ﺭﻭﺍﻳﺔ .. ﻧﺼﻒ ﻋﺬﺭﺍﺀ ﺑﻴﻦ ﺍﻧﻴﺎﺏ ﻗﺎﺗﻠﻲ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔
ﻓﻬﻤﺖ ﻣُﺆﺧﺮﺍً ﺑﺄﻥ ﻛُﻠﻤﺎ ﻛﺘﻢ ﺍﻟﻤﺮﺀ ﺃﺣﺰﺍﻧﻪ ﻭﺭﺍﻛﻤﻬﺎ، ﻛُﻠﻤﺎ ﺗﺤﻮﻟﺖ ﺗﺪﺭﻳﺠﻴﺎً ﺇﻟﻰ ﺃﻟﻢ ﺟﺴﺪﻱ، ﺗﺨﻴﻠﻮﺍ ﻣﺪﻯ ﻫﺸﺎﺷﺔ ﺍﻟﻤﺮﺀ ﺣﻴﻨﻤﺎ ﻳﻈﻦ ﺃﻥ ﺍﻟﻜﺘﻤﺎﻥ ﺇﻧﺘﺼﺎﺭ ﺑﻴﻨﻤﺎ ﻫﻮ ﺑﺎﻟﺤﻘﻴﻘﺔ ﺃﻛﺒﺮ ﻫﺰﻳﻤﺔ ﻗﺪ ﻳﺮﺗﻜﺒﻬﺎ ﺑﺤﻖ ﻧﻔﺴﻪ ".
...................................
ﺩﺭﺕ ﻭﺟﻬﻲ ﺷﻔﺘﻪ ﻭﺍﻛﻒ ﺑﻜﻞ ﺟﺒﺮﻭﺕ ﻭﻋﻴﻮﻧﻪ ﺗﺠﺪﺡ ﻧﺎﺍﺍﺭ ﻭﻋﺎﻗﺪ ﺣﺎﺟﺒﻪ ﺑﻌﺼﺒﻴﺔ ﻛﺎﻝ ... ﺗﺎﺍﺍﺍﺍﺍﺝ ﺍﻧﺘﻲ،ﺑﺄﻱ ﺣﻖ ﺗﺤﺠﻴﻦ ﻫﻴﺞ ﻛﻼﻡ
ﺑﺎﻭﻋﺘﻠﻪ ﺑﺨﻮﻭﻑ ﻭﺭﻋﺐ ﻛﺘﻠﻪ ... ﺍﺀﺀ ﻋﻤﻮﻭﻭ
ﺗﻘﺮﺏ ﻣﻨﻲ ﻭﻗﺪﺭ ﺭﺟﻌﺖ ﺧﻄﻮﻭﺍﺕ ﺑﺲ ﺍﺣﺲ ﺍﻟﺪﻣﻮﻉ ﺍﺟﺘﻤﻌﺖ ﺑﻌﻴﻮﻧﻬﺎ ﻛﺎﻟﺖ ... ﺷﻮﻓﻲ ﺗﺎﺝ ﺍﻧﺎ ﻣﺎ ﺍﺣﺐ ﻏﻴﺮ ﺯﻭﺟﻲ ﻭﺑﺼﺮﺍﺣﻪ ﺍﻟﻤﻮﺿﻮﻉ ﻫﺬﺍ ﻛﺜﻴﺮ ﻳﺰﻋﺠﻨﻲ ﺍﻧﺘﻮ ﻻ ﺗﺸﻜﻜﻮﻥ ﺑﻴﻪ
ﻫﻮ ﺗﺨﺒﻞ ﺿﺮﺏ ﺍﻟﺒﺎﺏ ﺑﻴﺪﻩ ﺑﻘﻮﻭﻭﻩ ... ﺍﻱ ﻭﺣﺪﺩﺩﻩ ﺗﻔﻚ ﺣﻠﻜﻬﻪ ﺑﺎﻟﻘﺮﺍﻥ ﺍﺗﺮﺳﻪ ﺗﺮﺭﺭﺭﺍﺏ
ﺑﺎﻭﻉ ﺍﻟﻘﺪﺭ ﻛﻠﻬﺎ ... ﺭﻭﺣﻲ ﻋﻤﻮ ﻫﺬﻥ ﺗﺨﺒﻠﻦ ﺭﻭﺣﻲ ﻣﺎﻛﻮ ﺷﺊ
ﻫﻲ ﻭﻛﻔﺖ ﺑﻮﺟﻬﻪ ﻭﺭﺩﺕ ﺑﺪﻣﻮﻉ ... ﺍﻧﺎ ﻛﺜﻴﺮ ﺍﺳﻤﻊ ﻭﻛﺜﻴﺮ ﺍﺑﻠﻊ ﻭﺍﻏﻠﺲ ﺑﺲ ﺍﻧﺖ ﻻﺯﻡ ﺗﺤﻂ ﺣﺪ ﻟﻬﻞ ﻣﻬﺰﻟﻪ ﺍﻧﺎ ﻣﺎ ﺑﻴﻨﻲ ﻭﺑﻴﻨﻚ ﺷﺊ ﻭﺍﺻﻼ ﺣﺮﺍﻡ ﻣﺠﺮﺩ ﺍﻟﺘﻔﻜﻴﻴﺮ ﺍﻧﺎ ﺯﻭﺟﻲ ﺍﺣﺒﻮﻭ ﻭﻣﺎ ﺍﺣﺐ ﻏﻴﺮﻭﻭ ﺧﻠﻮﻧﻲ ﺍﻋﻴﺶ ﻭﻻ ﺗﻨﻜﺪﻭﻥ ﻋﻠﻴﻪ ﻭﺍﻟﻠﻪ ﺣﻴﺎﺗﻲ ﺻﻌﺒﻪ ﻭﺍﻧﺘﻮ ﺗﻌﺮﻓﻮ ﻛﺜﻴﺮ ...
ﻫﻮ ﺑﻠﻊ ﺭﻳﻜﻪ ﻭﻣﺴﺢ ﻭﺟﻬﻪ ﺑﺘﻮﺗﺮ ... ﺭﻭﺣﻲ ﻋﻤﻮ ﻛﺘﻠﺞ ﻣﺎﻛﻮﻭ ﺷﺊ ﻣﻦ ﺍﻟﻲ ﻳﻔﻜﺮﻥ ﺑﻲ ﻫﻞ ﺍﻟﺤﻴﻮﺍﻧﺎﺕ ﻭﺍﻧﻲ ﺍﺻﻼ ﻣﺎ ﺑﻴﻨﻲ ﻭﺑﻴﻨﺞ ﺷﺊ ﺍﻧﻲ ﻟﻮ ﻓﻌﻼ ﺣﺎﺑﺞ ﻣﺎ ﺧﻄﺒﺘﺞ ﺑﻴﺪﻱ ﻻﺑﻦ ﺍﺧﻮﻳﻪ ﺍﻧﻲ ﻣﺎ ﺍﺧﻄﺐ ﻻﺑﻦ ﺍﺧﻮﻭﻳﻪ ﻭﺣﺎﻁ ﻋﻴﻨﻲ ﻋﻠﻴﺞ ﺑﺲ ﻫﺬﻥ ﻳﻬﻠﻮﺳﻦ ...
ﻗﺪﺭ .. ﺑﺲ ﻫﺬﺍ ﺍﻟﻤﻮﺿﻮﻉ ﻳﺘﻌﺒﻨﻲ ﻭﺣﺘﺊ ﻫﺸﺎﻡ ﻣﺎ ﻋﻨﺪﻭ ﺛﻘﻪ ﺑﻴﻪ ﻭﻛﻞ ﻣﺮﻩ ﻳﻠﻤﺢ ﺍﻟﻲ ﺑﺎﻟﻤﻮﺿﻮﻉ ﺗﺮﺉ ﺗﻌﺒﺖ ﻣﻴﺼﻴﺮ ﻫﻴﻚ
ﻫﻮ ﺟﺎﻭﺑﻬﺎ .. ﻣﺎ ﺑﻴﻨﻲ ﻭﺑﻴﻨﺞ ﺷﺊ ﺩﻛﻮﻟﺞ ﺭﻭﺣﻲ
ﻫﻲ ﺧﻠﺖ ﻭﺭﺍﺣﺖ ﺑﺲ ﺿﻠﺖ ﺗﺒﺠﻲ ...
ﻭﺍﻧﻲ ﺧﻔﺖ ﺑﺎﻭﻋﻠﻲ ﺑﺤﻘﺪ ﻛﺎﻝ ... ﺍﻧﺘﻲ ﺷﻨﻮﻭ ﻣﻦ ﻣﻠﻪ ﺷﻮﻭﻓﻲ ﻭﻟﺞ ﺗﺠﻴﻴﻦ ﺗﺤﺘﺮﻣﻴﻦ ﻧﻔﺴﺞ ﻻ ﺗﺴﻮﻳﻦ ﻣﺸﺎﻛﻞ ﻻ ﺑﺎﻟﻘﺮﺍﻥ ﺍﺗﺼﺮﻑ ﻏﻴﺮ ﺗﺼﺮﻑ ﻭﺑﻌﺪﻳﻴﻦ ﺍﻧﺘﻲ ﺷﺪﺧﻠﺞ ﻭﺗﺠﻴﻦ ﺗﻄﻌﻨﻴﻦ ﺑﺎﻟﻌﺎﻟﻢ
ﺑﺲ ﻣﻮ ﺻﻮﺟﺞ ﺻﻮﺝ ﺩﻋﻴﻮﻩ ﺍﻟﺤﻤﺎﺭﻩ ﺑﺎﻟﻘﺮﺍﻥ ﺍﻟﻴﻮﻡ ﺍﻟﻪ ﺍﻃﻴﻴﺢ ﺣﻀﻬﺎ ﺍﻟﺤﻘﻴﺮﻩ .
ﻟﺰﻣﺘﻪ ﻣﻦ ﺍﻳﺪﻩ ﻭﺣﺠﻴﺖ ﺑﺨﻮﻭﻑ ... ﻋﻤﻮﻭ ﻻ ﺧﺎﻟﻪ ﺩﻋﺎﺀ ﻣﺎ ﺍﻟﻬﺎ ﺩﺧﻞ ﺑﺎﻟﺼﺎﺭ
ﺩﻓﻊ ﺍﻳﺪﻱ ﺑﻘﺴﻮﻩ ﻭﺍﻋﺼﺎﺑﻪ ﻧﺎﺍﺍﺭ ... ﺍﻛﻠﻲ ﺗﺒﻦ ﺍﻧﺘﻲ ﻭﺧﺎﻟﺘﺞ ﻋﺒﺎﻟﻬﺎ ﻣﺎ ﺍﺩﺭﻱ ﺑﻴﻬﺎ ﺍﺫﺍ ﺍﻧﻔﺘﺢ ﻫﺬﺍ ﺍﻟﻤﻮﺿﻮﻉ ﻣﺮﻩ ﺛﺎﻧﻴﻪ ﺍﺗﺼﺮﻑ ﺗﺼﺮﻑ ﺛﺎﻧﻲ ﻣﻔﻬﻮﻭﻡ ...
ﻫﺰﻳﺖ ﺭﺍﺳﻲ ﺑﺎﻱ ﻭﺧﻠﻴﺖ ﻭﺩﺧﻠﺖ ﺟﻮﻭﻩ ﺑﺲ ﺷﻨﻮ ﺍﺣﺲ ﺍﻃﺮﺍﻓﻲ ﺑﺮﺩﺕ ...
ﺍﻣﺪﺍﻧﻲ ﺷﺒﻴﺔ ﺍﺧﺘﻠﺴﺖ ﻣﻜﺘﻠﻪ ﺍﻧﻲ ﺍﻟﺨﺎﻳﻔﻪ ﻋﻠﺊ ﻫﺸﺎﻡ ﻭﺍﻟﺨﺎﻃﺮ ﻫﺸﺎﻡ ﺣﺠﻴﺖ ﺑﺲ ﻣﺪﺭﻱ ﺷﺒﻴﻪ ...ﻫﻮ ﺩﺧﻞ ﻣﺜﻞ ﺍﻹﻋﺼﺎﺭ ﺷﺎﻑ ﺩﻋﺎﺀ ﻛﺎﻋﺪﻩ ﺗﺒﺮﺩ ﺑﺎﺿﺎﻓﺮﻫﺎ ﺑﺎﻭﻋﻠﻬﺎ ﺑﻐﻀﺐ ﺻﺎﺡ ﻋﻠﻴﻬﺎ ﺑﺼﻮﺕ ﻋﺎﻟﻲ ... ﺩﻋﺎﺍﺍﺍﺍﺍﺍﺀ
ﻫﻲ ﺷﻤﺮﺕ ﺍﻟﻤﺒﺮﺩ ﻣﻦ ﺍﻳﺪﻫﺎ ﻛﻠﺘﻠﻬﺎ ... ﻫﺎﺍﺍﺍﺍ
ﺭﺩ ﺑﺠﻤﻮﺩ ... ﺍﺻﻌﺪﻱ ﻓﻮﻭﻙ
ﻫﻲ ﺑﺴﺮﻋﻪ ﺭﺍﺣﺖ ﺻﻌﺪﺕ ﺑﺪﻭﻥ ﺍﻱ ﻛﻼﻡ
ﻟﻮﻳﺖ ﺷﻔﺎﻳﻔﻲ ﺑﺘﺬﻣﺮ ﻳﺒﻮﻭ ﻫﺴﻪ ﺗﺼﻴﺮ ﻣﺸﻜﻠﻪ ﻭﻫﻲ ﺣﻠﻔﺘﻨﻲ ﻣﺎ ﺍﻛﻮﻝ ﺍﻷﻱ ﺷﺨﺺ ...
