﻢ ﺷﻮﻓﻪ ﺍﺣﺴﻦ ﻻ ﺗﻀﻞ ﻫﻴﻴﺞ
ﺭﺣﺖ ﺩﺍ ﺍﺷﻮﻓﻪ ﻭﺍﺗﺼﻞ ﻣﻮﺑﺎﻳﻠﻲ ﺷﻔﺘﻪ ﺭﻗﻢ ﻧﺪﻳﻤﻪ ﻓﺘﺤﺖ ﺧﻂ ﺭﺩﺕ ﻋﻠﻴﻪ ﺑﺒﻜﺎﺀ ﻭﻫﻲ ﺩﻛﻮﻝ .. ﺍﺑﺎﺍﺫﺭ ﺍﻧﻲ ﺍﻟﺴﺒﺐ
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ .. ﺍﺣﺒﻜﻢ 💔
ﻧﻮﺭ ﺳﻤﻮ ﺍﻟﻌﺮﺍﻕ 😘
ﺍﻥ ﺷﺎﺀ ﺍﻟﻠﻪ ﺍﻟﺒﺎﺭﺕ ﺍﻟﺒﻌﺪﻩ ﻫﻮ ﺍﻻﺧﻴﺮ ﻭﻣﻦ ﺍﻟﻠﻪ ﺍﻟﺘﻮﻓﻴﻖ
