{الحب الاعمى} الجزء الاول منقولة

{الحب الاعمى}

حياة حياه وااااااو عليا حياة ردي عليا
ردي ياخيتي ماتسيبينيش
يابااااتي ياباااااتي

باتي : عدي كلمي عيسي بسرعه
وعدت فاطمه تجري ركبت للعيسي وقعدت اتخبط ع باب الشقه

عيسي : كنك
فاطمه :حياة ياعيسي مش عارف كنها بسرعه
ونزل عيسي وفاطمه يجارو ورفعني عيسي وحطني في سياره وشالني
وصلنا المستشفي خش بيا عيسي يجري قبلوه ممرضين حطوني في بريالا وخشو يجارو بيا

فاطمه: ياااارب طمنا عليها يارب خليها ليا وماتحرمنيش منها

عيسي : خلاص اس ان شاء الله مافيها شي
باتي : ها شن صار
عيسي: مازال ماحد طلعلنا

وقعدو قريب نص ساعه وهما يراجو وطلع عليهم الدكتور

الدكتور: يحكي وهو راقيلا وين هلها
باتي : انا باتها
الدكتور: معقوله مريضه عندها سوء تغذيه وين هذا كلا قريب ماتت توا هيا حالتها كويسه وركبتلها تغذيه ومحتاجا عشر اشيش تغذيه يعني اليوم حتكون تحت المراقبه بكره تقدر تطلع

باتي : باهي بارك الله فيك يادكتور نقدرو انشوفوها
الدكتور: اها تفضلو توا بس هي دايخا اشويه مش مصحصحا مازالت

عيسي: شكراً يادكتور
دكتور: شكر لله هذا واجبي

وخشو فاطمه وباتي وعيسي عليا لقوني راقدا ومركبيلي تغذيه وجهي منصفر بكل

عيسي : ياباتي انت روح وانا نمشي انجيبلها حاجات ونجيب للفاطمه دبش بيش اتبات امعاها مافينا ماقعد كلنا ممنوع اصلا

باتي : به ع اقل خليني نقعد لعند ماتنوض ونطمن عليها
عيسي: خلاص انا ماشي شن انجيبلك يافاطمه
فاطمه: تو انرن ع هدي ونقوللها اتوتيهن ليا
عيسي: باهي اوكي

عدا عيسي واتصلت فاطمه بهدي وقالتلها اتوتيلها دبش ليا ولها

وعيت ودوبني نفتح في عيوني انحس في روحي تعبانه بكل

فاطمه : وعيتي فجعتيني عليك
باتي: حياه حمد الله ع سلامتك خوفتينا عليك ليش هكي ليش ماتكليش شفتي شن صارلك

انا: بضحكه صفرا ماتخفش عليا مش حيصيرلي شي
باتي: لاحول ولاقوة الا بالله كيف مانخفش عليك انتي بنتي من لحمي ودمي حتي كان هزبتك ولاقسيت عليك هذا كلا من خوفي عليك بس

انا: مش زعلانه منك
فاطمه: خلاص ياباتي انت تو عدي ليل والبنات وحدهن قعدات بروحهن اطمنت عليها حياة كويسه تو خلاص

باتي: باهي تو نمشي وردي بالك منها يافطوما
فاطمه: ماعليك فيها
انا وفاطمه: مع سلامه

وطلع باتي وقعدت انا فاطمه وقلت لفاطمه اتقعمزني

~~~~~~~~~~~~

عيسي : هيا ياخرا انتي
هدي: هيا هيا اني جيت هاك ها
عيسي: هيتي وانتن مايجي منكن غير الهم
وطلع عيسي