..........
ﺩﻋﺎﺀ ..
ﺟﻨﺖ ﻛﺎﻋﺪﻩ ﺩﺍ ﺍﺑﺮﺩ ﺑﺎﺿﺎﻓﺮﻱ ﻣﺎ ﺍﺷﻮﻓﻪ ﺍﻟﻪ ﻋﺎﻁ ﺑﻴﻪ ﺭﺣﺖ ﺑﺴﺮﻋﻪ ﺻﻌﺪﺕ ﻓﻮﻙ ﻭﻫﻮ ﺍﺟﻪ ﻭﺭﺍﻳﻪ ..
ﺍﻭﻝ ﻣﺪﺧﻠﻨﻪ ﺳﺤﺒﻨﻲ ﻣﻦ ﺍﻳﺪﻱ ﻗﻮﻭﻱ ﺑﺎﻭﻋﺘﻠﻪ ﺑﻌﺼﺒﻴﻪ ﻭﺭﻓﻌﺖ ﺣﺎﺟﺐ ﻛﺘﻠﻪ ... ﺷﻜﻮﻭﻭ
ﻛﺎﻝ ﺑﻐﻀﺐ ﻋﺎﺭﻡ ... ﺍﻧﺘﻲ ﻟﻴﺶ ﺣﻴﻮﺍﻧﻪ ﻭﺗﺎﻓﻬﻪ ﺷﺘﺤﺴﻴﻦ ﺑﺘﺼﺮﻓﺎﺗﺞ ﺍﻟﻲ ﺗﻐﺚ ﻳﻌﻨﻲ ﺗﺮﺩﻳﻦ ﺗﺨﻠﻘﻴﻴﻦ ﻣﺸﺎﻛﻞ ﺟﺒﺘﺞ ﻋﻮﻥ ﻃﻠﻌﺘﻴﻠﻲ ﻓﺮﻋﻮﻭﻥ ...
ﺿﺤﻜﺖ ﺑﺎﺳﺘﻬﺰﺍﺀ ... ﺍﻧﺖ ﻟﻴﺶ ﺗﺮﻳﺪ ﺗﺎﺧﺬﻧﻲ ﺑﻜﻼﻣﻚ ﻭﺗﻘﻮﺩﻧﻲ ﻻ ﻋﺒﺎﻟﻚ ﺑﺎﻟﺤﺠﻢ ﻭﺍﻟﻘﻮﻩ ﺗﻜﺪﺭ ﺗﻘﻮﺩ ﻛﺎﺋﻦ ﺿﻌﻴﻒ ﺗﺮﺉ ﺍﻟﻌﻜﺲ ﺗﻤﺎﻣﺎ ﺻﺪﻛﻨﻲ ﺍﺳﺎﺳﺎ ﺍﻧﻲ ﺷﻜﻮ ﺍﺣﺠﻲ ﻭﻳﺎﻙ
ﻫﻮ ﺗﻌﺼﺐ ﺑﺎﻟﺰﺍﻳﺪ ﻟﺰﻣﻨﻲ ﻣﻦ ﻓﺠﻲ ﺣﻴﻴﻴﻞ ﻛﺎﻝ ﺑﻌﺼﺒﻴﺔ ... ﺍﻧﺘﻲ ﻭﺣﺪﻩ ﺗﺎﻓﻬﻪ ﻭﺍﻧﻲ ﺗﻮﺭﻃﺖ ﺑﻴﺞ ﻟﺞ ﺷﻠﻮﻥ ﺗﺮﺣﻴﻦ ﺗﺤﺠﻴﻦ ﺍﻟﺘﺎﺝ ﻭﺗﺎﺝ ﺟﺎﻳﻪ ﺗﺤﺎﺳﺐ ﻗﺪﺭ
ﺭﺩﻳﺖ ﺑﺒﺮﻭﺩ ... ﻭﺗﺤﺎﺳﺒﻬﺎ ﻭﺷﻨﻮ ﻳﻌﻨﻲ ﻃﺎﺭ ﻧﺼﻬﺎ .. ﻭﺑﻌﺪﻳﻦ ﺍﻧﺖ ﺷﻜﻮ ﻫﻠﻜﺪ ﻣﻬﺘﻢ ... ؟
ﻫﻮ ﺗﺨﺒﻞ ﻓﻘﺪ ﺍﻋﺼﺎﺑﻪ ﻣﺎ ﺣﺴﻴﺖ ﻏﻴﺮ ﺑﺮﺍﺷﺪﻱ ﺍﺧﻔﺊ ﻣﻼﻣﺢ ﻭﺟﻬﻴﻲ ...
ﺻﺮﺧﺖ ﺑﺼﻮﺕ ﻭﺣﻄﻴﺖ ﺍﻳﺪﻱ ﻋﻠﺊ ﺧﺪﻱ ﺑﺎﻭﻋﺘﻠﻪ ﺑﺼﺪﻣﺘﻲ ﺑﻌﺪ ﻣﺎ ﺭﺳﻤﺖ ﺍﺑﺘﺴﺎﻣﻪ ﺟﺎﻧﺒﻴﻪ ﻋﻠﺊ ﺷﻔﺎﻳﻔﻲ ... ﻣﺎ ﺷﺎﺀ ﺍﻟﻠﺔ ﻫﻠﻜﺪ ﺧﺎﻳﻒ ﻋﻠﺊ ﻣﺸﺎﻋﺮ ﺍﻻﺧﺖ ...
ﻫﻮ ﺻﻚ ﻋﻠﺊ ﺍﺳﻨﺎﻧﻪ ﻭﺭﺟﻊ ﻟﺰﻣﻨﻲ ﻣﻦ ﻓﻜﻲ ﻛﺎﻝ ... ﺍﻣﺸﻲ ﻭﻟﻲ ﺍﻻﻫﻠﺞ ﺍﻧﻲ ﻣﺎ ﺍﺗﺤﻤﻠﺞ ﺑﺎﻟﻘﺮﺍﻥ ﻋﻠﺊ ﺳﺎﻋﻪ ﺍﺟﺮﻡ ﻭﺍﺑﺘﻠﻲ ﺑﻴﻴﺞ
ﺩﻓﻌﺖ ﺍﻳﺪﻩ ﺑﺤﺪﻩ ﻭﺍﻧﻲ ﺩﻣﻮﻋﻲ ﺗﺠﺮﻱ ... ﻫﻬﻪ ﺍﺳﺎﺳﺎ ﺍﻧﻲ ﺍﻟﻲ ﻣﺎ ﺍﺗﻘﺒﻞ ﺍﺿﻞ ﻭﻳﻪ ﻭﺍﺣﺪ ﻣﺜﻠﻚ
ﺳﺤﺒﻨﻲ ﻣﻦ ﺍﻳﺪﻱ ﺿﺮﺑﺖ ﺑﺼﺪﺭﻩ ﻛﺎﻝ ... ﺗﺤﺴﺴﻴﻨﻲ ﺧﺎﻳﻨﺞ ﻭﻟﻜﻴﺘﻴﻨﻲ ﻭﻳﺎﻫﺎ ﺗﺮﺉ ﺍﻧﺘﻲ ﺍﻟﻐﻠﻄﺎﻧﻪ ﻣﺎ ﺑﻴﻨﻲ ﻭﺑﻴﻨﻬﺎ ﺷﺊ ﻟﻴﺶ ﺗﻄﻠﻌﻴﻨﻲ ﻣﻦ ﻃﻮﺭﻱ ...
ﺩﻓﻌﺘﻪ ﻭﺭﺣﺖ ﻓﺘﺤﺖ ﺍﻟﻜﻨﺘﻮﺭ ﻭﺍﻧﻲ ﺍﺭﺟﻒ ﻣﻦ ﺍﻟﺒﺠﻲ ﺷﻜﺪ ﻧﺬﻝ ﻣﺎ ﻏﺰﺭ ﺑﻌﻴﻨﻪ ﺍﻱ ﺷﺊ
ﻫﻮ ﻛﻌﺪ ﻋﻠﺊ ﺍﻟﺠﺮﺑﺎﻳﻪ ﻭﻣﺴﺢ ﻭﺟﻬﻪ ﺑﺘﻮﺗﺮ ﻛﺎﻝ ... ﺍﻧﺘﻲ ﻏﻠﻄﺔ ﺣﻴﺎﺗﻲ
ﺣﺴﻴﺖ ﺳﺠﻴﻦ ﻭﺿﺮﺑﺘﻨﻲ ﺑﺼﻤﻴﻢ ﺷﻜﺪ ﻭﺟﻌﺘﻨﻲ ﻛﻠﻤﺘﻪ ﺍﻧﻲ ﻏﻠﻄﺔ ﺣﻴﺎﺗﻪ ...
ﺟﻤﻌﺖ ﻣﻼﺑﺴﻲ ﻛﻠﻬﻢ ﺧﺎﺑﺮﺕ ﺑﺎﺑﺎ
ﻫﻮ ﺳﻤﻊ ﺻﻮﺕ ﺍﻻﺗﺼﺎﻝ ﻻﻥ ﺟﺎﻥ ﻋﺎﻟﻲ ﺍﺟﻪ ﺑﺴﺮﻋﻪ ﺳﺤﺐ ﺍﻟﻤﻮﺑﺎﻳﻞ ﻭﻟﻐﻪ ﺍﻻﺗﺼﺎﻝ ﺑﺎﻭﻋﺘﻠﻪ ﺑﻐﻀﺐ ﻛﺘﻠﻪ ... ﻟﻴﻴﻴﻴﻴﺶ
ﺭﺩ ﻋﻠﻴﻪ ﺑﺠﻤﻮﺩ ... ﺍﻧﻲ ﺍﻭﺻﻠﺞ ﻣﺎﻛﻮ ﺩﺍﻋﻲ ﺗﺨﺎﺑﺮﻳﻦ ...
ﺟﺮﻳﺖ ﻧﻔﺲ ﻭﻛﺘﻤﺖ ﻋﺒﺮﺗﻲ ﻟﺒﺴﺖ ﺑﺴﺮﻋﻪ ﻭﻃﻠﻌﻨﻪ ﻣﻦ ﺍﻟﻤﻄﺒﺦ ﻻﻥ ﺍﻟﺼﺎﻟﻪ ﻛﻠﻬﻢ ﻛﺎﻋﺪﻳﻦ ﺭﻛﺒﺖ ﺑﺴﻴﺎﺭﺗﻪ ﻭﺍﻧﻲ ﺍﻟﻀﻮﺟﻪ ﺻﻌﺪﺕ ﻋﻨﺪﻱ ﻓﻮﻭﻭﻭﻝ ﻛﺮﻫﺘﻪ ﻭﻛﺮﻫﺖ ﺳﺎﻋﺔ ﺍﻟﺴﻮﺩﺓ ﺍﻟﻌﺮﻓﺘﻪ ﺑﻴﻬﺎ ﻣﺪﺍ ﺍﻛﺪﺭ ﺍﺳﻴﻄﺮ ﻋﻠﺊ ﺍﻋﺼﺎﺑﻲ ﻭﻻ ﺍﻛﺪﺭ ﺍﺳﻴﻄﺮ ﻋﻠﺊ ﻧﻔﺴﻲ ﺣﺎﻟﺘﻲ ﻭﻳﺎﻩ ﻋﺠﻴﺒﻪ ﻛﺎﺭﻫﻪ ﻭﺟﻮﺩﻩ ﻭﻛﺎﺭﻫﻪ ﻧﻔﺴﻲ ...
ﻫﺬﺍ ﻫﻮ ﻻﺯﻡ ﻳﻄﻠﻜﻨﻲ ﻭﺧﻠﻲ ﻳﺘﺰﻭﺝ ﺍﻟﻲ ﻳﺮﻳﺪﻫﺎ ﺍﻧﻲ ﺍﻛﺘﻔﻴﺖ ﻭﻃﻠﻌﺖ ﺭﻭﺣﻲ ﺍﺣﺲ ﺩﺍ ﺍﺫﺑﻞ ﻭﺍﻧﻲ ﺑﺎﺣﻀﺎﻧﻪ ﺍﺑﺪ ﻣﺪﺍ ﻳﺴﻘﻴﻨﻲ ﺑﺤﺒﻪ ﻭﻻ ﺑﺤﻨﺎﻧﻪ ﺍﺻﻼ ﺣﻴﺎﺗﻲ ﺗﺎﻓﻬﻪ ﻭﻳﺎﻩ ﻣﺎﺑﻴﻬﺎ ﺍﻱ ﺷﻐﻒ ﻭﺍﻧﻲ ﻣﺎ ﺍﻗﺒﻞ ﺑﻬﻴﺞ ﺣﺐ ...
