{الحب الاعمى} الجزء الاول منقولة

{ الحب الأعمي } الحلقه 24

هيثم: شن صار يامحمد
محمد: ساعه 1 الظهر قالو بيخششوها ايديرولها العمليه
هيثم: باهي تمام
محمد: وانت شنو صار فيك
هيثم: انا خلاص كملت الاوراق واشويه اخره مسقد ان شاء الله غير انشوفو جدتك ونطمنو عليها
محمد: لالا يافالح اربح توا خيرك انت طريق طويله بعد انك تممت مواضيعك توكل وحناي ماتفكرش فيها تو نتصل بيك ونقولك
هيثم: باهي نقعد اشويه ونعدي
محمد: خلاص قوتلك كلمه واحده هيا
ماتنقشنيش هلبا
لم حوايجك وتوكل مازال قدامك طريق طويله
هيثم: باهي تو انعدي وانت اتلز فيا
محمد: والله نتمنا تخليك اهناي جايتك سامطه وجت قصادك مرضت حناي وماحكينش في شي مع اني مستحشك هلبا
هيثم: والله حتي انا بس تو ان شاء الله بعد عرس ولد خويا تو اندير زياره بركاحا
محمد: تم معناها نستناك
هيثم: خلاص انت طمني عليك وع جدتك باهي
محمد:حاظر
هيثم: تبي شي نقصك شي
محمد: لاسلامتك كفيت و وافيت
هيثم: مد ظرف للمحمد في يدا
خوذ هذينا مشي بيهن حالك
محمد: والله مايصير
هيثم: اقسملك بالله تأخذهن ولا والله العظيم انشرطهن اتردهن ليا انا حلفت
محمد: تي ياراجل خيرك ياسر دفعت العمليه وكُل شي اتكفلت بيه
والله انك بايخ ياهيثم
هيثم: مش حاجه كبيره ونحنا اصحاب لبعضنا كان ماصبيت معاك تو امتا بنصبيلك
محمد: بارك الله فيك انردهولك في فرحك ان شاء الله
هيثم: ان شاء الله خلاص انا تو ماشي سلملي ع سيدك وطمني ع جدتك وان شاء الله اتنوضلكم بالسلامه يارب
محمد: امين وانت رد بالك ع روحك وحدا وحدا سوق نعرفك طاير في لسواقا
هيثم: ههههه ان شاء الله
محمد: هيا تو نطلع معاك لبرا

وطلعو هيثم ومحمد وكان هيثم خاطرا ايشوف إكرام قبل مايمشي بس ماشفهش
ودع محمد هيثم وعدا هيثم للفندق وخذا معتصم
وتصلو بهلهم وقالولهم جايين في طريق للبنغازي وطالعو من طرابلس ساعه 11

~~~~~~~~~~~~~~

هناء: والله ياحنه قالو جايين اليوم ساعه 1 الظهر توصل طيارتهم
وماشي بيجيبهم نزار وفيصل
اميره: باهي خلاص معناها انا انعدي انوتي روحي وتو انجيكم غادي
هناء: مش جمعه راه اليوم
اميره: عارفا ياحيوانه مش جمعه اليوم بس بنجي انشوفهم وهما جايين
هناء: مش قتيلي يوسف دارلك محاظره وع اساس صدك
اميره: يوسف زعلان مني بس تو اشويه اشويه انلينا ونخليه يرد كيف ماكان
بس تو لازم نعرف شن جوا هو وبرنسيسا الي عندا
هناء: ههههه باهي خلاص تعالي نحنا كلمتنا اجديده الصبح وقلتها لماما قالتلها بيش اتجي لان عرسان جيين اليوم
اميره: عرسان آها ياكبدي ان شاء الله اتموت ولا ايطلقها هالنحس هذي
هناء:خلاص اسكتي وسكري توا لان بنمشي للرحمه ورحاب راه يسمعني
اميره: باهي خلاص
هناء: اها قتلك
اميره: شنو
هناء: تعالي بمنظر سمح وديري جوك انتي
اميره: ماعليك تو نفتلك روحي
هناء: خلاص باي

~~~~~~~~~~~~~~~

وصلت طيارتنا ونزلنا
وخشينا للمطار  وتلقينا نحنا فيصل ونزار كانو جيينا
سلمنا عليهم وخذو الشناطي
ومشو بينا للسياره