{الحب الاعمى} الجزء الاول منقولة
جدول المحتويات

    أنت تقرأ

    {الحب الاعمى} الجزء الاول منقولة

    Mystery / Thriller

    قصة ليبية تتكلم عن الحب الوفاء الصداقة الاخوة الخيانة الكذب قصة طويلة جميلة مأخودة من أحدات حقيقة لم تكتب عبثا او لتسلية فقط بل كتبتها الكاتبة بكل احساس ومن واقعنا فالنقراها ونتمعن في أحداثها ونأخد ماه رائع وجميل منها وأنا أنقلها كما كتبتها الكاتب...

    #😍خ

    { الحب الأعمي } باقي الحلقه 32

    3.6K 24 1 
                                        
    
                                              
    وقعدت رحمة اتفكلي في الحنه 
    بسرعه 
    انا: هذينا ميتات ولا رقدات 
    رحمه: ههههه مش عارف شكلهن ميتات 
    انا: باهي تو نغسلها ولا كيف يصير 
    رحمه: تغسلي عينك انجيبلك شخشير البسي في كرعيك 
    انا: باهي وايديا 
    رحمه: ساهل ايديك قونتيات تلبسي 
    انا: عنجد نطلع ليوسف هكي بقونتيات تو يحقها ويعرف اني حنيت 
    رحمه: اصلا هكي هكي حيشوفها وريها له وخلاص في ايديك 
    انا: نبيها مفجأه بكره لعد نلبس قبل 
    رحمه: غير توا هيا نجيبلك البسي شخشير ونجيك 
    
                          
    وعدت رحمة جبتلي شخشير وجت تجري 
    لبستا ليا وصبيت 
    خشيت للحمام غسلت ايديا وكانت الحنه لونها حلو جايا دمي 
    برمت ع روحي ع سريع وطلعت من حمام نجري 
    رحمه: شن غسلتي ايديك 
    انا: اها حقي 
    رحمه: الله اكبر اتجنن بكل بكل ياحيوتا عليك نجك 
    انا: سلمك بس تو نبيش انوريه ايديا 
    حال الغايه 
    رحمه: قوانتيات حطي وخلاص 
    انا: عنديش مشكله 
    رحمه: باهي عندك قارزا 
    انا: عندي اها 
    وعديت للصيدليه الي في حمام جبت منها قارزا
    انا: اهي 
    رحمة: وحده شن بنندير بيها في وحده تاني 
    انا: اصبري جبتها لها جيت 
    رحمه: خلاص مدي ايديك 
    انا: ها 
    وقعدت رحمت اتلفلي في ايديا بقارزا
    انا: حي ياحي تو يقولي كنهن ايديك شن انقولا ان شاءالله واخره ايديا الاثنين ياريتها غير وحده 
    رحمه: عادي قوليلا نمسك في براد حرقتهن هنا الاثنين 
    انا: عليك كذبه بينا 
    رحمه: حيوتا غير لما اتشوفيه اكذبي اي كذبه تو خلينا انوتوك للمجنون الي جايا 
    انا: زعمك وصل 
    رحمه: لا مازال سيدي خليفه بعيده من هنا يأخذلا وقت 
    انا: باهي بسرعه هيا 
    رحمه: هيا كملت 
    شن تلبسي 
    انا: مش عارف حي عليا كني اتقول اول مره انشوفا انحس فيه 
    هههههه 
    رحمه: اتقول صاحبك مش راجلك راه راجلك والله بس يانا عليا ان شاء الله ايجيني واحد كيف يوسف ورومانسيتا 😍
    انا: ان شاء الله ياحنه بس تو زعمك شن نلبس 
    رحمه: البسي حاجه تنسلح دغري 😂😂
    انا: خهههههه كلا انتي حيوانه تو في حالي غير سلح 
    رحمه: والله البسي حاجه فيها جو هكي 
    انا: اوكي ياأم الجو انتي 
    عارف تو نلبس استرتش الاحمر هذا وفي كت احمر هذا وعلية تيشرت بيضا 
    كتفها طايح 
    شن رايك 
    رحمه: حللووو بكل لبسا البسيها 
    
                          
    انا: لفي وجهك ياحنه بنلبس 
    ولفت رحمة وجها وانا لبست 
    وكملت لبس 
    انا: تعالي تراه بخيلي عطر ايديا نقدرش نستعملهن من قارزات اي لفيتيهن ليا 
    
                          
    وقربت رحمة مني اتبخلي في عطر 
    رحمه: الله في بنا سمحا انشم فيها من بدري شنو ديرا 
    انا لوشن جسم هذا 
    رحمه: سمح بكل ياحيوتا 
    انا: اها غالي عليا ريحتا منعشا 😉
    رحمه: باهي ها تمام هكي لعطر 
    انا: عطيني مستكاا وهيتي روج الاحمر هذا وديريه ليا بسررعه 
    رحمه: هاكي مستكا 
    انا: هيا تعالي ديريلي روج 
    وقدمت رحمه عليا ودرتلي روج لونا احمر ورسمتلي عيني ودرتلي مسكرا 
    
                          
    رحمه: يانا عليا نجك ليا تهبلي طلعتي كل شي يخيل عليك 
    انا: وليا نجك ياعسل انتي 
    شن خلاص مش ناقص شي 
    رحمه: كنك اتحسسي فيا اتقول زفتك اليوم عليش عابيا انتي ولد سيدي اعترفي 
    انا: ههههههههههههه والله مانا عابين ع حاجه بس هو مجنون اشويه وانا انساير في جنون امتاعا 
    بس تو كيف ننزل واحلام ورحاب رقدات انخافهن يوعن 
    رحمه:راك نزلا راجلك مش صاحبك ماحد دخلا بيك وبعدين مش حيفطنن ماتخافيش انا انرقبلك هنا قاعدا
    {الحب الاعمى} الجزء الاول منقولةحيث تعيش القصص. اكتشف الآن