ﻭﺻﻠﻨﻪ ﺍﻟﺒﻴﺖ ﺍﻫﻠﻲ ﻧﺰﻟﺖ ﺑﺎﻟﺒﺎﺏ ﻭﻫﻮ ﺿﻞ ﻭﺍﻛﻒ ﻣﻨﺎ ﻟﻤﻦ ﺩﺧﻠﺖ ﺍﻭﻝ ﻣﺪﺧﻠﺖ ﺷﻔﺖ ﻣﺎﻣﺎ ﻛﺎﻋﺪﻩ ﺭﻛﻀﺖ ﺍﻟﺤﻀﻨﻬﺎ ﻣﺼﺪﺭ ﺍﻟﺤﺐ ﻭﺍﻟﺤﻨﺎﻥ ﻭﺑﺠﻴﺖ ﺑﺼﻮﺕ ﻋﺎﻟﻲ ﻭﺍﻧﻲ ﺍﺷﻬﻚ ﻭﻫﻲ ﺗﺨﺒﻠﺖ ﺿﻠﺖ ﺗﺒﻮﺱ ﺑﻴﻪ ﻭﺗﺮﻳﺪ ﺗﻔﺘﻬﻢ ﺍﻟﺴﺎﻟﻔﻪ ﺑﺲ ﺍﻧﻲ ﺍﺑﺪ ﻣﺤﺠﻴﺖ ...
ﺭﺣﺖ ﻧﻤﺖ ﺍﺻﻼ ﺣﺘﺊ ﻣﺎ ﺣﺒﻴﺖ ﺍﻛﻌﺪ ﻭﻳﻪ ﺍﻱ ﻭﺍﺣﺪ ﺑﺲ ﺿﻠﻴﺖ ﻟﻠﺼﺒﺢ ﺍﺑﺠﻲ ﻭﻣﻴﺘﻪ ﻗﻬﺮ ﺍﻧﻲ ﻏﻠﻄﺔ ﺣﻴﺎﺗﻪ ﻟﻼﺳﻒ ﺷﻜﺪ ﺣﻘﻴﺮ ﻭﻧﺬﻝ
ﻫﺬﺍ ﻫﻮ ﻻﺯﻡ ﻳﻄﻠﻜﻨﻲ ﻭﺍﻧﻔﺘﺮﻕ ﻗﺒﻞ ﻻ ﻳﺼﻴﺮ ﺑﻴﻨﻪ ﻃﻔﻞ ﺗﺎﻓﻬﻪ ﻃﺎﺣﻠﻲ ﺿﺮﺏ ﺷﻜﺪ ﺍﻛﺮﻫﻪ ....
...........................
ﻣﻴﺲ
ﺻﺎﺭ ﻋﻨﺪﻱ ﻭﻟﺪ ﻟﻼﺳﻒ ﻣﻮ ﻳﺠﻨﻦ ﺑﺲ ﻳﻌﻨﻲ ﺣﻠﻮ ﻭﻟﻮ ﺍﻟﻘﺮﺩ ﺑﻌﻴﻦ ﺍﻣﻪ ﻏﺰﺍﻝ ...
ﻭﺑﻌﺪﻳﻦ ﻫﻮ ﺧﻠﻘﺔ ﺭﺑﻲ ﺷﻜﻮ ﻧﻌﺘﺮﺽ ﻭﻫﻤﺎﺗﻴﻦ ﺍﻫﻢ ﺷﺊ ﺍﻻﺧﻼﻕ
ﺍﻧﻲ ﺍﻣﻮﻭﻭﻭﻭﻭﺕ ﻋﻠﻴﻪ ﻗﺮﻧﺎﺑﻴﻄﻪ ﻭﻣﺴﻠﻢ ﻋﺒﺎﻟﻚ ﻣﻤﺨﻠﻒ ﻗﺒﻞ ﻣﻴﺖ ﺑﻲ ﻭﻟﻮ ﻫﻮ ﺻﺪﻙ ﻣﻤﺨﻠﻒ ﻗﺒﻞ ...
ﺍﻣﺎ ﻋﻤﺘﻲ ﺑﺤﺚ ﺍﺧﺮ ﻣﺘﺨﺒﻠﻪ ﺭﺳﻤﻲ ﻭﻛﻞ ﺷﻮﻳﻪ ﻭﻛﺎﻟﺖ ﺭﺿﻌﻲ ﻛﺘﻠﻬﺎ ... ﻋﻤﻪ ﺭﺿﻌﺘﻪ
ﻭﻛﺎﻟﺖ ... ﺍﻱ ﺭﺿﻌﻲ ﺑﻌﺪ ﺍﻣﺪﺍﻧﻲ ﻣﺎﻧﻪ ﻋﻠﺊ ﺣﻔﻴﺪﻱ ﺑﺤﻠﻴﺒﻬﺎ ﻋﺴﺎﺱ ﺷﻠﻮﻥ ﺣﻠﻴﺐ ﺣﺘﺊ ﻣﺎ ﺳﻤﻦ
ﻛﺘﻠﻬﺎ ﺑﺼﺪﻣﻪ ... ﻋﻤﻪ ﺷﻴﺴﻤﻦ ﺻﺪﻙ ﺗﺤﺠﻴﻦ ﻏﻴﺮ ﻫﺴﻪ ﺟﺒﺘﻪ
ﻛﺎﻟﺖ ... ﺧﺎﺏ ﺩﻭﻭﻭﻟﻲ ﺣﻠﻴﺒﺞ ﺳﻢ ﻭﺍﻟﻠﻪ ﺟﻨﺖ ﺍﺭﺿﻊ ﻣﺴﻠﻢ ﺳﻮﻳﺘﻪ ﺛﻮﺭ ﺷﻜﺒﺮﻩ ...
ﻫﻮ ﻛﻠﻬﺎ ﺧﻠﻒ ﺍﻟﻠﻪ ﻋﻠﻴﺞ ﻳﻤﻪ ﺳﻮﻳﺘﻴﻨﻲ ﺛﻮﺭ
ﻛﻠﺘﻠﻪ ... ﺍﻱ ﻭﻟﻚ ﺑﺎﻟﺤﺴﻴﻦ ﺛﻮﺭ ﺍﺳﺘﺮﺍﻟﻲ ...
ﺍﻧﻲ ﺷﻠﺖ ﺍﻟﻄﻔﻞ ﺩﺍ ﺍﺭﺿﻊ ﺑﻲ ﻭﻣﺴﻠﻢ ﻳﻜﻮﻝ ... ﺑﻮﻭﻭﻭﻳﻪ ﺑﻘﻼﻭﻩ ﻭﻳﺮﺿﻊ ﺑﻌﻴﺪ ﺍﻟﺤﻮﻭﺏ
ﺿﺤﻜﺖ
ﻋﻤﺘﻲ ﺭﺩﺕ ﺑﺘﺬﻣﺮ ... ﺍﻣﺪﺍﻧﻲ ﺍﻧﺖ ﺿﻞ ﺑﺲ ﺗﻐﺰﻝ ﻭﻟﻚ ﺣﻠﻴﺒﻬﺎ ﻣﻲ ﻣﺎﺑﻲ ﺧﻴﻴﻴﺮ ...
ﻫﻮ ﻛﻠﻬﺎ ... ﻻ ﻳﻤﻪ ﺣﻠﻴﺒﻬﺎ ﺍﻻﺻﻠﻲ ﺩﻳﺎﻻﻙ ﻳﺼﺤﻲ ﺍﻟﻤﻄﻲ
ﻫﻮ ﺍﺑﻨﻲ ﺍﻟﺤﻘﻴﺮ ﻋﺒﻮﺳﻲ ﻣﻴﻘﺒﻞ ﻳﺎﺧﺬ ﺻﺪﺭﻱ ﺿﻞ ﻳﺼﺮﺥ ﻛﺎﻟﺖ .. ﻛﻮﻣﻲ ﻋﻴﻨﻲ ﻛﻮﻣﻲ ﺍﻋﺼﺮﻱ ﺻﺪﺭﺝ ﺑﺎﻟﻤﻤﻪ ﻭﺭﺿﻌﻲ ﻣﻴﺤﺒﺞ
ﺟﺮﻳﺖ ﻧﻔﺲ ﻭﺍﺧﺬﺕ ﺍﻟﻤﻤﻪ ﺩﺍ ﺍﻋﺼﺮ ﺣﻠﻴﺐ ﺻﺪﺭﻱ ﺑﻴﻬﺎ ...
ﻛﺎﻟﺖ ﺑﺄﻣﺮ ... ﺍﻏﺴﻠﻲ ﺑﻤﻲ ﻭﻣﻠﺢ ﻋﻘﻤﻴﻬﺎ ...
ﺍﺧﺬﺗﻬﺎ ﻭﺭﺣﺖ ﻏﺴﻠﺘﻬﺎ ﻭﻋﺼﺮﺕ ﺑﻴﻬﺎ ﻭﻫﻲ ﺷﺎﻳﻠﺘﻪ ﻭﺗﻠﻌﺐ ﺑﻲ ... ﺩﮒ ﻫﻮﺭﻥ ﺍﻟﺤﺠﻲ ﻧﺎﻳﻤﻪ ﻭﻓﺰﺯﻧﻲ ...
ﻛﺎﻟﺖ ... ﺟﺒﺒﻲ ﺍﻟﻤﻤﻪ ﺍﺭﺿﻌﻪ
ﺍﻧﻄﻴﺘﻬﺎ ﺍﻟﻬﺎ ﺟﺎﻥ ﻛﺎﻟﺖ ... ﻏﺴﻠﺘﻴﻬﺎ ﺯﻳﻦ ﻣﻦ ﺍﻟﻤﻠﺢ
ﻫﺰﻳﺖ ﺭﺍﺳﻲ ﺑﺄﻱ
ﺟﺎﻥ ﺍﺧﺬﺗﻪ ﻛﺎﻟﺖ ﺍﺧﺎﻑ ﻣﻨﺞ ﺧﻠﻲ ﺍﺿﻮﮔﻬﺎ .. « ﺍﺗﺬﻭﻗﻬﺎ » ﺍﺧﺬﺗﻬﺎ ﻭﺷﺮﺑﺖ ﺍﻟﻤﻤﻪ ...
ﺑﻌﺪﻳﻦ ﻭﺧﺮﺗﻬﻪ ﺑﺴﺮﻋﻪ ﻭﺷﻤﺮﺕ ﺍﻟﻮﻟﺪ ﻋﻠﻴﻪ ﻭﺭﻛﻀﺖ ﻟﻠﺤﻤﺎﻡ ﺿﻠﺖ ﺗﻔﻞ ﻭﺗﺘﻤﻀﻤﺾ ﺍﺳﺘﻐﺮﺑﺖ ﻭﻣﺴﻠﻢ ﻛﺎﻝ ... ﺍﻫﻮﻭ ﺑﻴﻬﺎ ﻣﻠﺢ ﺷﻴﺨﻠﺼﺞ ﻣﻦ my mother
ﻛﻠﺖ .. ﺍﻫﻮﻭﻭ ﻫﺴﻪ ﺗﺠﻲ ﺗﻀﻞ ﺗﻐﺮﺩ ﻋﻠﻴﻪ ﺑﺲ ﻭﻧﺒﻲ ﻏﺴﻠﺘﻬﺎ ﺯﻳﻦ ﺣﺘﺊ ﻧﻜﻌﺘﻬﺎ ﺑﻤﻲ ﻣﻐﻠﻲ
ﺍﺟﺖ ﻛﺎﻟﺖ .. ﻏﻴﺮ ﺩﻛﻮﻟﻴﻦ ﻫﺬﺍ ﺣﻠﻴﺐ ﺻﺪﺭﺝ ﻭﺍﻧﻲ ﺷﺮﺑﺘﻪ
ﻣﺴﻠﻢ ﻣﺎﺕ ﻣﻦ ﺍﻟﻀﺤﻚ ﻛﻠﻬﺎ ... ﻳﻤﻪ ﺑﻌﺪ ﻻ ﺗﺤﺠﻴﻦ ﻋﻠﺊ ﻣﻴﻮﺳﺘﻲ ﻻﻥ ﻫﺴﻪ ﻫﻲ ﺍﻣﺞ ﺑﺮﺿﺎﻋﻪ
ﻋﻤﺘﻲ ﻟﻄﻤﺖ ﻭﺟﻬﻬﺎ ... ﻳﻤﻤﻤﻪ ﺩﻫﺮ ﺻﺎﺑﻨﻲ ﺻﺪﻙ ﻣﻴﺲ ﺻﺎﺭﺕ ﺍﻣﻲ ﻻﺯﻡ ﺍﺭﻭﺡ ﺍﺳﺘﺸﺮﻉ
ﻫﻮ ﺭﺩ ﻋﻠﻴﻬﺎ ﺑﺜﻘﻪ ... ﺍﻱ ﻳﻤﻪ ﺍﻣﺞ ﻭﺑﻌﺪﻳﻦ ﺭﺑﻲ ﻳﻜﻮﻝ ﻣﻮ ﺍﻧﻲ ﺍﻟﺠﻨﻪ ﺗﺤﺖ ﺍﻗﺪﺍﻡ ﺍﻻﻣﻬﺎﺕ ﻳﻌﻨﻲ ﻫﺴﻪ ﺍﻟﺠﻨﻪ ﺗﺤﺖ ﺍﻗﺪﺍﻡ ﺍﻣﺞ ﻣﻴﺲ ﻟﺬﻟﻚ ﻣﻦ ﻭﺍﺟﺒﺞ ﺗﺤﺘﺮﻣﻴﻨﻬﺎ ﻭﺗﻘﺪﺭﻳﻨﻬﺎ
ﻭﺷﻨﻮ ﺩﻛﻠﺞ ﻛﻠﻴﻠﻬﺎ ﺍﻣﺮﺝ ﻣﺎﻣﺎ
ﻋﻤﺘﻲ ﺭﺩﺕ ﺑﻌﺼﺒﻴﺔ ... ﺧﺎﺍﺍﺏ ﺍﺳﻜﺖ ﺷﻬﻞ ﻣﻬﺰﻟﻪ
ﻫﻮ ﺿﺤﻚ ﻛﻠﻬﺎ ... ﺍﻟﻤﺼﻴﺒﻪ ﻣﻮ ﻫﻨﺎ ﺍﻟﻤﺼﻴﺒﻪ ﻋﺒﻮﺳﻲ ﺻﺎﺭ ﺍﺧﻮﺝ ﺑﺎﻟﺮﺿﺎﻋﻪ
ﻭﺍﻧﻲ ﺭﺟﻞ ﺍﻣﺞ ﺑﺎﻟﺮﺿﺎﻋﻪ ﻳﻤﻤﻪ ﺷﻬﻞ ﻣﺼﻴﺒﻪ ﺍﻟﺨﻠﻴﺘﻴﻨﻪ ﺑﻴﻬﺎ
ﻳﻌﻨﻲ ﻫﺴﻪ ﺍﻧﻲ ﻣﺘﺰﻭﺝ ﺍﻡ ﺍﻣﻲ ﻻﺯﻡ ﻧﺴﺘﺸﺮﻉ ﻻ ﺍﻧﻮﺏ ﺗﻨﻜﻠﺐ ﺑﻴﻨﻪ
ﻋﻤﺘﻲ ﺭﺩﺕ ... ﻳﺎﺍﺍ ﻭﻟﻚ ﺍﺳﻜﺖ ﻭﻟﻚ ﺣﺘﺊ ﻣﺎ ﻭﺻﻞ ﺍﻟﺒﻠﻌﻮﻣﻲ ﺷﺒﻴﻚ ﺗﺨﺒﻠﺖ ﻋﻠﻴﻨﻪ ﺧﺮﺑﻄﺖ ﺍﻟﻌﺎﺋﻠﻪ ﺗﺨﺮﺑﻂ
ﻫﻮ ﺭﺩ ﻋﻠﻴﻬﺎ ﺑﺘﺴﺎﺅﻝ .. ﻫﺴﻪ ﻳﻤﻪ ﺑﺲ ﻓﻬﻤﻴﻨﻲ ﻣﻴﺲ ﺗﺼﻴﺮ ﺣﺒﻮﺑﺘﻲ ﺑﺎﻟﺮﺿﺎﻋﻪ
ﻫﻲ ﺭﺩﺕ ﻋﻠﻴﻪ ... ﺑﻠﻜﻲ ﺗﻄﻠﻊ ﺣﺒﻮﺑﺘﻚ ﻭﺗﻔﻜﻨﻲ ﺷﺮﻙ
ﺿﺤﻚ ﺑﺼﻮﺕ ﻋﺎﻟﻲ ... ﺑﻮﻭﻭﻳﻪ ﺍﻟﺤﻮﻭﻭﺏ ﺗﻄﻠﻊ ﺣﺒﻮﺑﺘﻲ ﻏﻴﺮ ﺍﺣﺮﻙ ﻋﺸﻴﺮﺗﺞ ﻳﻤﻪ ﻧﻔﺮ ﻧﻔﺮ
ﺍﻣﻪ ﺭﺩﺕ ﻋﻠﻴﻪ ... ﺧﻮﻭ ﺍﺣﺮﻙ ﻋﺸﻴﺮﺗﻚ
ﺭﺩ ﻋﻠﻴﻬﺎ ... ﻻ ﻣﻮ ﺍﺧﺎﻑ ﻳﺨﻠﺼﻮﻥ ﻋﺸﻴﺮﺗﺞ ﺍﺣﻮﻝ ﻋﻠﺊ ﻋﺸﻴﺮﺓ ﺍﺑﻮﻭﻱ ﺍﺣﺮﻛﻬﻢ ﺣﺮﻙ ...
ﻫﺰﺕ ﺍﻳﺪﻫﺎ ﻛﺎﻟﺖ ... ﺷﻐﻞ ﺍﻡ ﻋﺒﺎﺱ ﺟﺎﻳﺐ ﻧﺘﻴﺠﻪ ﻣﺎ ﺷﺎﺀ ﺍﻟﻠﺔ
ﺿﺤﻜﺖ ... ﻋﻤﻪ ﻟﻌﺪ ﺷﻨﺴﻮﻱ ﺍﺫﺍ ﻣﺎ ﺍﺳﺤﺮﻩ ﻣﻴﺤﺒﻨﻲ
ﺟﺎﻭﺑﺖ ... ﺍﻱ ﻭﺍﺿﺢ
ﻫﻮ ﺭﺩ ... ﻳﻤﻪ ﺍﺣﺘﺮﻣﻲ ﺍﻣﺞ ﻋﻴﺐ ﺷﻬﻞ ﺣﺠﻲ ﻛﻠﺸﻲ ﻭﻻ ﻋﻘﻮﻕ ﻭﺍﻟﻮﺍﻟﺪﻳﻦ .... ﺍﻛﻮ ﺣﺪﻳﺚ ﻟﻠﺮﺳﻮﻝ ﻳﻜﻮﻝ ﺛﻼﺙ ﻟﻌﻨﻬﻢ ﺍﻟﻠﻪ ﺍﻟﻌﺎﻕ ﺑﻮﺍﻟﺪﻳﻪ ﻭﺍﻟﺰﺍﻧﻲ ﻭﺷﺎﻫﺪ ﺍﻟﺰﻭﺭ ... ﺍﻋﺘﻘﺪ ﺍﻛﻮ ﺑﻌﺪ ﻧﻘﻄﻪ ﻧﺴﻴﺘﻬﺎ ﺍﻟﻤﻬﻢ ﺍﻟﻌﻘﻮﻕ ﺍﻟﻌﻘﻮﻕ
ﻋﻤﺘﻲ ﻫﺰﺕ ﺍﻳﺪﻫﺎ ﻭﻛﻌﺪﺕ ﺗﺮﺿﻊ ﺑﻌﺒﻮﺳﻲ ﻭﻛﻞ ﺷﻮﻳﻪ ﻭﻛﺎﻟﺖ .. ﺗﺮﻭﺣﻠﻚ ﻓﺪﻭﻩ ﻣﻴﺲ ﻭﻋﺸﻴﺮﺗﻬﺎ ﺍﻟﺰﻳﻨﻴﻦ ﻭﺍﻟﺸﻴﻨﻴﻦ ....
ﺿﺤﻜﺖ ﻋﺎﺩﻱ ﺍﻧﻲ ﻳﻮﻣﻴﻪ ﺍﻓﺪﻱ ﺍﺑﻨﻲ ...
ﺷﻮﻳﻪ ﻭﺍﺟﺖ ﺭﺳﺎﺋﻞ ﻋﻠﺊ ﻣﻮﺑﺎﻳﻠﻲ ﻓﺘﺤﺘﻦ ﻟﻜﻴﺖ ﻣﻜﺘﻮﺏ ... ﺍﻧﺘﻲ ﺯﻭﺟﺔ ﻣﺴﻠﻢ ﺗﺮﺉ ﻣﺴﻠﻢ ﺩﻳﺨﻮﻧﺞ
ﺑﺎﻭﻋﺖ ﺍﻟﻤﺴﻠﻢ ﻭﺭﻓﻌﺖ ﺣﺎﺟﺐ ﻻ ﻳﺎ ﺧﺎﻳﻦ ﺍﻧﻲ ﺍﻟﻚ ﺑﺲ ﺗﺬﻛﺮﺕ ﺧﻄﺔ ﻋﺎﻣﺮ ﻟﺬﻟﻚ ﺣﺒﻴﺖ ﺍﻟﻌﺒﻬﺎ ﺻﺢ ...
....................
ﻗﺪﺭ ...
ﻛﺜﻴﺮ ﺯﻋﻠﺖ ﻣﻦ ﻛﻼﻡ ﺗﺎﺝ ﻭﻛﺜﻴﺮ ﺣﺰ ﺑﺨﺎﻃﺮﻱ ...
ﺷﻠﻮﻥ ﻳﺤﻜﻮﻥ ﻫﻴﻚ ﺍﻧﺎ ﻣﺎ ﺑﻴﻨﻲ ﻭﺑﻴﻨﻮ ﺷﺊ ﻭﻛﺜﻴﺮ ﺻﺎﻳﺮﻩ ﺍﺑﺘﻌﺪ ﻋﻨﻮ ﻭﺣﺘﺊ ﻫﻮ ﺍﻟﻠﻪ ﺷﺎﻫﺪ ﻋﻠﺊ ﻛﻼﻣﻲ ﺍﺑﺪ ﻣﺎ ﻳﺤﺘﻚ ﺑﻴﻪ ﻭﻻ ﻳﺪﺣﻚ ﺑﻮﺟﻬﻲ ﺑﺲ،ﻣﺮﺍﺕ ﻣﻦ ﻧﻜﻮﻥ ﻣﺘﻮﺍﺟﺪﻳﻦ ﻛﻜﻞ ﻳﻄﻠﻖ ﻧﻈﺮﺍﺕ ﻋﺎﺑﺮﻩ
ﺍﻧﺎ ﺣﺘﺊ ﻫﺸﺎﻡ ﻗﺒﻞ ﻻ ﻳﺴﻮﻱ ﻋﻤﻠﻴﻪ ﻛﺎﻥ ﻳﺸﻚ ﺑﻴﻪ ﻭﺩﺍﺋﻤﺎ ﻳﻜﻮﻥ ﻋﻨﺪﻩ ﺷﻚ ﺑﻴﻪ
ﻭﺣﺎﻭﻟﺖ ﺑﺠﺪ ﺍﻃﻴﺐ ﻣﻦ ﺧﺎﻃﺮﻭ ﻭﺍﻓﻬﻤﻮ ﺍﻧﻮ ﻣﺎﻛﻮ ﻭﺍﺣﺪ ﻳﺎﺧﺬ ﻣﻜﺎﻧﻮﻭ ...
ﺩﺧﻠﺖ ﻣﺰﻋﻮﺟﻪ ﻛﺜﻴﺮ ﻭﺍﻟﺪﻣﻮﻉ ﺑﻌﻴﻨﻲ ﻣﻦ ﻛﻼﻡ ﺗﺎﺝ ...
ﻣﺎ ﺣﺒﻴﺖ ﺍﺣﺴﺲ ﻫﺸﺎﻡ ﺩﺧﻠﺖ ﺑﺴﺮﻋﻪ ﻟﻠﺤﻤﺎﻡ ﻭﺻﺮﺕ ﺍﺑﻜﻲ ﺑﺴﺮﻋﻪ ﻭﺩﻣﻮﻋﻲ ﺗﻨﺰﻝ ﺑﺼﻤﺖ
ﺑﻌﺪﻫﺎ ﻏﺴﻠﺖ ﻭﻃﻠﻌﺖ ﺷﻔﺖ ﻫﺸﺎﻡ ﻛﺎﻋﺪ ﺩﺣﻜﻠﻲ ﺣﻜﻪ ... ﺗﻌﺎﻟﻲ ﻗﺪﺭ ﺷﺒﻴﺞ
ﺭﺣﺖ ﻋﻨﺪﻭ ﺣﺪﺭﺕ ﮔﺮﻳﺐ ﻣﻨﻮﻭﻭ ...
ﻫﻮ ﺣﻀﻨﻲ ﺑﺬﺭﺍﻋﻮﻭ ﺣﻜﺊ ﺑﻬﻤﺲ ﻳﺬﻭﻭﺏ ... ﺷﺒﻴﺞ ﺣﺒﻴﺒﺘﻲ ﻣﻨﻮﻭ ﻭﻳﺎﺝ
ﺩﺣﻜﺖ ﺍﻟﻮ ﺑﺒﺘﺴﺎﻣﻪ ﺣﻠﻮﻩ ... ﻻ ﻣﺎﻛﻮﻭ ﻻ ﺗﺨﺎﻑ ﺑﺲ ﻫﻴﻚ ﺍﺷﺘﻘﺖ ﻻﻣﻲ
ﻫﻮ ﺣﻀﻨﻲ ﺯﻳﺎﺩﻩ ﻭﻣﺴﺢ ﻋﻠﻰ ﺷﻌﺮﻱ ﺣﻚﺀ ﺑﻬﺪﻭﺀ ... ﻣﺎ ﺿﻞ ﺷﻲ ﻳﻌﻤﺮﻱ ﻭﺍﻣﺸﺐ ﻭﺍﺩﻟﻠﺞ ﻭﺍﺭﻭﺡ ﺍﺧﺬﺝ ﺍﻻﻣﺞ ﻭﺍﺧﻮﺍﻧﺞ ﺣﻘﺢ ﻋﻠﻴﻪ ﻫﻮﻭﻭﺍﻳﻪ ﻭﺍﻧﻲ ﻣﻘﺼﺮ ﻭﻳﺎﺝ
ﺍﺑﺘﺴﻤﺖ ... ﻻ ﺍﻟﺤﻤﺪ ﻟﻠﻪ ﻣﻤﻘﺼﺮ ﻭﺍﺻﻼ ﺍﻧﻲ ﻣﻮ ﺑﺤﺎﺟﻪ ﺑﺲ ﺍﻟﻚ ﻭﺍﻟﻠﻪ ﺍﺣﺒﺒﺒﻚ ﻫﻮﻭﻭﺍﻳﻪ ﺍﻧﺖ ﻳﻤﻜﻦ ﻣﺘﻌﺮﻑ
ﺑﺎﺳﻨﻲ ﺑﺸﻔﺎﻳﻔﻲ ﺣﻜﺊ ... ﻻﺍ ﻻﺍﺍ ﻣﻮ ﺍﻛﺜﺮ ﻣﻨﻲ ﺍﻧﻲ ﺍﻣﻮﻭﻭﺕ ﻋﻠﻴﺞ ﻭﺍﺣﺒﺞ ﺍﻛﺜﺮ ﻣﺎ ﺍﻧﺘﻲ ﺗﺤﺒﻴﻨﻲ ﻳﻤﻜﻦ ﺗﻜﻮﻥ ﻣﺤﺒﺘﺞ ﻋﻄﻒ ﺑﺲ ﻣﺤﺒﺘﻲ ﺍﻟﺢ ﺣﺐ ﻭﻃﺎﻟﻊ ﻣﻦ ﺍﻋﻤﺎﺍﺍﺍﻕ ﻗﻠﺒﻲ ...
ﺍﺑﺘﺴﻤﺖ ... ﻣﻌﻄﻔﺖ ﻋﻠﻴﻚ ﻭﺗﺮﺉ ﺍﻟﻤﺸﺎﻋﺮ ﺍﻟﺘﺠﻴﺸﺖ ﻋﻨﺪﻱ ﻣﻮ ﻋﻄﻔﻲ ﺟﺎﺑﻬﺎ ﻻﺍﺍﺍﺍ ﺗﺮﺉ ﺟﺎﺑﺘﻬﺎ ﻣﺸﺎﻋﺮﻱ ﻭﺍﺣﺴﺎﺳﻲ ﻳﺎﺑﻪ ﺍﺣﺒﺒﺒﻚ ﻫﻲ ﻛﻮﻭﻭﺓ ﺩﺣﺲ ﺍﻟﺨﺎﻃﺮ ﺍﻟﻜﻌﺒﻪ ﻏﻴﺮ ﺍﻧﺖ ﺟﻨﻚ ﻓﺮﺣﺔ ﺍﻟﺰﻫﺮﺓ ﻫﻬﻬﻬﻬﻬﻪ
ﺿﺤﻚ ﺑﺼﻮﺕ ﻋﺎﻟﻲ ﻭﺿﻤﻨﻲ ﺍﻟﺼﺪﺭﻩ ﻛﺎﻝ .. ﺑﺼﻮﻭﺕ ﻧﺴﻴﺒﻲ ﻣﺴﻠﻢ ﻃﺒﻌﺎ ﺳﻮﺍﻟﻔﻪ ﻭﺍﺿﺤﻪ ﻭﻣﻔﻬﻮﻣﻪ ﻭﻣﺒﻴﻨﻪ ﺟﻨﺘﻲ ﻣﺼﺎﺩﻗﺘﻪ ﻟﺬﻟﻚ ﻋﻨﺪﺝ ﻫﻮﻭﻭﺍﻳﻪ ﻣﻦ ﺍﺳﻠﻮﺑﻪ
ﺿﺤﻜﺖ ... ﻫﻬﻬﻬﻬﻪ ﻻ ﻣﻨﻴﻦ ﻣﺴﻠﻢ ﺩﺍﻫﻴﻪ ﺍﻧﻲ ﻓﻘﻴﺮﻩ ﻛﻞ ﻣﺎ ﻳﺸﻮﻓﻨﻲ ﻭﻛﺎﻝ ﺷﻠﻮﻧﻪ ﻧﺴﻴﺒﻲ ﺗﺮﺉ ﺍﻟﻤﺎﻋﻨﺪﻩ ﻧﺴﻴﺐ ﻳﺴﻴﺐ
ﺿﺤﻚ ﺑﺼﻮﺕ ﻗﻮﻱ ﻭﺣﻀﻨﻲ ﻛﺎﻝ ... ﺍﺣﺒﺒﺞ ﺍﻛﺜﺮ ﻣﻦ ﻋﺸﺎﻕ ﻋﺒﺪ ﺍﻟﺤﺐ ...
ﺍﺑﺘﺴﻤﺖ ﻭﻧﻤﺖ ﻋﻠﺊ ﺻﺪﺭﻩ ﺍﺧﺘﻔﺖ ﺍﺑﺘﺴﺎﻣﺘﻲ ﺑﻤﺠﺮﺩ ﻣﺎ ﺗﺬﻛﺮﺕ ﻛﻼﻡ ﺗﺎﺝ ....
..... ......................
ﺗﺎﺝ ...
ﺗﺨﺒﻠﺖ ﻣﻦ ﺩﻋﺎﺀ ﻋﻤﻮ ﻛﺎﻝ ﺭﺍﺣﺖ ﺍﻟﺒﻴﺖ ﺟﺪﻭﻭ ...
ﺿﻠﻴﺖ ﻧﻤﺖ ﻳﻤﻬﻢ ﻭﺑﻌﺪﻫﺎ ﺭﺣﺖ ﺍﻟﺒﻴﺖ ﻋﻴﺎﻟﻲ ...
ﺧﺎﺑﺮﺕ ﺩﻋﺎﺀ ﻭﻫﻲ ﻧﺰﻟﺖ ﺭﻛﺒﻪ ﻭﻧﺺ ﻋﻠﺊ ﻋﻤﻮ ﻭﻛﺎﻟﺖ ﻛﻮﻟﻴﻠﻪ ﺧﻠﻲ ﻳﻄﻠﻜﻨﻲ ﻻ ﺍﺭﻳﺪ ﺣﺎﺿﺮ ﻭﻻ ﻏﺎﻳﺐ ﺍﻧﻲ ﻳﻀﺮﺑﻨﻲ ﺍﻟﺨﺎﻃﺮ ﻗﺪﺭ ...بيج قصص عراقيه حقيقيه من واقعنا.روعه الطائي
ﻭﺍﻧﻲ ﺍﺳﻜﺖ ﺑﻴﻬﺎ ﻭﻫﻲ ﻻﻃﺸﻪ ﺗﺒﺠﻲ ﻭﺗﻐﻠﻂ ﻭﺗﺴﺐ ..
ﺍﻧﻘﻬﺮﺕ ﻋﻠﻴﻬﺎ ﺣﻴﻴﻞ ﺍﻧﻲ ﻣﻦ ﺍﻟﺒﺪﺍﻳﺔ ﻣﺎ ﺭﺩﺕ ﺗﺘﺰﻭﺝ ﻋﻤﻮ ﻻﻥ ﻫﻲ ﻏﻴﻮﺭﻩ ﻭﻣﺘﺤﺐ ﻭﺍﺣﺪ ﻳﻬﻴﻨﻬﺎ ﻭﻳﻔﻀﻞ ﺍﻧﺜﺊ ﻋﻠﻴﻬﺎ ﻭﻟﻮ ﺍﺣﻨﻪ ﻛﻠﻨﻪ ﻫﻴﺞ ﻣﻨﺤﺐ ﺍﻟﻲ ﻳﻬﻴﻨﺎ ...
ﺿﻠﻴﺖ ﺍﺳﻜﺖ ﺑﻴﻬﺎ ﻭﺯﻧﻮﺑﻪ ﻟﻄﺸﺖ ﺗﺮﻳﺪ ﺍﻟﻤﻮﺑﺎﻳﻞ ﻭﻛﻞ ﺷﻮﻳﻪ ﻭﻛﺎﻟﺖ ... ﻧﻌﻠﻪ ﺑﺘﺞ ﺩﻋﺎﺍﺀ ﺍﻗﻴﻨﻲ ﺍﺑﺎﻳﻴﻴﻴﻞ
ﻗﻔﻠﺘﻪ ﻭﻧﻄﻴﺘﻪ ﺍﻟﻬﺎ ﻋﺎﺩ ﻣﺎ ﺑﻴﻪ ﺣﻴﻴﻞ ﺭﻓﺴﻪ ﻣﻦ ﺯﻧﻮﺑﻪ ﺗﻄﻠﻊ ﺍﻟﻄﻔﻠﻪ ﻣﻦ ﺧﺸﻤﻲ ...
ﺿﻠﺖ ﺗﻠﻌﺐ ﺑﻲ ﻭﺗﻄﻠﻊ ﻃﻴﻮﺭ ﺍﻟﺠﻨﻪ ﻭﺗﻐﻨﻲ ﻭﻳﺎﻫﻢ ﻣﺎﻣﺎ ﺟﺎﺑﺖ ﺑﻴﺒﻲ ﻳﺎﻟﻠﻪ ﺣﺒﻴﺒﻲ ﻭﻣﺪﺭﻱ ﺷﻨﻮ ﺍﻟﻤﻬﻢ ﻓﻬﻤﺖ ﺑﺲ ﺟﺎﺑﺖ ﺑﻴﺒﻲ
ﺣﻄﻴﺖ ﺍﻳﺪﻱ ﻋﻠﺊ ﺑﻄﻨﻲ ﻭﺍﺑﺘﺴﻤﺖ ﻳﺎﻟﻠﻪ ﺷﻮﻛﺖ ﺍﺟﻴﺐ ﺍﻟﺒﻴﺒﻲ،ﻣﺎﻟﺘﻲ ...
ﻃﻠﻌﺖ ﺑﺮﻩ ﻛﻠﺖ ﺍﻟﻌﻤﻪ ... ﻣﻨﻮ ﻋﺪﻧﻪ
ﻛﺎﻟﺖ ... ﻣﻌﺘﺼﻢ
ﺣﺴﻴﺖ ﺑﻬﺒﻄﻪ ﺑﺲ ﻻ ﻳﺸﺘﻜﻲ ﻣﻨﻲ ﻻﺑﺎﺫﺭ ﻭﺍﺑﺎﺫﺭ ﻳﺮﺯﻟﻨﻲ ...
ﺳﻮﻳﺖ ﺟﺎﻱ ﻭﺍﺧﺬﺗﻪ ﺍﻟﻬﻢ ﺩﺧﻠﺖ ﺍﻧﻄﻴﺘﻬﻢ ﻭﺳﻠﻤﺖ ﻋﻠﺊ ﻋﻤﻮ ﺭﺩ ﻣﻦ ﻭﺭﻩ ﺧﺸﻤﻪ ...
ﺍﻧﻲ ﺧﻠﻴﺖ ﻭﻃﻠﻌﺖ ﺑﺲ ﺿﻠﻴﺖ ﻭﺍﻛﻔﻪ ﻭﺭﻩ ﺍﻟﺒﺎﺏ ﺳﻤﻌﺘﻪ ﻳﺤﺠﻲ ﻭﻳﻪ ﺍﺑﺎﺫﺭ
ﺟﺎﻥ ﻳﻜﻮﻟﻪ .. ﺩﻋﺎﺀ ﺭﺍﺣﺖ ﺯﻋﻼﻧﻪ ﺑﺲ ﺍﻧﻲ ﺑﻌﺪ ﻣﺎ ﺍﺭﻳﺪﻫﺎ ﺍﺣﺲ ﺗﻮﺭﻃﺖ ﺑﻴﻬﺎ ﻟﺴﺎﻧﻬﺎ ﻃﻮﻭﻭﻳﻞ ﻭﺗﺮﺩ ﺍﻟﻜﻠﻤﻪ ﻋﺸﺮﻩ ﻭﻣﻮ ﺑﺲ ﻫﻴﺞ ﻣﺘﺎﺧﺬ ﺍﻟﻜﻼﻡ
ﺍﺑﺎﺫﺭ ... ﻟﻴﺶ ﺗﻄﻠﻊ ﺍﻟﺬﻧﺐ ﺑﻴﻬﺎ ﺗﺮﺉ ﺍﻧﺖ ﺍﻟﻐﻠﻂ ﺭﺍﻛﺒﻚ ﻣﻦ ﺳﺎﺳﻚ ﺍﻟﺮﺍﺳﻚ ﻭﺑﻌﺪﻳﻦ ﺍﻧﺖ ﻳﻌﻨﻲ ﻣﺘﻌﺮﻑ ﺑﻴﻬﺎ ﻫﻲ ﻣﻤﺤﺘﺸﻤﻪ ...
ﻣﻌﺘﺼﻢ ﺑﺘﺬﻣﺮ ... ﺍﻋﺮﻑ ﺑﺲ ﺍﻧﻲ ﻣﻄﻲ ﻣﺎ ﺻﺪﻛﺖ ﺭﺩﺕ ﺑﺲ ﺍﺗﺰﻭﺝ
ﺍﺑﺎﺫﺭ ﺟﺮ ﻧﻔﺲ .. ﻛﻮﻝ ﻳﺎ ﺍﻟﻠﻪ ﻳﻤﻌﻮﺩ ﺷﻨﻮ ﺍﻟﺴﺎﻟﻔﻪ ﻭﺑﻌﺪﻳﻦ ﺍﺑﻐﺾ ﺍﻟﺤﻼﻝ ﻋﻨﺪ ﺍﻟﻠﻪ ﺍﻟﻄﻼﻕ
ﻳﻌﻨﻲ ﺍﻧﺖ ﻣﺘﺘﺬﻛﺮ ﺷﻨﻮ ﺻﺎﺭ ﺑﻴﻨﻪ ﺍﻧﻲ ﻭﺗﺎﺝ ﻭﺷﻨﻮ ﺍﻟﻈﺮﻭﻑ ﺍﻟﻤﺮﻳﻨﻪ ﺑﻴﻬﺎ ﻭﺗﺎﻟﻲ ﺣﻴﺎﺗﻨﻪ ﺗﻌﺪﻟﺖ ﻭﺍﻟﺤﻤﺪ ﻟﻠﻪ ﻫﺴﻪ ﺍﻧﻲ ﻣﺎ ﺍﻛﺪﺭ ﺍﺩﺧﻞ ﻟﻠﺒﻴﺖ ﺍﺫﺍ ﻣﺎ ﺍﺷﻮﻓﻬﺎ
ﺍﺑﺘﺴﻤﺖ ﺑﻤﺮﺡ ﻋﻠﺊ ﻛﻼﻣﻪ ﻭﺍﻧﻲ ﻓﻌﻼ ﺍﺣﺒﺒﻪ ﻭﺍﻋﺸﻘﻪ ﻣﺜﻞ ﻣﺎ ﻫﻮ ﺯﺍﺡ ﻋﻨﻲ ﺍﻟﺠﻠﻴﺪ ﻭﺣﺒﻨﻲ ...
ﻣﻌﺘﺼﻢ ... ﻣﻮ ﻫﻴﺒﺞ ﺍﻧﺖ ﺗﺤﺐ ﺗﺎﺝ ﻣﻦ ﺯﻣﺎﻥ ﺍﻧﻲ ﺩﻋﺎﺀ ﻣﺠﺮﺩ ﺍﻋﺠﺎﺏ ﻭﺑﻌﺪﻳﻦ ﺗﺎﺝ ﻣﻮ ﻣﺜﻞ ﺩﻋﺎﺀ ﺩﻋﺎﺀ ﻟﺴﺎﻧﻬﺎ ﺍﻃﻮﻭﻝ ﻣﻨﻬﺎ ﺍﻧﻲ ﻣﺎ ﺍﺣﺐ ﺍﻟﻤﺮﻩ ﺍﻟﺘﺮﺍﺩﺩ
ﺍﺑﺎﺫﺭ ﺿﺤﻚ .. ﺗﻘﻨﻌﻨﻲ ﺍﻟﺴﺎﻟﻔﻪ ﻣﺎ ﺑﻴﻬﺎ ﻗﺪﺭبيج قصص عراقيه حقيقيه من واقعنا.روعه الطائي
ﻫﻮ ﺗﺨﺒﻞ ... ﺍﻫﻮﻭﻭﻭ ﻻ ﺍﻟﻪ ﺍﻻ ﺍﻟﻠﻪ ﺷﻨﻮ ﺳﺎﻟﻔﺘﻚ ﻭﻳﻪ ﻧﻌﺎﻝ ﺑﺎﻟﻘﺮﺍﻥ ﻛﺮﻫﺘﻮﻧﻲ ﺑﻴﻬﺎ ﻭﺭﺍﺡ ﺍﻛﻌﺪ ﺑﻴﺖ ﺍﻟﻮﺣﺪﻱ ﻣﻦ ﻭﺭﺍﻫﺎ ﻻ ﻋﻤﻲ ﺍﻟﺴﺎﻟﻔﻪ ﻣﺎ ﺑﻴﻬﺎ ﻗﺪﺭ ﻫﻲ ﺗﺼﻴﺢ ﺍﻟﻲ،ﻋﻤﻮ ﻳﻌﻨﻲ ﻣﻮ ﻣﺎﻝ ﺍﺣﻂ ﻋﻴﻨﻲ ﻋﻠﻴﻬﺎ ﻭﺑﻌﺪﻳﻦ ﻗﺪﺭ ﻣﺠﺮﺩ ﺍﻧﻌﺠﺒﺖ ﺑﻴﻬﺎ ﻭﺧﻠﺺ ﺷﻜﻮ ﻟﺰﻛﺘﻮ
ﻋﻢ ﺍﻟﻬﺪﻭﺀ ﺑﻴﻨﻬﻦ ﻭﺍﻧﻲ ﺧﻠﻴﺖ ﻭﺭﺣﺖ ...
ﻣﺮﺕ ﺳﺎﻋﺘﻴﻦ ﺗﻘﺮﻳﺒﺎ ..
ﺩﺧﻞ ﺍﺑﺎﺫﺭ ﻟﻠﻐﺮﻓﻪ ﺑﺎﻭﻋﻠﻲ ﺿﺤﻚ ﻛﺎﻝ .. ﺷﻠﻮﻧﺞ
ﺿﺤﻜﺖ .. ﺑﺨﻴﺮ ﻭﻋﺎﻓﻴﻪ ﺷﻠﻮﻧﻚ ﺍﻧﺖ ﺻﺎﺭ ﺳﺎﻋﺘﻴﻦ ﻣﺸﺎﻳﻔﺘﻚ
ﺍﺑﺘﺴﻢ ﺑﻬﺪﻭﺀ ﻛﺎﻝ .. ﺩﺍ ﺍﻋﻮﺩﺝ ﻋﻠﺊ ﻏﻴﺎﺑﻲ ﻻﻥ ﺍﻥ ﺷﺎﺀ ﺍﻟﻠﺔ ﺧﻼﻝ ﻫﺎﻱ ﺍﻻﺳﺒﻮﻋﻴﻦ ﺍﺳﺎﻓﺮ ﺍﻻﻣﺮﻳﻜﺎ ﻋﻨﺪﻱ ﺷﻐﻞ ﻫﻨﺎﻙ
ﻛﺘﻠﻪ ﺑﺼﺪﻣﻪ .... ﺷﻨﻮﻭﻭﻭﻭﻭ ﺷﻨﻮﻭﻭﻭ ﺷﻨﻮﻭﻭ ﺍﺧﺎﻑ ﻣﺘﺮﺿﺊ ﻻ ﻭﺍﻟﻠﻪ ﻣﺎ ﺗﻌﺘﺐ ﺧﻄﻮﻩ ﺑﺮﻩ ﺍﻟﻌﺮﺍﻕ
ﺿﺤﻚ ﺑﺼﻮﺕ .. ﻟﺞ ﺧﺎﻟﻲ ﺗﺤﺠﻴﻦ ﺻﺪﻙ ﻏﻴﺮ ﻋﻨﺪﻱ ﺷﻐﻞ ﻫﻨﺎﻙ ﻭﻣﺎﻳﻜﻞ ﺧﺎﺑﺮﻧﻲ
ﺩﺭﺕ ﻭﺟﻬﻲ ﺑﺰﻋﻞ ... ﻻ ﻣﺎﻳﻜﻞ ﻭﻻ ﺑﻄﻴﻴﺦ ﺍﻋﺘﺮﻑ ﻣﺘﺰﻭﺝ ﻫﻨﺎﻙ ﻭﺧﺎﺑﺮﺗﻚ ﻣﻮﻭﻭ
ﺍﺑﺘﺴﻢ ... ﺍﻫﻮﻭﻭ ﺍﻧﺖ ﺣﻴﺎﺗﺞ ﺍﻛﺸﻦ
ﺭﺩﻳﺖ ﺑﻐﻀﺐ ﺑﻌﺪ ﻣﺎ ﻛﺘﻔﺖ ﺍﺩﻳﻪ ... ﻣﺎﺍﺍﺍ ﻣﻌﻠﻴﻪ ﻣﺘﺮﻭﺡ
ﺳﺤﺒﻨﻲ ﺍﻟﺼﺪﺭﻩ ﺭﺟﻊ ﺧﺼﻼﺕ ﺷﻌﺮﻱ ﻭﺭﻩ ﺍﺫﻧﻲ ﻛﺎﻝ ... ﺣﺒﻴﺒﻲ ﻏﻴﺮ ﺷﻐﻠﻲ ﻭﺑﻌﺪﻳﻦ ﺍﻧﻲ ﻟﺨﺎﻃﺮ ﻣﻨﻮﻭ ﻏﻴﺮ ﺍﻟﺨﺎﻃﺮﺝ ﻭﺍﻟﺨﺎﻃﺮ ﺑﻨﺎﺗﻲ
ﻣﺪﻳﺖ ﺷﻔﺎﻳﻔﻲ ﺑﺰﻋﻞ ... ﻣﺎﺍﺍﺍﺍ
ﺑﺎﺳﻨﻲ ﺑﻘﻮﻭﻭﻩ ﻭﻫﻮ ﻳﻀﺤﻚ .. ﺗﺤﻤﻠﻲ ﺍﺫﺍ ﺗﺴﻮﻳﻦ ﻫﻴﺞ ﻭﺗﺘﺪﻟﻌﻴﻦ ﺍﻛﻠﺞ ﻭﺍﻟﺮﺳﻮﻝ
ﺿﺮﺑﺘﻪ ﺑﺨﻔﻪ ﻋﻠﺊ ﺻﺪﺭﻩ ... ﻣﺎ ﺍﺣﺒﻚ
ﺿﺤﻚ ... ﻟﻴﺶ ﻳﺮﻭﺣﻲ
ﺭﺩﻳﺖ ﺑﺰﻋﻞ ... ﻣﻮ ﺗﺮﻳﺪ ﺗﺴﺎﻓﺮ ﻳﺎﻟﻠﻪ ﺭﻭﺡ ﺳﺎﻓﺮ ﺍﺻﻼ ﺍﻧﺖ ﻣﺒﻴﻦ ﻣﺘﺰﻭﺝ ﻭﻋﻨﺪﻙ ﺟﻬﺎﻝ ﻭﺗﺮﺉ ﻣﺎﻳﻜﻞ ﻣﺎ ﻣﺮﺗﺎﺣﻊ ﺍﻟﻪ ﻳﺠﻮﺯ ﻣﺘﺰﻭﺝ ﺍﺧﺘﻪ
ﺭﺩ ﺑﺘﺬﻣﺮ ... ﻻ ﻋﺎﺩ ﻣﻮ ﺍﺧﺖ ﻣﺎﻳﻜﻞ ﺍﻧﺖ ﺷﺎﻳﻔﻪ ﺧﺸﻤﻪ ﺟﻨﻪ ﺧﺸﻢ ﺷﻔﻴﻖ ﺻﺪﻳﻖ ﺳﺒﻮﻧﺞ ﺑﻮﺏ ...
ﺿﺤﻜﺖ .. ﻳﻌﻨﻲ ﻣﺘﺰﻭﺝ ﻏﻴﺮﻫﺎ
ﺭﺩ .. ﻋﻤﻲ ﻭﺍﻟﻠﻪ ﻣﻤﺘﺰﻭﺝ ﺑﺲ ﺍﻧﺘﻲ ﻭﻣﺎ ﺍﺣﺐ ﻏﻴﺮﺝ ﺻﺪﻙ ﺗﺤﺠﻴﻦ ﺍﻧﺘﻲ ﺍﻧﻲ ﻗﺒﻞ ﻻ ﺍﺳﺎﻓﺮ ﻣﺸﺘﺎﻗﻠﺞ
ﺣﻀﻨﺘﻪ ﺣﻴﻴﻞ ... ﺯﻳﻦ ﺍﺧﺬﻧﻲ ﻭﻳﺎﻙ ؟
ﺳﺤﺐ ﺍﻳﺪﻱ ﻭﺑﺎﺳﻬﺎ ﻛﺎﻝ ... ﻭﺍﻟﻠﻪ ﻟﻮ ﻣﻮ ﺣﺎﻣﻞ ﺟﺎﻥ ﺍﺧﺬﺗﺞ ﺑﺲ ﺍﺧﺎﻑ ﻋﻠﻴﺞ ﻭﺍﺧﺎﻑ ﻋﻠﺊ ﺍﻟﻄﻔﻠﻪ ...
ﺿﻠﻴﺖ ﻣﻄﻨﻜﺮﻩ .. ﺑﺲ ﻣﺎ ﺍﺩﺭﻱ ﻣﺤﺒﻴﺖ ﺭﻭﺣﺘﻚ ﻫﺎﻳﻪ ﺍﻧﻲ ﺗﻌﻮﺩﺕ ﻋﻠﻴﻚ ﻳﻌﻨﻲ ﻣﺜﻼ ﻣﺜﻼ ﺧﻔﺖ ﻭﻳﻦ ﺍﺧﺘﻞ ﺑﺤﻀﻦ ﻣﻨﻮﻭﻭ
ﺿﺤﻚ .... ﻫﻬﻬﻬﻬﻬﻪ ﻻ ﺑﻄﻠﺖ ﻣﺎ ﺍﺳﺎﻓﺮ ﻋﺎﺩ ﻛﻠﺸﻲ ﻭﻻ ﺗﺨﺎﻓﻴﻦ
ﺭﺩﻳﺖ ﺑﻔﺮﺣﻪ ... ﺻﺪﻙ ﻣﺘﺴﺎﻓﺮ
ﺍﺑﺘﺴﻢ ﺑﻬﺪﻭﺀ ... ﻻ ﺍﺳﺎﻓﺮ ﺍﻛﻴﺪ ﺑﺲ ﺑﺎﻟﻲ ﺣﻴﻀﻞ ﻳﻤﺞ
ﺿﺮﺑﺘﻪ ... ﻣﺎ ﺍﺣﺒﻚ
ﺿﺤﻚ ﺑﺼﻮﺕ ﻋﺎﻟﻲ ﻭﺿﻤﻨﻲ ﺍﻟﺼﺪﺭﻩ ... ﻟﺞ ﺍﻣﻮﻭﺕ ﻋﻠﻴﺞ ﻻ ﺗﺤﺒﻴﻨﻲ ﺑﺲ ﺍﻟﻤﻬﻢ ﺍﻧﻲ ﺍﺣﺒﺞ
ﺑﺴﺘﻪ ﺑﺨﺪﻩ ﻋﺒﺎﻟﻚ ﺍﻧﻄﻴﺘﻪ ﺍﻳﻌﺎﺯ ﻣﺎﻝ ﺭﻭﻣﺎﻧﺴﻴﻪ ﺑﺎﺳﻨﻲ ﺣﻴﻴﻴﻞ ﻭﺣﻀﻨﻲ
ﺍﻟﻤﻬﻢ ﻛﻮﻭﻩ ﺍﻗﺘﻨﻌﺖ ﺑﺲ ﻃﻠﺒﺖ ﻣﻨﻪ ﻳﺎﺧﺬﻧﻲ ﺍﻟﻤﻴﺲ ﻻﻥ ﻣﺸﺎﻳﻔﺘﻪ ﺑﺲ ﻣﻦ ﺟﺎﺑﺖ ﺭﺣﺖ ﺍﻧﻲ ﻭﻣﺎﻣﺎ ﻭﻣﺸﺘﺎﻗﻪ ﺍﻟﻬﺎ ....
ﻭﻫﻮ ﻣﻘﺼﺮ ﺑﺪﻟﺖ ﻭﺍﺧﺬﺕ ﺑﺲ ﺯﻳﻨﺐ ﻻﻥ ﺯﻫﺮﺍﺀ ﺿﻠﺖ ﻳﻢ ﻋﻤﻪ ﻭﺭﺣﻨﻪ ....
ﻟﻜﻴﺖ ﻣﻴﺲ ﺩﺍﻳﺨﻪ ﺑﺎﺑﻮ ﺍﺫﺍﻧﺎﺕ ﻭﻣﺤﺘﺎﺭﻩ ﺑﻲ ﻭﻋﻤﺘﻬﺎ ﻋﺒﺎﻟﻚ ﻧﺎﺯﻝ ﻋﻠﻴﻬﺎ ﻣﻦ ﺍﻟﺴﻤﻪ ﻭﻛﻞ ﺷﻮﻳﻪ ﻭﻛﺎﻟﺖ ﻳﻤﻪ ﺑﺮﺩ ﻳﻤﻪ ﺻﺨﻦ
ﻫﻮ ﻳﺸﺒﻪ ﻣﻴﺲ ﺍﺫﺍﻧﺎﺗﻪ ﺟﻨﻬﻦ ﺍﺫﺍﻧﺎﺕ ﺳﺘﻤﻮﻧﻲ ﺍﻟﻤﺼﺮﻱ
ﺿﺤﻜﺖ ﻛﺘﻠﻬﺎ ... ﻣﻨﻮ ﺳﺘﻤﻮﻧﻲ
ﻛﺎﻟﺖ ... ﻫﺬﺍ ﺍﻋﻼﻥ ﺟﺎﻥ ﻳﻄﻠﻊ ﻭﻟﺪ ﻣﺼﺮﻱ ﻋﻨﺪﻩ ﺍﺫﺍﻧﺎﺕ ﺍﺳﻤﻪ ﺳﺘﻤﻮﻧﻲ ...
ﺿﻠﻴﺖ ﻛﺎﻋﺪﻩ ﻳﻤﻬﺎ ﺳﻮﻟﻔﺖ ﺍﻟﻲ ﻋﻠﺊ ﺧﻴﺎﻧﺔ ﻣﺴﻠﻢ ﺍﻟﻬﺎ ﺗﺤﺠﻲ ﻭﻣﻴﺘﻪ ﺿﺤﻚ ﺍﻧﻲ ﺍﻭﻝ ﻣﺮﻩ ﺍﺷﻮﻑ ﻭﺣﺪﻩ ﻣﺘﻌﺮﺿﻪ ﺍﻟﺨﻴﺎﻧﻪ ﺗﻀﺤﻚ ... ﻣﺪﺭﻱ ﺷﻨﻮ ﻣﻦ ﻣﻠﻪ
ﻫﻲ ﻭﺯﻭﺟﻬﺎ ﺷﺎﻓﻄﻴﻴﻦ ...
ﺑﻌﺪﻳﻦ ﻛﺎﻟﺖ ﻫﺬﺍ ﻣﻘﻠﺐ ﻣﺴﻮﻱ ﻋﺎﻣﺮ ﻭﺣﺒﻴﺒﺘﻪ ﺣﺘﺊ ﻳﺨﻠﻮﻧﻲ ﺍﻛﺮﻩ ﺳﻤﺴﻤﺘﻲ ﺑﺲ ﺍﻧﻲ ﺗﺮﺑﻴﺘﻪ ﻟﺬﻟﻚ ﺗﻐﺪﻳﺖ ﺑﻴﻬﻢ ﻗﺒﻞ ﻻ ﻳﺘﻌﺸﻮﻥ ﺑﻴﻪ
ﺿﺤﻜﺖ ﻋﻠﻴﻬﺎ ﻭﺭﺣﺖ ...
ﻟﻠﺒﻴﺖ ﻭﺍﺧﺬﺕ ﺍﻟﺒﻨﺎﺕ ﻭﻓﻌﻼ ﺿﻠﻴﻨﻪ ﻳﻮﻣﻴﻦ ﻭﺍﺑﺎﺫﺭ ﺣﻈﺮ ﺍﻏﺮﺍﺽ ﺍﻟﺴﻔﺮ ﻭﺍﻧﻲ ﺍﺣﺲ ﺭﻭﺣﻲ ﻃﻠﻌﺖ ﻭﻳﺎﻩ
ﻛﺘﻠﻪ ... ﻣﻮ ﺗﺘﺄﺧﺮ
ﺭﺩ ﻋﻠﻴﻪ ﺑﺤﺐ ... ﻻ ﺷﻬﺮ ﻭﺍﺭﺟﻊ
ﺯﻋﻠﺖ .. ﺍﻱ ﻋﻮﺩ ﻃﻮﻝ ﺍﻛﺜﺮ ﻣﻦ ﻫﻴﺞ ﻭﺧﻠﻲ ﺍﺟﻴﺐ ﻭﺍﻧﺖ ﻣﻮ ﻫﻨﺎ ﺣﺘﺊ ﻭﺍﻟﻠﻪ ﺍﺯﻋﻞ ﻭﺑﻌﺪ ﻟﻠﻤﻮﺕ ﻣﺎ ﺍﺣﺠﻲ ﻭﻳﺎﻙ ﻣﻔﻬﻮﻡ
ﺿﺤﻚ ﻭﺣﻂ ﺍﻳﺪﻩ ﻋﻠﺊ ﺑﻄﻨﻲ ﻛﺎﻝ .. ﺍﻓﺎﺍﺍ ﺷﻠﻮﻥ ﺗﺤﻴﺒﻴﻦ ﻭﺍﻧﻲ ﻣﻮ ﻳﻤﺞ ﻭﺑﻌﺪﻳﻦ ﻫﻢ ﻣﺤﻤﺪ ﺍﺧﻮﻭﻳﻪ ﺭﺍﺡ ﻳﻄﻠﻊ ﺍﻥ ﺷﺎﺀ ﺍﻟﻠﺔ ﻗﺮﻳﺒﺎ ﻟﺬﻟﻚ ﻻﺯﻡ ﺍﺟﻲ ﻋﻦ ﻗﺮﻳﺐ ...
ﻫﺰﻳﺖ ﺭﺍﺳﻲ ﺑﺄﻱ ﺭﺟﻊ ﺑﺎﺳﻨﻲ ﺑﺨﺪﻱ ﻭﺑﺨﺸﻤﻲ ﻭﺷﻔﺎﻳﻔﻲ ﻭﻋﻴﻮﻧﻲ ﻭﻣﺤﺘﺎﺭ ﺣﺘﺊ ﺑﺎﺱ ﺑﻄﻨﻲ ...
ﺑﻌﺪﻫﺎ ﺑﺎﺱ ﺍﻟﺒﻨﺎﺕ ﻭ ﺭﺍﺡ ﺳﻠﻢ ﻋﻠﺊ ﻋﻤﺘﻲ ﻭﺭﺍﺡ ﻟﻠﻤﻄﺎﺭ
ﻭﺍﻧﻲ ﻣﺪﺭﻱ ﺷﺒﻴﻪ ﺍﺣﺲ ﺭﻭﺣﻲ ﻃﻠﻌﺖ ﻭﺭﺍﺣﺖ ﻭﻳﺎﻩ ﺣﺘﺊ ﺍﻟﻨﻮﻡ ﺟﺎﻓﻨﻲ ﻓﺘﺤﺖ ﻣﻮﺑﺎﻳﻠﻲ ﻭﺿﻠﻴﺖ ﺻﺎﻓﻨﻪ ﻋﻠﺊ ﺻﻮﺭﺗﻪ ﻭﻛﺎﺗﻤﻪ ﻋﺒﺮﺗﻲ ..
ﺩﺯﻳﺖ ﺍﻟﻪ ﺭﺳﺎﻟﻪ ﻛﺘﺒﺖ ... ﺍﺭﺟﻊ ﻣﺎ ﺍﻛﺪﺭ ﺃﺗﺤﻤﻞ ...
.................................
ﺩﻋﺎﺀ ...
ﺍﺟﻪ ﺑﺎﺑﺎ ﻛﻌﺪ ﻳﻤﻲ ﻛﺎﻝ ... ﻫﺎﺍﺍ ﺑﺎﺑﺎ ﺍﺣﺠﻲ ﺷﻨﻮ ﺍﻟﻲ ﺻﺎﺭ ﻭﻳﺎﺝ
ﺟﺮﻳﺖ ﻧﻔﺲ ﻛﺘﻠﻪ ... ﺑﺎﺑﺎ ﺍﻧﻲ ﻭﻣﻌﺘﺼﻢ ﻃﺮﻳﻘﻨﻪ ﻣﺴﺪﻭﺩ ﺗﻔﻜﻴﺮﻱ ﻏﻴﺮ ﻋﻦ ﺗﻔﻜﻴﺮﻩ ﻭﺍﺻﻼ ﻫﻮ ﻣﻴﺘﻔﺎﻫﻢ
ﻛﺎﻝ .. ﺑﺎﺑﺎ ﺍﻟﺮﺟﺎﻝ ﻣﻦ ﻳﺘﻌﺼﺐ ﻳﺘﻬﻮﺭ ﺑﺲ ﻣﻦ ﻳﻬﺪﺀ ﻳﺤﺲ ﺑﻐﻠﻄﻪ ﻭﺍﻥ ﺷﺎﺀ ﺍﻟﻠﺔ ﺧﻴﺮ
ﺭﺩﻳﺖ ﻋﻠﻴﻪ ... ﺍﻱ ﺑﺎﺑﺎ ﺑﺲ ﺍﻧﻲ ﺍﺻﻼ ﻣﺎ ﺍﺭﻳﺪﻩ ﻳﻌﻨﻲ ﻣﺠﺎﻱ ﺍﻃﻴﻘﻪ ...
ﺑﺎﺑﺎ ﺟﺮ ﻧﻔﺲ ﻛﺎﻝ ... ﺑﺮﺍﺣﺘﺞ ﺑﺎﺑﺎ ﺍﻧﻲ ﻣﺎ ﺍﺣﺒﺮﺝ ﻋﻠﺊ ﺷﺊ ﺑﺲ ﺑﺎﺑﺎ ﺍﻧﻲ ﺍﻛﺜﺮ ﻭﺍﺣﺪ ﺍﻓﻜﺮ ﺑﻤﺼﻠﺤﺘﺞ ﻓﻼ ﺗﺘﻬﻮﺭﻳﻦ ﺑﻘﺮﺍﺭﺍﺗﺞ ﺑﻌﺪ ﺍﺑﻮﺝ
ﻫﺰﻳﺖ ﺭﺍﺳﻲ ﺑﺄﻱ
ﺑﺎﺑﺎ ﺧﻠﻪ ﻭﺭﺍﺡ ... ﻭﺗﺎﻟﻲ ﺍﻧﻲ ﺑﺎﻭﻋﺖ ﻟﻤﺎﻣﺎ ﻛﺘﻠﻬﺎ .. ﻭﺍﻧﻲ ﻏﻠﻄﺔ ﺣﻴﺎﺗﻪ ﺷﻔﺘﻲ ﺷﻜﺪ ﻫﻮ ﻣﻤﺘﺤﻤﻞ ﻭﺟﻮﺩﻱ ﺍﻧﻲ ﻣﺎ ﺍﺭﻳﺪﻩ ﻣﺎﻣﺎ ﺧﻠﻲ ﻳﻄﻠﻜﻨﻲ ﺍﺣﺴﻦ ﻭﺍﺭﻳﺪ ﺍﻧﻲ ﺍﻃﻠﺐ ﺍﻟﻄﻼﻙ ﻣﻮ ﻫﻮ ....
ﻣﺎﻣﺎ ﺟﺮﺕ ﻧﻔﺲ ﻛﺎﻟﺖ ... ﺍﻟﻠﻪ ﻳﺴﺎﻣﺤﻪ ﻣﺎ ﺍﻛﺪﺭ ﺍﻛﻮﻝ ﻏﻴﺮ ﻫﺬﺍ ﺍﻟﺶﺀ ﻫﺎﻱ ﺍﻧﺘﻲ ﺩﻋﺎﺀ ﺍﻟﻲ ﻣﻀﻞ ﻭﺍﺣﺪ ﻣﺨﻄﺒﺞ ﺗﺎﻟﻲ ﻫﺬﺍ ﻳﺪﻟﻞ ﻋﻠﻴﺞبيج قصص عراقيه حقيقيه من واقعنا.روعه الطائي
ﻋﻮﻓﻲ ﻭﻻ ﺗﻬﺘﻤﻴﻴﻦ ﺍﻧﻲ ﺍﻣﺞ ﻋﻠﻤﺘﺞ ﺍﻟﻤﺎﻳﺮﻳﺪﺡ ﻻ ﺗﺮﺩﻳﻨﻪ ﺍﺩﺭﻱ ﻛﺴﺮﺝ ﺑﺲ ﺍﻧﺘﻲ ﻗﻮﻭﻳﻪ ﺍﻧﺘﻲ ﺩﻋﺎﺀ ﺑﻨﺘﻲ ﺍﻟﻲ ﺍﻋﺮﻓﻬﺎ
ﻫﺰﻳﺖ ﺭﺍﺳﻲ ﺑﻘﻬﺮ ﻋﻠﺊ ﺣﺎﻟﻲ ﻓﻌﻼ ﺍﺣﺲ ﺍﻧﻜﺴﺮﺕ ...
ﺍﺗﺼﻞ ﻣﻮﺑﺎﻳﻠﻲ ﺑﺎﻭﻋﺖ ﻋﻠﻲ ﺷﻔﺘﻪ ﻫﻮ ﺍﺗﺼﻞ ﺗﺮﺩﺩﺕ ﺍﻓﺘﺢ ﺧﻂ ﺑﺲ ﺗﺎﻟﻲ ﺗﺸﺠﻌﺖ ﻭﻓﺘﺤﺖ ﺧﻂ ﻛﻠﺖ ... ﺍﻟﻮﻭ
ﻫﻮ ﺭﺩ ﻋﻠﻴﻪ ﺑﺼﻮﺗﻪ ﺍﻟﺠﺎﻣﺪ ﻛﺎﻝ ... ﺍﻟﻮﻭ ﺷﻠﻮﻧﺞ
ﺟﺎﻭﺑﺘﻪ ... ﺗﻤﺎﻡ ﻣﺤﺘﺎﺝ ﺷﻲ
ﻛﺎﻝ ... ﺍﻱ ﻣﺤﺘﺎﺝ ﺷﻨﻮﻭ ﻣﻨﺎﻭﻳﻪ ﺗﺮﺟﻌﻴﻦ ﻣﻮ ﺩﺯﻳﺖ ﺍﻣﻲ ﻭﺍﻡ ﻫﺸﺎﻡ ﻋﻠﻴﺞ
ﺿﺤﻜﺖ ﺑﺎﺳﺘﻬﺰﺍﺀ ... ﻫﻬﻬﻪ ﻻ ﻭﺍﻟﻠﻪ ﺷﻨﻮ ﻗﺎﺑﻞ ﻣﺸﻜﻠﺘﻲ ﻭﻳﺎﻫﻢ ﺍﻧﻲ ﻣﺸﻜﻠﺘﻲ ﻭﻳﺎﻙ ﻭﺍﺻﻼ ﺍﻧﻲ ﺑﻌﺪ ﻣﺎ ﺍﺭﻳﺪ ﺍﻋﻴﺶ ﻭﻳﺎﻙ
ﻛﺎﻝ .. ﻳﻌﻨﻲ ﺷﻨﻮﻭﻭ ؟ﻣﺎ ﻓﻬﻤﺖ ﻗﺼﺪﺝ
ﺭﺩﻳﺖ ﺑﺠﻤﻮﺩ ... ﻗﺼﺪﻱ ﻭﺍﺿﺢ ﻛﻮﻭﻟﺶ ﺯﻳﻦ ﺍﺣﺘﻤﺎﻝ ﺍﻧﺖ ﺗﺘﺸﺮﺩ ﺍﻧﻲ ﻭﺍﻧﺖ ﻋﻴﺸﺘﻨﻪ ﺻﻌﺒﻪ ﺍﺻﻼ ﻣﺪﺍ ﺍﺣﺲ ﺑﺄﻱ ﺷﻐﻒ ﻭﻳﺎﻙ ﺣﻴﺎﺗﻲ ﻣﻤﻠﻪ ﻭﻳﺎﻙ
ﺭﺩ ﺑﺰﻋﻞ ... ﻳﻌﻨﻲ ﺷﺘﺮﺩﻳﻦ ﻣﺜﻼ ﺍﺟﻴﺒﻠﺞ ﻓﺮﻗﻪ ﻭﺍﺧﻠﻴﻬﻢ ﻳﺪﻛﻮﻟﺞ ﻭﻭﺑﻐﻨﻮﻥ ﺍﻟﺞ
ﺟﺮﻳﺖ ﻧﻔﺲ ... ﺷﻮﻭﻑ ﺷﻜﺪ ﺍﻧﺖ ﻣﻬﻤﻞ ﻋﻠﺊ ﺍﻟﻌﻤﻮﺩ ﻫﺴﻪ ﻣﺼﺎﺭ ﺷﺊ ﺍﻧﺖ ﺑﻄﺮﻳﻖ ﻭﺍﻧﻲ ﺑﻄﺮﻳﻖ
ﻛﺎﻝ .... ﻻ ﺑﺎﻟﻘﺮﺍﻥ ﺍﻧﺘﻲ ﻛﺎﺭﻫﺘﻨﻲ
ﺭﺩﻳﺖ ﻋﻠﻴﻪ ﺑﺒﺮﻭﺩ ... ﻓﻌﻼ
ﺭﺩ ﺑﻌﺼﺒﻴﺔ .... ﻭﻫﺴﻪ ﺷﺘﺮﺩﻳﻦ
ﺟﺎﻭﺑﺘﻪ ﺑﺤﺰﻡ ... ﺍﺭﻳﺪﻙ ﺗﻄﻠﻜﻨﻲ
ﺳﻜﺖ ﻣﺠﺎﻭﺏ
ﺿﺤﻜﺖ ... ﻟﻬﻞ ﺩﺭﺟﻪ ﺻﻌﺒﻪ ﻣﺘﻜﺪﺭ ﺗﻨﻄﻘﻬﺎ ﺑﺲ ﻣﻦ ﺗﻜﺴﺮ ﺧﺎﻃﺮﻱ ﻭ ﺩﻛﻮﻝ ﻏﻠﻄﺔ ﺣﻴﺎﺗﻚ ﻋﺎﺩﻱ ﻋﻠﺊ ﺍﻟﻌﻤﻮﻡ ﻛﺘﻠﻚ ﻃﺮﻳﻘﻲ ﻭﻳﺎﻙ ﻣﺴﺪﻭﺩ ﻭﻳﺎﺭﻳﺖ ﺗﺼﻴﺮ ﺭﺟﺎﻝ ﻭﺗﻄﻠﻜﻨﻲ
ﻫﻮ ﺗﺨﺒﻞ ﻛﺎﻝ ... ﺭﺟﺎﺍﺍﻝ ﻭﻏﺼﺒﺎ ﻣﺎ ﻋﻠﻴﺞ
ﺿﺤﻜﺖ ... ﻟﻌﺪ ﻃﻠﻜﻨﻲ
ﻫﻮ ﺭﺩ ﺑﻌﺪ ﻣﺎ ﺟﺮ ﺗﻔﺲ ﻭﺃﺧﺬ ﺍﻟﻘﺮﺍﺭ ﺍﻟﺤﺎﺳﻢ ... ﺍﻧﺘﻲ ﻃﺎﺍﺍﻟﻖ
ﻓﺘﺤﺖ ﻋﻴﻮﻧﻲ ﻣﺮﻋﻮﻭﺑﻪ ﺣﺎﻭﻟﺖ ﺍﺿﺒﻂ ﺍﻧﻔﺎﺳﻲ ﻛﺘﻠﻪ ... ﺍﻭﻙ ﺷﻜﺮﺍ
ﻗﻔﻠﺖ ﺍﻟﺨﻂ ﻭﺍﻧﻲ ﺍﺣﺲ ﻧﺎﺍﺍﺭ ﺟﻨﻬﻢ ﻛﻠﻬﺎ ﺻﻌﺪﺕ ﺍﻟﺼﺪﺭﻱ ﺩﻣﻮﻋﻲ ﻧﺰﻟﺖ ﻻ ﺍﺭﺍﺩﻱ ...
ﻋﻀﻴﺖ ﻋﻠﺊ ﺷﻔﺎﻳﻔﻲ ﺣﻴﻴﻞ ﺷﻜﺪ ﻧﺎﻛﺮ ﻟﻠﻌﺸﺮﺥ ﻫﻨﺖ ﻋﻠﻴﻪ ﻭﻻ ﻳﺘﺬﻛﺮ ﺍﻟﻲ ﻣﻮﻗﻒ ...
ﻣﺸﻴﺖ ﺧﻄﻮﻭﺗﻴﻦ ﻭﺍﻧﻲ ﺍﺣﺲ ﺭﺍﺳﻲ ﺍﻓﺘﺮ ﻭﺑﻌﺪﻫﺎ ﻭﻛﻌﺖ ﻣﺎ ﺍﺩﺭﻱ ﺑﺮﻭﺣﻲ
ﻧﻬﺎﻳﺔ ﺍﻟﺒﺎﺭﺕ .. ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ 💔...
ﻧﻮﺭ ﺳﻤﻮ ﺍﻟﻌﺮﺍﻕ 😘
ﻏﻠﺴﻮ ﻋﻠﺊ ﺍﻟﺴﺤﻜﺎﺕ .. ﺩﺍ ﺍﻛﺘﺐ ﺑﺴﺮﻋﻪ ﻭﻗﺘﻲ ﺿﻴﻖ 😭
